لاہور: لاہور میں اداکارہ میرا کے گھر سے چور ایک کروڑ مالیت کا سامان لے اڑے۔
باغی ٹی وی :اداکارہ کے گھر میں چوری کا واقعہ پیش آیا ہےتفصیلات کے مطابق ڈیفنس اے پولیس نے اداکارہ میرا کی مدعیت میں مقدمہ درج کرلیا ہے ایف آئی آر کے مطابق میرا کے ڈرائیور نےگھر سے 80 لاکھ کا ڈائمنڈ اور 20 لاکھ کی گھڑی چوری کی، اداکارہ میرا کے مطابق چوری کی گئی گھڑی میں ہیرے جڑے ہوئے تھے، چوری کی واردات کے وقت گھر پر موجود نہیں تھی۔پولیس کا کہنا ہےکہ ملزم کی گرفتاری کے لیے چھاپے مارے جا رہے ہیں-
بیجنگ: چین نے فلپائن کو خبردار کیا ہے کہ اگر آپ نے سمندری حدود سے متعلق صورتحال کا غلط اندازہ لگایا یا غیر ارادی طور پر بیرونی قوتوں سے ملی بھگت کی تو چین اپنے دفاع میں بھرپور جواب دے گا۔
باغی ٹی وی : غیر ملکی میڈیا کے مطابق چین کی جانب سے وزیر خارجہ وانگ ایی نے اپنے فلپائنی ہم منصب کو ٹیلی فون پر دھمکی دی کہ وہ جنوبی بحیرہ میں صورتحال کا ’غلط اندازہ‘ نہ لگائے اور بیرونی عناصر کی باتوں میں آکر کچھ ایسا نہ کرے جس کا خمیازہ صرف اسے بھگتنا پڑے پڑوسی ہونے کی وجہ سے ہمیں پیدا ہونے والے کسی بھی تنازع پر آپس میں بات کرلینی چاہیے اور میں سمجھتا ہوں کہ اس وقت موجودہ سمندری صورتحال کو سنبھالنا سب سے ضروری کام ہے۔
چینی وزیر خارجہ نے اپنے فلپائنی ہم منصب کو خبردار کیا کہ اگر آپ نے سمندری حدود سے متعلق صورتحال کا غلط اندازہ لگایا یا غیر ارادی طور پر بیرونی قوتوں سے ملی بھگت کی تو چین اپنے دفاع میں بھرپور جواب دے گا چین اور فلپائن کے درمیان دوطرفہ تعلقات میں سنگین مشکلات فلپائن کے پالیسی کو تبدیل کرنے اور وعدوں سے مکرنے کی وجہ سے آئیں،تاہم جلد از جلد پالیسی کو تبدیل کرکے “صحیح راستے پر واپس آئیں-
واضح رہے کہ چین اور تائیوان کا سمندر حدود کےحوالے سے تنازع کافی پرانا ہےامریکا سمیت یورپی ممالک تائیوان کی ملکیت کو درست سمجھتے ہیں جب کہ روس چین کے ساتھ ہے اور فلپائن کا جھکاؤ بھی اب امریکا کی وجہ سے تائیواں کی جانب ہوتا جا رہا ہے۔
پراگ: چیک جمہوریہ کی یونیورسٹی میں فائرنگ سے 15 افراد ہلاک ہوگئے۔
باغی ٹی وی : غیر ملکی خبر ایجنسی کے مطابق فائرنگ کا واقعہ چیک جمہوریہ کے دارالحکومت پراگ کی یونیورسٹی میں پیش آیا، فائرنگ کے واقعے میں 30 کے قریب افراد زخمی بھی ہوئے ہیں پولیس کے مطابق جوابی کارروائی میں حملہ آور بھی مارا گیا ہے تاہم پولیس نے جان پالچ اسکوائر میں دریائے ولتاوا کے قریب واقع عمارت میں حملہ آور کی شناخت یا فائرنگ کے محرکات سے متعلق کوئی معلومات فراہم نہیں کی ہیں، پولیس کا کہنا ہے کہ اس حوالے سے تحقیقات کی جارہی ہیں۔
پولیس اور شہر کی ریسکیو سروس نے بتایا کہ جمعرات کو ایک مسلح شخص نے پراگ کے مرکز میں واقع یونیورسٹی کی عمارت میں فائرنگ کر کے کم از کم 15 افراد کو ہلاک کر دیا اور چیک ریپبلک میں اپنی نوعیت کی بدترین اجتماعی فائرنگ سے بڑے پیمانے پر خوف و ہراس پھیلا دیا۔
پراگ کے میئر کے مطابق فائرنگ کا واقعہ چارلس یونیورسٹی کے شعبہ فلاسفی میں پیش آیاپراگ ایمرجنسی سروس کے مطابق زخمی ہونے والے 30 افراد میں سے بعض کی حالت تشویش ناک ہے-
پراگ کے پولیس چیف مارٹن وونڈراسیک نے بتایا کہ یہ خونریزی چارلس یونیورسٹی کے فلسفہ ڈیپارٹمنٹ کی عمارت میں ہوئی، جہاں گولی چلانے والا طالب علم تھا، اس کا عوامی طور پر نام نہیں لیا گیا ہے۔
چیک کے وزیر داخلہ وٹ راکوسان نے کہا کہ تفتیش کاروں کو کسی انتہا پسند نظریے یا گروہوں سے تعلق کا شبہ نہیں ہے۔
کراچی: سندھ میں سیلاب متاثرین کی سرکاری مدد کے نام پر 11 اضلاع میں لاکھوں افراد کی مبینہ جعلی رجسٹریشن کا انکشاف ہوا ہے-
باغی ٹی وی : نجی خبررساں ادارے"ہم” کی رپورٹ کے مطابق فرانزک رپورٹ کے مطابق پچھلے سال سیلاب متاثرین کی فلاح و بہبود کیلئے خرچ ہونے والے 41 ارب روپے کی تحقیقات کا حکم ہوا تھا، سندھ ہائی کورٹ حیدرآباد نے ایک شہری ممتاز احمد کی درخواست پرآڈٹ جنرل آف پاکستان کی آڈٹ ٹیم کو سندھ فلڈ ریلیف فنڈز میں ہونے والی مبینہ کرپشن اور بے ضابطگیوں پر آڈٹ کرنے کا حکم دیا تھا۔
عدالت میں جمع ہونےوالی رپورٹ میں بتایا گیا کہ آڈٹ ٹیم نے سیمپل کے طور پر سندھ کے 2 اضلاع میں امداد لینے والے ہزاروں افراد کے انگوٹھوں کی نادرا کو تصدیق کیلئے درخواست کی تھی، ضلع دادو اور سانگھڑ میں امداد لینے والے ہزاروں افراد میں سے صرف 9 انگوٹھوں کی تصدیق ہوئی ساڑھے پانچ ہزارسے زائد شناختی کارڈ کے اندراج میں غلطیاں تھیں، 18000سے قریب انگوٹھوں کے نشان کی تصدیق ہی نہیں ہوئی۔
آڈٹ ٹیم نے سندھ ریلیف فنڈز کی تقسیم کا عمل غیرشفاف قرار دے کر تحقیقات کی سفارش کردی سیلاب متاثرین کیلئے 23 ارب روپے کی مدد پرائیویٹ کمیٹی کے ذریعے کی گئی جو انکے مینڈیٹ میں ہی نہیں تھاڈیڑھ ارب روپے کی دوائیں مہنگے ریٹس پر خریدنے کا انکشاف سامنے آیا ہے ڈپٹی کمشنر مٹیاری کی جانب سے فنڈ میں مبینہ طور پر ساڑھے 4کروڑ روپے کےغبن کا انکشاف ہوا ہے مختلف کنٹریکٹرز کو 42 کروڑ روپے زیادہ ادائیگیاں کی گئی ہے، دوسرے اضلاع میں کئی کروڑوں روپے کی غیرمعیاری دوائیں، خوراک اور دوسرے آئٹم میں بے ضابطگیاں بھی ہوئی ہیں جبکہ رپورٹ میں سرکاری فنڈز کے غلط استعمال اور چند ایک من پسند لوگوں کوکام دینے کی بھی نشاندہی کی گئی –
اسلام آباد: ملک کے بالائی اضلاع میں موسم شدید سرد اور خشک رہے گا –
باغی ٹی وی: محکمہ موسمیات کے مطابق جمعہ کے روز ملک کے بیشترعلاقوں میں موسم سرد اور خشک جبکہ بالائی اضلاع میں شدید سرد اور مطلع جزوی ابر آلود رہے گا تاہم پنجاب ، خیبر پختونخوا کے میدانی علاقوں اور بالائی سندھ میں صبح اور رات کے اوقات میں دھند /سموگ چھائے رہنے کا امکان ہے۔
محکمہ موسمیات کے مطابق آئندہ 24 گھنٹوں کے دوران کوئٹہ،ژوب،چمن پشین میں ہلکی بارش اور پہاڑوں پر ہلکی برفباری جبکہ صوبے کے دیگر اضلاع میں موسم خشک اورشدید سرد رہنے کا امکان ہے-
گذشتہ 24 گھنٹوں کے دوران ملک کےبیشتر علاقوں میں موسم سرد اور خشک جبکہ شمالی علاقوں میں شدید سرد رہا اس دوران ملک میں کم سے کم درجہ حرارت لہہ منفی 10،اسکردومنفی 7 ،گلگت منفی 6،استور،قلات، گوپس منفی5 اورکالام میں منفی 4 ڈگری سینٹی گریڈ ریکارڈ کیا گیا۔
دوسری جانب اسلام آباد میں پولن کی مجموعی مقدار میں کمی ریکارڈ کی گئی ہے جبکہ فضا میں پولن کا تناسب بھی نچلی سطح پر رہا،محکمہ موسمیات کے مطابق گزشتہ 24 گھنٹوں کے دوران وفاقی دارالحکومت کے مختلف سیکٹرز میں پولن کی مجموعی مقدار 39 سے کم ہو کر 33 پولن فی مکعب میٹر ریکارڈ کی گئی اس دوران جنگلی شہتوت کے پولن کی مقدار صفر رہی جبکہ گھاس کے پولن کی مقدار 03 اور فنجائی کی مختلف اقسام کے پولن کی مقدار 30 فی مکعب میٹر ریکارڈ کی گئی ہے۔
کراچی: پیپلزپارٹی کے رہنمامنظور وسان نے کہا ہے کہ تمام جماعتوں کو الیکشن لڑنے کا حق دیا جائے، پی ٹی آئی سمیت ہر پارٹی کو لیول پلیئنگ فیلڈ ملنی چاہیے-
باغی ٹی وی: منظور وسان نے پیشگوئی کرتے ہوئے کہا ہے کہ 2018 میں جس طرح عمران خان کو لایا گیا اسی طرح نوازشریف کو بھی لانےکی تیاری کی جارہی ہے، انتخابات میں کسی بھی پارٹی کو اکثریت نہیں ملے گی، تمام پارٹیاں سیٹیں لیں گی، تمام جماعتوں کو الیکشن لڑنے کا حق دیا جائے، پی ٹی آئی سمیت ہر پارٹی کو لیول پلیئنگ فیلڈ ملنی چاہیے، عمران خان بھی الیکشن لڑسکتا ہے جلد پتا چل جائے گا-
انہوں نے کہا کہ پیپلزپارٹی کا انتخابات میں پاکستان مسلم لیگ (ن) کے ساتھ اتحاد نہیں ہوگا، وفاق میں بھی پیپلز پارٹی کی حکومت بن سکتی ہے، 2018 میں جس طرح عمران خان کو لایا گیا اسی طرح نوازشریف کو بھی لانےکی تیاری کی جارہی ہے، انتخابات میں کسی بھی پارٹی کو اکثریت نہیں ملے گی، تمام پارٹیاں سیٹیں لیں گی۔
منظور وسان کا کہنا تھاکہ انتخابات قریب آتے ہی پیپلزپارٹی کے خلاف اتحاد بنتے رہتے ہیں، آئندہ انتخابات میں پیپلزپارٹی کا کچھ پارٹیوں سے مقابلہ ہوگا، ہمارے روٹھے ہوئے لوگ پیر پگاڑہ کے پاس جائیں گے قومی اسمبلی کی نشست این اے 202 پر کل فارم جمع کرواؤں گا پارٹی نے ٹکٹ دیا تو الیکشن لڑوں گا، جبکہ پی ایس 27 کوٹ ڈیجی پر میری جگہ اب میرے بیٹے ہالار وسان الیکشن لڑیں گے۔
دوسری جانب رہنما پاکستان مسلم لیگ و سابق وزیراعظم شاہد خاقان عباسی نے کہا ہے کہ میرا ن لیگ میں کوئی اختلاف نہیں ہے،نوازشریف سے 35،36سال کا تعلق ہے، ن لیگ جس طرح کی سیاست کررہی ہے میں اس سے اتفاق نہیں کرتا، لوگوں پر 14،14 سال سے نیب کے کیسز چل رہے ہیں،نیب میں کیس چلنے کے بعد شہری کی پوری زندگی مفلوج ہوجاتی ہےپی ڈی ایم کو نیب کو ختم کرنا چاہیے تھا،ہمیں ایس آئی ایف سی کو اس لیےبنانا پڑا کیونکہ نیب کے ذریعے ہم سرمایہ کاری کو تحفظ نہیں دے سکتےتھے۔
انہوں نے کہا کہ نیب نے نوازشریف کیخلاف جعلی کیسز بنائے،سب کہتے ہیں نوازشریف کو انصاف مل گیا،لیکن میرا یہ سوال ہے کہ ان کے 5سال ضائع ہو گئے ان کاانصاف کیسے ہوگاپاکستان تحریک انصاف کے سابق چیئرمین اپنے دور حکومت میں سیاستدانوں کو جیل میں ڈالنے کاکریڈٹ لیتے رہےلیکن آج وہ خود جیل میں ہیں،میرا ن لیگ میں کوئی اختلاف نہیں ہے، جس طرح کی سیاست کررہی ہے میں اس سے اتفاق نہیں کرتا، نوازشریف سے 35،36سال کا تعلق ہے مجھے کسی شخص سے پرابلم نہیں ، میراایسی سیاست سے اتفاق نہیں ،ہر قیمت پر اقتدار کے حصول کا قائل نہیں ہوں، میرا اصولی اختلاف ہے، میں کسی شخص سے کچھ چاہتا نہیں ،جو آج ن لیگ نے سیاست اپنائی ہے، اس کے اثرات اچھے نہیں ہوں گے، جب آپ اصولوں سے ہٹ جاتے ہیں تو لوگ بھی دیکھتے ہیں، ذاتی معاملات سیاستدان کو برداشت کرنا چاہیے، جنہوں نے کیا وہ خود بھگت لیں گے۔
کراچی: ملکی زرمبادلہ کے ذخائر 15دسمبر کو ختم ہونے والے ہفتے میں 13 کروڑ 80 لاکھ ڈالرز مزید کم ہوگئے۔
باغی ٹی وی: اسٹیٹ بینک آف پاکستان کی جانب سے جمعرات کو جاری ہونے والے اعدادوشمار کے مطابق 15دسمبر تک ملکی زرمبا دلہ ذخائر کی مالیت گھٹ کر 12.1 ارب ڈالر ہوگئی اسٹیٹ بینک کے ذخائر کی مالیت میں 13 کروڑ 60 لاکھ ڈالر کمی واقع ہوئی جس سے سر کاری زرمبادلہ کے ذخائر کی مالیت بھی گھٹ کر 6 ارب 90 کروڑ 48 لاکھ ڈالر ہوگئی15 دسمبر تک تجارتی بینکوں کےزرمبادلہ کےذخائر کی ما لیت میں بھی 20 لاکھ ڈالر کمی واقع ہوئی جس سے کمرشل بینکوں کے ذخائر کی مالیت بھی گھٹ کر5 ارب 16 کروڑ 36 لاکھ ڈالر ہوگئی ہے-
امریکی خلائی ادارے ناسا کی جیمز ویب ٹیلی اسکوپ اب تک کی طاقتور ترین ٹیلی اسکوپ ہے جس نے کائنات کے اب تک چھپے کئی پہلوؤں کو اجاگر کیا ہے ٹیلی اسکوپ نے ہمارے نظام شمسی کے سیارے یورینس کی دلکش تصاویر جاری کی ہیں-
باغی ٹی وی: ناسا کی جانب سے جاری کی گئی تصویر کی سب سے خاص بات یورینس کے گرد نظر آنے والے رنگز ہیں جو عام طور پر نظر نہیں آتے ہمارے نظام شمسی کے 7 ویں سیارے یورینس کی پہلی تصویر وائجر 2 نے 1986 میں کھینچی تھی، جس میں یہ شوخ نیلے رنگ کا سیارہ نظر آتا تھا مگر جیمز ویب ٹیلی اسکوپ نے نیئر انفرا ریڈ ٹیکنالوجی کے ذریعے اس سیارے کے آنکھوں سے اوجھل عناصر کو کیمرے کی آنکھ میں محفوظ کیا ہے۔
ناسا کی جانب سے اپریل میں بھی جیمز ویب سے لی گئی یورینس کی تصویر جاری کی گئی تھی مگر نئی تصویر میں زیادہ تفصیلات موجود ہیں ستمبر میں کھینچی گئی اس نئی تصویر میں یورینس کے رنگز جگمگا رہے ہیں جبکہ اس سیارے کے 27 میں سے کچھ چاند (نیلے نقطے یا بلیو ڈاٹس) بھی دیکھے جا سکتے ہیں اس تصویر کی ایک خاص بات اس کے قطب شمالی کو دکھانا ہے تصویر میں سیارے کی آب و ہوا کی جھلک بھی دیکھی جاسکتی ہے اور قطبی حصے میں طوفان نظر آرہے ہیں۔
واضح رہے کہ یہ سیارہ رقبے کے اعتبار سے ہمارے نظام شمسی کا تیسرا جبکہ وزن کے اعتبار سے چوتھا بڑا سیارہ ہے یورینس ایسا منفرد سیارہ ہے جو اپنے مدار کے گرد ترچھے انداز سے گردش کرتا ہے یورینس کا ایک سال زمین کے 84 سال کے برابر ہوتا ہے مگر وہاں کا ایک دن محض 17 گھنٹے کا ہوتا ہےناسا کی جانب سے مستقبل قریب میں ایک مشن یورینس کی جانب بھیجا جائے گا کیونکہ ابھی بھی اس سیارے کے بارے میں کافی کچھ معلوم نہیں۔
کراچی: ایف آئی اے نے بینکنگ فراڈ میں ملوث اشتہاری ملزم کو 9 برس بعد گرفتار کرلیا۔
باغی ٹی وی: ترجمان ایف آئی اے کے مطابق ملزم نے دیگر ساتھیوں کی ملی بھگت سے نجی بینک کے 2 کروڑ 45 لاکھ روپے غبن کئے تھے، ملزم عبدالمجید کے خلاف سال 2014 میں مقدمہ درج ہوا تھا، ملزم کو کراچی کے علاقے لی مار کیٹ سے گرفتار کیا گیا، ملزم گز شتہ 9 سال سے روپوش تھا جبکہ ملزم کی گرفتاری کے لئے متعدد بار چھاپے مارے گئے، ملزم کو گرفتار کر کے تفتیش کا آغاز کر دیا گیا-
دوسری جانب شہرقائد کے علاقے شاہ فیصل کالونی میں ڈاکوؤں نےا سلحے کے زور پر پولیس افسرکو فیملی سمیت لوٹ لیاشہرمیں پولیس اسٹریٹ کرمنلز پر قابو پانے میں ناکام ہوگئی، عام شہریوں کے ساتھ ساتھ خود قانون کے محافظ بھی اب اسٹریٹ کر منلز کا نشانہ بن رہے ہیں، شاہ فیصل کالونی میں پولیس افسرکوفیملی سمیت گھرکی دہلیز پر لوٹ لیا گیا۔
واردات کی سی سی ٹی وی فوٹیج میں دیکھا جاسکتا ہے کہ موٹرسائیکل پرسوار دومسلح ملزمان نے فیملی سے موبائل، نقدی اورطلائی زیورات لوٹے اورفرارہوگئےملزمان نے جاتے ہوئے فائرنگ بھی کی لُٹنے والا پولیس افسر ثاقب ایس پی انویسٹی گیشن ایسٹ کا سابق ریڈر اور ایسٹ ہیڈ کوارٹرز میں تعینات ہے، شاہ فیصل کالونی پولیس نےمقدمہ درج کر کے واردات میں ملوث ملزمان کی تلاش شروع کردی ۔
آرٹیفیشل انٹیلی جنس (اے آئی) ٹیکنالوجی نے لوگوں کی زندگیوں میں مستقبل کے واقعات کی پیشین گوئی کرنے کی صلاحیت کا مظاہرہ کیا ہے-
باغی ٹی وی:DTU، یونیورسٹی آف کوپن ہیگن، ITU، اور امریکہ کی نارتھ ایسٹرن یونیورسٹی کے ایک باہمی تحقیقی منصوبے نے لوگوں کے بارے میں ڈیٹا کی وسیع مقدار کا تجزیہ کرنے کے لیے ChatGPT کی طرح ٹرانسفارمر ماڈلز کی طاقت کا استعمال کیا ہےنتیجے میں آنے والا ماڈل، جسے Life2vec کا نام دیا گیا ہے
جرنل Nature Computational Science میں شائع تحقیق کےمطابق سائنسدانوں کےخیال میں ایساممکن ہے ،اسی مقصد کے لیے ڈنمارک میں چیٹ جی پی ٹی سے ملتا جلا ایک نیا اے آئی ماڈل تیار کیا گیا ہے،ٹیکنیکل یونیورسٹی کے تیار کردہ life2vec نامی اے آئی ماڈل کو ڈنمارک کی آبادی کے ذاتی ڈیٹا سے تربیت دی گئی، اسے تیار کرنے والی ٹیم کا دعویٰ ہے کہ یہ اے آئی ماڈل کسی فرد کی موت کے امکانات کی پیشگوئی دیگر سسٹمز کے مقابلے میں زیادہ درست کرسکتا ہے۔
مصنوعی ذہانت، خاص طور پر تحریری زبان کے نمونے کے لیے ڈیزائن کی گئی، نے زندگی کے واقعات کی پیشین گوئی کرنے میں وعدہ دکھایا ہے تحقیق، جس کا خاکہ "انسانی زندگیوں کی پیشین گوئی کرنے کے لیے زندگی کے واقعات کے سلسلے کا استعمال کرتے ہوئے” میں بیان کیا گیا ہےٹرانسفارمر ماڈلز کی صلاحیتوں پر روشنی ڈالتی ہےیہ ماڈل، جیسے ChatGPT، ڈیٹا کو منظم طریقے سے ترتیب دینے اور کسی شخص کی زندگی کے مختلف پہلوؤں کی پیش گوئی کرنے کے لیے زبان پر کارروائی کرتے ہیں۔
محققین نے 2008 سے 2020 کے دوران جمع کیے گئے 60 لاکھ افراد کے ڈیٹا کو جمع کرکے ان کی صحت سمیت تعلیم، ڈاکٹروں اور اسپتالوں کے وزٹ، آمدنی، پیشے اور دیگر پہلوؤں کا تجزیہ کیا 35 سے 65 سال کی عمر کے افراد کے ڈیٹا کے ذریعے اے آئی ماڈل کی موت کی پیشگوئیوں کی صلاحیت کا تجزیہ کیا گیا،50 فیصد ڈیٹا ایسے افراد کا تھا جن کا انتقال 2016 سے 2020 کے دوران ہوا، نتائج سے معلوم ہوا کہ یہ اے آئی ماڈل کسی بھی موجودہ سسٹم کے مقابلے میں ایک فرد کی موت کی پیشگوئی11 فیصد زیادہ درست کرسکتا ہے۔
محققین کے مطابق ہم نے اس ماڈل کو یہ جاننے کے لیے استعمال کیا کہ اے آئی ٹیکنالوجی ماضی کے واقعات اور حالات کو مدنظر رکھ کر کس حد تک مستقبل کے واقعات کی پیشگوئی کرسکتی ہے، زیادہ اہم بات یہ ہے کہ اے آئی ماڈل نے زیادہ تر پیشگوئیاں اپنے طور پر نہیں کیں بلکہ ڈیٹا کو مدنظر رکھ کر جوابات دئیے یہ اے آئی ماڈل کسی شخصی ٹیسٹ کے نتائج، آئندہ 4 سال میں موت کے امکانات اور متعدد دیگر چیزوں کی پیشگوئی کر سکتا ہے۔