دوحہ: عقاب پالنا عربوں کا قدیم مشغلہ ہےجو آج تک بھرپور طریقے سے جاری ہے دیگر عربوں کی طرح قطری شیوخ کو بھی عقاب پالنے کا بہت شوق ہے وہ اپنے پالتو عقابوں کے علاج معالجے سے لے کر معمول کی دیکھ بھال تک پر بے دریغ پیسہ خرچ کرتے ہیں-

باغی ٹی وی : عقابوں کے علاج معالجے کے لئے ’’عقابوں کا وی وی آئی پی اسپتال‘‘ ہے جو قطری دارالحکومت دوحہ میں کام کررہا ہے اس کا نام ’’مستشفی سوق واقف للصقور‘‘ یعنی ’’صوق واقف، عقابوں کا اسپتال‘‘ ہے جہاں روزانہ 150 بیمار عقابوں کا علاج کیا جاتا ہے۔

برطانیہ میں چوری کی انوکھی واردات،چور گرفتار

اسی علاقے میں عقابوں کا اسپتال 2008 میں قائم کیا گیا اور دیکھتے ہی دیکھتے یہاں کی مقبول ترین جگہوں میں شامل ہوگیا سوق واقف اسپتال میں عقابوں کا بلڈ ٹیسٹ، اینڈواسکوپی اور ایکسرے سمیت کئی طرح کے ٹیسٹ کیے جاتے ہیں-

بندر نے اڑتے بگلے کو پکڑ کر بے رحمی سے مار ڈالا، ویڈیوسوشل…

جبکہ چونچ درست کرنے اور پر سنوارنے جیسے آرائشی (کاسمیٹک) کام بھی انجام دیئے جاتے ہیں علاوہ ازیں یہاں کے جدید آپریشن تھیٹرز میں زخمی عقابوں کی آرتھوپیڈک سرجری تک کا انتظام بھی ہے-

بھارت میں دو سر اور تین ہاتھوں والے بچے کی پیدائش

نئی دہلی : انتہا پسند ہندوؤں نے بھارت میں مسلمانوں کا جینا دو بھر کر دیا، بھارتی دارالحکومت نئی دہلی میں ہندو مذہبی رہنماؤں کی پنچایت میں ہندوؤں سے مسلمانوں کے خلاف ہتھیار اٹھانے کا فرمان جاری کیا گیا۔

باغی ٹی وی : بھارتی میڈیا کے مطابق مہاراشٹرا نونرمان سینا کے سربراہ راج ٹھاکرے نے مودی سے مدارس پر چھاپے مارنے کا مطالبہ کر دیا راج ٹھاکرے نے کہا کہ مدارس پاکستانی حامیوں سے بھرے ہوئے ہیں ممبئی پولیس کو بھی معلوم ہے کہ وہاں کیا ہو رہا ہے ہمارے ارکان اسمبلی انہیں ووٹ بینک کے طور پر استعمال کر رہے ہیں۔

بھارت میں انتہا پسند ہندوؤں کا مسلمان صحافیوں پر حملہ

دوسری جانب رمضان کے موقع پر ممبئی میں انتہا پسند ہندو رہنما نے دھمکی دی ہے کہ اگر مساجد سے لاؤڈ اسپیکر نہیں ہٹے تو مساجد کے دروازں پر ہندوؤں کے مذہبی گيت بجائے جائیں گے۔

ریلی سے خطاب کے دوران انہوں نے کہا کہ مسجدوں کے باہر لاؤڈ سپیکر کی کیا ضرورت ہے؟ کیا جب مذہب کی بنیاد رکھی گئی تھی تو لاؤڈ سپیکر موجود تھے؟ اگر حکومت نے انہیں ہٹایا نہیں تو پھر ہمارے کارکنان اس کے سامنے ہنومان چالیسا بجائیں گے۔

پنچایت سے خطاب کرتے ہوئے نرسنگھا نند نے کہا کہ اگر بھارت میں کوئی مسلمان وزیر اعظم بن جاتا ہے، تو آئندہ بیس برس کے دوران آپ میں سے 50 فیصد اپنا عقیدہ بدل دیں گے اور باقی 40 فیصد ہندو مار دیئے جائیں گے جس کے بعد انہوں نے مزید کہا کہ تو یہ ہے ہندوؤں کا مستقبل، اگر آپ اسے بدلنا چاہتے ہیں تو مرد بنو۔ اور مرد ہونا کیا ہے؟ وہ شخص جو ہتھیاروں سے لیس ہو۔

3 افراد نےحاملہ بکری کو اجتماعی زیادتی کا نشانہ بنا کرمار ڈالا،ایک ملزم گرفتار

دوسری جانب نئی دہلی میں مسلمانوں پر ہندو تہوار کے موقع پر 10 دن کے لیے اپنی گوشت کی دکانیں بند رکھنے کے لیے دباؤ بڑھتا جا رہا ہے درگاہ مائی کی پوجا کے نام سے 10 دن تک جاری رہنے والے مشہور ہندو تہوار کے آغاز پر ہی مسلمانوں کو گائے کے گوشت کی دکانیں بند رکھنے کے لیے مجبور کیا جا رہا ہے۔

جنوبی اور مغربی نئی دہلی کے میئرز نے تجویز دی ہے کہ تہوار کے 10 دن تک مندر میں آمد و رفت زیادہ ہوجاتی ہے ایسے میں مندر آنے والوں کو دکانوں پر لٹکا ہوا گائے کا گوشت دیکھ کر تکلیف ہوگی اس سے ہندو کمیونیٹی کے جذبات بھڑک سکتے ہیں اور امن و عامہ کا مسئلہ کھڑا ہوسکتا ہے اس لیے مسلمان ان 10 دنوں میں دکانیں بند رکھیں۔

کرناٹک میں طالبات کےحجاب پر پابندی کے بعدگائے کے گوشت کی فروخت پر پابندی

میونسپل اداروں کے سربراہان نے یہ بھی الزام عائد کیا کہ گائے کی باقیات کو ٹھکانے لگانے کے بجائے سڑک پر پھینک دیا جاتا ہے جسے کتے کھاتے ہیں اور گندگی پھیلتی ہے۔

اس سے قبل ہی مودی کی جماعت کے کارندوں نے گوشت کی دکانیں بند کروانا شروع کردی ہیں جس سے علاقے میں خوف و ہراس پھیل گیا ہے۔

بھارت میں 2014 میں نریندر مودی کی حکومت آنے کے بعد سے اقلیتوں، خاص طور پر مسلم برادری، کے خلاف اس طرح کے نفرت انگیز بیانات میں اضافہ ہوا ہے چند ماہ قبل ہری دوار میں بھی اسی طرح کی ایک پنچایت میں مسلمانوں کی ‘نسل کشی کرنے” کا نعرہ لگایا گيا تھا۔

ہندو اگرشاہ رخ خان کی فلموں کا بائیکاٹ کردیں، تو وہ سڑکوں پر آجائیں گے ،ہندوانتہا…

پاکستان کو دیئے جانے والے دھمکی آمیز خط پر روس کا ررد عمل بھی سامنے آگیا ہے-

باغی ٹی وی : روسی خبر رساں ادارے کے مطابق ترجمان روسی وزارت خارجہ ماریہ زخارووا نے کہا ہے کہ امریکہ پاکستان کے اندرونی معاملات میں مداخلت کر رہا ہے امریکا نے عمران خان کے دورہ روس کی منسوخی کے لیے دباؤ ڈالا، پاکستان کی جانب سے امریکی دباو مسترد کیا گیا۔

امریکا کسی ایک سیاسی جماعت کو سپورٹ نہیں کرتا،امریکی محکمہ خارجہ

ترجمان روسی وزارت خارجہ نے کہا کہ پاکستان کا دورہ روس منسوخ نا کرنے پر امریکہ نے عمران خان کو سزا دینے کا فیصلہ کیا ہے، پاکستان کے وزیراعظم کے خلاف اچانک تحریک عدم اعتماد جمع کروائی گئی، امریکی اسسٹنٹ سیکرٹری ڈونلڈ لو نے یوکرین معاملہ پر پاکستان کے متوازن ردعمل کی مذمت بھی کی۔

واضح رہے کہ وزیراعظم عمران خان نے روس کے صدر ولادیمیر پیوٹن کے دعوت پر 23 اور 24 فروری کو ماسکو کا دو روزہ دورہ کیا تھا موجودہ عالمی اور علاقائی حالات کے تناظر میں ماہرین نے اس دورے کو بہت اہم قرار دیا تھا-

دھمکی آمیز خط کا معاملہ وائیٹ ہاؤس پہنچ گیا، امریکی رد عمل بھی آ گیا

عمران خان کے دورہ سے پہلے روس اور یوکرین میں حالات کشیدہ تھے، اور جیسے ہی پاکستانی وزیراعظم وہاں پہنچے روس نے یوکرین پر حملہ کر دیا، جس کے بعد عالمی حالات یکسر بدل گئے اور اب پاکستان میں عمران خان کو اپوزیشن کی جانب سے تحریک عدم اعتماد کا سامنا ہے، جسے عمران خان امریکی سازش قرار دے رہے ہیں، جس کی وجہ یہی دورہ روس ہے۔

دوسری جانب امریکا نے ایک بار پاکستان کے خلاف ‘دھمکی آمیز’ خط کے الزامات مسترد کردیئے ہیں امریکی محکمہ خارجہ کے ترجمان نیڈ پرائس نے کہا کہ ان الزامات میں کوئی صداقت نہیں امریکہ آئین کی بالادستی، اور جمہوری اصولوں کے ساتھ ہے یہ اصول صرف پاکستان نہیں دنیا کے دوسرے ممالک کیلئے بھی ہیں۔ ہم کسی ایک سیاسی جماعت کو سپورٹ نہیں کرتے بلکہ قانون کی حکمرانی اور اس کے تحت برابری کے اصولوں کو سپورٹ کرتے ہیں۔

دھمکی آمیز خط کا معاملہ وائیٹ ہاؤس پہنچ گیا، امریکی رد عمل بھی آ گیا

امریکی محکمہ خارجہ نے کہا ہے ہم کسی ایک سیاسی جماعت کو سپورٹ نہیں کرتے۔

باغی ٹی وی : غیر ملکی میڈیا کے مطابق امریکہ محکمہ خارجہ سے صحافی نے سوال کیا کہ امریکا پر الزام ہے کہ امریکہ پاکستان میں عمران خان کی حکومت گرانے کی کوشش میں ملوث ہے، جس پر امریکی محکمہ خارجہ کے ترجمان نیڈ پرائس نے کہا کہ ان الزامات میں کوئی صداقت نہیں۔

دھمکی آمیز خط۔ امریکی ناظم الامور کی دفتر خارجہ طلبی

نیڈ پرائس نے مزید کہا کہ امریکہ آئین کی بالادستی، اور جمہوری اصولوں کے ساتھ ہے یہ اصول صرف پاکستان نہیں دنیا کے دوسرے ممالک کیلئے بھی ہیں۔ ہم کسی ایک سیاسی جماعت کو سپورٹ نہیں کرتے بلکہ قانون کی حکمرانی اور اس کے تحت برابری کے اصولوں کو سپورٹ کرتے ہیں۔

واضح رہے کہ گزشتہ ہفتے بھی امریکا کا کہنا تھا کہ پاکستان کے اندرونی معاملات میں نا مداخلت کررہے ہیں نا ہی کسی قسم کی کوئی دھمکی دی ہے، ترجمان امریکی دفتر خارجہ نیڈ پرائس نے وزیراعظم عمران خان کی جانب سے امریکی مداخلت سے متعلق کے سوال کے جواب میں کہا تھا کہ پاکستان کی موجودہ صورتحال پر گہری نظر رکھے ہوئے ہیں۔

دھمکی آمیز خط کا معاملہ وائیٹ ہاؤس پہنچ گیا، امریکی رد عمل بھی آ گیا

ترجمان امریکی محکمہ خارجہ نے کہا تھا کہ پاکستان کی جانب امریکہ پر عائد الزامات میں کوئی حقیقت نہیں، امریکہ نے پاکستان کی سیاسی صورتحال پر کوئی خط جاری نہیں کیا، ترجمان کا کہنا تھا کہ پاکستان کی موجودہ صورتحال کا جائزہ لے رہے ہیں، نیڈ پرائس کا کہنا تھا کہ پاکستان کے آئینی عمل کا احترام کرتے ہیں۔

واضح رہے کہ وزیراعظم عمران خان نے پریڈ گراؤنڈ جلسہ میں اعلان کیا تھا کہ انہیں دھمکی آمیز خط ملا ہے اس وقت کسی ملک کا نام نہیں لیا گیا تھا بعد ازاں قوم سے خطاب کے دوران وزیراعظم نے امریکہ کا نام لیا تھا-

عمران نیازی کی فسطائی سوچ،گزشتہ روز سویلین مارشل لا نافذ کیا،شہباز

کیف: یوکرین کے دارالحکومت کیف کے قریبی قصبے بوچا میں اجتماعی قبر سے 410 لاشیں برآمد ہوئی ہیں۔

باغی ٹی وی : غیرملکی میڈیا کے مطابق یوکرین کے قصبے بوچا میں ایک اجتماعی قبرسے 410افراد کی لاشیں برآمد ہوئی ہیں بوچا روسی فوج کے زیرقبضہ تھا جس کا کنڑول حال ہی میں یوکرینی فوج نے دوبارہ حاصل کیا ہے۔

روس نے امریکا و برطانیہ سمیت متعدد ممالک پر ویزہ پابندیاں عائد کردیں

یوکرینی وزیرداخلہ کا کہنا ہے کہ روسی فوجیوں نے بوچا میں سیکڑوں شہریوں کوقتل کیا ہے ہلاک شہریوں کی تعداد کا پتا لگانے کے لئے تحقیقات جاری ہیں۔

اجتماعی قبرسے لاشیں ملنے کے بعد یوکرین نے عالمی عدالت سے تحقیقات کا مطالبہ کیا ہے یوکرین کے صدرولادیمیرزیلنسکی نے بیان میں کہا ہے کہ روس یوکرین میں نسل کشی کررہا ہے۔

نیٹو کے سیکرٹری جنرل نے بوچا میں شہریوں کے قتل کو ہولناک اور ناقابل قبول قراردیا ہے فرانسیسی صدر نے بھی واقعے کی مذمت کرتے ہوئے کہا کہ روسی حکام کو ان جرائم کا جواب دینا ہوگا جبکہ روس کی جانب سے ابھی تک کوئی بیان سامنے نہیں آیا-

جبکہ امریکا اقوام متحدہ کی جنرل اسمبلی سے روس کو انسانی حقوق کونسل سے معطل کرنے پر زوردے گا اقوام متحدہ میں امریکی سفیر نے پیر کے روز کہا ہے کہ یوکرین کے روسی فوجیوں پر بوچا شہر میں درجنوں شہریوں کو قتل کرنے کے الزام کے بعدیہ فیصلہ کیا گیا ہے۔

یوکرینی افواج کا روسی آئل ڈپو پر حملہ، روس کا شدید ردِعمل

نیویارک میں اقوام متحدہ کی 193 ارکان پر مشتمل جنرل اسمبلی میں دو تہائی اکثریت سے ووٹ کے ذریعے انسانی حقوق کی مسلسل، سراسر اور منظم خلاف ورزیوں کے ارتکاب پر کسی ریاست کی کونسل کی رکنیت کو معطل کیا جاسکتا ہے۔

بخارسٹ میں نیوزکانفرنس میں خطاب کرتے ہوئے امریکی سفیر لنڈا تھامس گرین فیلڈ نے کہا اسانی حقوق کونسل میں روس کی شرکت ایک ڈھونگ ہے اوریہ غلط ہے، یہی وجہ ہے کہ ہم سمجھتے ہیں،اب وقت آگیا ہے کہ اقوام متحدہ کی جنرل اسمبلی اسے ہٹانے کے لیے ووٹ دے‘۔

روئٹرز کے مطابق لنڈا تھامس گرین فیلڈ کا کہنا ہے کہ امریکاروس کو معطل کرنے کے اقدام کو رواں ہفتے جنرل اسمبلی میں رائے شماری کے لیے پیش کرنا چاہتا ہے۔

واضح رہے کہ 24فروری کو یوکرین پر حملہ شروع ہونے کے بعد سے اسمبلی نے روس کی مذمت میں دو قراردادیں منظورکی ہیں کم سے کم 140ارکان نے ان کے حق میں ووٹ دیا ہےجبکہ روس کا کہنا ہےکہ وہ یوکرین کےفوجی بنیادی ڈھانچے کوتباہ کرنےکےلیے’’خصوصی فوجی آپریشن‘‘کررہا ہے۔

رومانیہ کا دورہ کرنے والی لنڈاتھامس گرین فیلڈ نے صحافیوں سے گفتگو کرتے ہوئے کہا کہ ان 140 ممالک کے لیے میرا پیغام ہے جو ہمت کے ساتھ اکٹھے کھڑے ہیں بوچا سے سامنے آنے والی تصاویراور یوکرین بھر میں تباہی اب ہم سے اپنے الفاظ کو عملی کارروائی سے ہم آہنگ کرنے کا تقاضا کررہی ہے۔

روس جنیوا میں قائم 47 رکن ممالک پر مشتمل انسانی حقوق کونسل کا تین سال کی مدت کے لیے رکن ہے اور یہ اس کی رکنیت کا دوسرا سال ہے۔ قوام متحدہ میں ماسکو کے مشن نے فوری طور پر امریکی سفیر کے اس بیان پر کوئی ردعمل جاری نہیں کیا ہے۔

بھارت نے روس سے روسی کرنسی میں تجارت کی تو نتائج بھگتنا ہوں گے، امریکا

کونسل قانونی طور پر پابند فیصلے نہیں کرسکتی لیکن اس کے فیصلے اہم سیاسی پیغامات کے حامل ہوتے ہیں اور وہ انسانی حقوق کی خلاف ورزیوں اور جنگی جرائم کی تحقیقات کو مجاز بنا سکتی ہے۔

اس نے گذشتہ ماہ روس کے حملے کے بعد یوکرین میں ممکنہ جنگی جرائم سمیت انسانی حقوق کی مبینہ خلاف ورزیوں کی تحقیقات کا اعلان کیا تھا 32 اراکین نے یوکرین کی طرف سے پیش کردہ قرارداد کے حق میں ووٹ دیا تھا روس اوراریٹیریا نے اس کی مخالفت میں ووٹ دیا جبکہ چین سمیت 13ممالک نے رائے شماری میں حصہ نہیں لیا تھا۔

دریں اثناء بوچا کے ڈپٹی میئر نے بتایا کہ روسی فوج کے انخلا کے بعد قریباً 50 لاشیں ایسی ملی ہیں، جنھیں روسی فوجیوں نے ماورائے عدالت ہلاک کیا تھا۔یوکرینی حکام نے بتایا کہ وہ وہاں ممکنہ جنگی جرائم کی تحقیقات کررہے ہیں۔ کریملن نے بوچاشہر میں شہریوں کے قتل عام سے متعلق کسی بھی الزام کی واضح طور پر تردید کی ہے۔

امریکا کا کہنا ہے کہ یوکرین میں جنگی جرائم کا ارتکاب کیا گیا ہے اور امریکی ماہرین اسے ثابت کرنے کے لیے شواہد اکٹھے کر رہے ہیں-

بھارت میں انتہا پسند ہندوؤں کا مسلمان صحافیوں پر حملہ