Author: عائشہ ذوالفقار

پاکستان شوبز انڈسٹری کی تمغہ امتیاز اداکارہ مہوش حیات نے احمد علی بٹ کے موٹاپے کا مذاق اڑانے پر واسع چوہدری کو ڈانٹ دیا۔

باغی ٹی وی : اداکارہمہوش حیات حال ہی میں واسع چوہدری کے شو ’گھبرانا منع ہے‘ میں شریک ہوئیں جہاں واسع چوہدری نے ان سے ترک ڈرامے ’ارطغرل غازی‘ کے حوالے سے بات کرتے ہوئے کہا کہ اگر پاکستان میں ارطغرل کی طرح کا ڈراما بنے تو آپ ’ارطغرل‘ کے رول میں کسے دیکھنا چاہیں گی؟

مہوش حیات نے ہمایوں سعید اور فہد مصطفیٰ کا نام لیتے ہوئے کہا کہ میں ان دونوں کو ’ارطغرل‘ کے رول میں دیکھنا چاہوں گی۔ واسع چوہدری نے مزید پوچھا اور ارطغرل کے ساتھیوں جیسے ترگت اور بامسی کے کردارکون بہتر کرسکتا ہے جس پر مہوش حیات نے اداکار احمد علی بٹ کا نام لیا۔

تاہم جیسے ہی مہوش نے احمد علی بٹ کا نام لیا واسع چوہدری نے طنزیہ انداز میں کہا ’احمد علی بٹ گھوڑے کے اوپر اور وہ گھوڑا بھاگے گا بھی ‘ –

جس پر مہوش حیات نے واسع چوہدری پر برہم ہوتے ہوئے کہا کیا آپ نے احمد علی بٹ کو دیکھا نہیں وہ اب بہت فٹ ہوگئے ہیں آپ میرے سامنے کسی کے موٹاپے کے بارے میں بات کرنا بند کریں۔

مہوش نے مزید کہا جب آپ اپنے دوستوں کے ساتھ بیٹھے ہوں تو آپس میں دوستوں میں کسی کے جسمانی خدوخال کے بارے میں بات کریں لیکن جب آپ ایک عوامی پلیٹ فارم پر ہوتے ہیں اور آپ اس طرح کی بات کریں گے اور ان باتوں کو لوگ سنیں گے اور پھر وہ آپ کی باتوں کو دوہرائیں گے تو تنازع جنم لیتا ہےاور اس کے ذمہ دار آپ ہوں گے۔

پاکستان کی نمبر ون ٹک ٹاک اسٹار جنت مرزا کی پہلی پنجابی فلم’’تیرے باجرے دی راکھی‘‘ کا پوسٹر جاری کردیا گیا۔

باغی ٹی وی : ٹک ٹاک پر ایک کروڑ سے زائد فالوورز رکھنے والی پاکستانی ٹک ٹاک اسٹار جنت مرزا اب فلموں میں انٹری کے لیے تیار ہیں جنت مرزا پاکستان کے نامور ہدایت کار سید نور کی پنجابی فلم ’’تیرے باجرے دی راکھی‘‘ سے فلموں میں قدم رکھ رہی ہیں۔

فلم میں ان کے ساتھ پاکستان فلم انڈسٹری کے بڑے بڑے نام اداکارہ صائمہ، راشد محمود، مصطفیٰ قریشی، شفقت چیمہ، عرفان کھوسٹ، خوشبو اور بابر علی شامل ہیں۔

فلم کا پوسٹر حال ہی میں ریلیز کیا گیا ہے اور یہ پوسٹر دیکھتے ہی دیکھتے سوشل میڈیا پر وائرل ہوگیا۔ فلم ’’باجرے دی راکھی‘‘ رواں برس عیدالفطرپرسینما کی زینت بنے گی۔

جنت مرزا نے سوشل میڈیا پر اپنی فلم کو ملنے والے تنقیدی تبصروں پر کہا ہے کہ کسی کی حوصلہ شکنی کرنے کے بجائے لوگوں کی کوششوں کو سراہیں۔ ہم نے اس فلم میں بہت محنت کی ہے امید ہے آپ کو ہماری فلم پسند آئے گی۔

جنت نے اپنی انسٹاگرام اسٹوری میں کہا کہ اور اب نفرت بھرے کمنٹس کرنا چھوڑ دو لوگو پتہ نہیں بلاوجہ کسی کو برا بول کے رات کو نیند کیسے آ جاتی ہے-

پاکستان ڈرامہ و فلم انڈسٹری کی معروف اداکارہ سونیا حسین جلد ہی نجی ٹی وی پر نشر ہونے والے ڈرامے ’موڑ مہاراں‘ میں جلوہ گر ہوں گی-

باغی ٹی وی : سونیا حسین نے اپنے تصدیق شدہ انسٹاگرام اکاؤنٹ پر ڈرامے کرہٹ کی تصویر شئیر کرتے ہوئے اپنے نئے ڈرامے کے بارے میں چاہنے والوں کو بتایا-

ڈرامہ سیریل’موڑ مہاراں‘ میں سونیا حسین ماہر ماحولیات کی لڑکی کا کردار ادا کرتی دکھائی دیں گی، جنہیں فطرت سے محبت ہوتی ہے۔

اس حوالے سے سونیا حسین نے نجی ٹی وی چینل کو انٹرویو میں بتایا کہ ڈرامے میں وہ پنجاب کے ریگستانی علاقے چولستان کی ایک ایسی لڑکی کا کردار ادا کرتی دکھائی دیں گی، جنہیں قدرت، زمین اور فطرت سے حد سے زیادہ محبت ہوتی ہے۔

اداکارہ کے مطابق ان کا کردار ڈرامے میں فطرت کی محبت میں سرشار رہتا ہے، تاہم ان کے کردار کے خواب اس وقت حقیقت میں بدلتے ہیں جب وہ فطرت اور ماحول کا تحفظ کرنے کے لیے کردار ادا کرنا شروع کرتا ہے۔

سونیا حسین کے مطابق ڈرامے میں وہ چولستان کے ایک چھوٹے سے قصبے میں رہنے والی لڑکی کا کردار ادا کریں گی، جہاں کی خواتین بہت سارے ماحولیاتی مسائل اور خاص طور پر پینے کے پانی کے بحران سے لڑ رہی ہوتی ہیں اور وہ کئی گھنٹوں کا سفر کرکے کنوؤں اور دیگر جگہوں سے پینے کے پانی لانے کا انتظام کرتی دکھائی دیتی ہیں۔

ان کے مطابق ان کے کردار کے ڈرامے میں دو مختلف روپ ہوں گے، ایک روپ میں لوگ انہیں گھر کی محنت کش اور خاموش طبیعت لڑکی دیکھیں گے اور دوسرے روپ میں شائقین انہیں پرندوں، جانوروں، کھیتوں اور کھلیانوں سے محبت کرنے والی لڑکی کے طور پر دیکھیں گے۔

پروڈیوسر سیما طاہر کے مذکورہ ڈرامے کی کہانی علی معین نے لکھی ہے جب کہ اس کی ہدایات اویس خان نے دی ہیں۔