Author: Ayesha Rehmani

اسلام آباد ہائیکورٹ نے پاکستان تحریک انصاف کے بانی چیئرمین عمران خان کی اہلیہ بشریٰ بی بی کے خلاف درج مقدمات کی تفصیلات فراہمی کے کیس میں پولیس نے رپورٹ عدالت میں جمع کرا دی-

باغی ٹی وی : اسلام آباد ہائیکورٹ کے جسٹس میاں گل حسن اورنگزیب نے عمران خان کی اہلیہ بشریٰ بی بی کی مقدمات کی تفصیلات فراہمی کے کیس کی سماعت کی، درخواست گزار کے وکیل فیصل چوہدری عدالت میں پیش ہوئے،دوران سماعت اسلام آباد پولیس کے ڈی ایس پی لیگل ساجد چیمہ کی جانب سے اسٹیٹ کونسل کے ذریعے رپورٹ عدالت میں پیش کی گئی۔

پولیس رپورٹ میں بتایا گیا کہ بشریٰ بی بی کے خلاف اسلام آباد کے تھانہ کوہسار میں ایک مقدمہ درج ہے، جو 6 جون 2023 کو درج کیا گیا تھا۔

سماعت میں ڈپٹی اٹارنی جنرل راجہ ارشد کیانی بھی پیش ہوئے، انہوں نے عدالت کو بتایا کہ بشریٰ بی بی کے خلاف ایف آئی اے میں توشہ خانہ ٹو کیس ہی درج ہے،درخواست گزار بشریٰ بی بی کے وکیل فیصل چوہدری نے کہا کہ عدت کیس میں بریت کے بعد نیب نے گرفتار کر لیا تھا۔

عدالت نے کہا کہ جو بھی مزید کیس ہوگا اسٹیٹ کونسل بتائیں گے، جس پر اسٹیٹ کونسل نے کہا کہ ایک ہی کیس تھانہ کوہسار میں پہلے کا درج ہے جسے یہاں چیلنج بھی کیا گیا ہے،بعد ازاں اسلام آباد ہائیکورٹ نے بشریٰ بی بی کے خلاف درج مقدمات کی تفصیلات فراہمی پر درخواست پولیس رپورٹ جمع ہونے پر نمٹا دی۔

اسلام آباد ہائیکورٹ نے وزارت داخلہ اور دیگر کو ایک ہفتے میں پاکستان تحریک انصاف (پی ٹی آئی) کے رہنماو سینیٹر شبلی فراز کا نام ایگزٹ کنٹرول لسٹ (ای سی ایل) سے نکالنے کا حکم دے دیا-

باغی ٹی وی : اسلام آباد ہائیکورٹ کے جسٹس طارق محمود جہانگیری نے سینیٹر شبلی فراز کا نام عدالتی حکم کے باوجود ای سی ایل سے نہ نکالنے پر توہین عدالت کی درخواست پر سماعت کی، دوران سماعت شبلی فراز اپنے وکیل کے ہمراہ عدالت میں پیش ہوئے، دوران سماعت عدالت نے استفسار کیا کہ ابھی تک نام نہیں نکالا گیا کیا؟ جس پر وکیل نے جواب دیا کہ نہ بتا رہے ہیں اور نہ رپورٹ دے رہے ہیں۔

جسٹس طارق محمود جہانگیری نے ریمارکس دئیے کہ یہ معاملات وہاں اسمبلی میں کیوں نہیں بتاتے، پارلیمنٹیرین ہیں، جس پر وکیل نے بتایا کہ وہاں تو اس سے الٹا ہی کام کیا جا رہا ہے، اسپیکر صاحب بھی کہتے ہیں،عدالت نے حکم دیا کہ ایک ہفتے میں نام ای سی ایل سے نکال کر عدالت کو آگاہ کیا جائے اور ایک ہفتے میں عمل درآمد نہیں ہوتا تو سیکرٹری داخلہ ذاتی حیثیت میں عدالت پیش ہوں۔

حماد اظہر سے شادی کی خبروں پر اینکر پرسن شفا یوسفزئی نے خاموشی …

بعدازاں اسلام آباد ہائیکورٹ نے کیس کی سماعت ایک ہفتے کے لیے ملتوی کردی۔

واضح رہے کہ 2 اگست کو اسلام آباد ہائی کورٹ نے سینیٹ میں قائد حزب اختلاف شبلی فراز کا نام ایگزٹ کنٹرول لسٹ سے نکالنے کا حکم دے دیا تھا-

نیب ترامیم کے صدارتی آرڈیننس کیخلاف درخواست سماعت کیلئے منظور

اسلام آباد: جسٹس بابر ستار ایک ماہ کی چھٹی پر چلے گئے ،اسلام آباد ہائیکورٹ کے چیف جسٹس عامر فاروق نے جسٹس بابر ستار کی چھٹی منظور کر لی۔

باغی ٹی وی : اسلام آباد ہائیکورٹ کے جسٹس بابر ستار جان ججوں میں سے ایک تھے جنہوں نے عدالتی امور میں انٹیلی جنس آپریٹو کی مداخلت پر چیف جسٹس کو خط لکھا تھا، موسم گرما کے بعد اپنی ذمہ داریاں بحال کرنے کے فوراً بعد ایک ماہ کی رخصت پر چلے گئے ہیں۔

ذرائع کے مطابق جسٹس بابر ستار نے چھٹی کے لیے چیف جسٹس عامر فاروق کو درخواست پیش کی، انہوں نے ایک ماہ کی چھٹی کی درخواست منظور کرلی وزارت قانون، سیکرٹری ٹو چیف جسٹس اور رجسٹرار سمیت دیگرمتعلقہ حکام کو آگاہ کردیا گیا، جسٹس بابر ستار کی 30 ستمبر سے 29 اکتوبر تک کی چھٹی منظور کی گئی، اسلام آباد ہائیکورٹ کے جسٹس بابر ستار 30 ستمبر سے ایک ماہ کے لیے چھٹی پر ہوں گے۔

نیپرا اجلاس: بجلی کی کھپت میں 25 فیصد کمی، عوام پر اضافی بوجھ کا خدشہ

اگرچہ نوٹیفکیشن میں 30 ستمبر سے 29 اکتوبر تک ایک ماہ کی چھٹی کا ذکر کیا گیا مگریہ قابل توسیع چھٹی ہے اور اسے دسمبر تک بڑھایاجا سکتا ہےجسٹس بابر ستار کی عدالت سے کیسز کی سماعتیں ایک ماہ تک ملتوی کردی گئیں، موسم گرما کی تعطیلات میں ایک ماہ جسٹس بابر ستار کیسز کی سماعتیں کرتے رہے ہیں۔

اسلام آباد سمیت ملک کے مختلف علاقوں میں گرج چمک کے ساتھ بارش کا امکان

اسلام آباد: پی ٹی آئی رہنما ایڈووکیٹ نیاز اللہ نیازی نے کہا ہے کہ بانی پی ٹی آئی عمران خان کی ہدایت پر سپریم کورٹ کے باہر پرامن احتجاج کیا جائے گا، جو ہمارا آئینی و قانونی حق ہے۔

باغی ٹی وی :28 ستمبر کو راولپنڈی میں جلسے کے معاملے پر تحریک انصاف کی جانب سے لاہورہائیکورٹ راولپنڈی بینچ میں دائر پٹیشن واپس لے لی گئی، پی ٹی آئی نے ضلعی انتظامیہ کی جانب سے این او سی جاری نہ کرنے کے خلاف لاہور ہائیکورٹ راولپنڈی بینچ میں پٹیشن دائر کی تھی جو آج سماعت کے لیے مقرر تھی تاہم بانی پی ٹی آئی عمران خان نے کل اڈیالہ جیل سے راولپنڈی جلسے کے لیے دائر پٹیشن واپس لینے کی ہدایت کی تھی، پٹیشن پی ٹی آئی کے وکیل محمد فیصل ملک ایڈووکیٹ نے واپس لی۔

بانی پی ٹی آئی نے کہا تھا کہ انتظامیہ اور عدالتوں نے ہمیں جلسے کی اجازت نہیں دینی جلسے کے بجائے 28 ستمبر کو راولپنڈی میں احتجاج ہو گا، ہم لاہور ہائی کورٹ راولپنڈی بینچ سے درخواست واپس لے رہے ہیں، ہمیں معلوم ہے کہ انتظامیہ جلسے کی اجازت نہیں دے گی تو پھر بھی عوام باہر نکلیں گے، جلسے کے بجائے اب ہم راولپنڈی میں ہفتے کو بھرپور احتجاج کریں گے۔

پی ٹی آئی کی جانب سے راولپنڈی میں احتجاج کے پیش نظر خیبرپختونخوا کے کارکنوں اور عہدیداروں کو کل 10 بجے نکلنے کی ہدایت کردی گئی،وزیراعلیٰ ہاؤس پشاور میں پی ٹی آئی کی پارلیمانی اور تنظیمی عہدیداروں کا اجلاس ہوا، جس میں عہدیداروں اور ارکان اسمبلی کو کارکنوں کے ہمراہ راولپنڈی پہنچنے کی ہدایت کی گئی۔

ذرائع کے مطابق اجلاس میں پی ٹی آئی کارکنوں کو صبح 10 بجے پشاور سے نکلنے کی ہدایت کی گئی، وزیراعلیٰ خیبرپختونخوا 11 بجے صوابی پہنچیں گے وزیراعلیٰ علی امین گنڈا پور صوابی سے قافلے کی شکل میں پنڈی روانہ ہوں گے، کارکنوں کو مکمل تیاری کے ساتھ جانے کی ہدایت کی گئی ہے۔ پی ٹی آئی کارکنوں کو یہ بھی ہدایات کی گئی ہیں کہ جلسہ نہیں احتجاج ہوگا۔

اسلام آباد: حکومت پنجاب نے 7 شہروں میں پبلک سروس کمیشن کے امتحانات کے دوران صوبے بھر میں دفعہ 144 لگا دی۔

باغی ٹی وی: حکومت پنجاب نے پبلک سروس کمیشن کے امتحانات کے دوران دفعہ 144 لگا دی جبکہ حکومت پنجاب کی ہدایت پر محکمہ داخلہ نے نوٹیفکیشن جاری کردیا۔

ترجمان صوبائی محکمہ داخلہ کے مطابق پنجاب کے 7 شہروں میں ہفتہ 28 ستمبر اور اتوار 29 ستمبر کو دفعہ 144 لاگو ہو گی،لاہور، راولپنڈی، سرگودھا، فیصل آباد، ملتان، بہاولپور اور ڈی جی خان کے امتحانی مراکز پر دفعہ 144 نافذ ہوگی جبکہ امتحانی مراکز کے گرد پابندی کا اطلاق صبح ساڑھے 8 سے شام ساڑھے 4 بجے تک ہوگا۔

نوٹیفکیشن کے مطابق امیدواروں اور سپروائزری عملے کے علاوہ کوئی شخص امتحانی مراکز میں داخل نہیں ہو سکے گا ، 7 شہروں میں امتحانی مراکز سے 100 گز کے فاصلے تک غیر متعلقہ افراد کی نقل و حرکت پر پابندی عائد کردی گئی ،پنجاب پبلک سروس کمیشن نے مختلف امتحانات کے لیے 7 شہروں میں 25 امتحانی مراکز قائم کیے ہیں۔

وفاقی وزیر اطلاعات عطا تارڑ کا کہنا ہے کہ فائر وال سے سائبر سیکیورٹی اور ڈیٹا کا تحفظ چاہتے ہیں، سائبر حملوں سے بچنے کے لیے پاکستان انٹرنیٹ سسٹم کو اپ گریڈ کررہا ہے،شہبازشریف مسلم امہ کی ترجمانی اور عالمی رہنماؤں کو خوشگوار حیرت میں ڈالیں گے-

باغی ٹی وی: نیویارک میں اقوم متحدہ کی جنرل اسمبلی اجلاس کے موقع پر وائس آف امریکا کو انٹرویو دیتے ہوئے وفاقی وزیراطلاعات عطا تارڑ کا کہنا تھا کہ 9 مئی مقدمات کا فیصلہ ہونے تک بانی پی ٹی آئی عمران خان سے مذاکرات نہیں ہوسکتے، سابق وزیراعظم اب بھی اداروں کو سیاست میں ملوث کرنے کی حکمت عملی اپنائے ہوئے ہیں،فوج کی موجودہ قیادت سیاست میں مداخلت پر یقین نہیں رکھتی، حکومت پی ٹی آئی سے پارلیمنٹ کے اندر اور باہر بات چیت کرتی ہے، پی ٹی آئی کے کردار کو تسلیم کرتے ہیں۔

ایکس پر پابندی کے حوالے سے وفاقی وزیر اطلاعات کا کہنا تھا کہ دہشت گرد ٹوئٹر کو بے گناہ شہریوں کا خون بہانے کے لیے استعمال کررہے، چاہتے ہیں کہ ایکس پر پابندی فوری اٹھائی جائے، پابندی ہٹانے کے لیے ٹوئٹر حکام کو حکومت کے ساتھ بیٹھنا ہوگا، ڈیجیٹل جرائم کو روکنے کے لیے کوئی نہ کوئی نظام لانا ہوگا، ڈیجیٹل جرائم روکنے کے لیے اتھارٹی کا قیام کابینہ میں زیرغورہے، فائر وال سے سائبر سیکیورٹی اور ڈیٹا کا تحفظ چاہتے ہیں، حکومت اظہار رائے اور صحافتی آزادی پریقین رکھتی ہے، سائبر حملوں سے بچنے کے لیے پاکستان انٹرنیٹ سسٹم کو اپ گریڈ کررہا ہے۔

عطا تارڑ نے بتایا کہ امریکا میں بھی ٹک ٹاک پر پابندی لگانے کی باتیں ہورہی ہیں، ایکس پر پابندی کا معاملہ عدالت میں زیرالتواء ہے، ٹوئٹر سے ملکی سلامتی اور عوام کے تحفظ پر حملے کیے جاتے ہیں، یوٹیوبرز اور وی لاگرز نے 9 مئی کے پرتشدد واقعات کو بڑھاوا دیا، یوٹیوبر صحافتی ادارتی عمل سے خود کو مستشنی سمجھتے ہیں، یہ نہیں ہوسکتا کہ کوئی بھی شخص فون اٹھائے اورصحافی بن جائے۔

غزہ کے حوالے سے بات کرتے ہوئے وفاقی وزیر اطلاعات کا کہنا تھا کہ عزہ کی صورتحال پر تقاریر سے بڑھ کرعملی اقدام کی ضرورت ہے، پاکستان دوست ممالک کے ساتھ غزہ کی صورتحال پر مشاورت میں ہے، کوشش ہے جنرل اسمبلی کے موقع پر غزہ پر مشترکہ اعلامیہ لایا جاسکے، وزیراعظم شہبازشریف جنرل اسمبلی میں فلسطین کا مقدمہ توانا انداز میں پیش کریں گے، شہبازشریف مسلم امہ کی ترجمانی اور عالمی رہنماؤں کو خوشگوار حیرت میں ڈالیں گے، پاکستان نے عالمی عدالت انصاف میں مؤقف اپنایا کہ اسرائیل جنگی جرائم کا مرتکب ہوا ہے۔

وزیر اطلاعات عطا تارڑ نے کہا کہ شہبازشریف مسئلہ کشمیر، اسلامو فوبیا، دہشت گردی اور موسمیاتی تبدیلیوں کے معاملات پر توجہ دلائیں گے، وزیراعظم کی جنرل اسمبلی کے موقع پرعالمی رہنماؤں سے بہت سود مند ملاقاتیں رہیں، بنگلہ دیش کے نگران سربراہ محمد یونس سے ملاقات اسٹیٹیجک اعتبار سے انتہائی اہم تھی، خارجہ پالیسی ہے کہ چین کی بنیاد پر امریکا سے تعلقات متاثر نہیں ہونے چاہئیں، امریکا کو پاکستان کی اہمیت کا ادراک ہے، عالمی دنیا جنوبی ایشا کے اہم ملک کو نظر انداز نہیں کرسکتی، امریکا اب بھی انسداد دہشت گردی سے متعلق پاکستان کی خدمات کا اعتراف کرتا ہے، آئی ایم ایف پروگرام پر اتفاق پاکستانی عوام کے لئے تازہ ہوا کا جھونکا ہے، آئی ایم ایف پروگرام ملکی معیشت کو مستقل استحکام کی طرف لے کر جائے گا، تمام معاشی اشارے بتا رہے ہیں کہ پاکستان کی معیشت بحال ہورہی ہے۔