اسلام آباد:پاکستان تحریک انصاف کے مرکزی رہنما اور سابق اسپیکر قومی اسمبلی اسد قیصر نے کہا ہے کہ خواجہ آصف اور مریم نواز کی کوشش ہے کہ مذاکرات کو ناکام بنایا جائے-
باغی ٹی وی : خواجہ آصف اور مریم نواز کے بیان پر ردعمل میں اسد قیصر نے کہا کہ مذاکرات کے حوالے سے ہماری کمٹمنٹ ہے، حکومت کے مختلف دعوے آ رہے ہیں، مریم نواز اور خواجہ آصف کی باتوں پر افسوس ہے،ہمیں کہا جاتا ہے کہ بانی پی ٹی آئی ٹویٹ کر رہے ہیں، 26 نومبر کو ہمیں بنیادی حق سے روکا گیا، ہم مظلوم ہیں، ہمارے ساتھ ظلم ہوا ہے، نہتے شہریوں پر گولیاں چلائی گئیں، 9 مئی کے حوالے سے بھی ہم مظلوم ہیں۔خواجہ آصف اور مریم نواز کی کوشش ہے کہ مذاکرات کو ناکام بنایا جائے، ہم جو کچھ کر رہے ہیں، پاکستان کے لیے کر رہے ہیں۔
پاکستان کا پہلا پنجاب دھی رانی پروگرام ،51 شادیوں کی اجتماعی تقریب
اسد قیصر نے کہا کہ ہمارے لوگوں کو ملٹری کورٹس میں سزائیں دی گئیں، سویلین کو کسی صورت ملٹری کورٹس سے سزائیں نہیں ہوسکتی ہیں ہم چاہتے ہیں ملک میں آئین کی حکمرانی ہو، عدلیہ آزاد ہو، ملک میں سول سپرمیسی ہو اور مضبوط پارلیمنٹ ہو، ملک کو حقیقی معنوں میں عوام کی مرضی کے مطابق چلایا جائے،ہم نے پاکستان کی خاطر ایک قدم آگے بڑھنے کی کوشش کی ہے، ہم کسی خوف میں مبتلا ہیں نہ ہم کسی سے ڈر رہے ہیں، ہم نے اپنے تحفظات کو پاکستان کی خاطر کو پیچھے کیا ہے۔
بلاول بھٹو نے شہید ذوالفقار علی بھٹو ایکسپریس وے کے فیز ون کا افتتاح کردیا
دوسری جانب پاکستان تحریک انصاف کے مرکزی رہنما بیرسٹرعلی ظفر نے کہا ہے کہ موجودہ سیاسی کشیدگی نے ہمیں زخم تو ضرور دیا مگر یہ ہمارے لئے فائدے مند بھی ہے، تحریک انصاف دراصل ایک تحریک ہے، سیاسی جماعت نہیں ہے تھنک فیسٹول میں اظہار خیال کرتے ہوئے بیرسٹر علی ظفر نے کہا کہ حالیہ الیکشن میں پورے ملک میں لوگوں نے تحریک انصاف کو ووٹ دیا، لیکن ملک میں اس وقت عوام کی منتخب حکومت نہیں ہے،میرے لیڈر نے ہمیشہ کہا کہ آزادی، عوام اور انصاف کے لئے آواز اٹھائیں، پاکستان تحریک انصاف اس وقت ملک میں جہاد کررہی ہے۔
اینکر پرسن ہرمیت سنگھ عالمی اربعین ایوارڈ میں پہلی پوزیشن کیلئے منتخب
