Baaghi TV

Author: عائشہ ذوالفقار

  • پلیزعمران خان کو یہاں سے لے جائیں، پاکستانی صارف کی جمائما سے اپیل

    پلیزعمران خان کو یہاں سے لے جائیں، پاکستانی صارف کی جمائما سے اپیل

    جمائما گولڈ سمتھ 2004 میں پاکستانی وزیراعظم عمران خان سے الگ ہونے کے بعد برطانیہ میں مقیم ہیں، لیکن وہ آج تک پاکستانیوں کے دلوں سے نہیں نکل سکیں پاکستانی اکثر و بیشتر ان سے اپنی محبت کا اظہار کرتے ہوئے ان سے پاکستان آنے کی خواہش کا اظہار کرتے رہتے ہیں تاہم اب بھی ایک مداح کی جانب سے پاکستان واپس آنے کا مطالبہ کیا گیا جس پر جمائما بھی بولے بغیر نہ رہ سکیں۔

    باغی ٹی وی : تفصیلات کے مطابق سماجی رابطے کی ویب سائٹ ٹوئٹر پر جمائما نے آن لائن گیم ورڈلی کی پوسٹ کی، جس پر ایک پاکستانی صارف نے ان سے گزارش کی کہ وہ پاکستان واپس آجائیں کیونکہ عمران خان اپنے بےوقوف دوستوں میں پھنس چکے ہیں۔

    جس پر ایک دوسرے پال نامی صارف نے تبصرہ کیا کہ ورڈلی گیم والوں نے ایسا کبھی نہیں سوچا ہوگا، کہ ان کی گیم پوسٹ پر ایسا بھی کمنٹ آسکتا ہے تاہم اس پوسٹ کا اسکرین شارٹ جمائما نےاپنے ٹوئٹر اکاؤنٹ پر شئیر کرتے ہوئے تبصرہ کیا۔


    جمائما نے لکھا کہ میری باقی کی پوری زندگی میں ایسے ہی کمنٹ آئیں گے، ساتھ ہی انہوں نے ایک اورٹوئٹ میں پاکستان زندہ آباد لکھا اور دل والا ایموجی شئیر کیا-


    ایک صارف نے لکھا کہ اس سے پتہ چلتا ہے کہ پاکستانی عوام کتنے سادہ ہیں اور وہ آج تک جمائما سے کتنی محبت کرتے ہیں۔


    ایک صارف نے لکھا کہ بھابھی آپ کے جانے کا غصہ عمران خان ہم پر اتار رہا ہے مہربانی کر کے واپس آ جائیں-


    ایک صارف نے لکھا کہ پلیز عمران خان کو یہاں سے لے جائیں-


    ایک صارف نے لکھا کہ بھابھی نے جتنے پاؤنڈ عمران خان کو دینے تھے دے چکی اب وہ سمجھدار ہو چکی ہیں-


    ایک صارف نے لکھا کہ آپ ابھی تک عمران خان کے دل میں ہیں-


    ایک صارف نے لکھا کہ آپ نے اپنی زندگی کے 9 سال خان صاحب کے ساتھ روتے ہوئےکیسے گزارے آپ اندر سے ایک حیرت انگیز انسان ہیں آپ کو سلام.. وہ پچھلے 3 سالوں سے ہمارے وزیر اعظم ہیں اور ہم تب سے رو رہے ہیں-

  • ٹرانسپرنسی انٹرنیشنل کی رپورٹ ثبوت ہےکہ عمران نیازی نے کرپشن میں 10 سال کا ریکارڈ توڑ دیا

    ٹرانسپرنسی انٹرنیشنل کی رپورٹ ثبوت ہےکہ عمران نیازی نے کرپشن میں 10 سال کا ریکارڈ توڑ دیا

    مسلم لیگ (ن) کے صدر اور قومی اسمبلی میں اپوزیشن لیڈر شہبازشریف کا کہنا ہے کہ ٹرانسپرنسی انٹرنیشنل کی رپورٹ ثبوت ہے کہ عمران نیازی کے نئے پاکستان میں صرف کرپشن ہوئی۔

    باغی ٹی وی : قائد حزب اختلاف شہباز شریف کا کہنا تھا کہ ٹرانسپرنسی انٹرنیشنل کی رپورٹ پر غور کرنا ہوگا کہ ایک نااہل، نالائق اور کرپٹ شخص ملک و قوم کے لئے کتنا خطرناک ثابت ہوتا ہے، غیرملکی ادارے کی یہ رپورٹ نظام بیٹھ جانے کا اعلان ہے، اور ثبوت ہے کہ عمران نیازی کے نئے پاکستان میں صرف کرپشن ہوئی عمران نیازی نے کرپشن میں 10 سال کا ریکارڈ توڑ دیا ہے-

    وزیراعظم صاحب، ہم گھبرا لیں،لوگوں کی جانیں بچانیوالے طبی عملہ کی دہائی

    اپوزیشن لیڈر نے کہا کہ کرپشن میں انہیں پیچھے چھوڑ گئے جن کے خلاف سیاست میں آنے کا دعویٰ کیا تھا، وہ پاکستان اور پاکستانیوں کے لئے خطرناک نہیں بلکہ مہلک ترین ثابت ہوئے، وہ اس سے زیادہ اور کیا خطرناک ہوں گے کہ 16 درجے کرپشن بڑھ گئی، معیشت تباہ، مہنگائی اور بے روزگاری آسمان پر پہنچ چکی ہے، عمران نیازی کو اب بھی ملک یا اس کے نام کی نہیں، اپنے جھوٹے امیج کوبچانے کی فکر پڑی ہوئی ہے، ان کی سوچ پر افسوس ہے۔

    کیوں نہ اپنے ملک کے لیے لڑوں، وزیراعظم

    شہبازشریف کا کہنا تھا کہ رپورٹ ہمیں قومی سطح پر اصلاح احوال کی دعوت فکر دے رہی ہے، اسے چھپانے سے مسئلہ حل نہیں ہوگا، رپورٹ جھٹلانے کے بجائے گریباں میں جھانکنا اور خود احتسابی درکار ہے، ہمیں ان عوامل، محرکات اور مضمرات پر غور کرنا چاہئے جس سے یہ رپورٹ مرتب ہوئی ہے،مجموعی طور پر پاکستان کرپشن انڈیکس میں 23 پوائنٹس گرا ہے جس سے پاکستان میں براہ راست سرمایہ کاری اور کاروباری ماحول کو شدید نقصان پہنچے گا۔

    مسلم لیگ(ن) پنجاب کی ترجمان عظمیٰ بخاری نے عثمان بزدار کے بیان پر ردعمل میں کہا ہے کہ عثمان بزدار کی کارکردگی میں نمبر ون نہیں ”دو نمبری “میں نمبر ون ہیں دنیا کا کرپٹ ترین شخص کا”چابی والے کھلونے“ وزیراعلیٰ کو نمبر ون کہنا باعث حیرت نہیں ایک بڑا کرپٹ اور نالائق چھوٹے کرپٹ اور نالائق کی تعریفیں کر رہا ہے چینی مافیا،گندم مافیا،رنگ روڈ مافیا اور فرنٹ مین مافیا کی پشت پناہی کرنے والا شخص ہی اس لسٹ میں نمبر ون ہو سکتا ہے بزدار صاحب،پنجاب کے ہسپتالوں میں مفت ادویات اور مفت ٹیسٹوں کی سہولت بندکرکے کونسا نیا پاکستان بنارہے ہیں؟ عثمان بزدار نے پنجاب میں ہیلتھ سسٹم کا بیڑا غرق کردیا ہے شہبازشریف دور میں تمام سرکاری ہسپتالوں میں شہریوں کو علاج معالجہ کی مفت سہولیات مہیا تھیں شہبازشریف نے میو ہسپتال،جناح ہسپتال،سروسز اور جنرل ہسپتال کےلئے اربوں روپے کی جدید مشینری خریدی ،آج انہیں ہسپتالوں میں وہ مشینری عرصہ دراز سے خراب پڑی ہیں پنجاب کے سرکاری ہسپتالوں میں طبی سہولیات ہی موجود نہیں تو ہیلتھ کارڈ کے عوام تعویذ بناکے گلے میں ڈالے گی؟ عثمان بزدار چار سالوں سے پنجاب میں 9نئے ہسپتال بنانے کے جھوٹے وعدے کررہے ہیں یہ 9ہسپتال شاید تونسہ اور بنی گالہ میں بن رہے ہیں ؟

    واضح رہے کہ ٹرانسپرنسی انٹرنیشنل رپورٹ سامنے آنے پر اپوزیشن نے وزیر اعظم عمران خان سے استعفے کا مطالبہ کر دیا وزیراعظم سے مستعفی ہونے کے مطالبے کی قرارداد پنجاب اسمبلی میں جمع کرا دی گئی۔ قرارداد مسلم لیگ (ن) کی رکن سمیرا کومل کی جانب سے جمع کرائی گئی۔

    فی الحال کسی پلیئر نے پاکستان کے ٹور سے انکار نہیں کیا،جلد اسکواڈ کا اعلان کریں گے، آسٹریلوی…

    قرار داد کے متن میں کہا گیا ہے کہ ٹرانسپرنسی انٹرنیشنل کی حالیہ رپورٹ حکومت کےخلاف چارج شیٹ ہے۔ پی ٹی آئی کے دور حکومت میں پاکستان میں کرپشن کے ریکارڈ قائم کردیے گئے ہیں پاکستان دنیا کے 40کرپٹ ترین ممالک میں شامل ہو گیا ہے پاکستان مہنگائی کے حوالے سے دنیامیں تیسرے نمبر پر آگیا ہے۔ ٹرانسپرنسی انٹرنیشنل رپورٹ کے مطابق موجودہ حکومت پاکستان کی کرپٹ ترین حکومت ہے۔ پاکستان میں کرپشن بڑھنے کے ذمہ دار وزیراعظم عمران خان ہیں۔ وزیراعظم عمران خان کو فوری مستعفی ہو جانا چاہیے۔

    شہزاد اکبر کا نام ای سی ایل میں ڈالا جائے، اسمبلی میں قرارداد جمع

    خیال رہے کہ گزشتہ روز ٹرانسپرنسی انٹرنیشنل نے 180ممالک کا کرپشن پرسیپشن انڈیکس جاریکی تھی، جس میں پاکستان کرپشن رینکنگ میں 16درجے اوپر چلا گیا ہے ٹرانسپرنسی انٹر نیشنل کے مطابق پاکستان 180ممالک میں سے 140 ویں نمبر پر آگیا ہے، کرپشن پرسیپشن انڈیکس اسکورکا کم ہونا بدعنوانی میں اضافے کو ظاہر کرتا ہے2021 میں پاکستان کا اسکور 28 رہا، 2020 میں 31 جبکہ 2019 میں اسکور 32 تھا ، پی ٹی آئی کے تین سالہ دور حکومت میں چاردرجےتنزلی ہوچکی کرپشن کی عالمی درجہ بندی کرنے والے ادارے کی رپورٹ میں لکھا گیا کہ پاکستان میں حکومتی دعووں کے برعکس کرپشن کم ہونے کے بجائے بڑھی ہے۔

    غلط تاثر دیا جا رہا ہے کہ اسٹیٹ بینک حکومت کے کنٹرول میں نہیں ہو گا ،گورنر اسٹیٹ…

    جس کے بعد فاقی کابینہ کے اجلاس میں ٹرانسپیرنسی انٹرنیشنل کی پاکستان میں کرپشن کے حوالے سے حالیہ رپورٹ پر تبادلۂ خیال کیا گیا تھا وزیراعظم عمران خان نے ٹرانسپیرنسی انٹرنیشنل کی رپورٹ پر ردعمل دیتے ہوئے کہا تھا کہ موجودہ حکومت نے کرپشن کے خلاف سب سے زیاد اقدامات کیےوزیراعظم نے کابینہ اراکین کو کہا کہ موجودہ حکومت نے کرپشن کے خلاف سب سے زیادہ اقدامات کیے، کرپشن کرنے والے مقدمات کا سامنا کرنے کی بجائے ملک سے باہر بیٹھے ہوئے ہیں کرپشن کرنے والے مقدمات میں غیر ضروری التوا کے بہانے بنا رہے ہیں، حکومت نے کرپشن کے زیر التوا کیس جلد نمٹانے کے لیے عدالتوں میں مؤثر پیروی کرنے کا فیصلہ کیا ہے۔

    شہزاد اکبر کا استعفیٰ اچھا چھٹکارا ہے،سربراہ براڈ شیٹ

  • دھن چوری کرنے کا الزام، زلفی خان کونرملا مگھانی نے10 کروڑ روپے کا قانونی نوٹس بھجوا دیا

    دھن چوری کرنے کا الزام، زلفی خان کونرملا مگھانی نے10 کروڑ روپے کا قانونی نوٹس بھجوا دیا

    کوک اسٹوڈیو سیزن 14 کے پروڈیوسر زلفی خان کو گلوکارہ اور موسیقار نرملا مگھانی نے اپنی دھن چوری کرنے کے الزام میں 10 کروڑ روپے کا قانونی نوٹس بھجوا دیا۔

    باغی ٹی وی : تفصیلات کے مطابق قانونی نوٹس میں سندھ سے تعلق رکھنے والی نرملا مگھانی کے وکیل نے زلفی خان کو مخاطب کرتے ہوئے کہا کہ 14 جون 2021ء کو میری موکل نے آپ کو بذریعہ واٹس اپ ’تو میرا رانجھا‘ کی دھن بھیجی جو وائس نوٹ موجود ہیں، بعد ازاں آپ کی جانب سے کوئی بات چیت نہیں کی گئی 14 جنوری 2022ء کو جب کوک اسٹوڈیو سیزن 14 کا گانا ’تو جھوم‘ ریلیز کیا گیا تو نرملا پریشان ہوگئیں، اس گانے میں وہی دھن استعمال کی گئی تھی جو نرملا نے آپ کو ’تو میرا رانجھا‘ کی صورت میں بھیجی تھی۔

    کوک سٹوڈیو کی چوری پکڑی گئی،مبشر لقمان نے بھانڈا پھوڑ دیا


    نوٹس میں کہا گیا کہ کاپی رائٹس قانون آپ کو کسی کی دھن بغیر اجازت ٹیلی کاسٹ، براڈ کاسٹ یا یوٹیوب پر اپ لوڈ کرنے کی اجازت نہیں دیتا، ایسا کرنے سے قبل آپ کو اجازت لینا لازمی ہوتی ہے ’آپ کو حکم دیا جاتا ہے کہ دھن کے استعمال کے لیے میرے موکل سے اجازت یا لائسنس لیں اور جب تک آپ کو اس کی اجازت نہیں دی جاتی برائے کرام ’تو جھوم‘ گانے کو سوشل میڈیا ویب سائٹس، یوٹیوب اور کوک اسٹوڈیو کے البم سے ہٹا دیں۔

    ماہرہ خان کی وجہ سے سوشل میڈیا پر بہت زیادہ گالیاں پڑی تھیں،علی عباس کا انکشاف

    قانونی نوٹس میں مزید کہا گیا کہ زلفی خان کو نرملا مگھانی کی دھن کو ’تو جھوم‘ میں استعمال کرنے سے روکا جائے اور اس کی تحریری طور پر ضمانت بھی لی جائے، سات روز کے اندر عمل نہ کرنے پر نرملا زلفی کے خلاف اپنے دائرہ اختیار میں مزید قانونی کارروائی کا حق محفوظ رکھتی ہے۔

    دوسری جانب زلفی خان کی کمپنی ’گریف پاکستان‘ نے تصدیق کرتے ہوئے کہا ہے کہ ہمیں گزشتہ شام نرملا کی جانب سے قانونی نوٹس موصول ہوا ہے، ہماری قانونی ٹیم اس پر کام کر رہی ہے اور اس کا جواب دیں گے۔

    واضح رہے کہ کو ک اسٹوڈیو میں ’تو جھوم‘ گانا نصیبو لال اور عابدہ پروین نے گایا ہے اور اس گانے کو کافی پزیرائی مل رہی ہے صوبہ سندھ کے علاقے عمر کوٹ سے تعلق رکھنے والی ایک نوجوان گلوکارہ اور موسیقار نرملا میگھانی نے دعویٰ کیا تھا کہ گانے ’’تو جھوم‘‘ کی دھن ان کی ہے جسے زلفی خان نے استعمال کیا۔

    اللّٰہ ان کو بھی رزق دینا بند نہیں کرتا جو غافل ہیں : عابدہ پروین

    برطانوی نشریاتی ادارے کے مطابق نرملا نے بتایا تھا کہ یہ دھن میں نے زلفی کو تقریباً سات ماہ قبل واٹس ایپ پر بھیجی تھی میں نے زلفی کو سات ریکارڈنگز بھیجی تھیں یہ دھن ان ہی میں سے ایک ہے انہوں نے اپنی دھنیں پروڈیوسر زلفی کو بھیجنے کی وجہ بتاتے ہوئے کہا تھا کہ میں ایک نئی آرٹسٹ ہوں اور ان کے ساتھ کام کرنا چاہتی تھی میں نے انہیں اپنا اوریجنل میوزک بھیجا تاکہ وہ مجھے چانس دے سکیں لیکن زلفی نے ان سے کوئی رابطہ نہیں کیا۔

    تاہم پروڈیوسر زلفی نے اپنے اوپر لگے چوری کے الزام کو مسترد کرتے ہوئے کہا تھا کہ انھیں ملک بھر سے کئی گلوکاروں اور فنکاروں کی جانب سے مل کر کام کرنے کی درخواستیں ملتی رہتی ہیں لیکن کوک سٹوڈیو میں ان فنکاروں کی جانب سے بھیجے جانے والے سیمپلز سے کچھ استعمال نہیں کیا جاتا وہ نرملا کے گانے خود سُنیں گے اور مستقبل میں ممکن ہوا تو ان کے ساتھ مل کر کام بھی کر سکتے ہیں پاکستان بھر کے نوجوان فنکار ملک کا مستقبل ہیں۔

    دلیر مہندی بھی نصیبو لال کی تعریف کیے بغیر نہ رہ سکے

  • فی الحال کسی پلیئر نے پاکستان کے ٹور سے انکار نہیں کیا،جلد اسکواڈ کا اعلان کریں گے، آسٹریلوی سلیکٹر

    فی الحال کسی پلیئر نے پاکستان کے ٹور سے انکار نہیں کیا،جلد اسکواڈ کا اعلان کریں گے، آسٹریلوی سلیکٹر

    کرکٹ آسٹریلیا کی جانب سے پاکستان سے 3 ٹیسٹ میچز کی سیریز کیلیے ابتدائی پلیئرز کا اعلان جلد متوقع ہے-

    باغی ٹی وی : آسٹریلوی نیشنل سلیکٹر جارج بیلی نے کہا کہ دونوں بورڈز بدستور چند چھوٹی چیزوں پر بات چیت کررہے ہیں، جب سب کی منظوری ہوجائے گی تو ہم اسکواڈ کا اعلان کردیں گے، ہم اس حوالے سے اپنے ٹریک پر ہیں، اب تک پلیئرز کو 2 سیکیورٹی بریفنگز دی جا چکی ہیں،میں بھی ان میں شریک ہوا ہوں فی الحال کسی بھی پلیئر نے پاکستان کے ٹور سے انکار نہیں کیا۔

    پاکستان کھیلوں سے محبت کرنے والا ملک ہے،مائیکل اوون

    کرکٹ آسٹریلیا کی جانب سے پاکستان سے 3 ٹیسٹ میچز کی سیریز کیلیے ابتدائی پلیئرز کا اعلان جلد متوقع ہے، آسٹریلوی ٹیم 1998 کے بعد پہلی بار پاکستان کا مارچ میں دورہ کرے گی جس میں 3 ٹیسٹ میچز اور اتنے ہی ٹی 20 مقابلے شیڈول ہیں، ٹیسٹ میچز کی میزبانی بالترتیب کراچی، راولپنڈی اور لاہور کو دی گئی ہے، تینوں ٹی 20 میچز صرف لاہور میں ہی کھیلے جائیں گے اب ٹیسٹ وینیوز کے حوالے سے کرکٹ آسٹریلیا اور پاکستان کرکٹ بورڈ کے درمیان ڈیڈ لاک کا خطرہ پیدا ہوگیا ہے۔

    آسٹریلوی بورڈ چاہتا ہے کہ تینوں ٹیسٹ میچز بھی ایک ہی وینیو پر کھیلے جائیں، اس کی وجہ صحت اور سیکیورٹی کو قرار دیا ہے، ایک آسٹریلوی اخبار کی رپورٹ میں کہا گیا ہے کہ کرکٹ بورڈ حکام کی اس حوالے سے پی سی بی آفیشلز سے بات چیت بھی جاری ہے۔

    سابق ٹیسٹ کرکٹر آفتاب بلوچ انتقال کر گئے،چئیرمین پی سی بی کا اظہار افسوس

    پی سی بی ترجمان کے مطابق پوری ٹیسٹ سیریز کو صرف ایک ہی وینیو پر منعقد کرنے کی کوئی بھی تجویز زیر غور نہیں ہے، 19 دن کی کرکٹ صرف ایک ہی وینیو پر منعقد کرنا ممکن نہیں ہے۔

    علاوہ ازیں آسٹریلوی بورڈ نے پاکستان میں ایونٹ کے لئے اسکواڈ تشکیل دینے کا عندیہ دیدیا ہے مچل اسٹارک نے حال ہی میں آئی پی ایل کے آنے والے سیزن سے دستبرداری اختیار کرتے ہوئے پاکستان سے ٹیسٹ سیریز کھیلنے کا عندیہ دیا ہے،پانچویں ایشز ٹیسٹ سے ڈراپ ہونے والے مارکس ہیرس کی بھی واپسی ہوگی، اسی طرح عثمان خواجہ کو بھی ٹاپ آرڈر پر برقرار رکھے جانے کا امکان ہے نوجوان پیسر جھے رچرڈسن کو پاؤں کی تکلیف کے باعث ٹیم میں شامل نہ کرنے کا امکان ہے ان کی جگہ اسکاٹ بولینڈ لیں گے-

    آئی سی سی ٹی ٹوئنٹی کرکٹر آف دی ایئر کا ایوارڈ محمد رضوان نے اپنے نام کر لیا

    رپورٹ کے مطابق چند پلیئرز کو بدستور دورہ پاکستان پر تحفظات تھے تاہم ویسٹ انڈیز کے حالیہ ٹور سے ملنے والی مثبت رپورٹس سے حوصلہ افزائی ہوئی ہے۔

    واضح رہے کہ پاکستان کی جانب سے پہلے ہی آسٹریلیا کو فول پروف سیکیورٹی کی یقین دہانی کرائی جاچکی ہے جبکہ آسٹریلوی سیکیورٹی ماہرین تینوں ٹیسٹ وینیوز کا معائنہ کرکے انتظامات کو اطمینان بخش قرار دے چکے ہیں۔

    آسٹریلوی ٹیم کا 24 سال بعد دورہ پاکستان، مہمان ٹیم کی آمد کا احساس ابھی سے ہورہا…

  • پی ایس ایل 7 کیلئے بنائے جانے والے کمنٹری باکس میں آگ بھڑک اٹھی

    پی ایس ایل 7 کیلئے بنائے جانے والے کمنٹری باکس میں آگ بھڑک اٹھی

    ایچ بی ایل پی ایس ایل 7 ایونٹ کے لیے نیشنل اسٹیڈیم گراؤنڈ میں بنائے جانے والے عارضی کمنٹری باکس میں آگ بھڑک اٹھی۔

    باغی ٹی وی : تفصیلات کے مطابق جمعرات سے شروع ہونے والے پی ایس ایل 7 کے حوالے سے پاکستان کرکٹ بورڈ کی مشکلات کم نہیں ہو پارہیں ایونٹ کے لیے نیشنل اسٹیڈیم گراؤنڈ میں بنائے جانے والے عارضی کمنٹری باکس میں آگ بھڑک اٹھی۔

    پی ایس ایل 7 کا ترانہ ریلیز٫مداحوں کی تنقید ٫علی ظفر کو یاد کرنے لگے

    ذرائع کے مطابق گزشتہ شب کمنٹری باکس کی تیاری کے دوران بجلی کے تاروں میں شارٹ سرکٹ کی وجہ سے سے اچانک آگ لگ گئی۔ فوری طور پر طلب کیے جانے والے فائر بریگیڈ کے عملے نے موقع پر پہنچ کر آگ بجھائی تاہم خوش قسمتی سے کوئی جانی نقصان نہیں ہوا۔

    پی سی بی کے ترجمان کے مطابق کسی بھی ہنگامی صورتحال سے نمٹنے کے لیے فائر بریگیڈ کی گاڑی اور عملہ اسٹیڈیم میں تعینات کر دیا گیا ہے۔

    پی ایس ایل 7 میں بچوں میں کینسر اور چھاتی کے سرطان کے دن منائے جائیں گے

    واضح رہے کہ نیشنل اسٹیڈیم کی تیسری منزل پر کمنٹری باکس کمنٹیٹرز اور براڈکاسٹر کے بائیو سیکیور ببل کا حصہ ہونے کے سبب گراونڈ میں منتقل کیا گیا ہے۔

    یاد رہے کہ پی ایس ایل سیون کا آغاز 27 جنوری سے ہوگا جو 27 فروری تک جاری رہے گا۔ اس دوران ایونٹ کا پہلا مرحلہ کراچی میں کھیلا جائے گا جس میں شرکت کے لیے نیشنل اور انٹرنیشنل کھلاڑیوں کی آمد کا سلسلہ جاری ہے ایونٹ کے 15 میچز کراچی جبکہ 19 میچز لاہور میں کھیلے جائیں گے۔

    پاکستان کھیلوں سے محبت کرنے والا ملک ہے،مائیکل اوون

    قبل ازیں ایچ بی ایل پی ایس ایل کی فرنچائز کراچی کنگز کے صدر وسیم اکرم، پشاور زلمی کے کپتان وہاب ریاض اور حیدر علی، کامران اکمل اور ارشد اقبال کورونا وائرس کا شکار ہوگئے کراچی کنگز کے ترجمان نے سابق قومی کپتان وسیم اکرم کے کورونا ٹیسٹ کے نتائج کی تصدیق یا تردید سےا نکار کرتے ہوئے مؤقف اختیار کیا ہے کہ یہ پی سی بی کا واحد استحقاق ہے۔

    وسیم اکرم سمیت پشاور زلمی کے دو کھلاڑی کورونا کا شکار ہوگئے

  • کیمرون فٹ بال اسٹیڈیم میں بھگدڑ مچنے سے 8 افراد ہلاک

    کیمرون فٹ بال اسٹیڈیم میں بھگدڑ مچنے سے 8 افراد ہلاک

    وسطی افریقی ملک کیمرون کے دارلحکومت کے فٹ بال اسٹیڈیم میں بھگدڑ مچنے سے 8 افراد ہلاک ہو گئے ہیں۔

    باغی ٹی وی : کیمرون کے اولیمبے فٹ بال اسٹیڈیم میں میچ سے قبل بھگدڑ کے نتجے میں آٹھ ہلاک اور 38 افراد زخمی ہوگئے ہیں، انتظامیہ کے مطابق اسٹیڈیم میں تماشائیوں کے ہجوم نے ایک ساتھ انٹری لینے کے کوشش کی، کہ اچانک بھگدڑ مچ گئی۔

    وزارت صحت کا کہنا ہے کہ ہلاک ہونے والوں میں دو خواتین، چار مرد، ایک بچہ شامل بھی ہے۔ جن میں 7 کی حالت تشویشناک ہے۔

    امریکا میں کشتی سمندر میں ڈوب گئی،39 افراد لاپتہ

    اولمبے اسٹیڈیم میں 60 ہزار لوگوں کی گنجائش ہے لیکن، کورونا کے ضوابط کی وجہ سے، اس کی گنجائش 80 فیصد یونی 48 ہزار کیمرون کے فکسچر کے لیے محدود تھی۔

    قبل ازیں کیمرون کے نائٹ کلب میں آتش بازی کے سامان میں آگ لگنے سے 16 افراد ہلاک اور 8 زخمی ہوگئے ہیں غیرملکی خبررساں ادارے "اے ایف پی” کے مطابق واقعہ دارالحکومت یاؤنڈے کے ایک مہنگے ترین نائٹ کلب میں اتوار کی صبح پیش آیا۔

    کیمرون کے نائٹ کلب میں آتشزدگی 16 افراد ہلاک

    اس حوالے سے حکام نے کہا تھا کہ نائٹ کلب میں آتش بازی کا سامان بھی استعمال ہوتا تھا اور مذکورہ واقعہ اسی کے پھٹنے سے پیش آیا آتش بازی کا سامان پھٹنے سے چھت پر آگ بھڑک اٹھی، جس سے مزید دھماکے ہوئے اور پنڈال میں خوف و ہراس پھیل گیا۔

    دوسری جانب امریکی ریاست فلوریڈا میں کشتی سمندر میں ڈوب گئی، جس سے 39 افراد لاپتہ ہو گئے ہیں حکام کو منگل کی صبح اس وقت الرٹ کیا گیا جب ماہی گیروں نے ایک شخص کو فورٹ پیئرس شہر سے 45 میل دور کشتی کے اوپر ایک شخص کو بیٹھے دیکھا زندہ بچ جانے والے نے بتایا کہ گروپ نے ہفتہ کی رات بیمنی، بہاماس سے روانہ کیا تھا لیکن وہ بدقسمتی سے خراب موسم کا شکار ہو گئے یہ کشتی ’انسانی اسمگلنگ کے منصوبے‘ کا حصہ تھی زندہ بچ جانے والے شخص کے مطابق، جس کی شناخت نہیں ہوسکی، مسافروں میں سے کسی نے بھی لائف جیکٹ نہیں پہن رکھی تھی۔

    لاہور: مسافر وین گندے نالے میں گر گئی،4 بچوں سمیت 2 خواتین جاں بحق

  • کورونا وبا:پاکستان میں 5 ہزار سے زائد جبکہ فرانس میں 5 لاکھ سے زائد کیسز رپورٹ

    کورونا وبا:پاکستان میں 5 ہزار سے زائد جبکہ فرانس میں 5 لاکھ سے زائد کیسز رپورٹ

    اسلام آباد: پاکستان سمیت دنیا بھر میں کورونا کے وار تیزی سے جاری، پاکستان میں عالمی وبا کورونا وائرس سے مزید 15 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 51 ہزار 63 کورونا ٹیسٹ کیے گئے مزید 5 ہزار196 کورونا کیسز رپورٹ ہوئے۔

    کورونا اور نزلے پر قابو پانے کے لئے کیپسول تیار

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 86 ہزار 348 جبکہ اموات کی مجموعی تعداد 29 ہزار 137 ہو گئی ہے اور مثبت کیسز کی شرح 10.17 فیصد رہی۔

    پشاور میں گزشتہ 24 گھنٹے میں 454 کیسز رپورٹ،20 فیصد شرح ریکارڈ، کورونا مثبت کیسز کی شرح4.5 فیصد سے زائد ریکارڈ جبکہ 3 اموات رپورٹ ہوئیں-

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

    دوسری جانب فرانس میں پہلی مرتبہ 24 گھنٹے میں 5 لاکھ سے زائد کورونا کیسز رپورٹ ہوئے ہیں 24 گھنٹے میں 364 اموات رپورٹ ہوئیں جبکہ مجموعی اموات کی تعداد ایک لاکھ 29 ہزار 386 ہو گئی ہیں فرانس میں اس وقت کسی بھی بڑے یورپی ملک میں روزانہ انفیکشن کی سب سے زیادہ شرح ریکارڈ کر رہا ہے، پچھلے ہفتے کے دوران اوسطاً 3 لاکھ 60 ہزار سے زیادہ ہے۔

    سرکاری اعداد و شمار کے مطابق فرانس بھر میں 30 ہزار سے زائد افراد کورونا وائرس کی وجہ سے اسپتالوں میں زیر علاج ہیں، جو نومبر 2020 سے کورونا سے بیمار ہونے کی سب سے بڑی تعداد ہے۔

    کوویڈ ویکسین کی معیاد ختم ہونے سے متعلق تمام خبریں جھوٹی ہیں،جھوٹوں کے خلاف کاروائی کا مطالبہ

    فرانس میں اب کورونا وائرس کی منفی رپورٹ دکھانا لازمی نہیں ہو گی، اگر آپ کو تفریحی مقامات میں جانا ہےتو ویکسین کی دونوں ڈوز لگوانے کا ثبوت دینا ہوگا فرانس کی 77 فیصد سے زیادہ آبادی کو کوویڈ ویکسین کے دو شاٹس دئیے جا چکے ہیں۔

    فرانس موجودہ لہر سے کس طرح ابھرتا ہے اسے اپریل کے صدارتی انتخابات میں اہم سمجھا جارہا ہے، جس میں صدر ایمانوئل میکرون کے انتخاب میں حصہ لینے کی بڑے پیمانے پر توقع کی جارہی ہے تاہم انہوں نے ابھی تک اپنی امیدواری کا اعلان نہیں کیا ہے۔

    برطانیہ کا کورونا پابندیوں میں نرمی کا اعلان

  • یوٹیوب کا بھی تخلیق کاروں کے لیے این ایف ٹی پر غور

    یوٹیوب کا بھی تخلیق کاروں کے لیے این ایف ٹی پر غور

    سان فرانسسكو:یوٹیوب بھی تخلیق کاروں کے لیے این ایف ٹی پر غور کررہی ہے۔

    باغی ٹی وی : میڈیا رپورٹس کے مطابق یوٹیوب کی سی ای او سوسن ووچسکی نے ایک خط میں کہا ہے ہم نے یوٹیوب ایکوسسٹم میں ہمیشہ کوشش کی ہے کہ تخلیق کار ابھرتی ٹیکنالوجی سے مالی فوائد حاصل کریں جن میں این ایف ٹی جیسی چیزیں بھی شامل ہیں اس لیے ویڈیو بنانے والوں اور مداحوں کے لیے ان تجربات کو جاری رکھا جائے گا-

    اسی خط میں گیمنگ اور شاپنگ کے لیے بھی یوٹیوب کا دائرہ وسیع کرنے کا کہا گیا ہے لیکن خط میں زور دے کر کہا گیا ہے کہ وہ ’ویب تھری‘ سے متاثر ہیں جن میں کرپٹو، ڈی سینٹرلائزڈ آٹونومس آرگنائزیشن (ڈے اے او) اور این ایف ٹی شامل ہیں۔

    مودی حکومت نے پاکستان کے 35 یوٹیوب چینلز اور ویب سائٹس پر پابندی عائد کردی

    اس سے قبل ٹویٹر نے صارفین کو سہولت فراہم کی تھی کہ وہ پروفائل تصویر میں این ایف ٹی بطور نقل لگاسکیں اب سے چنددن پہلے میٹا نے بھی کہا تھا کہ وہ بالخصوص میٹاورس اور انسٹاگرام کے لیے این ایف ٹی کی تجارت پر غور کررہی ہے پہلے مرحلے میں لوگ ٹوکن کو بطور ڈسپلے رکھ سکیں گے۔

    واضح رہے کہ تخلیق کار پہلے ہی اپنی مشہور ہوجانے والی ویڈیو کو بطور این ایف ٹی فروخت کررہے ہیں ان میں سے ایک ویڈیو گزشتہ برس این ایف ٹی کے طور پر فروخت ہوئی تھی۔ اس ویڈیو کا نام ’چارلی بٹ می‘ تھا جس میں ایک چھوٹے بچی اپنے بھائی کی انگلی پر کاٹ رہی ہے یہ ویڈیو 7 لاکھ 61 ہزار ڈالر میں فروخت ہوئی پھر ڈیوڈ آفٹر ڈینٹسٹ نامی ایک ویڈیو این ایف ٹی کے طور پر 11 ہزار ڈالر میں بکی تھی-

    سعودی عرب میں ہزاروں میل رقبے پر پھیلے 4500 سال قبل بنائے گئے مقبرے دریافت

    این ایف ٹی کیا ہے؟
    این ایف ٹی سے مراد نان فنجیبل ٹوکن ہے یہ ایک خاص قسم کا ڈیجیٹل سرٹیفیکیٹ ہے جو کہ اس بات کی گواہی دیتا ہے کہ کسی تصویر، ویڈیو یا دیگر قسم کے آن لائن مواد کا اصل مالک کون ہے معاشیات کی زبان میں فنجیبل اثاثے سے مراد کوئی ایسی چیز ہے جس کا فوری تبادلہ ممکن ہے، جیسے روپے پیسے۔ اگر کوئی آپ کو 100 روپے کا نوٹ دیتا ہے تو آپ اس کا تبادلہ دو 50 روپے کے نوٹوں سے کرسکتے ہیں۔

    مائیکروسافٹ نے ’کینڈی کرش‘ بنانے والی کمپنی خرید لی

    این ایف ٹی ڈیجیٹل دنیا میں ‘اپنی نوعیت کے واحد’ اثاثے ہیں جن کی خرید و فروخت کسی دوسرے اثاثے کی طرح ممکن ہے۔ لیکن یہ مواد آن لائن موجود ہوتا ہے، ہمارے ہاتھوں میں کسی ٹھوس شکل میں نہیں این ایف ٹی میں جاری ہونے والے ڈیجیٹل ٹوکن یا سرٹیفیکیٹ کے ذریعے یہ پتا چل سکتا ہے کہ کسی آن لائن اثاثے کا اصل مالک کون ہے اسی طرح ہم ٹھوس حالت میں پائے جانے والے اثاثوں کے لیے بھی این ایف ٹی جاری کر سکتے ہیں جو اس کے اصل ہونے کی دلیل دیتا ہے۔

    امریکا: میڈیکل سائنس کی دنیا میں پاکستانی ڈاکٹر کا شاندار کارنامہ،انسان میں خنزیر…

    ہانگ کانگ میں پرائیویٹ ایکویٹی فرم اوسیرس گروپ میں پارٹنر سردار احمد درانی کا خیال ہے کہ این ایف ٹی کا اصل مقصد یہ ہے کہ ڈیجیٹل آرٹ (تصاویر، ویڈیوز یا دیگر آن لائن مواد) کی نقل تیار نہ ہوسکے اور اس میں تحریف نہ ہوسکے۔ یہ ایک قسم کی ڈیجیٹل آئی پی (انٹیلیکچوئل پراپرٹی) ہے وہ کہتے ہیں کہ امریکہ میں بھی کھیلوں کی مختلف لیگز نے اپنے کولیکٹیبلز (کھیلوں کے سامان یا کارڈز) کو این ایف ٹیز میں تبدیل کیا اور اب وہ لاکھوں ڈالر میں فروخت ہوتے ہیں۔

    سردار درانی کے مطابق ڈیجیٹل اثاثوں اور آن لائن مواد کو این ایف ٹی میں تبدیل کیا جا رہا ہے تاکہ اصل مالکان یا فنکار اپنا کام اور اس کے جملۂ حقوق محفوظ رکھ سکیں۔

    خواجہ سراؤں پر تشدد کی رپورٹنگ کیلئے موبائل ایپ تیار

  • سعودی عرب: غیرملکیوں کے اقامے اور ویزوں میں مفت توسیع

    سعودی عرب: غیرملکیوں کے اقامے اور ویزوں میں مفت توسیع

    ریاض: سعودی حکومت نے کورونا پابندیوں کے باعث واپس مملکت نہ ہونے والے تارکین وطن کے اقاموں اور ویزوں میں ایک بار پھر مفت توسیع کا اعلان کردیا۔

    باغی ٹی وی : سعودی عرب کی سرکاری پریس ایجنسی "ایس پی اے” کے مطابق کل پیر کے روزمملکت سعودی عرب نے بغیر کسی فیس یا مالی معاوضے کے اقامہ ایگزٹ اور ریٹرن ویزوں، اور وزٹ ویزوں کی میعاد میں خود بخود توسیع کرنے کا فیصلہ کیا۔

    مہنگائی سے متعلق سوال،جوبائیڈن نے طیش میں آ کر صحافی کو گالی نکال دی

    تفصیلات کے مطابق خادم حرمین شریفین شاہ سلمان بن عبدالعزیز کی ہدایات پر عمل درآمد کرتے ہوئے جنرل ڈائریکٹوریٹ آف پاسپورٹ نے بغیر فیس اور بلا معاوضہ غیرملکی شہریوں کے اقاموں ، ایگزٹ اور ریٹرن ویزوں کی میعاد 31 مارچ 2022ء توسیع کر دی ہے۔

    سعودی عرب کی وزارت خزانہ کی طرف سے جاری کی گئی توسیع مملکت کی حکومت کی طرف سے عالمی وبا کوویڈ19 کے اثرات اور نتائج سے نمٹنے کے لیے کی جانےوالی مسلسل کوششوں کا حصہ ہےاس کا مقصد ملک میں مقیم غیرملکی شہریوں کو کرونا وبا کے دنوں میں احتیاطی تدابیر اور اقدامات میں سہولت فراہم کرنا اور ان کی حفاظت کے ساتھ معاشی اور مالیاتی اثرات کو کم کرنے میں تعاون کرنا ہے۔

    طالبان نے یورپی ممالک کے دورے کو کامیابی کی پہلی سیڑھی قراردیا

    یہ توسیع نیشنل انفارمیشن سینٹر کے تعاون سے بھی خود بخود ہو جائے گی۔ اس کے لیے صارفین کو پاسپورٹ کے محکموں کے ہیڈ کوارٹر یا بیرون ملک مملکت کے مشنز میں جانے کی ضرورت نہیں۔

    مملکت سے باہر ان ممالک کے باشندوں کے لیے اقامے (سعودی عرب کا رہائشی اجازت نامہ) میں توسیع کی گئی ہے جو کرونا وبا کی وجہ سے ایگزیٹ یا ریٹرن کی میعاد میں توسیع چاہتے ہیں مگر ان ملکوں میں کرونا وائرس پھیلنے کی وجہ سے داخلہ روک دیا گیا ہے۔ ان کے ویزوں اور اقاموں میں 31 مارچ 2022 تک توسیع کی جائے گی تاہم جو لوگ مملکت کے اندر رہتے ہوئے کرونا ویکسین کا کورس مکمل کرچکے ہیں اس سہولت سے مستثنیٰ ہیں۔

    شامیوں نے سردی سے بچنے کیلئے میزائلوں کے خول کو ہیٹر میں تبدیل کردیا

    سعودی عرب کی وزارت خارجہ کا کہنا ہے کہ وزٹ ویزے پر مملکت میں آنے کے بعد یہاں پھنس جانے والے غیر ملکیوں کے وزٹ ویزوں میں بھی اکتیس مارچ تک توسیع کی جائے گی یہ سہولت خودکار طریقے سے مذکورہ زمروں میں شامل غیرملکیوں کو فراہم کردی جائے گی۔

    خیال رہے کہ یہ سہولت صرف ان غیرملکیوں کے لیے ہے جو سعودی سفری پابندی سے متاثر ہیں۔

    ہوائی جہاز کے پہیے میں چھپ کرہالینڈ پہنچنے والا شخص گرفتار

  • امریکا میں کشتی سمندر میں ڈوب گئی،39 افراد لاپتہ

    امریکا میں کشتی سمندر میں ڈوب گئی،39 افراد لاپتہ

    امریکی ریاست فلوریڈا میں کشتی سمندر میں ڈوب گئی، جس سے 39 افراد لاپتہ ہو گئے ہیں –

    باغی ٹی وی :عالمی خبررساں ادارے کے مطابق حکام کو منگل کی صبح اس وقت الرٹ کیا گیا جب ماہی گیروں نے ایک شخص کو فورٹ پیئرس شہر سے 45 میل دور کشتی کے اوپر ایک شخص کو بیٹھے دیکھا زندہ بچ جانے والے نے بتایا کہ گروپ نے ہفتہ کی رات بیمنی، بہاماس سے روانہ کیا تھا لیکن وہ بدقسمتی سے خراب موسم کا شکار ہو گئے۔

    سیرکیلئے گئے سکول کے بچوں کی کشتی خانپور ڈیم میں ڈوب گئی

    امریکی حکام کا کہنا ہے کہ یہ کشتی ’انسانی اسمگلنگ کے منصوبے‘ کا حصہ تھی زندہ بچ جانے والے شخص کے مطابق، جس کی شناخت نہیں ہوسکی، مسافروں میں سے کسی نے بھی لائف جیکٹ نہیں پہن رکھی تھی۔

    ایجنسی کی جانب سے ٹویٹر پر اطلاع دی گئی ہے کہ تلاش کی قیادت میامی کوسٹ گارڈ سیکٹر نے بحری جہازوں اور ہوائی جہازوں کے ذریعے کی تھی۔

    جزیرہ بیمنی بہاماس کا سب سے مغربی ضلع ہے، جو میامی سے صرف 80 میل دور ہے۔

    بحرِ اوقیانوس کو تنہا سَر کرنے کی کوشش میں 75 سالہ فرانسیسی مہم جو ہلاک

    واضح رہے کہ گزشتہ روز سیرکیلئے گئے سکول کے بچوں کی کشتی خانپور ڈیم میں ڈوب گئی صادق آباد میں واقع مسلم انٹرنیشنل پبلک اسکول کے طلباء اساتذہ کے ساتھ خان پور ڈیم گھومنے گئے تھے کشتی ڈوبنے سے نجی اسکول کے ٹیچرز سمیت 34 افراد ڈوب گئے امدادی ٹیموں نے ڈوبنے والے طلباء اوراساتذہ سب کو ریسکیو کر لیا ،ایک استاد کے جاں بحق ہونے کی اطلاع ملی 33 افراد کو نکال لیا گیا ریسکیوٹیمیں امدادی کا موں میں مصروف ہیں-

    لاہور: مسافر وین گندے نالے میں گر گئی،4 بچوں سمیت 2 خواتین جاں بحق

    ریسکیو ذرائع کے مطابق نجی سکول کے بچے پکنک منانے کے لیے خانپور ڈیم آئے تھے کہ اچانک انکی کشتی ڈوب گئی، واقعہ کی اطلاع ملتے ہی ریسکیو ٹیمیں موقع پر پہنچیں اور بچوں واساتذہ کو ریسکیو کیا-

    4 طلباء کی حالت تشویشناک ہے، صادق آباد میں واقع مسلم انٹرنیشنل پبلک اسکول کے طلباء اساتذہ کے ساتھ خان پور ڈیم گھومنے گئے تھے ریسکیو 1122 خانپور نے ایک خاتون ٹیچر ابتدائی طبّی امداد فراہم کرتے ہوئے کو خانپور ہسپتال منتقل کر دیا تاہم خاتون ٹیچر جانبحق ہوگئی۔ کشتی چٹان سے ٹکرانے کے بعد ڈوبی کشتی میں 8 اساتذہ سمیت 26 سٹوڈنٹ سوار تھے-

    شانگلہ میں لینڈسلائیڈنگ 9افراد دب گئے: دو بچے جاں بحق:سخت موسمی حالات