Author: عائشہ ذوالفقار

پاکستان کے عالمی شہرت یافتہ اداکار عمران عباس نے سوشل میڈیا پر انکشاف کیا ہے کہ انہیں پرانے ٹی وی شوز اور فلمیں دیکھنے کے سبب گھر میں رہنا بہت پسند ہے۔

باغی ٹی وی: عالمی شہرت یافتہ نامور اور خوبرو پاکستانی اداکار عمران عباس کی جانب سے اپنے سوشل میڈیا پر گھر میں رہنے سے متعلق ایک نوٹ شئر کیا گیا ہے۔

فوٹو اینڈ ویڈیو شئیرنگ ایپلیکیشن انسٹا گرام اکاؤنٹ پر عمران عباس کی جانب سے ایک تصویر شیئر کی گئی ہے جس میں اُنہیں ہاتھ میں ٹی وی ریموٹ تھامے صوفے پر بیٹھے ہوئے دیکھا جا سکتا ہے ۔

اداکار نے تصویر کے کیپشن میں بتایا کہ آپ کا گھر جہاں آپ اپنے سارے پسندیدہ پرانے ٹی وی شوز، فلمیں، ویڈیوز، میوزک اور ڈرامے دیکھ سکتے ہیں جو کہ دوسروں کو بورنگ لگتے ہیں۔

انہوں نے مزید لکھا ہے کہ انٹرٹینمنٹ سے متعلق بہت پرانا مواد جو کہ شاید دوسروں کے لیے عجیب مگر آپ کا بہت پسندیدہ ہوتا ہے۔

عمران عباس کا اپنی پوسٹ میں کہنا تھا کہ گھر میں رہتے ہوئے ایسے اپنے پسندیدہ شوز دیکھنے کا ایک اور فائدہ یہ بھی ہے کہ آپ کی پسند کو دیکھتے ہوئے لوگ آپ کا اور آپ کی پسند کا دوسروں کے ساتھ موازنہ نہیں کرتے۔

عمران عباس کی اس پوسٹ پر اُن کے لاکھوں مداح کمنٹ باکس میں اُن کی اس بات کی تائید کرتے ہوئے اُن کی اداکارانہ صلاحیتوں اور سادہ مزاجی کی تعریفیں کر رہے ہیں۔

پاکستان کی معروف ٹِک ٹاکر و اداکارہ حریم شاہ کی دوست نے وزیر اعظم عمران خان کے لئے گانا جاری کیا ہے-

باغی ٹی وی : حریم شاہ کی دوست گلوکارہ عاصمہ راجپوت کی جانب سے عید الفطر کے موقع پر بطور تحفہ وزیراعظم عمران خان کے لیے ایک گانا ریلیز کیا گیا ہے۔

حریم شاہ کی دوست عاصمہ راجپوت کا کہنا ہے کہ یہ گانا وزیر اعظم عمران خان کے لیے اُن کی جانب سے عید کا تحفہ ہے، اُن کی خواہش ہے کہ وہ یہ گانا عمران خان کے سامنے بھی گائیں۔

حریم شاہ کی جانب سے اپنے انسٹا گرام اکاؤنٹ پر دوست عاصمہ راجپوت کے ہمراہ چند ویڈیوز اپلوڈ کی گئی ہیں جس میں حریم شاہ کی دوست آسمہ راجپوت کو گانا گاتے ہوئے دیکھا جا سکتا ہے۔

حریم شاہ کی جانب سے اپنی اس پوسٹ کے کیپشن میں مداحوں سے عاصمہ راجپوت کے گانے کو یو ٹیوب پر سننے کی اپیل بھی کی گئی ہے۔

پاکستان کے لیجنڈری گلوکار سجاد علی نے اپنا نیا آڈیو گانا ’انتظار‘ جاری کر دیا-

باغی ٹی وی : معروف گلوکار نے عید پر جاری اپنے گانے کی آڈیو کیلئے معروف ادیب ناصر کاظمی کی غزل کا انتخاب کیا گانے کو انہوں نے اپنے سوشل میڈیا اکاؤنٹس پر شیئر کرتے ہوئے مداحوں کو عید کی مبارکباد دی۔

For those of you who love Nasir Kazmi. This is INTEZAR ♥️ Eid Mubarak to all ✨ #NewMusic pic.twitter.com/7gQBXPsTyC

— Sajjad Ali (@sajjad_official) May 14, 2021

انہوں نے یہ بھی کہا کہ وہ تمام مداح جو شاعری کی سمجھ بوجھ رکھتے ہیں شاعری کی گلوکاری کو پسند کرتے ہیں یہ گانا اُن تمام مداحوں کے نام ہے۔

لیجنڈری گلوکار نے ناصر کاظمی کو بھی زبردست انداز میں خراج تحسین پیش کیا ہے۔

90 کی دہائی میں گلوکاری کے میدان میں اپنی کامیابی کے جھنڈے گانے والے گلوکار سجاد علی پاکستان میوزک انڈسٹری کو کئی کامیاب گانے دے چکے ہیں سجاد علی گائیکی کے ساتھ ساتھ کمپوزنگ میں بھی یکساں مہارت رکھتے ہیں –

پاکستان شوبز انڈسٹری کی معروف اداکارہ غنا علی رشتۂ ازدواج میں منسلک ہوگئی ہیں۔

باغی ٹی وی: اداکارہ کے نکاح کی تقریب کی تصاویر سوشل میڈیا پر زیرگردش ہیں اداکارہ نے اب تک خود کوئی تصویر یا ویڈیو اپنے اکاؤنٹ پر شئیر نہیں کی ہے۔

گزشتہ روز اداکارہ نے مہندی کی دلہن بنے ایک تصویر شیئر کرتے ہوئے زندگی کے اس نئے سفر کی خوشخبری مداحوں کو سنائی تھی۔

اداکارہ کی جانب سے گزشتہ روز انسٹاگرام پر شیئر کی گئی تصویر میں غنا علی نے پیلے رنگ کا لباس زیب تن کیا ہوا ہے جبکہ بالوں میں گیندے کے پھول کا گجرا بھی لگا ہوا ہے۔

غنا علی نے اپنی پوسٹ کے کیپشن میں لکھا کہ ’الحمداللّٰہ! نئی شروعات۔‘

دوسری جانب ابھی تک اداکارہ کی جانب سے یہ نہیں بتایا گیا ہے کہ اُن کی شادی کس سے ہورہی ہے۔

خیال رہے کہ غنا علی اب تک کے پاکستان کے کئی ڈراموں میں اپنی اداکاری کے جوہر دکھا چکی ہیں جن میں سُن یارا، کس دن میرا ویاہ ہووے گا سیزن 4، سایہ دیوار بھی نہیں، ہانیہ، چھوٹی چھوٹی باتیں اور سراب سمیت دیگر ڈرامے شامل ہیں۔

اس کے علاوہ غنا علی پاکستان کی کچھ مشہور فلموں میں بھی کام کرچکی ہیں جن میں رنگریزہ، مان جاؤ نا، اور کاف کنگنا شامل ہیں۔

غنا علی کی شادی کی تقریبات کا آغاز