Baaghi TV

Author: عائشہ ذوالفقار

  • پاکستان میں کرونا کی لہر میں شدت،24 گھنٹوں میں 113 اموات ،مثبت کیسز میں بھی اضافہ

    پاکستان میں کرونا کی لہر میں شدت،24 گھنٹوں میں 113 اموات ،مثبت کیسز میں بھی اضافہ

    پاکستان میں کرونا کی لہر میں شدت،24 گھنٹوں میں113 اموات

    باغی ٹی وی کی رپورٹ کے مطابق پاکستان میں کرونا کی تیسری لہر جاری ہے، کرونا مریضوں اور اموات میں مسلسل اضافہ ہو رہا ہے

    نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق کورونا وائرس پاکستان میں تیزی سے پھیل رہا ہے ملک بھر میں کورونا سے اموات کا اموات کا سلسلہ جاری ہے گزشتہ 24 گھنٹوں میں کرونا سے مزید 113 اموات ہوئی ہیں-


    این سی او سی کے مطابق گزشتہ روز کورونا کے 45 ہزار275 ٹیسٹ کئے گئے4 ہزار414 نئے کیس سامنے آ گئے۔ ملک بھر میں مثبت کیسز کی شرح تقریبا 9.74 فی صد رہی۔

    پاکستان میں کورونا سے اموات کی مجموعی تعداد 18 ہزار70 تک پہنچ گئی جبکہ متاثرہ افراد کی مجموعی تعداد 8 لاکھ 29 ہزار933 ہو چکی ہے۔

    کورونا وائرس پاکستان میں تیزی سے پھیل رہا ہے۔ نیشنل کمانڈ اینڈ آپریشن سینٹر کی جانب سے پاکستان کے 26 اضلاع ہائی رسک قرار دیئے گئے ہیں۔ پاکستان میں کورونا کی ویکسینیشن جاری ہے اور تیسرے مرحلے میں50تا60 سال کے درمیان عمر والے افراد کو ویکسین لگائی جا رہی ہے۔

    این سی او سی کے مطابق 40 سے 49 سال تک کی عمر کے لوگوں کی ویکسین کے لئے رجسٹریشن شروع ہو چکی ہے ویکسین لگوانے کی لئے قومی شناختی کارڈ نمبر 1166 پر پیغام بھیجنا ہو گا –


    این سی او سی کے مطابق ویکسینیشن سے متعلق ہیلتھ کیئر ورکرز کی رجسٹریشن 31 مئی 2021 تک کھلی رہے گی تمام غیر رجسٹرڈ ہیلتھ کیئر ورکرز سے درخواست کی جاتی ہے کہ وہ https://Covid.gov.pk/vaccine ویب سائٹ ملاحظہ کریں اور ویکسینیشن کے لئے اور رجسٹریشن کروائیں۔


    این سی او سی کے مطابق عالمی اور علاقائی بیماریوں کے مروجہ رجحانات کے پیش نظر ، پاکستان نے 5 مئی سے 20 مئی تک اندرون ملک بین الاقوامی سفر کو کم کرنے کا فیصلہ کیا ہے۔ اس عرصے کے دوران پاکستان کے لئے بین الاقوامی پروازوں کو کم کرکے 20 فیصد کردیا جائے گا۔

  • سجل علی کی بہن صبور علی اور علی انصاری نے منگنی کر لی

    سجل علی کی بہن صبور علی اور علی انصاری نے منگنی کر لی

    پاکستان شوبز انڈسٹری کی نامور اداکارہ صبور علی اور اداکار علی انصاری نے منگنی کر لی-

    باغی ٹی وی : پاکستان شوبز کی خوبرو اداکارہ سجل علی کی بہن صبور اور اداکار علی انصاری کی منگنی کی خبریں اور تصاویر سوشل میڈیا پر گردش کر رہی ہیں –

    تصاویر میں صبور علی اور علی انصاری کو گلے میں پھولوں کے ہار ڈالے انتہائی خوشگوار موڈ میں دکھائی دے رہے ہیں صبور علے نے ٹی پنک کلر کا خوبصوت ڈریس پہن رکھا ہے صبور علے نے ہاتھوں میں گجرے بھی پہن رکھے ہیں جبکہ علی انصاری سفید رنگ کا شلوار سوٹ پہنا ہوا ہے-

    دونوں کی منگنی کی خبر نے مداحوں کو خوشگوار حیرت میں مبتلا کر دیا ہے مداح خوشی کا اظہار کرتے ہوئے مبارکباد اور نیک تمناؤں کا اظہار کر رہے ہیں-


    واضح رہے کہ اس سے قبل علی انصاری نے اداکارہ مشال خان کے ساتھ منگنی کی تھی تاہم ، دونوں کی پچھلے سال ہی علیحدگی ہوگئی تھی۔علی انصاری اور مشال خان اپنی منگنی ٹوٹنے کی افواہوں پر خاموش رہے تاہم بعد ازاں مشال خان نے انسٹاگرام پر علیحدگی کی تصدیق کی تھی لیکن وجوہات نہیں بتائی تھی-

  • بگ باس 14 کی فاتح اور اداکارہ روبینہ دلیک بھی کورونا وائرس کا شکار

    بگ باس 14 کی فاتح اور اداکارہ روبینہ دلیک بھی کورونا وائرس کا شکار

    بھارت کے معروف رئیلیٹی شو بگ باس کے سیزن 14 کی فاتح و اداکارہ روبینہ دلیک بھی کورونا کا شکار ہو گئیں-

    باغی ٹی وی : روبینہ دلیک نے اس حوالے سے اپنے تصدیق شدہ انسٹاگرام اکاؤنٹ پر ایک اہم پیغام جاری کیا ہے جس میں اُنہوں نے مداحوں کو اپنی صحت کے حوالے سے آگاہ کیا۔

    روبینہ دلیک نے اپنے پیغام میں کہا کہ میں ایک ماہ کے بعد اپنا پلازمہ عطیہ کرسکوں گی کیونکہ بدقسمتی سے میرا کورونا وائرس ٹیسٹ مثبت آگیا ہے۔

    اداکارہ نے کہا کہ میں اب اگلے 17 دن تک اپنے گھر میں ہی قرنطینہ میں رہوں گی۔

    اُنہوں نے کہا کہ جن لوگوں نے مجھ سے حالیہ 5 سے 7 دنوں میں ملاقات کی ہے وہ براہِ کرم! اپنا کورونا وائرس ٹیسٹ لازمی کروائیں۔

    روبینہ دلیک کی پوسٹ پر اُن کے مداحوں اور ساتھی فنکاروں کی جانب سے اُن کے لیے جلد صحتیابی کے لیے دعاؤں اور نیک خواہشات کا اظہار کیا جا رہا ہے-

    خیال رہے کہ روبینہ دلیک بھارتی ڈرامہ انڈسٹری کی مقبول ترین اداکارہ بھی ہیں، اس کے علاوہ انہوں نے 2006ء میں مِس شملا کا خطاب جیتا تھا اور اس کے 2 سال بعد 2008ء میں اُنہوں نے مِس شمالی ہندوستان کا خطاب بھی اپنے نام کیا تھا۔

  • پیمرا کی جانب سے احسن خان کے شو پر 5 لاکھ روپے جرمانہ عائد

    پیمرا کی جانب سے احسن خان کے شو پر 5 لاکھ روپے جرمانہ عائد

    پاکستان میڈیا ریگولیٹری اتھارٹی (پیمرا)نے اداکار احسن خان کے شو میں تفریخ کے لئے جانوروں کی نمائش کرنے پر 5 لاکھ روپے کا جرمانہ عائد کردیا ہے۔

    باغی ٹی وی : پیمرا کی جانب سےہائی کورٹ کے ایڈوکیٹ فیض اللہ خان نیازی کے احسن خان کےایک نجی ٹی وی چینل سے نشر ہونے والے شو،ٹائم آؤٹ ود احسن خان، کےخلاف شکایت کرنے پر احسن خان پر یہ جرمانہ عائد کیا گیا ہے۔

    ایڈوکیٹ فیض اللہ خان نیازی نے ٹوئٹر پر احسن خان کے شو کےخلاف نجی ٹی وی چینل کو جاری کیے گئے نوٹس کی تصاویر شئیر کرکےاس خبر کی تصدیق کی ہے۔
    https://twitter.com/niazi_faizullah/status/1387733747433365504?s=20
    ایڈووکیٹ نے ٹوئٹ کرتے ہوئے لکھا کہ احسن خان نے اپنے پروگرام ،ٹائم آؤٹ ود احسن خان، میں جانوروں کو تفریح کیلئے اور بطور پراپس استعمال کیا۔

    فیض اللہ خان نیازی نے کہا کہ پیمرا کی کونسل آف کمپلینٹس ( سی او سی) نے اپنی 106ویں اجلاس میں جانوروں کے حقوق کے تحفظ اور انہیں بے وجہ تکلیف اور درد سے بچانے کی حمایت کی ہے۔

    انہوں نے لکھا کہ سی او سی نے جانوروں کے حقوق کو برقرار رکھا اور انہیں ہونے والے غیر ضروری درد اور تکلیف کو روک دیا۔

    پیمرا نے احسن خان کی جانب سے پروگرام میں جانوروں کو لانے پر نجی چینل ایکسپریس نیوز پر 5لاکھ روپے کا جرمانہ عائد کرتے ہوئے فیصلے میں تحریر کیا ہے کہ کونسل کو سننے کے بعد یہ طے کیا ہے کہ اس پروگرام میں جانوروں کو جس انداز میں پیش کیا گیا وہ ان کیلئے بے وجہ درد اور تکلیف کا باعث بنا ہے۔

    پیمرا کے مطابق پاکستان کے آئین کی شق 4 اور 9 کے تحت جانوروں کو ایسی تکلیف کا نشانہ بنانا سختی سے منع ہے۔

    واضح رہے کہ احسن خان نے اپنے پروگرام کے ایک سیگمنٹ میں ایک خرگوش کو بطور پراپس استعمال کرتے تھے اور مہمانوں سے سوال و جوابات کے دوران اگر کوئی غلط جواب دیتا تھا تو اس خرگوش کو مہمان کی گود میں بٹھادیا جاتا تھا۔


    اس معاملے پر ردعمل دیتے ہوئے احسن خان کا کہنا تھا کہ یہ پالتو خرگوش ہیں اور ان کا مالک خود انہیں سیٹ پر لاتا ہے ، ہم پوری طرح اس چیز کا خیال رکھتے ہیں کہ ریکارڈنگ کے دوران ان کا پیٹ بھرا ہو اور انہیں کوئی مسئلہ نہ ہو، یہ ریکارڈنگ کے دوران بالکل بے آرام نہیں ہوتے اور بہت آرام سے ہاتھوں میں آجاتے ہیں-

    انہوں نے مزید کہا کہ میں خود پالتو جانورں کا شیدائی ہوں میرے گھر پر کتے، بلی، طوطے اور مرغیاں ہیں اور میں ان سب کو اپنے بچوں کی طرح سمجھتاہوں، ہم انہیں آرام دہ ماحول فراہم کرنے کی ہر ممکن کوشش کرتے ہیں، ہم جانوروں کا خیال کرنے والے لوگ ہیں ، سیٹ پر بھی ہم یہی کرتے ہیں۔

  • اعجاز اسلم کا کینسر سے نبرد آزما ڈاکٹر یاسمین کی ہمت کو سلام

    اعجاز اسلم کا کینسر سے نبرد آزما ڈاکٹر یاسمین کی ہمت کو سلام

    پاکستان شوبز انڈسٹری کے نامور اداکار اعجاز اسلم نے کینسر کے مرض میں مبتلا وزیر صحت پنجاب ڈاکٹر یاسمین راشد کے لئے خصوصی پیغام جاری کیا ہے-

    باغی ٹی وی : اداکار اعجاز اسلم نے سماجی رابطے کی ویب سائٹ ٹوئٹر پر ڈاکٹر یاسمین راشد کی تصویر شئیر کرتے ہوئے اُن کےبلند حوصلے اور ہمت کو سلام پیش کیا ہے-


    اعجاز اسلم نے ڈاکٹر یاسمین راشد کی صحتیابی کے لیے دعا کرتے ہوئے لکھا کہ ڈاکٹر یاسمین راشد ہم آپ کو وبائی امراض کے ہنگامی حالات سے نمٹنے میں آپ کی کاوشوں کے لیے سلام کرتے ہیں۔

    اداکار نے لکھا کہ آپ کینسر جیسے مرض سے لڑنے کے باوجود بھی عوام کی خدمت میں مصروف ہیں اللہ تعالیٰ آپ کی ہمیشہ حفاظت کرے اور آپ کو مزید ہمت دے۔

    واضح رہے کہ وزیر صحت پنجاب ڈاکٹر یاسمین راشد کو بریسٹ کیسنر کا مرض لاحق ہے، بریسٹ کینسر میں مبتلا ہونے کے باوجود ڈاکٹر یاسمین راشد مضبوط اعصاب کے ساتھ کرونا وبا کے دوران اپنی ذمے داریاں جاری رکھے ہوئے ہیں، ساتھ ہی ان کی کیموگرافی کا کورس بھی جاری ہے۔

    بریسٹ کینسر کے عارضے میں مبتلا ہونے کے باعث گذشتہ سال دسمبر میں شوکت خانم میموریل اسپتال میں ڈاکٹر یاسمین راشد کی سرجری کی گئی تھی، سرجری کے بعد صوبائی وزیر کی حالت بہترہوئی تھی کچھ روز تک انہیں مکمل آرام کا بھی مشورہ دیا گیا تھا تاہم کرونا کی تیز لہر کے باعث انہوں نے صوبائی نظام صحت اور کرونا ویکسین کے حوالے سے اپنے فرائض منصبی سرانجام دے رہی ہیں۔

  • روزے کی حالت میں سر درد کیوں ہوتا ہے؟ اور اس سے کیسے بچا جائے؟

    روزے کی حالت میں سر درد کیوں ہوتا ہے؟ اور اس سے کیسے بچا جائے؟

    رمضان المبارک رمضان کے آتے ہی 11 مہینوں سے بنی روٹین اچانک بدل جاتی ہے اس وقت عام طور پر روزہ تقریباً چودہ سے پندرہ گھنٹوں کے دورانیے کا ہے اور موسم عام طور پر گرم ہے کچھ افراد کو افطاری سے کچھ گھنٹے قبل سر درد کی شکایت رہنے لگتی ہے –

    روزے کے باعث ہونے والا سر درد ماتھے کے سامنے والے حصے کی جانب ہوتا ہے اس میں عام طور پر ہونے والے درد کی طرح دھمک نہیں ہوتی ہے مگر مائگرین کے مریضوں کے سر میں ہونے والا یہ درد بہت شدید ہوتا ہے اس کے علاوہ عام طور پر جو لوگ بار بار عام زندگی میں بھی سر درد کا شکار ہوتے ہیں ان کے سر میں روزے کے باعث ہونے والے سر درد کے امکانات زیادہ ہوتے ہیں-

    طبی ماہرین کے مطابق رمضان میں اکثر افراد کے سر میں اُٹھنے والے درد کی متعدد بڑی وجوہات ہیں جن میں سحری سے قبل اُٹھنا یا سحری کا چھوٹ جانا، نیند میں کمی اور مطلوبہ غذائیت کا حاصل نہ کرنا ہے، عام دنوں میں جو افراد کیفین کا زیادہ استعمال کرتے ہیں ان کے خون میں کیفین کی اچانک کمی اور روزے کے سبب کھانا نہ کھانا بھی سر درد کی وجوہات میں شامل ہے۔

    طبی ماہرین کے مطابق سر درد کی وجوہات میں رمضان میں افطار کے بعد زیادہ مقدار میں پانی نہ پینا، جسم میں پانی کی کمی، قبض کی شکایت، مناسب پانی کی مقدار نہ پینا اور دوبارہ روزہ رکھ لینا، بلڈ پریشر کا کم ہونا شامل ہیں –

    علاوہ ازیں روزے کی حالت میں سر درد کی وجوہات ہائپو گلائسیمیا عام طور پر جب انسان ایک طویل وقت تک کچھ نہیں کھاتا ہے تو اس کے سبب اس کے خون میں شوگر کی مقدار عام طور پر موجود مقدار سے کم ہونے لگتی ہے جو کہ سر کے درد کا باعث بن سکتی ہے- مگر ماہرین کے نزدیک یہ کوئی حتمی وجہ نہیں ہو سکتی ہے کیوںکہ اکثر اوقات جب کہ خون کے اندر شکر کی مقدار نارمل لیول پر بھی ہو تو اس صورت میں بھی سر کا درد ہو سکتا ہے –

    ان سے بچاؤ کے لیے ماہرین کی جانب سے تجویز کیے گئے مشوروں سے فائدہ حاصل کیا جا سکتا ہے۔

    ماہرین کے مطابق رمضان کے لیے خود کو تیار کرتے ہوئے اس کی آمد سے قبل ہی بھوک کم کر دینی چاہیے، اضافی کچھ بھی کھانے سے پرہیز کرنا چاہیے۔

    رمضان کے دوران سر درد سے بچنے کے لیے گرم مشروبات جیسے کہ کافی اور چائے کا استعمال کم کر دینا چاہیےسگریٹ نوشی کے عادی افراد کو سیگریٹ پینے سے پر ہیز کرنا چاہیے۔

    ماہرین کے مطابق جسم کو ڈی ہائیڈریشن سے بچاؤ کے لیے افطار کے بعد ایک ساتھ زیادہ سارا پانی پینے کے بجائے ہر آدھے یا ایک گھنٹے بعد ایک گلاس پانی پئیں۔

    دن کے دوران کمپیوٹر، موبائل، لیپ ٹاپ کا استعمال کم کر دیں سر درد اٹھنے لگے تو سب سے پہلے موبائل کا استعمال چھوڑ دیں خود کو ذہنی سکون دینے کے لیے تھوڑی دیر آرام کریں اور اپنے ہاتھوں سے پیشانی اور سر کا مساج کریں مساج سے سر درد کم ہو جائے گا-

    علاوہ ازیں روزے کے دوران ہونے والے سر درد سے نجات حاصل کرنے کے لیے نہایا بھی جا سکتا ہے لیکن اگر سر درد ٹھیک نہ ہوتو ڈاکٹر سے لازمی مشورہ کریں-

    رمضان میں نیم گرم پانی سے روزہ افطار کرنے کے حیران کن فوائد

    کھجور کا ملک شیک ٹھنڈک اور صحت ساتھ ساتھ

    رمضان میں وزن میں اضافے جیسے مسائل سے پریشان لوگوں کے لئے صنم جنگ کا ویڈیو بلاگ

  • اداکار بکرم جیت کنور پال کورونا کے باعث انتقال کر گئے

    اداکار بکرم جیت کنور پال کورونا کے باعث انتقال کر گئے

    بھارتی شوبز انڈسٹری کے مقبول اداکار اور ریٹائرڈ آرمی آفیسر بکرم جیت کنورپال 52 سال کی عمر میں کورونا کے باعث انتقال کر گئے-

    باغی ٹی وی : بھارتی میڈیا کے مطابق فلموں اور ڈراموں میں لازوال سپورٹنگ کردار نبھانے والے اداکار بکرم جیت کنورپال کا کورونا ٹیسٹ مثبت آیا تھا جس پر انہیں اسپتال میں داخل کیا گیا تاہم اداکار کی طبیعت سنبھل نہ سکی اور وہ دوران علاج چل بسے۔

    اداکار بکرم جیت کنورپال کی موت کی خبر سب سے پہلے بالی ووڈ فلم ساز اشوک پنڈت نے ٹوئٹر پر دی اداکاروں اور ہدایت کاروں نے بکرم جیت کنورپال کے انتقال پر افسوس کا اظہار کرتے ہوئے اہل خانہ سے دلی تعزیت کی ہے۔

    بکرم جیت کنورپال 2002 کو انڈین آرمی سے بطور میجر ریٹائرڈ ہوئے تھے اور 2003 میں فلم ڈیبیو کیا، انہوں نے نہ صرف ڈان، مرڈر 2، جوکر، جب تک ہے جان، چانس پہ ڈانس، زنجیر ور 1971 سمیت درجنوں ہندی، تامل اور تیلگو فلموں میں اداکاری کے جوہر دکھائے بلکہ کئی کامیاب ٹیلی وژن سیریز میرے رنگ میں رنگنے والی ،سیاست میں بھی کام کیا۔

    بھارت کی شوٹر دادی کورونا کے باعث چل بسیں

    بھارتی اداکار کی گھر کے باتھ روم سے لاش بر آمد

  • کیا خچر،گدھے اورجنگلی گھوڑے اپنی پیاس بجھانے کے لئے کنویں کھودتے ہیں ؟

    کیا خچر،گدھے اورجنگلی گھوڑے اپنی پیاس بجھانے کے لئے کنویں کھودتے ہیں ؟

    سائنسدانوں نے گدھوں، خچروں اور جنگلی گھوڑوں کے متعلق انکشاف کیا ہے کہ وہ اپنی پیاس بجھانے کے لیے کنویں کھودتے ہیں بعد ازاں اس کا پانی دیگر جانور وں کے پینے کے کام آتا ہے-

    باغی ٹی وی : تفصیلات کے مطابق آرہس یونیورسٹی، ڈنمارک ایرک لیونڈ گرن اور ان کے ساتھیوں نے ایریزونا کے سونورن ریگستان میں چار چشموں کا بغور مشاہدہ کیا ہے اگرچہ یہ چشمے زمین سے پھوٹتے ہیں لیکن جلد ہی خشک ہوجاتے ہیں-

    سائنسدانوں کی ٹیم نے 2015،2016 اور2018 کے موسمِ گرما میں کئی بار ان چشموں کو جائزہ لیا تو معلوم ہوا کہ اس علاقے کے گدھے اور گھوڑے زمینی پانی نکالنے کے لیے کنویں کھودتے ہیں۔

    ایرک کے مطابق یہ بہت گرم اور خشک ریگستان ہے اور کئی جادوئی جگہیں ایسی ہیں جہاں آپ تازہ پانی دیکھ سکتے ہیں گھوڑے اور گدھے دو میٹر گہرائی تک گڑھا کھودتے ہیں جسے کنواں کہا جاسکتا ہےتحقیقی ٹیم نے ان جانوروں کے کنووں پر 59 اقسام کے فقاریئے جانوروں کو دیکھا جن میں سے 57 ان کنووں کا پانی پی رہے تھے۔

    دلچسپ بات یہ ہے کہ جن علاقوں میں کنویں عام تھے وہاں دیگر بنجر علاقوں کے مقابلے میں 51 زائد اقسام کے جانور دیکھے گئے جو عین اسی عرصے میں دونوں جگہوں پر ریکارڈ ہوئے۔

    اس طرح جانوروں میں ہرن، گلہریاں، عام بٹیر، سیاہ ریچھ اور دیگر جانور شامل تھے جس سے ظاہر ہوتا ہے کہ پانی کے یہ وسائل کس طرح اور کتنی اقسام کے جانوروں نے استعمال کئے۔ پھران کنووں کو پودوں کی افزائش کا اہم وسیلہ بھی قرار دیا گیا ہے جن میں پیپل، شاہِ بلوط اور دیگر اقسام کے مفید درخت شامل ہیں۔ اس طرح گدھے اور گھوڑے ایک ریگستان کو سبز بنانے میں بھی اہم کردار ادا کرتے ہیں۔

  • بھارتی اداکار کی گھر کے باتھ روم سے لاش بر آمد

    بھارتی اداکار کی گھر کے باتھ روم سے لاش بر آمد

    بھارت کی تامل فلم انڈسٹری کے سینئر اداکار آر جی ایس چیلاڈورائی 84 سال کی عُمر میں انتقال کر گئے-

    باغی ٹی وی : بھارتی میڈیا رپورٹس کے مطابق تامل اداکار آر ایس جی چیلاڈورائی دو روز قبل اپنے گھر کے باتھ روم میں مردہ حالت میں پائے گئے۔

    تامل اداکار کے بیٹے نے بھارتی میڈیا کو بتایا کہ والد کو مردہ حالت میں پاکر وہ اُنہیں فوراََ چنئی کے اسپتال لےکر گئے جہاں ڈاکٹرز نے بتایا کہ حرکتِ قلب بند ہونے کی وجہ سے اُن کے والد کی موت واقع ہوئی۔

    اداکار آر ایس جی چیلاڈورائی کی یوں اچانک موت پر ناصرف اُن کے اہلخانہ غم سے نڈھال ہیں بلکہ تامل فلم انڈسٹری کے اداکار بھی اپنے سوشل میڈیا پیغامات کے ذریعے شدید افسردگی کا اظہار کررہے ہیں۔

    چیلاڈورائی نے متعدد تامل فلموں میں اداکاری کی تھی جن میں ماڑی، تھیری، کتھی اور سیواجی شامل ہیں۔

    ایس جی چیلاڈورائی 100 سے زیادہ تامل فلموں میں نظر آچکے ہیں، انہوں نے اپنے منفرد کرداروں کی وجہ سے تامل فلم انڈسٹری میں اپنی الگ پہچان بنائی-

  • عاطف اسلم کی اہلیہ سے دلچسپ گفتگو کی ویڈٰیو وائرل

    عاطف اسلم کی اہلیہ سے دلچسپ گفتگو کی ویڈٰیو وائرل

    پاکستان شوبز انڈ سٹری کے بین ا لاقوامی شہرت یافتہ گلوکار عاطف اسلم کی اپنی اہلیہ سے دلچسپ گفتگو کی ویڈیو سوشل میڈیا پر وائرل ہورہی ہے۔

    باغی ٹی وی : سماجی رابطے کی ویب سائٹ انسٹاگرام پر گلوکار عاطف اسلم کی ایک نئی ویڈیو وائرل ہورہی ہے جس میں عاطف یوٹیوبر شاہ ویر جعفری کے ہمراہ گاڑی میں بیٹھے ہیں۔

    ویڈیو میں شاہ ویرجعفری کو عاطف اسلم سے نئے گلوکاروں سے متعلق سوال کرتے دیکھا جاسکتا ہے جب کہ دوران گفتگو عاطف اسلم کے موبائل پر ایک کال آتی ہے جسے ریسیو کرتے ہی عاطف اپنی اہلیہ سے کہتے ہیں جی پیمپر لے کر آرہا ہوں۔

    عاطف نے دوران گفتگو اہلیہ سے مزید کہا کہ جی بس تھوڑی دیر میں پہنچ جاؤں گا۔

    وائرل ویڈیو میں عاطف اسلم کی گفتگو پر شاہ ویر جعفری کو سوال بھول کرقہقے لگاتے بھی دیکھا جاسکتا ہے۔

    دوسری جانب صارفین کی جانب سے نہ صرف ویڈیو کو اب تک لاکھوں بار دیکھا جاچکا ہے بلکہ صارفین پسندیدگی کا اظہار کرتے ہوئے دلچسپ تبصرے بھی کررہے ہیں۔