Author: Ayesha Rehmani

واشنگٹن: نکی ہیلی ری پبلکن پارٹی کی جانب سے امریکی صدارتی امیدوار بننے کی دوڑ سے دستبردار ہوگئیں۔

باغی ٹی وی : امریکی میڈیا کے مطابق نکی ہیلی نے سابق امریکی صدر ڈونلڈ ٹرمپ کو بطور صدارتی امیدوار توثیق کرنے سے گریز کیا کہا کہ ڈونلڈ ٹرمپ کو میرا ساتھ دینے والوں کی حمایت لازمی حاصل کرنا ہوگی۔

واضح رہے کہ پہلے سُپر ٹیوز ڈے میں ڈونلڈ ٹرمپ ری پبلکن پارٹی کے صدارتی امیدوار بن کر سامنے آگئے ہیں، نومبر میں ہونے والے امریکا کے صدارتی انتخابات میں ڈونلڈ ٹرمپ اور جو بائیڈن ایک بار پھر آمنے سامنے ہوں گے۔

روئٹرز کے مطابق ساؤتھ کیرولینا کی سابق گورنر اور ٹرمپ کے دور صدارت میں اقوام متحدہ کے لیے امریکی سفیر رہنے والی نکی ہیلی نے ری پبلکن کے امیدواروں کی نامزدگی کے لیے ہونے والی انتخاب میں 15 میں سے 14 ریاستوں میں ٹرمپ سے شکست کے بعد چارلسٹن میں خطاب کے دوران اعلان کیا، نکی ہیلی نے کہا کہ اب وقت آگیا ہے کہ میں اپنی انتخابی مہم معطل کردوں، مجھے کوئی افسوس نہیں ہے۔

ہم جنس پرست یہودی صحافی، وکیل اور مصنف،گلن گرین والڈ

انہوں نے کہا کہ متوقع طور پر ٹرمپ ہی ری پبلکن کے امیدوار ہوں گے لیکن ان کی توثیق نہیں کی گئی ہے، اب یہ ٹرمپ پر منحصر ہے کہ وہ ہماری پارٹی کے اندر اور باہر حمایت حاصل کریں اور مجھے امید ہے وہ ایسا کرپائیں گے۔

نکی ہیلی نے خارجہ امور کے تجربے کی بنیاد پر کہا کہ یہ ضروری ہے کہ امریکا عالمی سطح پر قیادت جاری رکھے، اسی طرح ہیلی اپنی مہم کے دوران مسلسل کہتی رہی ہیں کہ امریکا کو روس کے خلاف یوکرین کی مدد کرنی چاہیے تاکہ وہ اپنا دفاع کرسکے جبکہ ٹرمپ کا مؤقف اس کے برخلاف ہے۔

ڈاکٹر عبدالقدیر خان کے ٹرسٹ کو ہتھیانے اور فنڈز میں خرد برد کا انکشاف

یوکرین کے حوالے سے نکی ہیلی کا کہنا تھا کہ ہم مزید پیچھے ہٹتے ہیں تو مزید جنگ ہوگی اور اس سے کم کچھ نہیں ہوگا، دوسری جانب ٹرمپ کی مہم کے پریس سیکریٹری کیرولین لیویٹ نے کہا کہ وہ امیگریشن، معیشت، خارجہ پالیسی جیسے امور پر توجہ مرکوز رکھیں گے۔

خیال رہے کہ نکی ہیلی نے ٹرمپ سے کسی بھی ری پبلکن امیدوار کے مقابلے میں زیادہ مزاحمت کی لیکن وہ کسی مرحلے پر بھی سنجیدہ خطرہ نہ بن سکیں اور متعدد مجرمانہ مقدمات کے باوجود پارٹی میں اپنی حمایت برقرار رکھا ہوا ہے۔

پاکستان اور بھارت کے درمیان پُرامن اور تعمیری تعلقات دیکھنا چاہتے ہیں،امریکا

یمن: حوثیوں نے بحیرہ احمر میں مغربی ملک کے ایک جہاز کو میزائل حملے سے نشانہ بنایا، جس کے نتیجے میں عملے کے 2 ارکان ہلاک اور 6 زخمی ہوگئے۔

باغی ٹی وی :” اے ایف پی” کی رپورٹ کے مطابق امریکی عہدیداروں نے بتایا کہ بحیرہ احمر میں خلیج عدن میں حوثیوں کے میزائل حملے میں عملے کے دو افراد ہلاک ہوگئے ہیں، حوثیوں نے آج معصوم شہریوں کو قتل کیا اور رپورٹ ہے کہ دو افراد ہلاک اور عملے کے 6 افراد زخمی ہوگئے ہیں اور جہاز چھوڑ دیا، میزائل حملے سے بارباڈوس کا جہاز کو بڑا نقصان پہنچا، یہ حوثیوں کی جانب سے گزشتہ دو روز کے دوران ہونے والا بلیسٹک میزائل کا پانچواں حملہ ہے، ان میں سے دو حملوں میں مال بردار جہاز کو نشانہ بنایا گیا ہے اور تیسرا میزائل امریکی اہل کاروں نے مار گرایا تھا۔

برطانیہ کی میری ٹائم ٹریڈ آپریشنز ایجنسی نے بھی رپورٹ کیا ہے کہ بدھ کو ہونے والے حملے میں بارباڈوس کے بحری جہاز کو نشانہ بنایا گیا اور اس کے نتیجے میں نقصان پہنچا ہے تاہم حملے کے حوالے سے تفصیلات نہیں بتائیں۔

پاکستان اور بھارت کے درمیان پُرامن اور تعمیری تعلقات دیکھنا چاہتے ہیں،امریکا

واضح رہے کہ ایرانی حمایت یافتہ حوثیوں کی جانب سے بحیرہ احمر سے گزرنے والے غیرملکی جہازوں کو نشانہ بنایا جا رہا ہے، میزائل اور ڈرونز سے نشانہ بنایا جاتا رہا ہے لیکن پہلی مرتبہ ہلاکتوں کی رپورٹ سامنے آئی ہے۔

ڈاکٹر عبدالقدیر خان کے ٹرسٹ کو ہتھیانے اور فنڈز میں خرد برد کا انکشاف

لندن:برطانیہ میں نئے مالی سال کیلئے بجٹ پیش کردیا گیا، بجٹ میں پہلی اور دوسری جنگ عظیم میں برطانیہ کیلئے قربانیاں دینے والے مسلمانوں کی یادگار کیلئے 10 لاکھ پاؤنڈ مختص کرنے کا اعلان کیا گیا۔

باغی ٹی وی : برٹش میڈیا کے مطابق چانسلرجیریمی ہنٹ نے اپنی تقریر کا آغاز پہلی اور دوسری جنگ عظیم میں برطانیہ کیلئے قربانیاں پیش کرنے والے مسلمانوں کو خراج عقیدت پیش کرتے ہوئے کیا،اپنی بجٹ تقریر میں چانسلر جیریمی ہنٹ نے پہلی اور دوسری جنگ عظیم کے دوران برطانیہ کیلئے قربانیاں دینے والے مسلمانوں کی یادگار بنانے کیلئے 10 لاکھ پاؤنڈ مختص کرنے کا اعلان بھی کیا۔

چانسلرجیریمی ہنٹ کی جانب سے پیش کیے گئے نئے مالی سال کے بجٹ میں برطانیہ میں ٹیکس کٹوتی، فیول ڈیوٹی منجمد، ویپس پر نئی لیوی اور تمباکو پر ٹیکس بڑھا دیا گیا ہے جبکہ بزنس کلاس مسافروں پر ائیرپیسنجر ڈیوٹی میں بھی اضافہ کیا گیا ہے۔

ہم جنس پرست یہودی صحافی، وکیل اور مصنف،گلن گرین والڈ

نئے بجٹ میں پراپرٹی کیپیٹل گین ٹیکس کو 28 سے 24 فیصد کیا گیا ہے جبکہ نیشنل انشورنس میں 2 پنس کٹوتی کے ساتھ بچت کرنے والوں کیلئے نیو برٹش آئی ایس اے کا اعلان کیا گیا ہے،اس کے علاوہ برطانیہ میں سرمایہ لگانے پر 5 ہزار پاؤنڈ ٹیکس فری الاؤئنس، ہاؤسنگ سپورٹ فنڈز 31 مارچ کے بعد بھی چھ ماہ تک فراہم کیا جائے گا۔

رمضان المبارک کا چاند دیکھنے کے لیے مرکزی رویت ہلال کمیٹی کا اجلاس طلب

شاعرہ اور افسانہ نگار نیر رانی شفق

واشنگٹن: امریکا نے بھارتی وزیراعظم کی شہبازشریف کو مبارکباد کا خیرمقدم کیا ہے۔

باغی ٹی وی: امریکی محکمہ خارجہ نے پاکستان اور بھارت کے درمیان مذاکرات شروع کرانے کے حوالے سے کہا ہے کہ پاک بھارت مذاکرات کا خیرمقدم کرینگے، فیصلہ دونوں ملکوں نے کرنا ہے۔

ترجمان امریکی محکمہ خارجہ میتھیو ملر نے پریس بریفنگ میں کہا کہ امریکا بھارت اور پاکستان کے ساتھ اپنے تعلقات کو قدر کی نگاہ سے دیکھتا ہے، پاکستان اور بھارت کے درمیان پُرامن اور تعمیری تعلقات دیکھنا چاہتے ہیں-

رمضان المبارک کا چاند دیکھنے کے لیے مرکزی رویت ہلال کمیٹی کا اجلاس طلب

پاک بھارت مذاکرات کے حوالے سے ترجمان نے کہا کہ پاکستان اور بھارت کے درمیان پُرامن بات چیت کا خیرمقدم کریں گے، بات چیت کی رفتار اور کردار کا تعین پاکستان اور بھارت نے خود کرنا ہے،امریکا میں سکھ رہنما پر قاتلانہ حملے میں ملوث بھارتی کردار پر ترجمان نے کہا کہ اس معاملے سے متعلق ابھی تحقیقات جاری ہیں۔

اڈیالہ جیل بڑی تباہی سے بچ گئی، 3 دہشتگرد گرفتار

وزیراعظم نے پی آئی اے کی نجکاری پر عمل درآمد کیلئے حتمی شیڈول طلب …