Author: عائشہ ذوالفقار

لاہور میں پی ٹی آئی کے آزادی مارچ کے پیش نظر سڑکوں پر رکاوٹیں کھڑی کردی گئیں۔

باغی ٹی وی : پی ٹی آئی مارچ ، کارکنان کو روکنے کے لیے لاہور میں راوی پل کو کنٹینر لگا کر بند کردیا گیا ہے اور پل پر پولیس کی بھاری نفری بھی تعینات ہے شاہدرہ اور راوی پل پرکنٹینر لگنے کی وجہ سے بس سروس معطل کی گئی اس کے علاوہ جی ٹی روڈ پر دونوں اطراف کی ٹریفک روک دی گئی ہے۔

لال حویلی، پولیس چھاپے کے دوران رکن اسمبلی گرفتاری سے بچنے کیلئے پچھلے گیٹ سے فرار

راوی پل بند ہونے کے باعث شہری موٹر سائیکل کشتی پر رکھ کر راوی پل عبور کرنے پر مجبور ہیں جب کہ صورتحال کو دیکھتے ہوئے کشتی والوں نے ریٹ بڑھا دیے ہیں لاہورمیں شاہدرہ سے گجومتہ چلنے والی میٹرو بس سروس بھی جزوی معطل کر دی گئی-

ذرائع کا کہنا ہے کہ گرفتاری ،نظر بندی سمیت دیگر اقدامات کی حتمی منظوری آج وزارت داخلہ دے گی-

معیشت اورعوام کوبچانےکےلیےریڈلائن لگانے کا وقت آگیا ہے،مریم اورنگزیب

دوسری جانب حکومت نے پاکستان تحریک انصاف کے لانگ مارچ کو روکنے کا فیصلہ کرلیا ہے وزیراعظم شہباز شریف کی زیرصدارت سیاسی کمیٹی کے اجلاس میں فیصلہ کیا گیا کہ پی ٹی آئی کے لانگ مارچ کو روکا جائے گا اور ریاست کی رٹ پر کوئی سمجھوتا نہیں کیا جائےگا جب کہ ہر غیرقانونی کام کا راستہ روکا جائے گا۔

عوام کی حفاظت اور تحفظ یقینی بنایا جائیگا، امن وامان میں خلل ڈالنے والوں کےخلاف کارروائی کی جائے گی، کسی قسم کے تشدد یا اشتعال انگیزی پرقانون حرکت میں آئے گ دھرنے سے متعلق سپریم کورٹ کے فیصلوں پرمن وعن عملدرآمد ہوگا اور مفاد عامہ کیلئے تمام راستے کھلے رکھیں گے۔

واضح رہےکہ تحریک انصاف کے چیئرمین عمران خان نے 25 مئی کو اسلام آباد کی طرف مارچ کا اعلان کیا ہے جس کےبعد پولیس کی جانب سے پی ٹی آئی رہنماؤں کے خلاف کریک ڈاؤن جاری ہے۔

شدید گرمی اور لوڈشیڈنگ کے بعد کاشتکاروں اور دیہی علاقوں میں رہنے والے عوام کے لئے ایک اور بری خبر یہ ہے کہ تربیلا ڈیم ڈیڈ لیول پر پہنچ چکا ہے اور دریائوں میں پانی کا بہاؤ کم ہو گیا ہے-

باغی ٹی وی : تربیلا میں پانی کی آمد 66 ہزار300 کیوسک اوراخراج 65 ہزار500 کیوسک ہے منگلا میں پانی کی آمد 27 ہزار300 کیوسک اوراخراج 34 ہزار100 کیوسک ہے-

ملک کے بیشتر شہروں میں آج موسم کیسا رہے گا؟

چشمہ میں پانی کی آمد 97 ہزار100 کیوسک اوراخراج ایک لاکھ کیوسک ہےدریائےچناب میں پانی کی آمد 23 ہزارکیوسک ہےجبکہ اخراج 13ہزارکیوسک ہے دریائےکابل میں پانی کی آمد 27ہزار100کیوسک اوراخراج بھی 27ہزار100کیوسک ہی ہے-

ترجمان واپڈا کے مطابق منگلا میں آج پانی کا ذخیرہ ایک لاکھ 68 ہزارایکڑ فٹ ہے، چشمہ میں آج پانی کا ذخیرہ 23 ہزارایکڑ فٹ ہے ،تربیلا ،منگلااورچشمہ ریزوائر میں پانی کا مجموعی ذخیرہ ایک لاکھ 91 ہزارایکڑ فٹ ہے-

دوسری جانب ملک کے مختلف علاقوں میں 10 گھنٹے تک کی لوڈشیڈنگ کی جارہی ہے زیادہ نقصانات والے علاقوں میں لوڈشیڈنگ کا دورانیہ زیادہ ہے-

ذرائع پاور ڈویژن کے مطابق ملک میں بجلی کا شارٹ فال 5 ہزار 322 میگاواٹ ہے ،بجلی کی مجموعی پیداوار 20 ہزار 178 میگاواٹ ہے،ملک میں بجلی کی طلب 25 ہزار 500 میگاواٹ ہے، پانی سے 4 ہزار 900 میگاواٹ بجلی پیدا کی جارہی ہے سرکاری تھرمل پلانٹس ایک ہزار62 میگاواٹ بجلی پیدا کررہے ہیں-

ذرائع پاور ڈویژن کے مطابق نجی شعبے کے بجلی گھروں کی مجموعی پیداوار 10 ہزار 164 میگاواٹ ہے،ونڈ پاور پلانٹس ایک ہزار521 میگاواٹ اور سولرپلانٹس سے پیداوار 118 ہے،بگاس سے چلنے والے پلانٹس 142 میگاواٹ بجلی پیدا کررہے ہیں ،جوہری ایندھن 2ہزار 271 میگاواٹ بجلی پیدا کی جارہی ہے،

آپ بیان حلفی نہیں دے سکتے تو پھر عدالت کیسے عمومی آرڈر جاری کردے؟ ہائیکورٹ کا پی ٹی آئی وکیل سے…

لیسکو ترجمان کے مطابق ،لیسکو کی بجلی کی ڈیمانڈ اور سپلائی برابر ہوگئی،شارٹ فال صفر ہے، لیسکو ریجن میں بجلی کی ڈیمانڈ 3900 میگاواٹ ہے،نیشنل گرڈ اسٹیشن سے لیسکو کو3ہزار900 میگاواٹ بجلی کی فراہمی جاری ہے –

لیسکو ترجمان نے دعویٰ کیا کہ لاہور میں لوڈ شیڈنگ نہیں ہو رہی، ہائی لاسز فیڈرز پر 4 سے 5 گھنٹے کی لوڈ شیڈنگ جاری ہے-

یوکرین جنگ سے معاشی طور پر متاثرہ ممالک میں پاکستان بھی شامل

وفاقی وزیراطلاعات مریم اورنگزیب کا کہنا ہے کہ لاہورمیں پولیس اہلکارپرفائرنگ کرکے سُرخ لکیرپار کی گئی ہے-

باغی ٹی وی : وفاقی وزیراطلاعات مریم اورنگزیب نے کہا ہے کہ میڈیا سیاسی سرگرمیوں کی کوریج کرے، میڈیا شرپسندی،تشدد اوردہشت پھیلانے کی سرگرمیوں کی بائیکاٹ کرے،وزیراعظم معیشت اورعوام کی حفاظت کرنے کےارادے کا اظہارکرچکےہیں-

ماڈٌل ٹاؤن میں پی ٹی آئی ایکٹیوسٹ کے گھر چھاپہ،دوران فائرنگ پولیس اہلکار شہید

مریم اورنگزیب نے کہا کہ معیشت اورعوام کوبچانےکےلیےریڈلائن لگانے کا وقت آگیا ہے معیشت کی بحالی اورعوام کے ریلیف کےراستے میں سرخ لکیرکھینچ دی ہے پاکستان کوتباہ کرکےجانےوالوں کومزید تباہی پھیلانے کی اجازت نہیں دی جاسکتی-

انہوں نے کہا کہ معیشت اورعوام کی حفاظت پرکوئی سمجھوتہ نہیں کیا جائے گا معیشت جب بھی ٹیک آف کرنےلگتی ہے،عمران خان راستے کی رکاوٹ بنتےہیں سی پیک آیا،شی جن پنگ نے پاکستان آنے کا اعلان کیا تو دھرنے کا اعلان ہوگیا تھا-

اب يہ وائٹ ہاؤس کے سامنے دھرنا دے گا، مریم نواز

وفاقی وزیرمریم اورنگزیب نےکہا کہ آج معیشت کی بحالی کاآغازکیا ہے کوئی مداخلت برداشت نہیں کی جائے گی ، عوام کوفیصلہ کرنا ہےکہ فسادٹولےکے ساتھ کھڑاہوناہےیا ملک کی تعمیر کےساتھ ،ہراقدام اِن شرپسندوں اورفسادیوں سےعوام کو بچانےکےلیے کیا جارہا ہے-

پی ٹی آئی کارکنان اور قیادت کے گھروں پرچھاپے،عمران خان کا ردعمل

وائس چیئرمین پی ٹی آئی شاہ محمودقریشی کا کہنا ہے کہ پنجاب میں آئینی بحران ہے ،ابھی تک گورنر نہیں ہے-

باغی ٹی وی : وائس چیئرمین پی ٹی آئی شاہ محمودقریشی کا کہنا ہےاطلاعات کے مطابق نوازشریف شہبازشریف سےکہہ چکے مستعفی ہوجائیں،پیپلزپارٹی ایسا نہیں ہونے دے رہی ،وہ شہبازشریف کو دھمکارہی ہے،پیپلزپارٹی دھمکارہی ہے کہ استعفیٰ دیا تو ہم لاتعلق ہوجائیں گے-

شاہ محمودقریشی نے کہا کہ لانگ مار چ میں وکلا ، ڈاکٹرز،انجینئرز ،طلبا اورعلماء سمیت سب شامل ہوچکے ہیں،نواز شریف مریم کی سوچ ہے وہ دن بد ن اپنی ساکھ کھو رہے ہیں وہ سمجھتےہیں ان کا بیانیہ عوام میں ناکام ہورہاہے، پنجاب میں آئینی بحران ہے ،ابھی تک گورنر نہیں ہے-

انہوں نے کہا کہ پنجاب کی بیوروکریسی ان کے غیر قانونی احکامات مان رہی ہے ،پی ڈی ایم میں دراڑ ہےحمزہ شہبازپنجاب میں افسران کی تقرریاں اور تبادلے کررہےہیں،حکومت بوکھلاہٹ کا شکارہے ،سمجھ نہیں آرہی کہ کیا کرے-

پی ٹی آئی کارکنان اور قیادت کے گھروں پرچھاپے،عمران خان کا ردعمل

وائس چیئرمین پی ٹی آئی شاہ محمودقریشی نے کہا کہ ہماری تحریک قومی موومنٹ کا روپ دھار چکی ہے پرامن احتجاج اور مارچ ہمارا قانونی اور آئینی حق ہے،بیرونی عناصر پاکستان کو غیر مستحکم کرنا چاہتےہیں-

ماڈٌل ٹاؤن میں پی ٹی آئی ایکٹیوسٹ کے گھر چھاپہ،دوران فائرنگ پولیس اہلکار شہید

کراچی ملتان،بہاولپور ،جھنگ اور لاہور میں پولیس نے پاکستان تحریک انصاف کے اراکین اسمبلی کے گھروں پر چھاپے مارے ہیں۔

باغی ٹی وی : علی زیدی کے ترجمان کا کہنا ہےکہ کراچی کے علاقے ڈیفنس فیز 8 میں رکن سندھ اسمبلی شہزاد قریشی کے گھر پر چھاپہ مارا گیا سادہ لباس اہلکاروں نے شہزاد قریشی کے گھر پر چھاپہ مارا تاہم شہزاد قریشی گھر پر موجود نہیں تھے۔

دوسری جانب پی ٹی آئی کے رکن سندھ اسمبلی شاہنواز جدون کے گھر پر چھاپہ مارا گیا ہے پولیس چھاپے کے وقت شاہنواز جدون گھر پر نہیں تھے، پولیس شاہنواز جدون کے بھائی کو ساتھ لے گئی اور پوچھ گچھ کے بعد چھوڑ دیا۔

اس کےعلاوہ پولیس نے سہراب گوٹھ میں پی ٹی آئی رکن قومی اسمبلی سیف الرحمان کے گھر چھاپہ مارا راجہ اظہر کے مطابق پولیس نے چادر اور چاردیواری کے تقدس کو پامال کیا کو گرفتار کرلیا سیف الرحمان کو پولیس نے حراست میں لے لیا اور نامعلوم مقام پر لےگئے-

پی ٹی آئی کراچی کے صدر اور رکن سندھ اسمبلی بلال غفار کے گھر پولیس نے چھاپہ مارا ،ترجمان پی ٹی آئی سندھ کے مطابق پولیس اہلکاروں کی گھر میں داخل ہونے کی کوشش کی ، چھاپے کے وقت بلال غفار گھر پر موجود نہیں تھے-

علاوہ ازیں ترجمان پی ٹی آئی سندھ نے بتایا کہ ایم این اے عطا اللہ خان کو بھی گرفتار کر لیا گیا ہے-

جھنگ میں بھی ضلع بھر میں پی ٹی آئی ورکرز کے خلاف پولیس نے کریک ڈاون ڈاؤن کیا پی ٹی آئی ذرائع کے مطابق پولیس نے ضلع بھر سے 25 پی ٹی آئی ورکرز کو گرفتار کر لیا،

اسلام آباد پولیس نے پی ٹی آئی کے سینئر رہنما بابر اعوان کے گھر پر چھا پہ مارا پی ٹی آئی ذرائع کےمطابق پولیس نے ملازمین کو ہراساں کیا، بابر اعوان کی موجودگی کے بارے پوچھتی رہی :بابر اعوان کو آج اسلام آباد ہائیکورٹ میں لارجر بنچ کے سامنے پیش ہونا ہے-

پی ٹی آئی رہنما راجہ بشارت نے کہا کہ میری رہائش گاہ پر چھاپہ مارا گیا،ملازمین کو ہراساں کیا گیا،میں گھر پر نہیں تھا،پولیس دوبارہ آنے کی دھمکی دے کر گئی ہے،کسی بھی شہری کے گھر پر رات گئے چھاپہ مارنا انتہائی گھٹیا حرکت ہے،اس طرح کے ہتھکنڈے آزادی مارچ کو نہیں روک سکتے-

علاوہ ازیں لاہور میں پی ٹی آئی یوتھ کے رہنما حافظ تنویر کے گھر پر بھی چھاپہ مارا پی ٹی آئی ذرائع کا کہنا ہےکہ چھاپے کے وقت حافظ تنویر انصاری گھر پر نہیں تھے جس کے باعث پولیس واپس چلی گئی۔

ملتان میں پولیس کا کریک ڈاؤن ، ،رات بھر عہدیداران اور کارکنوں کے گھر چھاپے مارے گئے پی ٹی آئی کے 70 سے زائد کارکنان کو گرفتار کر لیا گیا –

ملتان میں ایم پی اے بیرسٹر وسیم خان بادوذئی اور پی ٹی آئی رہنما قربان فاطمہ کے گھروں پر پولیس نے چھاپے مارے،چھاپے کے وقتگھر پر وسیم خان بادوزئی موجود نہ تھے قربان فاطمہ کو گرفتار کر لیا گیا –

قربان فاطمہ کے اہلخانہ کا کہنا تھا کہ پولیس دیواریں پھلانگ کر گھر میں داخل ہوئی-

پی ٹی آئی ذرائع کے مطابق پی پی 211 حلقہ سے 25 کارکنوں کو گرفتار کیا گیا،یوتھ ونگ رہنما راؤ یاسر کی گرفتاری کے لیے رات گئے چھاپہ مارا-

ملتان پولیس ذرائع کے مطابق کارکنوں اور رہنماؤں کی گرفتاری کے لیے فہرستیں تیار کی گئیں ہیں-

بہاولپور میں پی ٹی آئی آزادی مارچ، رہنماؤں اور ورکرز کے گھروں پر چھاپے مارے گئے پی ٹی آئی ذرائع کے مطابق ایم پی اے سمیع اللہ چودھری کے گھر پر رات گئے پولیس نے چھاپہ مارا ،سمیع اللہ چودھری نے کہا کہ ن لیگ کے اوچھے ہتھکنڈوں سے آزادی مارچ نہیں رک سکتا-

گجرات،پی ٹی آئی کی مقامی قیادت اور کارکنوں کی گرفتاری کے لئے 145 افراد کی فہرست تیار کر لی گئی جی ٹی روڈ کو بند کرنے کے لیے ہر تھانے کو 5 کنٹینرز پکڑنے کا ہدف دیا گیا-

پی ٹی آئی کے ضلعی صدر ایم پی اے چودھری سلیم سرور جوڑا کے مطابق ان کے گھر پولیس نے چھاپہ مارا 50 کے قریب کارکنوں کو گرفتار کیا گیا-