Baaghi TV

Author: Ayesha Rehmani

  • بزرگ کی میا خلیفہ کی عمر درازی کیلئے کروا چوتھ کا ورت رکھنے کی ویڈیو وائرل

    بزرگ کی میا خلیفہ کی عمر درازی کیلئے کروا چوتھ کا ورت رکھنے کی ویڈیو وائرل

    بھارت میں ایک بزرگ نے غیر اخلاقی فلموں کی سابقہ اداکارہ میا خلیفہ کی عمر درازی کیلئے کروا چوتھ کا ورت رکھا جس کی ویڈیو سوشل میڈیا پر وائرل ہو گئی-

    باغی ٹی وی : بھارتی میڈیا کے مطابق بھارت سمیت دنیا بھر کے ممالک میں 20 اکتوبر کو کروا چوتھ کا ہندو تہوار منایا گیا، اس دن جہاں خواتین نے اپنے شوہروں کی لمبی صحت منداور طویل زندگی کے لیے ورت رکھا وہیں بھارت میں ایک بزرگ شہری نے پورن فلموں کی سابقہ اداکارہ میا خلیفہ کیلئے ورت رکھا،جس کی ویڈیوبھی سوشل میڈیا پر جاری کی گئی ہے۔

    اس ویڈیو میں دیکھا جا سکتا ہے کہ ایک بزرگ شخص گھر کی چھت پر روایتی تھالی کو چھلنی اور مٹی کے چراغ سے پکڑے ہوئے ہیں جیسا کہ ہندو خواتین رسم کرتی ہیں،پھر بزرگ آدمی ’چھلنی‘ کے ذریعے چاند کو دیکھتا ہے اور پھر وہی چھلنی دیوار پر لگی میا خلیفہ کی تصویر کے سامنے کرلیتا ہے۔
    https://x.com/guru_ji_ayodhya/status/1847819011377254423
    ویڈیو وائرل ہونے پر صارفین کی جانب سے ملے جلے تبصرے کئے گئے کچھ صارفین ویڈیو دیکھ کر صدمے میں آ گئے کچھ صارفین ںے برہمی کا اظہار کیا جبکہ کچھ صارفین نے مزاحیہ تبصرے کئے-

  • پنجاب میں مہنگائی سب سے کم ترین سطح پر ہے،عظمی بخاری

    پنجاب میں مہنگائی سب سے کم ترین سطح پر ہے،عظمی بخاری

    لاہور: پنجاب کی وزیر اطلاعات عظمی بخاری نے کہا ہے کہ پنجاب میں جرائم میں کمی ہو رہی ہے فوکس مہنگائی نہیں جرائم میں کمی بھی ہے۔

    باغی ٹی وی : لاہور میں میڈیا سے گفتگو میں وزیراطلاعات پنجاب عظمی بخاری نے کہا کہ پی ٹی آئی والے احتجاج میں بری طرح ناکام ہوئے، گیارہ اضلاع میں 13 جگہوں پر پی ٹی آئی کا احتجاج ہوا جس میں 40 سے 70 افراد شامل ہوئے، پاکستان میں قانونی اور سیاسی معاملات میں فساد کی سی کیفیت رہی۔

    عظمی بخاری کا کہنا تھا کہ پنجاب میں بنیادی اشیائے خورونوش کی قیمتوں میں بہت حد تک کمی آئی ہے مہنگائی پنجاب میں سب سے کم ترین سطح پر ہے پنجاب میں ایک محکمہ بنایا جائے گا جس پر 24 گھنٹے نظر رکھی جائے گی کہیں بھی اشیا کی قلت کا امکان ہوگا تو محکمہ پہلے حکومت کو بتائے گا طلب و رسد پر نظر رکھی جائے گی پنجاب میں جرائم میں کمی ہو رہی ہے فوکس مہنگائی نہیں جرائم میں کمی بھی ہے۔

  • آئینی ترمیم کو نہیں مانتے ،اس بار ہم پاکستان بلاک کریں گے،علی امین

    آئینی ترمیم کو نہیں مانتے ،اس بار ہم پاکستان بلاک کریں گے،علی امین

    پشاور: وزیراعلیٰ خیبرپختونخواعلی امین گنڈاپور نے کہا ہے کہ ہم آئینی ترمیم کو نہیں مانتے اور اس کے خلاف احتجاج کریں گے۔

    باغی ٹی وی : پشاور میں عدالت میں پیشی کے موقع پر علی امین گنڈا پور نے کہا کہ آئینی ترمیم نہیں مانتے یہ آزاد عدلیہ پرحملہ ہے، من پسند لوگوں کولگاکرسسٹم پرقبضہ کیا جاتا ہے، آزاد عدلیہ پرحملہ ہوا، اس کی مذمت کرتے ہیں،یہ ثابت ہوگیا میرافیصلہ درست تھا،میں نے لوٹے پہچان لیےتھےمبارک زیب کو ٹکٹ نہ دینے کا فیصلہ میرا ٹھیک تھا، مبارک زیب نے بانی پی ٹی آئی کی تصویر لگا کر پارٹی کے ساتھ غداری کی، باجوڑ کے لوگوں کو بتا رہا ہوں کہ مبارک زیب نے آپ کا ووٹ نہیں آپ کا حق بیچا ہے، جنہوں نے عمران خان کی پیٹھ میں چھرا گھونپا ان کو پارٹی سے نکالیں گے، ووٹ بیچنے والوں کے نام سامنے آئے ہیں، آج شوکاز جاری کیا جائے گا، جو غدار ہے اس کی پارٹی میں کوئی جگہ نہیں۔

    علی امین نے کہا کہ اس طرح کی ترامیم رات کی تاریکی میں ہی کی جاتی ہے،اس بار ہم پاکستان بلاک کریں گے، اس باراحتجاج کےلیے پورے پاکستان سے لوگ نکالیں گے نشست یا حلقہ اہم نہیں، نظریہ اہم ہوتاہے، ہمارااحتجاج حکومت سے جان چھڑانے تک جاری رہے گا ،پورے پاکستان سے لوگ اسلام آباد کی طرف بڑھیں گے۔

  • آئینی ترمیم کے خلاف درخواست خارج کرنے کا تحریر ی فیصلہ جاری

    اسلام آباد: چیف جسٹس قاضی فائز عیسیٰ نے درخواست خارج کرنے کا تحریری فیصلہ جاری کردیا، جس میں کہا گیا ہے کہ 26 ویں آئینی ترمیم کے خلاف دائر کردہ درخواست سپریم کورٹ کی جانب سے خارج کردی گئی۔

    باغی ٹی وی : چیف جسٹس قاضی فائز عیسیٰ نے 2 صفحات کا فیصلہ تحریر کیا ہے،جس میں کہا گیا ہے کہ درخواست گزاروں کی جانب سے وکیل حامد خان پیش ہوئے، انہوں نے آگاہ کیا انہیں درخواست واپس لینے کی ہدایات ملی ہیں۔

    فیصلے میں کہا گیا کہ 16 ستمبر کو دائر درخواست پر رجسٹرار آفس نے 8 اعتراضات بھی داخل کیے تھے، عابد زبیری نے درخواست واپس لیے جانے کی استدعا کی تصدیق کی، درخواست گزاروں کے درخواست واپس لیے جانے کی بنیاد پر خارج کی جاتی ہے۔

    واضح رہے کہ 17 اکتوبر کو سپریم کورٹ آف پاکستان نے آئینی ترامیم کے خلاف درخواستیں واپس لینے کی بنیاد پر خارج کر دی تھیں۔

    یاد رہے کہ سپریم کورٹ اور سندھ ہائیکورٹ میں 26 ویں آئینی ترمیم کو چیلنج کیا گیا،سپریم کورٹ میں محمد انس نامی درخواست گزارنے وکیل کی وساطت سے سپریم کورٹ سے آئینی ترمیم کالعدم قرار دینے کی استدعا کی ہے، 26ویں آئینی ترمیم کیخلاف درخواست میں وفاق کو فریق بنایا گیا ہے درخواست کے مطابق پارلیمنٹ کا قانون سازی کا اختیار ہے، پارلیمنٹ دو تہائی اکثریت سے آئین میں ترمیم کرسکتی ہے،پارلیمنٹ کو عدالتی امورپر تجاویز کرنے کا اختیار نہیں، ترمیم اداروں کے درمیان اختیارات کی تقسیم کے خلاف ہے، ترمیم کےذریعے چیف جسٹس کی تعیناتی کاطریقہ کارتبدیل کردیاگیا۔

    درخواست میں مؤقف اپنایا گیا کہ چیف جسٹس کی تعیناتی حکومت وقت کے پاس چلی گئی ہے، 26 ویں آئینی ترمیم کو بنیادی حقوق اورعدلیہ کی آزادی کے منافی قراردیکرکالعدم قراردیا جائے۔

    جبکہ سندھ ہائیکورٹ میں الہی بخش ایڈووکیٹ نے 26ویں آئینی ترمیم کو چیلنج کیا، انہوں درخواست میں مؤقف اپنایا کہ پارلیمنٹ نےآئینی ترمیم کرکےعدلیہ کی آزادی،رول آف لا کی خلاف ورزی کی ہے، آئینی ترمیم کے ذریعے ججز کی تعیناتی کے عمل میں ایگزیکیٹیو کو مداخلت کی اجازت دی گئی ہے۔

    درخواست میں کہا گیا کہ ترمیم کے بعد جوڈیشل کمیشن آف پاکستان پر ایگزیکیٹیو کا کنٹرول بڑھ گیا ہے، ججز تعیناتی میں سیاسی اثرورسوخ بڑھنے سے عدلیہ کی آزادی متاثر ہوگی،سیاستدان اگر ججز کی سالانہ پرفارمنس رپورٹ مرتب کریں گے تو عدلیہ آزادانہ کیسے کام کرسکتی ہے؟ ہائی کورٹ کے ججز کی سالانہ پرفارمنس رپورٹ صرف سپریم جوڈیشل کونسل مرتب کرسکتی ہے، آئینی درخواستیں عمومی طور پر حکومت کے خلاف ہوتی ہیں، ایگزیکیٹیو کی بینچ کے قیام میں مداخلت مفادات کا ٹکراو ہے۔

    درخواست گزار نے آئینی ترمیم عدلیہ کی آزادی پر براہ راست حملہ قرار دیتے ہوئے استدعا کی کہ آئینی ترمیم کو غیر آئینی قرار دیتے ہوئے ختم کرنے کا حکم دیا جائے۔

  • علیمہ خان اور عظمیٰ خان کے خلاف کیس کا ریکارڈپیش نا کرنے پر عدالت برہم

    علیمہ خان اور عظمیٰ خان کے خلاف کیس کا ریکارڈپیش نا کرنے پر عدالت برہم

    اسلام آباد: انسداد دہشت گردی عدالت اسلام آباد نے علیمہ خان اور عظمیٰ خان کے خلاف کیس کا ریکارڈ فوری طور پر طلب کرلیا۔

    باغی ٹی وی : انسداد دہشت گردی عدالت میں بانی پی ٹی آئی کی بہنوں علیمہ خان اور عظمیٰ خان کے خلاف تھانہ کوہسار میں درج مقدمے میں درخواست ضمانت پر سماعت ہوئی، انسداد دہشت گردی عدالت کے جج ابو الحسنات ذوالقرنین نے مقدمے کی سماعت کی، علیمہ خان اور عظمیٰ خان کے وکیل نیاز اللہ نیازی، عنصر کیانی و دیگر پیش ہوئے، بانی پی ٹی آئی کی بہنوں کے خلاف درج مقدمے کا ریکارڈ پیش نہ کیا جا سکا۔

    نیاز اللہ نیازی نے کہا کہ پچھلی سماعت پر بھی ریکارڈ پیش نہیں ہوا جس کی وجہ سے ضمانت نہیں ہو سکی، جج ابو الحسنات ذوالقرنین نے مقدمے کا ریکارڈ فوری طور پر طلب کرتے ہوئے کہا کہ ریکارڈ کدھر ہے مسئلہ کیا ہے۔

    وکیل سلمان صفدر نے دلائل دیئے کہ یہ 600 افراد کا کیس ہے، کوئی سائفر کا کیس تو ہے نہیں کہ دو بندے ہوں، الزام کی تاریخ، وقت، گواہ کچھ بھی نہیں بس خاموشی ہے، الزام ہے عامر مغل ، علیمہ خان ، عظمیٰ خان میگا فون پر تقریر کے ذریعے اشتعال دلواتے رہے، کسی کا کوئی مخصوص کردار واضح نہیں سب پر مشترکہ الزام ہے۔

    سلمان صفدر نے علیمہ خان عظمیٰ خان کی درخواست ضمانت منظور کرنے کی استدعا کر دی، عدالت نے ریکارڈ منگواتے ہوئے کیس کی سماعت میں وقفہ کر دیا۔

  • فیک نیوز ہنگامہ کیس: آئی جی پنجاب کو پیش ہوکر واقعات سے متعلق رپورٹ پیش کرنے کا حکم

    فیک نیوز ہنگامہ کیس: آئی جی پنجاب کو پیش ہوکر واقعات سے متعلق رپورٹ پیش کرنے کا حکم

    لاہور: فیک نیوز پھیلا کر ہنگامے کرنے کے خلاف کیس کی سماعت ہوئی،چیف جسٹس عالیہ نیلم نے اعظم بٹ کی درخواست پر سماعت کی-

    باغی ٹی وی : عدالتی حکم پر آئی جی پنجاب ،ڈی جی ایف آئی اے سمیت دیگر افسران پیش ہوئے،عدالت میں ایف آئی اے کی جانب سے تفصیلی رپورٹ پیش کر دی –

    وکیل وفاقی حکومت اسد باجوہ نے کہا کہ ہماری رپورٹ دو حصوں پر مشتمل ہے، ایک میں دونوں طالبات کے نام لکھے ہیں اور دوسرے میں نام ظاہر نہیں کیے،معزز بنچ یہ آپ دیکھ لیں کونسی ریکارڈ کا حصہ بنانا ہے-

    جسٹس علی ضیاء باجوہ نے ریمارکس دیئے کہ پنجاب کالج کے واقعے پر کوئی ایف آئی آر بھی درج ہوئی ہے، وکیل وفاقی حکومت نے کہا کہ ایف آئی اے نے مقدمہ درج کیا ہے،، جسٹس علی ضیاء باجوہ نے ریمارکس دیئے کہ کیا کوئی مقدمہ پولیس نے درج کیا ہے؟

    جسٹس عالیہ نیلم نے کہا کہ جی پولیس نے مقدمہ بھی درج کیا ہے،پولیس خاموشی سے سوئی ہوئی تھی فل بنچ میں جب کورٹ نے ریمارکس دئیے،فل بنچ میں کہا گیا کہ آئی جی پنجاب پیش ہوکر واقعات سے متعلق رپورٹ پیش کرے، پھر پولیس ایکٹیو ہوئی-

    بعد ازاں عدالت نے تمام رپورٹس کا جائزہ لینے کے لیے سماعت ملتوی کردی –

  • امریکا کی پاکستان اور ایران کو ڈرونز، ہتھیاروں کی تیاری میں مدد پر 26 کمپنیوں پر پابندیاں

    امریکا کی پاکستان اور ایران کو ڈرونز، ہتھیاروں کی تیاری میں مدد پر 26 کمپنیوں پر پابندیاں

    واشنگٹن: امریکا نے ایران اور پاکستان میں ہتھیاروں اور ڈرونز کی تیاری میں کسی بھی طرح کی مدد کرنے والی کمپنیوں کو بلیک لسٹ کردیا۔

    باغی ٹی وی : امریکی نشریاتی ادارکے مطابق کامرس ڈیپارٹمنٹ کی جانب سے جاری بیان میں کہا گیا ہے کہ جن 26 فرموں پر پابندیاں عائد کی گئی ہیں ان میں زیادہ تر پاکستان، چین اور متحدہ عرب امارات میں قائم ہیں، ان کمپنیوں کو اس فہرست میں تجارتی اسپائی ویئر کے منفی استعمال، ویب مانیٹرنگ، سنسرشپ کرنے، انسانی حقوق کے کارکنوں اور اختلاف رائے رکھنے والوں کو نشانہ بنائے جانے کی تصدیق کے بعد شامل کیا گیا۔

    امریکی کامرس ڈیپارٹمنٹ کے بیان میں کہا گیا ہے کہ یہ کمپنیاں برآمدی کنٹرول کی خلاف ورزی کی مرتکب ہوئیں، ہتھیاروں کے تشویشناک پروگرام میں ملوث پائی گئیں اور یہ فرمیں روس اور ایران پر امریکی پابندیوں اور برآمدی کنٹرول سے بچتے تھے،پابندی کے باعث اب ان کمپنیوں کو حکومت کی اجازت کے بغیر کوئی بھی امریکی اشیا اور ٹیکنالوجی فروخت نہیں کر سکے گا، علاوہ ازیں درآمد اور برآمدی پابندیاں بھی عائد ہوں گی، ان پابندیوں کا مقصد یہ باور کرانا ہے کہ اگر کوئی طے شدہ حدوں کی خلاف ورزی کرے گا تو اسے بھار ی قیمت ادا کرنا ہوگی،یہ سرگرمی امریکی قومی سلامتی اور خارجہ پالیسی کے مفادات کے خلاف ہے۔

  • نئے چیف جسٹس پاکستان کیلئے تین نام پارلیمانی کمیٹی کو بھجوادئیے گئے

    نئے چیف جسٹس پاکستان کیلئے تین نام پارلیمانی کمیٹی کو بھجوادئیے گئے

    اسلام آباد: نئے چیف جسٹس پاکستان کےلیے تین نام پارلیمانی کمیٹی کو بھجوادئیے گئے۔

    باغی ٹی وی: ذرائع کے مطابق سپریم کورٹ کے رجسٹرار نے چیف جسٹس پاکستان قاضی فائز عیسیٰ کی جانب سے تین نام خصوصی پارلیمانی کمیٹی کو بھجوادیئے ہیں، وزارت قانون کی جانب سے رجسٹرار سپریم کورٹ کو خط لکھا گیا تھا جس میں تین سینئر ترین ججوں کے نام نئے چیف جسٹس کے لیے مانگے گئے تھے ۔

    26 ویں آئینی ترمیم کے نفاذ کے بعد نئے چیف جسٹس کے تقرر کیلئے پارلیمانی کمیٹی کا اجلاس آج ہوگا اور نئے چیف جسٹس کی تقرری موجودہ چیف جسٹس قاضی فائز عیسیٰ کی ریٹائرمنٹ سے تین روز قبل کی جائے گی۔

    چیف جسٹس قاضی فائز عیسیٰ ریٹائرمنٹ سے قبل چیمبر ورک پر چلے گئے ہیں جہاں وہ ان دنوں فیصلے لکھیں گے، سپریم کورٹ کے تین سینئر ترین ججوں میں پہلے نمبر پر جسٹس منصور علی شاہ، دوسرے نمبر پر جسٹس منیب اختر اور تیسرے نمبر پر جسٹس یحییٰ آفریدی ہیں۔

  • اسلامی نظریاتی کونسل کی تین طلاقیں ایک ساتھ دینے کے عمل کو قابل سزا بنایا جائے

    اسلامی نظریاتی کونسل کی تین طلاقیں ایک ساتھ دینے کے عمل کو قابل سزا بنایا جائے

    اسلام آباد: اسلامی نظریاتی کونسل نے حکومت سے سفارش کی ہے کہ تین طلاقیں ایک ساتھ دینے کے عمل کو قابل سزا بنایا جائے۔

    باغی ٹی وی : چیئرمین ڈاکٹر محمد راغب حسین نعیمی کی زیرصدارت ہونے والے اجلاس میں جہیز ایکٹ کی خلاف ورزی پر سزا کو 6 ماہ سے بڑھا کر ایک سال کرنے، شادی اخراجات 2500 روپے سے بڑھا کر 2 تولہ سونا، جہیز کی مالیت بھی 2 تولہ سونے کے برا بر کرنے کی منظوری دی گئی۔

    اسلامی نظریاتی کونسل نے حکومت سے سفارش کی ہے کہ تین طلاقیں ایک ساتھ دینے کے عمل کو قابل سزا بنایا جائے، کونسل نے فیصلہ کیا کہ چونکہ اس موضوع پر ایک ڈرافٹ پہلے ہی کونسل تیار کرچکی ہے اس لیے یہ ڈرافٹ حکو مت کو بھجوادیا جا ئے۔

    کونسل نے پی ٹی آئی کے بیر سٹر علی ظفر ایڈووکیٹ کے نجی عائلی قانون کے بل کو مسترد کیا جس میں تجویز کیا گیا تھا کہ طلاق کی صورت میں شادی کے بعد بننے والی جائیداد کو میاں بیوی دونوں میں برابر تقسیم کیا جا ئے گا مگر کونسل نے رائے دی کہ یہ بل شرعی طور پر قابل عمل (Maintainable) نہیں ہے۔

    کونسل نے نکاح فارم میں تھیلیسیمیا کے ٹیسٹ کرانے کا کالم بنانے کی تجویز سے اتفاق کیا تاہم اس پر اتفاق نہیں ہوا کہ تھیلیسیمیا پازیٹو ہونے پر شادی کی اجازت نہ دی جائے، اسلامی نظریاتی کونسل نے انسانی دودھ کے بینک کے قیام کی تجویز کے بارے میں ایک سیمینار منعقد کرانے کا بھی فیصلہ کیا ہے ۔

  • حماس کا اسرائیل پر حملہ، اسرائیلی فوج کی 4گاڑیاں تباہ،متعدد فوجی زخمی

    حماس کا اسرائیل پر حملہ، اسرائیلی فوج کی 4گاڑیاں تباہ،متعدد فوجی زخمی

    غزہ: فلسطین کی مزاحمتی تنظیم حماس نے شمالی غزہ کے علاقے جبالیہ میں حملہ کرکے ٹینک سمیت اسرائیلی فوج کی 4گاڑیوں کو تباہ کردیا۔

    باغی ٹی وی : غیر ملکی خبر رساں ادارے کے مطابق اسرائیل نے بیروت کے ہریری اسپتال کے قریب فضائی حملہ کیا جس کے نتیجے میں 4شہری شہید اور 29 زخمی ہوگئے۔

    دوسری جانب غزہ میں بمباری سے مزید 41 فلسطینی شہید ہوئے اور اسی طرح جبالیہ میں بھی 33 فلسطینیوں کو نشانہ بنایا گیا حماس نے جبالیہ میں جوابی کارروائی کرتے ہوئے اسرائیلی فوجیوں کو منہ توڑ جواب دیا ،اور ٹینک سمیت اسرائیلی فوج کی 4گاڑیوں کو تباہ کردیا، حماس کا دعویٰ ہے کہ اس حملےکے نتیجے میں متعدد اسرائیلی فوجی ہلاک اور زخمی ہوئے ہیں۔

    غزہ پر اسرائیلی جارحیت کے نتیجے میں اکتوبر 2023 سے اب تک 42 ہزار 600 سے زائد فلسطینی شہید ہوچکے جن میں اکثریت خواتین اور بچوں کی ہے جب کہ 99 ہزار 800 سے زائد افراد زخمی ہیں۔