Author: عائشہ ذوالفقار

یو ٹیوبر زید علی اور ان کی اہلیہ یمنیٰ زید نے اپنے ہاں پہلے بچے کی پیدائش سے چند ہفتے قبل ہی اس کی جنس کا اعلان کردیا ہے-

باغی ٹی وی : زید علی اور یمنیٰ زید نے رواں برس جنوری میں تصدیق کی تھی کہ دونوں کے ہاں پہلے بچی کی پیدائش متوقع ہے دونوں نے بچے کی جنس کا اعلان کرنے کے حوالے سے کچھ دن قبل ہی سوشل میڈیا پوسٹس میں بتایا تھا کہ وہ ایک پارٹی منعقد کرنے جا رہے ہیں، جس میں وہ اعلان کریں گے کہ ان کے ہاں پہلا بیٹا ہوگا یا بیٹی-

یوٹیوبر زید علی اور یمنیٰ زید نے گزشتہ روز 22 جون کو اپنے یوٹیوب چینل پر بچے کی جنس کی پارٹی کی ویڈیو شیئر کرتے ہوئے وہاں بچے کی جنس کا اعلان کیا۔

پارٹی میں زید علی کے والدین سمیت ان کے انتہائی قریبی دوست بھی شریک ہوئے جبکہ یوٹیوبر کے والدین نے بتایاکہ جب وہ جوان تھے تب بچوں کی جنس سے متعلق ایسی پارٹیاں منعقد نہیں کی جاتی تھیں۔

زید کے والد کے مطابق اگرچہ ماضی میں میڈیکل سائنس نے اتنی ترقی نہیں کی تھی کہ بچے کی تصدیقی جنس معلوم کی جا سکے، تاہم بعد ازاں الٹرا ساؤنڈ کے ذریعے جنس معلوم ہوجاتی تھی مگر بچے کی جنس کا اعلان نہیں کیا جاتا تھا۔
پارٹی میں شریک ہونے والے مہمانوں کو دو حصوں میں تقسیم کیا گیا تھا، جس میں سے ایک ٹیم کی خواہش تھی کہ ان کے ہاں پہلی بیٹی ہو جب کہ دوسری ٹیم بیٹے کی خواہش مند تھی۔

ویڈیو کے آخر میں یوٹیوبرز نے بچے کی جنس کا اعلان کرتے ہوئے اس بات پر شکرادا کیا کہ ان کے ہاں پہلا بیٹا ہوگا۔

یوٹیوبرز کی جانب سے بچے کی جنس کا اعلان کرنے کے بعد کئی لوگوں نے انہیں مبارک باد بھی پیش کی ویڈیو میں زید علی نے بتایا کہ جلد ہی ان کے ہاں بچے کی پیدائش ہوگی مگر انہوں نے مقررہ وقت نہیں بتایا۔

بچے کی جنس کی ویڈیو شیئر کرنے کے بعد یمنیٰ زید نے اپنی انسٹاگرام پوسٹ میں وضاحت کی کہ بیٹا یا بیٹی سب خدا کی مرضی ہیں، بس جو بھی بچہ ہو صحت مند ہو۔

پاکستان شوبز انڈسٹری کے ناموراداکار شہریار منور کا کہنا ہے کہ ان کی نظر میں آصف علی زرداری تیز اور ذہین شخص ہیں جب کہ عمران خان مضبوط حکمران ہیں۔

باغی ٹی وی : شہریار منور حال ہی میں نجی ٹی وی چینل کے شو ’جشن کرکٹ‘ میں بطور مہمان شریک ہوئے جہں انہوں نے شوبز ، ذاتی ، فنی کرئیر اور اقربا پروری کے بارے میں کُھل کر بات کی وہیں اداکار نے سیاستدانوں پر تنقید کرنے سے گریز کیا-

پروگرام میں جب ان سے پوچھا گیا کہ اگر انہیں ایک دن کے لیے ملک کا وزیر اعظم بنایا جائے تو وہ پہلے تین کام کیا کریں گے؟ جس پر انہوں نے کہا کہ وہ سب سے پہلے عہدے سے استعفیٰ دے دیں گے۔

شہریار منور نے مزید وضاحت کی کہ پاکستان جیسے ملک میں وزارت عظمیٰ پر رہتے ہوئے ذمہ داریاں نبھانا آسان نہیں۔

شہباز شریف ہمیشہ سےہی میرے پسندیدہ سیاستدان ہیں علی عباس

انہوں نے وزارت عظمیٰ کے عہدے کو مشکل ترین قرار دیا اور کہا کہ یہ سیاستدانوں کا ہی کام ہے، ساتھ ہی انہوں نے عمران خان کے حوالے سے کہا کہ وہ مذکورہ عہدے پر رہتے ہوئے مشکلات کا سامنا کر رہے ہیں۔

سیاست پر محتاط انداز میں بات کرتے ہوئے شہریار منور نے آصف علی زرداری کے حوالے سے کہا کہ وہ تیز اور ذہین آدمی ہیں، انہیں سب کو ایک ساتھ لے کر چلنے کا فن آتا ہے، اس لیے ہی وہ پہلے سیاستدان بنے تھے جنہوں نے ملک میں جمہوری طریقے سے 5 سال مکمل کیے تھے۔

شہریار منور نے عمران خان پر بات کرتے ہوئے انہیں مضبوط حکمران قرار دیا اور ساتھ ہی کہا کہ انہیں ہر طرح کے مسائل کے حساب سے سیاست کرنا آتی ہے۔

شہریار منور نے پروگرام میں عمران خان کی جانب سے فلمی صنعت کے لیے اٹھائے جانے والے کچھ اقدامات کی تعریف کی اور ساتھ ہی اُمید کا اظہار کیا کہ وہ مزید بہتر اقدامات اٹھائیں گے-

نواز شریف سے متعلق انہوں نے زیادہ بات کرنے سے گریز کیا اور کہا کہ ایک طرح سے انہوں نے سیاست میں حد سے زیادہ وقت گزارا ہے۔

بلاول بھٹو اور مریم نواز میں سے کون بہتر سیاستدان ہے کہ سوال پر بھی انہوں نے کوئی جواب نہیں دیا۔

نمرہ خان کے فردوس عاشق اور نواز شریف پر تبصرے نے میزبان کو لاجواب کر دیا

پاکستان شوبز انڈسٹری کی نامور اداکارہ سونیا حسین نے انسٹاگرام اسٹوری میں ماڈل، اداکارہ اور میزبان متھیرا کے لیے چند سال قبل استعمال کی گئی مبینہ نامناسب زبان پر وضاحت دے دی-

باغی ٹی وی : ماڈل و اداکارہ متھیرا نے اپنی دو اںسٹاگرام اسٹوریز میں انکشاف کیا کہ ماضی میں اداکارہ سونیا حسین ان کے لیے نامناسب زبان استعمال کر چکی ہیں۔

متھیرا نے اپنی انسٹاگرام اسٹوریز میں بتایا کہ 2018 میں طلاق ہوجانے کے بعد وہ ڈپریشن کا شکار ہو گئی تھیں اور انہوں نے اپنی جسمانی صحت کا خیال رکھنا بھی چھوڑ دیا تھا۔

ماڈل نے لکھا کہ اسی عرصے کے دوران انہیں ’انٹرنیشنل پاکستان پرسٹیج ایوارڈز‘ (آئی پی پی اے) میں شرکت کے لیے لندن جانا پڑا تو اس وقت انہوں نے اپنے بال ہلکے کروائے ہوئے تھے اور انہوں نے انڈسٹری کے دوسرے لوگوں کے ساتھ سفر کیا۔

متھیرا نے لکھا کہ ڈپریشن کے باعث ان کے بدلتے جسمانی خدوخال کی وجہ سے انڈسٹری کے بہت سارے افراد نے ان کے لیے نامناسب باتیں کیں اور حیران کن طور پر وہ لوگ بھی ان پر نازیبا تبصرے کرتے رہتے جو انہیں جانتے تک نہیں تھے۔

اسٹوریز میں ہی متھیرا نے دعویٰ کیا کہ ان کے جسمانی خدوخال کی وجہ سے سونیا حسین نے بھی ان کے لیے نامناسب کمنٹس کیے اور انہیں ’خواجہ سرا‘ قرار دیا۔

متھیرا نے لکھا کہ سونیا حسین نے انہیں جعلی خاتون قرار دیتے ہوئے ان کے جسمانی خدوخال کی وجہ سے انہیں خواجہ سرا قرار دیا تھا۔

متھیرا نے اپنی اسٹوریز میں ان شوبز شخصیات کی تعریف بھی کی، جنہوں نے ڈپریشن کا مقابلہ کرنے کے مشکل وقت میں انہیں سہارا دیا اور انہوں نے اداکار اظفر رحمٰن کا نام مینشن کرتے ہوئے ان کی تعریف بھی کی۔

انہوں نے اپنی دوسری اسٹوری میں بتایا کہ ماضی میں جو متھیرا تھیں وہ دوسری خاتون تھیں، انہیں اس وقت علم نہیں تھا کہ ڈپریشن اور حالات سے کیسے مقابلہ کرنا ہے اور کیسے اپنا خیال رکھنا ہے۔

اداکارہ نے لکھا کہ تاہم اب کی متھیرا دوسری خاتون ہے، حالیہ متھیرا کو معلوم ہے کہ اپنی حفاظت کیسے کرنی ہے اور کس طرح حالات کا مقابلہ کرنا ہے۔

متھیرا کی مذکورہ اسٹوریز شیئر کیے جانے کے بعد سونیا حسین پر لوگوں نے تنقید کرنا شروع کی تھی، جس کے بعد انہوں نے متھیرا کو فون کیا اور بعد ازاں اس حوالے سے انسٹاگرام اسٹوری میں وضاحت بھی دی-

اپنے تصدیق شدہ اکاؤنٹ انسٹاگرام پرسونیا حسین نے اپنی اسٹوری میں بتایا کہ حال ہی میں انہوں نے متھیرا سے فون پر بات کی، جس کے بعد ان دونوں کے درمیان ایک دوسرے کے لیے پائی جانے والی غلط فہمیاں دور ہوگئیں۔

سونیا حسین نے اپنی اسٹوری میں متھیرا کے ڈپریشن میں شکار ہونے پر بات کرتے ہوئے بتایا تھا کہ انہیں ماڈل کے ساتھ ہمدردی ہے اور یہ کہ کوئی بھی شخص تن تنہا ذہنی پریشانیوں اور انتشار سے مقابلہ نہیں کر سکتا۔

سونیا حسن نے متھیرا کے لیے نامناسب زبان استعمال کرنے کے واقعے کو مینشن کیے بغیر اس کے تناظر میں لکھا کہ دونوں کے درمیان کم بات چیت ہونے کی وجہ سے چیزیں الجھیں۔

اداکارہ نے متھیرا کو اپنی بہن قرار دیتے ہوئے ان کے لیے نیک خواہشات کا اظہار بھی کیا اور ساتھ ہی لوگوں کو تنبیہ بھی کی کہ وہ پورے معاملے اور اس کے تناظر کو سمجھے بغیر دوسروں پر انگلی نہ اٹھائیں۔

سونیا حسین کی جانب سے فون کیے جانے اور نیک خواہشات کا اظہار کیے جانے کے بعد متھیرا نے بھی انسٹاگرام اسٹوری میں تصدیق کی اور سونیا حسین کے لیے نیک خواہشات کا اظہار کیا۔

خیال رہے کہ متھیرا 2004 میں افریقی ملک زمبابوے سے پاکستان آئی تھیں اور انہوں نے ٹی وی میزبانی سے کیریئر کا آغاز کیا اور بولڈ انداز کی وجہ سے کافی مشہور بھی ہوئیں متھیرا نے 2013 میں پنجابی گلوکار فلنٹ جے سے شادی کی تھی لیکن 2018 میں ان کی طلاق ہوگئی تھی، ان کا ایک بیٹا بھی ہے۔

گزشتہ سال بریسٹ کینسر کا شکار ہونے والی پاکستان کی معروف اداکارہ اور سماجی کارکن نادیہ جمیل ایک سال سے زائد عرصے کے بعد اس مرض سے مکمل طور پر صحتیاب ہوگئیں۔

باغی ٹی وی : نادیہ جمیل نے اپنے تصدیق شدہ انسٹاگرام اکاؤنٹ پر یہ خوشخبری مداحوں کے ساتھ شیئر کی اداکارہ نے اپنی پوسٹ میں لکھا کہ میں باضابطہ طور پر کینسر سے صحتیاب ہوگئی ہوں، شکر الحمداللہ، تمام ٹیسٹ کلیئر آئے ہیں تاہم خوفناک کیموتھراپی کی وجہ سے میرے پیروں میں کچھ اعصابی نقصان ہوا ہے وہ بھی ٹھیک ہو جائیں گے-

نادیہ جمیل نے مداحوں کی محبت، دعاؤں اور نیک تمناؤں پر ان کا شکریہ بھی ادا کیا اور لکھا کہ میں اپنے تمام دوستوں اور اہلخانہ کی مشکور ہوں، ان کے ساتھ ساتھ انڈسٹری کے کچھ دوست بشمول ثانیہ سعید، منیبہ مزاری، سلطانہ صدیقی اور عدنان صدیقی بھی میرے ساتھ کھڑے رہے۔

نادیہ جمیل نے مزید لکھا کہ صحتیابی کی جانب اپنے سفر میں، میں نے ان لوگوں کو چھوڑنے کا مشکل طریقہ سیکھا جو آپ کو چھوٹا اور بیگانہ محسوس کرواتے ہیں اور ان کو قبول کرنا سیکھا جو محبت اور عزت کرتے ہیں ساری شہرت اور نام کائنات کی اسکیم میں کچھ بھی نہیں ہے اور آخرکار ہم سب نے ایک دن مٹی میں ہی دفن ہونا ہے-

انہوں نے مزید لکھا کہ میں نے نئے دوست اور فیملی بنائی جن سے میں زندگی سے جڑی ہوں، خون سے نہیں، جنہوں نے کینسر اور عالمی وبا کے دوران آئسولیشن میں میرا ساتھ دیا، یہ عظیم لوگ بہت بڑی نعمت ہیں۔

اداکارہ نادیہ جمیل نے لکھا کہ ‘آخر میں، میں خود کھڑی ہوئی ہوں، یہ میری سانس ہے جو مجھے زندہ رکھتی ہے اور میں خود اپنی حفاظت کرتی ہوں۔

تاہم انہوں نے کہا کہ وہ جانتی ہیں کہ اندھیرے پھر اتریں گے، ایسا ہونا ہے کہ اندھیرے کے بغیر روشنی کیا ہے لیکن وہ وقت دوبارہ گزر جائے گا۔

نادیہ جمیل نے کہا کہ اگرچہ میں دوبارہ اس مرض کا شکار ہوتی ہوں میں جانتی ہوں کہ مجھ میں دوبارہ کھڑا ہونا سیکھنے کی خواہش موجود ہے۔

انہوں نے کہا کہ ‘میں جب بھی گروں گی پہلے سے زیادہ مضبوط ہوکر اٹھ کھڑی ہوں گی، چاہتی ہوں کہ مجھے ہمیشہ سچائی، مہربانی، عاجزی، احترام، پیار کا راستہ دکھایا جائے اور پھر اس پر چلنے کا طریقہ اور خواہش بھی پیدا ہو۔

نادیہ جمیل کی اس پوسٹ پر جہاں مداھوں نے نیک تمناؤں اور خوشی کا اظہار کیا وہیں لیلیٰ واسطی اور ثانیہ سعید نے بھی نیک خواہشات کا اظہار کیا-

خیال رہے کہ نادیہ جمیل گزشتہ برس اپریل میں بریسٹ کینسر کا شکار ہوگئی تھیں اور انہوں نے لندن کے ایک معروف ہسپتال میں علاج شروع کروایا تھا۔

اداکارہ حرا مانی سوشل میڈیا پر شئیر کی گئی ویڈیو کے ذریعے ’عورت مارچ‘ کی حامی خواتین پر طنز کرتے ہوئے پاکستانی خواتین کے لیے پیغام دیا ہے۔

باغی ٹی وی : اداکارہ حرا مانی ان دنوں فیملی کے ہمراہ امریکا میں چھٹیاں منانے گئی ہوئی ہیں اور وہاں سے چھٹیاں مناتے ہوئے خوبصورت تصاویر اور ویڈیوز شیئر کررہی ہیں جنہیں مداحوں کی جانب سے خوب پسند کیا جا رہا ہے-

حال ہی میں اداکارہ حرا مانی نے گاڑی میں پیٹرول بھرتے ہوئے ایک ویڈیو اپنے سوشل میڈیا اکاؤنٹ پر شیئر کی ہے جس میں وہ کہہ رہی ہیں باہر کے ممالک میں خواتین سارے کام خود کرتی ہیں اور اس بات کے لیے میں ان کی تعریف کرنا چاہتی ہوں۔

اس کے ساتھ اداکارہ نے پاکستان میں رہنے والی خواتین کو باور کرایا کہ ہم بڑے خوش قسمت ملک میں رہتے ہیں جہاں آپ کی ایک آواز پر ملازمائیں آپ کا کام کرتی ہیں۔

حرا مانی نے کہا کہ یہاں تک کہ جب آپ گاڑی میں پیٹرول یا گیس بھروانے گیس اسٹیشن جاتے ہیں تو وہاں پر بہت سارے لوگ ہوتے ہیں جو آپ کی گاڑی میں گیس یا پیٹرول بھرتے ہیں۔

اس ویڈیو کے ساتھ حرا مانی نے ’عورت مارچ‘ کا مخصوص نعرہ ’اپنا کھانا خود گرم کرو‘ بھی لکھا-

واضح رہے کہ ہر دلعزیز حرامانی کے چلبلے انداز اور سادگی کو مداحوں کی جانب میں بہت پسند کیا جاتاہے بہت کم عرصے میں اندسٹری میں اپنی الگ پہچان بنانے والی حرامانی کی سادگی کو نہ صرف مداحوں بلکہ ساتھی اداکاروں کی جانب سے بھی پسند کیا جا تاہے-

حال ہی میں اداکار فیروزخان نے احسن خان کے ٹاک شو میں کہا تھا کہ انہوں نے حرا مانی کے ساتھ کبھی کام نہیں کیا ہے پھر بھی وہ حرا مانی کے ساتھ بہت اُنسیت رکھتے ہیں، انہیں حرا مانی سے بہت اپنائیت محسوس ہوتی ہے۔

فیروز خان کا کہنا تھا کہ حرا مانی بہت صاف دل کی صاف دل کی کچی سی سادہ اور کھری اداکارہ ہیں، وہ بناوٹی بالکل بھی نہیں ہیں اور نہ بناوٹی بننے کی کوشش کرتی ہیں۔

اس پر شو کے میزبان احسن خان کا بھی کہنا تھا کہ جب کوئی ایکٹر بنتا ہے بہت زیادہ اسے شہرت ملتی ہے تو وہ اتراتا ہے میں مشہور اداکار ہوں لیکن حرا میں ایسا کچھ نہیں ہے-

اس دوران حمیمہ ملک کا کہنا تھا کہ ہاں بالکل حرا مانی مشہور اداکارہ ہونے کے سبب بھی نخرے نہیں کرتیں، وہ عوام کے دلوں میں رہتی ہیں اور اپنے مداحوں کو بہت اہمیت دیتی ہیں، وہ اداکارہ ہونے پر اتراتی نہیں ہیں-

فیروز خان اداکارہ حرامانی کے لئے کیا محسوس کرتے ہیں؟

پاکستان شوبز انڈسٹری کے نامور اداکر ، میزبان اور پروڈیوسر فہد مصطفیٰ نے ڈاکٹر عامر لیاقت کو ملک کا سب سے بڑا انٹرٹینر قرار دے دیا۔

باغی ٹی وی : اداکار فہد مصطفیٰ سوشل میڈیا اسٹار ننھے بچے احمد شاہ کے ساتھ وسیم بادامی کے شو میں شریک ہوئے جہاں انہوں نے میزبان کے سوالوں کے دلچسپ جوابات دئیے۔

شو کے دوران میزبان نے ان سے سوال پوچھا کہ پاکستان میں سب سے اچھا میزبان کون ہے فہد مصطفیٰ نے جواب دیتے ہوئے کہا مجھے لگتا ہے عامر بھائی سے بڑا اینٹرٹینر اس ملک میں نہیں ہے اور ہم سب اس بات کو مانتے ہیں۔

فہد مصطفیٰ کے اس جواب پر شو کے میزبان وسیم بادامی نے کہا کہ ہر فن مولا بھی عامر لیاقت ہی ہیں جس پر فہد مصطفی نے بھی اتفاق کیا-

میزبان کے ایک سوال کے جواب میں فہد مصطفیٰ نے کہا کہ ان کا سیاست میں آنے کا کوئی ارادہ نہیں ہے۔

واضح رہے رواں برس کی رمضان ٹرانسمیشن میں ڈاکٹر عامر کیاقت کو اپنے اسی انٹرٹیننگ انداز کی وجہ سے شدید تنقید کا سامنا بھی رہا عامر لیاقت کو مذکورہ تنقید کا سامنا اس وقت کرنا پڑا جب انہوں نے رمضان ٹرانسمیشن کے سیگمنٹ جیوے پاجستان میں ناگن ڈانس پیش کیا تھا-

رمضان ٹرانسمیشن:عامر لیاقت کی ویڈیو نے پاکستانی عوام کو ہکا بکا کردیا

رمضان ٹرانسمیشن میں ناگن ڈانس پر تنقید:عامر لیاقت کا ردعمل