Baaghi TV

Author: عائشہ ذوالفقار

  • رائے ونڈ:باپ کی14سالہ حقیقی بیٹی سے زیادتی،متاثرہ لڑکی حاملہ ہو گئی

    رائے ونڈ:باپ کی14سالہ حقیقی بیٹی سے زیادتی،متاثرہ لڑکی حاملہ ہو گئی

    رائے ونڈ:باپ کی14سالہ حقیقی بیٹی سے زیادتی،بیٹی حاملہ ہو گئی-

    باغی ٹی وی : سفاک باپ خاور علی نے بیٹی (س)کے ساتھ 6 ماہ تک منہ کالا کیا والدہ ساجدہ کی مدعیت میں باپ کے خلاف مقدمہ درج کرلیا گیا پولیس کو درج کروائی گئی ایف آئی آر میں بستی امین پور رائے ونڈ کی رہائشی متاثرہ لڑکی کی ماں نے کہا کہ سیدہ سحر فاطمہ جس کی عمر چودہ سال ہے میری حقیقی بیٹی ہے سات ماہ قبل میں اپنے گھر سے رائے ونڈ بازار سے سودا سلف لینے گئی اس دوران میری بیٹی سحر فاطمہ کا والد خاور علی گھر آیا اور میری بیٹی کو زبردستی ایک کمرے میں لے گیا اور ڈرا دھمکا کر میری بیٹی کے ساتھ زنا الجبر کیا –

    خاتون کو نوکری کا جھانسہ دے کر ہراساں کرنے والا ملزم گرفتار

    متاثرہ لڑکی کی والدہ کا کہنا تھا کہ جس کی وجہ سے میری بیٹی حاملہ ہو گئی 20 جنوری کو میری بیٹی نے مجھے بتایا کہ میرے پیٹ میں بچہ ہے اور میں 6 ماہ سے حاملہ ہوں میری بیٹی نے مجھے بتایا کہ میرے والد اور آپ کے خاوند نے میرے ساتھ زنا کیا تھا جس کی وجہ سے میں حاملہ ہو گئی ہوں-

    خاتون نے اعلیٰ حکام سے درخواست کی کہ ملزم نے میری بیٹی سے زبردستی زنا الجبر کیا جس کی وجہ سے میری بیٹی چھ ماہ کی حاملہ ہے اس کے خلاف ضابطہ کے تحت کاروائی کی جائے-

    پولیس اہلکار کی حاملہ خاتون سے زیادتی،ویڈیو بھی بنا لی

    قبل ازیں لاہور نصیرآباد میں خاتون کو نوکری کا جھانسہ دے کر ہراساں کرنے والا ملزم گرفتار کرلیا گیا اور متاثرہ خاتون کی مدعیت میں مقدمہ درج کرکے مزید تحقیقات کیلئے ملزم کو انویسٹی گیشن ونگ کے حوالے کردیا گیا تھا متاثرہ خاتون کا کہنا تھا ملزم سے فیس بک پر رابطہ ہوا، ملزم نے نوکری کا جھانسہ دے کر 80 ہزار بٹور لیے، اور پیسے واپس مانگنے پر بلیک میل کرنے کی دھمکی دیتا تھا۔

    دوسری شادی کی خواہش پر بیوی نے شوہر کو قتل کردیا

    قبل ازیں تاندلیانوالا میں دوران سفر خاتون کو اغوا کرنے کے بعد اجتماعی زیادتی کرنے والے ڈاکوفیصل آباد پولیس نے گرفتار کرلیئے پولیس ذرائع کا کہنا ہے کہ تھانہ سٹی تاندلیانوالا نے ڈاکو گرفتار کر لئے اور ملزمان نے اعتراف جرم بھی کرلیا ہے ، پولیس نے یہ بھی انکشاف کیا ہے کہ اس واقعہ کاایک ملزم فیصل فتیانہ واردات کے بعد بیرون ملک فرار ہو گیا ۔

    چھ ڈاکوؤں کی مبینہ اجتماعی زیادتی:تھانہ سٹی تاندلیانوالا نے ڈاکو گرفتار کر لئے

  • اسموکنگ کی ویڈیو وائرل ہونے کے بعد آئٹم نمبر کی پیشکش ہوئی،علیزے شاہ

    اسموکنگ کی ویڈیو وائرل ہونے کے بعد آئٹم نمبر کی پیشکش ہوئی،علیزے شاہ

    پاکستان کی معروف اور تنازعوں میں گھری رہنے والی اداکار علیزے شاہ کا کہنا ہے کہ اسموکنگ کی ویڈیو وائرل ہونے کے بعد انہیں آئٹم نمبر کی پیشکش ہوئی۔

    باغی ٹی وی :حال ہی میں علیزے شاہ کی ایک ویڈیو سوشل میڈیا پر وائرل ہوئی تھی جس میں وہ گاڑی میں بیٹھ کر سگریٹ نوشی کرتی ہوئی نظر آرہی تھیں۔ یہ ویڈیو علیزے شاہ کے علم میں لائے بغیر بنائی گئی تھی اور ان کی اجازت کے بغیر کسی نامعلوم شخص نے سوشل میڈیا پر اپ لوڈ کی تھی۔

    سموکنگ ویڈیو لیک ہونے پر علیزے شاہ نے بڑا فیصلہ کر لیا


    علیزے شاہ نے بتایا ہے کہ اس ویڈیو کی وجہ سے ان کی ساکھ بری طرح متاثر ہوئی ہے علیزے نے حال ہی میں سماجی رابطے کی ویب سائٹ انسٹا گرام اسٹوری پر بتایا کہ ’’میری اسموکنگ کی ویڈیو لیک ہونے کے فوراً بعد مجھے آئٹم سونگ کی پیشکش ہوئی۔ سگریٹ کے ساتھ ایک ویڈیو وائرل ہونے پر سمجھا گیا کہ میں آئٹم گرل بننے کے لیے تیار ہوں۔

    واضح رہے کہ اداکارہ علیزے شاہ نےاسموکنگ (سگریٹ نوشی) کی ویڈیو کے پھیلاؤ کے خلاف قانونی کارروائی کا فیصلہ بھی کیا تھا اور اس سلسلے میں انہوں نے ایف آئی اے سائبر کرائم سے رجوع کیا تھا-

    ہوٹل میں کھانا کھا رہی تھی وہیں رشتہ آگیا،زینب شبیر کی دلچسپ کہانی

    علیزے شاہ کی اسموکنگ ویڈیو وائرل ہونے پر ایف آئی اے سائبر کرائم کے صدر عمران ریاض نے کسی کی اجازت کے بغیر اس کی ویڈیو بنانے اور اسے سوشل میڈیا سمیت مختلف پلیٹ فارمز پر وائرل کرنے کی صورت میں ہونے والے نتائج سے آگاہ کیا تھا عمران ریاض نے کہا تھا کسی کی بھی اجازت کے بغیر اس کی تصویر کھینچنا یا ویڈیو بنانا، اسے اپ لوڈ کرنا، مختلف سوشل میڈیا پلیٹ فارمز پر شیئر کرنا، ٹوئٹ کرنا، ری ٹوئٹ کرنا جیسا کہ ابھی اداکارہ علیزے شاہ کے کیس میں ہوا ہے یہ الیکٹرانک جرائم کی روک تھام ایکٹ 2016 کے زمرے میں آتا ہے اور یہ ایک جرم ہے یہ جرم کرنے والے کو تین سال تک کی سزا یا 10 لاکھ روپے جرمانہ یا یہ دونوں سزائیں ہوسکتی ہیں لہذا احتیاط برتیں۔

    کنسرٹ کے دوران لڑکوں کی آئمہ بیگ کے ساتھ بدتمیزی

  • وسیم اکرم سمیت پشاور زلمی کے دو کھلاڑی کورونا کا شکار ہوگئے

    وسیم اکرم سمیت پشاور زلمی کے دو کھلاڑی کورونا کا شکار ہوگئے

    کراچی: ایچ بی ایل پی ایس ایل کی فرنچائز کراچی کنگز کے صدر وسیم اکرم، پشاور زلمی کے کپتان وہاب ریاض اور حیدر علی کورونا وائرس کا شکار ہوگئے۔

    باغی ٹی وی : تفصیلات کے مطابق قومی کرکٹ ٹیم کے سابق کپتان اور ایچ بی ایل پی ایس ایل کی ٹیم کراچی کنگز کے صدر وسیم اکرم کے بھی کورونا وائرس میں مبتلا ہونے کی اطلاعات سامنے آئی ہیں-

    ممبر قومی اسمبلی مرتضی جاوید عباسی کورونا کا شکار :وزیراعظم نےکورونا کےباعث…

    تاہم اس حوالے سے کراچی کنگز کے ترجمان نے سابق قومی کپتان کے کورونا ٹیسٹ کے نتائج کی تصدیق یا تردید سےا نکار کرتے ہوئے مؤقف اختیار کیا ہے کہ یہ پی سی بی کا واحد استحقاق ہے۔

    جبکہ ذرائع کا کہنا ہے کہ کورونا رپورٹ مثبت آنے پر وسیم اکرم نے خود کو قرنطینہ کرلیا ہے۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

    دوسری جانب پشاور زلمی کے کپتان وہاب ریاض بھی مبینہ طور پر کورونا کا شکار ہوگئے جب کہ نوجوان بیٹسمین حیدر علی کا بھی ٹیسٹ مثبت آنے کی اطلاعات سامنے آئی ہیں۔

    یاد رہے کہ پی ایس ایل سیون کا آغاز 27 جنوری سے ہوگا جو 27 فروری تک جاری رہے گا۔ اس دوران ایونٹ کا پہلا مرحلہ کراچی میں کھیلا جائے گا جس میں شرکت کے لیے نیشنل اور انٹرنیشنل کھلاڑیوں کی آمد کا سلسلہ جاری ہے ایونٹ کے 15 میچز کراچی جبکہ 19 میچز لاہور میں کھیلے جائیں گے۔

    کورونا وبا:مزید 17 افراد جاں بحق،6 ہزار 357 کورونا کیسز رپورٹ

    گزشتہ روز پاکستان کرکٹ بورڈ (پی سی بی) نے پشاور زلمی کے 2 دیگر کھلاڑیوں کا کورونا ٹیسٹ مثبت آنے کی تصدیق کی تھی پی سی بی اعلامیے کے مطابق پشاور زلمی کے کامران اکمل اور ارشد اقبال کا کورونا ٹیسٹ مثبت آیا۔

    جہانگیر ترین بھی کرونا کا شکار

  • 50سےزائد وارداتوں میں ملوث پولیس کومطلوب ڈاکو مدثرعرف بچھو ہلاک

    50سےزائد وارداتوں میں ملوث پولیس کومطلوب ڈاکو مدثرعرف بچھو ہلاک

    لاہور: ڈیفنس سی کے علاقے میں 55 سے زائد وارداتوں میں ریکارڈ یافتہ ڈاکو اپنے ہی ساتھیوں کی فائرنگ سے ہلاک ہوگیا۔

    باغی ٹی وی : ایس پی کینٹ عیسی سکھیرا کے مطابق دو موٹر سائیکلوں پر سوار چار ڈاکوؤں نے برکی کے علاقے میں واردات کی ڈاکوؤں کی گرفتاری کے لیے کینٹ ڈویژن میں ناکہ بندی کی گئی اور پیٹرولنگ کو الرٹ کیا گیا، ڈیفنس سی کے علاقے میں پہنچنے پر پولیس کو دیکھتے ہی ڈاکوؤں نے پولیس کی گاڑی پر فائرنگ کر دی۔

    چھ ڈاکوؤں کی مبینہ اجتماعی زیادتی:تھانہ سٹی تاندلیانوالا نے ڈاکو گرفتار کر لئے

    ڈاکوؤں کی اندھا دھند فائرنگ سے ان کا اپنا ایک ساتھی ان ہی کی فائرنگ سے ہلاک ہو گیا، دوسری بائیک پر سوار دونوں ڈاکو بائیک پر اور تیسرا ڈاکو دھند کا فائدہ اٹھاتے ہوئے پیدل فرار ہیں۔

    ہلاک ڈاکو کی شناخت مدثر عرف بچھو کے نام سے ہوئی ہے جو کہ بچھو گینگ کا سرغنہ تھا لاہور اور قصور پولیس کو مطلوب تھا مدثر نے 2017 میں نشتر کے علاقے میں دوران مزاحمت کانسٹیبل محمد اعظم کو شہید بھی کیا تھا۔

    ہلاک ڈاکو راہزنی اور ڈکیتی کی درجنوں وارداتوں میں ریکارڈ یافتہ تھا، پولیس اور فرانزک ٹیموں نے شواہد اکٹھے کرکے ڈیڈ باڈی تحویل میں لے لی ہے، فرار ڈاکوؤں کی گرفتاری کے لیے چھاپے مارے جا رہے ہیں۔

    کمسن بچی پر باپ اور سوتیلی ماں کا تشدد

    قبل ازیں تاندلیانوالا میں دوران سفر خاتون کو اغوا کرنے کے بعد اجتماعی زیادتی کرنے والے ڈاکوفیصل آباد پولیس نے گرفتار کرلئے تھے پولیس ذرائع کا کہنا ےھا کہ تھانہ سٹی تاندلیانوالا نے ڈاکو گرفتار کر لئے اور ملزمان نے اعتراف جرم بھی کرلیا ہے ، پولیس نے یہ بھی انکشاف کیا ہے کہ اس واقعہ کاایک ملزم فیصل فتیانہ واردات کے بعد بیرون ملک فرار ہو گیا یہ انسانیت سوز واقعہ گزشتہ سال 17 ستمبر کی رات گیارہ بجے پیش آیا ۔ پولیس ذرائع کا کہنا ہے کہ اس وقت اس متاثرہ خاتون کے خاوند ابرار کی مدعیت میں صرف ڈکیتی کا مقدمہ درج ہوا تھا

    سیرکیلئے گئے سکول کے بچوں کی کشتی خانپور ڈیم میں ڈوب گئی

    پولیس ذرائع کے مطابق ایس ایچ او نے صرف کار ، زیور ، موبائل فونز اور رقم لوٹنے کا ذکر کیا جڑانوالا کا رہائشی ابرار بیوی ، بچوں اور بھائی کے ساتھ کار پر جا رہا تھا چک 343 کے قریب سڑک پر ناکہ لگائے ڈاکوؤں نے گاڑی روک لی ، اس وقت سفید کار میں بٹھا کر آنکھوں پر پٹیاں اور رسیوں سے ہاتھ باندھ دیئے ۔ گڑھ میں ڈیرے پر ابرار ، تین کمسن بچوں ، بھائی کو الگ کمرے میں بند کیا ڈاکو رات بھر 25 سالہ خاتون کو مبینہ اجتماعی زیادتی کا نشانہ بناتے رہے ۔ علی الصبح ڈاکو متاثرہ خاندان کو شیرازہ پل کے نیچے چھوڑ گئےخاتون کی نشاندہی پر ڈیرے پر چھاپہ مار کر زیادتی کے پانچ ملزم پکڑے گئے گرفتار ڈاکوؤں نے درجنوں وارداتوں کا انکشاف کیا –

    دوسری شادی کی خواہش پر بیوی نے شوہر کو قتل کردیا

  • مہنگائی سے متعلق سوال،جوبائیڈن نے طیش میں آ کر صحافی کو گالی نکال دی

    مہنگائی سے متعلق سوال،جوبائیڈن نے طیش میں آ کر صحافی کو گالی نکال دی

    واشنگٹن: امریکی صدر جوبائیڈن مہنگائی سے متعلق سوال پر طیش میں آگئے اور مائیک کھلے ہونے کا احساس کیے بغیر صحافی کو گالی دیدی جو ریکارڈ بھی ہوگئی۔

    باغی ٹی وی :عالمی خبر رساں ادارے"فوکس نیوز” کے مطابق امریکی صدر جوبائیڈن صحافیوں سے گفتگو کر رہے تھے اور اختتام پر ان کے سخت ناقد چینل فوکس نیوز کے صحافی نے مہنگائی سے متعلق سوال کردیا۔

    شامیوں نے سردی سے بچنے کیلئے میزائلوں کے خول کو ہیٹر میں تبدیل کردیا

    صدر بائیڈن نے فاکس نیوز کے وائٹ ہاؤس کے نمائندے پیٹر ڈوسی کو مہنگائی پر دباؤ ڈالنے کی کوشش کرنے پر تنقید کا نشانہ بنایا بائیڈن نے پیر کو مسابقتی کونسل اور اپنی کابینہ کے ارکان سے ملاقات کی تاکہ امریکی خاندانوں کے لیے قیمتیں کم کرنے کے طریقوں پر تبادلہ خیال کیا جا سکے۔

    ان کے تیار کردہ ریمارکس کے بعد، لائیو سٹریم کے 8 منٹ کے قریب، پریس کے ارکان نے سوالات کرنا شروع کر دیے بائیڈن نے پہلے رپورٹر پر غصے کا اظہار کیا جس نے روس اور یوکرین کے درمیان تناؤ بڑھتے ہی یورپی رہنماؤں کے ساتھ انتظامیہ کی کال کے بارے میں پوچھا۔

    بائیڈن نے کہا میری ایک بہت، بہت، بہت اچھی ملاقات ہوئی، تمام یورپی رہنماؤں کے ساتھ مکمل اتفاق ہے، اس پر بعد میں بات کریں گے۔ شکریہ۔””تو کیا آپ مہنگائی پر سوال اٹھائیں گے؟” ڈوسی نے پھر پوچھا۔ "کیا آپ کے خیال میں وسط مدتی مدت سے پہلے افراط زر ایک سیاسی ذمہ داری ہوگی؟”

    7 سالہ بچی کا ملکہ برطانیہ کے نام منفرد خط

    جب ڈوسی اور دوسرے نامہ نگاروں کو بھگا دیا جا رہا تھا ، بائیڈن نے فاکس نیوز کے نمائندے پر ایک سوائپ کیا۔


    فوکس نیوز کے صحافی کے سوال ’’کیا مہنگائی کی ذمہ دار حکومت نہیں ؟ ‘‘ کے جواب میں انھوں نے طنزیہ کہا کہ نہیں مہنگائی ایک اثاثہ ہے۔ اس کے بعد سب اُٹھ گئے۔


    اسی دوران جوبائیڈن یہ سمجھے کہ مائیک بند کردیا گیا ہے اور انھوں نے آہستہ سے صحافی کو احمق کہا اور نازیبا الفاظ ادا کیے جو اس وقت شور شرابے میں کسی کو سنائی نہیں دیئے۔

    البتہ جب بعد میں پریس کانفرنس کی ریکارڈنگ سنی گئی اور ویڈیوز کلپس وائرل ہوئیں تو بھانڈہ پھوٹ گیا۔

    برکینا فاسو میں باغی فوجیوں نے حکومت کا تختہ الٹ کر صدرکو اغوا کرلیا

    ڈوسی نے "دی فائیو” پر چند لمحوں بعد بائیڈن کے تبصروں پر ہنستے ہوئے کہا "ہاں، ابھی تک کسی نے بھی اس کی حقیقت کی جانچ نہیں کی اور کہا کہ یہ سچ نہیں ہے۔”


    بعد میں، ٕبائیڈن نے مبینہ طور پر ڈوسی کو بتایا کہ ان کے تبصرے "ذاتی کچھ نہیں” تھے اور انہوں نے فوکس نیوز کے رپورٹر کو باقی پریس کور سے مختلف موضوعات کے بارے میں پوچھنا جاری رکھنے کی ترغیب دی۔

    پچھلے ہفتے ، بائیڈن نے اسی طرح فوکس نیوز کے وائٹ ہاؤس کے نمائندے جیکی ہینریچ کو روس-یوکرین کے بڑھتے ہوئے تنازعہ کے بارے میں اپنی پریس کانفرنس میں اپنے متنازعہ ریمارکس کے بعد دباؤ ڈالنے کی کوشش کرنے پر تنقید کی۔

    ٹونگامیں پھٹنےوالاآتش فشاں ایٹمی دھماکے سے زیادہ طاقتور ہے،ناسا

    ہینرک نے پوچھا تھا کہ "آپ پیوٹن کا پہلا اقدام کرنے کا انتظار کیوں کر رہے ہیں جناب؟” بائیڈن نے قہقہہ لگایا، نرمی سے جواب دیا، "کیا احمقانہ سوال ہے۔”بعد میں وائٹ ہاؤس نے بائیڈن کے تبصرے کو واپس لے لیا۔

    اپنی انتظامیہ کے اوائل میں، بائیڈن نے اپنے عملے کو متنبہ کیا کہ وہ ساتھیوں اور پریس کے ارکان کے ساتھ احترام کے ساتھ پیش آئیں”جب میں یہ کہتا ہوں تو میں مذاق نہیں کر رہا ہوں اگر آپ کبھی میرے ساتھ کام کر رہے ہیں اور میں نے سنا ہے کہ آپ کسی دوسرے ساتھی کے ساتھ بے عزتی کرتے ہیں یا کسی سے بات کرتے ہیں، تو میں آپ سے وعدہ کرتا ہوں، میں آپ کو موقع پر ہی برطرف کر دوں گا۔ کوےئی اگر مگر نہیں بائیڈن نے کہا۔ "ہر کسی کے ساتھ شائستگی اور وقار کے ساتھ پیش آنا دوسروں کا حق ہے۔”

    شام :داعش نے سینکڑوں بچوں کو اپنی ڈھال کیلئے یرغمال بنا لیا

  • ہدایت کار اور فلم ساز پرویز رانا کی آج پانچویں برسی

    ہدایت کار اور فلم ساز پرویز رانا کی آج پانچویں برسی

    فلم انڈسٹری کے معروف ہدایت کار اور فلم ساز پرویز رانا کی آج پانچویں برسی منائی جا رہی ہے-

    باغی ٹی وی : ہدایت کار اور فلم ساز پرویز رانا نے فلم اسٹار شان اور ریما سمیت بہت سے فنکاروں کو پنجابی فلموں میں پہلی بار متعارف کرایا پرویز رانا نے 200 سے زائد فلموں میں ہدایت کاری کے جوہر دکھائے،ان کی فلموں کا میوزک اور ڈائیلاگ بہت مقبول ہوئے۔اپنے دور کے ممتاز ڈائریکٹر پرویز رانا 3 اکتوبر 1951 کو فیصل آباد میں پیدا ہوئے ، انہوں نے متعدد لازوال فلمیں تخلیق کیں۔

    روحی بانو کو مداحوں سے بچھڑے 3 سال ہو گئے

    پرویز رانا نے جہاں اپنے طویل فنی سفر کے دوران بہت سی سپر ہٹ فلمیں بنائیں وہیں فلم اسٹار شان، ریما سمیت بہت سے فنکاروں کو پنجابی فلموں میں پہلی بار متعارف بھی کرایا پرویز رانا نے لالی ووڈ کو ’چراغ بہادر، چن بلوچ، سوہا جوڑا، طوفان، غنڈا ٹیکس، کنگ میکر، گاڈ فادر، ہمایوں گجر، وحشی گجر‘ اور ’نصیبو‘ سمیت 200 سے زائد فلمیں دیں۔

    ارطغرل غازی کے معروف اداکار انتقال کر گئے

    پرویز رانا 25 جنوری 2017 کو حرکت قلب بند ہونے کی وجہ سے 66 برس کی عمر میں اپنے خالق حقیقی سے جا ملے۔

    پریانکا چوپڑا کے ساتھ فلم کرنے سےشمعون عباسی کیوں معذرت کی؟اداکار نے وجہ بتادی

  • طالبان نے یورپی ممالک کے دورے کو کامیابی کی پہلی سیڑھی قراردیا

    طالبان نے یورپی ممالک کے دورے کو کامیابی کی پہلی سیڑھی قراردیا

    اوسلو: طالبان نے اقتدار سنبھالنے کے بعد پہلی بار یورپی ممالک کے دورے کو کامیابی کی پہلی سیڑھی قراردیا کہا کہ اوسلو میں مغربی سفارت کاروں کے ملاقات ساتھ بذات خود ایک بڑی کامیابی ہے۔

    باغی ٹی وی : عالمی خبر رساں ادارے کے مطابق اوسلو میں طالبان کا وفد وزیر خارجہ کی سربراہی میں مغربی ممالک کے سفارت کاروں اور سول سوسائٹی کے نمائندوں کے ساتھ مذاکرات جاری ہیں مذاکرات کا مقصد دو دہائیوں کے جنگ زدہ افغانستان میں انسانی بحران کا حل ڈھونڈنا ہے۔

    امارات اسلامیہ افغانستان میں امریکی شہری دائرہ اسلام میں داخل ہو گئے

    میٹنگ میں یورپی یونین، امریکہ، برطانیہ، فرانس، اٹلی اور ناروے کے نمائندوں نے طالبان کے وفد کے ساتھ اس کے وزیر خارجہ امیر خان متقی کی قیادت میں ملاقات کی تین روزہ اجلاس میں طالبان کے مندوب نے مغربی مذاکرات کاروں پر زور دیا کہ وہ افغان اثاثوں کو غیر منجمد کریں اور سیاسی گفتگو کی وجہ سے عام افغانوں کو سزا نہ دیں۔

    منشیات کےعادی افراد طالبان کے لئے بڑا چیلنج بن گئے

    طالبان کے مندوب شفیع اللہ اعظم نے مزید کہا کہ فاقہ کشی، شدید سردیوں کی وجہ سے، میں سمجھتا ہوں کہ اب وقت آگیا ہے کہ عالمی برادری افغانیوں کی حمایت کرے، نہ کہ ان کے سیاسی تنازعات کی وجہ سے انہیں سزا دی جائے ان ملاقاتوں سے ہمیں یقین ہے کہ افغانستان کے انسانی ہمدردی، صحت اور تعلیم کے شعبوں میں مدد ملے گی۔

    امریکی صدرکے افغانستان میں ناکامی اور انخلا بیان پر طالبان کا ردعمل

    اوسلو کی برفانی پہاڑی کی چوٹی پر واقع سوریا موریا ہوٹل میں ہونے والے مذاکرات کے حوالے سے وزیر خارجہ ملا امیر اللہ متقی کا کہنا تھا کہ ملاقات کا کوئی نتیجہ نکلے یا نہیں لیکن مغرب میں مغربی ممالک کے سفارت کاروں سے مذاکرات کا آغاز ہی ہوجانا اپنی ذات میں ایک بڑی کامیابی ہے ان ملاقاتوں سے ہمیں یقین ہے کہ افغانستان کے انسانی بحران سے نمٹنے کے لیے صحت اور تعلیم کے شعبوں میں بھی مغربی ممالک کا تعاون حاصل ہوگا۔

    دوسری جانب عالمی برادری کا اصرار ہے کہ طالبان امداد کی بحالی سے پہلے افغانستان میں بنیادی انسانی حقوق کی فراہمی کو یقینی بنائیں جن میں لڑکیوں کی تعلیم، خواتین کی ملازمتوں میں واپسی اور تمام طبقات کو حکومت میں جگہ دینا شامل ہیں۔

    طالبان سے فائرنگ کے تبادلے میں قومی اپوزیشن گروپ کے 8 مزاحمتی جنگجو ہلاک

    طالبان کے گزشتہ برس اگست میں اقتدار سنبھالنے کے بعد افغانستان کے بیرون ملک اثاثوں اور اربوں ڈالرز کے فنڈز کو منجمد کردیا گیا تھا جو افغان بجٹ کا 80 فیصد بنتے ہیں۔ فنڈز اچانک رک جانے سے کار مملکت ٹھپ اور آدھی سے زیادہ آبادی بھوک کا شکار ہوگئی ہے۔


    مذاکرات کے آغاز سے قبل اتوار کے روز افغانستان کے لیے امریکا کے خصوصی نمائندے تھامس ویسٹ نے اس امید کا اظہار کیا تھا کہ ایک مستحکم، حقوق کا احترام کرنے والی اور کثیر النسلی افغان حکومت کے قیام کے لیے ہم اپنے اتحادیوں، شراکت داروں اور امدادی اداروں کے ساتھ مل کر نہ صرف انسانی بحران سے نمٹنے کی کوشش کر رہے ہیں بلکہ طالبان کے ساتھ اپنے خدشات کے حوالے سے بھی ڈپلومیسی جاری رکھیں گے۔

    اسلامی ممالک ہماری حکومت کو تسلیم کریں، طالبان

    ناروے نے طالبان اور مغربی ممالک کو مذاکرات کے لیے پلیٹ فارم تو فراہم کیا ہے تاہم اب تک طالبان حکومت کو تسلیم نہیں کیا ہے البتہ مذاکرات کی میزبانی کرنے پر ناروے کو کہیں کہیں تنقید کا بھی سامنا ہے اور وزارت خارجہ کے دفتر کے باہر احتجاجی مظاہرے بھی کیے گئےجس پر ناروے کے وزیر خارجہ نے وضاحت کی کہ ان مذاکرات کا مقصد طالبان کو قانونی حیثیت دینے یا تسلیم کرنا نہیں بلکہ جنگ زدہ ملک کو درپیش انسانی بحران سے نمٹنے کے لیے اقدامات کرنا ہیں۔

    افغانستان میں نامعلوم افراد کی فائرنگ سے طالبان کمانڈرسمیت 6 افراد ہلاک

    طالبان کے ساتھ ملاقات کے پہلے دور میں شامل خواتین کے حقوق کی کارکن جمیلہ افغانی نے صحافیوں کو بتایا کہ یہ ایک مثبت ملاقات تھی جہاں طالبان نے خیر سگالی کا مظاہرہ کیا لیکن یہ دیکھنا ابھی باقی ہے کہ طالبان کے اقدامات کیا ہوں گے۔

    مذاکرات کے پہلے دور میں شریک ایک اور خاتون کارکن محبوبہ سراج نے کہا کہ طالبان نے ہمارا خیر مقدم کیا اور ہماری بات سنی۔ میں پر امید ہوں کہ فریقین ایک دوسرے کے بارے میں شکوک کا خاتمہ کرکے افہام و تفہیم پر قائل ہوجائیں گے۔

    طالبان کا تعلیم کے حقوق کا مطالبہ کرنے والی خواتین پرکالی مرچ کا اسپرے

  • روحی بانو کو مداحوں سے بچھڑے 3 سال ہو گئے

    روحی بانو کو مداحوں سے بچھڑے 3 سال ہو گئے

    ماضی کی صف اول کی اداکارہ روحی بانو برسی آج تیسری برسی منائی جارہی ہے۔

    باغی ٹی وی : روحی بانو 10 اگست 1951ءکو کراچی میں پیدا ہوئیں ، اُن کے والد طبلہ نواز استاد اللہ رکھا تھے اور ہندوستانی موسیقار ذاکر حسین کی سوتیلی بہن تھیں روحی بانو دو دفعہ شادی کے بندھن میں بندھیں ،گورنمنٹ کالج لاہور سے نفسیات میں ماسٹر کی ڈگری حاصل کرنے کے دوران ٹی وی پر کام کرنا شروع کیا، ان کا شمار ٹی وی کی اولین اداکاروں میں ہوتا ہے روحی بانو نے 1970ء سے 1980 کے عشرے تک کرن کہانی، زرد گلاب، دروازہ اور دیگر بے شمار مقبول ڈراموں میں بطور یادگاری کردار کام کیا –

    پی ایس ایل 7 کا ترانہ ریلیز٫مداحوں کی تنقید ٫علی ظفر کو یاد کرنے لگے

    روحی بانو کے ابتدائی ڈراموں میں حسینہ معین کی ”کرن کہانی “ قابل ذکر ہے جو1973ءمیں پی ٹی وی سے ٹیلی کاسٹ ہوا، اس کے بعد 1974ء میں زیر زبر پیش کیا گیا، یہ دونوں وہ ڈرامے ہیں جو پی ٹی وی کیلئے سنگ میل کی حیثیت رکھتے ہیں ، یہ دونوں ڈرامے روحی بانوں کی صلاحیت کا منہ بولتا ثبوت بھی ہیں۔ اس کے بعد انہوں نے ہر اہم ڈرامے میں ، ہر بہترین اداکار کے ساتھ ، ہر اہم کردار ادا کیا۔

    عدالت کا غیرملکی ماڈل ٹریزا کا پاسپورٹ سمیت دیگر سامان واپس کرنے کا حکم

    ایک وقت ایسا بھی آیا کہ ڈراموں میں روحی بانوکی موجودگی لازمی سمجھی جانے لگی۔ انہوں نے شوکت صدیقی، بانو قدسیہ، حسینہ معین ،منو بھائی اور اشفاق احمد کے کرداروں کو اپنی بے مثل اداکاری سے زندہ جاوید کردیا ۔ اشفاق احمد نے ”ایک محبت سو افسانے میں “ میں ”اشتباہ نظر“ کے نام سے ایک ڈرامہ لکھا۔ اس ڈرامے میں روحی بانو کی اداکاری کو فراموش کرنا ممکن ہی نہیں۔دروازہ، دھند، سراب ،زرد گلاب ،قلعہ کہانی ہو یا پھر حیرت کدہ ،اُن کے کس ڈرامے کو یاد رکھیں اور کسے بھولیں یہ فیصلہ کرنا مشکل ہی نہیں ناممکن ہے۔اُن کے ڈرامے صرف پاکستان میں نہیں بلکہ دنیا بھر بالخصوص انڈیا میں نہایت مشہور تھے ۔ 1980ءمیں ان کے ایک ڈرامے ”پکی حویلی“ نے تو دنیا بھر میں دھوم مچادی۔

    مہوش حیات باتھ روم میں رقص کرنے پر تنقید کی زد میں

    نامور اداکارہ نے ڈراموں کے ساتھ ساتھ فلموں میں بھی فن کے جوہر دکھائے انہوں نے ایک بار فلم کی دنیا میں قدم رکھنے کے بعد وہاں کے ماحول کی وجہ سے واپسی اختیار کرلی، ڈراموں میں اپنی صلاحیتوں کو منوانے کے بعد وہ 1975ء میں ایک بار پھر فلم انڈسٹری کی طرف گئیں اور اس بار انہوں نے وہاں کے ماحول کو اپنی صلاحیتوں کے تابع کرلیا۔ انہوں نے اناڑی، دلہن ایک رات کی، تیرے میرے سپنے، نوکر، زینت ،پہچان، سیاں اناڑی، بڑا آدمی، دل ایک کھلونا ، گونج اٹھی شہنائی، راستے کا پتھر، دشمن کی تلاش، آج کا انسان، پالکی، کائنات، خدا اور محبت، کرن اور کلی ، ضمیر اورٹیپو سلطان سمیت بے شمار فلموں میں انتہائی شاندار پرفارمنس کا مظاہرہ کیا۔

    مہناز بیگم کی آج 9 ویں برسی منائی جا رہی ہے

    فنی خدمات کے اعتراف میں روحی بانو کو حکومت پاکستان کی جانب سے صدارتی تمغہ برائے حسن کارکردگی سے نوازا گیا انہیں پی ٹی وی کی طرف سے نگار ایوارڈ کے علاوہ گریجویٹ ایوارڈ اور لائف ٹائم اچیومنٹ ایوارڈ بھی ملا۔

    ڈرامہ "سونا چاندی” کےمصنف "منو بھائی” کودنیا سے رخصت ہوئے 4…

    روحی بانو کے 20 سالہ بیٹے کو 1995میں کسی نے قتل کر دیا تھا، جس کے باعث وہ اپنا ذہنی توازن کھو بیٹھی تھیں اپنے انداز اور کرداروں سے دلوں پر راج کرنے والی روحی بانو نے زندگی کے آخری ایام بہت تلخ انداز میں گزارے قبضہ مافیا نے ان کی جائیداد پر قبضہ کیا تو بے گھر بھی رہیں-

    معروف براڈ کاسٹریاور مہدی طویل علالت کے بعد انتقال کرگئے

    طویل علالت کے بعد وہ کئی بار عوام میں سامنے تو آئیں مگر اپنی اِسی کیفیت کے سبب زیادہ دیر عوام سے دور ہی رہیں 15 جنوری 2019ء کو اُنہیں طبیعت ناساز ہونے کے بعد وینٹی لیٹر پر لگا دیا گیا جہاں 10 دن کے بعد وہ استنبول کے ایک مقامی ہسپتال میں 25 جنوری 2019ء کو انتقال کرگئیں

    شوبز انڈسٹری کے سینئر اداکار رشید نازکی وفات،وزیراعلیٰ کا اظہار افسوس

  • پریانکا چوپڑا کے ساتھ فلم کرنے سےشمعون عباسی کیوں معذرت کی؟اداکار نے وجہ بتادی

    پریانکا چوپڑا کے ساتھ فلم کرنے سےشمعون عباسی کیوں معذرت کی؟اداکار نے وجہ بتادی

    کراچی: اداکار شمعون عباسی نے انکشاف کیا ہے کہ انہیں بالی ووڈ اداکارہ پریانکا چوپڑا کے ساتھ فلم آفر ہوئی تھی جولیکن انہوں نے فلم میں کام کرنے سے انکار کردیا تھا۔

    باغی ٹی وی : حال ہی میں شمعون عباسی ایک آن لائن شو میں شریک ہوئے جہاں انہوں نے انکشاف کیا کہ انہیں بالی ووڈ سے دو بار فلموں کی پیشکش ہوئی تھی ایک بار ہدایت کار وشال بھردواج نے اور دوسری بار رام گوپال ورما نے فلم کی آفر کی تھی۔

    پی ایس ایل 7 کا ترانہ ریلیز٫مداحوں کی تنقید ٫علی ظفر کو یاد کرنے لگے

    شمعون عباسی نے بتایا کہ انہوں نے وشال بھردواج کی فلم میں کام کرنے سے اس لیے منع کیا کیونکہ وہ پہلے ہی ایک پاکستانی فلم ’’وار‘‘ میں کام کررہے تھے اس فلم میں پریانکاچوپڑا بھی تھیں اور ان کے اور پریانکا چوپڑا کے وقت کا مسئلہ تھا جس کی وجہ سے انہوں نے فلم میں کام کرنے سے منع کردیا۔

    شمعون عباسی نے بتایا کہ دوسری بار بالی ووڈ ہدایت کار رام گوپال ورما نے انہیں فلم کی آفر کی لیکن وہ چاہتے تھے کہ میں بھارت جاؤں اور وہاں فلم کی ٹیم کے ساتھ چھ، ساتھ ماہ گزاروں لیکن میرے پاس اتنا وقت نہیں تھا لہذا میں نے انہیں بھی منع کردیا۔

    شمعون عباسی نے اداکار شان کے سینما میں بھارتی فلموں پر پابندی لگنے کے مطالبے پر کہا کہ وہ شان کی اس بات سے اتفاق نہیں کرتے کیونکہ اگر آپ سینما میں بھارتی فلموں پر پابندی لگائیں تو پھر ان کے نعم البدل میں لوگوں کو اپنی فلمیں دکھائیں تاکہ سینما چلتے رہیں کیونکہ سینما ایک بہت بڑی انڈسٹری ہے۔ آرٹ کی کوئی سرحد کوئی تفریق نہیں ہوتی لہذا دونوں ممالک کے درمیان آرٹ کی تفریق کو ختم کریں۔

    ارطغرل غازی کے معروف اداکار انتقال کر گئے

    شو میں شمعون عباسی نے شو میں اپنی سابق بیوی حمائمہ ملک کے بارے میں بات کرتے ہوئے کہا حمائمہ ملک ایک بلند سوچ اور بلند نظریہ رکھنے والی خاتون ہیں۔ انہوں نے حمائمہ کو کام پر توجہ مرکوز رکھنے کا مشورہ دیا۔

    شو کے دوران شمعون عباسی نے بتایا کہ ہمایوں سعید کو شوبز انڈسٹری میں بریک انہوں نے دیا تھا ہمایوں سعید پہلی دفعہ میری ٹیلی فلم سے اسکرین پر لوگوں کے سامنے آئے مہوش حیات کو تمغہ امتیاز ملنے کے بارے میں شمعون عباسی نے کہا کہ انہیں تمغہ امتیاز اداکاری پر نہیں بلکہ پرسنالٹی (شخصیت) پر ملا ہے۔

    پریانکا چوپڑا اور نک جونس کے ہاں بیٹی کی پیدائش

    اداکار شمعون عباسی نے شو میں انکشاف کیا کہ ماہرہ خان نے اپنی پہلی فلم ’’بول‘‘ سائن کرنے سے پہلے مجھ سے مشورہ لیا تھا کہ مجھے یہ فلم کرنی چاہئے یا نہیں ہم دونوں اُس وقت شائستہ واحدی کے مارننگ شو میں تھے فلم ’’بول‘‘ کے حوالے سے حمائمہ کو بھی فون آیا تھا بریک کے دوران ماہرہ خان نے کہا کہ مجھے بھی فون آیا ہے تو کیا میں یہ فلم کروں یا نہیں کیونکہ مجھے فلموں کے بارے میں کچھ نہیں پتہ میں تو وی جے ہوں لہذا میں نے ماہرہ خان کو کہا کہ آپ یہ فلم اس لیے کریں کیونکہ شعیب منصور جیسا نام ہے ہی نہیں پاکستان میں وہ جو بھی آپ سے کروائیں گے بہتر ہی کروائیں گے۔ اس کے بعد ماہرہ خان کی ’’بول‘‘ کے ذریعے فلموں میں انٹری ہوئی۔

    اسٹیج فنکار نسیم وکی اور آغا ماجد کی گاڑی پر نامعلوم افراد کی فائرنگ

    شمعون عباسی نے بتایا کہ خلیل الرحمان قمر بھارتی پائلٹ ابھی نندن پر فلم بنا رہے ہیں اور اس فلم کے لیے انہوں نے مجھے پیشکش کی تھی لیکن میں نے منع کردیا جس پر خلیل الرحمان قمر نے کہا میں آپ کا بھائی ہوں کیا میں آپ کے پیر پکڑوں آپ کے پاس آکر کہ آپ یہ فلم کرلیں انہوں نے اتنی بڑی بات کردی جس پر میں نے خلیل صاحب کو کہا آپ بڑی شخصیت ہیں یہ خلیل صاحب کا پیار ہے کہ جس طرح انہوں نے مجھ سے بات کی۔

    ماہرہ خان کی وجہ سے سوشل میڈیا پر بہت زیادہ گالیاں پڑی تھیں،علی عباس کا انکشاف

  • دوسری شادی کی خواہش پر بیوی نے شوہر کو قتل کردیا

    دوسری شادی کی خواہش پر بیوی نے شوہر کو قتل کردیا

    راولپنڈی: دوسری شادی کی خواہش پر بیوی نے شوہر کو قتل کردیا اور موقع سے فرار ہوگئی۔

    باغی ٹی وی : پولیس کے مطابق 50 سالہ مقتول ذوالفقار علی دوسری شادی کرنا چاہتا تھا جس پر بیوی روبینہ نے فائرنگ کرکے اسے قتل کردیا اور موقع سے فرار ہوگئی۔

    سی پی او راولپنڈی عمر سعید ملک نے قتل واردات کا نوٹس لیتے ہوئے ایس ایچ او تھانہ صدربیرونی کو فوری ملزمہ کو گرفتار کرنے کا حکم دے دیا۔

    دوسری شادی کی خواہش، بیوی نے شوہر کی انگلیاں توڑ دیں

    قبل ازیں متحدہ عرب امارات (یو اے ای) میں ایک خاتون نے دوسری شادی کی خواہش پر اپنے شوہر کی انگلیاں توڑ دیں تھیں متحدہ عرب امارات کی ریاست الفجیرہ میں میاں بیوی کے درمیان معمولی سے بات پر جھگڑا ہوگیا، دونوں نے ایک دوسرے کو زدوکوب کیا اور مارا پیٹا شوہر نے تھپڑ مارا جس کی وجہ سے اس کی بیوی کی سماعت پر فرق پڑا اور اسے سننے میں مشکلات پیش آنے لگیں اس دوران بیوی نے خود کو کمرے میں بند کرلیا شوہر نے دروازہ توڑنے کی کوشش کی جس پر مشتعل بیوی نے اچانک دروازہ کھول کر شوہر کی انگلیاں پھنسا دی۔

    حسنین شاہ کو کرائے کے قاتلوں کے ذریعے قتل کرائے جانے کا انکشاف

    دروازے میں ہاتھ آنے سے شوہر کی انگلیوں کی ہڈیاں ٹوٹ گئیں اور ایمرجنسی میں اسپتال جانا پڑا اس دوران بیوی تھانے پہنچ گئی اور شوہر کیخلاف مقدمہ درج کرانے کی درخواست کی جس پر پولیس نے بتایا کہ آپ کے شوہر نے پہلے ہی آپ پر مقدمہ کر رکھا ہے وہ اپنے شوہر کے دوسری عورت سے شادی کرنے کے فیصلے اور اسے ازدواجی حقوق دینے سے انکار پر طیش میں آگئی تھی۔

    پولیس نے دونوں کو گرفتار کرکے فیملی کورٹ میں پیش کیا متحدہ عرب امارات کی فوجداری عدالت نے ایک 25 سالہ ایشیائی خاتون کو دوسری عورت سے شادی کرنے کے بارے علم ہونے پر شوہر کی انگلیاں توڑنے کے جرم میں 6 ماہ قید اور ملک بدری کی سزا سنائی –

    گجرات پولیس نے اغوا ہونے والا 2 سال کا بچہ بازیاب کروا لیا:اغوا کار کون؟سُن کرسب…

    اس سے قبل پنجاب کے صوبائی دارالحکومت لاہور میں شوہر نے بیوی پر تیزاب پھینک دیا تھا ڈی آئی جی آپریشنز ڈاکٹر محمد عابد خان نےواقعہ کا نوٹس لیا اور ایس پی سٹی حفیظ الرحمان بگٹی کی قیادت میں شفیق آباد پولیس نے بروقت کاروائی کی، شفیق آباد پولیس نے کاروائی کرتے واقعہ میں ملوث ملزم عاقب کو گرفتار کر لیا .ترجمان پولیس کا کہنا ہے کہ واقعہ گھریلو ناچاقی لڑائی جھگڑا پر پیش آیا,زخمی خاتون کو طبی امداد کے لئے ہسپتال منتقل کیا جو علاج معالجہ کے بعد گھر واپس آ گئی ،ملزم کے خلاف مقدمہ درج کر لیا گیا ہے اور تفتیش جاری ہے، ایس پی سٹی حفیظ الرحمان بگٹی کا کہنا ہے کہ خواتین پر تشدد اور جنسی استحصال کرنے والوں کے خلاف فوری قانونی کاروائی عمل میں لائی جا رہی ہے,

    ہائی کورٹ نے ریپ کیس میں متاثرہ کمسن بچی کا بیان بھی قابل تسلیم گواہی قراردیا