Baaghi TV

Author: Ayesha Rehmani

  • بچوں سے زیادتی کی ویڈیو بنا کر ڈارک ویب پر فروخت کرنے والا گروہ گرفتار

    بچوں سے زیادتی کی ویڈیو بنا کر ڈارک ویب پر فروخت کرنے والا گروہ گرفتار

    ٹیکسلا: پولیس نے بچوں سے زیادتی اور ویڈیو بناکر ڈارک ویب پر فروخت کرنے والا گروہ گرفتار کر لیا-

    باغی ٹی وی : سپرنٹنڈنٹ آف پولیس (ایس پی) پوٹھوہار محمد وقاص خان نے تھانہ ٹیکسلا میں پریس کانفرنس کے دوران بتایا ہے کہ بچوں سے زیادتی اور ویڈیو بناکر ڈارک ویب پر فروخت کرنے والا گروہ گرفتار ہوگیا ہے ملزمان کے قبضے سے دو موبائل فون برآمد ہوئے ہیں جنہیں فارنزک کے لیے لاہور بھجوادیا گیا ہ ملزمان راہ گیر بچوں کو لالچ دے کر لاتےتھے۔

    ایس پی کے مطابق ملزمان کے انٹرنیشنل گروہ سے رابطوں کی تحقیقات شروع کردی گئی ہیں، ملزمان اب تک تقریباً 13 بچوں کے ساتھ زیادتی کی ویڈیوز بنا چکےہیں، بہت سارے کیسز ہیں جو رپورٹ نہیں ہوسکے، تین بچے بازیاب کرالیے ہیں۔

    خواتین کو جنسی ہراساں، بلیک میل کرنیوالے ملزمان گرفتار

    دوسری جانب ایف آئی اے نے تین مختلف کاروئیوں میں خواتین کو جنسی ہراساں کرنے، بلیک میل کرنے والے ملزمان کو گرفتار کیا، تر جمان ایف آئی اےکے مطابق سائبر کرائم سرکل ایبٹ آباد نے کارروائی کی اور خاتون کو واٹس ایپ کے ذریعے ہراساں کرنے میں ملوث ملزم کو گرفتار کر لیا، ملزم نے خاتون کی قابل اعتراض تصاویر، ویڈیوز شئیر کیں۔ملزم نے انٹرنیشنل نمبر کا استعمال کرتے ہوئے متاثرہ کو دھمکی آمیز پیغامات اور کالز بھی کیں۔مزید تفتیش جاری ہے۔

    گڈاپ ٹاؤن سے کالعدم تنظیم کے 2 انتہائی مطلوب دہشتگرد گرفتار

    ترجمان ایف آئی اے کے مطابق سائبر کرائم سرکل سکھر نے کاروائی کے دوران آن لائن جنسی ہراسگی میں ملوث ملزم گھوٹکی سے گرفتار کر لیا، ملزم نے متاثرہ کی قابل اعتراض تصاویر اور ویڈیوز وائرل کیں اور متاثرہ کے گھر والوں کو بھی بھیجا۔گرفتار ملزم کے موبائل فون سے قابل اعتراض مواد برآمد کر لیا گیا۔مزید تفتیش جاری ہے۔

    لاہور،سرچ آپریشنز کے دوران 41 اشتہاری مجرمان گرفتار

    سائبر کرائم سرکل اسلام آباد نے کارروائی کی اور خاتون کو سوشل میڈیا کے ذریعے بدنام کرنے میں ملوث ملزم گرفتارکیا محمد رضوان باری نامی ملزم کو اسلام آباد سے گرفتار کیا ملزم نے متاثرہ کے نام سے ای میل اور سوشل میڈیا اکاونٹس بنائے ملزم کے خلاف پیکا ایکٹ کے تحت مقدمہ درج کر لیا گیا ملزم نے متاثرہ خاتون کی قابل اعتراض تصاویر اور ویڈیوز وائرل کی تھیں ملزم محسن کو ایف آئی اے نے ملتان سے گرفتار کیا جس کا موبائل فون بھی برآمد کرلیا گیا ملزم کے خلاف پیکا ایکٹ کے تحت مقدمہ درج کرلیا گیا ہے-

    مجھ پر کتے چھوڑے جاتے تھے،عندلیب فاطمہ کا بیان آ گیا

  • نگراں حکومت پنجاب کو کام سے روکنے کی درخواست پر تحریری حکم جاری

    نگراں حکومت پنجاب کو کام سے روکنے کی درخواست پر تحریری حکم جاری

    لاہور ہائیکورٹ نے نگراں حکومت پنجاب کو کام سے روکنے کی درخواست پر تحریری حکم جاری کرتے ہوئے الیکشن کمیشن سے تفصیلی رپورٹ طلب کرلی۔

    باغی ٹی وی : لاہور ہائیکورٹ کے جسٹس راحیل کامران شیخ نے قانون دان آفتاب باجوہ کی درخواست پرتحریری حکم جاری کر دیا،جس میں کہا گیا کہ سرکاری وکیل نے نشاندہی کی ہےکہ الیکشن کمیشن کو نوٹس جاری نہیں ہواالیکشن کمیشن کو نوٹس جاری کردیئے،الیکشن کمیشن آئندہ سماعت پر تفصیلی رپورٹ داخل کرائے، درخواست پر مزید سماعت 7 ستمبر کو ہوگی۔

    قبل ازیں سرکاری وکیل نے موقف اپنایا تھا کہ نگران حکومت کا کام الیکشن کروانا ہےکیا ہم اس کو خودکار طریقے پر چھوڑ کر چلے جائیں، عدالت نے ریمار کس دیئے کہ اگلے ماہ الیکشن شیڈول نہیں ہیں، اگر نگران کو کام سے روک دیں تو کسی نے تو حکومت کرنی ہے؟اگر یہ حکومت چلی جاتی ہے تو پھر بھی نگران حکومت ہی کرائے گی، وکیل درخواست گزار نے موقف اپنایا کہ یہ نگران حکومت غیر قانونی ہے۔

    رفعت مختارآئی جی سندھ تعینات

    درخواست گزار نے مؤقف اختیار کیا کہ پنجاب میں نگراں حکومت کی آئین میں دی گئی معیاد ختم ہوچکی ہے، سپریم کورٹ نے الیکشن کی تاریخ میں توسیع کی لیکن نگراں حکومت پنجاب کی معیاد میں کو توسیع نہیں کی،صوبائی نگراں حکومت کی معیادختم ہونے پراس کی قانونی حیثیت باقی نہیں رہیں، عدالت نگران وزیر اعلیٰ کو فوری عہدے سے ہٹانے کا حکم دے۔

    درخواست گزار نے استدعا کی کہ عدالت نگراں حکومت پنجاب کو کام سے روکنے اور الیکشن کمیشن کو پنجاب میں نئی نگراں حکومت کا نوٹیفکیشن جاری کرنے کا حکم بھی دیا جائے۔

    عراق کا پاکستانی زائرین کیلئے مفت ویزافراہمی کا اعلان

  • عراق کا پاکستانی زائرین کیلئے مفت ویزافراہمی کا اعلان

    عراق کا پاکستانی زائرین کیلئے مفت ویزافراہمی کا اعلان

    عراق نے اربعین پر پاکستانی زائرین کیلئے مفت ویزافراہمی کا اعلان کر دیا،سابق وزیر داخلہ رانا ثناءاللہ کے دورہ عراق کے دوران دوطرفہ مذاکرات میں یہ فیصلہ کیا گیا تھا-

    باغی ٹی وی : تفصیلات کے مطابق ایک لاکھ پاکستانی زائرین کو مفت ویزا کی سہولت 19 اگست سے 20 ستمبر تک میسر ہوگی عراقی سفارتخانے نے اس حوالے سے تفصیلا ت جاری کردیں پاکستان میں عراقی سفیر حامد عباس لفتہ نے حکومتی فیصلے کا پریس نوٹ جاری کیا جس میں کہا گیا عراقی حکومت نے اربعین پر ایک ماہ کیلئے پاکستانی زائرین کو مفت ویزا فراہم کرنے کا اعلان کیا ہے۔

    رفعت مختارآئی جی سندھ تعینات

    عراقی سفیر نے کہا پاکستان کے سابق وزیر خارجہ بلاول بھٹو اور وزیر داخلہ رانا ثناء اللہ کے عراق کے دوروں کے موقع پر مذاکرات میں یہ فیصلہ کیا گیا تھا پاکستانی زائرین کی تعداد ایک لاکھ ہوگی جنہیں عراقی وزیر داخلہ نے فری ویزا دینے کا حکم نامہ جاری کیا تھا عراقی ایئرلائن اور پاکستان ایئر لائن ہی اس سہولت کے پیش نظرخدمات فراہم کریں گی،عراق میں داخلے کے لیے الشیبیا بارڈر، نجف ایئرپورٹ اور بغداد ایئرپورٹ استعمال کیے جاسکیں گے۔

    ہالینڈ میں سیاستدان کی جانب سے پولیس کی موجودگی میں قرآن پاک کی بے حرمتی

  • شاہ محمود قریشی گرفتار

    شاہ محمود قریشی گرفتار

    اسلام آباد: پاکستان تحریک انصاف کے وائس چیئرمین شاہ محمود قریشی کو گرفتار کرلیا گیا۔

    باغی ٹی وی :پاکستان تحریک انصاف (پی ٹی آئی) کے سیکریٹری جنرل عمر ایوب نے پارٹی کے سینئر رہنما شاہ محمود قریشی کی گرفتاری پر ردعمل دیا، ایک بیان میں عمر ایوب نے کہا کہ شاہ محمود قریشی کو اسلام آباد میں ان کے گھر سے گرفتار کیا گیا۔انہوں نے کہا کہ پی ٹی آئی رہنما پریس کانفرنس کے بعد گھر پہنچے ہی تھے کہ انہیں گرفتار کرلیا، اس اقدام کی مذمت کرتے ہیں امید تھی پی ڈی ایم حکومت کے نکلنے کے بعد لاقانونیت کا راج ختم ہو جائے گا ایسا لگتا ہے نگراں حکومت اپنی پیشرو فاشسٹ حکومت کے ریکارڈ توڑنا چاہتی ہے۔

    : پولیس نے شاہ محمود قریشی کو اسلام آباد میں ان کی رہائش گاہ سے گرفتار کیا گیاذرائع کے مطابق شاہ محمود قریشی کو ایف آئی اے نے گرفتار کیا ذرائع کا کہنا ہے کہ شاہ محمود قریشی کو سائفر کے معاملے پر گرفتار کیا گیا،انہیں ایف آئی اے ہیڈکوارٹر منتقل کیا جا رہا ہے۔


    قبل ازیں تحریک انصاف کے رہنما شاہ محمود قریشی نے 90 روز میں انتخابات کرانے اور لیول پلینگ فیلڈ نہ ملنے کے خلاف سپریم کورٹ سے رجوع کرنے کا اعلان کیا تھا اسلام آباد میں پریس کانفرنس کرتے ہوئے شاہ محمود قریشی نے کہا کہ پی ٹی آئی کے کارکنان پر دباؤ ڈالا جا رہا ہے،دوران کانفرنس سوال کیا آپ کسی ڈیل کے تحت جیل سے باہر ہیں؟ پرانہوں نے کہا کہ ان الزامات کو اہمیت نہیں دیتا اس لیے جواب نہیں دوں گا۔

    رفعت مختارآئی جی سندھ تعینات

    انہوں نے کہا تھا کہ انہوں ںے کہا کہ یہ تاثر غلط ہے کہ تحریک انصاف بطور پارٹی کشمکش کا شکار ہے، ہماری جماعت میں چیئرمین پی ٹی آئی کا کوئی متبادل نہیں ہوسکتا، پی ٹی آئی کی کور کمیٹی مشکل حالات میں کام کر رہی ہے، عام انتخابات کے انعقاد میں آئین پاکستان کی 90 دن کی پابندی ہے پی ٹی آئی انتخابات میں تاخیر کے خلاف سپریم کورٹ سے رجوع کرے گی، ہماری وکلاء کی ٹیم پٹیشن تیار کر رہی ہے جس کے لیے ایڈووکیٹ علی ظفر اور سلیمان اکرم راجہ وکلاء ٹیم کا حصہ ہیں۔

    پی ٹی آئی کورکمیٹی میں اختلافات؟ شاہ محمود قریشی نے پریس کانفرنس کر دی

    دریں اثنا شاہ محمود قریشی نے آسٹریلین ہائی کمشنر سے ملاقات کی تصدیق کی تھی اور کہا تھا کہ آسٹریلین ہائی کمشنر نے ہمیں ناشتے کی دعوت پر بلایا اور وہاں ہم گئے، اس وقت امریکی سفیر کے علاوہ دیگر اہم ممالک کے سفیر بھی موجود تھے، ہم نے الیکشن اور دہشت گردی کے حالیہ واقعات کے بارے میں اپنا موقف ان کے سامنے رکھا اس ملاقات میں چیئرمین پی ٹی آئی کی رہائی اور سائفر کے بارے میں کوئی بات نہیں ہوئی۔

    پریکٹس اینڈ پروسیجر قانون نافذ ہوگیا تو نیب ترامیم کیس کا فیصلہ کالعدم ہوجائے گا

  • رفعت مختارآئی جی سندھ تعینات

    رفعت مختارآئی جی سندھ تعینات

    رفعت مختار کو آئی جی سندھ تعینات کردیا گیا۔

    باغی ٹی وی : آئی جی سندھ غلام نبی میمن کو تبدیل کردیا گیا جبکہ غلام نبی میمن کی جگہ گریڈ 21 کے افسر رفعت مختار کو آئی جی سندھ تعینات کردیا گیا، جس کا نوٹیفکیشن بھی جاری کردیا گیا،پروونشل پولیس آفیسر تعینات کیے گئے رفعت مختار پنجاب میں خدمات سرانجام دے رہے تھے جن کا سندھ پولیس میں تبادلہ کیا گیا ہے۔
    karachi
    انسپیکٹر جنرل پولیس کے عہدے پر خدمات انجام دینے والے غلام نبی میمن ان دنوں چھٹیوں پر عمرے کی ادائیگی کے لیے گئے ہوئے ہیں،غلام نبی میمن کو نئے احکامات ملنے تک اسٹیبلشمنٹ ڈپارٹمنٹ میں رپورٹ کرنے کی ہدایت کی گئی ہے۔

  • یوکرین میں روس کے میزائل حملے،11 بچوں سمیت 37 افراد زخمی ،5 ہلاک

    یوکرین میں روس کے میزائل حملے،11 بچوں سمیت 37 افراد زخمی ،5 ہلاک

    یوکرین میں روس کے میزائل حملے میں 5افراد ہلاک اور11 بچوں سمیت 37 زخمی ہو گئے ہیں۔

    باغی ٹی وی : عالمی خبررساں ادارے کے مطابق روس کی جانب سے یہ حملہ یوکرین کے شمالی شہر چرنیہیف کے مرکزی چوک پرکیا گیا،یوکرین کی وزارت داخلہ نے ہفتے کے روز ایک بیان میں کہا کہ لوگ مذہبی تعطیل منانے کے لیے گرجا گھر جا رہے تھے جب میزائل حملہ کیا گیا-

    سویڈن کے سرکاری دورے کے موقع پرصدر ولادیمیر زیلنسکی نے سوشل میڈیا پر بتایا کہ کہ ایک روسی میزائل ہمارے چرنیہیف شہر کے عین وسط میں گراہے ایک چوک، پولی ٹیکنک یونیورسٹی اور ایک تھیٹر پر گراہے ہفتے کو عام تعطیل کا دن روس نے دردآمیز اور نقصان زدہ بنا دیا ہے۔

    چین میں چینی مٹی سے بنے ​​پانی کے پائپوں کا ایک قدیم ترین نیٹ ورک …

    ساتھ ہی زیلنسکی نے ویڈیو بھی پوسٹ کی جس میں ملبہ علاقائی ڈراما تھیٹر کے سامنے ایک چوک پر بکھرا پڑا ہے، جہاں کھڑی گاڑیوں کو شدید نقصان پہنچا ہے ویڈیو میں ایک لاش کو کار کے اندر لٹکتے ہوئے بھی دیکھا جا سکتا ہے۔

    قبل ازیں یوکرین کے پُررونق علاقےپوکروسک میں روسی فوج نے 2 میزائل داغے جس کے نتیجے میں 7 افراد ہلاک اور 67 زخمی ہوگئے تھے جبکہ رہائشی عمارتوں، ہوٹل، پکوان سینٹرز، دکانوں اورانتظامی عمارتوں کوشدید نقصان پہنچا تھایوکرین کے مشرقی شہر پوکروسک میں روس نے 40 منٹ کے فرق سے دو میزائل داغے اس علاقے میں قبضے کے لیے دونوں ممالک کی افواج متحارب ہیں۔

    میکسیکومیں گھر کے فریزر سے 13 لاشیں برآمد

    کئی عمارتیں اور کاروباری مراکز مٹی کے ڈھیر بن گئے تھے 5 منزلہ عمارت کے ملبے سے 7 لاشیں نکالی گئیں جب کہ 67 افراد کو زخمی حالت میں اسپتال منتقل کیا گیا تھا یوکرین کے وزیر داخلہ ایگور کلیمینکو نے بتایا تھا کہ ہلاک ہونے والوں میں ڈونیٹسک علاقے کا ایک اعلیٰ سطح کا اہلکار بھی شامل ہے ملبہ ہٹانے کا کام جاری ہے لیکن ریسکیو اہلکاروں کو بار بار ہونے والی شیلنگ کی وجہ سے اپنا کام معطل کرنا پڑا ہےروس یوکرین جنگ کے حالیہ محاذ پوکروسک شہر کی آبادی 60 ہزار کے لگ بھگ ہے تاہم جنگ کے بعد سے اکثریت شہر چھوڑ کر دوسرے مقام پر منتقل ہوگئی-

    افغان طالبان حکومت کے 2 سال پورے ہونے پر امریکی وزیر خارجہ کا بیان

    واضح رہے کہ روس نے فروری 2022 میں شروع کیے گئے اپنے مکمل حملے کے حصے کے طور پر جنگی محاذوں سے دور واقع یوکرین کے شہروں پر میزائلوں اور ڈرونز سے حملے کیے ہیں پوکروسک کو ستمبر میں یوکرین نے دوبارہ اپنے قبضے میں لے لیا تھا لیکن روس نے اس شہر کے بڑے علاقے پر پھر سے قبضہ کرلیا۔

  • ہالینڈ میں سیاستدان کی جانب سے پولیس کی موجودگی میں قرآن پاک کی بے حرمتی

    ہالینڈ میں سیاستدان کی جانب سے پولیس کی موجودگی میں قرآن پاک کی بے حرمتی

    سویڈن کے بعد ہالینڈ میں بھی ملعون ڈچ سیاستدان نے پولیس کی موجودگی میں قرآن پاک کی بے حرمتی ،پاکستان کی شدید مذمت

    باغی ٹی وی : غیرملکی میڈیا کے مطابق ہالینڈ کے معلون سیاستدان اور انتہاپسند سفید فام پارٹی کے رہنما نے دو ساتھیوں سمیت ترکیہ کے سفارت خانے کے سامنے قرآن پاک کی بے حرمتی کی، ڈچ سیاستدان کی جانب سے قرآن پاک کی بیحرمتی کو روکنے کے لیے درجنوں مسلمان پہنچے تاہم پولیس نے انہیں آگے جانے سے روک دیا کچھ افراد نے ملعون شخص پر پتھراؤ بھی کیا۔

    رپورٹس کے مطابق کچھ افراد نے ملعون سیاستدان کا پیچھا کرنے کی کوشش کی تاہم پولیس نے انہیں گرفتار کرلیا تاہم بعد میں رہا کردیا گیا ہالینڈ کے ترک نژاد وزیر انصاف نے واقعہ کو افسوسناک قرار دیا، ہالینڈ میں اس طرح کے انتہا پسند مظاہروں اور اقدامات کو روکنے کے لیے کوئی قانون موجود نہیں ہے۔

    سویڈن میں ایک بار پھر شاہی محل کے باہرقرآن پاک کی بے حرمتی

    چند روز قبل سویڈن میں بھی قرآن پاک کی بیحرمتی کا دوسرا واقعہ پیش آیا تھا جب ملعون شخص نے شاہی محل کے سامنے قرآن پاک کی بیحرمتی کی تھی۔ اس شخص کے خلاف بھی کوئی کارروائی نہیں کی گئی۔

    واٹس ایپ میں اے آئی ٹیکنالوجی پر مبنی نئے فیچر کا فیصلہ

    پاکستان نے ہالینڈ کے شہر دی ہیگ میں قرآن پاک کی بے حرمتی کے ایک اور اشتعال انگیز اور انتہائی جارحانہ اقدام کی شدید مذمت کی ہے ترجمان دفتر خارجہ کی جانب سے جاری بیان میں کہا گیا کہ ایسی جارحانہ کارروائیوں کو اظہار رائے اور احتجاج کی جائز آزادی کے تحت نہیں لایا جا سکتا، بین الاقوامی قانون ریاستوں کو مذہب یا عقیدے کی بنیاد پر نفرت، امتیازی سلوک اور تشدد کے لیے جان بوجھ کر اکسانے کی روک تھام اور ممانعت کرنے کا پابند کرتا ہے۔

    اغوا کے ڈرامے میں دوست کی جان چلی گئی،2 اے ایس آئی گرفتار

    ترجمان دفترخارجہ نے کہا کہ پاکستان سمجھتا ہے کہ آزادی اظہار ذمہ داریوں کی متقاضی ہے، یہ عالمی برادری کی ذمہ داری ہے کہ وہ نسل پرستانہ، غیر انسانی اور اسلامو فوبیا کی حامل کارروائیوں کو روکیں، یہ دانستہ اسلامو فوبیا کا حامل عمل دنیا کے 2 ارب مسلمانوں کے جذبات کو گہری ٹھیس پہنچانے کے مترادف اور پرامن بقائے باہمی اور بین المذاہب ہم آہنگی کے لئے خطرہ ہے اقوام متحدہ کی جنرل اسمبلی کی 2022 میں 15 مارچ کو اسلامو فوبیا سے نمٹنے کے عالمی دن کے طور پر منانے کے لیے منظور کی گئی قرارداد کے پیچھے یہی روح تھی۔

    امید تھی پی ڈی ایم حکومت کے نکلنے کے بعد لاقانونیت کا راج ختم ہو جائے گا

    ترجمان نے کہا کہ اس اقدام پرپاکستان کےتحفظات ہالینڈ کےحکام تک پہنچارہے ہیں،ہم ان سے مطالبہ کرتے ہیں کہ وہ دنیا بھر کے مسلمانوں کے جذبات کا خیال رکھیں اور اس طرح کی نفرت انگیز اور اسلامو فوبیا کی حامل کارروائیوں کو روکنے کے لیے اقدامات کریں ہم عالمی برادری سے بھی مطالبہ کرتے ہیں کہ وہ اسلامو فوبیا کے خلاف آواز اٹھائے اور بین المذاہب ہم آہنگی کو فروغ دینے کے لیے اجتماعی طور پر کام کرے-

    جیکب آباد میں صحافی ہوٹل سے گھر جاتے ہوئے لاپتہ

  • دفتر خارجہ کی مسیحی برادری کو اعلیٰ سطح کی تحقیقات کی یقین دہانی

    دفتر خارجہ کی مسیحی برادری کو اعلیٰ سطح کی تحقیقات کی یقین دہانی

    اسلام آباد: جڑانوالہ میں پیش آنے والے افسوسناک واقعے پر دفتر خارجہ کا بھی رد عمل سامنے آیا ہے-

    باغی ٹی وی : ترجمان دفتر خارجہ کی جانب سے جاری بیان میں کہا گیا ہے کہ نگران وزیراعظم پاکستان نے فیصل آباد میں ہونے والے واقعے کی شدید الفاظ میں مذمت کرتے ہوئے مسیحی برادری کو اعلیٰ سطح کی تحقیقات کی یقین دہانی کرائی ہے، پورے ملک کے عوام مسیحی برادری سے سلوک پر دکھی ہیں،وزیراعظم نے جڑانوالا واقعہ میں ملوث مجرمان کی جلد گرفتاری کا حکم دیا ہے اس واقعے میں ملوث افراد کو کسی صورت معاف نہیں کیا جائے گا۔

    علاوہ ازیں ہفتہ وار بریفنگ میں دفترخارجہ کی ترجمان ممتاز زہرا بلوچ کا کہنا تھا کہ ورلڈ کپ میں پاکستان کرکٹ ٹیم کی سیکیورٹی پر بھار تی بیانات کاجواب نہیں دوں گی، ورلڈ کپ کرکٹ میں پاکستانی ٹیم کو فول پروف سیکیورٹی فراہم کرنا بھارت کی ذمہ داری ہے پاکستانی ٹیم کو خوف اور ہراسانی سے پاک ماحول فراہم کرنابھارت کی ذمہ داری ہے، ایسا ماحول ہوجس میں تماشائی پاکستانی کھلاڑیوں کوہراساں نہ کر سکیں-

    نگران وزیراعظم سے سعودی سفیر ملنے پہنچ گئے

    ترجمان نے کہا کہ افغان طالبان سپریم لیڈر ملا ہیبت اللہ کا پاکستان کے اندر حملے کرنے کے خلاف بیان خوش آئند ہے، جب کہ روس کی طرف سے 14 اگست کے بیان اور انتظامات کیلیے شکرگزار ہیں۔

    واضح رہے کہ گزشتہ روز جڑانوالہ میں مشتعل ہجوم نے توہینِ مذہب کا الزام لگا کر 4 گرجا گھروں سمیت مسیحی برادری کے درجنوں مکانات اور گاڑیاں اور مال و اسباب کو جلا دیا تھا،فیصل آباد پولیس کا ملزمان تک پہنچنے کے لیے کریک ڈاؤن جاری ہے اور اب تک 100 سے زائد افراد کو گرفتار کرکے دو مقدمات درج کرلیےگئےہیں، جڑانوالہ میں مساجد میں اعلانات کر کے عوام کو اشتعال دلانےوالے شخص کو سوشل میڈیا پر وائرل ہونے والی ویڈیو کی مدد سے گرفتار کر لیا ہے 37 نامزد اور 600 سے زائد نامعلوم ملزمان کے خلاف مقدمات میں انسداد دہشت گردی اور توہین مذہب سمیت 13 سے زائد دفعات لگا دی گئی ہیں۔

    جڑانوالہ سانحہ،میرے گھر پر بھی حملہ کیا گیا،پادری،100 افراد گرفتار

    کشیدہ صورتحال کے باعث جڑانوالہ شہر میں عام تعطیل کا اعلان کیا گیا ہے اور رینجرز کی دو کمپنیاں مختلف مقامات پر تعینات کی گئی ہیں جبکہ فیصل آباد میں تاحکم ثانی دفعہ 144 نافذ کر دی گئی ہے۔

    ترجمان پنجاب کی جانب سے کہا گیا ہے کہ پولیس اور انتظامیہ نے بروقت کارروائی کی اور مساجد سے یہ اعلان بھی کروایا گیا کہ ذمہ داران کے خلاف کارروائی کی جا رہی ہے لیکن قرآن کی بے حرمتی کی وجہ سے اشتعال بڑھ چکا تھا اور 5 سے 6 ہزار کا مجمع مختلف ٹولیوں کی صورت میں جڑانوالہ کے مختلف علاقوں میں اکٹھا ہوا اور انہوں نے ایک اقلیت کی آبادیوں پر حملہ کیا-

    جڑانوالہ،مبینہ طور پر قرآن پاک کی بے حرمتی،مشتعل افراد نے چرچ جلا دیا

    جڑانوالہ کے گرجا گھروں کے انچارج بادری خالد مختار کا کہنا ہے کہ مشتعل ہجوم نے چھ گرجا گھروں کو نشانہ بنایا، ان کی اپنی رہائش گاہ پیرش پادری ہاؤس پر بھی حملہ کیا گیا مظاہرین دو گھنٹے تک ان کی رہائشگاہ کے باہر جمع رہے اور وہ بمشکل اپنے اہل خانہ کے ساتھ فرار ہونے میں کامیاب ہوئے،پادری خالد نے شکوہ کرتے ہوئے کہا کہ انہوں نے متعدد بار پولیس کو بلایا لیکن وہ مدد کے لیے نہیں آئے-

  • برٹش میوزیم سے قیمتی نوادرات چوری، عملے کا ایک رکن برطرف

    برٹش میوزیم سے قیمتی نوادرات چوری، عملے کا ایک رکن برطرف

    برٹش میوزیم سے قیمتی نوادرات کی چوری کی خبر پر برطانوی حکام نے ایکشن لیتے ہوئے نے اپنے عملے کے ایک رکن کو برطرف کر دیا ہے-

    باغی ٹی وی : "ایسٹرن آئی” کی رپورٹ کے مطابق ترجمان لندن میوزیم کے مطابق چوری ہونے والے قیمتی زیورات اور خراب حالت میں پائے جانے والے نوادرا میوزیم کے اسٹور روم میں رکھے تھے چوری ہونے والی اشیاء میں 15 ویں صدی قبل مسیح سے 19 ویں صدی عیسوی تک کے سونے کے زیورات ،قیمتی پتھر سمیت شیشے کے جواہرات اور دیگر اشیاء شامل ہیں،زیادہ تر اشیاء چھوٹے چھوٹے ٹکڑے تھے جو میوزیم کے مجموعوں میں سے ایک سے تعلق رکھنے والے اسٹور روم میں رکھے گئے تھے۔

    ان میں سے کوئی بھی حال ہی میں عوامی نمائش پر نہیں تھا ، اور انہیں بنیادی طور پر تعلیمی اور تحقیقی مقاصد کے لئے رکھا گیا تھا،برٹش میوزیم سے قیمتی نوادرات کی چوری کی خبر پر برطانوی حکام نے ایکشن لیتے ہوئے نے اپنے عملے کے ایک رکن کو برطرف کر دیا ہے اور سکیورٹی بڑھانے کے لیے ’ہنگامی اقدامات‘ نافذ کر دیئے ہیں۔

    گوگل نے ویب براؤزر کروم میں نیا اے آئی فیچز شامل کرلیا

    برطرف کیے گئے عملے کے خلاف قانونی کارروائی کی جائے گی میٹروپولیٹن پولیس کی اکنامک کرائم کمانڈ معاملے کی تحقیقات کر رہی ہے۔

    میوزیم کے ڈائریکٹر ہارٹ وگ فشر کا کہنا ہے کہ ’یہ انتہائی غیر معمولی واقعہ ہے۔ ہم اپنی دیکھ بھال میں تمام اشیاء کی حفاظت کو انتہائی سنجیدگی سے لیتے ہیں، برٹش میوزیم کی حفاظتی انتظامات سخت کر دیے ہیں اور ہم بیرونی ماہرین کے ساتھ مل کر کام کر رہے ہیں تاکہ لاپتہ، تباہ اور چوری ہونے والی چیزوں کا حتمی حساب کتاب مکمل کیا جا سکے، اس سے ہمیں اشیاء کی بازیابی کا موقع ملے گا-

    جارج نے کہا کہ ہم نے پولیس کو بلایا، سیکورٹی کو بڑھانے کے لیے ہنگامی اقدامات نافذ کیے، جو کچھ ہوا اس کا ایک آزاد جائزہ لیا اور سیکھنے کے لیے سبق، اور اس فرد کے ساتھ نمٹنے کے لیے جو ہم ذمہ دار سمجھتے ہیں، ہمارے پاس موجود تمام تادیبی اختیارات استعمال کیے-

    واٹس ایپ نےاسکرین لاک کا فیچرمتعارف کروا دیا

    برطانیہ کے سابق چانسلر خزانہ نے میوزیم کی ترجیح کو تین گنا قرار دیا کہا کہ چوری شدہ اشیاء کی بازیابی، یہ جاننے کے لیے کہ اسے روکنے کے لیے کیا کیا جا سکتا تھا اور سیکیورٹی اور جمع کرنے کے ریکارڈ میں سرمایہ کاری کے ساتھ "جو کچھ بھی ہو” کرنا، اس بات کو یقینی بنانے کے لیے کہ ایسا دوبارہ نہ ہو۔

    انہوں نے کہا کہ یہ ان تمام لوگوں کے لیے افسوسناک دن ہے جو ہمارے برٹش میوزیم سے محبت کرتے ہیں، لیکن ہم غلطیوں کو درست کرنے اور ایک مضبوط میوزیم کی تعمیر کے لیے تجربے کو استعمال کرنے کے لیے پرعزم ہیں۔

    لاطینی امریکہ میں دھماکا، 27 افراد ہلاک اور 59 زخمی

  • ائرپورٹ پر گم ہونے والا چالیس لاکھ مالیت کا سونا پولیس نے خاتون مسافر کے حوالے کر دیا

    ائرپورٹ پر گم ہونے والا چالیس لاکھ مالیت کا سونا پولیس نے خاتون مسافر کے حوالے کر دیا

    کراچی: پولیس نے فرض شناسی کی مثال قائم کر دی،ائیرپورٹ پر گم ہونے والا چالیس لاکھ مالیت کا سونا پولیس نے ڈھونڈ کر خاتون مسافر کے حوالے کر دیا-

    باغی ٹی وی : ایس ایچ او کلیم موسیٰ کے مطابق خاتون سائرہ مصطفی کا سات اگست کو اسلام آباد سے کراچی پہنچی خاتون مسافر اپنا بیگ ائرپورٹ پارکنگ ایریا میں بھول گئی ،خاتون گھر پہنچیں اوراپنا سامان چیک کیا،تو ان کا ایک بیگ سامان میں موجود نہیں تھا جو وہ ائیر پور ٹ پارکنگ ایریا میں ٹرالی سے اٹھانا بھول گئی تھیں، مسافر خاتون کے ہینڈ بیگ میں سونا موجود تھا-

    پولیس حکام کے مطابق خاتون نے ائیرپورٹ تھانے میں رپورٹ درج کرائی اور بتایا کہ بیگ میں 40 لاکھ روپے مالیت کے زیورات، 40 ہزار روپے نقد، بینکوں کے مختلف کارڈز اور دستاویزات موجود تھیں۔ خاتون کا ہینڈ بیگ پارکنگ ایریا سے کار سوار کو ملا ،کار سوار وہ بیگ اپنے گھر لے گیا خاتون نے تلاش کے مایوس ہو کر پولیس کو اطلاع دی، اس سلسلے میں سول ایوی ایشن اتھارٹی اور ایئر لائن کے عملے سے بھی پوچھ گچھ کی گئی مگر کسی کو گمشدہ بیگ کے بارے میں علم نہیں تھا۔

    ملک بھر میں ای پاسپورٹ کا اجراء کر دیا گیا،فیس شیڈول بھی جاری

    پولیس نے سی سی ٹی وی کی مدد سے چوبیس گھنٹے میں بیگ ڈھونڈ نکالا ، ایکسائز ڈیپارٹمنٹ سے مذکورہ گاڑی کا ریکارڈ نکالا گیا تو وہ ایک ادارے کی ملکیت تھی جس پر پولیس نے کمپنی سے رابطہ کیا کمپنی کے سکیورٹی عملے نے مطلوبہ بیگ پولیس کے حوالے کیا جو کہ ان کے ڈرائیور نے لاوارث قرار دے کر کمپنی کے سکیورٹی ڈیپارٹمنٹ میں جمع کرایا تھا خاتون اپنا سونا ملنے پر انتہائی خوش ہوئی پولیس کی کارکردگی کی تعریف کی-

    ایس ایس پی ملیر حسن سردار نیازی نے اچھا کام کرنے پر ایس ایچ او ائیرپورٹ کلیم موسی اور ان کی ٹیم کے لیے انعامات کا اعلان کیا ہے۔

    صدارتی ایوارڈ یافتہ شاعر، 30 سے زائد کتابوں کےمصنف،ڈاکٹر ذوالفقار سیال