Baaghi TV

Author: Ayesha Rehmani

  • پی ٹی آئی چئیرمین اقتدارمیں رہنے کیلئےکوئی بھی سمجھوتا کرسکتے ہیں،خرم دستگیر

    پی ٹی آئی چئیرمین اقتدارمیں رہنے کیلئےکوئی بھی سمجھوتا کرسکتے ہیں،خرم دستگیر

    وفاقی وزیر توانائی اور مسلم لیگ (ن) کے رہنما خرم دستگیر نے کہا ہے کہ 12 اگست سے پہلے اسمبلیاں ٹوٹ جائیں گی، نومبر کے پہلے 10 روز میں انتخابات ہوجائیں گے۔

    باغی ٹی وی : نجی خبررساں ادارے سے گفتگو کرتے ہوئے وفاقی وزیر خرم دستگیر نے کہا کہ منی لانڈرنگ کے معاملات آئی ایم ایف کے معاہدے کا حصہ بنے تھے آئی ایم ایف نے سی پیک معاہدے کی تفصیلات بھی طلب کی تھیں ن لیگ کی حکومت سے جو باتیں آئی ایم ایف نہیں منواسکا، ان معاملات کا دروازہ کھولا گیا ہے، پی ٹی آئی چیئرمین منی لانڈرنگ کی شق اور سی پیک کی تفصیلات دینے پر بھی راضی ہوگئے تھے، یہ اقتدار میں رہنے کے لیے کوئی بھی سمجھوتا کرسکتے ہیں۔

    مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج

    خرم دستگیر کا کہنا تھا کہ آئی ایم ایف کون سا ہمیں 50 ارب ڈالرز کی امداد دے رہا ہے، آئی ایم ایف کا سیاسی جماعتوں کے پاس جانا سمجھ نہیں آیا، پی ٹی آئی کے چیئرمین عمران خان اپنے مفادات کی خاطر کچھ بھی قربان کرسکتے ہیں، 12 اگست سے پہلے اسمبلیاں ٹوٹ جائیں گی، نومبر کے پہلے 10 روز میں انتخابات ہوجائیں گے، چیئرمین پی ٹی آئی توشہ خانہ کیس سے راہ فرار اختیار کررہے ہیں، توشہ خانہ کے تحفوں کا جواب دینا پڑے گا۔

    کشمور: بچے کی بازیابی کیلئے جانے والے ایس ایچ او سمیت 3پولیس اہلکار اغوا

    دوسری جانب آئی ایم ایف مشن چیف ناتھن پورٹر نے چیئرمین پاکستان تحریک انصاف سے ویڈیو لنک کے ذریعے بات چیت کی، پی ٹی آئی چیئرمین نے سوال کیا کہ آپ اس بات کی کیا ضمانت دیتے ہیں کہ ملک میں انتخابات وقت پرہوں گے؟۔ ایم ایف وفد نے چیئرمین پی ٹی آئی کو یقین دہانی کرائی کہ پاکستان کا قرض معاہدہ اس حساب سے ڈیزائن کیا گیا ہے جس کے تحت ملک میں الیکشن آئین کے مطابق وقت پر ہوں گے، آئی ایم ایف ملک میں ہونے والی صورتحال پر گہری نظر رکھتا ہے۔

    ہم تمام مذاہب کا احترام کرتے ہیں،دوسروں سے اسی کی درخواست کرتے ہیں،محمد رضوان

    آئی ایم ایف وفد کا کہنا تھا کہ ایگزیکٹو بورڈ کا پاکستان کے سیاسی معاملات سے متعلق مؤقف کیا ہوگا اس کی پیشگوئی نہیں کرسکتے تاہم ایگزیکٹو بورڈ کے ڈائریکٹرز اپنی میٹنگ میں اپنا نقطہ نظر رکھیں گے ایگزیکٹو بورڈ ممبران اپنی رائے دینے میں آزاد ہیں اور آئی ایم ایف اسٹاف رپورٹ میں ان کا مؤقف شامل کر دیا جائے گاآئی ایم ایف کا پروگرام اس طریقے سے ڈیزائن کیا گیا ہے کہ جس میں توقع ہے کہ اقتدار کی منتقلی وقت پر ہوگی، امید ہے کہ اس ڈیزائن کے تحت نگران سیٹ اپ آئین کے مطابق اپنی مدت کے دوران وقت پر انتخابات کرا دے گا۔

    لیہ : ممکنہ سیلاب کے پیش نظرجانوروں کی ویکسی نیشن کاعمل جاری

  • ہم تمام مذاہب کا احترام کرتے ہیں،دوسروں سے اسی کی درخواست کرتے ہیں،محمد رضوان

    ہم تمام مذاہب کا احترام کرتے ہیں،دوسروں سے اسی کی درخواست کرتے ہیں،محمد رضوان

    قومی ٹیم کے وکٹ کیپر بیٹر محمد رضوان کا کہنا ہے کہ قرآن پاک اللہ سبحان تعالیٰ کی طرف سے پوری انسانیت کے لیے رہنمائی ہے۔

    سوشل میڈیا پر جاری پیغام میں محمد رضوان نے لکھا کہ ہر مسلمان نے قرآن پاک کی آیات کو اپنے دل میں محفوظ کر رکھا ہے اور اس قدر محفوظ چیز کو نقصان پہنچانا صرف اس وقت ہی ممکن ہو سکتا ہے جب اس کا محافظ اسے دل سے نکال دے،قرآن پاک کی بے حرمتی تو دور کی بات کوئی ایسا سوچ بھی نہیں سکتا۔


    وکٹ کیپر بیٹر کا کہنا تھا ہم تمام مذاہب کا احترام کرتے ہیں جو اس دنیا میں لوگوں کی رہنمائی کے لیے آئے، ان مذاہب کے ماننے والوں کے جذبات اپنے مذہب سے جڑے ہوتے ہیں اور ہم بھی دوسروں سے اسی کی درخواست کرتے ہیں۔

    واضح رہے کہ عید الاضحیٰ کے روز سویڈن میں ایک ملعون شخص نے مسجد کے سامنے پولیس کی نگرانی میں قرآن پاک کی بے حرمتی کی تھی جس کے خلاف دنیا بھر کے مسلمانوں نے آواز اٹھائی تھی،علاوہ ازیں وزیراعظم شہباز شریف کی درخواست پر ملک بھر میں 7 جولائی کو یوم تقدیس منایا گیا تھا،کراچی، لاہور، اسلام آباد، پشاور اور کوئٹہ میں نماز جمعہ کے بعد لوگ بڑی تعداد میں سڑکوں پر نکل آئے اور عالمی برادری سے قرآن پاک کی بے حرمتی کا نوٹس لینے کا مطالبہ کیا مظاہرین نے کہا تھا کہ مستقبل میں ایسے واقعات کی روک تھام کیلئے ٹھوس لائحہ عمل مرتب کیا جائے۔

  • وزیراعظم شہبازشریف کی غیرملکی مہمانوں سے جرمن زبان میں گفتگو

    وزیراعظم شہبازشریف کی غیرملکی مہمانوں سے جرمن زبان میں گفتگو

    وزیراعظم شہبازشریف کی نتھیا گلی میں سوئٹزرلینڈ کے ساتھ قدرتی آفات سے متعلق مفاہمت کی یادداشت پر دستخط کی تقریب کے موقع پر جرمن زبان میں گفتگو کی جس پر غیرملکی مہمانوں نے داد دی-

    باغی ٹی وی: وزیراعظم شہباز شریف نے غیر ملکی مہمانوں سےجرمن زبان میں خیریت دریافت کی اور اُنہیں علاقے کی تاریخ اور حکومت پاکستان کی طرف سے کیے جانے والے بہتری کے اقدامات کے بارے میں آگاہ کیا،وزیراعظم نے مہمانوں کو الوداع کرتے ہوئے بھی جرمن زبان میں کلمات ادا کیے۔

    واضح رہے کہ پاکستان اور سوئٹزرلینڈ کے درمیان قدرتی آفات سے نمٹنے کیلئے تعاون کی مفاہمتی یادداشت پردستخط کی تقریب نتھیا گلی میں ہوئی۔ تقریب سے خطاب میں وزیر اعظم کا کہنا تھا کہ پاکستان خطے میں تناؤ نہیں خوشحالی اورامن کا فروغ چاہتا ہے معاہدے سے پاکستان اور سوئٹزرلینڈ کے درمیان قدرتی آفات اور ان کے ممکنہ نقصانات کی پیش گوئی، فوری امدادی کارروائیوں اور بحالی کے اقدامات میں تعاون کو فروغ ملے گا –

    پاکستان خطے میں تناؤ نہیں،ترقی چاہتا ہے،وزیراعظم


    آئی ٹی اورخواتین کی تعلیم کے فروغ کیلئے پاکستان کرداراداکرتارہے گا پاکستان ترقی چاہتا ہےماضی کی طرح وسائل ضائع نہیں کرنا چاہتے،ہم سوئٹزرلینڈ کے ساتھ سیاحت کا فروغ بھی چاہتے ہیں، ہم تعلیم کے میدان اور دیگر شعبوں میں بھی سوئس حکومت کے ساتھ کام ملکر کام کرنے کے خواہاں ہیں۔

    مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج

  • مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج

    مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج

    مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج کرلیا گیا ہے، مقدمے میں اعجاز الحق سمیت 23 افراد نامزد ہیں۔

    میڈیا رپورٹس کے مطابق اعجاز الحق کے خلاف مقدمہ ڈی جی ایف آئی اے کے حکم پر جے آئی ٹی رپورٹ کی روشنی میں درج کیا گیا جس میں اعجاز الحق ، سابق ایم پی اے غلام مرتضی ، سابق ایم پی اے غزالہ شاہین ، سمیت 23 افراد نامزد ہیں ایف آئی آر میں نامزد ملزمان پر ایک ارب 80 کروڑ کی منی لانڈرنگ کا حوالہ دیا ہے۔

    جیل میں سہولیات کی فراہمی کیلئےپرویزالہٰی کی لاہورہائیکورٹ میں درخواست دائر

    ایف آئی آر میں ایک کمپنی کے ڈائریکٹرز، شیئرز ہولڈز اور حکام کو بھی نامزد کیا گیا ہےایف آئی اے منی لانڈرنگ کیس سے متعلق تحقیقات کررہی ہے تاہم ابھی تک تاحال کوئی ملزم گرفتار نہ کیا جاسکا۔

    واضح رہے کہ پاکستان مسلم لیگ ضیا کی جانب سے پاکستان تحریک انصاف (پی ٹی آئی) سے اتحاد ختم کرتے ہوئے اپنی راہیں جدا کر تھیں مسلم لیگ ضیا کے سربراہ اعجاز الحق نے اپنے ایک بیان میں کہا تھا کہ آئندہ عام انتخابات میں مسلم لیگ ضیاء اپنے انتخابی نشان پر الیکشن میں حصہ لے گی۔ موجودہ صورتحال کا تقاضا ہے کہ پی ٹی آئی سے الحاق ختم کیا جائے، پی ٹی آئی سے صرف سیاسی اتحاد ہوا تھا، پارٹی ضم نہیں کی گئی تھی۔ اب پی ٹی آئی سے راہیں جدا کرلی ہیں۔

    پاکستان کی خاطر بھرپور توانائی کے ساتھ میدان میں اتریں گے،بابر اعظم

  • جاپان کے دریا کا رنگ بدل گیا

    جاپان کے دریا کا رنگ بدل گیا

    جاپان کے ایک بڑے دریا کا کچھ حصہ روشن سبز ہوگیا ہے، ماہرین نے اس کی تحقیقات شروع کردی ہیں۔

    مغربی جاپان کے مشہور شہر، اوساکا کے پاس آئیکوما کے علاقے میں واقع ٹاٹسوٹا جھیل کے لوگ تذبذب کے شکار ہیں کیونکہ ایک صبح جھیل کا بڑا حصہ روشن سبز رنگت اختیار کرچکا تھا بعض افراد کا خیال ہے کہ کسی نے نہانے والے نمکیات کی بڑی مقدار جھیل میں پھینکی ہے اور اس کیمیائی عمل سے پانی کا رنگ یک دم بدل گیا ہے۔


    شہری انتظامیہ نے عوام کو جھیل سے دور رہنے کا مشورہ دیا ہے اور ابتدائی تحقیقات سےکچھ شواہد سامنے آئے ہیں دریا کےکنارے سوڈیئم فلورسین کی بڑی مقدار ملی ہے جسے سڑک سے پھینکا گیا تھا۔ اس کی رنگت سرخ ہوتی ہے لیکن پانی میں مل کر یہ سبز ہوجاتا ہے۔ یہ باتھ سالٹ میں عام استعمال ہوتا ہے۔
    https://twitter.com/WaynesboroWthr/status/1677499288526417921?s=20

    دریائے سندھ میں تین بھائی نہاتے ہوئے ڈوب گئے

    تاہم ماہرین کا خیال ہے کہ سوڈیئم فلورسین طبعی اور کیمیائی طور پر صحت کے لیے نقصان دہ نہیں ہوتا۔ تاہم کھیتی باڑی میں اس کا استعمال نقصان دہ ہوسکتا ہے۔
    river
    واضح رہے کہ اس سے قبل اٹلی کے شہر وینس میں موجود مشہور جھیل کا رنگ سبز ہوگیا تھا وینس کے گورنر لیوکا زایا نے کہا تھا کہ پولس اس ضمن میں تحقیقات کررہی ہے۔ جھیل کی رنگت بدلنے کی اطلاع سب سے پہلے ایک مقامی رہائشی نے دی تھی اس کے بعد مزید لوگوں نے اس کی تصدیق کی ہے بعض سائنسدانوں نے کہا تھا کہ شاید یہ ایک طرح کی الجی ہے جو پانی میں وافر مقدار میں جمع ہوئی ہے۔

    لبنان میں مسجد کے اندر فائرنگ سے ایک شخص جاں بحق،متعدد زخمی

  • تھریڈز پراکاؤنٹ ڈیلیٹ کرنے کی کیا قیمت ادا کرنی ہوگی؟

    تھریڈز پراکاؤنٹ ڈیلیٹ کرنے کی کیا قیمت ادا کرنی ہوگی؟

    ٹوئٹر کے مقابلے میں متعارف کرائی گئی میٹا کی نئی ایپ تھریڈز پر اکاؤنٹ ڈیلیٹ کرنے کی کیا قیمت ادا کرنی ہوگی۔

    میٹا کی نئی ایپ تھریڈز پر اکاؤنٹ بنانے والے صارفین کی تعداد اب تک کروڑوں میں ہوچکی ہے 6 جولائی کو مارک زکربرگ نے ٹوئٹر کو ٹکر دینے کے لیے تھریڈز ایپ کو لانچ کیا جس پر محض 24 گھنٹوں کے اندر 5 کروڑ سے زائد اکاؤنٹس بنائے گئے،اس ایپ کے فیچرز زیادہ تر ٹوئٹر اور انسٹاگرام کی طرح ہی ہیں اور یہ ایپ زکربرگ نے انسٹاگرام سے کنیکٹ کی ہے۔

    لبنان میں مسجد کے اندر فائرنگ سے ایک شخص جاں بحق،متعدد زخمی

    لیکن اسے انسٹال کرنے اور اس پر اکاؤنٹس بنانے والے متعدد صارفین کو تھریڈز کا اکاؤنٹ ڈیلیٹ کرنے کی بھی قیمت ادا کرنی ہوگی، ‘تھریڈز سپلیمنٹل پرائیویسی پالیسی’میں لکھا ہے کہ صارفین اپنی تھریڈز پروفائل کو کسی بھی وقت غیر فعال تو کر سکتے ہیں لیکن صارفین کی پروفائل ختم اس ہی وقت ہوں گی جب ان کا انسٹاگرام اکاؤنٹ ختم ہوگایعنی اگر کوئی صارف چاہے کہ اس کا تھریڈز کا اکاؤنٹ حذف ہوجائے تو اسے پہلے اپنے انسٹاگرام کا اکاؤنٹ ڈیلیٹ کرنا ہوگا۔

    شاہد آفریدی کا بیٹی کی رخصتی پر جذباتی پیغام،تصاویر بھی شیئرکردیں

    اس معلومات کو کئی صارفین نے ٹوئٹر سمیت تھریڈز پر شیئر کیا جس کے بعد صارفین کی جانب سے شکایات کی گئیں اور کہا گیا کہ ایپ کو پہلے اس حوالے سے بتانا چاہیے تھا۔


    https://twitter.com/Agrumpycomedian/status/1677672226504716288?s=20


    https://twitter.com/endmediadivide/status/1677414067546337283?s=20

    پاکستان کی خاطر بھرپور توانائی کے ساتھ میدان میں اتریں گے،بابر اعظم

  • شاہد آفریدی کا بیٹی کی رخصتی پر جذباتی پیغام،تصاویر بھی شیئرکردیں

    شاہد آفریدی کا بیٹی کی رخصتی پر جذباتی پیغام،تصاویر بھی شیئرکردیں

    قومی ٹیم کے سابق کپتان شاہد خان آفریدی کی بڑی بیٹی اقصیٰ کی رخصتی کی تقریب کراچی میں جمعہ کی شب ہوئی جس کی تصاویر انہو ں نے ٹوئٹر پرشیئر کر دی ہیں۔

    اس موقع پر سماجی رابطے کی سائٹ ٹوئٹر پر اپنے پیغام میں لکھا کہ میری پیاری بیٹی، ابھی بھی کل کی طرح لگتا ہے، جب میں نے تمہیں اپنی بانہوں میں کھلایا، اُس دن میں نے خود سے وعدہ کیا تھا کہ تمہارا ساتھ کبھی نہیں چھوڑوں گا اگرچہ آپ اپنی زندگی میں ایک نیا باب شروع کرنے جارہی ہیں، لیکن آپ ہمیشہ میرے دل میں رہیں گی کیونکہ میں وہ آدمی ہوں جس نے آپ سے سب سے پہلے پیار کیا۔
    https://twitter.com/SAfridiOfficial/status/1677610611599876096?s=20
    انہوں نے بیٹی اور داماد کے لئے لکھا کہ اللہ آپ دونوں کو اپنی حفاظت میں رکھے اور آپ کو ایک ساتھ ایک خوبصورت زندگی گزارنے کا موقع عطا فرمائے، آمین۔

    شادیوں میں خواجہ سراؤں اور فنکاروں کو دعوت دینے والوں کی نکاح نہ پڑھانے کا …

    واضح رہے کہ ان کی بڑی بیٹی اقصیٰ اور نصیر کا نکاح گزشتہ برس دسمبر میں ہوا تھا، شاہد آفریدی کی بیٹی کی شادی کی تقریب میں بابر اعظم، محمد رضوان، امام الحق، شان مسعود، سرفراز احمد، حسن علی، عامر جمال، اعظم خان، سابق کرکٹرز معین خان، ارشد خان، محمد اکرم اور وقار یونس شریک ہوئے تقریب میں شاہد خان آفریدی کے داماد اور پاکستان کرکٹ ٹیم کے ممتاز فاسٹ بولر شاہین آفریدی مہمانوں کی مستقل آؤ بھگت کرتے رہے۔

    پاکستان کی خاطر بھرپور توانائی کے ساتھ میدان میں اتریں گے،بابر اعظم

  • لبنان میں مسجد کے اندر فائرنگ سے ایک شخص جاں بحق،متعدد زخمی

    لبنان میں مسجد کے اندر فائرنگ سے ایک شخص جاں بحق،متعدد زخمی

    لبنان میں مسجد کے اندر فائرنگ سے ایک شخص جاں بحق ہوگیا۔

    غیر ملکی میڈیا کے مطابق لبنانی فوج اور سرکاری خبر رساں ایجنسی کا کہنا ہے کہ ایک مسلح شخص نے مشرقی لبنان کی ایک مسجد میں فائرنگ کی جس کے نتیجے میں ایک شخص ہلاک اور متعدد زخمی ہو گئےسکیورٹی اہلکاروں کی جانب سے بتایا گیا ہےکہ فائرنگ کا واقعہ جمعہ کے روز اس وقت پیش آیا جب نمازی مسجد میں نماز ادا کررہے تھے فائرنگ کے نتیجے میں ایک نمازی جاں بحق اور 5 افراد زخمی ہوئے۔

    انتظامیہ کا کہنا ہےکہ مسجد میں فائرنگ کی وجہ تاحال معلوم نہیں ہوسکی ہے البتہ واقعے کی اطلاع ملتے ہی لبنانی فوجی موقع پر پہنچ گئے، اس دوران فوجیوں اور فائرنگ کرنے والے مشتبہ شخص کے درمیان فائرنگ کا تبادلہ ہوا جس سے مسلح شخص زخمی ہوگیا۔

    دریائے سندھ میں تین بھائی نہاتے ہوئے ڈوب گئے

    لبنانی فوج نے ایک بیان جاری کرتے ہوئے کہا ہے کہ مسلح شخص نے لوگوں کے ایک گروپ پر اس وقت فائرنگ کی جب وہ مسجد سے نکل رہے تھے جس سے ان میں سے ایک ہلاک ہوگیا۔ اس میں مزید کہا گیا کہ جب فوجیوں نے بندوق بردار کو حراست میں لینے کی کوشش کی تو اس نے فورس پر فائرنگ کی جس کے ارکان نے جوابی فائرنگ کی اور وہ زخمی ہوگیا اسے ہسپتال میں رکھا گیا ہے۔

    پاکستان کی خاطر بھرپور توانائی کے ساتھ میدان میں اتریں گے،بابر اعظم

    ہلاک ہونے والے شخص کی شناخت لبنانی شہری علی شبلی کے نام سے ہوئی ہے جو ایک اسکول ٹیچر تھا۔ مقامی میڈیا کے مطابق زخمیوں میں لبنانی شہری بھی شامل ہیں مسجد میں فائرنگ سے زخمی اور جاں بحق ہونے والے شخص کا تعلق شام سے ہے اور اس علاقے میں شامی پناہ گزینوں نے رہائش اختیار کی ہوئی ہے۔

    عمران خان سے ملاقات میں آئی ایم ایف وفد کا طنز

  • جیل میں سہولیات کی فراہمی کیلئےپرویزالہٰی کی لاہورہائیکورٹ میں درخواست دائر

    جیل میں سہولیات کی فراہمی کیلئےپرویزالہٰی کی لاہورہائیکورٹ میں درخواست دائر

    پاکستان تحریک انصاف کے صدر چوہدری پرویز الہٰی نے جیل میں سہولیات کی فراہمی کے لیے لاہور ہائیکورٹ میں درخواست دائر کردی۔

    سابق وزیراعلیٰ پنجاب چوہدری پرویز الہٰی کی جانب سے دائر درخواست میں نگراں پنجاب حکومت، ایڈیشنل چیف سیکرٹری ہوم، آئی جی جیل خانہ جات اور جیل سپرنٹنڈنٹ کو فریق بنایا گیا ہے،درخواست میں مؤقف اختیار کیا گیا کہ درخواست گزار کی عمر 78 سال ہے جو دل کے عارضے میں مبتلا ہے، طبی مسائل کے باوجود گھر کا کھانا نہیں دیا جا رہا، جیل حکام نے سہولیات کی فراہمی کا یقین دلایا تھا، مگر جیل میں ائر کنڈیشنڈ سمیت کوئی سہولت مہیا نہیں کیا جا رہی۔

    درخواست میں استدعا کی گئی کہ عدالت جیل میں سہولیات کی فراہمی کے احکامات جاری کرے اور سہولیات کی فراہمی کے جائزہ کے لیے کمیشن تشکیل دے، کمیشن کو جیل میں ہفتہ وار دورہ کرکے رپورٹ پیش کرنے کا حکم دیا جائے۔

    پاکستان کی خاطر بھرپور توانائی کے ساتھ میدان میں اتریں گے،بابر اعظم

    یاد رہے کہ چوہدری پرویز الہیٰ کے خلاف پنجاب اسمبلی میں غیرقانونی بھرتیوں کا کیس چل رہا ہے اور اسی کیس میں وہ گرفتار ہیں۔ سابق وزیراعلیٰ اب تک چیئرمین پی ٹی آئی کے ساتھ کھڑے ہیں جبکہ تحریک انصاف کے دیگر اہم رہنما پارٹی چھوڑ چکے ہیں تاہم اب پرویز الہیٰ سے متعلق بھی دعوے کیے جارہے ہیں کہ وہ واپس مسلم لیگ (ق) میں چلے جائیں گے۔

    طیاروں سے پرندے ٹکرانے کے واقعات میں مسلسل اضافہ

  • پاکستان کی خاطر بھرپور توانائی کے ساتھ میدان میں اتریں گے،بابر اعظم

    پاکستان کی خاطر بھرپور توانائی کے ساتھ میدان میں اتریں گے،بابر اعظم

    پاکستان ٹیم کی سری لنکا روانگی سے قبل کرکٹ بورڈ کی مینجمنٹ کمیٹی کے چیئرمین ذکا اشرف نے کپتان بابر اعظم کو ٹیلیفون کیا ہے۔

    باغی ٹی وی: ذکا اشرف نے قومی ٹیم کے لیے نیک خواہشات کا اظہار کرتے ہوئے بابر اعظم سے کہا کہ پوری ٹیم کو میری طرف سے نیک خواہشات کا پیغام دیں، توقع ہے کہ ٹیم دورہ سری لنکا اور ایشیا کپ میں پاکستان کے لیے کامیابیاں سمیٹے گی۔

    اس موقع پر بابر اعظم نے ذکا اشرف کو چیئرمین مینجمنٹ کمیٹی کا عہدہ سنبھالنے پر مبارکباد دی اور کہا کہ آپ کے پچھلے دور میں بھی پاکستان نے ایشیا کپ جیتا تھا، انشاءاللّٰہ اس بار بھی ایشیا کپ جیت کر پاکستان لائیں گے، پاکستان ٹیم کو مزید اوپر لے جانے کے لیے کوئی کسر نہیں چھوڑیں گے، پاکستان کی خاطر بھرپور توانائی کے ساتھ میدان میں اتریں گے بابراعظم نے ذکاء اشرف کو چئیرمین مینجمنٹ کمیٹی کا عہدہ سنبھالنے پر مبارکباد پیش کی۔

    دوسری جانب پاکستان کرکٹ ٹیم ورلڈ کپ میں شرکت کے لئے بھارت جائے گی یا نہیں اس حوالہ سے فیصلہ کرنے کے لئے ایک ہائی پروفائل کمیٹی تشکیل دی گئی ہےوزیر خارجہ بلاول زرداری کمیٹی کے سربراہ ہوں گے، کمیٹی میں وفاقی وزرا رانا ثنا اللہ، اعظم نذیر تارڑ، احسان مزاری، مریم اورنگزیب، اسعد محمود، امین الحق، قمر زمان کائرہ اور طارق فاطمی شامل ہیں ،قومی سلامتی کے اداروں کے سربراہ اور سیکرٹری خارجہ بھی ہائی پروفائل کمیٹی میں شامل ہیں-

    میڈیا رپورٹس کے مطابق کمیٹی بھارت میں ہونیوالے ورلڈ کپ میچز میں پاکستانی ٹیم کی شرکت کے حوالہ سے سفارشات مرتب کرے گی، حتمی سفارشات وزیراعظم کو بھجوائی جائیں گی، جس کے بعد حتمی فیصلہ ہو گا، پی سی بی نے ورلڈ کپ میں شرکت حکومت کی اجازت کے ساتھ مشروط کی ہے-