Author: Ayesha Rehmani

واشنگٹن:امریکی وزیر خارجہ انٹونی بلنکن نے کہا ہے کہ ایران کو اپنی خارجہ پالیسی پر نظر ثانی کی ضرورت ہے-

باغی ٹی وی : عالمی خبر رساں ادارے کے مطابق امریکا کے وزیر خارجہ نے مزید کہا کہ اسرائیل نے نہ صرف ایران کی پراکسیز حزب اللہ اور حماس کو ختم کیا بلکہ اس کی فوجی طاقت کو بھی شدید نقصان پہنچایا ہےاس میں کوئی شک نہیں کہ ایران کے لیے یہ سال نہایت برا رہا ہے اور ہم روزانہ کی بنیاد پر اسے میدان سے باہر ہوتا دیکھ رہے ہیں۔

امریکی وزیر خارجہ نے کہ اب ایران کے پاس صرف دو راستے بچتے ہیں وہ اپنی خارجہ پالیسی پر نظرِثانی کرتے ہوئے خطے میں منفی مہم جوئی بند کرےدوسرا راستہ یہ ہے کہ ایران اپنے کردار پر غور کرے اور تمام تر توجہ اپنے عوام کی بہبود پر صرف کرے اور خود کو ایک بہتر اور کامیاب ملک بنائےایران نے خطے میں منفی سرگرمیوں سے اپنے ملک اور اپنے عوام کا بہت نقصان کیا ہے۔

اسرائیل نے یمن میں حوثی باغیوں کے زیرِ قبضہ دارالحکومت صنعا میں بحیرہ احمر کے تیل کے ٹرمینل اور بجلی گھروں پر فضائی حملے کیے۔

باغی ٹی وی: عالمی خبر رساں ادارے کے مطابق ترجمان اسرائیلی فوج نے بتایا کہ درجنوں لڑاکا اور جاسوس طیاروں نے 2 ہزار کلومیٹر فاصلہ طے کرکے یمن کی حدیدہ بندرگاہ پر اہداف کو نشانہ بنایا۔

حوثیوں کے سیٹلائٹ چینل المسیرہ نے تصدیق کی کہ صنعا اور ساحلی صوبہ الحدید میں پاور اسٹیشنوں کے ساتھ ساتھ بحیرہ احمر میں راس عیسیٰ کے تیل کے ٹرمینل کو بھی نشانہ بنایا گیااسرائیل کے حملوں میں حوثیوں کے زیرِ استعمال 3 بندرگاہیں مفلوج ہو گئیں، جنوبی صنعا میں حزیز پاور اسٹیشن بھی اسرائیلی فضائی حملے میں تباہ ہوگیا جب کہ 9 افراد کے ہلاک ہونے کی اطلاعات بھی ہیں۔

اسرائیلی فوج کا کہنا ہے کہ یہ کارروائی حوثیوں کی جانب سے وسطی اسرائیل پر میزائل داغے جانے کا جواب ہے طویل فاصلے تک مار کرنے والے ایرو ایئر ڈیفنس سسٹم کے ذریعے حوثی میزائل کو اسرائیلی فضائی حدود سے باہر ہی مار گرایا تھا۔

غیر ملکی میڈیا کا دعویٰ ہے کہ اسرائیل نے جس حوثی میزائل کو فضا میں تباہ کیا اس کا ملبہ رامات گان شہر میں گرا جس میں بورڈنگ اسکول تباہ ہوگیا طلبا کو قریبی اسکول منتقل کردیا گیا جہاں وہ اپنے اسکول کی تعمیرِ نو ہونے تک قیام کریں جس میں دو سے چار ہفتے لگ سکتے ہیں۔

واضح رہے کہ ڈرون حملے کے ساتھ رواں ہفتے یمن سے اسرائیل پر داغا جانے والا یہ دوسرا میزائل تھا۔

دوسری جانب اسرائیلی وزیر دفاع یسرائیل کاتز نے یمن میں حوثی ملیشیا کے لیے انتباہی پیغام جاری کیا ہے یہ موقف یمن بالخصوص صنعاء اور الحدیدہ میں کئی ٹھکانوں پر اسرائیلی شدید فضائی حملوں پر تبصرہ کرتے ہوئے سامنے آیا۔

آج جمعرات کے روز بیان میں کاتز نے کہا کہ "ہم اسرائیل کی جانب اٹھنے والا ہر ہاتھ کاٹ دیں گے م حوثیوں کے یہ جان لینا چاہیے کہ ہمارا طویل ہاتھ ان تک پہنچ جائے گا،جو کوئی بھی اسرائیل کو نقصان پہنچائے گا اسے سات گنا زیادہ جواب دیا جائے گا-

ادھر اسرائیلی فوج کے ترجمان ڈینیل ہیگاری نے آج صبح ایک ویڈیو پیغام میں حوثیوں کو خبردار کرتے ہوئے کہا ہے کہ یہ عالمی خطرے کا ذریعہ بن گئے ہیں،ہیگاری کے مطابق ان کا ملک مشرق سطیٰ میں اپنے لیے خطرہ بننے والے ہر فریق کے خلاف اقدام جاری رکھے گا،حوثیوں کی جانب سے مشرق وسطیٰ میں دیگر ممالک کے علاوہ دنیا بھر میں امریکا اور دوسرے ممالک کو نشانہ بنایا جا رہا ہے۔

ہیگاری کے مطابق بحیرہ احمر اور دیگر جگہوں میں بین الاقوامی کارگو جہازوں پر حوثیوں کے حملے عالمی خطرہ بن چکے ہیں،ایرانی حکومت حوثیوں کی سرگرمیوں کے لیے مالی رقوم، ہتھیار اور ہدایات فراہم کر رہی ہے۔

اسرائیل پہلے ہی کئی بار یہ کہہ چکا ہے کہ اس نے خطے میں ایران کے تمام دھڑوں کا خاتمہ کر دیا ہے اور اب حوثیوں کے سوا کوئی باقی نہیں رہا-

یوگنڈا: معروف مذہبی اسکالر ڈاکٹر ذاکر نائیک کی افریقی ملک یوگنڈا میں واقع دریائے نیل میں چھلانگ لگادی جس کی تصاویر اور ویڈیوز سوشل میڈیا پر وائرل ہوگئیں۔

باغی ٹی وی: ڈاکٹر ذاکر نائیک آج کل یوگنڈا کے سرکاری دورے پر ہیں، جہاں وہ مختلف شہروں میں مذہبی اجتماعات و تقریبات سے خطاب کریں گے،ذاکر نائیک نے اپنے سوشل میڈیا اکاؤنٹس پر یوگنڈا کے سرکاری دورے کی تصاویر اور ویڈیوز شیئر کیں، جہاں انہیں سخت سیکیورٹی کے حصار میں ایک جگہ سے دوسری جگہ لے جایا گیا۔

ڈاکٹر ذاکر نے بیٹے اور اپنے اسٹاف کے ہمراہ تاریخی دریائے نیل میں تیراکی کرنے اور اسی دریا کے کنارے واقع سیاحتی مقام پر چھلانگ لگانے کی ویڈیوز اور تصاویر بھی شیئر کیں، ذاکر نائیک نے یوگنڈا کے دیگر تفریحی مقامات اور پارکس کی خوبصورت تصاویر اور ویڈیوز بھی شیئر کیں-

علاوہ ازیں انہوں نے یوگنڈا کے شہر جنجا کے سیاحتی مقام پر دریائے نیل کے کنارے 165 فٹ بلند پہاڑی سے چھلانگ لگانے کی تصاویر بھی شیئر کیں جو کہ بھارتی اور پاکستانی سوشل میڈیا پر بھی وائرل ہوگئیں۔

ہنوئی: ویتنام کے شہر ہنوئی میں بدھ کی رات تین منزلہ کیفے میں آگ لگنے سے گیارہ افراد ہلاک ہو گئے ، پولیس نے جان بوجھ کر آگ لگانے کے شبہ میں ایک 51 سالہ شخص کو گرفتار کر لیا ہے۔

باغی ٹی وی : غیر ملکی میڈیا کے مطابق گزشتہ رات ویتنام کے دارالحکومت ہنوئی میں قائم ایک کیفے آگ لگ گئی جس کے نتیجے میں اب تک 11 ہلاکتوں کی تصدیق ہوچکی ہے آتشزدگی کے واقعے میں 2 افراد زخمی بھی ہوئے جنہیں اسپتال منتقل کردیا گیا جب کہ 7 افرد کو بحفاظت ریسکیو کیا گیا۔

ویتنامی حکام کا بتانا ہے کہ انہوں نے کیفے سے ایک مشتبہ شخص کو حراست میں لیا ہے جس نے کیفے میں آگ لگانے کا اعتراف کیا ہے،گرفتار شخص نے پولیس کو دیئے گئے بیان میں کہا کہ کیفے کے اسٹاف سے ہونے والی بحث کے بعد پیٹرول کی مدد سے وہاں آگ لگائی۔

سرکاری ٹیئن فونگ اخبار نے کہا کہ مشتبہ شخص کی عمر 50 سال سے زائد ہے ایک عینی شاہد نے بتایا کہ دھماکے کی آواز سنائی دی ایک اور گواہ نے بتایا کہ آگ نے تمام راستے بند کر دیے تھے، پٹرول کی بو تیز تھی، آگ پر قابو پانے میں تقریباً 40 منٹ لگے-