صدر مملکت عارف علوی کا عید الفطر کےموقع پر قوم کو مبارکباد-

باغی ٹی وی : صدر مملکت عارف علوی نے پوری قوم کو عید کا پیغام دیتے ہوئےضرورت مندوں اور محتاجوں کو خوشیوں میں شریک کرنے کی اپیل کی ہے۔

صدرِ مملکت ڈاکٹر عارف علوی کا عید الفطر کے موقع پر قوم کے نام پیغام
عید کی خوشیوں میں کورونا وائرس کی وجہ سے معاشی تنگدستی کا شکار افراد کا خصوصی خیال رکھنے اور عید کے اجتماعات میں کورونا ایس او پیز پر مکمل طور پر عمل پیرا ہونے کی تلقین۔ pic.twitter.com/m7Yr16EFKo

— The President of Pakistan (@PresOfPakistan) May 13, 2021

صدر مملکت کے ٹوئٹر ہینڈل سے جاری پیغام میں کہا گیا ہے کہ اس عید پر کورونا وائرس سے بچاؤ کی تدابیر کو ہر گز نظر انداز نہ کیا جائے۔

انہں نے اپنے پیغام میں کہا کہ عید المبارک کی بابرکت ساعتوں میں روزہ اور تراویح کی توفیق یقیناً بہت بڑی سعادت اور خوش نصیبی کی بات ہے – روزہ کے ذریعے ہمیں اپنے اندر تقویٰ اور غریب پروری کا جذبہ پیدا کرنے کا جو موقع میسر آیا تھا ہماری یہ کوشش ہونی چاہیئے کہ اس پر ہم مستقل مزاجی کے ساتھ کاربند رہیں عید کے موقع پع ضرورت مندوں اور محتاجوں کو اپنی خوشیوں میں شریک کریں

صدر مملکت نےعید کی خوشیوں میں کورونا وائرس کی وجہ سے معاشی تنگدستی کا شکار افراد کا خصوصی خیال رکھنے اور عید کے اجتماعات میں کورونا ایس او پیز پر مکمل طور پر عمل پیرا ہونے کی تلقین کی-

پیغام میں کہا گیا کہ مصافحہ، معانقہ سے گریز کرتے ہوئے سماجی فاصلے کا خیال رکھا جائےصدر مملکت کی جانب سے کہا گیا کہ دعائیں کی جائیں کہ وہ ہمیں اس وبا کی ہولناکیوں سے محفوظ فرما دے۔

پاکستان بھر میں مسلمان آج عید الفطر مذہبی عقیدت و احترام سے منا رہے ہیں۔

باغی ٹی وی : تفصیلات کے مطابق کراچی، اسلام آباد، پشاور اور کوئٹہ سمیت ملک کے تمام چھوٹے بڑے شہروں میں مساجد، عیدگاہوں اور کھلے میدانوں میں نماز عید کے اجتماعات میں امت مسلمہ، مقبوضہ کشمیر،فلسطین سمیت ملک کی ترقی و خوشحالی اور کورونا وبا کے خاتمے کے لئے خصوصی دعائیں مانگی گئیں۔

نماز عید کی ادائیگی کے بعد شہریوں کا اپنے مرحومین کی قبروں پر حاضری کے لئے جانے کا سلسلہ بھی جاری ہے۔

عید الفطرکے موقع پر تمام شہروں میں سیکورٹی کے سخت انتظامات کئے گئے ہیں۔

‏وزیر اعظم عمران خان نے عیدالفطر پر اہل وطن اور ملت اسلامیہ کو مبارک باد دی ہے۔عمران خان نے کہا کہ قوم سے درخواست ہے عید پر کورونا ایس او پیز پر عمل کریں، احتیاط دین کا حکم اور سنت رسول صلی ﷲ علیہ وسلم بھی ہے۔

دوسری جانب قائد حزب اختلاف اور صدر مسلم لیگ ن شہباز شریف نے قوم سے فلسطین اور مقبوضہ کشمیر کی آزادی کے لیےخصوصی دعاؤں کی اپیل کرتے ہوئے کہا کہ کورونا وبا کو مدنظر رکھتے ہوئے عید پر احتیاطی تدابیر اختیار کریں۔

چیئرمین پیپلز پارٹی بلاول بھٹو زرداری نے عید پر قوم کے نام پیغام میں کہا کہ ہم اپنے کشمیری اور فلسطینی بھائیوں کے لیے عید پر دعاگو ہیں، کورونا وائرس اور کمر توڑ مہنگائی کی وجہ سے عوام روایتی خوشیوں سے محروم ہیں، عوام سے اپیل ہے کہ عید سادگی سے منائیں۔

اسپیکر و ڈپٹی اسپیکر قومی اسمبلی اسد قیصر کی عید الفطر کے موقع پر پوری قوم کو مبارکباد

باغی ٹی وی :اسپیکر و ڈپٹی اسپیکر قومی اسمبلی نے قوم کو عید کی مبارکباد دیتے ہوئے کورونا ایس او پیز پر عملدرآمد کرنے کی تلقین کی-

اسد قیصر نے کہا کہ عید الفطر ہمیں اللہ تعالیٰ کا شکر ادا کرنے کا بھرپور موقع فراہم کرتا ہے، جس نے ہمیں ماہ صیام میں روزہ رکھنے،عبادات کرنے اور ضرورت مندوں کی مدد کرنے کی توفیق عطاء فرمائی-

اسپیکر قومی اسمبلی نے کہا کہ عید کا دن ہم سب کے لیے خوشیاں لے کر آتا ہے، عید کی حقیقی خوشی اس وقت حاصل ہوتی ہے جب ہم اپنے ارگرد موجود غریب بہن بھائیوں کا خیال رکھیں-

اسپیکر قومی اسمبلی نے کہا کہ ایک مضبوط اسلامی فلاحی معاشرے کی تشکیل کے لیے معاشرتی نا انصافیوں کے خاتمے اور ہم آہنگی اور بھائی چارے کے فروغ کے لیے کردار ادا کرنے کی ضرورت ہے-

اسد قیصرنے کہا کہ عید تجدیدِ عہد کا دن ہے آج کے دن ہمیں پوری اُمت کی ترقی وخوشحالی کے لیے دعائیں مانگنی چاہیے ملک کو درپیش چیلنجوں کا مقابلہ کرنے کے لیے قوم کو متحد ہونے کی ضرورت ہے-

اسپیکر قومی اسمبلی نے کہا کہ عید کے پرمسرت موقع پر اپنے کشمیری اور فلسطینی بھائیوں اور بہنوں کے ساتھ مکمل یکجہتی کرتے ہیں کشمیر اور فلسطین کے مظلوم مسلمانوں کے ساتھ ڈھائے جانے والے والے مظالم انتہائی افسوس ناک اور قابل مذمت ہیں-

اسد قیصر نے کہا کہ عوام کو عید کے دوران کورونا ایس او پیز پر عملدرآمد کرنے کی ضرورت ہے،عوام غیر ضروری طور پر بڑے اجتماعات پر جانے سے گریز کریں-

اسد قیصر نے کہا کہ اللہ تعالیٰ سے دعا کی کہ کورونا وباء کا جلد خاتمہ ہو اور حالات دوبارہ معمول پر آجائیں آج کا دن گزشتہ سال کے دوران کورونا وباء سے شہید ہونے والے ہمارے قومی ہیروز کو خراجِ تحسین پیش کرنے کا موقع فراہم کرتا ہے-

انہوں نے کہا کہ عالمی وباء سے فرنٹ لائز پر لڑنے والے ڈاکٹرز، پیرا میڈیکس سٹاف اور میڈیا کے نمائندوں کی قربانیوں کو ہمیشہ یاد رکھا جائے گا-

قاسم خان سوری عید الفطر ہمیں آپس میں محبتیں بانٹنے اور بھائی چارے کو فروغ دینے کا موقع فراہم کرتی ہے،عید پر ہمیں ضرورتمندوں اور غریب طبقے کو نہیں بھولنا چاہیے-

اسپیکر قومی اسمبلی نے کہا کہ عوام سے اپیل کی کہ وہ اس پر مسرت موقع پر احتیاط کا دامن ہاتھ سے نا چھوڑیں تاکہ کورونا وباء کے اثرات سے محفوظ رکھا جاسکے-

سینیٹر رحمان ملک کا قوم کو عیدالفطر کی مبارکباد، قوم سے عید سادگی سے منانے کی اپیل

سابق وزیرِداخلہ سینیٹر رحمان ملک کا قوم کو عیدالفطر کی مبارکباد،

باغی ٹی وی : سابق وزیرِداخلہ سینیٹر رحمان ملک نے کہا کہ عیدالفطر اس بار پھر مشکل حالات میں آرہا ہے آج پوری دنیا کورونا کیوجہ سے پریشان ہے،سب دعا کرے کہ اللہ تعالی جلد کورونا وائرس کا خاتمہ فرمائے اور مریضوں کو شفا دے-

رحمان ملک نے کہا کہ قوم سے اپیل ہے کہ عید روایتی طریقے سے ہٹ کر سادگی سے منائے، ہر فرد پر لازم ہے کہ کورونا ایس او پیز پر سختی سے عمل درآمد کرے سب ماسک پہنے، معاشرتی فاصلہ قائم رکھے اور ملنے جلنے سے اجتناب کرے-

رحمان ملک نے کہا کہ اللہ تعالیٰ مظلوم کشمیری و فلسطینی عوام کو فتح و نصرت عطا فرمائے، عید کے موقع پر شہدائے قوم کو خراج تحسین پیش کرتا ہوں-

انہوں نے کہا کہ پاکستان تاریخ کے حساس و مشکل وقت سے گزر رہا ہے،ملک کو اتفاق اتحاد و باہمی ہم آہنگی کی ضرورت ہے-