مسلمان خلا باز نے خلا میں بھی نماز نہ چھوڑی ،سوشل میڈیا پر ایک مسلم خلا باز کی خلائی اسٹیشن میں نماز ادا کرتے ہوئے ایک پرانی ویڈیو وائرل ہو رہی ہے-

باغی ٹی وی :سماجی رابطے کی ویب سائٹ ٹوئٹر پر ’ساؤتھ ایشین جرنل‘ نامی ٹوئٹر اکاؤنٹ کی جانب سے شیئر کی گئی ویڈیو میں نماز پڑھتے دکھائی دینے والا خلاء باز ڈاکٹر شیخ مصظافر شکور کا تعلق ملائیشیا سے ہے جس نے آج سے کئی سال قبل خلا میں سفر کر کے اپنا نام مسلم خلا بازوں کی فہرست میں درج کروایا تھا۔

Muslim Malaysian Astronaut offering Salah (Namaz) in the space-station floating over Earth’s atmosphere#Islam #Muslims #Malaysia
pic.twitter.com/EVMAlRlIXB

— South Asian Journal (@sajournal1) July 20, 2022

میڈیا رپورٹس کے مطابق اس خلائی شٹل کو قازقستان سے روانہ کیا گیا تھا اسی لیے یہ مسلم خلا باز قازقستان کے مقامی وقت کو مدِ نظر رکھتے ہوئے خلائی اسٹیشن میں 5 وقت کی نماز باقاعدگی سے ادا کرتا تھا-

مسلمان خلاباز کے طور پر خلا کا سفر کیا تاکہ یہ دکھایا جا سکے کہ خلا میں نماز کیسے ادا کی جا سکتی ہے ملائیشیا کے خلا بازڈاکٹر شیخ مصظافر شکورنے اناطولیہ نیوز ایجنسی کو انٹرویو دیتے ہوئے کہا تھا کہ ہر کوئی جو خلا میں جاتا ہے وہ ایک معجزہ محسوس کرتا ہے رمضان کے مقدس مہینے میں ہونے والے خلا میں اپنے سفر کے دوران، میں نے خلائی اسٹیشن میں ‘نماز کی اذان’ سنی۔

انہوں نے کہا تھا کہ روزہ اور نماز کا وقت اس بات پر منحصر ہے کہ آپ خلا میں کہاں واقع ہیں۔ چونکہ خلائی شٹل قازقستان سے شروع کی گئی تھی، ہم نے قازقستان کے مقامی وقت کو مدنظر رکھا۔ میں نے قازقستان میں وقت کو مدنظر رکھتے ہوئے دن میں پانچ وقت کی نماز پڑھی۔ مکہ کی طرف نماز پڑھنے کے لیے آپ کو اپنا منہ زمین کی طرف کرنا پڑا۔ خلائی اسٹیشن ایسی پوزیشن میں تھا جہاں سے آپ زمین کو براہ راست دیکھ سکتے تھے-

بنگلہ دیش میں حکومت نے ڈیزل سے چلنے والے تمام پاور پلانٹس بند کرنے جبکہ پیٹرول پمپس ہفتے میں ایک دن بند رکھنے کا فیصلہ کیا ہے-

باغی ٹی وی : غیر ملکی میڈیا کے مطابق یوکرین جنگ کے دوران ایندھن کی آسمان چھوتی قیمتوں کے باعث توانائی بحران سے نمٹنے کے لیے بنگلہ دیشی حکومت نے سخت اقدامات کرنے کا فیصلہ کر لیا ہے-

توانائی بچت کے لیےبنگلہ دیش میں ڈیزل سے چلنے والے پاور پلانٹس بند کر دیے گئے ہیں جبکہ پیٹرول پمپس بھی ہفتے میں ایک دن کے لیے بند رہیں گے۔

پاور ڈویلپمنٹ بورڈ کے مطابق توانائی بچت کی نئی پالیسی سے روزانہ تقریباً 1500 میگاواٹ بجلی کا شارٹ فال پیدا ہونے کا امکان ہے شارٹ فال کے باعث ملک بھر میں روزانہ کم از کم دو گھنٹے کی لوڈشیڈنگ کی جائے گی۔

اس کے علاوہ بجلی بچت کے لیے دفتری اوقات میں کمی، ایئر کنڈیشنر کے استعمال میں اعتدال اور گاڑیوں کے ایندھن کی کھپت کو کم کرنے سمیت دیگر اقدامات بھی زیر غور ہیں۔

اس سے قبل گزشتہ ماہ بنگلہ دیش میں بجلی بچت کے لیے تمام مارکیٹس اور دکانیں 8 بجے بند کرنے کا حکم جاری کیا گیا تھا۔

واضح رہے کہ پاکستان میں کے وفاقی دارالحکومت میں بھی ڈپٹی کمشنر نے کہا ہے کہ تاجر برادری آج سے دوبارہ کاروبار رات 9 بجے بند کر دیں ریسٹورنٹس میں ڈائننگ کا وقت رات ساڑھے 11بجے تک ہے، اس حوالے سے دفعہ 144 کے نفاذ کو یقینی بنائیں گے کاروباری بندش کے اوقات میں 18 جولائی تک نرمی کی گئی تھی۔

دوسری جانب محکمہ داخلہ سندھ کے حکم نامہ کے مطابق کراچی میں شادی ہالز اور شادی کی تقریبات رات ساڑھے10بجےختم کرنی ہو گی جب کہ ہوٹل ریسٹورنٹ،کافی شاپ،جیم،کلب، سینما ساڑھے 11 بجے بند کرنے ہوں گے بجلی سے چلنےوالےتمام بل بورڈز اور ہورڈنگ رات 9 بجے بند کرنے ہوں گے۔ ہفتے کوکسی قسم کی پابندی کا اطلاق نہیں ہوگا، ایک ہفتےکےدوران جمعہ یااتوارکو عام تعطیل ہوگی۔