Author: عائشہ ذوالفقار

شوبز کو مذہب کی خاطر خیر باد کہنے والی اداکارہ نور بخاری کو ایک تقریب میں فیشن کے تحت منفرد حجاب کرنے پر تنقید کا نشانہ بنایا گیا تھا-

باغی ٹی وی : نور بخاری نے دو روز قبل 19 فروری کو اپنے تصدیق شدہ انسٹاگرام اکاؤنٹ پر اپنی ایک دوست کی شادی میں شرکت کی تصاویر شیئر کی تھیں جن میں انہیں منفرد حجاب میں دیکھا گیا تھا۔

اداکارہ نے تصاویر شیئر کرتے ہوئے اپنی خاتون دوست کو شادی کی مبارک باد پیش کی تھی مگر ان کے حجاب پر انہیں صارفین نے تنقید کا نشانہ بنایا اور اسے اسلامی نہیں بلکہ ‘فیشن ایبل’ قرار دیا۔

شدید تنقید کے بعد نور بخاری نے انسٹاگرام پر کمنٹس سیکشن کو بند کردیا تھا اور انسٹاگرام اسٹوری میں پیغام دیا تھا کہ اگر کسی کو ان کا حجاب اچھا نہیں لگ رہا تو وہ انہیں دیکھنا چھوڑ دیں۔

اداکارہ نے تنقید کا جواب دیتے ہوئے انسٹاگرام اسٹوری میں لکھا تھا کہ میں نے اپنی قبر میں اپنا حساب دینا ہے لہذا براہ مہربانی آپ کو میرا حجاب، حجاب نہیں لگتا تو آپ مجھے نہ دیکھیں۔ جس کے لیے میں کرتی ہوں وہ میری نیت جانتا ہے اور صرف اس کو ہی جج کرنے کا حق ہے، اللہ اللہ اللہ۔

اب پاکستانی ڈراموں کی اداکارہ نوشین شاہ نے نور بخاری کا دفاع کرتے ہوئے انٹرنیٹ صارفین پر تنقید کی ہے۔

نوشین شاہ نے اپنی انسٹاگرام اسٹوری میں لکھا کہ ‘نور پر تنقید کے بجائے میرا خیال ہے کہ لوگوں کو ان اداکاراؤں پر تنقید کرنی چاہیے جو تقریباً برہنہ ہوتی ہیں۔

انہوں نے لکھا کہ ایک خاتون جو شلوار قمیض پہنتی ہے اسے مہذب کہا جاتا ہے نا؟ تو انہوں نے شلوار قمیض بھی زیب تن کی ہوئی ہے اور اپنا سر بھی ڈھانپا ہوا ہے۔

اداکارہ نے لکھا کہ کمپیوٹر پر بیٹھ کر لکھنا پورے کپڑے پہننے اور اپنا منہ بند رکھنے سے بہت زیادہ آسان ہے، اللہ کا کام اللہ کو کرنے دیں۔

نوشین شاہ نے مزید لکھا کہ انڈسٹری کو چھوڑیں ہمارے ملک میں 100 فیصد میں سے کتنی خواتین حجاب کرتی ہیں 30 فیصد بھی نہیں۔

اس کے ساتھ ہی انہوں نے نور بخاری کی تعریف بھی کی اور کہا کہ آپ بہت خوبصورت لگ رہی ہیں۔

نوشین شاہ کی انسٹاگرام اسٹوری کے سکرین شاٹ کو اپنی انسٹا اسٹوری میں شئیر کرتے ہوئے نور بخاری نے ساتھی اداکارہ کا شکریہ ادا کیا-

پاکستان ٹی وی انڈسٹری کی نامور اداکارہ کنزیٰ ہاشمی کا کہنا ہے کہ میں گلوکارہ بننا چاہتی تھی لیکن قسمت نے اداکارہ بنا دیا-

باغی ٹی وی :اداکارہ و ماڈل کنزیٰ ہاشمی نے حال ہی میں دیئے گئے ایک انٹرویومیں اپنے شوبز کیرئیر کے حوالے سے بات کی انہوں نے کہا کہ اکثرفنکاروں سے جب یہ سوال کیا جاتا ہے کہ آپ اداکار کیسے بنے تو ان کا جواب ہوتا ہے کہ حادثاتی طور پر یہ سب ہو گیا لیکن میرے ساتھ سچ میں ایسا ہی ہوا کیونکہ میں گلوکارہ بننا چاہتی تھی لیکن قسمت نے اداکارہ بنا دیا۔

اداکارہ نے کہا کہ مجھے بچپن سے ہی گلوکاری کا بہت شوق تھا، میٹرک کرنے کے بعد مزید پڑھائی کر رہی تھی تو دل میں گلوکاری کو کیرئیر بنانے کا شوق پیدا ہونے لگا گلوکاری کرنے کے لئے تو کوئی آفر نہ آئی لیکن ماڈلنگ کی پیشکش ہونے لگی میں نے اس کو قبول تو کر لیا اور سوچا کہ کرنی تو گلوکاری ہی ہے چلو ماڈلنگ کرنے میں بھی کوئی ہرج نہیں یوں میری شوبز انڈسٹری میں انٹری ہوئی۔

کنزیٰ ہاشمی نے مزید بتایا کہ میں سیکنڈ ائیر کی طالبہ تھی تو مجھے ماڈلنگ کی آفر ہوئی جس کومیں نے قبول کر لیا میرا پہلا شوٹ معروف فیشن فوٹوگرافر اور میک اپ آرٹسٹ خاور ریاض نے کیا اس کے بعد لاہور کے ایک مقامی ہوٹل میں فیشن شوکا حصہ بنی وہاں پر ڈرامہ ڈائریکٹر ذوالفقار علی کی مجھ پر نظر پڑی انہوں نے مجھے اداکاری کی آفر دی تو میں نے کہا کہ نہیں مجھے اداکاری کا شوق نہیں میں تو گلوکاری کرنا چاہتی ہوں-

کنزیٰ نے اپنی بات جاری رکھتے ہوئے بتایا کہ اس کے باوجود انہوں نے مجھے کہا کہ نہیں تم آڈیشن کیلئے آؤ میں آڈیشن کیلئے گئی خاصا مایوس کن آڈیشن تھالیکن ذوالفقار علی بضد تھے کہ تم اداکاری کرو میں نے کہا آڈیشن تو آپ کے سامنے ہی ہے تو کہنے لگے میں خود ہی اداکاری کروا لوں گا ڈائریکٹر کی طرف سے پندرہ دن مجھے ایکٹنگ کی کلاسز دی گئیں اس کے بعد ڈرامے کی شوٹنگ شروع ہو گئی یوں مجھے پہلا ڈرامہ ملا چار سال کا عرصہ گزر چکا ہے پتہ بھی نہیں چلا کہ اتنا وقت کیسے گزرا۔

اداکارہ نے بتایا کہ ابھی تک میں جن ڈراموں میں کام کر چکی ہوں اس میں ادھورا ملن، سنگسار، من چاہی، مورے سیاں، میری بہووئیں، عشق تماشا، صلہ، محبت تم سے نفرت ہے، رانی، دلدل، لمحے،تو عشق ہے،سیرت،ہم اسی کے ہیں،رانی نوکرانی،گل وگلزار،دیوار شب اور تومیراجنون شامل ہیں جبکہ ان دنوں ’تیرا یہاں کوئی نہیں‘ آن ایئر ہے۔

صبا قمر کی فلم گھبرانا نہیں کی شوٹنگ مکمل

ماہرہ خان نے ویب سیریز بارہواں کھلاڑی میں کام نہ کرنے کی وجہ بتادی

ماضی میں فلم کا ایک رومانوی سین عکس بند کراوتے ہوئے رو پڑی تھی سلمیٰ ہائیک

زندگی میں کسی بھی شخص کو اتنی اہمیت نہ دوکہ وہ آپ کی زندگی خراب کرے اشناہ شاہ

ماہرہ خان کی پروڈکشن میں بننے والی فلم باراہوں کھلاڑی کے مرکزی کردار کی جھلک جاری

لوگوں کی ذات اور زندگیوں پر تبصرے کرنا ہمارا فرض بن گیا ہے نعمان اعجاز

شہرہ آفاق ترک ڈرامہ سیریل میں حلیمہ سلطان کا مرکزی کردار ادا کرنے والی اداکارہ اسرا بلجیک نے پی ایس ایل فرنچائز پشاور زلمی کا حصہ بننے اور ٹیم کا ساتھ دینے پر فخر کا اظہار کیا ہے۔

باغی ٹی وی : ترک اداکارہ اسرا بلجیک اب باقاعدہ پاکستان سپر لیگ کی فرنچائز پشاور زلمی کا حصہ بن چکی ہیں پشاور زلمی کے چئیرمین جاوید آفریدی نے دو روز قبل ترک اداکارہ کے پشاور زلمی کا حصہ بننے کی خوشخبری سنائی تھی۔

گزشتہ روز زلمی کا آفیشل ترانہ ’کنگڈم‘ریلیز کیا گیا تھا جس میں ماہرہ خان اور ہانیہ عامر کے ساتھ اسرا بلجیک بھی پرفارم کرتی نظر آئی تھیں۔

گانے کی ریلیز کے کچھ ہی دیر بعد اسرا نے اپنے انسٹاگرام اکاؤنٹ پر اپنی ایک خوبصورت تصویر شیئر کی اور پشاور زلمی کی برانڈ ایمبیسیڈر بننے کا باقائدہ اعلان کیا۔

انہوں نے اردو میں لکھا ’کہ اب میں زلمی فیملی کا حصہ ہوں مجھے فخر ہے کہ میں آپ کے ساتھ ٹیم کاساتھ دوں گی۔‘ یہی پیغام انہوں نے انگریزی میں بھی لکھا اور زلمی کنگڈم، ماہرہ اسرا ہانیہ اور یلو اسٹروم کے ہیش ٹیگز بھی استعمال کیے۔

اسرا کی اس پوسٹ پر پاکستانی سپر اسٹار اور پشاور زلمی کی ایمبیسیڈر ماہرہ خان نے کمنٹ کرتے ہوئے انہیں زلمی فیملی میں خوش آمدید کہا۔

یاد رہے کہ اس بار پی ایس ایل میں ترک اداکارہ کی موجودگی کے باعث شائقین کی کھیل میں دلچسپی دگنی ہوگئی ہے۔ سوشل میڈیا صارفین کے مطابق کہ ماہرہ خان ، اسرا بلجیک اور ہانیہ عامر کو زلمی کا ایمبیسیڈر بناکر جاوید آفریدی پی ایس ایل مقابلے سے قبل ہی جیت چکے ہیں۔

اسرا بلجیک اور جاوید آفریدی کی ویڈٰیو کال پر صارفین کی چہ مگوئیاں

ماہرہ خان پی ایس ایل 6 میں پشاور زلمی کی برانڈ ایمبیسیڈر مقرر

ایچ بی ایل پی ایس ایل 6 کی رنگارنگ افتتاحی تقریب