Author: Ayesha Rehmani

ملکی معیشت کی بہتری کے لیے آرمی چیف جنرل سید عاصم منیر کی کاوشوں کے بھارت میں بھی چرچے ہونے لگے۔

باغی ٹی وی : سماجی رابطے کی ویب سائٹ ایکس پروائرل ویڈیو وائرل ہو رہی ہے جس میں نیوز کاسٹر مہنگائی سے نمٹنے اور معاشی استحکام کے لیے پاکستانی آرمی چیف کی کوششوں کی تعریف کر رہا ہے۔
https://x.com/AdeelAsifPk/status/1701525452047937931?s=20
نیوز کاسٹر کا کہنا تھا کہ جو مرضی کر لو، پاکستان کو آگے بڑھنے سے اب کوئی نہیں روک سکتا کیونکہ پاکستانی فوج کے سپہ سالار نے ملکی معاشی بحران سے نجات کے لیے مورچہ سنبھال لیا ہے، پاکستانی آرمی چیف جنرل سید عاصم منیر اس سلسلہ میں کئی دوست ممالک سے بھی بات چیت کر رہے ہیں حالانکہ یہ کام کافی مشکل ہے کیونکہ پچھلے ایک سال میں حکومت پاکستان لاکھ کوششوں کے باوجود ملک کی حالت نہیں سدھار سکی، ایسی صورتحال میں آرمی چیف جنرل سید عاصم منیر نے ملکی معیشت کی باگ ڈور اپنے ہاتھ میں لے لی۔

لیبیا میں طوفان اورسیلاب سےاموات میں اضافہ،سڑکیں لاشوں سے بھر گئیں

نیوز کاسٹر کے مطابق پاک فوج کی کوشش ہے کہ پچھلے ایک سال میں ملک چھوڑ کر جانے والے بڑے کاروباری حضرات کو واپس لایا جائے آرمی چیف جنرل سید عاصم منیر کی کوششوں سے یہ کاروباری حضرات زراعت، کان کنی اور آئی ٹی سیکٹر میں بڑا انقلاب لائیں گے۔

عالم دین مولانا ضیاء الرحمان کے قتل میں پیشرفت

لیبیا میں طوفان اور سیلاب نے بڑے پیمانے پر تباہی مچا رکھی ہے، جس کے نتیجے میں اموات کی تعداد 5 ہزار 200 ہوگئی، ان ہی حالات کے پیش نظرسڑکیں لاشوں سے بھر گئیں ہیں۔

باغی ٹی وی: غیرملکی میڈیا کے مطابق امدادی کارروائیوں کے دوران لاشیں ملنے کا سلسلہ تاحال جاری ہے اور ہلاکتوں کی تعداد بڑھنے کا خدشہ ہے، بڑی تعداد میں اموات ہونے کے ساتھ سیلابی ریلوں میں 10 ہزار افراد لاپتا ہوگئے ہیں طوفان اور سیلاب کی تباہی کے 36 گھنٹے بعد منگل کو ہی ساحلی شہر تک بیرونی امداد پہنچنا شروع ہوئی تھی سیلاب نے ڈیرنا تک رسائی کی کئی سڑکوں کو نقصان پہنچایا یا تباہ کر دیا۔

مشرقی لیبیا کے وزیر صحت نے بتایا کہ ایک ہزار سے زیادہ لاشیں جمع کی گئیں، جن میں 700 لاشیں بھی شامل ہیں جنہیں اب تک دفنایا جا چکا ہےدیرنا کی ایمبولینس اتھارٹی نے موجودہ ہلاکتوں کی تعداد 2,300 بتائی ہے، دیرنا شہر کی متعدد کالونیاں صفحۂ ہستی سے مٹ گئیں، دیرنا اور قریبی علاقوں میں زیادہ تباہی ڈیم ٹوٹنے سے ہوئی۔

چین میں سیلاب سے فارم سےدرجنوں مگر مچھ فرار،شہریوں کو گھروں میں رہنے کی تلقین

یہ تباہی اتوار کی رات دیرنا اور مشرقی لیبیا کے دیگر حصوں میں ہوئی جیسے ہی طوفان نے ساحل کو ٹکرایا، دیرنا کے رہائشیوں نے بتایا کہ انہوں نے زور دار دھماکوں کی آوازیں سنی اور محسوس کیا کہ شہر کے باہر ڈیم ٹوٹ چکے ہیں۔

طوفان مشرقی لیبیا کے دیگر علاقوں سے ٹکرایا، جن میں بیدا قصبہ بھی شامل ہے۔حکومت کی جانب سے فیس بک پر شیئر کی گئی فوٹیج کے مطابق مرکزی اسپتال بیدا کا میڈیکل سینٹر سیلاب میں ڈوب گیا اور مریضوں کو وہاں سے نکالنا پڑا،جن دیگر قصبوں کو نقصان پہنچا ان میں سوسا، المرج اور شحط شامل ہیں۔ بن غازی اور مشرقی لیبیا کے دیگر مقامات پر سینکڑوں خاندان بے گھر ہو گئے اور اسکولوں اور دیگر سرکاری عمارتوں میں پناہ لیے ہوئے ہیں۔

مصر میں سمندر کے پانی کا رنگ اچانک تبدیل

لیبیا کے وزیر داخلہ عصام ابوزریبہ نے بتایا کہ سمندری طوفان کی تباہ کاریوں کے باعث حکومت نے بین الاقوامی اور مقامی ایجنسیوں سے فوری امداد کی اپیل کی ہے،سمندری طوفان کے باعث لیبیا کے شمال مشرقی ساحلی علاقوں میں کرفیو نافذ کردیا گیا ہے اور ساتھ ہی تعلیمی اداروں میں سرگرمیاں غیر معینہ مدت کے لیے معطل کردی گئی ہیں۔

مکہ: سعودی وزارت حج و عمرہ نے خواتین کے لیے مناسب عمرہ لباس کے حوالے سے ضابطہ جاری کر دیا ہے۔

باغی ٹی وی: وزارت حج و عمرہ نے سوشل میڈیا سائٹ ایکس پر بیان میں کہا کہ خواتین عمرے کے لیے غیر آرائشی لباس کا انتخاب کریں حج و عمرہ کی وزارت کے مطابق لباس ڈھیلا ہونا چاہیے جو جسم کے کسی بھی حصے کو ظاہر نہ کرے وزارت حج و عمرہ کا کہنا ہے کہ خواتین عمرہ کے لیے مسجد الحرام آتے وقت ایسا کوئی بھی لباس پہن سکتی ہیں جو تینوں ضوابط پر پورا اترے۔
https://x.com/MoHU_En/status/1701589097553305725?s=20
وزارت حج و عمرہ کا کہنا ہے کہ مقدس لباس کے دائرے میں، عمرہ کے سفر پر جانے والی خواتین کے لیے احرام اور روایتی لباس کے درمیان فرق واضح ہو جاتا ہے۔

قبل ازیں گزشتہ ماہ پاکستان کی نگران کابینہ کے وزیر مذہبی امور انیق احمد اور سعودی وزیر حج و عمرہ ڈاکٹر توفیق کے درمیان اہم ملاقات ہوئی تھی جس میں سب سے اہم عمرہ ویزہ کے بارے میں بات چیت ہوئی، ذرائع نے بتایا کہ عمرہ ویزہ مدت 90 دن کر دی گئی ہے، اس موقع پر نگران وفاقی وزیر مذہبی امور نے کہا تھا کہ پاکستان اور سعودی عرب کے درمیان تاریخی اور برادرانہ تعلقات ہیں، سعودی وزیر برائے حج و عمرہ کا دورہ پاکستان ہمارے لیے باعث اعزاز ہے۔

ان کا کہنا تھا کہ عمرہ زائرین میں پاکستان کی تعداد دنیا میں پہلے نمبر پر ہے،روڈ ٹو مکہ منصوبہ پاکستانی عازمین حج کیلئے بہت فائدہ مند ہے۔ پاکستانی عمرہ زائرین کیلئے ویزے کا دورانیہ 90 دن کر دی گئی، ویزے پر عمرہ کے علاوہ سعودی عرب کے دیگر تاریخی مقامات کا دورہ بھی کیا جا سکے گا۔ مکہ اور مدینہ میں 100 کے قریب مزید نئے مقامات کو کھولا جائے گا۔

چین میں ہائی کوئی طوفان کے باعث پیدا ہونے والی سیلابی صورتحال کے باعث ایک بریڈنگ فارم سےدرجنوں مگر مچھ باہر نکل گئے ہیں۔

باغی ٹی وی: غیر ملکی خبر رساں ایجنسی کے مطابق جنوبی چین میں طوفانی بارشوں نے تباہی مچا دی جس کے باعث متعدد افراد مختلف حادثات میں ہلاک ہو گئے گوانگ ڈونگ صوبے کے شہر ماومنگ کے ارد گرد سیلاب کی وجہ سے مگرمچھ کے فارم کی ایک جھیل سے 70 سے زائد نکل پڑے، جن کی تلاش کی جارہی ہے، شہریوں کو گھرکے میں رہنے کی تنبیہ کی ہے گلوبل ٹائمز نے سوشل میڈیا پلیٹ فارم پر ایک ویڈیو شیئر کی جس میں مگرمچھوں کو فارم کے اطراف میں دیکھا جا سکتا ہے،مگرمچھ ’سیامی‘ نسل کے ہیں، جو تازہ پانی میں نشوونما پاتے ہیں، ان کی لمبائی 10 فُٹ تک لمبی اور اوسطاً وزن 75 کلوگرام ہو سکتا ہے۔

مصر میں سمندر کے پانی کا رنگ اچانک تبدیل

مگرمچھوں کے شہر بھر میں موجودگی کے باعث پولیس نے شہریوں کو گھروں میں رہنے کی ہدایت کر دی تاکہ کسی بھی نقصان سے بچا جا سکے فرار ہونے والےمگرمچھوں میں چھوٹے بڑے شامل ہیں چینی حکام کے مطابق کچھ مگر مچھوں کو دوبارہ قابو کر لیا گیا تھا اور کچھ کو مبینہ طور پر گولی مار دی گئی ہے یا بجلی کا کرنٹ لگ گیا ہے تاہم اب بھی 8 مگر مچھ غائب ہیں جن کی تلاش کا عمل جاری ہے علاقےمیں ایک گہری جھیل ہونےکی وجہ سےریسکیو آپریشن میں مشکلات پیش آ رہی ہیں مقامی پولیس کےمطابق کہیں سےبھی مگرمچھوں کی جانب سے کسی کو نقصان پہنچانے کی اطلاع موصول نہیں ہوئی ہے۔

چین سمندرمیں تھرمل توانائی سے بجلی پیدا کرنے میں کامیاب

واضح رہے کہ چین میں مگرمچھوں کو ان کی جلد کے ساتھ ساتھ ان کے گوشت کے لیے بھی پالا جاتا ہے، جسے بعض اوقات روایتی ادویات میں استعمال کیا جاتا ہے۔