Baaghi TV

Author: Ayesha Rehmani

  • بلوچستان کے حصے کا پانی حاصل کرنے کیلئے بھرپور کوشش کر رہے ہیں،غلام محمد بادینی

    بلوچستان کے حصے کا پانی حاصل کرنے کیلئے بھرپور کوشش کر رہے ہیں،غلام محمد بادینی

    ڈیرہ مراد جمالی (محبوب مگسی ):ایکسیئن ایریگیشن غلام محمد بادینی نے کہا ہے کہ سندھ سے بلوچستان کے پانی کا پورا حصہ لینے کیلئے بھرپور کوششیں کی جا رہی ہیں پٹ فیڈر کینال میں پانی کی منصفانہ تقسیم کو یقینی بنانے کیلئے ہر ممکن اقدامات کئے جائیں گے-

    باغی ٹی وی: ایکسیئن ایریگیشن غلام محمد بادینی نے میڈیا سے گفتگومیں کہا ہے کہ نصیر آباد میں زراعت کے فروغ و ترقی اور زرعی پیداوار بڑھانے کیلئے اپنے حصے کے پانی کا حصول بہت ضروری ہے جس کیلئے حکومت بلوچستان سنجیدگی کے ساتھ اقدامات کر رہی ہے پٹ فیڈر کینال بلوچستان کی سب سےبڑی نہر ہے جس کے پانی کا زیادہ تر حصہ صوبہ سندھ میں چوری کیا جاتا ہے-

    ہم بلوچستان کے حصے کا پانی حاصل کرنے کیلئے بھرپور کوشش کر رہے ہیں ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا انہوں نے کہا کہ ضلع نصیر آباد میں پٹ فیڈر کینال سے پانی کی منصفانہ تقسیم کو یقینی بنانے کیلئے ہر ممکن اقدامات کئے جا رہے ہیں تا کہ کسی زمیندار کی حق تلفی نہ ہو ان شاء الله نصیر آباد کے زمینداروں کی توقعات پر پورا اترنے کی ہر ممکن کوشش کروں گا انہوں نے کہا کہ پٹ فیڈر کینال سے پانی کی غیرقانونی ترسیل کے عمل کی سختی کے ساتھ روکنے کی بھرپور کوشش کریں گے-

    اس سال ملک میں عید پر کتنے جانور قربان ہوئے؟

    اسکاٹ لینڈ سے شکست، 2 بار کی عالمی چیمپئن ویسٹ انڈیز ورلڈ کپ 2023 سے …

    بلاول بھٹو زرداری 4 روزہ دورے پر جاپان پہنچ گئے

  • اس سال ملک میں عید پر کتنے جانور قربان ہوئے؟

    اس سال ملک میں عید پر کتنے جانور قربان ہوئے؟

    پاکستان ٹینریز ایسوسی ایشن نے کہا ہے کہ رواں سال عیدالاضحیٰ پر 63 لاکھ 60 ہزار جانوروں کی قربانی کی گئی۔

    باغی ٹی وی: پاکستان ٹینریز ایسوسی ایشن کے مطابق قربانی میں 20 لاکھ بچھڑے، 35 لاکھ بکرے، 8 لاکھ چھترے اور60 ہزار اونٹ شامل ہیں ملک میں گزشتہ سال کی نسبت قربانی میں 28 سے 30 فیصد کمی ہوئی ہے،عید پر قربان کیے گئے جانوروں کی مالیت 376 ارب روپے ہے پاکستان ٹینریز ایسوسی ایشن نے گرمی اور لوڈشیڈنگ کے باعث 35 فیصد کھالیں خراب ہونے کا خدشہ ظاہر کیا ہے۔

    قبل ازیں پاکستان ٹینریز ایسوسی ایشن کے مطابق ایکسپورٹ کے لیے لیدر کی طلب کے باوجود گائے بیل کی کھال کی قیمت کم مقرر کی گئی ہے جس کی وجہ گائے بیل میں پائی جانے والی جلدی بیماری لمپی اسکن ہے،اس بیماری کی وجہ سے گائے بیل کی 35 سے 40 فیصد کھالیں ضایع ہورہی ہیں اور لیدر انڈسٹری کی لاگت بڑھ رہی ہے، یہی وجہ ہے کہ ان نقصانات کا ازالہ کرنے لیے گائے بیل کی کھال کی قیمت میں اضافہ نہیں کیا گیا،وپے کی قدر میں کمی کی بنا پر صحت مند گائے بیل کی کھال کی قیمت 3000روپے تک ہونی چاہیے لیکن جلدی بیماری کے باعث لیدر کو پہنچنے والے نقصانات کے تناسب کی وجہ سے اس سال قیمت میں اضافہ نہیں کیا گیا۔

    اسکاٹ لینڈ سے شکست، 2 بار کی عالمی چیمپئن ویسٹ انڈیز ورلڈ کپ 2023 سے …

    واضح رہے کہ ملک کے مختلف شہروں میں عید کے تینوں روز صبح سے ہی سنت ابراہیمی کی پیروی کرتے ہوئے جانوروں کی قربانی کی جاتی ہے۔

    پاکستان اور سعودی عرب کے درمیان ایک عظیم رشتہ ہے،صدر مملکت

  • اسکاٹ لینڈ سے شکست، 2 بار کی عالمی چیمپئن ویسٹ انڈیز ورلڈ کپ 2023 سے باہر

    اسکاٹ لینڈ سے شکست، 2 بار کی عالمی چیمپئن ویسٹ انڈیز ورلڈ کپ 2023 سے باہر

    ورلڈ کپ کوالیفائر سپر سکس میں اسکاٹ لینڈ نے 2 بار کی عالمی چیمپئن ویسٹ انڈیز کو 7 وکٹوں سے شکست دے کر ورلڈ کپ 2023 کی دوڑ سے باہر کر دیا-

    باغی ٹی وی: ہرارے میں کھیلے گئے آئی سی سی ورلڈ کپ کوالیفائرز کے گروپ میچز میں زمبابوے اور نیدرلینڈز کے ہاتھوں شکست کے بعد ویسٹ انڈیز کی ٹیم ہفتے کو سپر سکس مرحلے کے میچ میں اسکاٹ لینڈ سے بھی ہار گئی ، ورلڈ کپ کوالیفائر سپر سکس میں اسکاٹ لینڈ نے ٹاس جیت کر ویسٹ انڈیز کو بیٹنگ کی دعوت دی۔

    ویسٹ انڈیز کی ٹیم 181 رنز پر ڈھیر ہوگئی، جیسن ہولڈر 45 رنز بناکر ٹاپ اسکورر رہے، روماریو شیفرڈ نے 36 رنز بنائےاسکاٹ لینڈ کی جانب سے برینڈن مک مولن نے 3، کرس سول، میٹ واٹ، کرس گرِیوز نے 2،2 اور سفیان شریف نے ایک وکٹ حاصل کی۔

    پاکستان ویمن فٹبال ٹیم ، سنگاپور کیخلاف فرینڈلی میچز کھیلے گی

    ویسٹ انڈیز کے 182 رنزکا ہدف اسکاٹ لینڈ نے 43.3 اوورز میں 3 وکٹوں کے نقصان پر بآسانی حاصل کرلیا اور 7 وکٹوں سے شکست دی اسکاٹ لینڈ کے میتھیو کراس نے 74 رنزکی ناقابل شکست اننگزکھیلی جبکہ برینڈن میک مولن نے 69 رنز بنائے ویسٹ انڈیز کی جانب سے عقیل حسین، روماریو شیفرڈ اور جیسن ہولڈر نے 1،1 وکٹ حاصل کی۔

    یہ ورلڈ کپ کوالیفائرز میں ویسٹ انڈیز کی مسلسل تیسری شکست تھی جس کے بعد وہ پہلی مرتبہ ورلڈ کپ کے لیے جگہ نہ بناسکیبھارت میں ہونے والا کرکٹ ورلڈ کپ 2023 ویسٹ انڈیز کے بغیر ہونے والا پہلا ورلڈ کپ ہوگا۔

    واضح رہے کہ ویسٹ انڈیز نے 1975 اور 1979 میں عالمی کپ جیتا تھا۔

    ساف فٹبال چیمپئن شپ؛ پاکستان کو نیپال سے شکست

  • دنیا بھر میں ٹوئٹر کی سروس ڈاؤن

    دنیا بھر میں ٹوئٹر کی سروس ڈاؤن

    دنیا بھر میں سوشل میڈیا پلیٹ فارم ٹوئٹر کی سروس ڈاؤن ہوگئی۔

    باغی ٹی وی: رپورٹس کے مطابق ہفتے کی شام دنیا بھر میں ہزاروں صارفین کو ٹوئٹر کے استعمال میں مشکلات کا سامنا ہے ڈاؤن ڈیڈیکٹر کے مطابق گزشتہ چند منٹوں میں 4 ہزار سے زائد صارفین نے ٹوئٹر ڈاؤن ہونے کی شکایت کی تاہم کمپنی کی جانب سے اس حوالے سے کوئی بیان جاری نہیں کیا گیا-

    ٹویٹر کے ہزاروں صارفین نے آج سہ پہر سوشل میڈیا پلیٹ فارم کے ساتھ مسائل کی اطلاع دی ہے یہ واضح نہیں ہے کہ مسائل کی وجہ کیا ہے یا یہ کب تک رہیں گے۔ کمپنی نے ابھی تک کوئی تبصرہ نہیں کیا ہے۔

    ایلون مسک کی جانب سےکنٹرول سنبھالنے کے بعد یہ رواں سال تیسری بار ٹوئٹر کی سروس ڈاؤن ہوئی ہیں، اس سے قبل فروری اور مارچ میں بھی سروسز ڈاؤن ہوئیں تھیں۔

    ٹوئٹر کے ڈاؤن ہونے پر سوشل میڈیا پر میمز کا طوفان آگیا۔


    https://twitter.com/IaintIsiah/status/1675141089202778113?s=20
    https://twitter.com/superking1816/status/1675153260020404225?s=20
    https://twitter.com/superking1816/status/1675124174887731200?s=20
    https://twitter.com/hugs4you1231231/status/1675143886048468994?s=20
    https://twitter.com/Musktwt11/status/1675162334963150849?s=20
    https://twitter.com/tracedontmiss/status/1675150888317452288?s=20

    کچھ نے لکھا کہ میں یقین نہیں کر سکتا کہ یہ کتنے عرصے سے چل رہا ہے،” اور "یہ اب ایک مذاق سے آگے بڑھ رہا ہے،

  • بلاول بھٹو زرداری 4 روزہ دورے پر جاپان پہنچ گئے

    بلاول بھٹو زرداری 4 روزہ دورے پر جاپان پہنچ گئے

    پاکستان پیپلز پارٹی کے چیئرمین اور وزیرخارجہ بلاول بھٹو زرداری 4 روزہ دورے پر جاپان پہنچ گئے۔

    باغی ٹی وی: وزیرخارجہ 4 روزہ دورے پر جاپان پہنچ گئے، آصفہ بھٹو بھی بلاول بھٹو کے ہمراہ ہیں،دورے کے دوران وزیر خارجہ بلاول بھٹو زرداری اپنے جاپانی ہم منصب یوشیما ساحیاشی اور جاپانی وزیر اعظم فومیو کشیدا سے اہم ملاقات کریں گے جب کہ جاپان کے نیشنل سکیورٹی ایڈوائزر ٹیکیو اکیبا سے بھی ملاقات ان کے دورے کا حصہ ہوگی۔

    دفتر خارجہ نے سماجی رابطے کی ویب سائٹ پر لکھا کہ جاپانی حکومت کی دعوت پر جاپان کے سرکاری دورے پرٹوکیو پہنچے ہیں۔ جاپان میں پاکستان کے سفیر، جاپانی وزارت خارجہ کے حکام اور پاکستانی کمیونٹی کے ارکان نے ان کا استقبال کیا۔

    پاکستان اور بھارت کےدرمیان قیدیوں کی فہرستوں کا تبادلہ


    ان اہم ملاقاتوں میں دونوں ممالک کے رہنماؤں کے درمیان سیاسی و معاشی تعلقات اور خطے سمیت اہم عالمی امور پر سیر حاصل گفتگو کی جائے گی،وزیر خارجہ بلاول بھٹو ایشین ڈیولپمنٹ بینک انسٹیٹیوٹ سے بھی خطاب کریں گے جاپان کے اہم کاروباری اداروں کے سربراہوں سے بھی ملاقات کریں گے جبکہ جاپانی حکومت سے جاپان میں پاکستانی مین پاور ایکسپورٹ کے حوالے سے بھی گفتگو کی جائے گی اور پاکستانی کمیونٹی سے بھی ملاقات متوقع ہے۔

    وزیراعظم شہباز شریف مری پہنچ گئے

  • پاکستان اور سعودی عرب کے درمیان ایک عظیم رشتہ ہے،صدر مملکت

    پاکستان اور سعودی عرب کے درمیان ایک عظیم رشتہ ہے،صدر مملکت

    صدر مملکت عارف علوی نے سعودی ولی عہد محمد بن سلمان کے ساتھ تصویر شیئر کردی۔

    باغی ٹی وی: سماجی رابطے کی ویب سائٹ ٹوئٹر پر صدر عارف علوی نے سعودی ولی عہد محمد بن سلمان کے ہمراہ اپنی تصویر شیئر کرتے ہوئے اپنے پیغام میں لکھا کہ اسلامی جمہوریہ پاکستان اور سعودی عرب کے عوام کے درمیان عظیم رشتے کی ایک نہایت ہی خوبصورت علامت ہے، 2 بھائیوں کے چہروں پر رونق اور پیار بھری مسکراہٹ سے بڑھ کر رشتہ محبت کا اظہار نہیں ہوسکتا۔

    وزیراعظم شہباز شریف مری پہنچ گئے

    واضح رہے کہ گزشتہ روز منیٰ میں سعودی ولی عہد اور وزیراعظم محمد بن سلمان سے صدر مملکت عارف علوی، وفاقی وزیر مذہبی امور طلحہ محمود، وزیر داخلہ رانا ثناء اللہ سمیت دیگر وزراء نے منیٰ میں ملاقات کی،محمد بن سلمان سے ملاقات میں ڈاکٹر عارف علوی اور وفاقی وزراء نے حج 2023 کے کامیاب انتظامات پر مبارکباد پیش کرتے ہوئے ان کا شکریہ ادا کیاسعودی ولی عہد کا کہنا تھا کہ دنیا بھر سے آنے والے عازمین حج اللہ کے مہمان ہیں اور ہم ان کی خدمت کا فریضہ انجام دے رہے ہیں جو ہمارے لئے فخر کی بات ہے۔

    سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کرنے کا فیصلہ

  • وزیراعظم شہباز شریف مری پہنچ گئے

    وزیراعظم شہباز شریف مری پہنچ گئے

    وزیراعظم شہباز شریف لاہور سے مری پہنچ گئے ہیں۔

    باغی ٹی وی: وزیر اعظم ہیلی کاپٹر کے ذریعے مری پہنچے ہیں، جہاں شہباز شریف کے ہمراہ ان کی فیملی بھی ہےوزیر اعظم شہباز شریف اپنی فیملی کے ساتھ مری میں قیام کریں گے۔

    دوسری جانب وفاقی دارالحکومت اسلام آباد پولیس کا کہنا ہے کہ سیاحوں کو کنٹرول کرنے کے لیے گاڑیوں کا مری میں داخلہ عارضی طور پر بند کردیا ہے،ترجمان اسلام آباد پولیس نے سماجی رابطے کی ویب سائٹ ٹوئٹر پر ٹریفک الرٹ جاری کرتے ہوئے کہا ہے کہ راولپنڈی پولیس نے مری میں داخلے کو عارضی طور پر بند کر دیا ہے۔ اسلام آباد اور مری کے درمیان واقع 17 میل ٹول پلازہ سے گاڑیاں واپس بھیجی جارہی ہیں۔

    پاکستان اور بھارت کےدرمیان قیدیوں کی فہرستوں کا تبادلہ

    اسلام آباد پولیس نے کہا کہ یہ بندش عید کی تعطیلات کے دوران ہل اسٹیشن پر آنے والے سیاحوں کے بھاری بہاؤ کو منظم کرنے کے لیے ایک عارضی اقدام کے طور پر عائد کی گئی ہے شہریوں پر زور دیا جاتا ہے کہ وہ اس معلومات کی بنیاد پر اپنے سفر کی منصوبہ بندی کریں، رش کو کم کرنے اور شہریوں کی سہولت کے لیے اسلام آباد کیپیٹل پولیس کے افسران داخلی اور خارجی راستوں پر موجود ہیں۔

    ایک اور ٹویٹ میں ترجمان اسلام آباد پولیس نے کہا کہ 17 میل اسلام آباد سے ٹریفک کا داخلہ کھلا ہے تاہم رش کی وجہ سے تاخیر سے بچنے کے لیے مارجن ٹائم 20 سے 30 منٹ رکھیں اسلام آباد پولیس کے افسران ٹریفک رش کی روانی کو یقینی بنانے کے لیے داخلی/ خارجی راستوں پر موجود ہیں۔

    سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کرنے کا فیصلہ

    اسلام آباد پولیس نے کہا کہ مری سے داخلے کو عارضی طور پر محدود کرنے کے فیصلے کا مقصد علاقے میں آنے والے سیاحوں کی تعداد کو کنٹرول کرنا اور مقامی انفراسٹرکچر کے ہموار کام کو یقینی بنانا ہے یہ اقدام رہائشیوں کو ہونے والی کسی بھی قسم کی تکلیف سے بچنے اور سیاحوں کی آمدورفت کو برقرار رکھنے کے لیے اٹھایا گیا ہے۔

  • پاکستان اور بھارت کےدرمیان قیدیوں کی فہرستوں کا تبادلہ

    پاکستان اور بھارت کےدرمیان قیدیوں کی فہرستوں کا تبادلہ

    اسلام آباد: پاکستان اور بھارت کے درمیان سال 2008 کے معاہدے کے تحت قیدیوں کی فہرستوں کا تبادلہ ہوگیا۔

    باغی ٹی وی: ترجمان دفتر خارجہ کے مطابق پاکستان نے 308 بھارتی قیدیوں کی فہرست بھارتی ہائی کمیشن کو دے دی، جن میں 266 ماہی گیر اور 42 دیگر افراد شامل ہیں اس وقت بھارت کی جیلوں میں 417 پاکستانی قید ہیں بھارتی حکومت پر زور دیا گیا ہے کہ وہ سزا پوری کرنے والے پاکستانیوں کو رہا کر کے وطن واپس بھیجے-

    دوسری طرف بھارتی حکومت نے پاکستانی قیدیوں کی فہرست نئی دہلی میں پاکستانی ہائی کمیشن کو دی ہے جن میں 343 عام شہری اور 74 ماہی گیر شامل ہیں پاکستان اور بھارت کے مابین قیدیوں کی فہرستوں کا تبادلہ قونصلر رسائی سے متعلق 2008ء کے معاہدے کے تحت کیا گیا ہے۔

    صحت کارڈ پر دل کی بیماریوں اور زچگی کا علاج روک دیا گیا

    خیال رہے کہ پاکستان اور بھارت کے درمیان قیدیوں کی فہرست کے تبادلےکےمعاہدےکے تحت دونوں ملکوں کو سال میں دو مرتبہ فہرستوں کا تبادلہ کرنا ہوتا ہے جبکہ یہ تبادلہ یکم جنوری اور یکم جولائی کو کیا جانا ضروری ہے۔

    سوئیڈن: قرآن کریم کی بےحرمتی کے واقعے پر یورپی یونین کا ردعمل

  • سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کرنے کا فیصلہ

    سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کرنے کا فیصلہ

    لاہور: صوبہ پنجاب کے سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کی جا رہی ہیں۔

    باغی ٹی وی:ادو نیوز نے سرکاری دستاویزات کا حوالہ دیتے ہوئے اپنی رپورٹ میں بتایا کہ صوبے کی نگران کابینہ کی جانب سے منظوری کے بعد اسمبلی میں پیش کیے جانے والے چار مہینوں کے غیر ترقیاتی بجٹ میں سرکاری اسپتالوں میں متبادل طریقہ علاج کے لیے مختص ہومیوپیتھک ڈاکٹروں اور حکیموں کی خالی نشستوں کےلیےبجٹ نہیں رکھا گیا ہےدستاویزات کےتحت صوبائی محکمہ صحت نےان تقرریوں کے خاتمے کی سمری بھی منظور کر لی ہے۔

    صحت کارڈ پر دل کی بیماریوں اور زچگی کا علاج روک دیا گیا

    سرکاری دستاویزات کےتحت صوبہ پنجاب کے پرائمری اینڈ سیکنڈری اسپتالوں میں 300 سے زائد نشستیں حکیموں اور ہومیوپیتھک ڈاکٹروں کے لیے مختص تھیں جن میں سے زیادہ ترخالی ہیں،اوران پر گزشتہ ایک دیہائی سےبھرتیاں بھی نہیں کی گئی ہیں لیکن اب ان خالی نشستوں کو ختم کرنیکا فیصلہ کیا گیا ہے جن نشستوں پر پہلے ہی سے تقرریاں ہیں اور ان پر حکیم و ہومیوپیتھک ڈاکٹرز کام کر بھی رہے ہیں ان کی ریٹائرمنٹ کے بعد وہ آسامیاں بھی مستقل طور پر ختم کر دی جائیں گی۔

    سوئیڈن: قرآن کریم کی بےحرمتی کے واقعے پر یورپی یونین کا ردعمل

    صوبائی وزارت صحت کے ترجمان نے اس حوالے سے کہا ہے کہ بجٹ کے درست استعمال کے لیے غیر ضروری اخراجات کے خاتمے پر کام ضرور ہو رہا ہے لیکن کسی کو بھی نوکری سے نہیں نکالا جائے گا، نہ ہی کوئی حکومت ایسا کر سکتی ہے البتہ جو نشستیں استعمال نہیں ہو رہی ہیں اور ہر برس اس کے لیے بجٹ رکھنا پڑتا ہے ان کے متعلق کچھ سفارشات ہیں جن کے حتمی نتیجے کی تصدیق بجٹ کی منظوری کے بعد ہی ہو سکے گی۔

    بڑی خوشخبریاں ،عید پر بڑا کچھ ہو گیا۔ بشری بی بی کا نیا ٹوٹکہ، پرویز …

  • اسپتالوں میں صحت کارڈ بند کرنے سے متعلق خبر کی تردید

    اسپتالوں میں صحت کارڈ بند کرنے سے متعلق خبر کی تردید

    لاہور: نگران وزیر صحت پنجاب ڈاکٹر جاوید اکرم نے پرائیویٹ اسپتالوں میں صحت کارڈ بند کرنے سے متعلق خبر کی تردید کردی۔

    باغی ٹی وی: ڈاکٹر جاوید اکرم کا کہنا ہے کہ صحت کارڈ نہ بند کررہےہیں اور نہ ہی کارڈیالوجی کی سہولیات محدود کی جائیں گی، صحت کارڈ کے ثمرات اصل حق داروں تک پہنچانا چاہتے ہیں پنجاب کےتمام سرکاری اسپتالوں میں صحت کارڈ کےذریعےکارڈیالوجی کی سہولیات بلا تعطل جاری رہیں گی پنجاب حکومت اسٹیٹ لائف انشورنس کمپنی کے ساتھ نیا معاہدہ کرنے جا رہی ہے جس کے تحت پنجاب کے عوام کو صحت کارڈ کے ذریعے سہولیات کی فراہمی میں مزید بہتری لائی جائے گی۔

    واضح رہے کہ قبل ازیں خبریں تھیں کہ پنجاب بھر میں صحت کارڈ پر دل کی بیماریوں اور زچگی کا علاج روک دیا گیا پنجاب کے نجی اسپتالوں میں صحت کارڈ پر امراض قلب کا علاج معطل ہوگیا جس کے بعد نجی اسپتالوں میں دل کے مریضوں کو اسٹنٹس سمیت ہارٹ سرجریز غیرمعینہ مدت تک بند کردی گئیں۔

    بلاول بھٹو زرداری 4 روزہ دورے پر جاپان پہنچ گئے

    اسٹیٹ لائف انشورنس کمپنی نے تمام نجی اسپتالوں کو ہدایات جاری کر دیں اور کہا کہ یکم جولائی سے نجی اسپتالوں میں دل کےمریضوں کا صحت کارڈ پرعلاج نہیں ہو گا، پنجاب حکومت نے مریضوں سے 30 فیصد پیسے چارج کرنے کی سفارش کی ہے لہٰذا پنجاب میں مستحق افراد کے تعین تک کارڈیک سروسز صحت کارڈ پر نہیں ہوں گی۔

    سوئیڈن: قرآن کریم کی بےحرمتی کے واقعے پر یورپی یونین کا ردعمل

    اسٹیٹ لائف انشورنس کے مطابق یکم جولائی کے بعد دل کے امراض کےعلاج پر نجی اسپتالوں کو ادائیگی نہیں ہو گی اس کے علاوہ اسٹیٹ لائف انشورنس نے امراض قلب کے بعد نجی اسپتالوں میں صحت کارڈ پر زچگی کےعلاج کی سہولت بھی بند کردی۔

    اسٹیٹ لائف نے صحت کارڈ پینل کے نجی اسپتالوں کو مفت زچگی علاج بند کرنے کی ہدایت کی اور مراسلے میں کہا ہے کہ اسٹیٹ لائف انشورنس کے نجی اسپتالوں کو مراسلے کا اطلاق یکم جولائی سے ہے نارمل ڈلیوری یا سی سیکشن پر اسٹیٹ لائف کوئی ادائیگی نہیں کرے گا-

    انسانی جان سے بڑھ کر کوئی چیز مقدم نہیں:پرنسپل جنرل ہسپتال

    واضح رہے کہ فروری 2019 میں وزیراعظم عمران خان نے ملک کے آٹھ کروڑ پاکستانیوں کے لیے صحت کی مفت سہولیات فراہم کرنے کا اعلان کیا تھا۔ اس خواب کی تکمیل کے لیے وزیراعظم نے تین فروری کو “صحت انصاف کارڈز سکیم کے پہلے مرحلے کا افتتاح کیا اور تقریب سے خطاب کرتے ہوئے کہا تھا کہ صحت کارڈ سکیم کا مقصد غریب طبقے کو تحفظ فراہم کرنا ہے۔ پہلے مرحلے میں اسلام آباد، قبایلی علاقوں کے بعد اب ملک بھر میں انصاف صحت کارڈز کی سکیم متعارف کروا دی گئی ہے۔

    ویڈیو:خواجہ آصف نے شدید گرمی میں نہر میں چھلانگ کر تیراکی کی

    کارڈ ہولڈرز کو سالانہ سات لاکھ 20 ہزار روپے تک علاج کی سہولت دستیاب تھی ڈیڑھ کروڑ خاندان یعنی آٹھ کروڑ شہریوں کو مفت صحت کی سہولیات فراہم کی گئیں اینجو پلاسٹی، برین سرجری اور کینسر سمیت دیگر امراض کا مفت علاج، سرکاری اور نجی ہسپتالوں میں مفت علاج کی سہولت اور ملک کے 150 سے زائد ہسپتالوں سے علاج مہیا تھا-

    انتظار نہ ہو سکا،دولہا ایمبولینس میں دلہن لینے پہنچ گیا