Baaghi TV

Author: Ayesha Rehmani

  • مقابلہ حسن میں بیوی کا دوسرا نمبر آنے پر شوہر نے فاتح کا تاج ہی توڑ دیا

    مقابلہ حسن میں بیوی کا دوسرا نمبر آنے پر شوہر نے فاتح کا تاج ہی توڑ دیا

    برازیل میں ایک مقابلہ حسن کے دوران بیوی کا دوسرا نمبر آنے پر شوہر غصے میں اسٹیج پر پہنچ گئے مقابلے کی فاتح کا تاج چھین کر اسٹیج پر ہی توڑ دیا۔

    باغی ٹی وی : سوشل میڈیا پر وائرل ویڈیو میں دیکھا جا سکتا ہے کہ برازیل میں مقابلہ حسن کے دوران فائنل میں پہنچنے والی نتھالی بیکر اور ایمانیولی بیلینی میں سے کسی ایک کو تاج پہنانے کیلئے ایک خاتون نتیجہ سنتی ہیں اور جیسے ہی فاتح کا فیصلہ ہوتا ہے تو وہ مقابلہ جیتنے والی ایمانیولی بیلینی کو تاج پہنانے لگتی ہیں کہ عین اسی وقت دوسرے نمبر پر آنے والی ماڈل نتھالی بیکر کے شوہر دوڑتے ہوئے اسٹیج پر آتے ہیں اورخاتون کے ہاتھ سے تاج چھین کر اسٹیج پر پھینک دیتے ہیں-

    بھارت میں مسلمانوں کو برا اورغلط سمجھنا فیشن بن چکا ہے،نصیر الدین شاہ


    ویڈیو میں دیکھا جاسکتا ہے کہ تاج کو پھینکنے کے بعد وہ اپنی بیوی کو ایک طرف کھینچتے ہوئے فاتح سے دور کرتے ہیں اور پھر سے تاج کو اٹھا کر مکمل طرح سے توڑ دیتے ہیں بعد ازاں انتظامیہ ماڈل اور اس کے شوہر کو اسٹیج سے لے جاتے ہیں-


    مقابلہ حسن کے منتظمین نے واقعے سے متعلق اپنے بیان میں کہا کہ انہوں نے اپنی “قانونی ٹیم” کو مجرمانہ واقعے کے بارے میں آگاہ کر دیا ہے اور ملوث شخص کے خلاف ضروری قانونی اقدامات کیے جائیں گےہم خاتون کے ساتھ بھی ہمدردی رکھتے ہیں کیونکہ وہ اپنے شوہر کے پاگل پن کی ذمہ دار نہیں ہے۔

    شہناز گل کو کس نے بد تمیز قرار دیدیا ؟‌

  • وقت اک موج ہے آتا ہے گزر جاتا ہے، ڈوب جاتے ہیں جو لمحات ابھرتے کب ہیں

    وقت اک موج ہے آتا ہے گزر جاتا ہے، ڈوب جاتے ہیں جو لمحات ابھرتے کب ہیں

    میں تو لمحات کی سازش کا نشانہ ٹھہرا
    تو جو ٹھہرا تو ترے ساتھ زمانہ ٹھہرا

    اردو کے نامور شاعر محمد فاروق شمیم 30؍مئی 1953ء کو اورنگ آباد، مہاراشٹر میں پیدا ہوئے۔ ان کا پہلا مجموعہ کلام ”پیشِ رو غزلیں“ 2000ء میں شائع ہوا ۔

    فاروق شمیمؔ صاحب کے منتخب کلام نذر قارئین
    ۔۔۔۔۔۔۔۔۔۔۔۔۔۔۔۔۔

    ہر ایک لفظ میں پوشیدہ اک الاؤ نہ رکھ
    ہے دوستی تو تکلف کا رکھ رکھاؤ نہ رکھ

    ہر ایک عکس روانی کی نذر ہوتا ہے
    ندی سے کون یہ جا کر کہے بہاؤ نہ رکھ

    یہ اور بات زمانے پہ آشکار نہ ہو
    مری نظر سے چھپا کر تو دل کا گھاؤ نہ رکھ

    حصارِ ذات سے کٹ کر تو جی نہیں سکتے
    بھنور کی زد سے یوں محفوظ اپنی ناؤ نہ رکھ

    یہ انکسار مبارک شمیمؔ تجھ کو مگر
    اب اتنا شاخ ثمر دار میں جھکاؤ نہ رکھ

    ▬▬▬

    میں تو لمحات کی سازش کا نشانہ ٹھہرا
    تو جو ٹھہرا تو ترے ساتھ زمانہ ٹھہرا

    آنے والے کسی موسم سے ہمیں کیا لینا
    دل ہی جب درد کی خوشبو کا خزانہ ٹھہرا

    یاد ہے راکھ تلے ایک شرارے کی طرح
    یہ جو بجھ جائے ہواؤں کا بہانہ ٹھہرا

    جھوٹ سچ میں کوئی پہچان کرے بھی کیسے
    جو حقیقت کا ہی معیار فسانہ ٹھہرا

    عکس بکھرے ہوئے چہروں کے ہیں ہر سمت شمیمؔ
    دل ہمارا بھی کوئی آئنہ خانہ ٹھہرا

    ══════

    سلسلے خواب کے اشکوں سے سنورتے کب ہیں
    آج دریا بھی سمندر میں اترتے کب ہیں

    وقت اک موج ہے آتا ہے گزر جاتا ہے
    ڈوب جاتے ہیں جو لمحات ابھرتے کب ہیں

    یوں بھی لگتا ہے تری یاد بہت ہے لیکن
    زخم یہ دل کے تری یاد سے بھرتے کب ہیں

    لہر کے سامنے ساحل کی حقیقت کیا ہے
    جن کو جینا ہے وہ حالات سے ڈرتے کب ہیں

    یہ الگ بات ہے لہجے میں اداسی ہے شمیمؔ
    ورنہ ہم درد کا اظہار بھی کرتے کب ہیں

  • کملا داس ثریا انگریزی اور ملیالم زبان کی مشہور و معروف شاعرہ اور ادیبہ

    کملا داس ثریا انگریزی اور ملیالم زبان کی مشہور و معروف شاعرہ اور ادیبہ

    کملا داس ثریا ہندوستان میں انگریزی اور ملیالم زبان کی مشہور و معروف شاعرہ اور ادیبہ تھیں ملیالم ادب میں آپ کو مادھوی کٹی کہا جاتا تھا۔ آپ کو انگریزی اور ملیالم ادب میں کمال حاصل تھا۔

    خاندانی پس منظر
    ۔۔۔۔۔۔
    کملا داس 31مارچ 1934 کو بھارت کے شہر کیرالا کے ایک برھمن خاندان میں پیدا ہوئیں۔ آپ کے والد وی ایم نائر اور والدہ اس دور کی مشہور ملیالم شاعرہ بالامانیمیمّا تھیں۔ بھارتی وزیر داخلہ اے کے انتھونی بھی آپ کے رشتہ دار بتا‎‎ئے جاتے ہیں۔

    ادبی زندگی
    ۔۔۔۔۔۔
    آپ کی ادبی زندگی کا آغاز 8 سال کی عمر میں ہی ہو گیا تھا جب آپ نے وکٹر ہیوگو کی تحریروں کا اپنی مادری زبان میں ترجمہ کیا۔ آپ کی پہلی کتاب ”سمران کلکتہ“ تھی جس نے آپ کو انقلابی ادیبوں کی صف میں لاکھڑا کیا۔ ان کی تحریروں میں مردوں کے تسلط والے سماج میں خواتین کی بے بسی کا ذکر ہے اور ان کی آزادی کے لیے آواز اٹھائی گئی ہے۔ انھوں نے اپنے پڑھنے والوں کو عدم مساوات کو ختم کرنے پر سوچنے پر راغب کیا۔

    قبول اسلام
    ۔۔۔۔۔۔
    کئی برس اسلامی تعلیمات کا مطالعہ کرنے کے بعد آپ نے اسلام قبول کر لیا جس کے باعث بھارت اور کیرالہ کے ادبی و سماجی حلقوں میں ایک طوفان آ گیا تاہم ان کے اہل خانہ نے ان کے اس فیصلے کو قبول کر لیا۔ قبول اسلام کے بعد آپ کا نام ثریا رکھا گیا۔ اپنے قبول اسلام کی بڑی وجہ جو وہ بیان کیا کرتی تھیں وہ ان کے الفاظ میں ”اسلام نے خواتین کوجوحقوق دیئے ہیں وہ جان کر میں حیران ہوں میرے قبول اسلام کے پس پردہ اسلام کی جانب سے خواتین کو دیے جانے والے حقوق کا بڑا کردار ہے 31مئی 2009 کو آپ پونا کے جہانگیر ہسپتال میں خالق حقیقی سے جاملیں۔ آپ کی عمر پچھتر برس تھی۔

    مشہور تصانیف
    ۔۔۔۔۔۔
    ۔ (1)این اٹروڈکشن
    ۔ (2)دی ڈیزیڈنٹ
    ۔ (3)الفابیٹ آف لسٹ
    ۔ (4)اونلی سول نوز ہاؤ ٹو سنگ
    ۔ (5)مائی سٹوری (خود نوشت)

    اہم اعزازات
    ۔ (1)Ezhuthachchan Puraskaram
    ۔ Vayalar Award
    ۔ (2)ساہتیہ اکیڈمی اعزاز
    ۔ (3) Asan World Prize
    ۔ (4)Asian Poetry Prize
    ۔ (5)Kent Award
    ۔ (6)ساہتیہ اکیڈمی ایوارڈ
    ۔ (7)کیرالا ساہتیہ

  • شمالی کوریا کا جاسوس سٹیلائٹ سمندر میں گر کر تباہ

    شمالی کوریا کا جاسوس سٹیلائٹ سمندر میں گر کر تباہ

    سئیول: شمالی کوریا کا جاسوس سٹیلائٹ سمندر میں گر کر تباہ ہوگیا۔

    باغی ٹی وی : جنوبی کوریا کے فوجی حکام کے مطابق شمالی کوریا کی جانب سے پہلا فوجی جاسوس سٹیلائٹ لانچ کرنے کا تجربہ ناکام ہوگیا ہے۔ سٹیلائٹ لانچ کے فوری بعد سمندر میں گر کرتباہ ہوگیا جس کا کچھ ملبہ برآمد کرلیا گیا ہے۔

    بھارت اور چین نےاپنے ملکوں میں ایک دوسرے کے صحافیوں کے ویزوں میں توسیع مسترد …

    ناکامی کے غیر معمولی طور پر فوری اعتراف کے بعد، شمالی کوریا نے یہ جاننے کے بعد کہ اس کے راکٹ اتارنے میں کیا غلطی ہوئی ہے، دوسرا لانچ کرنے کا عزم کیا۔ اس سے پتہ چلتا ہے کہ کِم اپنے ہتھیاروں کے ذخیرے کو وسعت دینے اور واشنگٹن اور سیئول پر مزید دباؤ ڈالنے کے لیے پرعزم ہیں جب کہ سفارت کاری تعطل کا شکار ہے۔

    شمالی کوریا کا جاسوس سیٹلائٹ لانچ کرنے کا یہ چھٹا تجربہ تھا جبکہ پہلا تجربہ 2016 میں کیا گیا تھا۔ شمالی کوریا کے سٹیلائٹ تجربے کے وقت جنوبی کوریا کے دارالحکومت سئیول میں سائرن بجائے گئے جبکہ جاپان میں وارننگ جاری کی گئی تھی۔

    پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت …

    شمالی کوریاکی طرف سےسیٹلائٹ لانچ کرنا اقوام متحدہ کی سلامتی کونسل کی قراردادوں کی خلاف ورزی ہےجو ملک پربیلسٹک ٹیکنالوجی پر مبنی کسی بھی لانچ کے انعقاد پر پابندی عائد کرتی ہیں۔ مبصرین کا کہنا ہے کہ شمالی کوریا کے پچھلے سیٹلائٹ لانچوں نے اس کی طویل فاصلے تک مار کرنے والی میزائل ٹیکنالوجی کو بہتر بنانے میں مدد کی، حالانکہ تازہ ترین لانچ ممکنہ طور پر جاسوس سیٹلائٹ کی تعیناتی پر زیادہ مرکوز تھی۔

    پاکستان اور بیلا روس کا مختلف شعبوں میں تعاون کو فروغ دینے پراتفاق

    کئی سالوں کے بین البراعظمی بیلسٹک میزائل تجربات کے بعد شمالی کوریا پہلے ہی ظاہر کر چکا ہے کہ اس کے پاس تمام امریکی سرزمین کو نشانہ بنانے کی صلاحیت ہے، حالانکہ بیرونی ماہرین کا کہنا ہے کہ شمالی کوریا نے ابھی تک کام کرنے والے جوہری میزائل حاصل نہیں کیے ہیں۔

  • آج بھی پنجاب سمیت ملک بھر میں بارش کی پیشگوئی

    آج بھی پنجاب سمیت ملک بھر میں بارش کی پیشگوئی

    ملک کے مختلف شہروں میں موسلادھاربارش کا سلسلہ جاری ہے-

    باغی ٹی وی: اسلام آباد میں صبح سویرے موسلا دھار بارش ہوئی اوکاڑہ، جہلم اور بہاولپور میں گرج چمک کے ساتھ بارش ہوئی پتوکی میں بارش سے سڑکوں اور گلیوں میں پانی جمع ہوگیا، جس سے شہریوں کو آمد و رفت میں مشکلات کا سامنا ہے۔

    امریکا میں قید ڈاکٹر عافیہ صدیقی سے ان کی بہن فوزیہ صدیقی کی ملاقات ہو …

    دوسری جانب حیدرآباد، لاڑکانہ اور بدین سمیت سندھ کےمختلف شہروں میں تیز ہواؤں کے ساتھ موسلادھار بارش اور ژالہ باری ہوئی کوٹری میں دیوار گرنے سے 3 بچے جاں بحق اور 5 زخمی ہو گئے، کوٹری میں پڑنے والے اولوں کا سائز ٹینس بال سے بڑا تھا۔

    حیدر آباد ، جامشورو اور گرد و نواح میں طوفانی بارش اور ژالہ باری کے نتیجے میں شہریوں کی املاک کو نقصان پہنچا ہے،حیدرآباد میں تیز ہواؤں کے باعث متعدد تاریں ٹوٹ گئیں جبکہ ایک درخت کار پر گرگیا-

    پاکستان میں سیاسی محاذ آرائی جاری رہی تو پاکستانی روپیہ مزید گرے گا،بلوم برگ


    حیدرآباد اور کوٹری میں شدید ژالہ باری اور بھاری اولے پڑنے سے شہریوں کا نقصان بھی ہوا ہے، بھاری اولے گرنے سے گاڑیوں کی ونڈ اسکرینیں ٹوٹ گئیں جبکہ گھروں کی چھتوں پر رکھے فائبر کے واٹر ٹینکس کو بھی نقصان پہنچا ہےسوشل میڈیا پر وائرل ویڈیوز میں دیکھا جاسکتا ہے کہ ٹینس گیند جتنے بڑے اولے گرے جن سے گاڑیوں کو نقصان پہنچا۔

    بلوچستان کے مختلف علاقوں میں بھی شدید ژالہ باری ہوئی، بیلہ میں اولے پڑنے سے درختوں اور فصلوں کو نقصان پہنچا مسلم باغ میں کِلی لُنڈی میں آسمانی بجلی گرنے سے 2 بچے جاں بحق اور 3 بچے زخمی ہوئے۔

    بھارت اور چین نےاپنے ملکوں میں ایک دوسرے کے صحافیوں کے ویزوں میں توسیع مسترد …

    دوسری جانب محکمہ موسمیات نے آج بھی پنجاب، خیبر پختونخوا، شمال مشرقی بلوچستان، گلگت بلتستان اور کشمیر میں آندھی چلنے اور بارش کی پیشگوئی کی ہے۔

  • امریکا میں قید ڈاکٹر عافیہ صدیقی سے ان کی بہن فوزیہ صدیقی کی ملاقات ہو گئی

    امریکا میں قید ڈاکٹر عافیہ صدیقی سے ان کی بہن فوزیہ صدیقی کی ملاقات ہو گئی

    امریکا میں قید ڈاکٹر عافیہ صدیقی سے ان کی بہن فوزیہ صدیقی نے ملاقات کی ہے۔

    باغی ٹی وی : رپورٹس کے مطابق دونوں بہنوں کی فورٹ ورتھ جیل میں 24 سال کے بعد ملاقات ہوئی، جماعت اسلامی کے سینیٹر مشتاق احمد کا کہنا ہے کہ دونوں بہنوں کی ملاقات ڈھائی گھنٹے تک جاری رہی، اس دوران ڈاکٹر فوزیہ کو عافیہ سے گلے ملنےاور ہاتھ ملانے کی اجازت نہیں تھی جمعرات کو ڈاکٹر عافیہ صدیقی سے دوبارہ ملاقات طے ہے، وہ خود بھی ملاقات کریں گے۔

    پاکستان میں سیاسی محاذ آرائی جاری رہی تو پاکستانی روپیہ مزید گرے گا،بلوم برگ

    واضح رہے کہ ڈاکٹر عافیہ صدیقی سے ملاقات کے لیے ان کی بہن فوزیہ صدیقی کو 5 سال کا ویزا ملا ہے۔

    پاکستانی خاتون ڈاکٹر عافیہ صدیقی ایک سائنسدان ہیں جسے امریکی حکومت نے 2003ء میں اغوا کر کے جبراً غیر قانونی طور پر قید کیا ہوا ہے اور اس پر مسلسل امرىکى خفیه و خوفناک ایجنسی سی آئی اے کی جانب سے ظلم و جبر کىا جا رہا ہے۔عافیہ صدیقی پر افغانستان میں امریکی فوجیوں پر حملے کا الزام ہےمارچ 2003 میں دہشت گرد تنظیم القاعدہ کے اہم کمانڈر اور نائن الیون حملوں کے مبینہ ماسٹر مائنڈ خالد شیخ محمد کی گرفتاری کےبعد ڈاکٹرعافیہ صدیقی اپنے تین بچوں کے ہمراہ کراچی سے لاپتہ ہوگئیں تھی جس کے بعد امریکا نے 5 سال بعد یعنی 2008 میں انہیں افغان صوبے غزنی سے گرفتار کرنے کا دعویٰ کیا۔

    آصف علی زرداری لاہور پہنچ گئے

    امریکی عدالتی دستاویزات میں دعویٰ کیا گیا تھا کہ عافیہ صدیقی کے پاس سے 2 کلو سوڈیم سائنائیڈ، کیمیائی ہتھیاروں کی دستاویزات اور دیگر چیزیں برآمد ہوئی تھیں جن سے پتہ چلتا تھا کہ وہ امریکی فوجیوں پر حملوں کی منصوبہ بندی کررہی تھیں۔

    دوسری جانب جب عافیہ صدیقی سے امریکی فوجی اور ایف بی آئی افسران نے پوچھ گچھ کی تو انہوں نے مبینہ طور پر ایک رائفل اٹھا کر ان پر فائرنگ کر دی لیکن جوابی فائرنگ میں وہ زخمی ہوگئیں بعدازاں عافیہ صدیقی کو امریکا منتقل کیا گیا، ان پر مقدمہ چلا اور 2010 میں ان پر اقدام قتل کی فرد جرم عائد کرنے کے بعد 86 برس قید کی سزاسنا دی گئی جون 2013ء میں امریکی فوجی زنداں فورٹ ورتھ میں عافیہ پر حملہ کیا گیا جس سے وہ دو دن بیہوش رہی۔ بالاخر وکیل کی مداخلت پر اسے طبی امداد دی گئی-

    بھارت اور چین نےاپنے ملکوں میں ایک دوسرے کے صحافیوں کے ویزوں میں توسیع مسترد …

    1995ء میں پاک نژاد امجد محمد خان سے نکاح ہوا۔ 1996ء میں ایک لڑکا محمد احمد اور 1998ء میں ایک لڑکی مریم پیدا ہوئی۔ 2002ء میں امجد خان نے طلاق دے دی۔ پھر 2003ء میں عمار بلوچی سے نکاح ہوا۔ اپریل 2010ء میں گیارہ سالہ لڑکی جس کے بارے میں خیال ہے کہ وہ عافیہ کے ساتھ لاپتہ ہونے والی ایک بیٹی ہے کو نامعلوم افراد کراچی میں عافیہ کی بہن فوزیہ صدیقی کے گھر چھوڑ گئے۔

  • آصف علی زرداری لاہور پہنچ گئے

    آصف علی زرداری لاہور پہنچ گئے

    لاہور: پاکستان پیپلز پارٹی کے شریک چیئرمین آصف علی زرداری دبئی سے لاہور پہنچ گئے-

    باغی ٹی وی: ذرائع کے مطابق سابق صدر آصف زرداری خصوصی طیارے سے لاہور پہنچے، وہ سخت سیکیورٹی میں ائرپورٹ سے بلاول ہاؤس روانہ ہوئےآصف زرداری آج لاہور میں پی ٹی آئی رہنماؤں کی پیپلزپارٹی میں شمولیت کے موقع پر پریس کانفرنس کریں گے۔

    پی ٹی آئی رہنما راجہ یاسر ہمایوں کا پارٹی اور سیاست چھوڑنے کا اعلان

    لاہور میں 3 دن قیام کے دوران آصف علی زرداری پیپلز پارٹی پنجاب کی قیادت سے بھی ملاقات کریں گے، جس میں 9 مئی کے واقعات کے بعد کی صورت حال کے تناظر میں سیاسی صورت حال پر تبادلہ خیال کیا جائےگا آصف زرداری آئندہ انتخابات کےحوالے سے بھی مشاورت کریں گے۔

    جلاؤ گھیراؤ کے ماسٹرمائنڈ عمران خان کیخلاف ملٹری کورٹ میں مقدمہ چلے گا،رانا ثنااللہ

    سابق صدر کی وزیراعظم شہباز شریف اور چوہدری شجاعت حسین سمیت دیگر رہنماؤں سے بھی ملاقات کا امکان ہے-

  • پاکستان میں سیاسی محاذ آرائی جاری رہی تو پاکستانی روپیہ مزید گرے گا،بلوم برگ

    پاکستان میں سیاسی محاذ آرائی جاری رہی تو پاکستانی روپیہ مزید گرے گا،بلوم برگ

    امریکی جریدے بلوم برگ نے خبردار کیا ہے کہ پاکستان میں موجودہ سیاسی کشمکش جاری رہی تو پاکستانی روپیہ مزید گر جائے گا-

    باغی ٹی وی: قتصادی امور پر نظر رکھنے والے امریکی جریدے بلومبرگ نے کہا ہے کہ پاکستان سے سرمایہ بیرون ملک منتقل ہو رہا ہے۔معاملہ عمران خان کی گرفتاری کے بعد مزید بگڑ گیا ہے اگر حکومت اور عمران خان کے درمیان سیاسی محاذ آرائی اسی طرح جاری رہی تو پاکستانی روپیہ مزید گرے گا جس سے ملک میں مزید مہنگائی ہو گی۔

    جلاؤ گھیراؤ کے ماسٹرمائنڈ عمران خان کیخلاف ملٹری کورٹ میں مقدمہ چلے گا،رانا ثنااللہ

    جبکہ آئی ایم ایف کے ساتھ قرض ڈیل نہ ہونے کے خدشات بھی بڑھ رہے ہیں۔سیاسی خلفشار قرض معاہدے پر پیشرفت میں رکاوٹ کی وجہ ہو سکتا ہے جون کے بعد ڈیفالٹ ہو نے کا خطرہ مزید بڑھ جائے گا، اور آئی ایم ایف سے مزید کوئی ادائیگی موصول نہیں ہوگی۔

    رپورٹ کے مطابق ایشیائی ترقیاتی بینک اور ورلڈ بینک کے ساتھ لین دین بھی تعطل کا شکار ہے اور یہ سب آئی ایم ایف کی منظوری سے متعلق ہے۔ جون اور جولائی سے ستمبر تک 5 سے 6 ارب ڈالر کی ادائیگیاں کرنی ہیں لیکن پاکستان کے پاس زرمبادلہ کے ذخائر 4 ارب ڈالر ہیں، اس سے خطرات بڑھیں گے اور پاکستانی کرنسی پر دباؤ بڑھے گا۔

    جس طرح مجھے گرفتار کیا گیا ،ردِعمل فوجی نشان والی عمارتوں کےسامنےنہ آتا تو اور …

    رپورٹ میں کہا گیا ہے کہ اوپن مارکیٹ میں ڈالر کا ریٹ 300 روپے سے زائد پر ٹریڈ کر رہا ہے اس لیے ایسا لگتا ہے کہ نئے مالی سال میں ملک کی معاشی صورتحال مزید پیچیدہ ہو جائے گی۔

  • روسی دارالحکومت ماسکو پر ڈرونز حملے

    روسی دارالحکومت ماسکو پر ڈرونز حملے

    روسی دارالحکومت ماسکو کو ڈرون حملوں کا نشانہ بنایا گیا ہے۔

    باغی ٹی وی : ماسکو کے میئر سیرگئی سوبیانن نے بتایا کہ منگل کی صبح سویرے ایک ڈرون حملے کی وجہ سے کئی عمارتوں کو معمولی نقصان پہنچا۔ شہرکی تمام ایمرجنسی سروسز کے کارکن جائے وقوعہ پر موجود ہیں کسی کے بھی شدید زخمی ہونے کی اب تک کوئی اطلاع نہیں۔

    پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت …

    ماسکو پر یہ ڈرون حملے یوکرین کے دارالحکومت کیف پر بھی اسی طرح کے حملوں کے ایک روز بعد کیے گئے۔ ان حملوں میں کم از کم ایک شخص ہلاک ہوا تھا۔


    سوشل میڈیا پر جاری ویڈیوز میں بعض مکانات کی کھڑکیوں کے شیشے ٹوٹے ہوئے اورآسمان کی طرف اٹھتےہوئےدھوئیں کے بادل دیکھے جا سکتے تھے روس کی تفتیشی کمیٹی کا کہنا ہے کہ روسی فضائی دفاع نے منگل کے روز ماسکو کی طرف آنے والے متعدد ڈرونز مار گرائے۔

    روس کی "جاسوس وہیل” سویڈن کے ساحلوں پر پہنچ گئی


    ایک روسی رکن پارلیمان میکسم ایوانوف کاکہناتھاکہ ماسکو پرمنگل کی صبح کیا گیا حملہ دوسری عالمی جنگ کےبعد روسی دارالحکومت پر آج تک کیا گیا سب سے سنگین حملہ تھا ان کی طرف سے کہی گئی یہ بات اب ’نئی حقیقت‘ ہے اور اب کوئی بھی شہری محفوظ نہیں آپ اپنے وطن کے لیے آہنی ہاتھوں سے یا تو اپنے دشمن کو کچل دیں یا پھر بزدلی اور غداری آپ کے خاندان کو ڈھانپ لے گی۔

    ترکیہ اور مصر کا دہائی سے معطل سفارتی تعلقات بحال کرنے پر اتفاق


    ماسکو کے گورنر آندرے ووروبائیوف نے سوشل میڈیا پلیٹ فارم ٹیلی گرام پر بتایا کہ ماسکو کی طرف آنے والے متعدد ڈرونز کو مار گرایا گیا ہے۔ فوری طور پر یہ معلوم نہیں ہوسکا کہ یہ ڈرونز کہاں سے بھیجے گئے تھے ماسکو کے میئر نے بتایا کہ بعض مکانات سے ان کے مکینوں کو نکال کر خالی بھی کرا لیا گیا۔

  • پی ٹی آئی رہنما راجہ یاسر ہمایوں کا پارٹی اور سیاست چھوڑنے کا اعلان

    پی ٹی آئی رہنما راجہ یاسر ہمایوں کا پارٹی اور سیاست چھوڑنے کا اعلان

    پاکستان تحریک انصاف کے رہنما و سابق وزیر برائے ہائیر ایجوکیشن پنجاب راجہ یاسر ہمایوں کا سیاست چھوڑنے کا اعلان کردیا۔

    باغی ٹی وی : 9 مئی کو حساس تنصیبات کو نشانہ بنانے اور لوٹ مار کے واقعات کے بعد تحریک انصاف کے درجنوں رہنما دلبرداشتہ ہوکر پارٹی سے راہیں جدا کررہے ہیں تاہم اب پاکستان تحریک انصاف کے رہنما و سابق وزیر برائے ہائیر ایجوکیشن پنجاب راجہ یاسر ہمایوں کا سیاست چھوڑنے کا اعلان کردیا ہے-

    جلاؤ گھیراؤ کے ماسٹرمائنڈ عمران خان کیخلاف ملٹری کورٹ میں مقدمہ چلے گا،رانا ثنااللہ

    راجہ یاسر ہمایوں نے ویڈیو بیان جاری کیا اور 9 مئی کے واقعات کی مذمت کی انہوں نے کہا کہ مجھے پی ٹی آئی میں شامل ہوئے 12 سے 13 سال ہوگئے، پی ٹی آئی عمران خان کی ذات کی وجہ سے کی۔

    ان کا کہنا تھا کہ 25 مئی 2022 سے پارٹی کے مائنڈ سیٹ میں تبدیلی آتی جا رہی ہے، میں اور شفقت محمود لانگ مارچ کے قائل نہیں تھے پھر دن بدن حالات خراب ہوتے چلے گئے اور اس کے نتیجے میں 9 مئی کا سانحہ ہوگیا، قومی اثاثوں پر ورکرز نے حملہ کیا انہوں نے اپنے بیان میں پارٹی چھوڑنے اور سیاست چھوڑنے کا اعلان کیا۔

    پی آئی اے نے رواں سال کی پہلی سہ ماہی کے مالی نتائج جاری …

    راجہ یاسر پنجاب اسمبلی کے حلقے پی پی 21 چکوال سے پی ٹی آئی کے ٹکٹ پر رکن اسمبلی منتخب ہوئے تھے۔