Baaghi TV

Author: Ayesha Rehmani

  • یونیورسٹیاں خواتین کو دوباہ داخلہ دینے کیلئے تیارہیں، افغان محکمہ تعلیم

    یونیورسٹیاں خواتین کو دوباہ داخلہ دینے کیلئے تیارہیں، افغان محکمہ تعلیم

    افغان محکمہ تعلیم کے ایک اہلکار نے کہا ہے کہ یونیورسٹیاں خواتین کو دوباہ داخلہ دینے کیلئے تیارہیں، تاہم اس بات کی منظوری طالبان کی اعلٰی قیادت دے گی۔

    باغی ٹی وی: نیوزایجنسی ایسوسی ایٹڈ پریس کے مطابق طالبان نے دسمبر 2022 میں خواتین کی یونیورسٹی تعلیم پر پابندی لگا دی تھی جس سے عالمی سطح پر غم و غصہ پیدا ہوا تھا اگست 2021 میں اقتدارسنبھالنے کے بعد چھٹی جماعت کےبعد سےلڑکیوں کو اسکول جانے سے روک دیا تھا،طالبان کے عبوری حکومت سنبھالنے کے بعد سے اففانستان دنیا کا واحد ملک ہے جہاں خواتین کی تعلیم پرپابندی عائد کی گئی۔

    افغان وزیرتعلیم ندا محمد ندیم کا کہنا تھا کہ یونیورسٹیوں میں مخلوط تعلیم پرپابندی لازمی تھی کیونکہ کچھ مضامین پڑھائے جانے سے اسلام کے اصولوں کی خلاف ورزی ہوتی ہے،یہ پابندی طالبان سپریم کمانڈر ملا ہیبت اللہ اخونزادہ کی طرف سے لگائی گئی تھی،یہ عارضی ہے ، مخلوط تعلیم، نصاب اور ڈریس کوڈ کا مسئلہ حل ہو جائے گا تو یونیورسٹیاں دوبارہ کھول دی جائیں گی ہیبت اللہ اخوندزادہ کی طرف سے جنوبی شہر قندھار سے جاری کردہ پابندی اگلے نوٹس تک برقرار ہے۔

    کینیڈا:سکھوں کاہندو مندر پر حملہ ،پوسٹر آویزاں کر دیئے

    وزارت تعلیم کے مشیر مولوی عبدالجبار نے کہا ہے کہ جیسے ہی ملاہیبت اللہ اخونزادہ کا حکم ہوگا یونیورسٹیاں خواتین کو دوبارہ داخلہ دینے کیلئے تیارہوں گی،تاہم اس حکم کا نفاذ کب ہوگا،اس حوالے سے ابھی کچھ نہیں بتایا گیا،ملا ہیبت اللہ اخونزادہ نےکہا کہ یونیورسٹیاں بند کر دو ،اس لیے بند ہیں، اور جب وہ کہیں گے کھول دو تو اسی روز کھل جائیں گی، ہمارے رہنما خواتین کی تعلیم کے حق میں ہیں-

    گوگل کا ای دستخط متعارف کرانے کا فیصلہ

  • امریکا میں بھارتی شہریوں پر فراڈ کا جرم ثابت،ملزمان کو15 سال سے زائد قید کی سزا

    امریکا میں بھارتی شہریوں پر فراڈ کا جرم ثابت،ملزمان کو15 سال سے زائد قید کی سزا

    امریکی محکمہ انصاف نے کہا کہ ایک بھارتی شہری کو امریکا اور دیگر جگہوں پر بڑے پیمانے مالی فراڈ کرنے کے جرم میں 15 سال سے زائد قید کی سزا سنائی گئی، دیگر پانچ سزا کے انتظارمیں ہیں۔

    باغی ٹی وی: متاثرین میں پاکستانی اور بھارتی نژاد معمر امریکی شہری بھی شامل تھے، اس گینگ کے سرغنہ اور کچھ دیگرافراد امریکا میں غیرقانونی طور پر مقیم تھےٹیکساس کے جنوبی ضلع میں امریکی اٹارنی علمدار ایس ہمدانی نے اعلان کیا کہ میل فراڈ کرنے کی سازش میں سرغنہ کو وفاقی جیل بھیج دیا گیا ہے۔

    26 سالہ ایم ڈی آزاد، ایک ہندوستانی شہری جو غیر قانونی طور پر ہیوسٹن میں مقیم تھا، نے 15 اگست 2022 کو جرم قبول کیا، اور اعتراف کیا کہ اس نے 2019-2020 کے دوران ایک فراڈ کی رِنگ میں حصہ لیا اس نے ہیوسٹن سمیت مختلف امریکی شہروں میں کام کیا اور سیکڑوں بزرگ شہریوں کو نشانہ بنایا۔

    گوگل کا ای دستخط متعارف کرانے کا فیصلہ

    امریکی ڈسٹرکٹ جج کینتھ ہوئٹ نے اب آزاد کو وفاقی جیل میں 188 ماہ کی سزا کا حکم دیا ہے۔ ہندوستان کے شہری آزاد کو قید کی سزا کے بعد برطرفی کی کارروائی کا سامنا کرنا پڑے گاایم ڈی آزاد کی طرح ہی دیگر پانچ دیگر بھارتی شہری، جن میں انیرودھا کالکوٹ 26، سُمیت کمار سنگھ 26، ہمانشو کمار 26، اور ایم ڈی حسیب 27 نامی افراد نے بھی فراڈ کا اعتراف کیا ہے، جو ابھی زیر حراست ہیں اور اپنی سزا کا انتظار کررہے ہیں عدالت میں سماعت کے موقع پر استغاثہ نے امریکا میں مقیم ایم ڈی آزاد کو سرغنہ قرار دیا، جو بھارت میں کال سینٹر کے ساتھ کام کرتا ہے۔ اس دوران متاثرہ افراد کے متعدد خطوط بھی پڑھے گئے۔

    ہمدانی نے کہا کہ اس معاملے میں متاثرین مالی طور پر تباہ ہوئے تھےاس دھوکہ دہی میں بار بار ریاست ہائے متحدہ امریکہ میں بزرگ اور کمزور لوگوں کا شکار کیا جنہوں نے مزید رقم دینےسے انکار کرنے پر انہیں دھمکیاں دیں ہماری امید، اور بہت سے متاثرین کی، ڈیٹرنس ہے تاکہ دوسروں کو روکا جا سکےجو ہماری کمیونٹی اور اس سے باہر اسی طرح کا نقصان کرنے کے بارے میں سوچیں گے۔

    کینیڈا:سکھوں کاہندو مندر پر حملہ ،پوسٹر آویزاں کر دیئے

    محکمہ انصاف کے ایک بیان میں کہا گیا ہے کہ جعلساز گروہ نے مختلف حربے استعمال کرتے ہوئے متاثرین کو دھوکہ دیا اور لوگوں کو کہا کہ آپ گفٹ کارڈ خرید کر رقم بھیجیں۔ ملزمان متاثرین سے فون یا انٹرنیٹ سائٹس کے ذریعے کمپیوٹر تکنیکی فراہم کرنے کے لیے رابطہ کرتے تھے۔ ایک بار جب متاثرین نے دھوکہ دہی کرنے والوں سے رابطہ کیا، تو انہیں مختلف کہانیاں سنائی گئیں جیسے کہ وہ کسی ماہر سے بات کر رہے ہیں۔

    اس کے بعد ملزمان نے متاثرین کے ذاتی ڈیٹا اور بینک اور کریڈٹ کارڈ کی معلومات تک رسائی حاصل کی متاثرین نے ان کی خدمات حاصل کرنے کے عوض فیس ادا کی گئی اکاؤنٹس میں ہیرا پھیری کی تاکہ یہ ظاہر ہو کہ متاثرہ کو ٹائپوگرافیکل کی وجہ سے بہت زیادہ رقم کی واپسی کی گئی تھی اس کے بعد متاثرین کو مختلف طریقوں سے بعض اوقات متعدد بار دوبارہ نشانہ بنایا جاتا تھا اور رقم ادا نہ کرنے پر انہیں جسمانی نقصان پہنچانے کی دھمکی دی جاتی تھی۔

    سعودی عرب نے فلسطین کے لیےغیر مقیم سفیرنامزد کر دیا

    اسکیم کے ایک حصے میں دھوکہ باز متاثرین سے فون یا انٹرنیٹ سائٹس کے ذریعے کمپیوٹر تکنیکی مدد کے لیے رابطہ کرتے اور متاثرین کو کسی خاص فون نمبر پر بھیجتے تھے۔ ایک بار جب متاثرین نے دھوکہ دہی کرنے والوں سے رابطہ کیا، تو انہیں مختلف کہانیاں سنائی گئیں جیسے کہ وہ کسی ماہر سے بات کر رہے تھے جسے تکنیکی مدد کی خدمات فراہم کرنے کے لیے اپنے کمپیوٹر تک ریموٹ رسائی کی ضرورت تھی۔ اس کے بعد دھوکہ بازوں نے متاثرین کے ذاتی ڈیٹا اور بینک اور کریڈٹ کارڈ کی معلومات تک رسائی حاصل کی۔

    ایف بی آئی، یو ایس پوسٹل انسپیکشن سروس اور آئی آر ایس کریمنل انویسٹی گیشن نے ہوم لینڈ سیکیورٹی انویسٹی گیشنز، فورٹ بینڈ کاؤنٹی شیرف آفس اور دیگر مقامی قانون نافذ کرنے والے اداروں بشمول شیرف آفس اور آگسٹا کاؤنٹی، ورجینیا کے کامن ویلتھ کے اٹارنی کے دفتر کی مدد سے تفتیش کی۔ اسسٹنٹ یو ایس اٹارنی بیلنڈا بیک اور کوئنسی اولیسن نے مقدمہ چلایا۔

    انگریز دور کے قوانین کو تبدیل کرنے کا بھارتی پارلیمنٹ میں ترمیمی بل پیش

  • 76 ویں یوم آزادی پرگوگل کی پاکستان کو مبارکباد

    76 ویں یوم آزادی پرگوگل کی پاکستان کو مبارکباد

    گوگل دنیا کے مختلف ممالک کے اہم ثقافتی اور قومی دنوں کی مناسبت سے ڈوڈلز پیش کرتا ہےپاکستان کے 76 ویں یوم آزادی پر دنیا کے سب سے بڑے سرچ انجن گوگل نے پاکستان کے لیے اپنا نیا ڈوڈل پیش کردیا۔

    باغی ٹی وی :گوگل کی جانب سے پیش کئے گئے ڈوڈل میں دریائے سندھ کی’بلائنڈ ڈولفن‘ کو دکھایا گیا ہے، ڈوڈل کے نچلے حصے پر سبز رنگ کی پٹی میں گوگل لکھا ہے ڈوڈل پر کلک کریں تو اسکرین پر آتش بازی ہوتی دکھائی دیتی ہے، اور پاکستان کا جھنڈا بھی بنتا ہے۔
    youm e azadi
    گوگل نے ڈوڈل تبدیل کرنے کے ساتھ اپنے پاکستانی صارفین کو یوم آزادی کی مبارکباد دیتے ہوئے لکھا ہے کہ یوم آزادی مبارک ہو پاکستان، آج کے سالانہ ڈوڈل آرٹ ورک میں دانتوں والی ویل کی انواع کو دکھایا گیا ہے جو پاکستان کے دریائے سندھ کی مقامی ڈولفن ہے۔

    گوگل نے لکھا کہ آج کے دن 1947 میں، پاکستان نے اپنی آزادی حاصل کی اور تقریباً 200 سال برطانوی تسلط کے بعد ایک خودمختار ملک بن گیا,1947 میں ہندوستانی آزادی ایکٹ کے بعد، مسلمان ہندوستانی اپنی خود مختار قومی ریاست چاہتے تھے اور پاکستان کی تحریک شروع کی۔ اس تحریک کی قیادت آل انڈیا مسلم لیگ نے کی، جس کی قیادت محمد علی جناح نے کی۔

    آج کے ڈوڈل آرٹ ورک میں دانتوں والی وہیل کی انواع کو دکھایا گیا ہے جو پاکستان کے لیے مقامی ہے دریائے سندھ کی ڈولفن۔ یہ خطرے سے دوچار نسل جسے اردو اور سندھی میں بھولن بھی کہا جاتا ہے، پاکستان کے ساحلوں پر خاص طور پر دیکھنے کو ملتی ہے یوم آزادی مبارک ہو، پاکستان!

  • نوازشریف اس دن آئے گا جس دن انصاف کی توقع ہو گی،خواجہ آصف

    نوازشریف اس دن آئے گا جس دن انصاف کی توقع ہو گی،خواجہ آصف

    مسلم لیگ ن کے رہنما اور سابق وزیر دفاع خواجہ آصف نے کہا کہ شہباز شریف نے تمام سیاسی جماعتوں کے قافلے کو اپنی منزل تک پہنچایا-

    باغی ٹی وی:سیالکوٹ میں جشن آزادی کے حوالے سے تقریب سے خطاب کرتے ہوئے خواجہ آصف کا کہنا تھا آج اگر ن لیگ متحرک ہوتی ہے تو وہ گزشتہ پانچ سال ثابت قدمی کا نتجہ ہے, آج سوا سال کی حکومت کے بعد پاکستان کی عوام کی عدالت میں پیش ہوئے، اس حکومت کے وزیراعظم شہباز شریف رہے،پاکستان کی تاریخ میں اتنی مشکل وزارت عظمیٰ شاید کسی نے گزاری ہو، جس طرح شہبازشریف نے گزاری تمام پارٹیوں کو لے کر قافلے کو اپنی منزل تک پہنچایا،ہم یہ نہیں کہہ سکتے کہ چار سال کا سارا گند صاف کیا لیکن ہم نے ملک کو ڈیفالٹ ہونے سے بچایا،جو ڈالر آج تین سو کا ہے پانچ سو کا ہونا تھا، جو تباہی عمران کی کابینہ کر کے گئی شاید ہی پاکستان سلامت رہتا، ہم نے اسکی بچھائی گئی بارودی سرنگوں سے ملک کو نکال کر سواسال مکمل کیا، آپ کو اسکے چار سال کے اتنے اسکینڈلز ملیں گے کہ انہوں نے گھٹیا سے گھٹیا حرکات دیکھنے کو ملیں گی، اس نے قانون کا ہاتھ اپنے گریبان تک آنے سے روکے رکھا، عدلیہ انکی آخری پناہ گاہ ہے، انشاللہ انصاف کا بول بالا ہوگا، جب نوازشریف واپس آئینگے گے تو اسکو ایسی عدلیہ کا سامنا کرنا پڑے جو اسے انصاف دے، آج عمران کے پاس ہائی کوٹ اور سپریم کورٹ کا دروازہ کھلا ہے، لیکن نواز شریف کے پاس کوئی دروازہ نہیں کھلا، پاکستان کی تاریخ میں بیٹی باپ کو جیل ملنے آئی تو اسے جیل سے گرفتار کیا گیا،

    خواجہ آصف کا کہنا تھا کہ جب لوگوں نے مجھے گرفتار کروایا اس سے قبل بھی ان لوگوں کے والد نے مجھے گرفتار کروایا تھا،خواجہ آصف تو کہیں نہیں بھاگا، کہاں ہے آج پی ٹی آئی کی قیادت،اپنے گھروں کو لاوارث چھوڑ کر بھاگ گئے ہیں،اور کچھ ایسے ہیں جنہوں نے چوتھی چوتھی پارٹی بدلی کوئی شرم کوئی حیا ہوتی ہےنو مئی کو کیا ہوا تھا یہاں سے جلوس لے کر کینٹ گئے تھے اور کہتے تھے خواجہ آصف کے گھر پر بھی حملہ کرنا ہے، عمران کے بہت چاہنے والے ہوں گے لیکن اسکے ساتھ کون کھڑا ہے بتا دیں، ایک دو چھاپہ کیا پڑا غائب ہوگئے ،ایک خاتون ہے ہمارے ضلع کی اسکو خود بھی یاد نہیں کہ اسنے کتنی پارٹیاں بدلیں، لیکن نواز شریف کیساتھ تمام لوگ کھڑے رہے نواز کی ثابت قدمی تھی کہ آج اسکا ورکر اسکے ساتھ کھڑا ہے، حمزہ سوا دو سال قید رہاپورا خاندان قید ہوگیا تھا،انکو تو ابھی دس دن ہوئے ہیں شکایت کرتا ہے کہ وہاں مچھر ہے کیا ننہال گئے ہو؟، آج 76 واں یوم آزادی ہے اللہ نے آج بھی ملک کو قائم رکھا ہے، نو مئی ایسا سانحہ ہے جو سوچا سمجھا منصوبہ تھا، جو ہندوستان 75 سالوں میں نہ کر سکا وہ عمران خان نے کر دیا، اسکے وارے میں نہیں تھا اگر اسکی مرضی کا چیف نئیں آتا تو منصوبہ بنایا کہ ملک بھی نہیں رہے گا آج تک اس نے نو مئی کے واقع کی مزمت نہیں کی، اسکے ساتھی یا مفرور ہیں یا لوٹے ہوگئے ہیں، مجھے فخر ہے کہ میں ایسے قائد کا ورکر ہوں جو پہاڑ کی طرح ظلم کے سامنے کھڑا رہا،
    لوگ پوچھتے ہیں کہ نواز کب واپس آئے گا،آپ بتائیں کہ نواز واپس آئے تو اس موجودہ عدلیہ سے انصاف کی توقع ہو سکتی ہے، نوازشریف اس دن آئے گا جس دن انصاف کی توقع ہو گی،ہم یہ نہیں کہتے کہ عدلیہ ہماری حمایت کرےعدلیہ انصاف کی ہمایت کرے، خواتین کے کہنے پر ہم پہ سیاست نہیں کریں گے، پارلیمان قانون کی ماں ہے،

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    دوسری جانب سابق وفاقی وزیر داخلہ رانا ثنا اللّٰہ نے کہا ہے کہ 9 مئی کو چیئرمین پی ٹی آئی عمران خان نے جو کچھ کیا اس کے بعد اس کے نتائج کی ذمے داری بھی چیئرمین پی ٹی آئی پر ہے۔

    نگراں وزیراعظم کا نام کہیں اور سے سامنے آنے میں کوئی حقیقت نہیں۔ خواجہ آصف

    قبل ازیں سابق وزیر دفاع اور مسلم لیگ ن کے رہنماء خواجہ آصف نے کہا ہے کہ نگراں وزیر اعظم انوارالحق کاکڑ کا نام کہیں اور سے سامنے آنے میں کوئی حقیقت نہیں ہے جبکہ خواجہ آصف نے میڈیا کو بتایا کہ ضرورت تھی کہ چھوٹے صوبوں کو حکمرانی میں حصہ دیا جائے اور نگران وزیراعظم کیلئے انوارالحق کا نام سیاسی وابستگی سے بالاتر ہو کر دیا گیا ہے جبکہ انوار الحق کا نگران وزیراعظم بننا بہت ہی اچھی بات ہے کیونکہ انوارالحق کانام نگران وزیراعظم کیلئے سرفہرست تھا۔

    سابق وزیر دفاع خواجہ آصف دعویٰ کیا کہ مسلم لیگ ن کے قائد اور سابق وزیر اعظم میاں محمد نواز شریف اگلے مہینے ستمبر میں پاکستان آجائیں گے اور نوازشریف کو اختر مینگل کے تحفظات کو دورکرنا چاہئے کیونکہ ہمیں بلوچستان کےمسائل کا قومی حل تلاش کرنا چاہئے جبکہ ہمیں بلوچستان کے ناراض لوگوں کو بھی قومی دھارے میں لانا چاہئے اور اسی میں بہتری ہے۔

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

  • پٹرولیم مصنوعات میں 24 روپےفی لیٹر تک اضافے کا امکان

    پٹرولیم مصنوعات میں 24 روپےفی لیٹر تک اضافے کا امکان

    عالمی اجناس کی قیمتوں میں اضافے کے ساتھ، پاکستان اگلے دو ماہانہ جائزے 16سے31 اگست تک پیٹرولیم کی قیمتوں میں 14 سے 24 روپے فی لیٹر تک اضافے کا امکان ہے-

    باغی ٹی وی : "بزنس ریکارڈ” کی رپورٹ کے مطابق گزشتہ 15 دنوں کے دوران تیل کی بین الاقوامی قیمتوں میں اضافہ ہوتا رہا، حکومت پیٹرول کی قیمتوں میں 14 روپے فی لیٹر اور ہائی اسپیڈ ڈیزل (HSD) فی لیٹر 24 روپے بڑھا سکتی ہے۔

    حکومت پہلے ہی یکم اگست 2023 سے پٹرول اور ایچ ایس ڈی کی قیمتوں میں تقریباً 20 روپے کا اضافہ کر چکی ہے۔ بین الاقوامی مالیاتی فنڈ (آئی ایم ایف) کے قرض کی شرائط نے حکومت کو مجبور کیا کہ وہ اشیاء کی بین الاقوامی قیمتوں میں اضافے کو مقامی صارفین تک پہنچائے۔

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    گزشتہ دو ہفتوں کے دوران ریفائنڈ مصنوعات کی قیمتیں 13 ڈالر فی بیرل اضافے سے 111 ڈالر فی بیرل اور پیٹرول کی قیمت 7 ڈالر فی بیرل اضافے سے 97 ڈالر فی بیرل ہوگئی ہے۔

    واضح رہے کہ حکومت پیٹرول پر 55 روپے اور ہائی اسپیڈ ڈیزل پر 50 روپے فی لیٹر پیٹرولیم لیوی وصول کر رہی ہے، ان کی قیمتوں میں ممکنہ اضافہ اگست میں افراط زر کو متاثر کرسکتا ہے۔

    76 واں جشن آزادی:پاکستان میں غیرملکی سفیروں کا پیغام

  • لندن میں حنا پرویز بٹ کے ساتھ ہراسانی کا واقعہ

    لندن میں حنا پرویز بٹ کے ساتھ ہراسانی کا واقعہ

    مسلم لیگ ن کی رہنما حنا پرویز بٹ کے ساتھ لندن میں ہراسانی کا واقعہ پیش آیا ہے۔

    باغی ٹی وی: حنا پرویز بٹ نے سوشل میڈیا پر ویڈیو پوسٹ کرتے ہوئے لکھا کہ پی ٹی آئی کے بدتمیز اور بد تہذیب لوگ اس حد تک گر گئے ہیں کہ لندن میں میرے بیٹے کے سامنے مجھ پر حملہ کیا، مجھ پر بوتلیں پھینکیں اور گندی گالیاں بکیں –


    حنا پرویز نے کہا کہ بد تہذیب لوگ ایسی حرکات کر کے پاکستان کا نام روشن کر رہے ہیں یا بدنام کر رہے ہیں؟،اللہ کا شکر ہے میرے لیڈر نواز شریف نے ہمیشہ صبر اور تہذیب کی تعلیم دی جسے ہم کبھی نہیں چھوڑیں گے۔

    76 واں جشن آزادی:پاکستان میں غیرملکی سفیروں کا پیغام

    واقعہ پر سابق وفاقی وزیر،ن لیگی رہنما احسن اقبال کا کہنا ہے کہ پی ٹی آئی کا یہ رویہ نہایت قابل مذمت ہے۔ پی ٹی آئی کے یہ فالوورز بیرون ملک قوم کی جگ ہنسائی کا باعث بن رہے ہیں۔ عمران نیازی نے ان لوگوں کے دماغوں میں نفرت بھر کے ان سے سوچنے سمجھنے کی تمام صلاحیت اور اخلاقیات چھین لی ہیں۔ جیسا لیڈر ویسے بد تہذیب فالوورز۔

    صحافی اجمل جامی کہتے ہیں کہ کیا سیاسی اختلاف کا جواب یہ حرکتیں ھیں۔۔؟ ہرگز نہیں! محترمہ حنا پرویز بٹ صاحبہ کیساتھ پیش آیا یہ واقع ہر لحاظ سے قابل مذمت اور شرمناک ھے۔ یہ سیاست یا ملک کی خدمت نہیں بلکہ بد نامی ھے۔ خدارا اس طرح کے پاگل پن کی مذمت کیجئے۔۔ایسے واقعات کے حق میں دلائل دینے والے بھی اسی قدر جاہل اور بدتمیز ہیں جس قدر وہ لوگ جو اس میں عملی طور پر ملوث ہیں۔ رحم کیجئے پلیز۔۔! کیا یہ دین اسلام کی اقدار ہیں؟

    واضح رہے کہ ن لیگ کے رہنماؤں پر پی ٹی آئی حامیوں کی جانب سے ہراسانی کا یہ پہلا واقعہ نہیں ہے، گزشتہ برس نومبر میں رہنما مسلم لیگ ن مریم اورنگزیب کے ساتھ بھی پی ٹی آئی سپورٹرز نے ایسی بدتہذیبی کا برتاؤ کیا تھا ،جس کی ویڈیو سوشل میڈیا پر وائرل ہوئی تھی، پاکستان تحریک انصاف کی ٹوپیاں پہنے اور جھنڈے لیے کچھ لوگ وزیر اطلاعات کو ایک دوکان پر گھیرے ہوئے ہیں جہاں وہ ان کے ساتھ چھیڑ چھاڑ اور ہراساں کرتے دکھائی دیئے، جہاں انہیں پی ٹی آئی کے حامی ان پر چیختے رہے اور طنز کر تے رہے اور اپنے موبائل فونز سے ان کی ویڈیو ریکارڈ کر تے رہے مریم اورنگزیب کو ’چور چور‘ پکارا-

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    بعد ازاں مسجد نبوی میں بھی پی ٹی آئی کے حامیوں نے مسلم لیگ ن کے وفد پر ‘چور، چور’ اور ‘لوٹے’ کے نعرے لگائے اور بعض اراکین کو زودوکوب بھی کیا،کچھ مظاہرین کو وفاقی وزرا شاہ زین بگٹی اور مریم اورنگزیب کا پیچھا کرتے ہوئے ان پر حملہ کرنے کی کوشش کرتے ہوئے دیکھا گیا جنہیں بعد میں محافظوں اور پولیس اہلکاروں نے بچایا اور وہاں سے لے گئے۔

    خیبر پختو نخوا میں مقامی صحافی کے گھر نامعلوم افراد کی فائرنگ

  • خیبر پختو نخوا میں مقامی صحافی کے گھر نامعلوم افراد کی فائرنگ

    خیبر پختو نخوا میں مقامی صحافی کے گھر نامعلوم افراد کی فائرنگ

    صوبہ سندھ کے شہر سکھر میں سینئر صحافی جان محمد مہر کو قتل کردیا گیا جبکہ خیبر پختو نخوا کے شہر ہنگو میں مقامی صحافی فاروق پراچہ کے گھر پر بھی نامعلوم افراد کی جانب سے فائرنگ کی گئی ہے۔

    باغی ٹی وی : تفصیلات کے مطابق خیبر پختو نخوا کے شہر ہنگو میں مقامی صحافی فاروق پراچہ کے گھر پر نامعلوم افراد کی جانب سے فائرنگ کی گئی ہے پولیس کے مطابق فائرنگ سے صحافی کی کار اور گھر کے دروازے کو جزوی نقصان پہنچا ہے پولیس نے فائرنگ کے واقعے کی تحقیقات شروع کر دی ہے۔

    دوسری جانب صوبہ سندھ کے شہر سکھر میں سینئر صحافی جان محمد مہر کو قتل کردیا گیا، جان محمد مہر آفس سے گھر جارہے تھے کہ قاسم پارک کے قریب مسلح ملزمان نے فائرنگ کرکے زخمی کردیا،صحافی جان محمد کو تشویش ناک حالت میں اسپتال منتقل کردیا گیا تاہم وہ زخموں کی تاب نہ لاتے ہوئے دم توڑ گئے۔

    لاہور:سفاک شوہر نے اپنی امریکن نیشنل اہلیہ کو تشدد کرکے قتل کردیا

    سکھر یونین آف جرنلسٹس کے صدر سمیت دیگر نے واقعے کی مذمت کی اور پولیس سے 24 گھنٹے میں ملزمان کو گرفتار کرنے کا مطالبہ کیا ہے،وزیراعلیٰ سندھ سید مراد علی شاہ نے صحافی جان محمد مہر کی قاتلانہ حملے میں شہادت پر گہرے دکھ کا اظہار کیا اور واقعے کی شدید الفاظ میں مذمت کی اور آئی جی سندھ کو صحافی جان محمد کے قاتلوں کو گرفتار کرنے کی ہدایت کی-

    چیئرمین پی پی پی بلاول بھٹو زرداری نے بھی صوبے کے سینئر صحافی جان محمد مہر پر قاتلانہ حملے میں شہادت پر اظہار افسوس کیا اورکہا کہ سندھ پولیس صحافی جان محمد مہر کے قتل کے ذمہ داروں کو فی الفور کیفرکردار تک پہنچائےان محمد مہر کی دو دہائیوں سے زائد عرصے پر محیط صحافتی خدمات قابل قدر ہیں صحافی جان محمد مہرسکھر کی ایک توانا آواز تھے، ان کی غیرجانب دارانہ اور متوازن رائے ملک بھر کے سنجیدہ حلقوں میں مقبول تھی صحافی جان محمد مہر کے اندوہناک قتل پر جملہ لواحقین بشمول کے ٹی این عملے اور سکھر کی صحافی برادری سے بھی اظہار تعزیت کی-

    سرگودھا : بنیادی طبی مرکز صحت بچہ کلاں انجکشن لگنے سے حاملہ خاتون جاں بحق

  • 76 واں جشن آزادی:یو اے ای قونصلیٹ اورویزاسینٹرپاکستانی پرچموں، غباروں اوربرقی قمقموں سے سج گیا

    76 واں جشن آزادی:یو اے ای قونصلیٹ اورویزاسینٹرپاکستانی پرچموں، غباروں اوربرقی قمقموں سے سج گیا

    پاکستان میں امریکی سفیر ڈونلڈ بلوم اور آسٹریلوی ہائی کمشنر نے یومِ آزادی پر مبارک باد کا پیغام دیا ہے۔

    باغی ٹی وی : ملک بھر میں آج 76 واں جشن آزادی ملی جوش و جذبے کے ساتھ منایا جا رہا ہے دن کا آغاز توپوں کی سلامی سے ہوا،وفاقی دارالحکومت اسلام آباد میں 31 جبکہ صوبائی دارالحکومتوں میں 21، 21 توپوں کی سلامی دی گئی ، نماز فجر میں ملکی ترقی،یکجہتی،امن اور خوشحالی کےلیے خصوصی دعائیں مانگی گئیں،لاہور میں محفوظ شہید گیریژن میں اکیس توپوں کی سلامی دی گئی، تقریب میں پاک فوج کے چاک و چوبند دستے نے نعرہ تکبیر بلند کیاپاک فوج کے جوانوں کے اللہ اکبر اور پاکستان زندہ باد کے نعروں سے فضا گونج اٹھی۔

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    نوجوان سبز ہلالی پرچم اور جھنڈیاں لیے سڑکوں پر نکل آئے اور گلیوں، شاہراہوں، چوراہوں کو برقی قمقموں سے سجا دیا گیا جبکہ دوسری جانب پاکستان میں تعینات غیر ملکی سفیر بھی جشن آزادی منا رہے ہیں، پاکستان میں امریکی سفیر ڈونلڈ بلوم اور آستریلوی ہائی کمشنر نیل ہاکنز نے یومِ آزادی پراپنی نیک خواہشات کا اظہارکیا اور مبارک باد کا پیغام دیا ہے۔

    اسلام آباد میں امریکی ایمبیسی کی جانب سے کہا گیا کہ ہم پاکستان کے 76ویں یوم آزادی منا رہے ہیں، سفیر بلوم تمام پاکستانیوں کو اپنی نیک خواہشات بھیجتے ہیں۔ آئیے ان مشترکہ اقدار کا جشن منائیں جو ہماری قوموں کو متحد کرتی ہیں اور تعاون، ترقی اور امن کے مستقبل کے منتظر ہیں یوم آزادی مبارک ہو، پاکستان!

    پاکستان ملٹری اکیڈمی کاکول میں آزادی پریڈ؛ آرمی چیف بھی شریک


    ڈونلڈ بلوم نے اپنے پیغام میں کہا کہ بہتر اور خوش حال مستقبل کے لیے پاکستان اور امریکا مل کر کام کرتے رہیں گے،اگر ہم صرف گزشتہ سال پر ہی نظر ڈالیں تو وہ امریکا پاکستان تعلقات کی مضبوطی کا ثبوت ہے-


    اس کے علاوہ آسٹریلوی ہائی کمشنر نیل ہاکنز نے روایتی پاکستانی لباس پہنا اور تاریخی گولڑہ ٹرین اسٹیشن کا دورہ کیا نیل ہاکنز قائد ا‏عظم کے زیر استعمال رہنے والی سیلون ميں بھی گئے نیل ہاکنز نے سوشل میڈیا پر بیان میں کہا کہ اس سیلون میں اب بھی قائد اعظم کے الفاظ گونجتے ہیں کہ”ہمیں جس راستے پر سفر کرنا ہے وہ مشکل ہوسکتا ہے، لیکن ہمت اور عزم کے ساتھ، ہم ایک مضبوط اور خوشحال پاکستان بنا سکتے ہیں-”

    متحدہ عرب امارات کے کراچی میں تعینات قونصل جنرل بخیت عتیق الرومیتی بھی جشن آزادی کے رنگ میں رنگ گئے یواے ای قونصلیٹ کراچی میں جشن آزادی کی تین روزہ تقریبات میں پاکستانی ثقافت کے تمام رنگ بکھیر دیئے، تقریبات میں بخیت عتیق الرومیتی نے قوت گویائی اور سماعت سے محروم خصوصی بچوں کے ہمراہ قومی ترانہ پیش کرتے ہوئے ملّی نغموں پر والہانہ جھومتے رہے-

    76 ویں جشن آزادی کے موقع پر مختلف انداز میں مبارکبادیں جاری

    پاک یو اے ای دوستی کی عظیم مثال پیش کرتے ہوئے یو اے ای قونصلیٹ اور ویزا سینٹر کو پاکستانی پرچموں، غباروں اور برقی قمقموں سے سجایا گیا قونصل جنرل نے تقریبات میں شریک بچوں، سفارتکاروں اور شہریوں میں چوڑیاں، پاکستانی پرچم، بیجز اور اعزازی شیلڈ بھی تقسیم کیں یو اے ای قونصل جنرل کراچی بخیت عتیق الرومیتی اور قونصل خانے کے اعلیٰ عہدیداروں نے پوری پاکستانی قوم کو جشن آزادی پر دلی مبارکباد کے پیغامات بھی دیئے۔

  • 76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    76 واں یوم آزادی،مزار قائد اورعلامہ اقبال پرگارڈز کی تبدیلی کی پروقار تقریب

    ملک بھر میں آج 76 واں یوم آزادی ملی جوش و جذبے کے ساتھ منایا جا رہا ہے ،کراچی میں مزار قائد اور لاہور میں مزار علامہ اقبال پرگارڈز کی تبدیلی کی پروقار تقریب منعقد کی گئی۔

    باغی ٹی وی: دن کا آغاز توپوں کی سلامی سے ہوا،وفاقی دارالحکومت اسلام آباد میں 31 جبکہ صوبائی دارالحکومتوں میں 21، 21 توپوں کی سلامی دی گئی اس کے علاوہ نماز فجر میں ملکی ترقی،یکجہتی،امن اور خوشحالی کےلیے خصوصی دعائیں مانگی گئیں،لاہور میں محفوظ شہید گیریژن میں اکیس توپوں کی سلامی دی گئی، تقریب میں پاک فوج کے چاک و چوبند دستے نے نعرہ تکبیر بلند کیاپاک فوج کے جوانوں کے اللہ اکبر اور پاکستان زندہ باد کے نعروں سے فضا گونج اٹھی۔

    بعد ازاں لاہور میں علامہ اقبال کے مزار پر گارڈز کی تبدیلی کی پروقار تقریب منعقد ہوئی جس میں پاک فوج کےچاق و چوبند دستے نے شاعر مشرق کو سلامی پیش کی مزار علامہ اقبال پر پاک فوج کے دستے نے رینجرز کی جگہ گارڈز کے اعزازی فرائض سنبھال لیے ہیں میجرجنرل قیصرسلیمان، گیریژن کمانڈر لاہور نے مزاراقبال پر پھولوں کی چادر رکھی اور فاتحہ خوانی کی-

    دوسری جانب پاکستان کے 76 ویں یوم آزادی کے موقع پر کراچی میں مزار قائد پر بھی گارڈز کی تبدیلی کی پروقار تقریب منعقد ہ ہوئی، پا کستان نیول اکیڈمی کے کیڈٹس نے اعزازی گارڈز کے فرائض سنھبالے، کمانڈنٹ نیول اکیڈمی کموڈور محمد خالد تقریب کے مہمان خصوصی تھے تقریب کے مہمان خصوصی کمانڈنٹ پاکستان نیول اکیڈمی کموڈور محمد خالد تھے، انہوں نے مزار قائد پر پھولوں کی چادر رکھی اور فاتحہ خوانی کی۔

    پشاورمیں بھی جشن آزادی آج پرجوش طریقے سے منایا جارہا ہے، دن کا آغاز اکیس توپوں کی سلامی سے ہوا جبکہ دن بھر مختلف تقاریب کا انعقاد کیا جائے گا۔

    پاکستان کے یوم آزادی پر،مسلح افواج کے سربراہان، صدرمملکت اور وزیراعظم نے قوم کے نام پیغامات جاری کیے، صدرعارف علوی نے کہا کہ بانیان پاکستان اور کارکنان تحریک ِپاکستان کی قربانیوں کو خراج تحسین پیش کرتے ہیں ہمیں قیام پاکستان کیلئے اپنے آباؤ اجداد کی قربانیوں کی قدر کرنی چاہیے، ہمیں عوام کی خوشحالی کیلئے کام کرنا چاہیے۔

    وزیراعظم شہبازشریف نے قائداعظم کی قیادت میں پاکستان حاصل کرنیوالوں کوخراج عقیدت پیش کیا،ان کا کہنا تھا کہ پاکستان کے اس قیمتی تحفے کے لیے ہم ان عظیم رہنماؤں کے ہمیشہ احسان مند رہیں گے۔ پاکستان کا تصور عظیم تھا قائد اعظم نے ثابت کیا کہ مسلمان ہر لحاظ سے ایک الگ قوم ہیں، ہمیں اتحاد اور خود اعتمادی کے ساتھ آگے بڑھنے کی ضرورت ہے۔

    چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی جانب سے بھی قوم کو یوم آزادی کی مبارکباد دی گئی ہےپاک فوج کے شعبہ تعلقات عامہ (آئی ایس پی آر ) کی جانب سے جاری بیان میں کہا گیا ہے کہ آج کا دن ہمیں ہمارے اسلاف کی ان گنت قربانیوں کی یاد دلاتا ہے، دھرتی کے ہزاروں بیٹوں نے مادر وطن کے دفاع کیلئے جانوں کا نذرانہ پیش کیا سب عہد کریں کہ قومی اتحاد کو برقرار رکھ کر دشمن قوتوں کو کامیاب نہیں ہونے دیں گے مسلح افواج عوام کی حمایت سے وطن عزیز کی سالمیت اور امن کا دفاع کرتی رہیں گی ، مسلح افواج پاکستانی عوام کی امنگوں کے مطابق قوم کی خدمت جاری رکھیں گی۔

    اس سے قبل پاکستان ملٹری اکیڈمی کاکول میں آزادی پریڈ سے خطاب کرتے ہوئے آرمی چیف جنرل عاصم منیر نے کہا کہ قوم اور فوج میں دراڑ ڈالنے کی مذموم کوششیں ناکام ہوں گی اہم اور کٹھن دور سے گزر رہے ہیں افواج پاکستان اور عوام ایک ہیں۔خوف اور مایوسی پھیلانے والوں کا منفی پروپیگنڈا مسترد کرنا ہوگا اپنی عظیم قوم کو امید کا پیغام دیتا ہوں، ملکی خود مختاری اور سالمیت کی خاطر ہم کسی قربانی سے دریغ نہیں کریں گے، افواج پاکستان اور عوام ایک تھے ایک ہیں اور ایک رہیں گے۔

  • ون ویلرز اور ہلڑبازی کرنے والوں کےخلاف کریک ڈاؤن کا فیصلہ

    ون ویلرز اور ہلڑبازی کرنے والوں کےخلاف کریک ڈاؤن کا فیصلہ

    اسلام آباد:یوم آزادی کےسلسلہ میں اسلام آبادکیپیٹل پولیس کےسیکورٹی انتظامات، وفاقی دارالحکومت میں یوم آزادی کی رات کیلئے سکیورٹی پلان تیار کر لیا گیا ہے۔

    باغی ٹی وی: ترجمان پولیس کے مطابق اسلام آباد پولیس نے ون ویلرز اور ہلڑبازی کرنے والوں کےخلاف کریک ڈاؤن کا فیصلہ کیا ہے، جس کے لیے ٹریفک پولیس، ضلعی پولیس اور ڈولفن فورس کی5 ٹیمیں تشکیل دی گئی ہیں،1500 سے زائدپولیس افسران واہلکار سیکورٹی کے فرائض سرانجام دیں گے-


    ٹریفک کو رواں دواں رکھنےکے لیےالگ سے 550 افسران واہلکار ڈیوٹی کے فرائض سرانجام دیں گے،سینئر افسران خود فیلڈ میں رہ کر امن و امان اور ٹریفک کی روانی کو یقینی بنائیں گے ون ویلنگ کے روک تھام کےلیےخصوصی پکٹس لگائی گئی ہیں،پارکوں اورپبلک مقامات پربھی خصوصی نفری تعینات کی گئی ہے، تھانوں کی موبائل گشت،سی ٹی ڈی کمانڈوز اورڈولفن فورس کے خصوصی سکواڈ گشت کریں گے،ون ویلنگ اور اس مقصد کے لئے موٹرسائیکل تیار کرنے والی ورکشاپس کے خلاف بھی کاروائی کی جا رہی ہے-

    اوورسیز پاکستانی نے سمندر کی تہہ میں پاکستانی پرچم لہرا دیا

    پولیس کے مطابق کسی مقام پر ہلڑ بازی اورقانون کی خلاف ورزی کسی صورت برداشت نہیں کی جائے گی،یوم آزادی کے موقعہ پر قانون شکن عناصر کے خلاف موثر کریک ڈاؤن کیا جائے گا-


    اسلام آباد پولیس نے اپنے پیغام میں کہا کہ ماحولیاتی آلودگی پھیلانا اور دوسروں کو اذیت دینا کسی طور درست عمل نہیں ہو سکتا۔ اپنے بچوں کو جشن آزادی کے موقع پر تعمیری کام کرنے کی ترغیب دیں۔

    نگران وزیراعظم کی تعیناتی پر تحفظات کا اظہار،اختر مینگل نے نواز شریف کو …