Baaghi TV

Author: Ayesha Rehmani

  • غیر قانونی مقیم غیر ملکیوں کے سہولت کاروں کے لیے وارننگ جاری

    غیر قانونی مقیم غیر ملکیوں کے سہولت کاروں کے لیے وارننگ جاری

    اسلام آباد: وزارت داخلہ نے غیر قانونی مقیم غیر ملکیوں کے سہولت کاروں کے لیے وارننگ جاری کردی-

    باغی ٹی وی: وزارت داخلہ کی طرف سے جاری ہدایات کے مطابق غیرقانونی غیرملکیوں کو روزگار فراہم نہ کریں اور نہ ہی رہائشی اور ملازمت حاصل کرنے میں مدد کریں، ملازمت فراہم کرنے والے شخص کے بارے میں معلومات وزارت داخلہ کی ہیلپ لائن پرفراہم کریں۔

    وزارت داخلہ کے ترجمان کے مطابق پاکستان میں مقیم افغان شہریوں کو خبردار کیا جاتا ہے کہ پاکستان کی سیاسی و انتخابی سرگرمیوں میں کسی بھی امیدوار کی مدد کرنا یا فنڈنگ ​​فراہم کرنا غیر قانونی ہے، ایسی سرگرمیوں میں ملوث کسی بھی افغان شہری کو پاکستان میں قانونی حیثیت سے قطع نظر ملک بدر کر دیا جائے گا۔

    جج ہمایوں دلاور اسلام آباد میں بطور اسپیشل جج سینٹرل ٹو تعینات

    واضح رہے کہ پاکستان میں غیرقانونی مقیم غیر ملکیوں کی وطن واپسی کا سلسلہ جاری ہے، اب تک تقریباًاڑھائی لاکھ افغان شہری وطن واپس جا چکے ہیں، علاوہ ازیں افغان حکومت نے پاکستان سے بے دخل پناہ گزینوں کو قبول کرنے کے لیے قونصل جنرل کی تصدیق کافیصلہ کیا ہے جو ان کی حیثیت کا تعین کرے گا۔

    فیض آباد دھرنا کیس، کمیشن نے سابق وزیراعظم کو طلب کر لیا

  • ایلون مسک کا اسرائیل کی حمایت کا اعلان

    ایلون مسک کا اسرائیل کی حمایت کا اعلان

    تل ابیب: ایلون مسک نے اسرائیل کی حمایت کا اعلان کر دیا-

    باغی ٹی وی:ٹیسلا،اسپیس ایکس اور ایکس کےمالک ایلون مسک نے اسرائیل کا دورہ کیا ہے، ایلون مسک 27 نومبر کی صبح تل ابیب پہنچےتھےجس کے بعد انہوں نے اسرائیلی وزیراعظم کےساتھ مختلف علاقوں کا دورہ کیا، وہ ان علاقوں میں بھی گئے جہاں 7 اکتوبر کو حماس نے آپریشن طوفان الاقصیٰ کیا تھا، دورے کے دوران ایلون مسک نے اسرائیل کی حمایت کا اعلان بھی کیا۔
    https://x.com/jacksonhinklle/status/1729146969397121108?s=20
    ایلون مسک نے یہ دورہ اس وقت کیا ہے جب ان پر ایک ایسی پوسٹ پر ریپلائی کرنے پر شدید تنقید کی جا رہی ہے، جسے اسرائیلی حلقوں نے اسرائیل مخالف قرار دیا تھا اس کے بعد مختلف کمپنیوں نے ایکس کے لیے اشتہارات کو بھی روک دیا تھا-

    جج ہمایوں دلاور اسلام آباد میں بطور اسپیشل جج سینٹرل ٹو تعینات

    ایلون مسک کے دورے کے موقع پر اسرائیل کی جانب سے ان کے ساتھ ایک معاہدہ کرنے کا اعلان بھی کیا گیا، اسرائیلی وزیر کمیونیکیشن نے اعلان کیا کہ ایلون مسک نے اسرائیل کی مرضی کے بغیر غزہ کو اسٹار لنک سیٹلائیٹ انٹرنیٹ سروس فراہم نہ کرنے پر اتفاق کیا ہے۔

    اس سے قبل ایلون مسک نے غزہ میں مواصلاتی نظام اور انٹرنیٹ بندش پر سیٹلائٹ انٹرنیٹ سروسز دینے کا اعلان کیا تھا، جس کی اسرائیل کی جانب سے مخالفت کی گئی تھی۔

    فیض آباد دھرنا کیس، کمیشن نے سابق وزیراعظم کو طلب کر لیا

  • جج ہمایوں دلاور اسلام آباد میں بطور اسپیشل جج سینٹرل ٹو تعینات

    جج ہمایوں دلاور اسلام آباد میں بطور اسپیشل جج سینٹرل ٹو تعینات

    اسلام آباد: چیئرمین پی ٹی آئی عمران خان کو توشہ خانہ کیس میں سزا سنانے والےجج ہمایوں دلاور کو اسلام آباد میں بطور اسپیشل جج سینٹرل ٹو تعینات کردیا گیا۔

    باغی ٹی وی: اس حوالے سے جاری کئے گئے نوٹیفکیشن کے مطابق انہیں تین سال کے لیے بطور اسپیشل جج سینٹرل تعینات کیا گیاوہ جوڈیشل کمپلیکس اسلام آباد میں فرائض سر انجام دیں گے، جج ہمایوں دلاور کل سے بطور اسپیشل جج سینٹرل ٹو اسلام آباد ڈیوٹی پر مامور ہوں گے،جج ہمایوں دلاور ایف آئی اے، سائبرکرائم سے متعلق کیسز کی سماعت کریں گے،اسپیشل جج سینٹرل ٹو کے لیے نیا کمرہ عدالت جوڈیشل کمپلیکس میں تیار کرلیا گیا ہے۔ اس سے قبل جوڈیشل کمپلیکس میں اسپیشل جج سینٹرل کی صرف ایک عدالت تھی۔

    خود کو وزیراعلیٰ پنجاب کا رشتے دار کہنے والا گرفتار

    امریکی کرنسی کی قدر میں اضافہ

    میرپورخاص:شہر میں چوری اور لوٹ مار کا سلسلہ زور پکڑ گیا

    واضح رہے کہ اس سے قبل وہ اسلام آباد ہائیکورٹ میں اسپیشل ڈیوٹی پر مامور تھےجسٹس ہمایوں دلاور نے توشہ خانہ کیس میں چیئرمین پی ٹی آئی عمران خان کو سزا سنائی تھی۔

  • امریکی کرنسی کی قدر میں اضافہ

    امریکی کرنسی کی قدر میں اضافہ

    کراچی: امریکی کرنسی کی قدر میں اضافہ ہوا ہے-

    باغی ٹی وی :اسٹیٹ بینک آف پاکستان کے مطابق انٹربینک میں ڈالر 27 پیسے اور اوپن مارکیٹ میں 50 پیسے مہنگا ہوا ہے، انٹر بینک میں آج کاروبار کے اختتام پر ڈالر کی قیمت 285 روپے 64 پیسے ہےانٹربینک میں اس سے قبل ڈالر 285 روپے37 پیسے پر بند ہوا تھا، انٹربینک میں ڈالر آج 27 پیسے مہنگا ہوا۔

    دوسری جانب ایکسچینج کمپنیز ایسوسی ایشن کے مطابق اوپن مارکیٹ میں ڈالر کی قیمت 50 پیسے مہنگا ہو کر 287 روپے ہو گئی جبکہ پاکستا ن اسٹاک ایکسچینج کے 100 انڈیکس کا ایک اور دن تاریخ کی بلند ترین سطح پر پہنچ گیا ایکسچینج میں 100 انڈیکس آج 724 پوائنٹس اضافے سے 59 ہزار 811 پر بند ہوا۔ یہ انڈیکس کا تاحال بلند ترین اختتام ہے۔

    انٹربورڈ کے چیئرمین نسیم میمن پر لگےہراسانی الزام کا چھ سال بعد فیصلہ

    100 انڈیکس نے کاروباری دن میں 59 ہزار 896 پوائنٹس تک کاروبار کیا جو انڈیکس کی تاحال بلند ترین سطح ہے حصص بازار میں آج 65 کروڑ 75 لاکھ شیئرز کے سودے ہوئے جن کی مالیت 20 ارب 27 کروڑ روپے سے زائد رہی مارکیٹ کیپٹلائزیشن 98 ارب روپے بڑھ کر8 ہزار 648 ارب روپے ہے 100 انڈیکس نومبر میں 7891 پوائنٹس بڑھا ہے اور مارکیٹ کیپٹلائزیشن 1096 ارب روپے بڑھی ہے۔

    بشریٰ بی بی کی سڑک پر دوڑیں، مکافات عمل،نواز شریف کی نئی ضد، الیکشن ہونگے؟

  • انٹربورڈ کے چیئرمین نسیم میمن پر لگےہراسانی الزام کا چھ سال بعد فیصلہ

    انٹربورڈ کے چیئرمین نسیم میمن پر لگےہراسانی الزام کا چھ سال بعد فیصلہ

    کراچی: انٹربورڈ کے چیئرمین نسیم میمن پر لگےہراسانی الزام کا چھ سال بعد فیصلہ آگیا-

    باغی ٹی وی: چیئرمین انٹر بورڈ نسیم میمن پر خاتون استاد کو ہراساں کرنے کا الزام ثابت ہوگیا، محتسب نے نسیم میمن کو جرمانہ اور عہدے سے ہٹانے کا فیصلہ سنا دیا، محتسب اعلی نے تین لاکھ روپے جرمانہ بھی عائد کردیا، نسیم میمن پر خاتون استاد شگفتہ شاہ نے ہراساں کر نے کا الزام عائد کیا تھا-

    خاتون استاد شگفتہ شاہ نے 2017 میں صوبائی محتسب میں شکایت جمع کروائی تھی ، پبلک نیوز نےنسیم میمن کے خاتون ٹیچر کو ہراسان کرنے سے متعلق پہلے بھی خبر نشر کی تھی، نسیم میمن پبلک اسکول حیدرآباد میں پرنسپل تھے اس وقت شکایت درج ہوئی تھی خاتون ٹیچر شگفتہ شاہ نے الزام لگایا تھا کہ نسیم میمن انکو ہراساں کرتے ہیں صوبائی محتسب اعلیٰ کی عدالت میں کیس چل رہا تھا، جرمانہ ادا نہ کرنے کی صورت میں پراپرٹی ضبط کرکے رقم وصول کی جائے گی-

    واپڈا کے آٹھ منصوبے مکمل ہونے سے بجلی پیداواری صلاحیت دگنا ہو جائیگی

    عدالت کا مریم اورنگزیب کو گرفتار کرکے پیش کرنے کا حکم

    سونے کی قیمت میں اضافہ

  • حماس کیجانب سے اسرائیلی یرغمالیوں کا بہت زیادہ خیال رکھا گیا،اسرائیلی صحافی

    حماس کیجانب سے اسرائیلی یرغمالیوں کا بہت زیادہ خیال رکھا گیا،اسرائیلی صحافی

    اسرائیلی صحافی نے اعتراف کیا ہے کہ رہائی پانے والے یرغمالیوں نے حماس کے سلوک کو اچھا قرار دیا ہے-

    باغی ٹی وی: غزہ میں 4 روزہ جنگ بندی کے گزشتہ 3 روز کے دوران رہا ہونے والے ان افراد کو عوامی نظروں سے دور رکھا گیا ہے اور انہیں میڈیا سے بات کرنے کی اجازت نہیں مگر ایک اسرائیلی صحافی نے ان افراد کے ردعمل کے بارے میں بتاتے ہوئے کہا کہ حماس کی جانب سے یرغمالیوں پر کوئی تشدد یا برا سلوک نہیں کیا گیا۔

    مڈل ایسٹ مانیٹر کی رپورٹ کے مطابق اسرائیلی چینل 13 کے فوج سے متعلق امور کور کرنے والے صحافی بین ڈیوڈ نے بتایا کہ حماس کی جانب سے اسرائیلی یرغمالیوں کا بہت زیادہ خیال رکھا گیامیں نے رہا ہونے والے افراد سے بات کی اور سب نے ایک ہی کہانی دہرائی، ان لوگوں کا کہنا تھا کہ حماس کے لوگوں نے ہمارا خیال رکھا، کھانا فراہم کیا اور ادویات مہیا کرنے کی کوشش کی’حماس کے اراکین نے یرغمالیوں کو Kibbutzim برادری کی طرح اکٹھے رکھا، لیکچرز کا انتظام کیا اور یوٹیوب دیکھنے کا موقع بھی فراہم کیا یوشیویڈ لفشٹز نے جھوٹ نہیں بولا تھا-

    آرمی چیف سے سعودی لینڈ فورسز کے کمانڈر کی ملاقات

    واضح رہے کہ یوشیویڈ لفشٹز نامی خاتون کو حماس نے انسانی بنیادوں پر جنگ بندی کے معاہدے سے قبل ہی رہا کر دیا تھا رہائی کے بعد ایک پریس کانفرنس میں انہوں نے کہا کہ حماس کے اراکین نے قید کے دوران ان کے ساتھ اچھا سلوک کیا تھا اور اس بات کو یقینی بنایا تھا کہ ڈاکٹر ان کا معائنہ کریں ‘حماس کے اراکین مجھ سے نرمی سے بات کرتےتھے اور ادویات فراہم کرکے انہوں نے اس بات کو یقینی بنایا کہ میں بروقت ادویات کا استعمال کروں، ڈاکٹر ہر 3 دن میں ایک بار میرا معائنہ کرتا تھا، وہ سب بہت نرم مزاج تھےاور میری تمام خواہشات پوری کرتے تھے، پھر انہوں نے مجھے رہا کر کے حیران کردیا، خاتون کے اس بیان پر انتہا پسند اسرائیلی شہریوں کی جانب سے ان پر شدید تنقید کی گئی تھی۔

    سونے کی قیمت میں اضافہ

    واضح رہے کہ حماس کی جانب سے اب تک مجموعی طور پر 58 افراد کو رہا کرکے اسرائیل کے حوالے کیا گیا ہے،ان میں 39 اسرائیلی شہری، 17 تھائی، ایک فلپائنی اور ایک روسی نژاد اسرائیلی شہری شامل ہیں-

    عدالت کا مریم اورنگزیب کو گرفتار کرکے پیش کرنے کا حکم

  • شیر افضل مروت ایڈووکیٹ کے خلاف تھانہ آبپارہ میں مقدمہ درج

    شیر افضل مروت ایڈووکیٹ کے خلاف تھانہ آبپارہ میں مقدمہ درج

    راولپنڈی: پاکستان تحریک انصاف (پی ٹی آئی ) کے وائس پریذیڈنٹ شیر افضل مروت کے خلاف تھانہ آبپارہ میں مقدمہ درج کیا گیا ہے-

    باغی ٹی وی : مقدمہ ٹریفک میں خلل ڈالنے،ایمپلی فائر ایکٹ،دفعہ 144 سمیت این او سی کی خلاف ورزی پر درج کیا گیا، مقدمہ شکر پڑیاں میں میوزیکل نائٹ پروگرام منعقد کرنے پر درج کیا گیا،پروگرام سٹوڈنٹس آرگنائزیشن نے منعقد کیا تھا-
    pti
    مقدمے کے متن کے مطابق پروگرام میں پاکستان اور حکومت مخالف تقاریر کی گئیں،شیر افضل مروت طلبا کو اشتعال دلاتے رہے، مقدمہ میں شہر افضل مروت سمیت 20 ملزمان کو نامزد کیا گیا، مقدمہ تھانہ آبپارہ کے ایس ایچ او سب انسپکٹر ناصر منظور چوہدری کی مدعیت میں درج کیا گیا-

    سونے کی قیمت میں اضافہ

    قبل ازیں شیر افضل مروت کا کہنا تھا کہ ملک پاکستانیوں کا ہے، اور پولیس ہماری ہے، ہماری پولیس کو ہمارے خلاف کرنا بند کریں میں پولیس والوں سے بھی کہتا ہوں، وہ کریں جو درست ہے آئین کے مطابق، آپ کی حلف کے مطابق، آپ چند لوگوں کی خاطر پاکستان کا، اپنے بچوں کا مستقبل خراب نہ ہونے دیں. ہماری سیکیورٹی اور بہتری آپ کا فرائض ہے، اپنے اصل فرائض کو پہچانیں-

    عدالت کا مریم اورنگزیب کو گرفتار کرکے پیش کرنے کا حکم

  • سونے کی قیمت میں اضافہ

    سونے کی قیمت میں اضافہ

    کراچی:پاکستان میں آج سونے کی فی تولہ قیمت میں 1100 روپے کا اضافہ ہوا ہے۔

    باغی ٹی وی: آل پاکستان جیمز اینڈ جیولرز ایسوسی ایشن کے مطابق ملک میں 1100 روپے اضافے کے بعد 24 قیراط کا سونا 2 لاکھ 17 ہزار 600 روپے فی تولہ ہو گیا،943 روپے کے اضافے کے بعد 24 قیراط کے 10 گرام سونے کی قیمت ایک لاکھ 86 ہزار 557 روپے ہو گئی، عالمی صرافہ مارکیٹ میں سونے کی قیمت 8 ڈالرز کے اضافے سے 2 ہزار 30 ڈالرز فی اونس ہوگئی۔

    دوسری جانب رواں مالی سال کے پہلے 4 ماہ میں پاکستانی فوڈ ایکسپورٹ میں اضافہ ہوا ہے، ادارہ شماریات کے مطابق جولائی تا اکتوبر خوراک کی برآمدات 30 فیصد تک بڑھ گئیں، پہلے 4 ماہ میں ایک ارب 94 کروڑ47 لاکھ ڈالر کی غذائی اشیا برآمد کی گئیں۔

    واپڈا کے آٹھ منصوبے مکمل ہونے سے بجلی پیداواری صلاحیت دگنا ہو جائیگی

    رپورٹ کے مطابق چاول کی ایکسپورٹ 30 فیصد اضافے سے 71 کروڑ ڈالر سے تجاوز کرگئیں، پھلوں کی برآمدات 13.53 فیصد بڑھیں جس کا حجم 10 کروڑ 89 لاکھ ڈالر رہا جبکہ مصالحوں کی ایکسپورٹ 24.56 فیصد اضافے سے 3 کروڑ 47 لاکھ ڈالر رہیں، آئل سیڈز اور میوہ جات کی برآمدات 292 فیصد اضافے سے 30 کروڑ 68 لاکھ ڈالر رہی، چینی کی ایکسپورٹ میں100 فیصد اضافہ ہوا جس کا حجم 2 کروڑ 10 لاکھ ڈالر ریکارڈ کیا گیا۔

    عدالت کا مریم اورنگزیب کو گرفتار کرکے پیش کرنے کا حکم

    رپورٹ کے مطابق گوشت کی برآمدات 18.77 فیصد اضافے سے 15 کروڑ 25 لاکھ ڈالر رہی، مچھلی کی ایکسپورٹ میں 8 فیصد اور سبزیوں کی برآمدات میں 38 فیصد کمی ریکارڈ کی گئی،جولائی تا اکتوبرپاکستان سے تمباکوکی ایکسپورٹ میں 21 فیصد کمی آئی۔

  • عدالت کا مریم اورنگزیب کو گرفتار کرکے پیش کرنے کا حکم

    عدالت کا مریم اورنگزیب کو گرفتار کرکے پیش کرنے کا حکم

    لاہور: انسداد دہشت گردی نے اشتعال انگیز گفتگو کرنے کے مقدمے میں مسلم لیگ (ن) کی رہنما مریم اورنگزیب کو 9 دسمبر کو گرفتار کرکے عدالت پیش کرنے کا حکم دے دیا۔

    باغی ٹی وی: پولیس نے لیگی رہنما مریم اورنگزیب ور جاوید لطیف سمیت دیگر کے خلاف اشتعال انگیز گفتگو کرنے مقدمہ درج کر رکھا ہے،گزشتہ سماعت پر مریم اورنگزیب عدالت میں پیش نہیں ہوئی تھیں جس پر انسداد دہشت گردی عدالت کی جج عبہر گل نے مریم اورنگزیب کے وارنٹ گرفتاری جاری کیے تھے۔

    وارنٹ گرفتاری کی کاپی سامنے آگئی ہے جس کے مطابق انسداد دہشت گردی نے مریم اورنگزیب کو 9 دسمبر کو گرفتار کر کے عدالت پیش کرنے کا حکم دیا اور متعلقہ ایس ایچ او کو وارنٹ کی تکمیلِ کرانے کی ہدایت کی۔

    آرمی چیف سے سعودی لینڈ فورسز کے کمانڈر کی ملاقات

    واضح رہے کہ اداروں کے خلاف اشتعال انگیز گفتگو کرنے پر تھانہ گرین ٹاؤن پولیس نے مریم اورنگزیب سمیت دیگر پر مقدمہ درج کر رکھا ہے گزشتہ سماعت میں عدالت نے مریم اورنگزیب کی بریت کی درخواست پر پراسکیوشن سے جواب طلب کیا تھا جبکہ لیگی رہنماؤ ں نے ایک روزہ حاضری معافی کی درخواست دائر کی تھی، انسداد دہشتگردی عدالت نے مریم اورنگزیب اور جاوید لطیف کی حاضری سے معافی کی درخواست مسترد کر دی تھی جب کہ مریم اورنگزیب کے ضمانتی مچلکے بھی مسترد کر دئیے گئے تھے۔

    واپڈا کے آٹھ منصوبے مکمل ہونے سے بجلی پیداواری صلاحیت دگنا ہو جائیگی

  • آئی ایم ایف ٹیم مذاکرات کے لیے اسلام آباد پہنچ گئی

    آئی ایم ایف ٹیم مذاکرات کے لیے اسلام آباد پہنچ گئی

    اسلام آباد: عالمی مالیاتی فنڈ (آئی ایم ایف) کے ماہرین کی ٹیم پاکستانی حکام سے مذاکرات کے لیے اسلام آباد پہنچ گئی، آئی ایم ایف کے ماہرین کی ٹیم ایک ہفتہ تک پاکستان میں قیام کرے گی اور آئی ایم ایف کی ٹیم کا موجودہ قرض پروگرام اور اس کی قسط سے کوئی تعلق نہیں ہے۔

    باغی ٹی وی: ذرائع کے مطابق آئی ایم ایف ٹیم وزارت خزانہ کے عہدیداران سے ملاقاتیں کرے گی، آئی ایم ایف کے ماہرین فیڈرل بورڈ آف ریونیو (ایف بی آر) کے حکام سے بھی ملاقاتیں کریں گے، آئی ایم ایف ماہرین ٹیکس ریونیو اور ٹیکس نیٹ بڑھانے کیلئے مشاورت کریں گے، تکنیکی ماہرین کا وفد پاکستانی حکام سے تقریباً ایک ہفتہ ٹیکس پالیسی پر مشاورت اور ا ایف بی آر اور آئی ایم ایف تکنیکی وفد ٹیکس پالیسی میں ترامیم کیلئے اقدامات کریں گے، ٹیکس پالیسی میں ترامیم کا مقصد ٹیکس نیٹ کو وسیع کرنا ہے، ماہرین کی مشاورت کا مقصد زیادہ ٹیکس اکٹھا کرنا ہو گا، ریٹیلرز کیلئے اسکیم کا بنیادی ڈھانچہ بھی تکنیکی وفد کے ساتھ مل کر بنایا جائے گا۔

    پرویز الٰہی کی درخواست ضمانت پر اینٹی کرپشن سے مقدمہ کا ریکارڈ طلب

    ذرائع کا بتانا ہے کہ مزید 10 لاکھ لوگ ٹیکس نیٹ میں لاکر ٹیکس دہندگان کی تعداد 60 لاکھ تک پہنچائی جائے گی، تکنیکی وفد کے ساتھ مل کر ٹیکس پالیسی میں ترامیم تیار کی جائیں گی، تیار کیجانے والی ٹیکس ترامیم آئندہ بجٹ میں نافذالعمل ہوں گی ٹیکس پالیسی اور انفورسمنٹ میں بہتری کیلئے آئی ایم ایف کا تکنیکی وفد معاونت کرے گا-

    بنگلہ دیشی حکمران جماعت نے شکیب الحسن کے الیکشن لڑنے کی تصدیق کر دی