اسلام آباد: چیئرمین پاکستان تحریک انصاف (پی ٹی آئی) بیرسٹر گوہر اور بیرسٹر علی ظفر نے کہا ہے کہ بانی پی ٹی آئی عمران خان تین حلقوں سے الیکشن لڑیں گے۔

باغی ٹی وی: میڈیا سے گفتگو کرتے ہوئے بیرسٹر علی ظفر نے کہا کہ کاغذات نامزدگی جمع کرانے سے روکنا جمہوری عمل نہیں ہے، بانی پی ٹی آئی میانوالی،لاہور اور اسلام آبادسے الیکشن لڑیں گے،کارکنوں کو ہدایات کردی گئی ہیں کہ اپنے کاغذات فائل کر دیں، امیدوا رو ں کیلئے جیل میں موجود پی ٹی آئی رہنماؤں کو ترجیح دی جائے گی۔

بیرسٹر گوہر نے کہا کہ ہم فری اینڈ فیئر الیکشن چاہتے ہیں، ہمارا کوئی مطالبہ ایسا نہیں کہ الیکشن کمشنر استعفیٰ دیں، ہم بار بار کہہ رہے ہیں لیکن ہمیں کنونشن کرنے نہیں دے رہے، اگر 25 کروڑ عوام کے حقوق پر ڈاکا ڈالا جارہا ہے تو چیف جسٹس کو اپنا کردار ادا کرنا چاہیے،ہم 8 فروری کو ہر صورت میں الیکشن چاہتے ہیں، انشاءاللہ پارٹی ٹکٹ کا فیصلہ جلد ہو جائے گا۔

سائفر کیس :عمران خان نےان کیمرا سماعت کا ٹرائل کورٹ کا حکم چیلنج کردیا

چئیرمین پی ٹی آئی نے کہا کہ بانی تحریک انصاف عمران خان تین حلقوں سے الیکشن لڑیں گے جس میں میانوانی، لاہور اور اسلام آباد کے حلقوں سے اُن کے کاغذات نامزدگی جمع کروائیں گے نواز شریف امپائرکے ساتھ مل کر کھیلتے ہیں، اس دفعہ ہمارے امیدواروں کو میدان میں ہی اترنے نہیں دیا جارہا، ہمارے لوگوں سے کاغذات نامزدگی چھینے جارہے ہیں، اڈیالہ جیل میں شاہ محمود کے سیکرٹری سے ان کےکاغذات نامزدگی چھینےگئے۔

انتخابات وقت پر ہونا ہی فعال جمہوریت کی نشانی ہے،سپریم کورٹ

علی گوہرنے کہا کہ بانی پی ٹی آئی سے کل کاغذات نامزدگی پر دستخط کرائیں گے، مجھے آج جیل میں سادہ کاغذ لے جانے کی اجازت نہیں دی گئی، خدشہ ہے اگر ہمارے لوگوں کو روکا گیا تو حالات خراب ہوجائیں گے اور ہم نہیں چاہتے حالات خراب ہوں جبکہ ٹکٹوں سے متعلق بانی پی ٹی آئی سے مشاورت چل رہی اس میں مزید وقت لگ سکتا ہے۔

حسان نیازی کا عام انتخابات میں حصہ لینے کا فیصلہ،لاہور ہائیکورٹ میں درخواست دائر

اسلام آباد: عمران خان نے سائفر کیس کی ان کیمرا سماعت کا ٹرائل کورٹ کا حکم چیلنج کردیا۔

باغی ٹی وی: عمران خان کی طرف سے بیرسٹر سلمان اکرم راجہ نے اسلام آباد ہائیکورٹ میں درخواست دائر کی جس میں کہا گیا ہے کہ سائفر عدالت کا 14 دسمبرکا حکم نامہ اسلام آبادہائیکورٹ کے 21 نومبر کے فیصلےکی خلاف ورزی ہے، عدالت نے اپنے حکم میں سائفرکیس کی رپورٹنگ پربھی پابندی عائد کردی جو خلاف آئین ہے۔

درخواست میں مزید کہا گیا ہےکہ بانی پی ٹی آئی نے بطور وزیراعظم اپنی آئینی ذمہ داری پوری کی، انصاف کو صرف ہونا نہیں بلکہ ہوتا دکھائی دینا چاہیے اس لیے انصاف کے تقاضے پورےکرنے کے لیے عوام اور میڈیا کی موجودگی میں اوپن ٹرائل ضروری ہے۔

درخواست میں استدعا کی گئی ہےکہ ٹرائل کورٹ کا 14دسمبر کا فیصلہ کالعدم قرار دیا جائے اور اس درخواست کے فیصلے تک ٹرائل کورٹ کو مزید کارروائی سے روکا جائے۔

سارہ انعام کیس، شاہنواز امیر نے سزائے موت کیخلاف اپیل کر دی

دوسری جانب اسلام آباد ہائیکورٹ نے سائفر کیس میں ٹرائل کورٹ کے آرڈر کیخلاف بانی پی ٹی آئی عمران خان کی درخواست پر ایف آئی اے کو نوٹس جاری کر دیا ، بانی پی ٹی آئی کے وکیل کو فرد جرم عائد کرنے کے عدالتی حکمنامے کیخلاف درخواست پر رجسٹرار آفس کے اعتراضات دور کرنے کی ہدایت کی-

وکیل درخواست گزار نے کہا کہ رجسٹرار آفس کا اعتراض ہے کہ درخواست میں استدعا ٹھیک نہیں کی گئی، جسٹس میاں گل حسن نے کہا کہ آپ اپنے آپ کو عبوری حکم کیخلاف استدعا تک محدود رکھیں،اب میں ہر اعتراض کو تو دور نہیں کر سکتا۔

اسلام آباد ہائیکورٹ کے جسٹس میاں گل حسن نے کہا کہ اس پر تو درخواست نامکمل ہونے کا اعتراض بھی لگا ہےآپ اس کو دیکھیں، عدالت نے بانی پی ٹی آئی کی درخواست پر ایک اعتراض ختم کرتے ہوئے وکیل کو ہدایت کی کہ باقی اعتراض دیکھ کر ان کو ختم کریں۔

تااحیات نااہلی کا معاملہ،سماعت کیلئے سات رکنی لارجر بینچ تشکیل

واضح رہےکہ سائفر کیس کی خصوصی عدالت نے کیس کی کارروائی پرنٹ، الیکٹرانک اور سوشل میڈیا پر نشر کرنے پر مکمل پابندی عائد کررکھی ہے جب کہ عمران خان نے اڈیالہ جیل میں چلنے والے سائفر کیس کو اسلام آباد ہائیکورٹ میں چیلنج کررکھا ہے۔

میڈیا پر حلقہ بندیوں کے حوالے سے چند غلط فہمیاں پھیلائی جا رہی ہیں ۔

باغی ٹی وی : الیکشن ایکٹ 2017 اور رولز کے تحت حلقہ بندیوں کے اصول واضح ہیں جس کی تفصیل درج ذیل ہے ۔
1۔ الیکشن رولز 8(1)کے تحت صوبہ کی آبادی کوآئین کے آرٹیکل 106،51کےتحت صوبہ کے لئے مختص سیٹوں پر تقسیم کیا جاتا ہے تو ہر سیٹ کے کوٹہ کا تعین ہو جاتا ہے ۔

2۔ دوسرے مرحلہ میں اضلاع کی سیٹیوں کے تعین کے لئے رولز 8(2) کے تحت نکالے گئے کوٹہ کو ضلع کی آبادی پر تقسیم کیا جاتا ہےجس سے اس ضلع کی سیٹیں مقرر ہو جاتی ہیں اس میں کسی ضلع کو اگر مکمل سیٹیں دینے کے بعد بقایا آبادی 0.5 سے کم رہ جاتی ہو تو اس کو نظر انداز کیا جاتا ہے ، اگر آبادی 0.50 سے زیادہ ہو تو اسے ایک سیٹ دے دی جاتی ہے مثلاً اگر کسی ضلع کی آبادی کے مطابق اس کی سیٹوں کا حصہ 4.49 بنتا ہے تو اسکو 4سیٹیں دی جاتی ہے ، اگر اس کی سیٹوں کا حصہ 4.52 بنتا ہے تو وہ ضلع 5سیٹیں لتیا ہے بشرطیکہ کوئی اور ضلع موجو د نہ ہو جس کی Fraction اس سے زیادہ ہو مثلاً 4.56 اس میں یہ وضاحت ضرور ی ہے کہ سب سےپہلے اس ضلع کوسیٹ ملے گی جس کی Fraction سب سے زیادہ ہو گی یعنی 4.80،4.75،4.70،4.70 ،4.66حتی کی آخری سیٹ تک اسکو چیک کیا جاتا ہے –

عالمی بینک کی پاکستان کیلئے 35 کروڑ ڈالر قرض کی منظوری

اس طریقہ کار کے مطابق بعض اوقات اگر صوبہ میں سیٹ ہو تو کسی ضلع کو 4.50 پر بھی ایک سیٹ مل جاتی ہے اور اگر سیٹیں Fraction کو مدنظر رکھتے ہوئے ختم ہو جائیں اور Lower Fraction چاہے 4.51 یااس سے زیادہ کیوں نہ ہووہ نظر انداز کرد ی جاتی ہے سیٹیوں کے تعین کا طریقہ کار الیکشنز ایکٹ 2017کے سیکشن 18، الیکشنز رولز کے سیکشن 8میں واضح ہے الیکشن کمیشن اس میں کوئی ردوبدل نہیں کر سکتا اور یہ کام پورا کمیشن )چیف الیکشن کمشنر اور چار ممبران الیکشن کمیشن(کرتے ہیں ، البتہ ابتدائی حلقہ بندیو ں پر اعتراضات کی زیادہ تعداد کی وجہ سے ان پر سماعت الیکشن کمیشن کا دور یا تین روکنی بینچ کرتا ہے۔

تااحیات نااہلی کا معاملہ،سماعت کیلئے سات رکنی لارجر بینچ تشکیل

الیکشن کمیشن یہ بھی واضح کرنا چاہتا ہے کہ ضلع حافظ آباد کی آبادی 1319909 ہے جبکہ قومی اسمبلی کی ایک سیٹ کا کوٹہ 905595 ہے جوکہ 1.46 بنتاہے کیونکہ رولز 8 (2)کے تحت باقی آبادی 0.5 سے کم ہے ، لہذا سے ایک سیٹ دی گئی ہے اس طرح گوجرنوالہ کی آبادی 4966338ہے اور مذکورہ بالا کوٹہ کے مطابق اسکا سیٹوں کا حصہ 5.48ہے اس کا Fraction بھی 0.5 سے کم ہے لہذااسے بھی 5 سیٹیں دی گئی ہیں ۔

الیکشن کمیشن یہ بھی واضح کرنا چاہتا ہے کہ قانون کے مطابق الیکشن کمیشن کسی ضلع کو دوسرے ضلع کے ساتھ Club کرنے کا پابند نہیں ہے ۔

سارہ انعام کیس، شاہنواز امیر نے سزائے موت کیخلاف اپیل کر دی

اسلام آباد: سپریم کورٹ نے ارکان پارلیمان کی آرٹیکل 62 ون ایف کے تحت تاحیات نااہلی کے معاملے کی سماعت کیلئے سات رکنی لارجر بینچ تشکیل دے دیا۔

باغی ٹی وی: چیف جسٹس قاضی فائز عیسیٰ اس سات رکنی لارجر بینچ کی سربراہی کریں گے،سپریم کورٹ 2 جنوری 2024 کو تاحیات نااہلی کیس کی سماعت کرے گی۔

گزشتہ سماعت پر سپریم کورٹ نے تاحیات نااہلی کے آرٹیکل 62 ون ایف سے متعلق تمام درخواستیں ایک ساتھ سننے کا فیصلہ کیا تھا سپریم کورٹ نے گزشتہ سماعت کے تحریری حکمنامے میں کہا تھا کہ نااہلی کی مدت کے سوال والے کیسز جنوری کے آغاز پر مقرر کئے جائیں، کیس کے زیرِ التوا ہونے کو الیکشن میں تاخیر کیلئے استعمال نہیں کیا جائے گا ایڈیشنل اٹارنی جنرل نے نشاندہی کی آئینی سوال والے کیس پر کم از کم 5 رکنی بنچ ضروری ہے فریقین کے وکلا نے کہا ہے کہ نااہلی کی مدت کے تعین کے حوالے سے عام انتخابات سے پہلے اس عدالت کا فیصلہ ضروری ہے۔

عمران خان سائفر کیس،درخواستگزار کو رجسٹرار کے اعتراضات ختم کرنے کی ہدایت،سماعت ملتوی

خیال رہے کہ سابق وزیراعظم نواز شریف کو اسی آرٹیکل 62 ون ایف کے تحت پانامہ کیس میں نااہل قرار دیا گیا تھا سپریم کورٹ نے نواز شریف کو اپنے بیٹے کی فرم سے لی جانے والی ممکنہ تنخواہ ظاہر کرنے میں ناکامی پر آرٹیکل ون ایف کے تحت کوئی بھی عوامی عہدہ سنبھالنے کیلئے نااہل قرار دیا تھا نواز شریف کی اس نااہلی کو تاحال ختم نہیں کیا گیا ہے۔

امریکا :بحیرہ احمر کی حفاظت کیلئے 12 سے زائد اتحادیوں کے ساتھ نئی فوج تشکیل