Author: Ayesha Rehmani

اسلام آباد: وزیر خارجہ اسحاق ڈار نے بھارت سے تجارت کھولنے کا عندیہ دیا ہے-

باغی ٹی وی :لندن میں میڈیا سے گفتگو کرتے ہوئے وزیرخارجہ اسحاق ڈار نے یوم پاکستان کے موقع پر مبارکباد پیش کی اور کہا کہ پاکستان کے کاروباری افراد چاہتے ہیں بھارت کے ساتھ تجارت بحال ہو اور پاکستان بھارت کے ساتھ تجارت کھولنے سے متعلق جائزہ لےگا شہبازشریف کی قیادت میں 16 ماہ کی حکومت ملک کو صرف دیوالیہ ہونے سےبچانے کےلیے تھی اور پاکستان ڈیمو کریٹک موومنٹ (پی ڈی ایم) نے اپنا عہد خوب نبھایا، پی ٹی آئی حکومت جاتے جاتے کہہ کرگئی تھی کہ بارودی سرنگیں بچھا کرجارہے ہیں دنیا میں 24 ویں معیشت کو 47 ویں معیشت بناکر جانے والوں نے پاکستان کا بیڑاغرق کیا۔

ایک سوال کے جواب میں وزیر خارجہ کا کہنا تھا کہ امریکی سفیربانی پی ٹی آئی سے ملنےکے لیے درخواست کرتے ہیں تو فیصلہ عدالت کرے گی، حکومت نہیں پاکستان میں انتخابات سے متعلق ڈونلڈ لو کی گفتگو کوئی نئی بات نہیں، اگردھاندلی ہوئی تو پختونخوا میں ایک پارٹی کو 75 فیصد سیٹیں کیسے ملیں؟ سندھ میں پیپلزپارٹی کو 70 فیصد سیٹیں ملیں، اگر کسی کو انتخابات سے شکایت ہے تو عدالتیں اور ٹربیونل موجود ہیں۔

پاکستان سمیت دنیا بھر میں اہم مقامات اندھیرے میں ڈوب گئے

وزیر خارجہ نے کہا کہ ہمسائےتبدیل نہیں کیے جاسکتے، ہمیں پڑوسیوں کےساتھ ہی رہناہے، افغان وزیر خارجہ امیر خان متقی سے گفتگو کے دوران حملے کی خبر ملی، افغان وزیرخارجہ کو بتایا کہ گل بہادر گروپ حملے کا ذمہ دار ہے، افغانستان نےمعنی خیز ایکشن نہیں لیا تو پاکستان نےگل بہادر گروپ کےخلاف کارروائی کی،،ہم نے بلوچستان میں ہونے والے حملے کا حساب چکا دیا ہے، افغانستان سے حملے کا بھی بھرپور جواب دیا گیا، ہماری فورسز نے کامیاب ری ایکشن دیا، ہم دہشت گردی کے خاتمے کیلئے افغانستان سے تعاون کو تیار ہیں۔

وزیر خارجہ نے بتایا کہ برطانوی وزیرخارجہ ڈیوڈ کیمرون چند ہفتوں میں پاکستان کا دورہ کریں گے، کیمرون آسٹریلیا کے دورے سے واپس آرہے ہیں، پیرکوبرطانوی وزیر خارجہ سے فون پر بات ہوگی۔

ہمیں 15دن قبل ہی فارورڈ بلاک کا علم ہوا ،شیر افضل مروت

برسلز نیوکلیئر کانفرنس میں شرکت سے متعلق اسحاق ڈار نے بتایا کہ پاکستان جوہری توانائی کے محفوظ استعمال سے متعلق اپنے تجربات دنیا کے ساتھ شیئر کرنے کو تیار ہے، پوری دنیا کہہ رہی ہے کہ نیوکلئراور ہائیڈر وانرجی محفوظ توانائی کے حصول کا ذریعہ ہیں، عالمی مالیاتی اداروں کو جوہری توانائی کے منصوبوں سے متعلق تعاون کرنا چاہیے-

اسحاق ڈار نے کہا کہ ترک ہم منصب سے برسلز میں ملاقات ہوئی، ترکیہ کے ساتھ مختلف شعبوں میں تعاون پر بات ہوئی،ہم نے چین کے ساتھ جے ایف 17 بنایا اور ترکی کے ساتھ مل کر بھی ایک جہاز تیار کیا ہے۔ چین کی طرح ترکی بھی پاکستان کے ساتھ کھڑا ہے تمام عالمی فورمز پر پاکستان اور چین اکھٹے ہوتے ہیں، ہم نے چینی وزیراعظم کو پاکستان آنے کی دعوت دی ہے، 16 ماہ کی حکومت میں چین کے ساتھ سی فائیو پروجیکٹ کا معاہدہ ہوا، اس پروجیکٹ کے تحت 3 ہزار800 میگاواٹ بجلی بنائی جارہی ہے۔

خیبرپختونخوا حکومت کا غزہ کے شہریوں کیلئے 10 کروڑ روپے امداد کا اعلان

اسحاق ڈار کا کہنا تھا کہ قدرتی آفات سے پاکستان کو معاشی طور پر نقصان ہوا، ہمیں نیوکلیئر توانائی سے متعلق پالیسی کو آگے بڑھانا ہے، ہم نے پاکستان کو ایک بار پھر ترقی کی راہ پر لانا ہے،ایک سوال کے جواب میں انہوں نے کہا کہ پاکستان کو بجٹ خسارے اور کرنٹ اکاؤنٹ خسارے کے جال سے نکلنے کی ضرورت ہے اقتصادی سفارت کاری حکومت کی اولین ترجیح ہے اور نئے وزیر خزانہ محمد اورنگزیب کے پاس پاکستان کے معاشی مسائل سے نمٹنے کی تمام تر مہارت ہے-

سماجی رابطے کی سائٹ ایکس کی بندش کے حوالے سے کہا کہ ٹوئٹر کی بحالی سے متعلق مسائل حل کرنے کے لیے کردار ادا کروں گا، سوشل میڈیا کے غیر ذمہ دارانہ استعمال کی وجہ سے مسائل پیدا ہوئے، لندن میں سیاسی و کاروباری افراد سے ملاقات میں بھی یہ مسئلہ زیربحث آیا۔

دہشتگردوں نے حملے کے بعد یوکرین کی طرف بھاگنے کی کوشش کی تھی،روسی صدر

اسلام آباد: زمین سے محبت کے اظہار کے لیے پاکستان سمیت دنیا بھر میں ارتھ آور منایا گیا۔

باغی ٹی وی: پاکستان کے مقامی وقت کے مطابق رات ساڑھے 8 بجے سے رات ساڑھے 9 بجے تک ارتھ آور منایا گیا عالمی ارتھ آور مہم کے تحت اسلام آباد میں پارلیمنٹ ہاؤس ، ایوان صدر اور سپریم کورٹ کی عمارتوں کی لائٹیں بند کردی گئیں۔

پاکستان کے علاوہ دنیا کے اہم ترین مقامات گزشتہ کئی برسوں کی طرح اس سال بھی اندھیرے میں ڈوب گئے جب کہ متعدد جگہوں پر مقامی وقت کے مطابق ارتھ آور منایا جائےگا۔

خیال رہےکہ ارتھ آور 2007 میں متعارف کروایا گیا تھا جس کے بعد اسے ہر سال مارچ کے آخر میں ایک مخصوص دن پر منایا جاتا ہے جس کا مقصدکرہ ارض کو ماحولیاتی آلودگی سے بچانےکے حوالے سے شعور اجاگر کرنا ہے،اس کا مقصد لوگوں کو یہ بتانا کہ توانائی کو ضائع نہ کریں خاص طور پر بجلی کی توانائی۔

اسلام آباد: پی ٹی آئی کے رہنما شیر افضل مروت نے کہا ہے کہ ابھی تک لگ بھگ ہمارے 40ایم پی ایز توڑے جا چکے ہیں.ہمیں 15دن پہلے ہی فارورڈ بلاک کا علم ہوا تھا-

باغی ٹی وی: نجی خبررساں ادارے کے پروگرام میں گفتگو کرتے ہوئے شیر افضل مروت نے کہا کہ ہمارے اراکین کو توڑا جارہا ہے، ہمیں 15دن پہلے ہی فارورڈ بلاک کا علم ہوا تھا، یہ ان کے جمہوری اقدار اور اخلاقی اقدار ہے،اسپیکر پنجاب اسمبلی ملک احمد خان کی جانب سے کسی آفر کی مجھے علم نہیں ، اس وقت پنجاب میں ہمیں تنظیمی بحران کا سامنا ہے۔

شیر افضل مروت کا کہنا تھا کہ پاکستان مسلم لیگ ن پی ٹی آئی کے ایم پی ایز کو توڑ رہی ہے، 40 ایم پی ایز کو توڑا جا چکا ہے جبکہ مزید اراکین کیساتھ رابطہ کیا جارہا ہے، پنجاب کے معاملات کا سابق چیئرمین پی ٹی آئی کو ادارک ہے، یہ تحریک انصاف کو مزید کمزور کرنے کی کوشش کریں گے۔

اسلام آباد: مسلم لیگ ن پنجاب کے صدر اور سابق وزیر داخلہ رانا ثنا اللہ کا کہنا ہے کہ بانی پی ٹی آئی اپنی مخصوص سیاست سے الگ ہوجائیں تو معاملات ٹھیک ہوجائیں گے-

باغی ٹی وی : نجی ٹی وی کے پروگرام میں گفتگو کرتے ہوئے رانا ثنا اللہ کا کہنا تھا کہ بانی پی ٹی آئی کی سوچ ’’کسی کو نہیں چھوڑوں گا‘‘والی نہ ہوتی تو آج وہ حکومت میں ہوتے، تحریک انصاف کی سیاست بھی عمران خان کی سوچ کی ارد گرد گھومتی ہے، بانی پی ٹی آئی اپنی مخصوص سیاست سے الگ ہوجائیں تو معاملات ٹھیک ہوجائیں گے، پیپلزپارٹی ہم سے پہلے پی ٹی آئی سے اتحاد کرنا چاہتی تھی لیکن بانی تحریک انصاف کسی کا وجود تسلیم کرنے کے لیے تیار نہیں ہیں۔

انہوں نے کہا کہ پاکستانی معیشت کو 24 ویں سے 47 ویں نمبر پر لے جانیوالے عوام کے دشمن ہیں ، ان کی ناقص پالیسیوں کی وجہ سے مہنگائی آسمان پر پہنچ، ہم نے روڈ میپ دے دیا ہے امید ہے کہ دسمبر2025 تک مہنگائی میں 10 فیصد کمی ہو جائے گی۔

موسمیاتی تبدیلیوں کے باعث پاکستان کو سالانہ اربوں ڈالر کا نقصان

ریٹیلرز اور ہول سیلرز کی رجسٹریشن کرکےایڈوانس انکم ٹیکس وصول کیاجائےگا،ایف بی آر

اسلام آباد: ٹرانسپیرنسی انٹرنیشنل پاکستان کی ایک رپورٹ کے مطابق موسمیاتی تبدیلیوں کے باعث رونما ہونے والے واقعات سے پاکستان کو سالانہ 4ارب ڈالر کا نقصان ہو رہا ہے۔

باغی ٹی وی : "پروپاکستانی” کے مطابق ٹرانسپیرنسی انٹرنیشنل پاکستان کی طرف سے بتایا گیا ہے کہ پاکستان موسمیاتی تبدیلیوں سے سب سے زیادہ متاثر ہونے والے 10ممالک میں شامل ہے مگر یہ سب سے زیادہ کلائمیٹ فنانس حاصل کرنے والے ممالک میں شامل نہیں ہے۔

ٹرانسپیرنسی انٹرنیشنل پاکستان کی طرف سے اپنی رپورٹ میں کہا گیا ہے کہ پاکستان میں موسمیاتی تبدیلیوں سے متعلق اداروں کو کلائمیٹ چینج ایکٹ 2017ءکے تحت بااختیار بنانے اور متحرک کرنے کی ضرورت ہے، اس کے علاوہ پاکستان کی قومی اور صوبائی کلائمیٹ پالیسیوں میں موجود فرق کو ختم کرنے کی ضرورت ہےوفاق اور صوبے اپنی پالیسیوں میں ہم آہنگی لا کر زیادہ بہتر طور پر موسمیاتی تبدیلیوں سے نبٹ سکتے ہیں۔

پاکستانی ہائی کمیشن نئی دہلی میں یوم پاکستان کی پُر وقار تقریب

ورلڈ بینک کی پاکستان کیلئے14 کروڑ 97 لاکھ ڈالر قرض کی منظوری

پاکستانی ہائی کمیشن نئی دہلی میں یوم پاکستان کی پُر وقار تقریب