پاکستان تحریک انصاف کے رہنما حسن روؤف نے کہا ہے کہ اس وقت ملک کو مضبوط حکومت کی ضرورت ہے اور مضبوط حکومت ہی ملک میں استحکام لا سکتی ہے-
باغی ٹی وی: نجی خبررساں ادارے کے ساتھ گفتگو کے دوران روؤف حسن نے کہا کہ 40کے قریب نشستیں ایسی ہیں جہاں جیت کو ہار میں تبدیل کیا گیا ہے ، جہاں ، جہاں پر ہمیں تحفظات ہیں ، ہم اعلیٰ عدالتوں تک جائیں گے،100میں 93آزادامیدوار ہماری سپورٹ سے منتخب ہوئے ہیں جبکہ 7سے 8آزاد امیدواروں سے متعلق ہمارا خیال ہے کہ وہ ہمارے ساتھ بھی مل سکتے ہیں اور یہ آپشن بھی ہے کہ کسی پارٹی میں شامل ہو کر ریزرو سیٹیں حاصل کریں۔
روؤف حسن نے کہا کہ جماعت اسلامی یا کوئی اور پارٹی ہو اس کیلئے جلد فیصلہ کریں گے، الیکشن کمیشن سے ہمیں بھلے کی کوئی توقع نہیں تھی اور نہ ہے ، ہم کس پارٹی کے ساتھ جائیں گے اس کے بارے میں فی الحال ابھی نہیں بتا سکتےایم ڈبلیو ایم کے ساتھ ہمارا پورا اتحاد رہا ہے ، ایسی جماعت کے ساتھ جائیں گے جو ریزرو سیٹیوں کا کوٹا کلیم کر سکے۔
مجلس وحدت المسلمین کی عمران خان کی غیر مشروط حمایت کا اعلان
انہوں نے کہا کہ ہماری پالیسی ہے کہ کسی ریاستی ادارے سے ٹکراو نہیں کریں گے ، ہماری ریاست پر بہت زخم ہیں اس پر مرہم رکھنے کی ضرورت ہے ، اس وقت ملک کو مضبوط حکومت کی ضرورت ہے اور مضبوط حکومت ہی ملک میں استحکام لا سکتی ہےہم سے نیشنل اسمبلی کی 40کے قریب سیٹیں چھینی گئی ہیں ، جس کیلئے پرامید ہیں وہ واپس ملیں گی، ہمارا بیانیہ ہے کہ چوروں اور ڈاکوں کی حکومت نہ بنے،ہم ریاست کے ہر ادارے کےساتھ کھلے دماغ سے بات کرنے کو تیار ہیں ، ہم چاہتے ہیں کہ ایک مضبوط اور مینڈیٹ والی حکومت بنے جو ملک کو آگے لے کر جائے-
