Baaghi TV

Author: Ayesha Rehmani

  • تعیناتیوں کےلیے65 سال تک عمرکی شرط ختم کرنے کی سمری تیار

    تعیناتیوں کےلیے65 سال تک عمرکی شرط ختم کرنے کی سمری تیار

    اسلام آباد: وفاقی حکومت نے اسپیشل پروفیشنل پے اسکلز پرنئی تعیناتیوں کےلیے65 سال تک عمرکی شرط ختم کرنے کی سمری تیارکر لی-

    باغی ٹی وی : ذرائع کے مطابق نئی تعیناتیوں میں عمر کی حد کیلئے تحریک انصاف دور کی پالیسی میں ترامیم کا فیصلہ کرلیا، تعیناتیوں کےلیے65 سال تک عمرکی شرط ختم کرنے کی سمری تیار کرلی گئی ہے اور وزیراعظم نے سمری کی منظوری وفاقی کابینہ سے لینے کی اجازت دے دی،اسپیشل پروفیشنل پے اسکلز پر نئی تعیناتیوں کی راہ ہموار ہوگئی، ترمیم کے ذریعے تعیناتیوں کےلیے عمر کی کوئی بالائی حد نہیں ہوگی اور ترمیم کے تحت 65 سال کی عمر کے بعد نئی تعیناتی ہوسکے گی –

    ذرائع کے مطابق موجودہ تعیناتی میں 65 سال کی عمر کے بعد توسیع کی ترمیم بھی سمری کا حصہ ہے وزیرخزانہ محمد اورنگزیب زیب کی سربراہی میں قائم کمیٹی نے ترامیم تجویز کیں، وزیراعظم شہباز شریف نے وزیر خزانہ کی سربراہی میں یہ کمیٹی قائم کی تھی، وفاقی حکومت نے وفاقی وزارتوں اورڈویژنزکی استعداد کار بڑھانے کا فیصلہ کیا ہے، باصلاحیت پیشہ ور افراد، تکنیکی ماہرین اور کنسلٹنٹس کی خدمات حاصل کی جائیں گی۔

  • فیض آباد کمیشن ایک مذاق تھا، اس رپورٹ کی کوئی وقعت نہیں،خواجہ آصف

    فیض آباد کمیشن ایک مذاق تھا، اس رپورٹ کی کوئی وقعت نہیں،خواجہ آصف

    اسلام آباد: وزیر دفاع خواجہ محمد آصف نے فیض آباد انکوائری کمیشن کی رپورٹ پر تبصرہ کرتے ہوئے کہا ہے کہ یہ رپورٹ نا تو مستند اور نا قابلِ بھروسہ ہے۔

    باغی ٹی وی : نجی ٹی وی سے گفتگو کرتے ہوئے خواجہ محمد آصف نے کہا کہ فیض آباد کمیشن ایک مذاق تھا،اس رپورٹ کی کوئی وقعت نہیں، یہ رپورٹ نا تو مستند اور نا قابلِ بھروسہ ہے،جنرل ریٹائرڈ فیض اور جنرل ریٹائرڈ باجوہ تو کمیشن کے سامنے پیش ہی نہیں ہوئے، صرف مجھ جیسے سیاسی ورکرز پیش ہوئے کمیشن کے سامنے جا کر احساس ہوا کہ یہاں کوئی سنجیدگی نہیں، آنا ہی نہیں چاہیے تھا، فیض آباد دھرنا کمیشن گریبان میں جھانکے کہ انہوں نے فرض نبھایا کہ نہیں نبھایا۔

    واضح رہے کہ فیض آباد دھرنا انکوائری کمیشن نے سابق ڈی جی آئی ایس آئی فیض حمید کو کلین چٹ دے دی 3 رکنی انکوائری کمیشن کی رپورٹ کے مطابق اُس وقت کے آرمی چیف نے فیض حمید کو معاہدے کی اجازت دی تھی ، سابق ڈی جی آئی ایس آئی فیض حمید کے دستخط پر وزیراعظم شاہد خاقان، وزیر داخلہ احسن اقبال نے بھی اتفاق کیا تھا۔

  • نو مسلم جنوبی کورین پاپ سنگر، داؤد کم کا کوریا مسجد بنانے کا اعلان

    نو مسلم جنوبی کورین پاپ سنگر، داؤد کم کا کوریا مسجد بنانے کا اعلان

    جنوبی کوریا کے نو مسلم مشہور پاپ سنگر،اداکار اور یو ٹیوبر داؤد کم نے کوریا مسجد بنانے کا اعلان کیا ہے-

    باغی ٹی وی: جنوبی کوریا سے تعلق رکھنے والے عالمی شہرت یافتہ سنگر اور یوٹیوبر داؤد کم نے سوشل میڈیا پر زمین خرید لی ہے اور اب جلد تعمیر کا ارادہ بھی رکھتے ہیں، سنگر داؤد کم نے زمین اور اس کے معاہدے کی تصاویر شئیر انسٹاگرام پر شئیر کرتے ہوئے لکھا کہ آخر کار آپ سب کی مدد سے مسجد کی تعمیر کا معاہدہ کرلیامجھے یقین نہیں آرہا اس زمین پر اب جلد ایک مسجد بن جائے گی اس سلسلے میں بہت سی مشکلات کا سامنا کرنا پڑا لیکن مجھے یقین تھا کہ میں یہ کام کرلوں گا،مسجد کے ساتھ کورین شہریوں کو دین کی دعوت دینے کے لیے اسلامک پوڈ کاسٹ اسٹوڈیو بھی بنایا جائے گا جنوبی کوریا کی ہر گلی میں اذان کی خوبصورت آواز گونجنے تک میں جدوجہد جاری رکھوں گا اور مجھے عمارت کو مکمل کرنے کے لیے مالی مدد کی ضرورت ہے اگر آپ مدد کرنا چاہتے ہیں، تو براہ کرم عطیہ کریں-

    واضح رہے کہ گلوکار داؤد کم نے 2019 میں اسلام قبول کیا تھا، داؤد کم نے 2022 میں رمضان المبارک کے دوران عمرے کی سعادت حاصل کی تھی۔

  • آرمی چیف سے سعودی وزیرخارجہ کی ملاقات

    آرمی چیف سے سعودی وزیرخارجہ کی ملاقات

    اسلام آباد: سعودی عرب کے وزیرخارجہ شہزادہ فیصل بن فرحان السعود نے آرمی چیف جنرل سید عاصم منیر سے ملاقات کی –

    باغی ٹی وی :آئی ایس پی آر کے مطابق ملاقات میں باہمی دلچسپی اور مختلف شعبوں میں دوطرفہ تعاون بڑہانے کے لئے پالیسیوں پر بات کی گئی، معزز مہمان نے دونوں اقوام کے تعلقات کی تزویراتی نوعیت پر زور دیا،ملاقات میں سعودی وزیرخارجہ کے وفد کے اراکین بھی شامل تھے۔

    آئی ایس پی آر کے مطابق سعودی وزیرخارجہ نے جاری دوطرفہ تعلقات کو مزید مضبوط بنانے کے لئے بہت سے شعبوں میں تعاون کو سراہا ، جبکہ آرمی چیف نے بھی پاکستان اورسعودی عرب کے مثالی تعلقات کوسراہا،آرمی چیف کی سعودی وفدکوہرممکن تعاون کی یقین دہانی کروائی جبکہ آ رمی چیف کی دونوں ملکوں کےعوام میں بھائی چارے کی تعریف بھی کی ۔

  • کامران ٹیسوری کی تبدیلی کی بازگشت،کون ہوگا نیا گورنر سندھ؟

    کامران ٹیسوری کی تبدیلی کی بازگشت،کون ہوگا نیا گورنر سندھ؟

    کراچی: گورنرسندھ کامران ٹیسوری کی تبدیلی کی بازگشت جاری ہے، ذرائع کا کہنا ہے کہ کامران ٹیسوری کو جلد ہٹا دیا جائے گا جبکہ جسٹس (ر)مقبول باقر کو گورنرسندھ بنائے جانے کا امکان ہے –

    باغی ٹی وی : اس حوالے سے میڈیا سے بات کرتے ہوئے جسٹس (ر)ب مقبول باقر کا کہنا تھا کہ فی الحال معلوم نہیں تاہم لوگ فون کرکے بتارہے ہیں کہ میں گورنربن گیاہوں، سب مبارکباد دے رہےہیں، سرکاری سطح پرمجھ سے کوئی رابطہ نہیں کیاگیا، اگر میرے گورنر بننے کا باضابطہ اعلان ہوتومٹھائی لےآئیے گا۔

    واضح رہے کہ جسٹس ریٹائر ڈمقبول باقر سندھ کے نگران وزیر اعلیٰ بھی رہ چکے ہیں۔

  • روسی صدر کا ایرانی ہم منصب سے ٹیلیفونک رابطہ

    روسی صدر کا ایرانی ہم منصب سے ٹیلیفونک رابطہ

    ماسکو : روسی صدر نے ایرانی ہم منصب سے ٹیلیفونک رابطہ کیا-

    باغی ٹی وی: روسی صدر پیوٹن نے ایرانی ہم منصب سے رابطہ کیا تھا گفتگو میں ایران اور اسرائیل کے درمیان کشیدگی پر بات چیت ہوئی روسی صدر پیوٹن نے ایرانی ہم منصب کوتحمل سے کام لینے پر زور دیا، روسی صدر نے کہا کہ وسیع تر تنازعہ خطے کے لیے تباہ کن ہوگا، امید ہے دونوں فریق تحمل کا مظاہرہ کریں گے،جس پر ایرانی صدر کا کہنا تھا کہ اسرائیل پر ایران کےحملے محدود تھے، ایران کا مقصد کشیدگی کو مزید ہوا دینا نہیں ہے۔

    دوسری جانب چینی صدر نے ایرانی وزیر خارجہ سےرابطہ کیا،ایرانی وزیرخارجہ امیر عبداللہیان نے شام کے شہر دمشق میں ایرانی سفارت خانے کے قونصلر سیکشن پر حملے سے ایرانی مؤقف سے وانگ کو آگاہ کرتے ہوئے کہا کہ اقوام متحدہ کی سلامتی کونسل نے اس حملے کے بعد ضروری ردعمل نہیں دیا اور ایران کو اپنی خودمختاری کی خلاف ورزی پر جوابی کارروائی کا حق حاصل ہے۔

    امیر عبداللہیان نے خطے کی موجودہ صورتحال کو انتہائی حساس قرار دیتے ہوئے کہا کہ ایران تحمل کا مظاہرہ کرنے کو تیار ہے اور صورتحال کو مزید خراب کرنے کا کوئی ارادہ نہیں رکھتا ایران غزہ میں فوری جنگ بندی کا مطالبہ کرتا ہے اور جنگ بندی، علاقائی امن کی بحالی اور علاقائی ممالک کے درمیان تعاون مضبوط بنانے میں چین کی فعال کوششوں کی حمایت کرتا ہے اور وہ ایران ۔ چین تعاون میں مزید پیشرفت کے لئے چین کے ساتھ کام کرنے کا خواہاں ہے۔

    چینی وزیرخارجہ وانگ یی نے کہا کہ چین دمشق میں ایرانی سفارت خانے کے قونصلر سیکشن پر حملے کی شدید مذمت اور اس کی سختی سے مخالفت کرتا ہے اور اسے عالمی قانون کی سنگین خلاف ورزی اور ناقابل قبول قراردیتا ہے چین نے ایران کے اس بیان کا خیرمقدم کیا ہے کہ اس کی کارروائی محدود تھی اور یہ شام میں ایرانی قونصل خانے پر حملے کا جوابی ردعمل تھا چین علاقائی اور ہمسایہ ممالک کو نشانہ نہ بنانے ، اچھے ہمسائے اور دوستانہ پالیسی پر مسلسل عمل پیرا ہونے کے ایرانی اعادہ کو سراہتا ہے۔

    انہوں نے کہا کہ یہ باور کیا جاتا ہے کہ ایران اپنی خودمختاری اور وقار کا تحفظ کرتے ہوئے صورتحال کو اچھی طرح سنبھال سکتا اور خطے کو مزید افراتفری سے بچا سکتا ہے موجودہ صورتحال غزہ میں بڑھتی کشیدگی کا نتیجہ ہے اب اہم کام سلامتی کونسل کی قرارداد 2728 پر جلد از جلد عمل درآمد کرنا، جنگ بندی کا حصول ، غزہ میں لڑائی کا خاتمہ ، شہریوں کو مؤثر طریقے سے تحفظ فراہم کرنا اور انسانی بحران کو مزید بڑھنے سے روکنا ہے۔

  • لاہور، کراچی اور اسلام آباد ائیر پورٹس کو آؤٹ سورس کرنے کا فیصلہ

    لاہور، کراچی اور اسلام آباد ائیر پورٹس کو آؤٹ سورس کرنے کا فیصلہ

    اسلام آباد: حکومت نے لاہور، کراچی اور اسلام آباد تینوں ائیر پورٹس کو آؤٹ سورس کرنے کا فیصلہ کر لیا-

    باغی ٹی وی : اس حوالے سے وزیر دفاع خواجہ آصف نے اپنے ٹوئٹ میں جاری بیا ن میں کہا کہ ہمارا ہدف لاہور، کراچی اور اسلام آباد تینوں ائیر پورٹس کو آؤٹ سورس کرنا ہے اسلام آباد مئی کے وسط تک تیار ہو جائے گا، جبکہ دونوں ائیر پورٹس بھی جلد آؤٹ سورس کر دیئے جائیں گے،پی آئی اے کو ہی یورپی یونین اور برطانیہ سے کلیئر کر دیا جائے گا جبکہ پرانے طرز کی ویزا پالیسی کو بھی تبدیل کیا جائے گا۔

    وزیر دفاع نے لکھا کہ ہم ہوٹل کے کاروبار میں نہیں آنا چاہتے اس لئے نجی شعبے کو اس کا خیال رکھنے دیا جائے گا خواجہ آصف نے یقین دلایا کہ وہ عوام کے مسائل سے پوری طرح واقف ہیں جلد ہی ان کو حل کر لیا جائے گا۔

  • مشتاق احمدبنگلہ دیش کے نئےاسپن بولنگ کوچ مقرر

    مشتاق احمدبنگلہ دیش کے نئےاسپن بولنگ کوچ مقرر

    کراچی: بنگلہ دیش نے پاکستان کے سابق لیگ اسپنر مشتاق احمد کو اپنا نیا اسپن بولنگ کوچ مقرر کردیا۔

    باغی ٹی وی : بنگلہ دیشی کرکٹ بورڈ کی جانب سے منگل کو جاری بیان میں کہا گیا کہ مشتاق احمد اپریل کے آخر میں زمبابوے کے خلاف ٹی ٹوئنٹی سیریز کے لیے ٹیم کی کوچنگ شروع کریں گے،مشتاق احمد رواں سال ستمبر میں ویسٹ انڈیز اور امریکا میں شیڈول آئی سی سی ٹی ٹوئنٹی ورلڈ کپ کے اختتام تک بنگلہ دیشی ٹیم کے ساتھ کام کریں گے-

    مشتاق احمد نے بی سی بی کی جانب سے جاری کردہ ایک بیان میں کہا کہ بطور اسپن بولنگ کوچ بنگلا دیش کرکٹ ٹیم کا حصہ بننا میرے لیے بڑے اعزاز کی بات ہے، وہ ٹیم کے ساتھ کام کرنے کیلئے بہت پرجوش ہیں، بنگلہ دیشی ٹیم کسی کو بھی شکست دے سکتی ہے کیونکہ ان کے پاس صلاحیت، وسائل اور ٹیلنٹ ہے، میں ان میں یقین پیدا کرنے کی کوشش کروں گا-

    واضح رہے کہ سابق لیگ اسپنر مشتاق احمد اس سے قبل پاکستان سمیت متعدد انٹرنیشنل ٹیموں کی کوچنگ کرچکے ہیں، جن میں انگلینڈ اور ویسٹ انڈیز شامل ہیں ،انہوں نے ٹی 20 لیگز میں بھی کوچنگ کے فرائض انجام دیئے ہیں،مشتاق احمد نے پاکستان کے لیے 52 ٹیسٹ اور 144 ون ڈے میچز کھیلے ہیں۔

  • بلوچستان میں بدھ سے شدید بارشوں کی پیشگوئی

    بلوچستان میں بدھ سے شدید بارشوں کی پیشگوئی

    اسلام آباد: محکمہ موسمیات نےبلوچستان میں بدھ سے شدید بارشوں کی پیشگوئی کی ہے،جبکہ پنجاب کے بیشتر اضلاع میں موسم خشک رہے گا-

    باغی ٹی وی: محکمہ موسمیات کے مطابق بلوچستان کے علاوہ ملک کے دیگرعلاقوں میں مطلع جزوی طورپر ابرآلودرہنے کا امکان ہے 17 اپریل سے بلوچستان کے مختلف علاقوں میں تیز بارش ہوسکتی ہے جس کے باعث کیچ، گوادر، آوران، خاران، پنجگور، نوشکی قلات سمیت مختلف علاقوں میں ندی نالوں میں طغیانی کا خطرہ ہے۔

    بلوچستان کے علاقوں گوادر، کیچ، آواران، چاغی، خاران، پسنی ،اورماڑہ، لسبیلہ، خضدار، قلات، نوشکی، جھل مگسی، نصیر آباد، سبی، کوہلو، ڈیرہ بگٹی، لورالائی، ہرنائی، کوئٹہ، زیارت، چمن،پشین،قلعہ سیف اللہ، مستونگ، شیرانی ،ڑوب، موسیٰ خیل اور بارکھان میں آندھی/جھکڑ چلنے اور گرج چمک کے ساتھ بارش اور بعض مقا مات پر شدید/ موسلادھار بارش اور ڑالہ باری کابھی امکان ہے۔

    کچے کے ڈاکوؤں کو اسلحہ سپلائی کرنے والے 6 اسمگلر زگرفتار

    محکمہ موسمیات کے مطابق ملک کے بیشتر علاقوں میں بدھ کے روز موسم خشک اور مطلع جزوی ابر آلود رہے گا، تاہم بلوچستان میں بیشتر مقامات پر آندھی/جھکڑ چلنے اور گرج چمک کے ساتھ بارش اور بعض مقامات پر موسلادھار بارش / ژالہ باری کابھی امکان ہے،اسی طرح اسلام آباد اور گر دو نواح اور خیبرپختونخواصوبہ کے بیشتر اضلاع میں موسم خشک اور مطلع جزوی ابر آلود رہے گا تاہم شام/رات میں وزیرستان ،ٹانک،بنوں اور کرم میں تیز ہواوں اور گرج چمک کے ساتھ بارش کا امکان ہے –

    پانچویں اور آٹھویں کے سنٹرلایزڈ امتحانات کے نتائج آگئے

    پنجاب کے بیشتر اضلاع میں موسم خشک رہے گا،سندھ میں شام اور رات میں دادو، لاڑکانہ ،جیکب اباد، پڈعیدن ، قمبر شہدادکوٹ ،میرپور خاص،سانگھڑ،جامشورو، حیدر آباد، کراچی میں تیز ہواؤں اور گرج چمک کے ساتھ بارش کا امکان ہے،اسی طرح کشمیر اورگلگت بلتستان میں موسم خشک اور مطلع جزوی ابر آلود رہنے کا امکان ہے۔

    دریائے جہلم میں اسکول کے بچوں سے بھری کشتی ڈوب گئی،4 بچوں سمیت 6 افراد …

  • غزہ میں ہر روز تقریباً 70 بچے زخمی ہو رہے ہیں،یونیسف

    غزہ: بچوں کے لیے کام کرنے والی اقوام متحدہ کی تنظیم یونیسف کا کہنا ہے کہ مقبوضہ فلسطین کے علاقے غزہ میں ہر 10 منٹ میں ایک بچہ جاں بحق یا زخمی ہورہا ہے۔

    باغی ٹی وی : غزہ کا دورہ کرکے واپس آنے والی یونیسف کی کمیونیکیشن اسپیشلسٹ ٹیس انگرام نے جنیوا میں پریس کانفرنس کرتے ہوئے کہا ہے کہ غزہ جنگ بچوں پر بری طرح اثر انداز ہورہی ہے 7 اکتوبر 2023 سے اب تک غزہ میں 12 ہزار سے زائد بچے جاں بحق ہوچکے ہیں، غزہ میں ہر روز تقریباً 70 بچے زخمی ہو رہے ہیں، غزہ سے مریضوں کے انخلا کو بڑھانے اور فوری جنگ بندی کی ضرورت ہے،غزہ کے بچوں کے چہرے مسلسل جنگ کی خوفناک تصویر کی عکاسی کر رہے ہیں، غزہ کے بچوں کو معذوری اور موت سے بچانے کا واحد راستہ پائیدار جنگ بندی ہے۔

    واضح رہے کہ 7 اکتوبر سے غزہ میں جاری اسرائیلی جارحیت میں 33 ہزار فلسطینی شہید ہوچکے ہیں اور شہدا میں 14 ہزار سے زائد بچے شامل ہیں جبکہ زخمی بچوں کی تعداد 12 ہزار سے زائد ہے۔