Baaghi TV

Author: عائشہ ذوالفقار

  • 4 ماہ سے بھوک ہڑتال پر بیٹھے فلسطینی قیدی کو اسرائیل رہا کرنے پر مجبور

    4 ماہ سے بھوک ہڑتال پر بیٹھے فلسطینی قیدی کو اسرائیل رہا کرنے پر مجبور

    یروشلم: بھوک ہڑتال پر بیٹھے فلسطینی قیدی کو اسرائیل رہا کرنے پر مجبور ہو گیا-

    باغی ٹی وی : غیر ملکی میڈیا کے مطابق ہشام ابو حواش ایک سال سے زائد عرصے سے اسرائیلی قید میں تھے جب انہوں نے اگست سے بھوک ہڑتال کا اعلان کیا 40 سالہ ہشام نے بغیر کسی الزام کے قید میں رکھے جانے کیخلاف اگست کے مہینے میں بھوک ہڑتال کا اعلان کیا تھا۔

    بھارت کو ہندو راشٹر بنانے کیلئے لڑو،مرو اور مارو، سکول میں طلب سے حلف

    ہشام مغربی کنارے کے رہائشی ہیں 5 بچوں کے باپ اور پیشے کے اعتبار سے تعمیراتی شعبے سے تعلق رکھتے ہیں ہشام کو اس سے قبل بھی اسلامک جہاد سے تعلق کے شبہے میں گرفتار کیا جاچکا ہے جبکہ اس بار بغیر کسی الزام کے انہیں قید کیا گیا تھا۔

    انتظامی حراست‘ کے تحت مشکوک افراد کو ان کے خلاف الزامات یا ثبوت سے مطلع کیے بغیر چھ ماہ تک قید کیا جا سکتا ہے اور اس مدت میں توسیع بھی کی جا سکتی ہے-

    ہشام کے وکیل نے بتایا کہ رہائی کی تصدیق ہونے کے بعد ہشام نے اپنی 141 دن کی بھوک ہڑتال کو ختم کردیا ہے 141 دن کی یہ بھوک ہڑتال 2013 کے بعد سے اب تک کی طویل مدتی بھوک ہڑتال ہے۔

    قادیانی قریبی رشتہ داروں کی طرف سے خاتون سے باربارجنسی زیادتی :لندن پولیس نے تفتیش…

    اسرائیلی جیل میں قید ایک فلسطینی قیدی کی مسلسل بھوک ہڑتال کی وجہ سے طبعیت کافی بگڑ چکی ہے اور اس حوالے سے عالمی سطح پر تشویش میں اضافہ ہوا رہا ہے گزشتہ ہفتے ریڈ کراس کی بین الاقوامی کمیٹی نے جب قیدی کا جیل میں جاکر معائنہ کیا تھا تو کہا تھا کہ ہشام کی حالت انتہائی تشویش ناک ہے اور موت کا خطرہ لاحق ہے۔

    قیدی ہشام کی اہلیہ عائشہ ہریبت نے اے ایف پی کو بتایا کہ’ ان کی زندگی کو شدید خطرے میں اور وہ کل سے بول بھی نہیں سکے اور نہ ہی یہ جانتے ہیں کہ ان کے اردگرد کیا ہو رہا ہے اگر وہ بھوک ہڑتال ختم بھی کر دیں تو بھی انہیں صحت کے حوالے سے مشکلات کا سامنا کرنا پڑے گا-

    بھارت میں خانہ جنگی کا خدشہ ،مسلمانوں کے ساتھ ساتھ عیسائی بھی نشانے پر

    راملہ میں انسانی حقوق کے گروپ الحق کے سربراہ شاون جابرین نے کہا ہے کہ ’اسرائیل جس طرح انتطامی حراست کے ہتھیار کو استعمال کر رہا ہے، یہ سراسر ظلم ہےہشام ان 550 قیدیوں میں سے ایک ہیں جنہیں اسرائیل نے انتظامی حراست کے ضابطے کے تحت قید کر رکھا ہے۔

    علاوہ ازیں فلسطین کے وزیر بلدیات حسین الشیخ نے ٹوئٹر پر لکھا کہ ’ابوحواش کو فوری طور پر رہا کیا جائے جبکہ غزہ میں فلسطینی قیدیوں کے حق میں ریلی بھی نکالی گئی۔

    روہنگیائی مسلمان ایک طرف کورونا تو دوسری آگ کی لپیٹ میں‌ لپٹ گئے

  • ڈاکٹر یاسمین راشد میں اومیکرون کی تصدیق

    ڈاکٹر یاسمین راشد میں اومیکرون کی تصدیق

    ڈاکٹر یاسمین راشد میں اومیکرون کی تصدیق
    باغی ٹی وی کی رپورٹ کے مطابق وزیرصحت پنجاب یاسمین راشد میں اومی کورون وائرس کی تصدیق ہوئی ہے

    ڈاکٹر یاسمین کا کورونا ٹیسٹ 2 روز قبل مثبت آیا تھا محکمہ صحت کا کہنا ہے کہ تمام مثبت کیسز میں 90 فیصد سے زائد اومی کرون کی تصدیق ہو رہی ہے، لاہورمیں کورونا کے اومی کرون ویرینٹ کیسز کی تعداد بڑھنے لگی لاہور میں اومی کرون ویرینٹ کے مزید 41 کیسز کی تصدیق ہوئی ہے جس کے بعد لاہور میں اومی کرون ویرینٹ کی مجموعی تعداد 211 تک جاپہنچی،محکمہ صحت کا کہنا ہے کہ شہری ماسک کا استعمال کریں اور احتیاطی تدابیر پر عمل کریں،

    پاکستان میں عالمی وبا کورونا وائرس سے مزید 5 افراد جاں بحق ہو گئے جبکہ دنیا بھر میں ایک ہی دن میں 25 لاکھ سے زائد افراد کورونا وائرس میں مبتلا ہو گئے-

    نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 46 ہزار 585 کورونا ٹیسٹ کیے گئے مزید 1 ہزار 85 کورونا کیسز رپورٹ ہوئے-

    یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 99 ہزار848 ہو گئی جبکہ اموات کی مجموعی تعداد 28 ہزار 955 ہو گئی ہے اور مثبت کیسز کی شرح 2.32 فیصد رہی۔

    سندھ میں گزشتہ 24 گھنٹوں کے دوران کورونا کے مزید 556 کیسز سامنے آئے، جبکہ دو لاکھ 20 ہزار سےزائد افراد کو ویکسین لگائی گئی۔

    کورونا،ڈیلٹا،اومی کرون اوراب فلورونا:بھارت کے بندہونے کا خطرہ:دہلی میں لاک ڈاون شروع

    وزیراعلیٰ سندھ مراد علی شاہ نے صوبے میں کورونا وائرس کی صورتحال پر بیان میں بتایا کہ گزشتہ 24 گھنٹوں میں12729 ٹیسٹ میں 556 مثبت آئے، اور کورونا وائرس سے ایک مریض کا انتقال ہوا۔ جس کے بعد کورونا سے انتقال کرنے والوں کی تعداد 7675 ہوگئی۔

    انھوں نے کہا کہ صوبے میں اب تک7196787 ٹیسٹ میں 482969 کیسز رپورٹ ہوچکے ہیں۔ اس وقت کورونا کے 6931 مریض زیر علاج ہیں، جن میں139 کی حالت تشویشناک ہے اور 16 وینٹی لیٹرز پر ہیں۔

    دوسری جانب دنیا بھر میں ایک دن میں 25 لاکھ سے زائد کیسز ریکارڈ کیے گئے جبکہ 5 روز میں دنیا بھر میں ایک کروڑ کے قریب کیسز ریکارڈ سامنے آئے، امریکہ میں پانچ لاکھ 42 ہزار سے زائد نئے کیسز رپورٹ ہوئے ہیں 0

    برطانیہ میں ایک لاکھ 94 ہزار،اسپین میں ایک لاکھ 37 ہزار سے زائد کیسز رپورٹ، اسی طرح اٹلی میں کورونا کیسز کی تعداد 1 لاکھ سے تجاوز کر گئی، رپورٹ کے مطابق اٹلی میں ایک لاکھ 90 کے قریب نئے کیسز رپورٹ ہوئے جبکہ ارجنٹائن میں 95 ہزار، بھارت میں 87 ہزار سے زائد کیسز رپورٹ ہوئے۔

    پاکستان آنے والی پروازوں سے متعلق نیا حکم نامہ جاری

    فرانس میں پہلی بار 3 لاکھ سے زائد نئے کیس سامنے آ گئے ہیں فرانسیسی صدر ایمانوئیل میکروں نے کہا ہے کہ وہ کورونا ویکسین نہ لگوانے والوں کی زندگی مشکل کردیں گے۔

    فرانسیسی اخبار کو انٹرویو دیتے ہوئے ایمانوئیل میکروں کا کہنا تھا کہ وہ ویکسین نہ لگوانے والوں کو واقعی پریشان کرنا چاہتے ہیں اور ہم آخر تک ایسا کرتے رہیں گے۔

    برطانوی وزیراعظم بورس جانسن نے کہا ہے کہ برطانیہ آنے سے قبل کورونا ٹیسٹ کی شرط ختم کردی ہے، نئےایس او پیز کا اطلاق جمعہ کی صبح چار بجے سے ہوگا لوگ گھر سے کام جاری رکھیں، پبلک ٹرانسپورٹ میں ماسک کا استعمال کیا جائے۔

    بورس جانسن نے کہا کہ عوام ایس او پیز کا خیال رکھیں، یقین ہے موجودہ اقدامات کے ساتھ اومی کرون کی لہر کا مقابلہ کرسکتے ہیں۔

    راولپنڈی:4 مریضوں میں اومی کرون کی تصدیق

    عالمی وبا قرار دیے جانے والے کورونا وائرس کی نئی اقسام ڈیلٹا اور اومیکرون سے ابھی دنیا پوری طرح نمٹ نہیں پا رہی ہے کہ فرانس میں ایک اورنئی قسم دریافت ہو گئی ہے۔

    عالمی خبر رساں اداروں اور مؤقر امریکی اخبار نیویارک ٹائمز کے مطابق فرانس میں دریافت ہونے والے کورونا کی نئی قسم کا نام ڈاکٹروں اور سائنسدانوں نے آئی ایچ یو رکھا ہے۔

    فرانسیسی سائنسدانوں کے مطابق 46 جینیاتی تبدیلیوں والا کرونا وائرس کے نئے ویرینٹ آئی ایچ یو (B16402) سے اب تک کل 12 افراد متاثر ہو چکے ہیں۔

    عالمی ادارہ صحت کے مطابق فرانس میں دریافت ہونے والے کورونا کی نئی قسم کا نہایت باریک بینی سے جائزہ لیا جا رہا ہے تاکہ معلوم کیا جا سکے کہ یہ کس قدر خطرناک ہے؟

    کرونا کی پانچویں لہر، این سی او سی اجلاس میں بڑے فیصلے

  • اومی کرون کی علامت جو نیند میں سامنے آتی ہے

    اومی کرون کی علامت جو نیند میں سامنے آتی ہے

    ایک تحقیق سے انکشاف ہوا ہے کہ کورونا وائرس کی نئی قسم اومی کرون میں مبتلا افراد کو نیند کے دوران کئی پیچیدگیوں کا سامنا کرنا پڑتا ہے۔

    باغی ٹی وی : غیر ملکی خبر رساں ادارے کی رپورٹ کے مطابق اومی کرون سے متاثرہ افراد رات کو سوتے وقت اچانک نیم فالج کی کیفیت میں مبتلا ہو جاتے ہیں ایسے افراد نہ حرکت کر سکتے ہیں، اور جاگنے اور سونے سے قبل ان میں بولنے کی سکت بھی کم ہو جاتی ہےاس کے علاوہ مریضوں نے رات کو سوتے وقت پسینہ آنے کی شکایات بھی کی ہیں۔

    سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

    دوسری جانب ڈاکٹرز کا کہنا ہے کہ نیند میں فالج کی کیفیت محسوس ہونا ایک نارمل عمل ہے، ایک عام انسان بھی زندگی میں کئی مرتبہ ایسے لمحات سے گزرتا ہے-

    ایک تحقیق سے یہ بات بھی سامنے آئی ہے کہ قرنطینہ کے دوران مسلسل اکیلے رہنے کی وجہ سے بھی ایسے افراد میں یہ کیفیت پیدا ہوتی ہے۔

    قبل ازیں امریکی ماہرین کی جانب سے ایک تحقیق جاری کی گئی جس میں اومی کرون اور کورونا کی علامات کو تلاش کرنے کی کوشش کی گئی، اس دوران تحقیقی ٹیم نے کورونا سے متاثر ہونے والے افراد کی معلومات جمع کیں اور اُن کے جسم میں ہونے والی تبدیلیوں کے حوالے سے جان کاری حاصل کی۔

    یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

    ماہرین کے مطابق ڈیٹا سے یہ بات سامنے آئی کہ حال ہی میں جن لوگوں کو کورونا یا اومی کرون کی تشخیص ہوئی انہیں روایتی علامات جیسے بخار، سانس لینے میں دشواری ، نزلہ، جسم اور سر میں درد سمیت دیگر ظاہر نہیں ہوئیں البتہ 3 فیصد مریضوں کو آنکھیں سرخ، بال گرنے اور جلد متاثر ہونے کی شکایات تھیں علاوہ ازیں جن لوگوں میں اومی کرون کی تشخیص ہوئی انہیں جلدی بیماری یا خارش بھی شکایت بھی تھی۔

    ماہرین کے مطابق کرونا وائرس جسم میں داخل ہونے کے بعد اینزائم 2 میں تبدیل ہوکر آنکھوں اور بالخصوص ریٹینا کو متاثر کرتا ہے، جس کی وجہ سے متاثرہ افراد کی آنکھ کی سفیدی لال ہونے، آنکھوں میں خشکی، کھجلی اور سوجن کی شکایت ہوتیں ہیں-

    بوسٹر ڈوز لگوائیں اور 100 ڈالر انعام پائیں

  • آسٹریلیا نےعالمی ٹینس پلیئر نوواک جوکووچ کا ویزا منسوخ کردیا گیا،ملک بدر کرنے کی تیاری

    آسٹریلیا نےعالمی ٹینس پلیئر نوواک جوکووچ کا ویزا منسوخ کردیا گیا،ملک بدر کرنے کی تیاری

    بغیر کورونا ویکسین کے خصوصی استثنا پر آسٹریلیا جانے کی کوشش کرنے والے عالمی ٹینس پلیئر نوواک جوکووچ کا ویزا منسوخ کردیا گیا۔

    باغی ٹی وی: غیرملکی میڈیا کے مطابق آسٹریلوی حکام نے نوواک جوکووچ کا ویزہ منسوخ کرنے کے بعد انہیں ملک بدر کرنے کےلیے ایئرپورٹ سے ہوٹل منتقل کردیا ہے۔

    آسٹریلوی وزیراعظم کا کہنا ہے کہ قانون، قانون ہے اور وہ سب کے لیے ایک ہی ہوگا۔

    پی ایس ایل میچوں کی لینڈنگ رائٹس،عدالت نے کیا جواب طلب

    انہوں نے کہا کہ آسٹریلوی سرحدی قوانین کے باعث ان کے ملک میں کورونا سے اموات کی شرح دنیا میں سب سےکم ہے۔

    واضح رہے کہ عالمی نمبر ایک نواک جوکووچ نے اپریل 2020 میں کووڈ 19 سے بچاؤ کی ویکسین کی مخالفت کا اظہار کیا تھا جب یہ تجویز کیا گیا تھا کہ وہ ٹورنامنٹ کو دوبارہ شروع کرنے کے لیے ویکسین لازم ہو سکتی ہے۔

    پی ایس ایل میرے لیے ایک امید ہے،سرفراز احمد

    جوکووچ نے کہا تھا ذاتی طور پر میں ویکسین کا حامی نہیں ہوں۔ میں یہ پسند نہیں کروں گا کہ کوئی مجھے ویکسین لگوانے پر مجبور کرے تاکہ میں سفر کر سکوں۔ لیکن اگر یہ لازمی ہوگئی تو کیا ہوگا؟ میں اس وقت کوئی فیصلہ کروں گا-

    یہ پہلا موقع نہیں جب جوکووچ نے کسی مروجہ طبی عمل کی مخالفت کی ہو۔ وہ اس سے قبل 2017 میں کہنی کی تکلیف کے وقت سرجری کی مخالفت کر رہے تھے۔ یہ فیصلہ اس وقت ان کے کوچ آندرے اگاسی سے ان کی علیحدگی کا باعث بنا تھا۔

    مصباح الحق اور لیونل میسی بھی کورونا وائرس کا شکار

    تاہم جب متبادل علاج سے انہیں آرام نہیں ملا تو انہوں نے 2018 میں سرجری کا انتخاب کیا حالانکہ انہیں ذاتی طور پر ایسا کرنے پر افسوس تھا۔

    جوکووچ نے ڈیلی ٹیلی گراف کو بتایا کہ ’ہر بار جب میں سوچتا ہوں کہ میں نے کیا کردیا تو مجھے لگتا ہے کہ میں خود ناکام ہو گیا ہوں۔‘

    جوکووچ کو ان کے خاندان کی طرف سے بھی آسٹریلوی تنازعے کے دوران حمایت حاصل رہی ہےان کے والد سردجان نے نومبر کے آخر میں منتظمین پر ’بلیک میلنگ‘ کا الزام لگاتے ہوئے کہا تھا کہ ان کا بیٹا شاید میلبرن میں نہیں کھیلے۔

    جو بھی بڑی ٹیم پاکستان آئے وہ مکمل قوت کے ساتھ آئے،شاہد آفریدی

    آسٹریلین اوپن کی میزبانی کرنے والی ریاست وکٹوریہ کے سرکاری اہلکار مہینوں سے اس بات پر بضد تھے کہ صرف ویکسین شدہ کھلاڑی ہی ٹورنامنٹ کھیل سکیں گے۔

    ریاست کے ڈپٹی پریمیئر جیمز مرلینو نے حال ہی میں کہا کہ ’یہ قواعد ہیں۔ طبی چھوٹ ان کا حصہ ہے۔ مراعات یافتہ ٹینس کے کھلاڑیوں کے لیے کوئی خلا پیدا نہیں کیا گیا ہے۔‘

    اس بات کی تصدیق، کہ سربیا کے سپر سٹار آسٹریلین اوپن میں شرکت کے لیے راستے میں ہیں، نے روایتی حریف رافیئل ندال کے ساتھ مقابلے کی فضا پیدا کر دی ہے۔ دونوں فریق ریکارڈ 21 ویں گرینڈ سلیم ٹائٹل کے حصول کے لیے پر امید ہیں۔

    میری انتطامیہ کے تین بڑے ستون جنہیں بہتر دیکھنا چاہتا ہوں، رمیز راجہ

    ہسپانوی سپر سٹار پہلے ہی میلبرن میں کورونا وائر س سے صحت یاب ہونے کے بعد ٹورنامنٹ کی تیاری کر رہے ہیں جبکہ 20 بار گرینڈ سلیم کے فاتح راجر فیڈرر زخمی ہونے کی وجہ سے آسٹریلیا کا سفر نہیں کر رہے ہیں۔

  • پاکستانی فلم ’پرے ہٹ لو’ نے بھارتی ایوارڈ جیت لیا

    پاکستانی فلم ’پرے ہٹ لو’ نے بھارتی ایوارڈ جیت لیا

    عاصم رضا کی ہدایت کاری میں بننے والی پاکستانی فلم ’پرے ہٹ لو’ نے بھارت میں ’بہترین تفریحی فلم‘ کا ایوارڈ جیت لیا۔

    باغی ٹی وی : 2019 کی رومانوی کامیڈی فلم’پرے ہٹ لو‘ کیلئے بھارت کے بین الاقوامی فلم فیسٹیول ساؤتھ ایشیا فورم فار آرٹ اینڈ کریٹیو ہیریٹیج میں ایوارڈ کا اعلان کیا گیا۔

    ساؤتھ ایشیا فورم فار آرٹ اینڈ کریٹیو ہیریٹیج کے تیسرے ایڈیشن کا انعقاد 18 دسمبر سے 23 دسمبر تک بھارتی ریاست اتر پردیش میں کیا گیا جہاں بین الاقوامی فلم فیسٹیول ساؤتھ ایشیا فورم فار آرٹ اینڈ کریٹیو ہیریٹیج میں ایوارڈ کا اعلان کیا گیا۔

    آئمہ بیگ پرفارمنس کے دوران خوفناک حادثے میں بال بال بچ گئیں

    فلم کے ہدایت کار نے انسٹاگرام پر پوسٹ میں خوشی کا اظہار کرتے ہوئے لکھا کہ میں خوش قسمت ہوں جو اس پراجیکٹ کا حصہ بنا، میں دنیا کی سب سے بہترین کاسٹ کو اس ایوارڈ پر مبارکباد پیش کرتا ہوں۔

    سموکنگ ویڈیو لیک ہونے پر علیزے شاہ نے بڑا فیصلہ کر لیا

    فلم کے مرکزی کردار مایا علی اور شہریار منور نے نبھائے ہیں، اس کے علاوہ دیگر کرداروں میں ندیم بیگ ، فریحہ الطاف ، حنا دلپزیر، زارا نور عباس اور احمد علی بٹ بھی شامل ہیں اور فلم نے باکس آفس پر 300 ملین روپے کمائے۔

    علی ظفرہرجانہ کیس: مجھے واقعے کی تفصیلات یاد نہیں،میشا شفیع کا عدالت میں بیان

    فلم ’ پرے ہٹ لو‘بطور ہدایتکار عاصم رضا کی دوسری فلم ہے جس کی کہانی عمران اسلم نے تحریر کی ہے، فلم میں فلم کا میوزک اور کمپوزیشن عدنان سمیع خان کے بیٹے آذان سمیع خان نے ترتیب دیا ہے۔

    سال 2021 میں شادی کے بندھن میں بندھنے والی شوبز، سیاسی و سماجی شخصیات

  • اکاؤ کی جانب سے پاکستان سول ایوی ایشن پر عائد عالمی پابندیاں ختم

    اکاؤ کی جانب سے پاکستان سول ایوی ایشن پر عائد عالمی پابندیاں ختم

    ہوا بازی کی عالمی تنظیم اکاؤ کی جانب سے پاکستان سول ایوی ایشن پر عائد عالمی پابندیاں ختم کردی گئی۔

    باغی ٹی وی : ہوا بازی کی عالمی تنظیم انٹرنیشنل سول ایوی ایشن آرگنائزیشن ( اکاؤ) کی جانب سے ڈی جی سول ایوی ایشن کو مراسلہ جاری کیا گیا ہے جس میں سی اے اے پر سے ’سیگنیفکنٹ سیفٹی کنسرن‘ کا اعتراض اٹھانے سے متعلق آگاہ کیا گیا ہے۔

    پاکستان آنے والی پروازوں سے متعلق نیا حکم نامہ جاری

    انٹرنیشنل سول ایوی ایشن آرگنائزیشن کی جانب سے ’سیگنیفکنٹ سیفٹی کنسرن‘ اعتراض اُٹھانے سے پاکستان کی سول ایوی ایشن پر عائد سفری پابندیاں بھی ختم ہوجائیں گی جس کی روشنی میں دوسرے مرحلے میں الیکٹرانک بلیٹن جاری کیا جائے گا۔

    سول ایوی ایشن پر اکاؤ کے اس اعتراض کے خاتمے سے یورپی یونین کی جانب سے بھی پاکستان پر عائد سفری پابندیاں بھی اُٹھائے جانے کے امکانات روشن ہوگئے ہیں جس پر سول ایوی ایشن نے برطانیہ اور یورپی یونین سے رابطے شروع کر دیئے ہیں۔

    الیکشن کمیشن کی جانب سے پی ٹی آئی کی فنڈنگ کی جانچ پڑتال کا خیرمقدم کرتا ہوں، وزیر…

    سول ایوی ایشن برطانیہ اور یورپی یونین ایئر سیفٹی ایجنسی کو سی اے اے کی جانب سے حفاظتی خدشات کے حل کے لیے کئے گئے اقدامات سے آگاہ کیا جائے گا اوراس بات پر زور دیا جائے گا کہ پاکستانی رجسٹرڈ ایئر لائنز کو جلد از جلد برطانیہ اور یورپ کے لیے آپریشن کی اجازت دی جائے۔

    واضح رہے کہ عالمی ہوابازی کی تنظیم اکاؤ نے دسمبر میں پاکستان سول ایوی ایشن کا مکمل آڈٹ کیا تھا جس میں سی اے اے نے 72.77 فیصد رینکنگ حاصل کی تھی جس پر اکاو نے اطمینان کا اظہار کیا تھا۔

    اقوام متحدہ کشمیریوں کے ساتھ حق خود ارادیت کا وعدہ پورا کرے، وزیراعظم

    انٹر نیشنل سول ایوی ایشن آرگنائزیشن اکاو کی ٹیم نے 12 روزہ دورے پر پاکستان میں 10 دسمبر تک سی اے اے کے اہم مختلف شعبہ جات آڈٹ مکمل کرنے کیا تھا کپتانوں کو لائسنس جاری کرنے والے نظام ، ائیر نیوی گیشن، ائیر کرافٹ آپریشنز ،طیاروں کی ائیروردنیس ، ایرو ڈورومز ائیر اسپیس، اے آئی بی سمیت دیگر شعبوں کی جانچ پڑتال کی تھی۔

    سی اے اے نے مخلتف شعبوں پر اکاو کے تحفظات کو دور کرنے کے لیے بڑے اقدامات کیے ہیں، جس کی بنیاد پر کہا گیا تھا کہ طیاروں پر عائد پابندی ختم ہونے کا امکان ہے ڈائریکٹر جنرل سول ایوی ایشن خاقان مرتضیٰ کا کہنا تھا کہ پابندی سے متعلق تمام پوائنٹس پر کام مکمل کر لیا گیا، امید ہے کہ تمام پوائنٹس کلئیر ہو جائیں گی اور پابندیاں ختم ہو جائیں گی۔

    ماضی میں سڑکیں عوام کے فائدے کیلئے نہیں بلکہ پیسہ بنانے کیلئے بنائی جاتی تھیں،وزیر…

  • گلوکارسونو نگم فیملی سمیت کورونا وائرس کا شکار

    گلوکارسونو نگم فیملی سمیت کورونا وائرس کا شکار

    دبئی: بھارت کے معروف گلوکار سونو نگم کا پورا گھرانہ عالمی وبا کورونا وائرس کا شکار ہوگیا۔

    باغی ٹی وی : بالی ووڈ گلوکار سونو نگم نے سماجی رابطے کی ویب سائٹ انسٹاگرام اکاؤنٹ پر اپنی ویڈیو شیئر کی جس میں انہوں نے بتایا کہ ان کا کورونا کا ٹیسٹ مثبت آیا ہے اور صرف وہ ہی نہیں، ان کی اہلیہ، بیٹے اور بھابھی کا بھی ٹیسٹ مثبت آیا ہے۔

    یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

    ویڈیو میں سونو نگم نے کہا کہ وہ دبئی میں ہیں اور انہیں ایک شو کے لیے بھونیشور جانا تھا لیکن اب وہ سفر نہیں کریں گے کیونکہ وہ قرنطینہ میں ہیں۔

    گلوکار نے کہا ہمیں محتاط رہنا ہوگا، خوفزدہ نہیں ہونا چاہیے کیونکہ اس بار یہ وبا تھوڑی تیزی سے پھیل رہی ہے، مجھے تھیٹر والوں کے لیے برا لگتا ہے، مجھے فلم بنانے والوں کے لیے بھی برا لگتا ہے کیونکہ پچھلے 2 سالوں میں ہمارے تمام کام متاثر ہوئے ہیں۔

    کورونا،ڈیلٹا،اومی کرون اوراب فلورونا:بھارت کے بندہونے کا خطرہ:دہلی میں لاک ڈاون شروع

    واضح رہے کہ حالیہ کچھ دنوں میں کئی بھارتی شوبز شخصیات کورونا وبا میں مبتلا ہو چکی ہیں جن میں پریم چوپڑا، دلناز ایرانی، جان ابراہم اور ان کی اہلیہ پریا رنچل، مرونال ٹھاکر، نورا فتیحی اور معروف پروڈیوسر ایکتا کپور شامل ہیں انہوں نے مداحوں سے احتیاط برتنے اور وباء سے بچنے کے لئے ویکسی نیشن کرانے کی اپیل کی ہے۔

    بھارتی میڈیا کے مطابق بھارت میں کورونا نے ایک بار پھر تباہی مچانا شروع کر دیا ہے اور گزشتہ 24 گھنٹوں کے دوران انفیکشن کے 58 ہزار سے زیادہ نئے معاملے سامنے آئے ہیں، جس سے فعال کیسوں کی تعداد 2 لاکھ سے زیادہ ہو گئی ہے گزشتہ 24 گھنٹوں میں 58,097 نئے معاملے سامنے آئے ہیں، جس سے متاثرین کی کل تعداد بڑھ کر 3 کروڑ 50 لاکھ 18 ہزار 358 ہو گئی ہے۔

    کراچی میں اومیکرون کا تیزی سے پھیلاؤ ، اب تک 101 کیس رپورٹ

    نئے کیسز میں اضافے کے ساتھ فعال معاملوں کی تعداد 2 لاکھ 14 ہزار 4 ہوگئی ہے اسی مدت میں 534 مریض انتقال کر چکے ہیں جس کے ساتھ ہی اس بیماری سے وفات پانے والوں کی تعداد چار لاکھ 82 ہزار 551 ہو گئی ہے۔گزشتہ 24 گھنٹوں کے دوران 15 ہزار 389 مریض صحت یاب ہو چکے ہیں۔ اب تک 3 کروڑ 43 لاکھ 21 ہزار 803 افراد کورونا سے نجات پاچکے ہیں 13 لاکھ 88 ہزار 647 کووڈ ٹیسٹ کیے گئے ہیں۔ اس کے ساتھ ٹیسٹوں کی کل تعداد 68 کروڑ 38 لاکھ 17 ہزار 242 ہو گئی ہے-

    بوسٹر ڈوز لگوائیں اور 100 ڈالر انعام پائیں

    دوسری طرف، 23 ریاستوں میں 2135 لوگ کووڈ کے اومیکرون ویرینٹ سے متاثر پائے گئے ہیں، جن میں مہاراشٹر میں سب سے زیادہ 653، دہلی میں 464 اور کیرالہ میں 185 معاملے ہیں۔ جب کہ اومیکرون کے انفیکشن سے 828 افراد صحت یاب ہو چکے ہیں اس وقت مہاراشٹر میں ملک میں سب سے زیادہ فعال کیسز ہیں۔مہاراشٹر کے بعد مغربی بنگال دوسرے اور کیرالہ تیسرے نمبر پر ہے۔ مغربی بنگال میں مذکورہ مدت کے دوران کورونا کے 5289 فعال کیسوں میں اضافے کی وجہ سے ان کی کل تعداد بڑھ کر 25475 ہوگئی ہے۔

    سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

  • پیپلزپارٹی کے بانی چیئرمین ذوالفقار علی بھٹو کا یوم پیدائش، بلاول بھٹو سمیت معروف شخصیات کا خراج تحسین

    پیپلزپارٹی کے بانی چیئرمین ذوالفقار علی بھٹو کا یوم پیدائش، بلاول بھٹو سمیت معروف شخصیات کا خراج تحسین

    پیپلزپارٹی کے بانی چیئرمین اور سابق وزیراعظم ذوالفقار علی بھٹو کے یوم پیدائش پر سابق صدر صف علی زرداری ، بلاول بھٹو زرداری اور سابق وزیر داخلہ رحمان ملک نے خراج تحسین پیش کیا ہے-

    باغی ٹی وی : سابق صدر آصف زرداری نے ذوالفقار علی بھٹو کو خراج عقیدت‏ پیش کرتے ہوئے کہا کہ ایٹمی پروگرام اور 1973ءکا آئین قوم کے پاس شہید بھٹو کی امانت ہیں قائدعوام ذوالفقار علی بھٹو نے ملک کو ایٹمی قوت بنایا،1973 کا آئین دیا،ذوالفقار علی بھٹو کے بلند کیے ہوئے پرچم کو سربلند رکھیں گے-

    آصف علی زرداری‏ نے کہا کہ ذوالفقار علی بھٹو دنیا بھر میں چلنے والی جمہوری تحریکوں کے حامی تھے ذوالفقار علی بھٹواسلامی دنیا کے باہمی اتحاد کے بانی تھے،قائد عوام کے فلسفے کے مطابق پاکستان پیپلزپارٹی ملک کو مشکلات سے نکالے گی،پیپلزپارٹی پارلیمنٹ کی بالادستی اور آئین کی حکمرانی کے اصولوں پر قائم ہے،غربت، جہالت اور عوام کا استحصال کرنے والوں کے خلاف جنگ جاری رہے گی-

    پیپلز پارٹی کے چیئرمین بلاول بھٹو زرداری نے کہا کہ ذوالفقار علی بھٹو ایک ناقابلِ فراموش تاریخ اور ناقابلِ تسخیر تحریک ہے، ذوالفقارعلی بھٹو کی وجہ سے پاکستانی عوام کو ملک کی باگ ڈور ہاتھوں میں لینے کا موقع ملا، ذوالفقارعلی بھٹو پہلے لیڈر تھے، جنہوں نے طاقت کا سرچشمہ عوام کو قرار دیا، سیاسی تدبر و سفارتی صلاحیات کو بروئے کار لاکر ایک ٹوٹے پھوٹے ملک کو اٹھایا-

    بلاول بھٹو‏ نے کہا کہ ذوالفقارعلی بھٹو کے دورِ حکومت میں پاکستان کے ہر شعبہ میں نمایاں ترقی ہوئی،پیپلزپارٹی مقبوضہ کشمیر کی عوام کی سیاسی، اخلاقی اور اصولی حمایت جاری رکھے گی،ذوالفقار علی بھٹو نے اپنی پارٹی کی بنیاد ہی مسئلہ کشمیر پر رکھی تھی-

    رحمان ملک نے شہید ذوالفقار علی بھٹو کو سالگرہ کے موقع پرکہا کہ شہید ذوالفقار علی بھٹو کے سالگرہ پر انہیں سلام و خراج عقیدت پیش کرتا ہوں،شہید ذوالفقار علی بھٹو بہادر سیاسی رہنما، بصیرت رکھنے والے سفارت کار، دور اندیش دفاعی حکمت عملی ساز تھے، ذوالفقار علی بھٹو عالمی رہنماؤں کے لیڈر تھے-

    رحمان ملک نے کہا کہ شہید بھٹو پاکستان کے ایٹمی پروگرام کے معمار تھے، شہید بھٹو نے ملک کو ایٹمی طاقت بنا کر پاکستان کے دفاع کو ناقابل تسخیر بنایا، آج ہر پاکستانی کو فخر ہے کہ پاکستان ایک ایٹمی طاقت ہے، رحمان ملک

    بھٹو کا عدالتی قتل ہمارے قومی افق پر ہمیشہ ایک داغ بنا رہے گا،شہید ذوالفقار علی بھٹو نے ترقی یافتہ، پرامن اور ترقی پسند پاکستان کا خواب دیکھا تھا، بھٹو غریبوں کی آواز اور استحصال زدہ عوام کے لیے امید کی کرن تھے-

  • الیکشن کمیشن کی جانب سے پی ٹی آئی کی فنڈنگ کی جانچ پڑتال کا خیرمقدم کرتا ہوں، وزیر اعظم

    الیکشن کمیشن کی جانب سے پی ٹی آئی کی فنڈنگ کی جانچ پڑتال کا خیرمقدم کرتا ہوں، وزیر اعظم

    وزیراعظم عمران خان نے کہا ہے کہ توقع ہے الیکشن کمیشن پی پی اور ن لیگ کی بھی پی ٹی آئی جیسی اسکروٹنی کرے گا-

    باغی ٹی وی : سماجی رابطے کی ویب سائٹ ٹوئٹر پر وزیراعظم عمران خان نے کہا ہے کہ میں الیکشن کمیشن کی جانب سے سمندرپار پاکستانیوں کی پی ٹی آئی کو کی گئی فنڈنگ کی جانچ پڑتال کا خیرمقدم کرتا ہوں، ہمارے اکاؤنٹس کی جتنی زیادہ جانچ پڑتال کی جائے گی، قوم کے لیے اتنی ہی حقائق کی وضاحت سامنے آئے گی۔

    پی ٹی آئی اسکروٹنی رپورٹ پر شہباز شریف اور بلاول بھٹو زرداری کا رد عمل


    وزیراعظم نے کہا کہ پی ٹی آئی واحد سیاسی جماعت ہے جس کی بنیاد مناسب سیاسی فنڈ ریزنگ پر مبنی ہے، میں مسلم لیگ ن اور پیپلز پارٹی کی فنڈنگ پر الیکشن کمیشن کی اسی طرح کی جانچ پڑتال کا منتظر ہوں، جس کے نتیجے میں قوم کو سیاسی فنڈ ریزنگ اور سرمایہ داروں کے مفادات اور احسانات کے بدلے پیسے کی بھتہ خوری کے درمیان فرق دیکھنے کو ملے گا۔

    ماضی میں سڑکیں عوام کے فائدے کیلئے نہیں بلکہ پیسہ بنانے کیلئے بنائی جاتی تھیں،وزیر اعظم

    واضح رہے کہ گزشتہ روز پی ٹی آئی کے خلاف الیکشن کمیشن کی اسکروٹنی کمیٹی رپورٹ کے اہم نکات سامنے آئے تھے جن کے مطابق تحریک انصاف نے 77 میں سے صرف 12 اکاؤنٹس ظاہر کیے جب کہ 53 بینک اکاؤنٹس اور 31 کروڑ روپے کی رقم چھپائی گئی پی ٹی آئی کے 2008 اور 2009 کے دو بینک کھاتوں کو ظاہر نہیں کیاگیا، پی ٹی آئی نے نیوزی لینڈ اور کینیڈا کے اکاؤنٹس تک رسائی نہیں دی جبکہ بغیر ظاہر شدہ فنڈز کے بارے میں اسٹیٹ بینک کی رپورٹ میں انکشاف ہوا۔

    اقوام متحدہ کشمیریوں کے ساتھ حق خود ارادیت کا وعدہ پورا کرے، وزیراعظم

    الیکشن کمیشن کی اسکروٹنی رپورٹ میں بتایا گیا کہ پی ٹی آئی نے 2008 سے 2013 تک 1 ارب 33 کروڑ 22 لاکھ کے فنڈز ظاہر کیے اور الیکشن کمیشن میں 12 بینک اکاؤنٹس ظاہر کیے تحریک انصاف نے الیکشن کمیشن کے سامنے 53 پارٹی بنک اکاؤنٹس چھپائے جب کہ اسٹیٹ بینک نے انکشاف کیا کہ ریکارڈ کے مطابق پی ٹی آئی کے 65 بنک اکاؤنٹس ہیں سال 2008، 2009 اور 13-2012 میں پی ٹی آئی نے الیکشن کمیشن کے سامنے 1 ارب 33 کروڑ روپے کے عطیات ظاہر کیے، پی ٹی آئی کی جانب سے الیکشن کمیشن میں عطیات سے متعلق غلط معلومات فراہم کی گئیں۔

    رپورٹ میں بتایا گیا کہ اسٹیٹ بینک کے بینک اسٹیٹمنٹ سے ظاہر ہے کہ پی ٹی آئی کو 1 ارب 64 کروڑ روپے کے عطیات موصول ہوئے اور پی ٹی آئی نے 31 کروڑ روپے سے زائد رقم الیکشن کمیشن میں ظاہر نہیں کی۔

    قابض بھارتی فوج نے مزید 3 کشمیریوں کو شہید کردیا

    مسلم لیگ ن شہباز شریف نے پی ٹی آئی فارن فنڈنگ کیس کے حوالے سے اسکروٹنی رپورٹ کے اجراء پراپنے بیان میں کہا ہے کہ عمران خان سے متعلق صادق اور امین والا بیانیہ ریزہ ریزہ ہو گیا شہبازشریف نےاپنے بیان میں کہا کہ اب پتہ چلاپی ٹی آئی 7سال سے فارن فنڈنگ کیس سے کیوں بھاگتی رہی؟اسکروٹنی کمیٹی کی رپورٹ عمران خان کیخلاف چارج شیٹ ہے-

    پاکستان پیپلزپارٹی کے چیئرمین بلاول بھٹو زرداری نے کہا کہ الیکشن کمیشن کی اسکروٹنی رپورٹ کے بعد عمران خان کا کرپشن سے آلودہ بھیانک چہرہ سامنے آیا ہے۔عمران خان نے سچ بولنے کا حلف اٹھا کر پی ٹی آئی کے بینک اکاؤنٹس الیکشن کمیشن سے چھپائے۔کروڑوں روپے دیدہ دلیری سے خردبرد کرنے والے سلیکٹڈ وزیراعظم دوسروں کو کرپشن کے طعنے دیتے ہیں۔

    نور مقدم قتل کیس: عدالت کے دروازے بند،سب کو باہر نکال دیا گیا

  • اقوام متحدہ کشمیریوں کے ساتھ حق خود ارادیت کا وعدہ پورا کرے، وزیراعظم

    اقوام متحدہ کشمیریوں کے ساتھ حق خود ارادیت کا وعدہ پورا کرے، وزیراعظم

    وزیر اعظم عمران خان نے یوم حق خوداردیت کے موقع پر پیغام‏ میں کہا ہے کہ آج کا دن منانے کا مقصد اقوام متحدہ کو اس کا وعدہ یاد دلانا ہے اقوام متحدہ کشمیریوں کے ساتھ حق خود ارادیت کا وعدہ پورا کرے –

    باغی ٹی وی : وزیر اعظم عمرا ن خان‏ نے کہا کہ کشمیریوں کو حق خود ارادیت کی جدوجہد کے لیے خراج تحسین پیش کرتے ہیں،کشمیری عوام 73 برس بعد بھی دیرینہ حق کے حصول کے لیے ثابت قدم ہیں کشمیری عوام تین نسلوں سے حق خود ارادیت کی جنگ لڑ رہے ہیں بھارتی ظلم و جبر کے باوجود کشمیریوں کا حوصلہ قائم ہے-

    قابض بھارتی فوج نے مزید 3 کشمیریوں کو شہید کردیا

    عمران خان‏ نے کہا کہ نوے ہزار بھارتی فوجیوں کی موجودگی نے مقبوضہ وادی کو کھلی جیل میں تبدیل کر دیا ہے،حق خود ارادیت کے حصول کے لیے پاکستان کشمیریوں کی جدوجہد کی غیر متزلزل حمایت جاری رکھے گا،بھارت نے کشمیریوں کو خوراک،صحت اور آزادی جیسے بنیادی حقوق سے محروم کر رکھا ہے-

    سپریم کورٹ نے کینٹ بورڈز کو نجی اسکولز سیل کرنے سے روک دیا

    دوسری جانب وزیر خارجہ مخدوم شاہ محمود قریشی نے کشمیریوں کے حق استصواب رائے کے دن پر اپنے پیغام میں کہا کہ استصواب رائے بنیادی حقوق میں سے ایک ہے اقوام متحدہ کا تنازعہ جموں و کشمیر استصواب رائے سے حل کرانے کے وعدے کو 73 برس ہو گئے-

    ماضی میں سڑکیں عوام کے فائدے کیلئے نہیں بلکہ پیسہ بنانے کیلئے بنائی جاتی تھیں،وزیر اعظم

    وزیر خارجہ شاہ محمود قریشی‏ نے کہا کہ جموں و کشمیر پر بھارت کا غیر قانونی قبضہ اس حق کا انکار ہے کشمیریوں کی تین نسلوں نے اپنی منصفانہ جدوجہد کے لئے عظیم قربانیاں دیں بھارت 5 اگست 2019 کے غیر قانونی اقدام کے بعد جموں و کشمیر میں فوجی تسلط کو مستحکم بنانے میں مصروف ہے-

    راولپنڈی:ایس ایچ او کہوٹہ کی گاڑی پر نامعلوم ملزمان کی فائرنگ

    انہوں نے کہا کہ 5 اگست 2019 سے جعلی مقابلوں،نام نہاد چھاپوں میں 500 سے زائد کشمیری شہید ہو چکے،عالمی برادری کشمیریوں کی بنیادی آزادیوں اور بنیادی انسانی حقوق کی حمایت کرے،اقوام متحدہ کشمیریوں کو استصواب رائے کا حق دینے کا اپنا وعدہ پورا کرے پاکستان اپنے کشمیری بھائیوں اور بہنوں کی حمایت میں ان کے شانہ بہ شانہ کھڑا ہے-

    بھارت کو نرمی دکھانا کشمیر سے غداری کے مترادف ہے ،شاہ محمود قریشی