کیا پاکستان اخلاقی طور پر کمزور ہے ؟؟-

اخلاق کسی بھی ملک کیلئے ریڑھ کی ہڈی کی حیثیت رکھتا ہے۔اخلاق دنیا کے تمام مذاہب کا مشترکہ باب ہے جس پر کسی کا اختلاف نہیں ۔ انسان کو جانوروں سے ممتاز کرنے والی اصل شئے اخلاق ہے۔اچھے اور عمدہ اوصاف و ہ کردار ہیں جس کی قوت اور درستی پر قوموں کے وجود، استحکام اور بقا کا انحصار ہوتا ہے۔

معاشرہ کے بناؤ اور بگاڑ سے قوم براہ راست متاثر ہوتی ہے۔ معاشرہ اصلاح پذیر ہو تو اس سے ایک قوی، صحت مند اور با صلاحیت قوم وجود میں آتی ہے اور اگر معاشرہ بگاڑ کا شکار ہو تو اس کا فساد قوم کو گھن کی طرح کھا جاتا ہے۔جس معاشرہ میں اخلاق ناپید ہو وہ کبھی مہذب نہیں بن سکتا، اس میں کبھی اجتماعی رواداری، مساوات،اخوت و باہمی بھائی چارہ پروان نہیں چڑھ سکتا۔

جس معاشرے میں جھوٹ اور بددیانتی عام ہوجائے وہاں کبھی امن و سکون نہیں ہوسکتا۔ دنیا میں عروج و ترقی حاصل کرنے والی قوم ہمیشہ اچھے اخلاق کی مالک ہوتی ہے جبکہ برے اخلاق کی حامل قوم زوال پذیرہوجاتی ہے۔ یہ منظر آپ اِس وقت دنیا میں اپنے شرق و غرب میں نظر دوڑا کر دیکھ سکتے ہیں کہ عروج و ترقی کہا ں ہے اور ذلت و رسوائی کہاں ہے؟-

اب آتے ہیں اپنے موضوع کی طرف کیا پاکستان اخلاقی طور پر کمزور ہے –

تو جی ہاں پاکستان اصل میں ہے ہی اخلاقی طور پر کمزور جدھر دیکھوں جھوٹ فریب دھوکہ بازی رشوت خوری جیسی لعنتوں سے یہ ملک بھرا پڑا ہے کل ایک آدمی سے ملاقات ہوئی تو حال احوال کے بعد جوب کا پوچھا تو جناب نے کہا ٹھیک چل رہی ہے اور تنخواہ کے علاوہ اوپر سے بھی پیسے آجاتے ہیں میں سوچ میں پڑ گیا شاید جناب کے لئے روپوں کی بارش ہوتی ہے وہ تو بعد میں اس نے یہ مسئلہ خود ہی حل کر دیا کہ لوگوں کے ناجائز کام کے تو روپے لیتے ہی ہیں جائز کام بھی پیسے کے بنا نہیں کرتے ہیں۔

جب اس کو یہ کام چھوڑنے کا کہا گیا تو اس نے کہا اگر میں نہیں کرو گا تو کوئی اور لے گا اس حکومت نے یقین دلایا تھا کہ ایسے کام نہیں ہوں گے باقی کام تو چھوڑیں جب پاکستان پبلک سروس کمیشن جیسے ادارے میں بھی ہیرا پھیری ہونے لگی تو اس ملک کا اللہ ہی حافظ ہے ۔
بیوروکریسی ملک کی ریڑھ کی ہڈی ہوتی ہے جب وہ ہی ایسے کام کرے گی تو بس اللہ اللہ ہم اخلاقی طور پر اتنے گرے ہوئے ہیں اگر کسی جگہ ایکسیڈنٹ ہو جائے تو ویڈیو بنانے لگ جاتے ہیں نا کہ لوگوں کی خدمت جب تک پاکستان اخلاقی طور پر ٹھیک نہیں ہو گا
معاملات ٹھیک نہیں ہو سکتے-

تحریر: احسن ننکانوی
@Ahsannankanvi

اسلامی فوبیا!
کینیڈا میں ایک پاکستانی مسلم فیملی کا قتل پوری دنیا کے لئے خاص طور پر پاکستان کہ منہ پر ایک زور دار طمانچہ ہے جسے ساری عمر سہلایا جائے تو پھر بھی درد نہ جائے ۔
‏کیا مسلمانوں کا خون سستا ہو چکا ہے؟

حدیث شریف میں آتا ہے کہ زمانہ آخرت میں پوری دنیا مسلمانوں پر چڑھ دوڑے گی ایسے جیسے کھانے والے پیالوں پر ٹوٹ پڑتے…

امت مسلمہ بدترین زوال کی زد میں ہے اور حکمران بے حسی کی زد میں
اگر کوئی ہمارے حکمرانوں کو پکارے تو آگے سے آواز آتی ہے جی ہم تو امن کا درس دیتے ہیں۔
اس سے پہلے بھی جرمنی میں مسلمانوں پر حملے ہوئے ہوئے
اس کے علاوہ بہت سارے یورپی ممالک میں مسلمانوں پر تو حملے ہوتے ہی ہیں۔
اس کے علاوہ اسلام پر بھی حملے ہوتے ہیں۔
ہمارے پیارے آقا آخری نبی حضرت محمد ﷺ کی ذات پر حملے کئے گئے اور مسلمان چپ سادھے بیٹھے رہے۔
‏‎سب سے بڑا حق تو رسول اللّٰہ ﷺ کا ہے
جب حکمران نبی کریم ﷺ کی سرکاری سطح پر گستاخی ہونے کے باوجود فرانس سے سخت لہجے میں بات کرنے سے خوفزدہ ہیں کہ روزی روٹی کے لالے پڑ سکتے ہیں تو عوام کی جان و مال اور عزت و آبرو پر خاک پہرہ دیں گے۔
کیونکہ اسلام تو اب امن کا درس دیتا ہے۔
‏ہم مسلمانوں کا خون اتنا سستا ہے کہ کوئی بھی پوچھتا نہیں اگر یہی کسی چائنہ کے خاندان یا اسرائیلیوں پر حملہ ہوتا وہ ملک اینٹ سے اینٹ بجا دیتے یہاں بس مزمت ہے ۔
‏اپنے ملک میں نوکریاں روزگار ہوتا تو کینیڈا میں یہ پاکستانی آج اس طرح بے دردی سے قتل نا ہوتے۔سارے قابل ترین لوگ ملک چھوڑ کر چلے جاتے کیونکہ اپنے ملک میں انکو کوئی سہولت میسر نہیں ہوتی
‏کیا زندگی ہے پاکستانیوں کی
اپنے ملک میں سہولت میرٹ نام کی چیز نہیں دھکے کھاتے اپنا ملک چھوڑ کر بیرون ملک جاتے نوکریاں کرتے محنت کرتے گھر بار وطن سب چھوڑتے پاکستان پیسے بھیجتے اور بدلے میں پردیس میں بھی انکو مار دیا جاتا۔
اور یہاں پر مجھے علی زریون عہد حاضر کے ایک شاعر کا شعر یاد آگیا۔

میرے وطن تیرے چہرے کو نوچنے والے
یہ کون ہیں یہ گھرانے کہاں سے آگئے ہیں ۔۔

مطلب ہمارے ملک کا یہ حال ہو گیا ہے نہ ہم اسلام کا دفاع کر سکتے ہیں نہ ہم مسلمانوں کا دفاع کر سکتے ہیں
اگر ہمارے ملک میں نوکریاں روزگار ہوتا تو کینیڈا میں یہ پاکستانی آج نہ مرتے
‏‎اللہ اس ملک کا حامی و ناصر ہو
تحریر: احسن ننکانوی
ahsannankanvi@gmail.com

آزادئ اظہارِ رائے یا کُچھ اور

کُچھ وقت سے پاکستان میں چند مخصوص اداروں کے چند لوگوں کی طرف سے تسلسل کے ساتھ پاکستان کے ایک انتہائی اہم عسکری ادارے کے خلاف مہم جوئی اور الزام تراشی پر مبنی بیانات، تقریریں اور سوشل میڈیا پر کمپین جاری کی گئی ہے کیا یہ محض اتفاق ہے؟ یہاں تک کہ جب اس مہم کو بھارت کی طرف سے بڑھا چڑھا کر پیش کیا جاتا ہے اور اُن صحافیوں کو سپورٹ کیا جاتا ہے جو پاکستان کے اہم اداروں پر بغیر ثبوت کے الزام تراشی کرتے ہیں۔ تو یہ بات واضح ہو جاتی ہے کہ یہ سب مہم باقائدہ بیرونی ایجنڈوں کے تحت عمل میں لائی گئی ہے

بھارت پاکستان کے اندر ہر وہ حربہ استعمال کرتا ہے جس سے پاکستان میں سیاسی طور پر محاذ آرائی قائم رہے اور پھر معاشی طور پر پاکستان کو بحرانی صورت حال میں مبتلا رکھا جا سکے اس سلسلے میں بھارتی خفیہ ایجنسی "را” ہمیشہ کی طرح اپنے مشن پر کام کر رہی ہے پاکستان میں صحافت کے حوالے سے جو پروپیگنڈہ بھارتی میڈیا کر رہا ہے یہ اسی سلسلے کی کڑی ہے۔ یہ ایک منظم سازش ہے جس کا جال اب بنُنا جا رہا ہے اس میں بھارت کا کردار کلیدی ہے۔

پاکستان پوری مسلم امہ میں واحد ایٹمی قوت ہے اور پھر پاکستان چین کے ساتھ مل کر CPEC کے تحت جس معاشی ترقی کے سفر پر رواں دواں ہے اس سے خطے میں پاکستان کو منفرد حیثیت حاصل ہونے کے ساتھ ساتھ بین الاقوامی سطح پر بھی سفارتی کامیابیاں ملی ہیں جس کی واضح مثال حالیہ دنوں میں ترکی، سعودی عرب اور دیگر مسلم ریاستوں کی مشترکہ سفارت کاری ہے جو کہ اقوام متحدہ میں دیکھی گئی ہے اس میں پاکستان کا کردار بڑا واضح ہے۔

کشمیر اور فلسطین کے حوالے سے پاکستان کی سفارت کاری اقوام عالم میں اعلیٰ حیثیت سے ہمکنار ہوئی ہے پاکستان کا موقف تسلیم کیا جانے لگا ہے جو کہ بہت بڑی سفارتی کامیابی ہے۔ افواجِ پاکستان جس کو اب پوری دنیا میں قدر کی نظر سے دیکھا جاتا ہے اور پاکستان مخالف قوتیں بھی یہ تسلیم کرتی ہیں کہ پاکستان نے جس طریقے سے دہشت گردی کے ناسور پر قابو پایا ہے اور پاکستان کے قبائلی علاقوں سے جس طرح دہشت گردوں اور شدت پسند عناصر کا خاتمہ کیا ہے اس میں افواج پاکستان کی پیشہ وارانہ مہارت ہی ہے جو کہ پاکستان کو محفوظ بنائے ہوئے ہے۔ برطانوی اور امریکی افواج کے اعلیٰ افسران بڑے واضح الفاظ میں افواج پاکستان کے کردار کو سراہتے ہیں۔

چند مخصوص صحافیوں اور این جی اوز نے جس طریقے سے ایک حساس ادارے کے خلاف اپنی مہم شروع کر رکھی ہے یہ ریاست پاکستان کے خلاف گہری سازش ہے۔ جو یقینا غیر ملکی ایجنڈے کی کڑی ہے جو کہ دیگر مسلم ملکوں کی طرح پاکستان میں بھی اپنے مکروہ عزائم کی تکمیل چاہتے ہیں-

آؤ ذرا تھوڑا ماضی میں جھانکیں کہ جب سرزمین پاکستان پر امریکی افواج نے رات کے اندھیرے میں آپریشن کر کے اسامہ بن لادن کو جان بحق کیا جہاں اس فوجی کارروائی کو پاکستان کی قومی سلامتی پر بڑا حملہ قرار دیا گیا وہیں یہ بین الاقوامی قوانین کی سنگین خلاف ورزی تھی لیکن اس وقت کے صدر مملکت آصف علی زرداری نے اس آپریشن پر امریکی صدر بارک حسین اوباما کو مبارکباد دی تھی۔

بارک حسین اوباما اپنی کتاب A Promised Land کے صفحہ نمبر 696 پر اس آپریشن کے بارے میں تبصرہ کرتے ہوئے لکھتے ہیں کہ جب میں نے پاکستان کی سرحدی حدود کی ہونے والی خلاف ورزی کے تحت ہونے والے اُسامک بن لادن کی ہلاکت والے اس آپریشن کے بعد جب صدر آصف علی زرداری کو فون کیا تو میرا خیال تھا کہ میری یہ فون کال انتہائی مشکل ہو گی اور مجھے تلخ الفاظ سننے کو ملیں گے مگر ایسا نہیں ہوا بلکہ آصف علی زرداری نے ہمارے اس آپریشن پر ہمیں مبارکباد دی اور امریکی افواج کی تعریف کی۔

میاں نواز شریف بطور وزیر اعظم پاکستان امریکی صدر بل کلنٹن سے پاکستان میں اپنی حکومت برقرار رکھنے کی غرض سے امریکی حمایت مانگتے رہے اور ساتھ ہی وزیر اعظم ہائوس میں امریکی فوجی کمانڈوز کی کمانڈ بھی حاصل کرنا چاہتے تھے تاکہ کسی بھی فوجی بغاوت کی صورت میں وہ امریکی کمانڈوز ان کی حفاظت کر سکیں اور فوجی مداخلت کو ناکام بنانے میں کارگر ثابت ہو سکیں۔

یہ وہ حقائق ہیں جو کہ اب تاریخ کا حصہ ہیں اور عالمی سطح پر شائع ہونے والی کتابوں میں شائع ہو چکے ہیں۔ یہ وہ وقت تھا جب پاکستانی قیادت بیرون الاقوامی دباؤ کے تحت اپنی پالیسی مرتب کرتی تھی لیکن اب پاکستان بدل رہا ہے۔ پاکستان نے ملکی مفاد میں پالیسی بنانا شروع کر دیا ہے۔ حالیہ پاکستانی فلسطین/اسرائیل معاملے پر پاکستانی سفارتکاری نے اسرائیل کو حملے روکنے پر نہ صرف مجبور کیا بلکہ اقوامِ متحدہ کو اسرائیلی جنگی جرائم کی تحقیق کرنے پر مجبور کیا۔

پاکستان کے اِن تمام اقدام کے ہیشِ نظر پاکستان دُشمن اقوام بلخصوص ہندوستان اور اسرائیل پاکستان میں اپنے ایجنڈے کے تحت کام کر رہے ہیں اور اداروں کو کمزور کرنے کی سازش پر کام کر رہے ہیں۔

اب ضرورت اس امر کی ہے کہ خطے کی بدلتی ہوئی صورت حال کے پیش نظر پاکستان میں قومی یکجہتی کا مظاہرہ کیا جائے اور قومی اداروں پر بے جا کیچڑ نہ اچھالا جائے اور ساتھ ہی ابن الوقت اور بدعنوان حکمرانوں کی خاندانی اجارہ داریوں سے نجات حاصل کرکے حقیقی جمہوریت کی راہ ہموار کی جائے اور تمام کرپٹ عناصر کو منطقی انجام تک پہنچایا جائے۔ الله کریم پاکستان کو مضبوط، خودمختار اور ترقی یافتہ ملک بنائے۔ آمین

تحریر: ماریہ ملک