Baaghi TV

Author: عائشہ ذوالفقار

  • کورونا وبا: مزید 8 افراد جاں بحق

    کورونا وبا: مزید 8 افراد جاں بحق

    اسلام آباد: پاکستان میں عالمی وبا کورونا وائرس سے مزید 8 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 57 ہزار 669 کورونا ٹیسٹ کیے گئے مزید 5 ہزار 472 کورونا کیسز رپورٹ ہوئے۔

    کورونا وبا:ملک میں مزید 10 افراد جاں بحق،5 ہزار 34 کیسز رپورٹ

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 38 ہزار 993 جبکہ اموات کی مجموعی تعداد 29 ہزار 37 ہو گئی ہے اور مثبت کیسز کی شرح 9.48 فیصد رہی۔

    اسلام آباد پولیس کی کاروائی،کوویڈ 19کی خلاف ورزی کرنے والوں کو جرمانے

    سندھ میں کورونا کیسز کی تعداد 5 لاکھ 9 ہزار 308، خیبر پختونخوا میں ایک لاکھ 82 ہزار 619، پنجاب میں 4 لاکھ 55 ہزار 499، اسلام آباد میں ایک لاکھ 12 ہزار 557، بلوچستان میں 34 ہزار 744، آزاد کشمیر میں 34 ہزار 811 اور گلگت بلتستان میں 10 ہزار 455 ہو گئی ہے۔

    آزاد کشمیر:میرپورمیں کورونا کیسز رپورٹ ہونے پر 7 تعلیمی ادارے بند

    اب تک کورونا کے سبب سب سے زیادہ اموات پنجاب میں ہوئی ہیں جہاں 13 ہزار 091 افراد جان کی بازی ہار چکے ہیں جبکہ سندھ میں 7 ہزار 709، خیبرپختونخوا 5 ہزار 965، اسلام آباد 969، گلگت بلتستان 187، بلوچستان میں 367 اور آزاد کشمیر میں 749 افراد جان کی بازی ہار چکے ہیں۔

    کورونا وائرس سے بچاؤ میں بھنگ بھی بہت مفید ،تحقیق

    دوسری جانب بھارتی حکام کے مطابق بھارت میں کورونا مریضوں کی تعداد 37 اعشاریہ 9 ملین ہوگئی بھارت میں کورونا سے مجموعی اموات 4 لاکھ 87 ہزار ہوگئیں. یومیہ کورونا سے ہونے والی اموات 441 تک پہنچ گئیں جبکہ یومیہ کورونا کیسز کی تعداد 2 لاکھ 82 ہزار سے تجاوز کرگئی-

    ‏امریکی فوج کے سربراہ جنرل مارک ملی بھی کورونا سے نہ بچ سکے

  • کمال آر خان نے سلمان خان کو بڑا بھائی کہہ کر جھگڑا ختم کر دیا

    کمال آر خان نے سلمان خان کو بڑا بھائی کہہ کر جھگڑا ختم کر دیا

    کمال آر خان نے سلمان خان کو بڑا بھائی کہہ کر رنجشیں ختم کردیں-

    باغی ٹی وی : بھارتی میڈیا کے مطابق کمال آر خان المعروف کے آر کے جو اپنے چبھتے الفاظ کے لیے جانا جاتا ہے حال ہی میں، وہ بالی ووڈ کی مشہور شخصیات کے خلاف کافی جارحانہ انداز میں بولتے نظر آ رہے تھے سلمان خان کے ساتھ ان کا سب سے بڑا جھگڑا باقی ہے، جو اس وقت سے شروع ہوا جب کمال نے رادھے کا جائزہ لیا۔ آخر کار، ایسا لگتا ہے کہ جنگ ختم ہو گئی ہے-

    عامر خان سے خفیہ شادی کی افواہوں پر پریتی زنٹا کا ردعمل

    غیرمعمولی طور پر، کمال سلمان پر باقاعدگی سے پوٹ شاٹس لے رہے ہیں۔ یہ سب اس وقت شروع ہوا جب سلمان نے کمال کے رادھے ریویو کے خلاف قانونی مدد لینے کا فیصلہ کیا، جس میں انہوں نے سپر اسٹار پر ذاتی تنقید کی۔ تب سے، دونوں کے درمیان بہت کچھ چل رہا ہے لیکن اب کے آر کے یہ جھگڑا ختم کرتے نظر آرہے ہیں۔


    کے آر کے نے 16 جنوری کو ٹویٹ کیا جس میں انہوں نے میڈیا والوں پر ناراضگی کا اظہار کیا انہوں نے کہا میں دوسرے اداکاروں کے خلاف بھی بولتا ہوں لیکن میڈیا والے میرے ہر ٹویٹ کو سلمان خان کے خلاف جوڑ دیتے ہیں۔

    عدالت کا غیرملکی ماڈل ٹریزا کا پاسپورٹ سمیت دیگر سامان واپس کرنے کا حکم

    انہوں نے کہا کہ ہاں کچھ غلط فہمیاں ہیں لیکن سلمان خان میرے بڑے بھائی ہیں نہ ہی وہ میرے دشمن ہیں اور نہ ہی میں اپنے دل میں ان کیلئے کوئی نفرت محسوس کرتا ہوں۔

    تاہم اس سے قبل انہوں نے دیگر معروف اداکاروں کو بھی فلاپ فلموں پر آڑے ہاتھوں لیا تھا جس میں اجے دیوگن، شاہ رُخ خان، ایوشمن کھرانا شامل ہیں۔ انہوں نے کہا تھا کہ یہ بالی وُڈ والے اپنے آپ کو عقلمند سمجھتے ہیں۔ انہوں نے اداکاروں کو مخاطب کرتے ہوئے کہا تھا کہ کیا آپ لوگ یہ فلمیں خود کیلئے بناتے ہیں؟ یا اپنے گھر میں اپنی فیملی کو دکھانے کیلئے بناتے ہیں؟۔

    بالی ووڈ خانز کا دور اپنے اختتام کو پہنچ چکا،کے آر کے کا دعویٰ

  • عمان رائل نیوی کمانڈر کی راولپنڈی میں چیئرمین جوائنٹ چیفس آف سٹاف کمیٹی جنرل ندیم رضا سے ملاقات

    عمان رائل نیوی کمانڈر کی راولپنڈی میں چیئرمین جوائنٹ چیفس آف سٹاف کمیٹی جنرل ندیم رضا سے ملاقات

    عمان کی رائل نیوی کے کمانڈر ایڈمرل سیف ناصر محسن الرحبی نے آج جوائنٹ سٹاف ہیڈ کوارٹرز راولپنڈی میں چیئرمین جوائنٹ چیفس آف سٹاف کمیٹی جنرل ندیم رضا سے ملاقات کی۔

    باغی ٹی وی : آئی ایس پی آر کے مطابق ملاقات میں سیکیورٹی اور علاقائی امور کے علاوہ دوطرفہ فوجی مصروفیات کی سطح اور دائرہ کار کو بڑھانے اور دونوں برادر ممالک کے درمیان مختلف شعبوں میں تعاون سے متعلق امور پر تبادلہ خیال کیا گیا۔

    وئردیر:چیک پوسٹ پردہشت گردوں کا حملہ،دیرلیویز کا ایک اہلکارشہید

    چیئرمین جوائنٹ چیفس آف سٹاف کمیٹی جنرل ندیم رضا نے موجودہ دفاعی اور سیکیورٹی تعاون کو مزید بڑھانے کی ضرورت پر زور دیا اور کہا کہ پاکستان عمان تعاون خطے میں امن و سلامتی پر مثبت اثرات مرتب کرے گا۔

    پی ایس ایل7 : بیک اپ کیلئے 15 متبادل کرکٹرز منتخب

    آئی ایس پی آر کے مطابق جنرل ندیم رضا نے اس بات کا اعادہ کیا کہ افغانستان میں طویل مدتی امن و استحکام کو یقینی بنانے کے لیے تمام علاقائی ممالک کو مل کر کام کرنے کی ضرورت ہے۔

    لاہور:داتا دربار سے 3 ماہ کی بچی اغوا

    دوسری جانب عمان کی رائل نیوی کے کمانڈر ایڈمرل سیف ناصر محسن الرحبی نے عمان کی مسلح افواج کی استعداد کار بڑھانے میں پاکستان کی مسلح افواج کے کردار کو سراہا انہوں نے دہشت گردی کے خلاف جنگ میں پاکستان کی قربانیوں کا بھی اعتراف کیا۔

    لاہور:غیرت کے نام پرشوہر نے بیوی کو قتل کردیا

  • عامر خان سے خفیہ شادی کی افواہوں پر پریتی زنٹا کا ردعمل

    عامر خان سے خفیہ شادی کی افواہوں پر پریتی زنٹا کا ردعمل

    ممبئی:عامر خان سے شادی کی افواہوں پر پریتی زنٹا کا ایک انٹرویو وائرل ہو رہا ہے جس میں انہوں نے اس بے بنیاد اور جھوٹی خبر پر ردعمل دیا تھا-

    باغی ٹی وی: بھارتی شوبز ویب سائٹ کوئیموئی کے مطابق بالی ووڈ ستاروں کے لنک اپس، بریک اپس اور تنازعات کی افواہیں کوئی نئی بات نہیں اور کئی سالوں سے مداح اپنے پسندیدہ ستاروں کے بارے میں کچھ دلچسپ گپ شپ جاننے کے لیے بے صبری سے انتظار کرتے ہیں اس کا سلسلہ بالی وُڈ کی تاریخ سے جُڑا ہے ایسی ہی ایک خبر نے لوگوں کو شاک میں ڈال دیا تھا جب عامر خان نے 2002 میں رینا دت سے علیحدگی اختیار کی تو بہت سے لوگ یہ جان کر حیران رہ گئے کہ اداکار نے خفیہ طور پر پریتی زنٹا سے شادی کر لی ہے-

    اداکارہ سشمیتا سین نے تیسرا بچہ گود لے لیا؟

    دونوں کی جوڑی 2001 کی سپر ہٹ فلم دل چاہتا ہے میں بنی۔ فلم میں شالنی اور آکاش ملہوترا کے طور پر ان کی کیمسٹری کو سب سے زیادہ پسند کیا گیا۔ یہ فلم ایک آنےوالی رومانوی فلم تھی جسے فرحان اختر نے لکھا اور ہدایت کاری کی۔ اس میں سیف علی خان، اکشے کھنہ کے ساتھ سونالی کلکرنی اور ڈمپل کپاڈیہ بھی اہم کرداروں میں تھے۔ یہ اُس وقت کی بات ہے جب پریتی زنٹا فلم دِل چاہتا ہے میں عامر خان کی ہیروئین بنی تھیں۔ فلم میں دونوں کی کیمسٹری کو ناظرین کی جانب سے بہت سراہا گیا تھا۔

    ادکارہ مونی رائے شادی کے بندھن میں بندھنے کے لئے تیار

    یہ خبر جنگل کی آگ کی طرح پھیل گئی تھی اس دوران Rendezvous With Simi Garewal شو میں پریتی زنٹا کو مدعو کیا گیا جہاں انہوں نے ایسی افواہوں کو غلط قرار دیا۔ انہوں نے بتایا کہ مجھے یہ سُن کر شاک لگا تھا۔

    انہوں نے بتایا کہ اصل میں بات یہ ہے کہ جب عامر خان کی طلاق ہوئی اُس وقت میں ہی ان کے سہارے کیلئے سب سے زیادہ قریب تھی کیونکہ حال ہی میں ہم نے دل چاہتا ہے میں کام کیا تھا۔ یہ ہونا تھا اور میں مسز عامر کہلائی جانے لگی، میں جہاں جاتی تھی مجھے بتانا پڑتا تھا کہ ہم نے شادی نہیں کی۔ عامر مجھے اپنی چھوٹی بہن سمجھتے ہیں۔ وہ مجھے یاکو کے نام سے بلاتے ہیں۔ جب یہ افواہیں گردش کررہی تھیں تو انہوں نے ہی مجھے دلاسا دیا۔

    ملائکہ سےعلیحدگی کی خبریں،ارجن کپور نے خاموشی توڑ دی

  • عدالت کا غیرملکی ماڈل ٹریزا کا پاسپورٹ سمیت دیگر سامان واپس کرنے کا حکم

    عدالت کا غیرملکی ماڈل ٹریزا کا پاسپورٹ سمیت دیگر سامان واپس کرنے کا حکم

    سیشن کورٹ لاہور نے منشیات اسمگلنگ کے الزام میں سزا پانے والی غیر ملکی ماڈل ٹریزا کا پاسپورٹ سمیت دیگر سامان واپس کرنے کا حکم دے دیا۔

    باغی ٹی وی : تفصیلات کے مطابق عدالت نے غیر ملکی ماڈل کا موبائل فون، پرس، شناختی کارڈ اور دیگر اشیا واپس کرنے کا حکم دیا ہے عدالت نے کہا کہ موبائل فون، پرس اور شناختی کارڈ وغیرہ مال مقدمہ نہیں ہے فیصلہ میں کہا گیا ہے کہ یہ تمام چیزیں ٹریزا سے چیکنگ کے دوران قبضہ میں لی گئیں تھیں۔

    کوک اسٹوڈیو سیزن14: عابدہ پروین اور نصیبو لال کی وائرل ویڈیو ٹوئٹر پر ٹاپ ٹرینڈ

    واضح رہے کہ غیر ملکی ماڈل ٹریزا کو کسٹم حکام نے ایئرپورٹ سے منشیات اسمگلنگ کے الزام میں گرفتار کیا تھا۔ سیشن کورٹ نے ملزمہ کو سزا سنائی تھی۔ لیکن لاہور ہائیکورٹ نے چار سال بعد ملزمہ کو منشیات اسمگلنگ کے الزام سے بری کیا تھا۔

    مہوش حیات باتھ روم میں رقص کرنے پر تنقید کی زد میں

    خیال رہے کہ گزشتہ برس دسمبر میں منشیات برآمدگی کیس میں بری ہونیوالی غیر ملکی ماڈل نے پاسپورٹ کی واپسی کیلئے لاہورہائی کورٹ سے رجوع کیا تھا غیر ملکی ماڈل ٹریزا نے وکیل کی وساطت سے دائر درخواست میں موقف اختیارکیا تھا کہ ہائیکورٹ سے وہ منشیات کے مقدمے سے بری ہوچکی ہیں-

    آئمہ بیگ ٹیکس نادہندہ،گاڑی ضبط کرنے کا نوٹس جاری

    ماڈل نے کہا تھا کہ پاسپورٹ،نقدی سمیت دیگر اشیاء کسٹم حکام کے قبضے میں ہیں،عدالت سے استدعاہے کہ غیر ملکی ماڈل ٹریزا کا سامان واپس کرنے کا حکم دیاجائے،ماڈل ٹریزا کو عدالت عالیہ نے نے بری کرنے کا حکم دیا تھا۔

    غیر ملکی ماڈل نے اپنی درخواست میں موقف اختیار کیا تھا کہ کسٹم حکام نے گرفتاری کے وقت ان کی اشیاء قبضہ میں لے رکھی تھیں عدالت ان کا سامان واپس کرنے کا حکم دے۔

    عدالت نے صوفیہ مرزا کے بچوں کے اغواء کی پیشرفت رپورٹ طلب کر لی

  • انڈونیشیا کا دارالحکومت جکارتا سے منتقل کرنے کا بل منظور

    انڈونیشیا کا دارالحکومت جکارتا سے منتقل کرنے کا بل منظور

    جکارتا: انڈونیشیا کا دارالحکومت جکارتا سے منتقل کرنے کا بل منظورکرلیا گیا۔

    باغی ٹی وی : تفصیلات کے مطابق انڈونیشیا کی حکومت نے فیصلہ کیا تھا کہ وہ اپنے دارالحکومت کو جکارتہ سے جنگلوں سے گھرے مشرقی کنارے پر واقع بورنیو جزیرے منتقل کریں گےپیش کردہ مقام علاقائی شہروں بالکپاپان اور ساماریندا کے نزدیک ہے جہاں قدرتی آفات کا خدشہ کم ہے اور حکومت کے پاس وہاں پہلے ہی 1 لاکھ ہزار ہزار ہیکٹ (4 لاکھ 45 ہزار ایکڑ) زمین کی ملکیت موجود ہے۔

    صدر جوکو ویدودو نے ٹی وی پر نشر ہونے والی تقریر میں کہا تھا کہ ‘یہ جگہ بہترین ہے ، یہ انڈونیشیا کے وسط میں ہے اور شہری علاقوں سے بھی قریب تر ہے۔

    ٹونگا میں سونامی سے ایک خاتون ہلاک

    ان کا کہنا تھا کہ گورننس، کاروبار، مالیات، تجارت اور سروسز کا مرکز ہونے کی وجہ سے جکارتا پر بوجھ میں بہت زیادہ اضافہ ہوگیا ہے۔جکارتہ میں مقیم پولیٹیکل رسک اینالسٹ کیون او رورکے کا کہنا تھا کہ جاوا جزیرے سے دارالحکومت تبدیل کرنے سے اتحاد مزید مستحکم ہوگا۔

    صدر جوکو ویدودو کا کہنا تھا کہ جکارتا میگا سٹی رہےگا اور چند دہائیوں تک مالیات اور تجارت کا مرکزبنا رہے گا تاہم اسے ماحولیاتی تبدیلی کےسنگین خدشات لاحق ہیں پیش کردہ اقدام پر بل کو پارلیمنٹ میں پیش کیا جائے گا۔حکام کا کہنا تھا کہ بورنیو جزیرے پر تعمیرات کا آغاز آئندہ سال سے ہوگا جس میں 15 لاکھ سرکاری افسران کی منتقلی 2024 تک 466 کھرب روپیہ (33 ارب ڈالر) لاگت سے کی جائے گی۔

    برطانیہ میں 6 کے بجائے 4 دن کام پر ٹرائل کا آغاز

    تاہم اب انڈونیشیا کی پارلیمنٹ نے دارالحکومت جکارتا سے منتقل کرنے کی منظوری دے دی ہے انڈونیشیا کے وزیرمنصوبہ بندی کا کہنا تھا کہ انڈونیشیا کے نئے دارالحکومت کا نام نوسنتارا ہوگا جوبونیو آئی لینڈ میں واقع ہے نیا دارالحکومت قوم کی شناخت اوراقتصادی سرگرمیوں کا مرکز ہوگا۔

    انڈونیشیا کے دارالحکومت کو جکارتا سے منتقل کرنے کا اعلان 2019 میں کیا گیا تھا تاہم کورونا وبا کی وجہ سے عملدرآمد میں تاخیرہوئی۔

    امریکا میں برفانی طوفان،متعدد ریاستوں میں ایمرجنسی نافذ

    ماہرین نے دارالحکومت کی منتقلی کوتنقید کا نشانہ بناتے ہوئے کہا کہ تبدیلی کے لئے عوام سے رائے نہیں لی گئی اورنہ ہی ماحولیاتی حوالے کو مدنظررکھا گیا ملیشیا اور برونائی سے ملنے والے بورنیو جزیرے کا حصہ جسے کلیمنتان کے نام سے جان جاتا ہے، میں بڑے پیمانے پر کان کنی کی جاتی ہے جبکہ یہاں گھنے جنگلات ہیں اور یہ دنیا کے ان چند مقامات میں سے ایک ہے جہاں اورانگوتان بستے ہیں , ماہر ماحولیات نے دارالحکومت کی تبدیلی پر خدشات کا اظہار کیا کہ اس سے نایاب اورانگوتان کو خطرات لاحق ہوسکتے ہیں۔

    ’ایک بچہ‘پالیسی :چین میں شرح پیدائش کی کم ترین سطح ریکارڈ

  • بھارتی وزیراعظم کی طرح عالمی سطح پر بھارت کو کوئی بدنام نہیں کر سکتا،مودی کی ایسی حرکت ،بھارتی چلا اٹھے

    بھارتی وزیراعظم کی طرح عالمی سطح پر بھارت کو کوئی بدنام نہیں کر سکتا،مودی کی ایسی حرکت ،بھارتی چلا اٹھے

    بھارتی وزیراعظم نریندر مودی پرچی پڑھنے والے وزیراعظم نکلے، مودی نے بھارت کی ساکھ مٹی میں ملا دی جب لائیو شو میں جب ٹیلی پرامٹر پر کچھ نہ لکھا آیا تو مودی کی ہوائیاں اڑ گئیں منہ سے ایک لفظ نکالنا بھی محال ہو گیا-

    باغی ٹی وی : مودی یوں تو بھارت کو گاہے بگاہے بین الاقوامی سطح پر مذاق کا نشانہ بنواتے رہتے ہیں تاہم اب پھر انہوں نے بھارت اور انتہا پسند خوش فہم بھارتیوں کی عزت خاھ میں ملا دی ہوا کچھ یوں کہ نریندر مودی ورلڈ اکنامک فورم سے آن لائن خطاب کررہے تھے کہ اچانک ٹیلی پرامٹر بند ہو گیا اور وہیں بڑی بڑی باتیں کرنے والے مودی کی ساری اکڑ خاک میں مل گئی، ایک لفظ بھی منہ سے نکالنا مشکل ہو گیا۔

    ایڈووکیٹ پرشانت بھوشن کی تقریرجس پر لندن سکول آف اکنامکس نے مودی کو اعزازی ڈگری دینے کا فیصلہ منسوخ…

    اپنی خفت چھپا نے کے لئے ہیڈ فونز لگا کر لڑکھڑاتی آواز میں پوچھتے رہے کہ کیا میری آواز آ رہی ہے؟کیا مجھے سب ٹھیک طرح سُن رہے ہیں؟ لیکن یہ آواز بھی منہ میں کہیں گم ہی ہو گئی مودی کے ایسے بین الاقوامی سطح پر ایک لفظ بھی نہ بول پانے سے پورے بھارت کو دنیا کے سامنے ہرزہ سرائی کا سامنا کرنا پڑا، اور سوشل میڈیا پر” ٹیلی پرامٹر پی ایم” کا ٹاپ ٹرینڈ بھی بن گیا-


    جبکہ اس سے پہلے کئی بار کانگریس رہنما راہول گاندھی، مودی کو ٹیلی پرامیٹر وزیراعظم کہہ چکے ہیںان کا کہنا تھا کہ مودی پرامٹر کے بغیر ایک لفظ بھی نہیں بول سکتے تاہم آج ان کا یہ دعوٰی سچ ثابت ہو گیا ہے-


    اور اب انہوں نے ٹوئٹ کرتے ہوئے طنزکیا کہ ٹیلی پرامٹر بھی مودی کا جھوٹ برداشت نہیں کر سکا۔


    پراکاش نامی صارف نے مودی کو ”حقیقی پپو” قرار دے دیا۔


    ایک صارف نے کہا کہ مزاق اپنی جگہ لیکن بھارت کے سب سے اعلی عہدے پر نافذ شخص پرامٹر کے بغیر ایک لفظ بھی نہیں پڑھ سکتا، یہ پورے بھارت کے لیے شرمندگی کا باعث ہے۔


    ہمانشو نارائن نامی صارف نے لکھا کہ ٹیلی پرامٹر بند کرنے کے بعد پی ایم ایک لفظ بھی نہیں بول سکتے اسی طرح کے بی جے پی لوگ ٹول کٹ کے بغیر ٹویٹ نہیں کر سکتے۔
    https://twitter.com/saraf_pankaj/status/1483159418401619968?s=20
    جبکہ پنکج نامی صارف کا کہنا تھا کہ آج یہ ثابت ہوا کہ مودی سب سے بڑا لیڈر نہیں بلکہ سب سے بڑا اداکار ہے۔


    ایک صارف کا کہنا تھا کہ مودی کی طرح بین الاقوامی سطح پر بھارت کو کوئی بدنام نہیں کر سکتا۔


    مانو گپتا نامی صارف نے لکھا کہ وہ شخص جس نے ہندوستان کو بین الاقوامی سطح پر شرمندہ کیا۔


    https://twitter.com/SarcasticRofl/status/1483297300675895303?s=20
    https://twitter.com/Kishor_says/status/1483278322108801030?s=20
    https://twitter.com/RP_Vinothh/status/1483266581090430982?s=20

    بھارت میں انتہا پسند ہندو وکیلوں کا اذان پر پابندی کا مطالبہ

  • ویرات کوہلی کواپنی انا چھوڑ کر نوجوان کرکٹر کی زیرقیادت کرکٹ کھیلنے کا مشورہ

    ویرات کوہلی کواپنی انا چھوڑ کر نوجوان کرکٹر کی زیرقیادت کرکٹ کھیلنے کا مشورہ

    نئی دہلی: سابق کپتان کپیل دیو نے ویراٹ کوہلی کو مشورہ دیاکہ وہ اپنی انا چھوڑ کر نئے لیڈر کی زیرقیادت کھیلیں۔

    باغی ٹی وی: کپیل دیو نے کہا کہ کوہلی ابھی مشکل وقت سے گزر رہے ہیں،انھیں بے تحاشا دباؤ کا سامنا ہوگا، انھوں نے اپنی مثال دیتے ہوئے کہا کہ سنیل گاوسکر نے میری زیرقیادت کرکٹ کھیلی اور پھر میں بھی کرشنم اچاری سری کانت اور اظہر الدین کی کپتانی میں ملک کی خدمت کرتے رہا،میری کوئی انا نہیں تھی۔

    سابق کپتان نے مشورہ دیا کہ کوہلی کوبھی اپنی انا چھوڑ کر نوجوان کرکٹر کی زیرقیادت کھیلنا چاہیے۔

    ‏ویرات کوہلی ٹیسٹ ٹیم کی کپتانی سے مستعفیٰ،بھارتی میڈیا

    واضح رہے کہ حال ہی میں بھارتی معرف کرکٹر ویرات کوہلی نے اعلان کیا تھا کہ وہ حال ہی میں ختم ہونے والی جنوبی افریقہ سیریز کے بعد ہندوستانی ٹیم کی ٹیسٹ کپتانی سے دستبردار ہو رہے ہیں وہ آئی پی ایل 2021 کے بعد رائل چیلنجرز بنگلور (RCB) کی کپتانی بھی چھوڑ چکے ہیں۔

    کوہلی نے اعلان کیا تھا کہ وہ حال ہی میں ختم ہونے والی جنوبی افریقہ سیریز کے بعد ہندوستانی ٹیم کی ٹیسٹ کپتانی سے دستبردار ہو رہے ہیں۔ 33 سالہ کرکٹر نے ہفتہ کو سوشل میڈیا پیغام میں کہا تھا کہ ہندوستان کے ٹیسٹ کپتان کے طور پر ان کا 7 سالہ سفر اختتام پذیر ہو گیا ہے-

    رپورٹ کے مطابق یہ غیر متوقع فیصلہ بھارت کے جنوبی افریقہ میں جنوبی افریقہ کے ہاتھوں 3 ٹیسٹ میچوں کی سیریز 1-2 سے ہارنے کے ایک دن بعد آیا ہے۔ ویرات کوہلی نے 2014 سے 2022 کے درمیان 68 ٹیسٹ میں ہندوستان کی قیادت کی اور ان میں سے 40 میچزمیں فتح حاصل کی۔ ویرات کی کپتانی کا دور 58.82 کی جیت کے فیصد کے ساتھ ہندوستان کے سب سے کامیاب ٹیسٹ کپتان کے طور پر ختم ہوا-

    بھارتی کرکٹرکوفکسنگ کیلئے 40 لاکھ روپے کی پیشکش کا انکشاف

    ویرات نے ٹوئٹر پر پیغام میں لکھا تھا کہ "ٹیم کو درست سمت میں لے جانے کے لیے 7 سال انتھک محنت کی میں نے کام پوری ایمانداری کے ساتھ کیا ہےہر چیز کو کسی نہ کسی مرحلے پر رک جانا ہے۔ ویرات کوہلی نے اپنی پوسٹ میں کہا تھا کہ میرا ہندوستان کے ٹیسٹ کپتان کے طور پریہ سفراختتام پذیر ہو گیا ہے اس میں بہت سے اتار چڑھاؤ اور کچھ نشیب و فراز بھی آئے ہیں، لیکن کبھی بھی کوشش ترک نہیں کی-

    ویرات کوہلی نے اپنی پوسٹ میں کہا تھا کہ”میں نے ہمیشہ اپنے ہر کام میں اپنا 120 فیصد دینے پر یقین رکھا ہے، اور اگر میں ایسا نہیں کر سکتا تو میں جانتا ہوں کہ ایسا کرنا درست نہیں ہے۔ میرے دل میں بالکل واضح ہے اور میں اپنی ٹیم کے ساتھ بے ایمان نہیں ہو سکتا۔

    نوواک جوکووچ کی ویزا بحال کرنے کی اپیل مسترد،عدالت کا ٹینس اسٹار کو ڈی پورٹ کرنے کا حکم

  • لوئردیر:چیک پوسٹ پردہشت گردوں کا حملہ،دیرلیویز کا ایک اہلکارشہید

    لوئردیر:چیک پوسٹ پردہشت گردوں کا حملہ،دیرلیویز کا ایک اہلکارشہید

    لوئردیرمیں پولیس اوردیرلیویز کی مشترکہ چیک پوسٹ پردہشت گردوں کے حملے میں دیرلیویز کا ایک اہلکارشہید ہوگیا۔

    باغی ٹی وی : پولیس ذرائع کے مطابق لوئردیرکے علاقے ٹاکورومنڈا میں دہشت گردوں نے پولیس اوردیرلیویز کی چیک پوسٹ کونشانہ بنایا جس کے نتیجے میں دیرلیویز کاایک اہلکارشہید ہوگیا جبکہ پولیس کا ہیڈکانسٹیبل زخمی ہوگیا۔

    سگنل ملا ہے کہ اسلام آباد میں دہشتگردی کے واقعات شروع ہو گئے ہیں، شیخ رشید

    سیکورٹی اہلکاروں کی جوابی فائرنگ میں ایک دہشتگرد مارا گیا شہید اہلکارکی لاش اورزخمی اہلکاروں کو ڈسٹرکٹ اسپتال تیمر گرہ منتقل کردیا گیاسیکورٹی فورسز نے علاقے کوگھیرے میں لے لیا ہے اورسرچ آپریشن جاری ہے۔

    قبل ازیں گزشتہ روز تھانہ کراچی کمپنی کے علاقہ میں دہشت گردوں کی فائرنگ سے ایک پولیس اہلکار جاں بحق ہوگیا۔ ترجمان اسلام آباد پولیس کے مطابق پولیس اہلکار ناکہ جیلانیہ پر معمول کی چیکنگ پر مامور تھے اس دوران موٹرسائیکل پر سوار 2 دہشت گردوں نے اچانک اندھا دھند فائرنگ کردی فائرنگ سے ایک پولیس اہلکار شہید ہوگیا جبکہ پولیس اہلکاروں کی جواب کارروائی کے نتیجے میں دونوں دہشت گرد ہلاک ہوگئے ہیں۔

    کراچی کمپنی کے علاقے میں دہشت گردی،سرکار کی مدعیت میں مقدمہ

    شہید ہیڈ کانسٹیبل منور حسین کی نماز جنازہ پولیس لائنز ہیڈکوارٹرز میں ادا کردی گئی نماز جنازہ میں وفاقی وزیرداخلہ شیخ رشید احمد، آئی جی اسلام آباد محمد احسن یونس اور شہریوں سمیت بڑی تعداد میں پولیس کے افسران و جوانوں نے شرکت کی۔ پولیس کے چاک و چوبند دستے نے سلامی دی وزیر داخلہ شیخ رشید احمد نے اسلام آباد پولیس کے شہید کانسٹیبل کی نماز جنازہ میں شرکت کی-

    اس موقع پر شیخ رشید احمد کا کہنا تھا کہ کل کراچی کمپنی کے پاس دہشتگردی کا واقع ہوا ،ہیڈ کانسٹیبل منور ڈیوٹی پر موجود تھے فائرنگ سے شہید ہوئے،یہ چوری یا ڈکیتی کا واقع نہیں ہے دہشتگردوں نے فائرنگ کی ہے ہمیں یہ ایک قسم کا سگنل ملا ہے کہ اسلام آباد میں دہشتگردی کے واقعات شروع ہو گئے ہیں،یہ اس سال کا پہلا واقع ہے ہمیں بہت الرٹ رہنے کی ضرورت ہے،پولیس نے اپنی جان دے کر ثابت کیا ہے کہ پاکستان کی ساری فورسسز پاکستان کی حفاظت کے لیئے جان کا نظرانہ دینے کو تیار ہیں،دونوں ملزموں تک پہنچ گئے ہیں موٹر بائیکس سے ان کو ٹریس کر لیا ہے-

    لوئرکوہستان میں غیرت کے نام پر15 سالہ طالب علم قتل

  • لاہور:غیرت کے نام پرشوہر نے بیوی کو قتل کردیا

    لاہور:غیرت کے نام پرشوہر نے بیوی کو قتل کردیا

    لاہور: تھانہ نشتر کالونی کی حدود میں شوہر نے غیریت کے نام پر 22 سالہ بیوی کو قتل کردیا۔

    باغی ٹی وی : لاہور میں تھانہ نشتر کالونی کی حدود میں شوہر نے غیریت کے نام پر بیوی کو قتل کردیا، پولیس نے ملزم کو گرفتار کر لیا، ملزم محمد نعیم نے اپنی بیوی کو بے دردی سے قتل کر کے لاش کو رنگ روڈ کھیتوں میں پھینک دیا تھا، پولیس اور فرانزک کی ٹیموں نے موقع سے شواہد اکٹھے کر لیے۔

    گھر سے بھاگ جانے کا خطرہ،13 سالہ لڑکی کے ساتھ کیا گیا گھناؤنا کام

    پنجاب پولیس کا کہنا ہے کہ مقتولہ کی نعش کو قانونی کارروائی کے لیے مردہ خانے منتقل کر دیا گیا ہے، ابتدائی تفتیش کے مطابق ملزم نے اپنی بیوی کو غیرت کے نام پر قتل کیا ہے، مقتولہ کی چند عرصہ قبل شادی ہوئی تھی۔

    دوسری جانب خیبرپختونخوا کے پسماندہ ترین ضلع لوئرکوہستان میں غیرت کے نام پر طالب علم کو موت کے گھاٹ اتار دیا گیا تین روز قبل جیجال گاؤں میں ایک پندرہ سالہ طالب علم سکول جاتے ہوئے گولی ماردی گئی جو ساتویں جماعت کا طالب علم تھا ڈی پی او لوئرکوہستان ذوالفقارکے مطابق ملزم تاج محمد نے پہلے اپنی بیوی کو قتل کیا اور پھر باہر آکر صلاح الدین پر گولی چلا دی۔

    لوئرکوہستان میں غیرت کے نام پر15 سالہ طالب علم قتل

    واقعہ کے بعد مقتولہ خاتون کے والد کی مدعیت میں ملزم کے خلاف مقدمہ درج کرلیا گیا تاہم ملزم تاحال ملزم مفرور ہے اور گرفتاری کے لئے چھاپے مارے جارہے ہیں ۔

    مقامی سوشل ورکر نبی اللہ نے نجی خبررساں ادارے سے بات کرتے ہوئے بتایا کہ غیرت کے نام پر گزشتہ دو دنوں میں دو قتل ہوئے جس میں ایک پولیس اہلکار بھی شامل ہے جس پر الزام لگانا ہو تو "یہ میرا چورہے” پکارا جاتا ہے اور پھر غیرت کے نام پر قتل کردیا جاتا ہے یہ فرسودہ اور غیراسلامی طریقہ کوہستان میں عام ہے جس کے خلاف کوئی بھی آواز اٹھانے کو تیار نہیں ہے۔

    سوشل ورکر نبی اللہ نے حکومت سے مطالبہ کیا غیرت کے نام پر اس ظلم کو روکنے کے لئے قانون سازی کی ضرورت ہے۔

    دوسری شادی کی خواہش، بیوی نے شوہر کی انگلیاں توڑ دیں