پاکستانی نژاد برطانوی اداکار رض احمد فلمی دنیا کے معتبر ترین ایوارڈ آسکرز بہترین اداکار کے طور پر نامزد ہونے والے پہلےمسلمان اداکار بن گئے۔
باغی ٹی وی : حال ہی میں آسکرز کی 93ویں تقریب میں نامزدگیوں کا اعلان کیا گیا جس میں پاکستانی نژاد برطانوی اداکار رض احمد کو فلم ساؤنڈ آف میٹل میں بہترین کردار اداکرنے پر بہترین اداکار کےایوارڈ کے لیے نامزد کیا گیا ہے-
علاوہ ازیں فلم ساؤنڈ آف میٹل کو بیسٹ پکچر ، بیسٹ ایکٹر،بیسٹ سپورٹنگ ایکٹر، بیسٹ اوریجنل اسکرین پلے، بیسٹ ایڈیٹنگ اور بیسٹ ساؤنڈ سمیت 6 کیٹگریز کے لیے نامزد کیا گیا ہے۔
برطانوی اداکار نے سوشل میڈیا ویب سائٹ ٹوئٹر پر اپنے ٹوئٹ میں مداحوں کے ساتھ اس خبر کو شیئر کرتے ہوئے اپنے ساتھی اداکاروں کا شکریہ ادا کیا اور خوشی کا اظہار کیا۔
خیال رہے کہ رض احمد سے قبل مہرشالا علی نے’مون لائٹ‘ کے لیے 2017 میں معاون اداکار کا آسکر ایوارڈ جیت کر تاریخ رقم کی تھی تاہم رض احمد بہترین اداکار کے لیے نامزد ہونے والے پہلے مسلمان اداکار بن گئے ہیں۔
واضح رہے کہ رض احمد اپنی فلم ’ساؤنڈ آف میٹل کے لیے ‘ گولڈن گلوب کی نامزدگیوں میں بھی جگہ بنانے میں کامیاب رہے تھے۔