Author: عائشہ ذوالفقار

شہباز شریف نے وزیراعظم ہاؤس میں دوڑیں لگوا دیں،ملازمین کی موجیں ختم

وزیراعظم شہباز شریف کا آفس سنبھالتے ہی عوام کے ریلیف کے اعلانات پر عمل کا آغاز ہو گیا

شہباز شریف نے گزشتہ روز کیے گئے اعلانات پر عملدرآمد کے احکامات جاری کر دئیے رمضان المبارک کے دوران سستے بازاروں میں معیاری اور کم دام پر اشیا کی فراہمی یقینی بنانے کا حکم دے دیا وزیراعظم نے رمضان بازاروں کی سخت مانیٹرنگ یقینی بنانے کی ہدایت کر دی،اور کہا کہ عوام کو سستی اشیا کی فراہمی میں غفلت برداشت نہیں کروں گا، پینشن میں اضافے، کم از اکم اجرت 25 ہزار کرنے کے اعلانات پر فی الفور عمل کاحکم جاری کر دیا،

شہباز شریف کی وزیراعظم آفس کے افسران اور عملے سے ملاقات ہوئی ہے،شہباز شریف کا اس دوران کہنا تھا کہ کمر کس لیں، عوام کی خدمت کے لیے آئے ہیں، ایک لمحہ مزید ضائع نہیں کرنا،ایمان داری، شفافیت، مستعدی، انتھک محنت ہمارے رہنما اصول ہیں،

وزیراعظم شہباز شریف مقررہ سرکاری دفتری اوقات سے پہلے ہی صبح 8 بجے دفتر پہنچ گئے وزیراعظم شہباز شریف نے ہفتے میں 2 کے بجائے ایک تعطیل کر دی سرکاری دفاتر کے اوقاتِ کار میں تبدیلی ، دفتر 10کے بجائے صبح 8 بجے کام شروع کریں گے

علاوہ ازیں وزیراعظم شہباز شریف نے معاشی ماہرین کا ہنگامی اجلاس طلب کرلیا وزیراعظم کی زیر صدارت اجلاس میں معاشی ماہرین شرکت کریں گے اجلاس میں ملک کو درپیش موجودہ سنگین معاشی صورتحال پر غور ہو گا اجلاس میں معاشی ماہرین کی آراکی روشنی میں اہم فیصلے کیے جائیں گے

وزیراعظم شہباز شریف ایم کیو ایم سے ملنے پارلیمنٹ لاجز پہنچ گئے،وزیراعظم کی ایم کیوایم رہنما خالد مقبول صدیقی سے ان کی رہائشگاہ پر ملاقات ہوئی ہے،ملاقات میں وسیم اختر، امین الحق اور جاوید حنیف بھی شریک تھے،راناثنااللہ،سعد رفیق، ایاز صادق اور مریم اورنگزیب ملاقات میں شریک تھے ،شہباز شریف نے حکومت بنانے اور چلانے کیلئے ایم کیو ایم کا مضبوط ساتھ ناگزیر قراردے دیا،

مریم نواز کا وزیراعظم شہباز شریف کے جلد دفتر پہنچنے پر ردعمل سامنے آیا ہے،مریم نواز کا کہنا تھا کہ ان سے پہلے والا دوپہر سے پہلے دفتر نہیں آتا تھا اور اکثر تو آتا ہی نہیں تھا،

دوسری جانب وزیراعظم شہبازشریف آج اتحادی جماعتوں کے سربراہوں سے ملاقاتیں کریں گے ملاقات میں وفاقی کابینہ میں حصہ داری کےحوالے سے فیصلہ کیاجائے گا، آج وفاقی کابینہ کے ناموں کو حتمی شکل دی جائےگی اوررات تک اعلان کر دیا جائے گا،مسلم لیگ (ن) کے رہنما رانا ثنااللہ کووزارت داخلہ اور مریم اورنگزیب کو اطلاعات کا قلمدان دیے جانے کا امکان ہے،

قبل ازیں وزیراعظم شہباز شریف گزشتہ روز وزارت اعظمیٰ کا حلف اٹھانے کے بعد منگل کی صبح وزیرعظم ہاؤس پہنچے جہاں انہیں گارڈ آف آنر پیش کرنے کی تقریب ہوئی۔مسلح افواج کے چاق و چوبند دستے نے نو منتخب وزیراعظم کو گارڈ آف آنر پیش کیا جب کہ وزیر اعظم نے گارڈ آف آنر کا معائنہ کیا اور وزیراعظم شہباز شریف نے ذمہ داریاں سنبھال لیں۔نو منتخب وزیراعظم کا گارڈ آف آنر کے معائنے کے بعد وزیراعظم ہاؤس کے عملے سے تعارف کرایا گیا، شہباز شریف نے عملے سے فرداً فرداً مصافحہ کیا۔

قبل ازیں گزشتہ رات ایوان صدر میں تقریب حلف برداری ہوئی، صدر مملکت ڈاکٹر عارف علوی کی طبیعت ناساز ہونے کے باعث قائم مقام صدر چیئرمین سینیٹ صادق سنجرانی نے نو منتخب وزیراعظم سے حلف لیا، حلف برداری کی تقریب میں چیئرمین پیپلز پارٹی بلاول بھٹو، سربراہ پی ڈی ایم مولانا فضل الرحمان، سابق وزیراعظم سید یوسف رضا گیلانی، اختر مینگل، سید امین الحق، مولانا اسعد محمود اور علیم خان بھی موجود تھے۔

وزیراعظم شہباز شریف نے ٹویٹ میں کہا کہ ان کی توجہ عوام کو زیادہ سے زیادہ ریلیف فراہم کرنے کے ساتھ ساتھ بلند افراط زر سے نمٹنے اور جمود کا شکار معیشت کو شروع کرنے پر مرکوز ہو گی، دوسرے ممالک سے باہمی احترام، مساوات اور امن کی بنیاد پر تعلقات استوار کرنے کے خواہاں ہیں، مل کر پاکستان کو ایک عظیم ملک بنائیں گے، یہ فخر کی بات ہے تمام ادارے آئین کو رہنما اصول کے طور پر مانتے ہیں۔

واضح رہے کہ قومی اسمبلی نے مسلم لیگ ن کے صدر شہباز شریف کو نیا قائد ایوان منتخب کرلیا جس کے بعد شہباز شریف 174ووٹ لے کر پاکستان کے 23 ویں وزیراعظم منتخب ہوگئے۔

نئے قائد ایوان کے لیے متحدہ اپوزیشن کی جانب سے شہباز شریف اور تحریک انصاف کی جانب سے شاہ محمود قریشی وزیراعظم کے امیدوار تھے تاہم پی ٹی آئی کی جانب سے بائیکاٹ کے بعد شہباز شریف واحد امیدوار رہ گئے تھے۔

پی ٹی آئی کے منحرف رکن اسمبلی کے گھر پر حملہ،فائرنگ،قاتلانہ حملہ کیا گیا، بیٹے کا دعویٰ

اللہ خیر کرے گا،دعا کریں پاکستان کی خیر ہو ،شہباز شریف پارلیمنٹ ہاؤس پہنچ گئے

خان کا اسمبلیوں سے استعفے دینے کا اعلان، مراد سعید پھر بازی لے گئے

استعفوں کے بعد اگلا لائحہ عمل، شیخ رشید نے بڑا اعلان کر دیا

پی ٹی آئی کا بھی لانگ مارچ کا اعلان،کب ہو سکتا ہے،تاریخ بھی سامنے آ گئی

قومی اسمبلی کی طرف سے مراسلہ سپریم کورٹ کو بھیج رہے ہیں،ڈپٹی سپیکر

پی ٹی آئی کا وزیراعظم کے انتخاب کا بائیکاٹ ، اراکین قومی اسمبلی سے مستعفی

شہباز شریف پاکستان کے 23 ویں وزیراعظم منتخب

دھمکی آمیز خط، شہباز شریف کا وزیراعظم بنتے ہی بڑا اعلان

وزیراعظم آزادکشمیر عبد القیوم نیازی کے خلاف بھی تحریک عدم اعتماد جمع کرا دی گئی۔

نو منتخب وزیراعظم شہباز شریف کی اہلیہ تہمینہ درانی کا کہنا ہے کہ مبارکباد کے ساتھ ساتھ دعاؤں کی بھی ضرورت ہے-

باغی ٹی وی : نجی خبررساں ادارے پی این این نیوز کے پروگرام "کھرا سچ” میں میزبان مبشر لقمان میں نو منتخب وزیراعظم کی اہلیہ تہمینہ درانی بذریعہ فون کال شامل ہوئیں جس میں میزبا ن کے سوالات کے جوابات دیئے-

شہبازشریف کی رہائشگاہوں کو وزیراعظم ہاؤس کا درجہ دے دیا گیا

میزبان کی طرف سے پوچھے گئے ایک سوال پر وزیراعظم شہباز شریف کی اہلیہ کا کہنا تھا کہ جب شہباز شریف عہدے کا حلف لے رہے تھے میری جانے کی کوئی ضرورت نہیں تھی اتنے لوگوں میں جہاں میری ضرورت ہوتی ہے وہاں میں ضرور ہوتی ہوں-

مبشر لقمان کی جانب سے شہباز شریف کے وزیر اعظم بننے پر مبارکباد دیئے جانے پر تہمینہ درانی نے کہا کہ مبارکباد کے ساتھ ساتھ بہت دعائیں بھی دیں اس لئے کہ جس موڑ پر ہمارا ملک کھڑا ہوا ہے اس موڑ پر میاں شہباز شریف کو جو ہاتھ میں ملا ہے میں سمجھتی ہوں کہ ان کے کندھوں پر صرف نہیں بلکہ بہت زیادہ میرے کندھوں پر بھی بوجھ آگیا ہے-

تہمینہ درانی نے کہا کہ میاں صاحب کے ساتھ میری شادی کو 19 سال ہوگئے ہیں ان سے بہتر اور جو لوگ مجھے جانتے ہیں جو میری کتابیں پڑھ چکے ہیں جو میرا ایدھی صاحب سے رشتہ جانتے ہیں وہ سب جانتے ہوں گے کہ میں ایسے ہی کسی کے ساتھ نہیں کھڑی رہ سکتی-

ا مید ہےپاکستان کی نئی حکومت چین کیساتھ دوستی کو یقینی بنائے گی،چین پاکستان تعلقات…

انہوں نے کہا کہ میاں شہباز شریف سے زیادہ قابل زیادہ پُر عزم زیادہ غریب نواز ،ہر چیز کو دیکھنے والا ،ایک سیکنڈ‌ کے لئے بھی آرام نہیں کرنے والا میں نے انہیں سارے وقت میں آرام کرتے دیکھا ہی نہیں وہ سارا وقت بھاگ دوڑ کر رہے تھے اس وقت جو اللہ تعالیٰ نے ان کو یہ کام دے دیا یہ رب کا کام ہے یہ کوئی بادشاہت یا تاج نہیں ہے یہ بہت بڑی نوکری مل گئی ہے ان کو تو اللہ تعالیٰ ان کو ہمت دیں ان کی مدد کریں کہ وہ اس نوکری کو نبھا سکیں وہ کچھ کر سکیں اور اپنے غریب عوام جو غریبی کی چکی میں پسے ہوئے ان کے لئے نوکری کریں گے میں کروں گی اپنی طرف سے رہوں گی میں تہمینہ درانی ہی کیونکہ میں نے اس نام کے لئے بہت جدو جہد کی مشکلات سہیں ہیں-

مبشر لقمان نے کہا کہ میاں صاحب کی ایڈمنٹریشن قابلیت کے بہت زیادہ لوگ مداح ہیں لیکن یہ ایک بڑا سوال ہے کیا میاں صاحب میں اتنے سالوں میں اتنی تبدیلی آئی ہے کہ وہ ان سب سوالات کو لے کر اپنے ساتھ چلیں حکومت کو اور ملک کو اور عوام کو ریلیف پہنچا سکیں

تہمینہ درانی نے کہا کہ جب میاں نوز شریف کی حکومت گئی میاں صاحب نے بھائی کا ہاتھ نہیں چھوڑا ساتھ نہیں چھوڑا سب سمجھتے تھے بھائی کے ساتھ نہیں ہیں لیکن وہ ان کے ساتھ بھی ہیں اسٹیبلشمنٹ کے ساتھ بھی ہیں عوام ، بزنس کمیونٹی ،بیوو کریسی کے ساتھ بھی ہیں اور سیاسی جماعتیں جنہوں نے اتنا مشکل کام کیا سب نے مل کر کیا تو یہ اتنی دور نکل آئے ہیں تو میاں صاحب ضرور آگے نکلیں گے-

بھارتی ،اور ترک صدر کی شہباز شریف کو وزیراعظم بننے پر مبارک باد

میزبان نے کہا کہ تہمینہ درانی سالہا سال سے ایک دس مرلے کے گھر میں رہتی ہیں تمام محلات اور آسائشات چھوڑ کر اس کی کیا وجہ ہے؟

جس پر شہباز شریف کی اہلیہ نے کہا کہ جو ایدھی صاحب کے گھر میں 3، 3 سال پانی ائیر کنڈیشنر کے بٰغیر رہ آتی ہوں ابھی بھی میں جا رہی ہوں بلقیس ایدھی کو ملنا ایدھی صاحب کی حاضری دینی ہے میں پرسوں کراچی چلی جاؤں گی میری اوقات تو وہی ہے شروعات تو وہی ہے اس سے زیادہ تو میں کچھ ہوں نہیں دس مرلہ اس لئے ہے کہ یہ غریب ملک ہے بزنس مین بنائیں اپنے بڑے بڑے گھر بنائیں محل بنا سکتے ہیں-

مگر آپ پبلک سرونٹ ہیں اگر آپ سیاستدان ہیں اور قوم کی خدمت کرنے آئیں ہیں تو پھر آپ چھوٹی طھوٹی جگہوں پر رہیں گے تو ان کی عزت ہو گی ناں آپ کی اگر دس مرلے کے گھر میں کوئی بچی یا بچہ بیٹھا ہو تو ان کی بھی کیٹیگریز ہیں کہ بھئی دس کنال کے گھر کا یہ رشتہ ایک کنال کے گھر کا یہ رشتہ اور 5 کنال کے گھر کا یہ رشتہ ہے وہ بھی کیٹیگرائز ہو گیا لیکن محلت چھوڑ کر 10 مرلے کے گھر میں بہت عزت ہے میں اس کی عزت بنانا چاہتی ہوں کہ کیونکہ ہم نے تو مڈل کلاسز کو تباہ کر دیا تو دس مرلے میں مڈل کلاس رہتی ہے نا تو میں مڈل کلاس ہوں تو اب میں کہہ رہی ہوں آپ کا وزیراعظم بھی مڈل کلاس ہے تو اب آپ کی خاتون اول جیسی بھی ہوں میں تہمینہ درانی ان کی بیوی تو ہوں میں مڈل کلاس میں رہ رہی ہوں اب اس کی شاید عزت بن جائے –

پروگرام کے میزبان مبشر لقمان نے سوال پوچھا کہ اسلام آباد جانے سے پہلے آپ نے میاں صاحب کو کوئی نصیحت کی تھی حکومت کیسے چلانی ہے جس پر ان کی اہلیہ نے کہا کہ ان کو پتہ کیسے کام کرنا ان کو نصیحت کی ضرورت نہیں ان کی فیلڈ الگ ہے میری الگ ہے لیکن کسی ایک جگہ پر جا کر راستے مل جاتے ہیں-

شہباز شریف اور ان کی حکومت کے سامنے کئی چیلنجز ہیں،بلاول بھٹو زرداری

سئینئیرصحافی کا کہنا تھا کہ شہباز شریف کی وجہ سے اللہ نے پاکستان پر بہت مہربانی کی ہے ابھی انہوں نے حلف لیا نہیں تھا کہ روپے کے مقابلے میں ڈالر 8 روپے کم ہوگیا ہے اسٹاک مارکیٹ میں آج سارا دن میں 1700 پوائنٹس کی بڑھوتری ہوئی ہے اور برینٹ آئل کی قیمتوں میں عالمی منڈی میں کمی ہونا شروع ہوئی ہے یہ تو لگتا ہے جیسے غیبی مدد آنا شروع ہوئی ہے –

جس پر شہباز شریف کی اہلیہ نے کہا کہ اللہ ہماری غیبی مدد کرے غیبی مدد کے بغیر جتنا بھی کام کریں گے کم ہی ہوگا میں نے میاں صاحب کو کہا یہ ڈرانے کا وقت نہیں ڈرنے کا وقت ہے آہستہ آہستہ قدم بڑھائیں-

تہمینہ درانی نے عوام کو پیغام دیتے ہوئے کہا کہ عوام کو شہباز شریف سے بہتر پرائم منسٹر نہیں مل سکتا تھا ان کی قدر کریں ان کا ہاتھ بٹائیں بہت بے صبرے نا ہوں ایسے بہت سے معجزے یکدم نہیں ہو سکتے بہت صبر کی ضرورت ہے وہ بہت کوشش کریں گے ہم سب نے ان کے ساتھ مل کر ان کی مدد کرنی ہے یہ ایک آدمی کا ایک پارٹی کا تمام سیاسی پارٹیوں کا کام نہیں ہم سب کا کام ہے ہم سب نے کچھ بدلنا ہے اپنے آپ کو اور بہت محنت کرنی ہے پھر نکلیں گے اس بحران سکیں-

انہوں نے کہا کہ ان کے پاس کوئی غیرملکی پاسپورٹ نہیں وہ پاکستانی پاسپورٹ کے ساتھ رہ رہی ہیں-

امید ہے شہباز شریف ملک کو معاشی اور سیاسی بحرانوں سے نکال سکیں گے،شاہد آفریدی

https://www.youtube.com/watch?v=CQ_McXWQezQ