اپوزیشن لیڈر قومی اسمبلی اور رہنما مسلم لیگ ن شہباز شریف نے پی ٹی آئی فارن فنڈنگ کیس کے حوالے سے اسکروٹنی رپورٹ کے اجراء پراپنے بیان میں کہا ہے کہ عمران خان سے متعلق صادق اور امین والا بیانیہ ریزہ ریزہ ہو گیا –

باغی ٹی وی : شہبازشریف نےاپنے بیان میں کہا کہ اب پتہ چلاپی ٹی آئی 7سال سے فارن فنڈنگ کیس سے کیوں بھاگتی رہی؟اسکروٹنی کمیٹی کی رپورٹ عمران خان کیخلاف چارج شیٹ ہے-

صحافیوں کےخلاف نفرت،سازش اورکردارکشی ناقابل برداشت،قابل مذمت:پرویزرشیدمعافی مانگیں:رانا عظمیم

دوسری جانب پاکستان پیپلزپارٹی کے چیئرمین بلاول بھٹو زرداری نے کہا کہ الیکشن کمیشن کی اسکروٹنی رپورٹ کے بعد عمران خان کا کرپشن سے آلودہ بھیانک چہرہ سامنے آیا ہے۔

پیپلزپارٹی کے چیئرمین نے کہا کہ عمران خان نے سچ بولنے کا حلف اٹھا کر پی ٹی آئی کے بینک اکاؤنٹس الیکشن کمیشن سے چھپائے۔کروڑوں روپے دیدہ دلیری سے خردبرد کرنے والے سلیکٹڈ وزیراعظم دوسروں کو کرپشن کے طعنے دیتے ہیں۔

بلاول بھٹو زرداری نے کہا کہ عمران خان نے کرپشن کے خلاف نام نہاد مہم کی آڑ میں کرپشن کرکے ملک کو لوٹا ہے۔آج تباہ حال ملکی معیشت گواہ ہے کہ پی ٹی آئی سرکار قومی خزانے کو بیدردی سے لوٹ رہی ہے عمران خان کو زبردستی کا ایمان دار ثابت کرکے قوم پر مسلط کیا گیا، اب حساب دینے کا وقت آچکا ہے۔

ہم حاضرہم قربان:اے اہل بلوچستان:بارشوں اورسیلاب میں گھبرانانہیں:خدمت اورامدادی کام جاری:ترجمان پاک…

واضح رہے کہ گزشتہ روز پی ٹی آئی کے خلاف الیکشن کمیشن کی اسکروٹنی کمیٹی رپورٹ کے اہم نکات سامنے آئے تھے جن کے مطابق تحریک انصاف نے 77 میں سے صرف 12 اکاؤنٹس ظاہر کیے جب کہ 53 بینک اکاؤنٹس اور 31 کروڑ روپے کی رقم چھپائی گئی پی ٹی آئی کے 2008 اور 2009 کے دو بینک کھاتوں کو ظاہر نہیں کیاگیا، پی ٹی آئی نے نیوزی لینڈ اور کینیڈا کے اکاؤنٹس تک رسائی نہیں دی جبکہ بغیر ظاہر شدہ فنڈز کے بارے میں اسٹیٹ بینک کی رپورٹ میں انکشاف ہوا۔

چین کی بحری ناکہ بندی کامنصوبہ مکمل:پاکستان بھی نشانہ:بھارتی بحریہ کوجنگی طیاروں کی فراہمی جاری

الیکشن کمیشن کی اسکروٹنی رپورٹ میں بتایا گیا کہ پی ٹی آئی نے 2008 سے 2013 تک 1 ارب 33 کروڑ 22 لاکھ کے فنڈز ظاہر کیے اور الیکشن کمیشن میں 12 بینک اکاؤنٹس ظاہر کیے تحریک انصاف نے الیکشن کمیشن کے سامنے 53 پارٹی بنک اکاؤنٹس چھپائے جب کہ اسٹیٹ بینک نے انکشاف کیا کہ ریکارڈ کے مطابق پی ٹی آئی کے 65 بنک اکاؤنٹس ہیں سال 2008، 2009 اور 13-2012 میں پی ٹی آئی نے الیکشن کمیشن کے سامنے 1 ارب 33 کروڑ روپے کے عطیات ظاہر کیے، پی ٹی آئی کی جانب سے الیکشن کمیشن میں عطیات سے متعلق غلط معلومات فراہم کی گئیں۔

رپورٹ میں بتایا گیا کہ اسٹیٹ بینک کے بینک اسٹیٹمنٹ سے ظاہر ہے کہ پی ٹی آئی کو 1 ارب 64 کروڑ روپے کے عطیات موصول ہوئے اور پی ٹی آئی نے 31 کروڑ روپے سے زائد رقم الیکشن کمیشن میں ظاہر نہیں کی۔

نئے سال کا پہلا پیغام،مبشر لقمان پھٹ پڑے

دوسری جانب اس رپورٹ پر وفاقی وزیراطلاعات و نشریات فواد چودھری نے کہا کہ ن لیگ اور پیپلزپارٹی کے اکاؤنٹس کی بھی ساتھ ہی اسکروٹنی ہوالیکشن کمیشن کی اسکروٹنی کمیٹی کی فائنڈنگ میں یہ بات صاف ہوگئی ہے کہ تحریک انصاف کی فنڈنگ شفاف ہےتحریک انصاف ایک مرتبہ پھر سرخرو ہوئی اور یہ بھی طے ہوگیا کہ فارن فنڈنگ کا کوئی معاملہ نہیں ہے۔

فواد چودھری نے کہا کہ دوسری جماعتوں میں فنڈنگ وڈیروں اور کاروباری لوگوں سے چلتی ہے، الیکشن کمیشن میں پیش ہونے والی رپورٹ پی ٹی آئی حکومت سے پہلے کی ہے ان کا کہنا تھا کہ جے یو آئی اورٹی ایل پی کے اکاؤنٹس کی اسکروٹنی نہیں ہو رہی ہے۔

سپریم کورٹ نے کینٹ بورڈز کو نجی اسکولز سیل کرنے سے روک دیا

جبکہ وفاقی وزیر مملکت فرخ حبیب کے ہمراہ میڈیا بریفنگ میں انہوں نے کہا تھا کہ ہم چاہتے ہیں کہ سب جماعتوں کی فنڈنگ کو سامنے لایا جائےنواز شریف نے ن لیگ کا اکاؤنٹ منی لانڈرنگ کے لیے استعمال کیا ن لیگ کے اکاؤنٹ میں 8 کروڑ روپے ڈلوا کر نکلوائے گئے۔ انہوں نے زور دے کر کہا کہ چاہتے ہیں الیکشن کمیشن پیپلز پارٹی اور ن لیگ کے اکاؤنٹس کی بھی اسکروٹنی کرے الیکشن کمیشن کی اسکروٹنی کمیٹی جیسے پی ٹی آئی کے اکاؤنٹس کی پڑتال کر رہی ہے ویسے ہی ن لیگ اور پی ٹی آئی کے اکاؤنٹس کی پڑتال بھی کرے۔

انصاف کی بات تو یہ ہے کہ ن لیگ،پی پی کی فارن فنڈنگ رپورٹ قوم کےسامنے آئے:اہم…

فرخ حبیب نے کہا کہ ماہرین کی پڑتال کے مطابق ن لیگ کے 9 اکاؤنٹس ایسے ہیں جو الیکشن کمیشن کو نہیں بتائے گئے اور ان میں کروڑوں کی ٹرانزیکشن ہوئی ہے۔ انہوں ںے کہا کہ پیپلز پارٹی نے بھی 2013 میں 9 اکاؤنٹس، 2014 میں 11 اور 2015 میں 10 اکاؤنٹس چھپائے فرخ حبیب نے دعویٰ کیا کہ پیپلز پارٹی کے پاس 34 کروڑ کے عطیات کا کوئی ریکارڈ نہیں ہے۔انہوں نے کہا کہ قانون کے مطابق کوئی سیاسی جماعت کسی دوسری جماعت کو فنڈز نہیں دے سکتی لیکن پیپلز پارٹی نے پیپلزپارٹی پارلیمنٹیرینز اور پارلیمنٹیرینز نے پیپلز پارٹی کے اخراجات اٹھائے ہیں۔

فارن فنڈنگ پی ٹی آئی پکڑی گئی :مریم نوازکے بیان پروفاقی وزرا نےحقیقت بتادی

اسلام آباد: سپریم کورٹ نے کینٹ بورڈز کو نجی اسکولز سیل کرنے سے روک دیا۔

باغی ٹی وی : تفصیلات کے مطابق سپریم کورٹ میں کنٹونمنٹ علاقوں سے نجی اسکولز کی بے داخلی کیخلاف درخواستوں پر سماعت ہوئی۔ سپریم کورٹ نے کینٹ بورڈز کو نجی سکولز سیل کرنے سے روکتے ہوئے ملک بھر کے کنٹونمنٹ بورڈز کو نوٹس جاری کر دیئے اور جواب طلب کرلیا۔

نجی اسکولز کے وکیل نے کہا کہ کینٹ بورڈز میں 8300 نجی اسکولز اور 37 لاکھ بچے زیر تعلیم ہیں، اب اسکولوں کو سیل کیا جا رہا ہے، بچے کہاں جائیں گے، سپریم کورٹ نے نجی اسکولز کو سنے بغیر فیصلہ دیا تھا۔

آل سندھ پرائویٹ اسکولز اینڈ کالجز ایسوسی ایشن کا اجلاس

والدین کے وکیل نے کہا کہ اصل کیس تو رہائشی پلاٹ پر اسکول بنانے کا تھا، ایک سول کیس میں موقف سنے بفیر سخت حکم جاری کیا گیا عدالت نے سماعت غیر معینہ مدت تک ملتوی کر دی۔

واضح رہے کہ کنٹونمنٹ بورڈز کی جانب سے اسکولز کو رہائشی علاقوں سے باہر منتقل کرنے کے نوٹسز بھیجے جانے پر آل سندھ پرائیویٹ اسکولز اینڈ کالجز ایسوسی ایشن کا اس حوالے سے کہنا تھا کہ ملک بھر کے کنٹونمنٹ ایریاز سے ہزاروں اسکولز کی منتقلی لاکھوں بچوں، ان کے والدین اور لاکھوں اساتذہ کے لیے بہت زیادہ مشکلات کا سبب ہو گی۔

گذشتہ پینتیس سے چالیس سالوں میں آبادی میں کئی گنا اضافہ ہوا لیکن سرکاری سطح پر علاقائی ضرورت کے لحاظ سے تعلیمی سہولیات میں اضافہ نہیں کیا گیا۔ جس کی کمی کو پورا کرنے کے لئے پرائیویٹ اسکولز مقامی ضرورت، مقامی اسکول، مقامی سہولت کے اصول پر قائم کیے گئے۔ اور نہ ہی تین سال قبل آنے والے فیصلے کی روشنی میں کوئی متبادل میکانزم تیار کیا گیا۔

وارننگ کےبعد سندھ پرائیویٹ اسکولز ایسوسی ایشن نے کل تعلیمی ادارے بند رکھنےکا اعلان کردیا

ایسوسی ایشن کا کہنا تھا کہ پورے پاکستان میں 42 کینٹونمنٹ ایریاز میں محتاط اندازے کے مطابق 20 ہزار سے زیادہ اسکولز میں لاکھوں بچے زیر تعلیم اور کئی لاکھ اساتذہ بر سر روزگار ہیں جبکہ تعلیم سے جڑے درجنوں چھوٹے چھوٹے کاروبار سے وابستہ لاکھوں افراد کا معاشی پہیہ بھی چل رہا ہے کسی منصوبہ بندی، زمینی حقائق اور نتائج کی پرواہ کیے بغیر ایگزیکٹو آرڈر اور نوٹسز کے ذریعے اسکولوں کو رہائشی علاقوں سے باہر منتقل کیا جانا ممکن نہیں ہے۔

ان کا کہنا تھا کہ باہر سے کیا مطلب سمجھا جائے کتنی دور اور کہاں! کسی کنٹونمنٹ بورڈ کے پاس اس بات کا کوئی جواب نہیں ہے۔ آئین پاکستان میں تعلیم دینا ریاست کی ذمہ داری ہے عالمی معاہدوں کی رو سے بھی ریاست ہی پابند ہے۔ 20 ملین بچے اسکولز سے باہر ہیں اورجو بچے اسکولز میں ہیں بھی ان کی بڑی تعداد معیاری تعلیم سے دور ہے۔

حکومت ایک دن میں 33 بل ایوانوں سے منظور کرسکتی ہے تو کنٹونمنٹ ایکٹ میں بھی ترمیم کرے،پرائیویٹ اسکولز اینڈ کالجز ایسوسی ایشن

ان حالات میں لاکھوں بچوں کے تعلیمی مستقبل کو خطرے میں نہیں ڈالا جا سکتا۔ متوسط طبقے کے والدین بچوں کو اسکول لانے، لیجانے کے اضافی اخراجات برداشت نہیں کر سکتے اسی طرح خواتین اساتذہ کے لیے بھی دوردرازعلاقوں میں جانا ممکن نہیں ہےتعلیمی سال کی آخری سہ ماہی باقی ہے ایسے میں اسکولوں کی منتقلی یا بندش کی خبروں سے تعلیم کے تمام اسٹیک ہولڈرز میں انتہائی تشویش پائی جاتی ہے۔

انہوں نے صدر مملکت، آرمی چیف، وزیر اعظم اور کنٹونمنٹ بورڈز کے حکام سے مطالبہ کیا تھا کہ تعلیم جیسے اہم اور بنیادی حقوق سے متعلق معاملے پر خصوصی توجہ دے کر اس مسئلے کو حل کریں تاکہ والدین، اساتذہ، طلبہ و طالبات اور اسکولوں کی انتظامیہ میں پائی جانے والی پریشانی کو ختم کیا جا سکے۔

عمران خان،عثمان بزدار آرٹیکل 6 کی خلاف ورزی کے مرتکب ہوئے،احسن اقبال

جبکہ جوائنٹ ایکشن کمیٹی آف آل پاکستان پرائیویٹ اسکولز اینڈ کالجز ایسوسی ایشن پریس کانفرنس میں ابرار احمد خان نے کہا تھا کہ چیف جسٹس کنٹونمنٹ حدود سے31 دسمبر تک تعلیمی اداروں کی بے دخلی کے فیصلے پر نظر ثانی کریں حکومت ایک دن میں 33 بل ایوانوں سے منظور کرسکتی ہے تو کنٹونمنٹ ایکٹ میں بھی ترمیم کرے سکول سیل کئے جانا تعلیم دشمنی ہے، متبادل جگہ کی فراہمی تک کام کرنے دیا جائے کل 28 دسمبر کو نجی اسکولز مالکان کا پرنسپل کنونشن منعقد کیا جارہا ہے-

3 ماہ بعد آلودہ ترین شہروں کی فہرست میں 10 ویں نمبر پر

ہ کنونشن میں ملک بھر سے تعلیمی ماہرین بھی شرکت کریں گے،کنونشن میں ڈی چوک اسلام آباد میں احتجاجی مظاہرے کی تاریخ کا اعلان کریں گے،74سال گزر گئے افسوس 74 فیصد شرح خواندگی بھی حاصل نہ کرسکے ملک بھر کے بیالیس کنٹونمنٹس بورڈ میں کوئی نئے تعلیمی ادارے نہیں بنائے گئے-

اسلام آباد سے سعودی عرب کیلئے اڑان بھرنے والی پروازحادثے سے بال بال بچ گئی