Author: Ayesha Rehmani

بیجنگ: چین کے صدر شی جن پنگ نے خبردار کیا ہے کہ امریکا کے ساتھ ’تجارتی جنگ‘ میں کوئی فاتح نہیں ہوگا-

باغی ٹی وی : برطانوی خبر رساں ادارے کے مطابق آئندہ ماہ امریکا کے دوسری بار صدر بننے والے ڈونلڈ ٹرمپ نے اپنے پہلے دور اقتدار میں چین کے ساتھ سخت ’تجارتی جنگ‘ شروع کردی تھی، جس میں مبینہ انٹلیکچوئل پراپرٹی چوری اور دیگر غیر منصفانہ طریقوں کو تنقید کا نشانہ بنایا گیا تھا۔

ڈونلڈ ٹرمپ نے 20 جنوری کو عہدہ سنبھالنے کے بعد چین پر مزید ٹیکسز لگانے کا وعدہ کر رکھا ہے، جبکہ بیجنگ کورونا کے دوران معاشی افراتفری کے بعد معاشی بحالی کی راہ پر گامزن ہے۔

چین کے سرکاری نشریاتی ادارے ’سی سی ٹی وی‘ کے مطابق شی جن پنگ نے بیجنگ میں کثیر الجہتی مالیاتی اداروں کے سربراہان سے ملاقات کے دوران چین امریکا تعلقات کے بارے میں کہا کہ ٹیرف جنگیں، تجارتی جنگیں اور ٹیکنالوجی کی جنگیں تاریخی رجحانات اور معاشی اصولوں کے خلاف ہیں اور کوئی فاتح نہیں ہوگا، چین امریکی حکومت کے ساتھ بات چیت جاری رکھنے، تعاون بڑھانے، اختلافات پر قابو پانے اور باہمی تعلقات کو مستحکم، صحت مند اور پائیدار سمت میں فروغ دینے کا خواہاں ہے۔

چین کے سرکاری میڈیا کے مطابق شی جن پنگ نے منگل کے روز ہونے والے اجلاس کے دوران یہ بھی کہا کہ چین کو 2024 کی شرح نمو کے ہدف کو حاصل کرنے میں ’مکمل اعتماد‘ ہے۔

ان کا یہ بیان ایک ایسے وقت میں سامنے آیا ہے جب سرکاری اعداد و شمار سے ظاہر ہوتا ہے کہ گزشتہ ماہ ملکی برآمدات میں توقع سے کم شرح سے اضافہ ہوا جبکہ درآمدات میں مزید کمی واقع ہوئی جس سے چین کو درپیش چیلنجز کی نشاندہی ہوتی ہے۔

چین کی جنرل ایڈمنسٹریشن آف کسٹمز نے کہا ہے کہ گزشتہ ماہ برآمدات سال بہ سال 6.7 فیصد اضافے کے ساتھ 3 سو 12 ارب ڈالر سے زائد کی سطح تک پہنچ گئیں لیکن یہ اعداد و شمار بلوم برگ کے ایک سروے میں ماہرین اقتصادیات کے اندازوں کے مقابلے میں بہت سست تھے، یہ اکتوبر میں 12.7 فیصد کی بلند سطح سے بہت کم تھے، جو 2 سال سے زیادہ عرصے میں سب سے مضبوط شرح تھی۔

آئی این جی میں گریٹر چائنہ کے چیف اکانومسٹ، لائن سونگ نے لکھا کہ اعداد و شمار ظاہر کرتے ہیں کہ سال بہ سال کی بنیاد پر جنوری سے نومبر تک برآمدات 5.4 فیصد بڑھ گئیں، سال 2024 میں چین کی برآمدات ممکنہ طور پر معیشت کے لئے سب سے بڑا سرپرائز تھیں، یہی وجہ ہے کہ رواں سال کے لئے چین 5 فیصد شرح نمو کا ہدف حاصل کرلے گا، ہم آنے والے چند مہینوں میں برآمدات میں کچھ بہتری دیکھ سکتے ہیں لیکن ایسا ہونے کے بعد رفتار میں کمی کا امکان ہے، جب تک کہ ٹیرف مذاکرات کا نتیجہ حیرت انگیز طور پر مثبت نہ ہو۔

تجزیہ کاروں کا کہنا ہے کہ شپمنٹس میں حالیہ اضافے کی وجہ یہ ہے کہ غیر ملکی خریدار ایک اور تجارتی تعطل کے خوف کے باعث ٹرمپ کی جانب سے چینی مصنوعات پر ممکنہ محصولات کو شکست دینے کی دوڑ میں ہیں۔

پن پوائنٹ ایسٹ مینجمنٹ کے صدر اور چیف اکانومسٹ، ژانگ زہیوی نے اپنے ایک نوٹ میں کہا کہ ’معاشی پالیسی کے حوالے سے ایک اور اہم اجلاس آئندہ کچھ دن میں متوقع ہے، اس اجلاس میں مالی پالیسی کے خدو خال پر مزید روشنی ڈالی جائے گی، جس سے کئی چیزیں واضح ہوجائیں گی‘۔

پورٹ آپرنس: ہیٹی میں گینگز نے مبینہ طور پر 180 سے زائد افراد کا قتل کر دیا۔

باغی ٹی وی: سی این این کے مطابق وزیرِاعظم کے دفتر کی جانب سے جاری بیان میں گینگ لیڈر میکنور "میکانو” الٹس اور اس کے ساتھیوں پر 6 اور 7 دسمبر کو پورٹ آ پرنس کے غریب علاقے سیٹے سولیل میں قتلِ عام کرنے کا الزام لگایا گیا، گینگ لیڈر نے علاقے میں بزرگ رہائشیوں کو اس شک کی بنیاد پر قتل کرنے کا حکم دیا کہ ان کے جادو ٹونے کی وجہ سے اس کے بچے کی حالت خراب ہوئی۔

قتل عام کا آغاز اس وقت ہوا جب گینگ لیڈر کے بچے کی حالت خراب ہو گئی، گینگ لیڈر نے ایک ووڈو پجاری (بوکو) سے مشورہ کیا، جس نے علاقے کے بزرگ افراد پر جادو ٹونے کے ذریعے بچے کو نقصان پہنچانے کا الزام لگایا، جمعہ 6 دسمبر کو میکنور نے کم از کم 60 بزرگ افراد کو گولی مار کر قتل کیا۔ ہفتہ 7 دسمبر کو اس نے اور اس کے گروہ نے کم از کم 50 مزید افراد کو چھریوں اور چاقوؤں سے قتل کیا۔ ان اقدامات کے باوجود، اس کا بیمار بچہ جانبر نہ ہو سکا۔

ہیٹی کی کمیٹی برائے امن و ترقی کے مطابق، اس حملے میں تمام بزرگ افراد اور ووڈو کے پیروکاروں کو نشانہ بنایا گیا، جنہیں (میکنور کے) تصور میں، اس کے بیٹے پر جادو کرنے کا اہل سمجھا گیا قتل عام کے بعد متاثرین کی لاشوں کو گلیوں میں چھوڑ دیا گیا۔

اقوامِ متحدہ کے مطابق اس قتل عام میں کم از کم 184 افراد ہلاک ہوئے، جن میں اندازاً 127 بزرگ مرد و خواتین شامل ہیں ہیومن رائٹس چیف ولکر ترک نے ایک پریس کانفرنس میں کہا کہ ان تازہ ترین ہلاکتوں کے ساتھ، ہیٹی میں اس سال ہونے والی اموات کی تعداد پانچ ہزار تک پہنچ گئی ہے۔

عالمی شہرت یافتہ نابینا نجومی خاتون آنجہانی بابا وانگا کی متعدد پیشن گوئیاں درست ثابت ہوچکی ہیں اور شام کے حوالے سے بھی انھوں نے ایک پیشگوئی تھی۔

باغی ٹی وی : عالمی خبر رساں ادارے کے مطابق بابا وانگا کی پیشن گوئی کی تھی کہ بڑی جنگ کے نتیجے میں 2024 اور 2025 میں شام اور پھر مغرب میں تباہی ہوگی، بابا وانگا نے کہا تھا کہ شام فتح کے دہانے پر ہوگا لیکن فاتح کوئی ایک نہیں ہوگا، تیسری جنگ عظیم بھی چھڑ سکتی ہے۔

نابینا نجومی خاتون کی پیشن گوئی کے مطابق جنگ عظیم کے باعث 2025 تک براعظم کی بڑی آبادی صفحہ ہستی سے مٹ جائے گی جب کہ 2043 تک یورپ کی حکمرانی مسلمانوں کے ہاتھوں میں ہوگی، بابا وانگا نے یہ پیش گوئی بھی کر رکھی ہے 2025 میں کائنات میں ایک ایسا واقعہ رونما ہوگا جس کا کوئی سوچ بھی نہیں سکتا، دنیا کا خاتمہ 2025 سے شروع ہوجائے گا لیکن انسانیت 5079 تک مکمل طور پر ختم نہیں ہوگی۔

بھارتی نجی ائیرلائن کی پرواز میں بم کی جھوٹی اطلاع دینے والا ملزم گرفتار کرلیا گیا، جس کی شناخت انٹیلی جنس بیورو افسر کے طور پر ہوئی ہے-

باغی ٹی وی: بھارتی میڈیا کے مطابق ملزم انیمیش منڈل، ناگپورمیں ڈپٹی سپرنٹنڈنٹ رینک کا آئی بی افسر بتایا جاتا ہے، رائے پور پولیس نے سیفٹی آف سول ایوی ایشن ایکٹ 1982 کے خلاف غیر قانونی کارروائیوں کی دفعات کے تحت ملزم کو گرفتار کیا ہے۔

بھارتی پولیس کے مطابق گزشتہ ماہ ناگپور سے کولکتہ جانے والی انڈیگو کی فلائٹ میں بم کا جھوٹا الرٹ جاری کرنے کے الزام میں گرفتار ایک شخص کی شناخت انٹیلی جنس بیورو افسر کے طور پر ہوئی ہے پرواز جس میں 187 مسافر سوار تھےرائے پور میں ہنگامی لینڈنگ کرنا پڑی اور جہاز کی مکمل جانچ پڑتال بعد بم کی اطلاع جھوٹی نکلی جس کے بعد طیارے کو کلیئر قرار دے دیا گیا۔

ملزم کو عدالت میں پیش کیا گیا جہاں ملزم منڈل کے وکیل نے گفتگو کرتے ہوئے کہا کہ ان کے مؤکل نے پرواز میں ممکنہ بم کے بارے میں ذرائع سے موصول ہونے والی معلومات پر اطلاع دی تھی اور کہا کہ ان کا مؤکل بے قصور ہے۔

ماسکو: شامی صدر اسد، ان کی برطانوی اہلیہ اور ان کے تین بالغ بچے اپنے شامی محلات کو چھوڑ گئے ہیں ولادیمیر پوتن کی طرف سے سیاسی پناہ ملنے کے بعد روس میں نئی ​​زندگی کا آغاز کریں گے۔

باغی ٹی وی: شام کے دارالحکومت دمشق پر اپوزیشن فورسز کے قبضے سے قبل ہی سابق صدر بشار الاسد اپنے خاندان کے ساتھ روس فرار ہوگئے تھےاس منتقلی کے بعد شام پر الاسد خاندان کے اقتدار کا سورج غروب ہوگیا، بشار الاسد کے اقتدار کے خاتمے پر شامی عوام کی جانب سے خوشی کا اظہار کیا گیا، اب بشار الاسد برطانوی اہلیہ اور 3 بچوں کے ساتھ روس میں سیاسی پناہ لے کر اپنی نئی زندگی کا آغاز کریں گے۔

ڈیلی میل کی ایک رپورٹ کے مطابق لندن سے تعلق رکھنے والے ڈاکٹر کی بیٹی اسما الاسد نے صدر بشار الاسد سے 2000 میں شادی کی تھی، اس جوڑے کی 3 اولادیں ہیں، بشارالاسد کی اہلیہ نے ڈکٹیٹر شوہر کے دور حکومت میں عیش وعشرت بھری زندگی گزاری، اسماا لاسد نے اپنے شوہر کے دور حکومت میں گھریلو اشیاء اور کپڑوں پر لاکھوں ڈالر اڑائے

امریکی محکمہ خارجہ کا تخمینہ ہے کہہ اس خاندان کی مجموعی دولت کی مالیت 2 بلین ڈالر ہے،جس میں ان کے بیشتر اکاؤنٹس، شیل کمپنیز اور آف شور ٹیکس ہیونز سمیت رئیل اسٹیٹ پورٹ فولیو شامل ہیں،اب امکان ہے کہ بشارالاسد اپنی روس منتقلی کے بعد عیش وعشر ت بھری زندگی گزارنے کیلئے ان اثاثوں کو استعمال کریں گے۔

ڈیلی میل کی رپورٹ میں بتایا گیا ہے کہ بشار الاسد نے حال ہی میں 20 اپارٹمنٹس خریدے ہیں جن کی مالیت 30ملین پاؤنڈ سے زائد ہے،جو اس قبیلے کے لیے ایک محفوظ پناہ گاہ کے طور پر روس کی حیثیت کو واضح کرتی ہے-

کریملن نے آج تصدیق کی ہے کہ اس خاندان کو پوٹن کے براہ راست حکم پر سیاسی پناہ دی گئی تھی ماسکو نے مزید تفصیلات کا انکشاف نہیں کیا، صدارتی ترجمان دمتری پیسکوف نے آج نامہ نگاروں کو بتایا: ‘ ہم اسد کے ٹھکانے کے بارے میں کوئی بات نہیں کرنا چاہتے، مسز اسد کے بارے خیال کیا جاتا ہے کہ وہ اپنی بیٹی اور دو بیٹوں کے ساتھ اپنے شوہر کے شام سے فرار ہونے سے کچھ دن پہلے ماسکو پہنچی تھیں۔