Baaghi TV

Author: Ayesha Rehmani

  • توہین الیکشن کمیشن کیس،فواد چوہدری کے ناقابل ضمانت وارنٹ گرفتاری جاری

    توہین الیکشن کمیشن کیس،فواد چوہدری کے ناقابل ضمانت وارنٹ گرفتاری جاری

    اسلام آباد: توہین الیکشن کمیشن کیس میں فواد چوہدری کے ناقابل ضمانت وارنٹ گرفتاری جاری کردیئے گئے۔

    سابق وفاقی وزیر اطلاعات فواد چوہدری کے خلاف توہین الیکشن کمیشن کیس کی سماعت ہوئی، سماعت چیف الیکشن کمشنر کی سربراہی میں پانچ رکنی کمیشن نےکی جس میں الیکشن کمیشن نے فواد چوہدری کے ناقابل ضمانت وارنٹ گرفتاری جاری کردیئے دوران سماعت فواد چوہدری کے معاون وکیل الیکشن کمیشن میں پیش ہوئے اور کیس ملتوی کرنے کی درخواست کی۔

    اسلام آباد پولیس کے اہلکار کا کہنا تھا کہ میں فواد چوہدری کے وارنٹ کی تعمیل کے لیے ان کی رہائش گاہ گیا تھا جہاں ان کے بھائی فیصل چوہدری ملے، انہوں نے کہا کہ ان کے بھائی کےخلاف سیاسی مقدمات ہیں وہ ہمیں بھی نہیں ملے۔

    عمران خان 9 مئی کے واقعات میں بھی ملزم نامزد

    ممبر الیکشن کمیشن نے استفسار کیا کہ کیا فواد چوہدری آئے ہیں؟وہ نہ خود آئے اور نہ ہی انہوں نے حاضری سے استثنیٰ کی درخواست دی ہے جس پر فواد چوہدری کے معاون وکیل نےکیس ملتوی کرنے درخواست کی کہا ہائی کورٹ میں آج وکیلِ الیکشن کمیشن نے دلائل دینے ہیں۔ کیس ملتوی کردیں کیوں کہ ہائی کورٹ ایک دو دن میں فیصلہ کردے گی۔

    آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے


    الیکشن کمیشن نے فواد چوہدری کےمعاون وکیل کی استدعا مسترد کردی اور فواد چوہدری کے ناقابل ضمانت وارنٹ گرفتاری جاری کرتے الیکشن کمیشن نے فواد چوہدری کے خلاف توہین کمیشن کیس کی سماعت 20 جولائی تک ملتوی کردی،    دوسری جانب فواد چوہدری کی الیکشن کمیشن کے شوکاز نوٹس کیخلاف درخواست پر اسلام آباد ہائیکورٹ نے فیصلہ محفوظ کرلیا۔

    پرویز الہٰی کی مقدمات اور انکوائریوں کی تفصیلات کی درخواست پر فریقین کو نوٹسز جاری

  • پرویز الہٰی کی مقدمات اور انکوائریوں کی تفصیلات کی درخواست پر فریقین کو نوٹسز جاری

    پرویز الہٰی کی مقدمات اور انکوائریوں کی تفصیلات کی درخواست پر فریقین کو نوٹسز جاری

    لاہور ہائیکورٹ نے سابق وزیر اعلیٰ پنجاب چوہدری پرویز الہٰی کی مقدمات اور انکوائریوں کی تفصیلات کی درخواست پر فریقین کو نوٹسز جاری کرتے ہوئے جواب طلب کر لیا۔

    لاہور ہائیکورٹ میں چوہدری پرویز الہٰی کی مقدمات اور انکوائریوں کی تفصیلات کی درخواست پر سماعت ہوئی پرویزالہیٰ کی جانب سے ایڈووکیٹ عامر سعید راں دلائل کے لیے عدالت میں پیش ہوئے۔ درخواست میں نگراں حکومت، اینٹی کرپشن، ایف آئی اے،آئی جی جیل، نیب، آئی جی پنجاب، سی سی پی او لاہور سمیت دیگر کو فریق بنایا گیا۔

    وکیل نے عدالت کو بتایا کہ درخواست گزار کیخلاف سیاسی بنیادوں پر کیسز بنائے گئے، اینٹی کرپشن کے کئی بےبنیاد کیسز سے ڈسچارج اور ضمانت منظور ہوچکی ہے، ضمانت منظور ہونے کے بعد نامعلوم کیس میں دوبارہ گرفتار کرلیا جاتا ہے۔

    پنجاب، سی ٹی ڈی کی مختلف کارروائیوں میں سات دہشت گرد گرفتار

    پرویز الہیٰ کے وکیل کا کہنا تھا کہ سرکاری ادارے کیسز اور انکوائریوں کی تفصیلات فراہم نہیں کر رہے، عدالت سے استدعا ہے کہ حکام کو حکم دے کہ سابق وزیر اعلیٰ پنجاب کو بکتر بند گاڑی کی بجائے ہوا دار گاڑی میں پیش کریں اور نامعلوم کیسز میں گرفتار نہ کیا جائے۔

    لاہور ہائیکورٹ نے آئندہ سماعت پر متعلقہ فریقین کو نوٹس جاری کرتے ہوئے جواب طلب کرتے ہوئے سماعت 13 جولائی تک ملتوی کردی۔

    آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے

  • پنجاب، سی ٹی ڈی کی مختلف کارروائیوں میں سات دہشت گرد گرفتار

    پنجاب، سی ٹی ڈی کی مختلف کارروائیوں میں سات دہشت گرد گرفتار

    لاہور میں محکمہ انسداد دہشت گردی (سی ٹی ڈی) نے مختلف کارروائیوں میں سات دہشت گردوں کو گرفتار کرلیا۔

    ترجمان محکمہ انسداد دہشت گردی (سی ٹی ڈی) کے مطابق پنجاب کے مختلف شہروں میں خفیہ اطلاعات پر آپریشنز کیے گئے جس کے نتیجے میں7 دہشت گردوں کو گرفتار کیا گیا ہے تمام آپریشن انٹیلی جنس بیسڈ پر کیے گئے کارروائیاں راولپنڈی، ساہیوال، بہاولپور اور گوجرا نو الہ میں کی گئیں۔

    سی ٹی ڈی حکام نے بتایا کہ آپریشن کے دوران گرفتار سات دہشت گردوں کے قبضے سے بارودی مواد، موبائل فون، اسلحہ اور رقم برآمد کی گئی گرفتار دہشت گردوں کے خلاف مقدمات درج کرکے تفتیش شروع کردی گئی ہے، جب کہ ان کے دیگر ساتھیوں کی تلاش میں بھی چھاپے مارے جارہے ہیں ترجمان کے مطابق دہشتگردوں کا تعلق کالعدم القاعدہ اور کالعدم تحریک طالبان پاکستان سے ہے ان کے قبضے سے بارودی مواد، ڈیٹونیٹر، موبائل فون، اسلحہ اور گولیاں برآمد ہوئی ہیں۔

    سرگودھا: کالعدم تنظیم کے دہشت گرد کو جرم ثابت ہونے پر 30 سال قید ،جائیداد …

    علاوہ ازیں سرگودھا کی انسداد دہشت گردی کی خصوصی عدالت نے کالعدم تنظیم کے دہشت گرد کو جرم ثابت ہونے پر 30 سال قید ،جائیداد ضبط کرنے اور 50 ہزار روپے جرمانے کا حکم سنادیا، مقدمہ کی سماعت کے بعد مجرم کو سخت سکیورٹی میں جیل منتقل کردیا گیا۔ پولیس ذرائع کے مطابق کاؤنٹر ٹیرایزم ڈیپارٹمنٹ نے 27 مارچ2023 کو سرگودھا کے قصبہ حیدر آباد ٹاؤن کی گلی نمبر 5 کے رہائشی کالعدم تنظیم سے تعلق رکھنے والے طاہر محمود نامی دہشت گردی کو گرفتار کرکے اس کے قبضہ سے بارودی مواد، ڈیٹو نیٹر، سیفٹی فیوز، پسٹل برآمد کیا تھا جس کا مقدمہ دہشت گردی کی دفعات کے تحٹ سی ٹی ڈی تھانہ سرگودھا میں درج کیا گیا تھا-

    اسلام آباد؛ کنسٹیبل عنصر محمود گولی لگنے سے جان بحق

  • عمران خان 9 مئی کے واقعات میں بھی ملزم نامزد

    عمران خان 9 مئی کے واقعات میں بھی ملزم نامزد

    پی ٹی آئی چیئرمین عمران خان کو جی ایچ کیو حملہ کیس میں حساس تنصیبات اورمیٹروسٹیشن جلانے کے مقدمات میں بھی ملزم نامزد کر دیا گیا-

    عمران خان کو راولپنڈی کے تھانہ آراے بازاراورتھانہ نیوٹاؤن میں درج انسداد دہشت گردی اوردیگر دفعات کے تحت درج کئے گئے دو مقد مات میں نامزد کیا گیا 9 مئی کو ہونے والے پرتشددواقعات میں راولپنڈی پولیس نے جی ایچ کیو پر حملے کے الزام میں تھانہ آراے بازارمیں ایف آئی آرنمبر 208 ،سابق وزیرقانون پنجاب راجہ بشارت سمیت پی ٹی آئی کے 15 نامزد اور دیگر 300 نامعلوم کارکنوں کے خلاف سب انسپکٹر ملک محمدریاض کی مدعیت میں درج کی تھی –

    آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے

    جب کہ تھانہ نیوٹاؤن میں ایف آئی آرنمبر2106 سب انسپکٹر طارق جاوید کی مدعیت میں راجہ راشد حفیظ سابقہ ایم پی اے ،چودھری عاطف تنویر ، عمران حیات ، رانا سیف اللہ سمیت 42نامزد اوردیگرنامعلوم ملزموں کے خلاف حساس تنصیبات، دفاتر پر حملہ ، شدید پتھراؤ کرنے اور سکستھ روڈ میٹرو سٹیشن کو آگ لگانے کے الزام میں درج کی گئی تھی-

    فیصل آباد میں بھی سانحہ نو مئی کے مقدمات میں چئیرمین پی ٹی آئی کو ضمنی رپورٹ میں شامل کرلیا گیا ، حساس ادارے پر حملے کے مقدمے چئیرمین پی ٹی آئی کو ضمنی رپورٹ میں شامل کیا گیا تھانہ سمن آباد میں درج وفاقی وزیر داخلہ رانا ثناءاللہ کے گھر پر حملے کی ضمنی میں چئیرمین پی ٹی آئی کو نامزد کیا گیا ہے

    واضح رہے کہ 9 مئی کے حوالے سے راولپنڈی میں درج ہونے والے 28 مقدمات میں سے قبل ازیں عمران خان کسی پرچے میں نامزد نہ تھے-

    عمران خان 9 مئی کے واقعات میں بھی ملزم نامزد

    علاوہ ازیں سانحہ 9 مئی کے ایک اور انتہائی اہم شرپسند حسان شاکر کو گرفتار کرلیا گیا،شرپسند کے والد اور اہلیہ نے نو مئی واقعات کی مذمت کرتے ہوئے کہا ہے کہ چیئرمین تحریک انصاف کی گرفتاری کے بعد جو کچھ بھی شرپسند عناصر نے کیا ایسا ہرگز نہیں ہونا چاہیے تھا۔

    عمران خان اور بشریٰ بی بی کے خلاف غیر شرعی نکاح کیس میں نظر ثانی …

    حسان شاکر کے والد کا کہنا ہے کہ شر انگیز واقعات سے خاندان دلی دکھی ہے ، ہم پاک فوج کے ساتھ اظہارِ یکجہتی کرتے ہیں، افواجِ پاکستان ہمارے محسن ہیں اور ہمیں ان پر فخر ہے ایسا دشمن بھی نہیں کرتا جو شرپسندوں نے 9 مئی کو کر دکھایا، ہم سب کو یہی نصحیت کرینگے کہ ایسے شرپسند عناصر سے دور رہیں۔

    پاکستان کے مقامی قرضوں کے حجم میں مزید اضافہ ریکارڈ

  • آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے

    آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے

    انٹرنیشنل کرکٹ کونسل کی سالانہ میٹنگز میں شرکت کے لیے پاکستان کرکٹ بورڈ کی مینجمنٹ کمیٹی کے چیئرمین ذکا اشرف کل جنوبی افریقا روانہ ہوں گے۔

    ذرائع کے مطابق ذکا اشرف کے ہمراہ پی سی بی کے سی او او سلمان نصیر بھی جائیں گےآئی سی سی کی سالانہ میٹنگز 10 سے 13 جولائی تک جنوبی افریقا کے شہر ڈربن میں ہوں گی، آئی سی سی کی میٹنگز میں اہم امور زیرِ بحث آئیں گے جبکہ اس دوران سالانہ رپورٹ اور آئندہ کے لائحہ عمل پر بھی بات ہو گی۔

    ذرائع کے مطابق آئی سی سی پاکستان میں ہونے والی چیمپئنز ٹرافی 2025 کے حوالے سے ممبرز کو بریف کرے گا جبکہ میٹنگز کی سائیڈ لائنز پر پی سی بی کے عہدے داران ممبرز ممالک کے عہدے داروں سے ملاقاتیں کریں گے،ایشیا کپ کے میچز میں اضافے اور دیگر امور پر بھی اے سی سی کے ممبرز سے سائیڈ لائنز پر بات ہو گی۔

    زکاء اشرف پی سی بی چئیر مین مقرر

    واضح ہے کہ وفاقی حکومت نے پاکستان کرکٹ بورڈ (پی سی بی) کی نئی مینجمنٹ کمیٹی تشکیل دے دی،وفاقی کابینہ نے سمری سرکولیشن کے ذریعے پی سی بی کی نئی مینجمنٹ کمیٹی بنانے کی منظوری دی پاکستان کرکٹ بورڈ کی مینجمنٹ کمیٹی کے نئےچیئرمین ذکاء اشرف نے عہدے کا چارج سنبھال لیاچارج سنبھالنے کے بعد چوہدری ذکاء اشرف کی پی سی بی ہیڈ کواٹرز آمد ہوئی جہاں بورڈ کے اعلیٰ عہدیداروں نے ذکاء اشرف کا استقبال کیا ذکاء اشرف کے چارج سنبھالنے کی کاغذی کارروائی مکمل کرلی گئی ہے-

    آئی سی سی ٹیسٹ رینکنگ جاری

    ذکاء اشرف آج نئی مینجمنٹ کمیٹی کے اجلاس کی صدارت کریں گے،پی سی بی کی نئی مینجمنٹ کمیٹی کا پہلا اجلاس نیشنل کرکٹ اکیڈمی میں ہوگا جس میں کرکٹ بورڈ کی آئندہ کی حکمت عملی طے کی جائے گی۔

    واضح رہے کہ پاکستان کرکٹ بورڈ کی نئی مینجمنٹ کمیٹی 4 ماہ کے لیے بنائی گئی ہے جو بورڈ کے آئی سی سی سمیت دیگر امور کو دیکھے گی پی سی بی کی مینجمنٹ کمیٹی 10 ارکان پر مشتمل ہے جس میں کلیم اللہ خان، اشفاق اختر، مصدق اسلام، عظمت پرویز، ظہیر عباس، خرم سومرو، خواجہ ندیم، مصطفیٰ رمدے اور ذوالفقار ملک شامل ہیں ذکاء اشرف سے قبل پاکستان کرکٹ بورڈ کے معاملات نجم سیٹھی چلا رہے تھے تاہم پاکستان پیپلز پارٹی نے چیئرمین پی سی بی کے لیے ذکاء اشرف کا نام تجویز کیا تھا۔

    ذکاء اشرف کی آئی سی سی اجلاس میں شرکت کا اعلامیہ واپس لے لیا گیا

  • عمران خان اور بشریٰ بی بی کے خلاف غیر شرعی نکاح کیس میں نظر ثانی اپیل دائر

    عمران خان اور بشریٰ بی بی کے خلاف غیر شرعی نکاح کیس میں نظر ثانی اپیل دائر

    ڈسٹرکٹ اینڈ سیشن کورٹ اسلام آباد میں چیئرمین پاکستان تحریک انصاف (پی ٹی آئی) عمران خان کے خلاف غیر شرعی نکاح کیس میں درخواست گزار نے نظر ثانی اپیل دائر کردی۔

    درخواست گزار محمد حنیف نے سول جج نصرمن اللہ کے فیصلے کےخلاف نظرثانی اپیل دائر کی ہے،درخواست میں کہا گیا ہےکہ بغیر کسی وجہ کے بشریٰ بی بی نےخاور مانیکا سے علیحدگی اختیار کرکے چیئرمین پی ٹی آئی سے نکاح کیا، مفتی سعید نے چیئرمین پی ٹی آئی اور بشریٰ بی بی کے دوران عدت نکاح کا بیان دیا، دوران عدت غیرشرعی نکاح کے بعد بشریٰ بی بی اور چیئرمین پی ٹی آئی بنی گالا میں رہے۔

    درخواست گزار کا کہنا ہے کہ فروری 2018 میں مفتی سعید سے دوبارہ چیئرمین پی ٹی آئی اور بشریٰ بی بی کا نکاح پڑھوایا گیا، عون چوہدری اور مفتی سعید نے سول جج کے سامنے اپنا بیان ریکارڈ کروایا ہے۔

    ملک بھر میں آج آندھی طوفان کے ساتھ بارش کا امکان

    درخواست گزار نے استدعا کی ہےکہ چیئرمین پی ٹی آئی کے غیر شرعی نکاح سے متعلق سول جج کا فیصلہ کالعدم قرار دیا جائے، سول جج نےشکایت ناقابل سماعت قرار دے کر قانونی تقاضے پورے نہیں کیے، سیشن عدالت اپیل منظور کرکے چیئرمین پی ٹی آئی کے خلاف کارروائی شروع کرے۔

    سیشن جج اعظم خان نے نظرثانی اپیل 13 جولائی کو سماعت کے لیے مقرر کردی ہے،سیشن جج اعظم خان نے چیئرمین پی ٹی آئی اور درخواست گزار کو نوٹس جاری کردیئے ہیں۔

    واضح رہےکہ 13 مئی کو اسلام آباد کی ڈسٹرکٹ اینڈ سیشن کورٹ نے عمران خان اور بشریٰ بی بی کے غیرشرعی نکاح کے الزام کےکیس کی درخواست ناقابل سماعت قرار دی تھی عدالت نے اپنے فیصلے میں قرار دیا تھا کہ عدت میں نکاح کے کیس کی درخواست عدالت کے دائرہ اختیار سے باہر ہے۔

    ہیلمٹ کے بغیرموٹرسائیکل سواروں کو پیٹرول نہ دینے کے احکامات

    درخواست گزار کے وکیل راجہ رضوان عباسی کا کہناتھا کہ اگرشادی قانونی تھی تو دوبارہ نکاح کیوں کیا؟عدت کےدوران شادی غیر قانونی ہے، ایسا کہنا فراڈ ہے کہ 2018 کے پہلے دن شادی کریں گے تو وزیراعظم بن جائیں گے، جنوری2018 میں بشریٰ بی بی عدت میں تھیں، طلاق نومبر میں ہوئیجج نے سوال کیا کہ عمران خان کا نکاح لاہور میں ہوا، اس عدالت کا دائرہ اختیار کیسے بنتاہے؟

    وکیل کا کہنا تھا کہ بنی گالا سے فراڈ شروع ہوا اور نکاح لاہور میں ہوا، نکاح خواں کو بھی اسلام آباد سے نکاح کے لیے لے جایا گیا، فروری2018 میں عمران خان اور بشریٰ بی بی کا نکاح دوبارہ اسلام آباد میں پڑھایا گیا۔

    درخواست گزار کے وکیل راجہ رضوان عباسی کے دلائل مکمل ہونےکے بعد عدالت نے عمران خان کے خلاف غیر شرعی نکاح کے الزام کا کیس قابل سماعت ہونے سے متعلق فیصلہ محفوظ کرلیا جو اب سنادیا گیا ہے عدالت نے محفوظ فیصلہ سناتے ہوئےکہا کہ عدت میں نکاح کےکیس کی درخواست عدالت کے دائرہ اختیار سے باہر ہے۔

    پاکستان کے مقامی قرضوں کے حجم میں مزید اضافہ ریکارڈ

  • پاکستان کے مقامی قرضوں کے حجم میں مزید اضافہ ریکارڈ

    پاکستان کے مقامی قرضوں کے حجم میں مزید اضافہ ریکارڈ

    پاکستان کے مقامی قرضوں کے حجم میں مزید اضافہ ریکارڈ کیا گیا ہے ،گزشتہ سال کے مقابلہ میں رواں سال 8 ہزار ارب روپے کے قرضے بڑھے۔

    اسٹیٹ بینک کے مطابق مئی 2023 میں مقامی قرضوں کا حجم 37 ہزار ارب تک پہنچ گیا، گزشتہ سال کے مقابلے میں قرضوں کے حجم میں 28 فیصد کا اضافہ ریکارڈ ہوا ہے مقامی قرضے میں 1.4فیصد اضافہ ہوا ہے۔ مئی میں مقامی قرضوں کا حجم 371 کھرب روپے ہو گیا جب کہ گزشتہ ماہ قرضوں کی مالیت 365 کھرب روپے تھی۔

    دوسری جانب اسٹیٹ بنک کا یہ بھی کہنا ہے کہ ملک پر بیرونی قرضوں میں اعشاریہ 6 فیصد کمی ہوئی ہے بیرونی قرضے مئی میں 219 کھرب روپے ہوگئے اپریل میں بیرونی قرضوں کا حجم 220 کھرب روپے تھا۔

    فیس بک نےٹوئٹر کی متبادل ایپ تیار کرلی

    قبل ازیں وزارت خزانہ نے 2023 سے 2026 تک درمیانی مدت کے لیے قرض اسٹریٹیجی رپورٹ جاری کردی جس کے مطابق 2026 تک جی ڈی پی گروتھ 5.5 فیصد مقرر کی گئی ہے، اس کے علاوہ مالی سال 2026 تک مہنگائی کی شرح 6.5 فیصد کی سطح پر کنٹرول کرنے اور مالی سال 2025 میں مہنگائی کی شرح 7.5 فیصد تک محدود کرنے کا ہدف مقرر کیا گیا ہے آئندہ مالی سال جی ڈی پی گروتھ 5.0 فیصد اور آئندہ مالی سال تک مالیاتی خسارہ 5.1 فیصد تک محدود کرنے کا ہدف رکھا گیا ہے۔

    ملک بھر میں آج آندھی طوفان کے ساتھ بارش کا امکان

    وزارت خزانہ کے مطابق رواں مالی سال 5.7 ٹریلین روپے قرض کی ادائیگیاں کرنا ہوں گی، مالی سال 2025 میں 5.5 ٹریلین روپے قرض کی ادائیگیاں کرنی ہیں، مالی سال 2026 اور مالی سال 2027 کے دوران قرض ادائیگیوں کا بوجھ کم ہو گا، قرض حاصل کرنے کے لیے بانڈز کا اجرا اور طویل مدتی پالیسی پر قرض لینا ترجیح ہو گی فکسڈ شرح سود کی نسبت فلوٹنگ ریٹ پر قرض حاصل کیا جائے گا، بیرونی قرض ملکی مجموعی قرض کا 40 فیصد تک لیا جا سکے گا۔

    ہیلمٹ کے بغیرموٹرسائیکل سواروں کو پیٹرول نہ دینے کے احکامات

  • ہیلمٹ کے بغیرموٹرسائیکل سواروں کو پیٹرول نہ دینے کے احکامات

    ہیلمٹ کے بغیرموٹرسائیکل سواروں کو پیٹرول نہ دینے کے احکامات

    راولپنڈی: ضلعی انتظامیہ کی جانب سے ہیلمٹ کے بغیر موٹر سائیکل سواروں کو پیٹرول نہ دینے کے احکامات پر پیٹرول پمپس مالکان کی جانب سے نوٹیفیکیشن جاری کردیا گیا۔

    چیف ٹریفک آفیسر راولپنڈی اور ضلع انتظامیہ کے احکامات پر ضلع بھر کے پیٹرول پمپس کو بغیر ہیلمٹ موٹر سائیکل سواروں کو پیٹرول نہ دینے کا تحریری حکم جاری،ہیلمٹ کی پاسداری کو یقینی بنانے کیلئے پیٹرول پمپس کی خفیہ مانیٹرنگ کی جا رہی ہے-ڈپٹی کمشنر راولپنڈی حسن وقارچیمہ کی ہدایت اور سی ٹی او راولپنڈی تیمور خان کے احکامات پر پاسداری نہ کرنے والوں کو پیٹرول نہ دینے کا اعلان کیا گیا احکامات کے مطابق ایسے موٹرسائیکل سوا جن کے پاس ہیلمٹ موجود نہیں ہوگا،انہیں پیٹرول نہیں دیا جائے گا، پیٹرول پمپس پر پوسٹرز آویزاں کرنے کے ساتھ ساتھ تحریری احکامات بھی جاری کردیئے گئے۔ ضلعی انتظامیہ نے اس سلسلے میں باقاعدہ نوٹی فکیشن بھی جاری کردیا ۔

    سرگودھا: آئی جی پنجاب کا خفیہ دورہ،بڑھتے جرائم،سوالات کا ڈر،میڈیاکوآئی جی سے دور رکھاگیا

    اس حوالے سے ڈی آئی جی ٹریفک پولیس پنجاب کی جانب سے بھی فوری عملدر آمد کیلئے مراسلہ جاری کیا گیا ہے جس کے مطابق خلاف ورزی کرنے والے افراد کیخلاف سخت کارروائی عمل میں لائی جائے گی۔

    چیف ٹریفک آٖفیسر راولپنڈی تیمور خان کا کہنا تھا کہ موٹر سائیکل سواروں میں ہیلمٹ کی پابندی کروانے کا مقصد انک ی قیمتی جانوں کے تحفظ کو یقینی بنانا ہے اس حوالے سے پیٹرول پمپس مالکان کو تحریری احکامات جار ی کرنے کیساتھ پیٹرول پمپس کی خفیہ مانیٹرنگ بھی کی جائے گی اور خلاف ورزی پر متعلقہ پیٹرول پمپ اور اس کے مالک کے خلاف قانونی کاروائی بھی کی جائے گی۔

    ملک بھر میں آج آندھی طوفان کے ساتھ بارش کا امکان

    تیمور خان کا کہنا تھا کہ شہر بھر میں ہیلمٹ کی پاسداری کروانے کیلئے سپیشل سکواڈ اور خصوصی ٹیمیں تشکیل دینے کیساتھ ناکہ جات بھی لگائے جا رہے ہیں۔سٹی ٹریفک پولیس راولپنڈی کا ایجوکیشن ونگ بھی روزانہ کی بنیاد پر چوک چوراہوں وغیرہ پر روڈ یوزرز کو بھر پور آگاہی فراہم کرنے میں مصروف عمل ہےانھوں نے شہریوں سے بھی اپیل کی کہ وہ ہیلمٹ کا استعمال چالان کے ڈر نہیں بلکہ اپنی حفاظت کی خاطر کریں آپ کی زندگی ہمارے اور آپ کے گھر والوں کیلئے بہت قیمتی ہے۔

    فیس بک نےٹوئٹر کی متبادل ایپ تیار کرلی

    قیمتی انسانی جانوں کی حفاظت کے لیے ڈی سی لاہور کا انتہائی شاندار فیصلہ
    قیمتی انسانی جانوں کی حفاظت کے لیے ڈی سی لاہور کا انتہائی شاندار فیصلہ!!موٹر سائیکل سوار کو ہیلمٹ کے بغیر پٹرول نہیں ملے گا۔ڈی سی لاہور نے نوٹیفیکیشن جاری کر دیا۔پٹرول پمپس پر بغیر ہیلمٹ موٹر سائیکل سواروں کو پٹرول دینے پر پابندی عائدکر دی گئی

    ڈی سی لاہور نے موٹر سائیکل سوار کو ہیلمٹ کے بغیر پٹرول نا دینے کا نوٹیفیکیشن جاری کر دیا۔ڈی سی لاہور نے بتایا کہ بغیر ہیلمٹ موٹر سائیکل سواروں کو کسی صورت پٹرول دینے کی اجازت نہیں ہوگی۔قیمتی جانوں کے تحفظ کو یقینی بنانے کیلئے پابندی عائد کی گئی ہے۔ رافعہ حیدرکا کہناتھا کہ ماہانہ سینکڑوں افراد شہر میں بغیر ہیلمٹ حادثات میں زخمی ہوتے ہیں۔ہیلمٹ استعمال نہ کرنے کے باعث حادثات میں قیمتی جانیں ضائع ہوتی ہیں۔ ڈی سی لاہور رافعہ حیدر نے واضح کیا کہ عوامی مفاد کے لیے پابندی پر عمل درآمد یقینی بنانے کیلئے بھرپور ایکشن لیا جائے گا۔ڈی سی لاہور نے عوام سے گزارش کرتے ہوئے کہا کہ موٹر سائیکل پر سوار افراد ہیلمٹ کا استعمال لازمی کریں

  • ملک بھر میں آج آندھی طوفان کے ساتھ بارش کا امکان

    ملک بھر میں آج آندھی طوفان کے ساتھ بارش کا امکان

    محکمہ موسمیات کے مطابق ملک بھر میں آج آندھی طوفان کے ساتھ بارش کا امکان ہے۔

    محکمہ موسمیات کے مطابق اسلام آباد، راولپنڈی، مری، گلیات، اٹک، چکوال، جہلم، کشمیر،گلگت بلتستان، چترال، سوات، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم، بنوں، لکی مروت اور کوہاٹ میں بارش کا امکان ہے میانوالی، سرگودھا، حافظ آباد، منڈی بہاؤالدین، سیالکوٹ، نارووال، لاہور، گوجرانوالہ، گجرات، شیخوپورہ، فیصل آباد، جھنگ اور ٹوبہ ٹیک سنگھ میں آندھی اور گرج چمک کے ساتھ بارش جبکہ بعض مقامات پر ژالہ باری کا بھی امکان ہے۔

    فیس بک نےٹوئٹر کی متبادل ایپ تیار کرلی

    محکمہ موسمیات کے مطابق ہفتے کے روز تک بلوچستان کے پہاڑی علاقوں میں موسلادھار بارش کے باعث ندی نالوں میں طغیانی کا خطرہ ہے،مون سون ہوائیں آج سے کراچی کا رخ کریں گی، کراچی میں کل سے گیارہ جولائی تک بارش کا امکان ہے۔

    خیبرپختونخوا (کے پی) اور بلوچستان سمیت ملک کے مختلف اضلاع میں آندھی، تیز گرد آلود ہواؤں کےساتھ موسلا دھاربارش سے معمولات زندگی متاثر ہو گئے چمن، شیرانی، قلعہ عبداللہ، پشین، زیارت اور بلوچستان کے دیگرعلاقوں میں گرد آلود ہواؤں کے ساتھ موسلا دھار بارش کے بعد بجلی کے کھمبے گر گئے، درخت اکھڑ گئے جبکہ معمولات زندگی بری طرح متاثر ہو گئے ہیں۔

    محکمہ موسمیات کے مطابق موسلادھار بارش کے باعث آج سے 08 جولائی کے دوران ڈیرہ غازی خان، کوہلو، سبی، بارکھان، ژوب، لورالائی، قلعہ سیف اللہ اورموسٰی خیل کے پہاڑی علاقوں اور ملحقہ ندی نالوں میں طغیانی کا خطرہ ہے۔

    گزشتہ روز خیبرپختونخوا کے مختلف اضلاع میں آندھی اور بارش سے حادثات میں تین افراد جان بحق اور آٹھ زخمی ہوئے،لاہور میں بدھ کی صبح شروع ہونے والی بارش نے موسم خوشگوار بنادیا تاہم مسلسل بارش کے باعث نظام زندگی بری طرح متاثر ہوا، موسلادھار بارش کی وجہ سے متعدد نشیبی علاقے زیر آب آنے سے لوگوں کو آمد و رفت میں سخت مشکلات کا سامنا کرنا پڑا، موسلادھار بارش نے 30 سالہ ریکارڈ توڑ دیا-

    پنجاب دریاؤں میں اونچے درجے کے سیلاب کا ہائی الرٹ جاری

  • فیس بک نےٹوئٹر کی متبادل ایپ تیار کرلی

    فیس بک نےٹوئٹر کی متبادل ایپ تیار کرلی

    فیس بک کی پیرنٹ کمپنی ”میٹا“ ایک نئی ایپ کی لانچگ کیلئے تیار ہے جو بظاہر ٹویٹر کی نقل دکھائی دیتی ہے، اور ایلون مسک کی ملکیت سوشل میڈیا پلیٹ فارم کے لئے براہ راست چیلنج ہے۔

    فیس بک کے بانی اور میٹا کمپنی کے مالک مارک زکربرگ نے نئی ایپ ’تھریڈز‘ پر پہلی پوسٹ کرتے ہوئے ’خوش آمدید ‘ کہا مارک زکربرگ کے مطابق نئی ایپ تھریڈز کے لانچ ہونے کے چند ہی گھنٹوں کے دوران 50 لاکھ افراد نے اکاؤنٹ بنائے۔

    ایپل کے ایپ اسٹور کی لسٹنگ میں ”تھریڈز“ نامی یہ ایپلی کیشن نمودار ہوئی ہے، جس سے ظاہر ہوتا ہے کہ آج یعنی جمعرات سے یہ ایپ دستیاب ہوگی اس ایپ کے اسکرین شاٹس سے اس کا ڈیش بورڈ اور انٹرفیس ٹویٹر سے ملتا جلتا لگتا ہے میٹا نے اسے ”ٹیکسٹ بیسڈ کنور سیشن ایپ“ یعنی لکھ کر تبادلہ خیال کرنے والی ایپ قرار دیا ہے۔

    امریکی صدر کی سرکاری رہائش گاہ وائٹ ہاؤس سے کوکین برآمد

    ایپ اسٹور پر موجود اس ایپ کی تفصیل میں کہا گیا ہے کہ تھریڈز وہ جگہ ہے جہاں کمیونٹیز ان موضوعات پر بات کرنے کے لیے جمع ہوتی ہیں جن کے بارے میں آپ آج اہمیت دیتے ہیں اور یہ کہ کل کیا ٹرینڈ ہوگا ایلون مسک کے لیے ”تھریڈز“ نیا درد سر ثابت ہوسکتی ہے۔

    میٹا ایپ ہونے کی وجہ سے تھریڈز آپ کے فون پر لوکیشن ڈیٹا، خریداری اور براؤزنگ ہسٹری سے متعلق ڈیٹا معلومات کو بھی جمع کرے گی تھریڈز انسٹاگرام پلیٹ فارم کا حصہ ہو گی، اس لیے یہ کروڑوں اکاؤنٹس سے بھی منسلک ہو گی اور ممکنہ طور پر صارفین انسٹاگرام پر موجود اپنے فالوورز کو نئے پلیٹ فارم پر منتقل کر سکیں گے۔صارفین کے لیے انسٹاگرام کے مواد کو نئی ایپلی کیشن پر شیئر کرنے کے سہولت بھی میسر ہو گی-

    ڈیرہ اسماعیل خان: قرآن مجید کی بے حرمتی کے خلاف ایپکا کی ہڑتال ، سویڈن …