Baaghi TV

Author: Ayesha Rehmani

  • بھارت اور چین نےاپنے ملکوں میں ایک دوسرے کے صحافیوں کے ویزوں میں توسیع مسترد کردی

    بھارت اور چین نےاپنے ملکوں میں ایک دوسرے کے صحافیوں کے ویزوں میں توسیع مسترد کردی

    بھارت اور چین نے اپنے اپنے ملکوں میں ایک دوسرے کے صحافیوں کی موجودگی بالکل ختم کردی۔

    باغی ٹی وی: روئٹرز کے مطابق بھارت اور چین نے جمعرات کو ایک دوسرے پر نئی دہلی اور بیجنگ میں تعینات اپنے صحافیوں کے لیے ویزا کی پریشانیاں پیدا کرنے کا الزام لگاتے ہوئے تازہ سفارتی جھگڑا شروع کر دیایہ تبادلہ اس وقت ہوا جب بھارت نے چین کی طرف سے مشرقی ریاست ارونچال پردیش میں 11 مقامات کے نام تبدیل کرنے پر اعتراض کیا تھا، جسے چین جنوبی تبت کہتا ہے اور اس کا دعویٰ کرتا ہے۔

    وس کی "جاسوس وہیل” سویڈن کے ساحلوں پر پہنچ گئی

    رپورٹ کے مطابق بھارت اور چین نے حالیہ ہفتوں میں ایک دوسرے کے تقریباً تمام صحافیوں کو نکال دیا، بھارت نے ملک میں موجود چین کے آخری دو صحافیوں کے ویزے میں توسیع مستردکردی ہے، دونوں چینی صحافیوں کا تعلق چین کے سرکاری میڈیا سے ہے ادھر چین نے بھی بھارتی صحافیوں کے کاغذات نمائندگی مسترد کر دیئے ہیں۔

    بھارتی ذرائع نے روئٹرز کو بتایا کہ ہندو اخبار اور ریاستی نشریاتی ادارے پرسار بھارتی کے نامہ نگاروں کو منگل کو بتایا گیا کہ ان کے ویزے منجمد کر دیے گئے ہیں۔

    ویزا کی معطلی کے بارے میں پوچھے جانے پر، چینی وزارت خارجہ کے ترجمان ماؤ ننگ نے جمعرات کو کہا کہ چینی صحافیوں کے ساتھ بھارت میں طویل عرصے سے غیر منصفانہ اور امتیازی سلوک روا رکھا گیا ہے، اور حال ہی میں شنہوا کے ایک صحافی کو 31 مارچ تک بھارت چھوڑنے کو کہا گیا تھا جبکہ چین نے ہمیشہ ہبھارتی صحافیوں کے ساتھ اچھا سلوک کیا ہے انہوں نے کہا کہ چینی حکام بھارتی حکومت کے ساتھ رابطے میں ہیں، جس نے جواب نہیں دیا اور نہ ہی غلطی کو درست کیا۔

    اکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت …

    ماؤ نے مزید کہا کہ س لیے چین کو ہمارے جائز مفادات کے تحفظ کےلیےاسی طرح کے جوابی اقدامات کرنے ہوں گےچین بھارتی صحافیوں کو چین میں کام کرنے کا خیرمقدم کرتا ہے۔ اگر ہندوستان اپنی غلطیوں کو سدھار سکتا ہےتو چین چین میں بھارتی صحافیوں کو سہولت فراہم کرنے کے لیے تیار ہے۔

    نئی دہلی میں، وزارت خارجہ کے ترجمان ارندم باغچی نے کہا کہ بھارت کو امید ہے کہ "چینی حکام چین سے اپنی مسلسل موجودگی اور رپورٹنگ میں سہولت فراہم کریں گے۔”

    جوہری ہتھیاروں سے لیس دونوں ممالک کے درمیان تعلقات 2020 کے وسط سے خراب ہو گئے ہیں، جب چینی اور بھارتی فوجیوں کے درمیان ان کی متنازعہ ہمالیہ سرحد پر جھڑپ ہوئی، جس میں 24 افراد ہلاک ہو گئے۔

    چین میں قدیم مسجد منہدم کرنے پرجھڑپیں،سینکڑوں پولیس اہلکارتعینات

    بھارتی وزیر خارجہ ایس جے شنکر نے گزشتہ ماہ کہا تھا کہ سرحد پر صورتحال نازک اور خطرناک ہے، کچھ جگہوں پر فوجی دستے ایک دوسرے کے بہت قریب تعینات ہیں۔

    خیال رہے کہ جون 2020 میں سرحدی جھڑپ کے بعد سے بھارت اور چین کے تعلقات مسلسل کشیدہ ہیں، چین نے حال ہی میں مقبوضہ کشمیر میں ہونے والے جی 20 اجلاس کا بھی بائیکاٹ کیا تھا۔

  • جلاؤ گھیراؤ کے ماسٹرمائنڈ عمران خان کیخلاف ملٹری کورٹ میں مقدمہ چلے گا،رانا ثنااللہ

    جلاؤ گھیراؤ کے ماسٹرمائنڈ عمران خان کیخلاف ملٹری کورٹ میں مقدمہ چلے گا،رانا ثنااللہ

    اسلام آباد: وفاقی وزیر داخلہ رانا ثنا اللہ نے اعلان کیا ہے کہ سابق وزیراعظم عمران خان پر ملٹری کورٹ میں مقدمہ چلے گا-

    باغی ٹی وی: نجی ٹی وی کو انٹرویو میں رانا ثنا اللہ کا کہنا تھاکہ عمران خان نے جو فوجی تنصیبات کو نشانہ بنانے کا پروگرام بنایا اوراس پر عمل کروایا، میری سمجھ کے مطابق یہ بالکل ملٹری کورٹ کا کیس بنتا ہےعمران خان ہی سارے جلاؤ گھیراؤ کے ماسٹر مائنڈ ہیں، وہ گرفتاری سے پہلے سب کچھ طے کرکے گئے تھے، یہ توجیہہ بنتی ہی نہیں کہ عمران خان تو جیل میں تھے۔

    جس طرح مجھے گرفتار کیا گیا ،ردِعمل فوجی نشان والی عمارتوں کےسامنےنہ آتا تو اور …

    رانا ثنااللہ نے کہا کہ ساری منصوبہ بندی اور تیاری عمران خان کی گرفتاری سے پہلے کی تھی اور اس سب کے آرکیٹکٹ عمران خان ہیں، کارکنان و رہنماؤں کو ہدایت کرچکے تھے کہ گرفتاری کی صورت میں ان ان مقامات پر جلاؤ گھیراؤ کرنا ہے اور اس کے ثبوت بھی موجود ہیں-

    دوسری جانب وزیر اعظم کے معاون خصوصی اور پیپلزپارٹی کے رہنما قمر زمان کائرہ نے کہا کہ عمران خان کیخلاف آرمی ایکٹ کے تحت کارروائی کی کوئی وجہ نہیں، جیل میں موجود پی ٹی آئی اراکین کو بلاکر مذاکرات کیے جاسکتے ہیں۔

    جبکہ گزشتہ روز وزیر دفاع خواجہ آصف بھی کہہ چکے ہیں کہ عمران خان کے خلاف آرمی ایکٹ کے تحت کارروائی خارج از امکان نہیں۔

    بھارت میں مسلمانوں کو برا اورغلط سمجھنا فیشن بن چکا ہے،نصیر الدین شاہ

    واضح رہے کہ اپنے ویڈیو لنک خطاب میں چیئرمین پاکستان تحریک انصاف (پی ٹی آئی) عمران خان نے ایک بار پھر فوجی تنصیبات پر پارٹی کارکنوں کے حملے کا دفاع کرتے ہوئے کہا ہے کہ ’جس طرح فوج نے مجھے کمانڈو ایکشن کر کے گرفتار کیا، اس پر ردِعمل اگر فوجی نشان والی عمارتوں کے سامنے نہ آتا تو اور کہاں آتا؟‘

    عمران خان کا کہنا تھا کہ ہمارے لوگوں نے دیکھا کہ مجھے غیرقانونی طریقے سے اغواء کرکے لیکر جارہی ہے رینجرز جو پاکستانی فوج ہے اور لوگوں کو ڈنڈے مارے مجھے مارا۔ جس طرح مجھے لے کر جارہے تھے کیا ان کا حق نہیں تھا کہ وہ پُرامن احتجاج کریں تو انھوں نے کہاں احتجاج کرنا تھا جی ایچ کیو کے سامنے یا جہاں آرمی ہوگی وہاں ہی احتجاج کرنا تھا کنٹونمنٹ بورڈ پر کرنا تھا اور کہاں جا کر احتجاج کرتے پرُامن احتجاج کرنا ان کا حق تھا۔ جنھوں نے جلایا توڑ پھوڑ کی ان کے خلاف سخت ایکشن لینا چاہیے-

    پی آئی اے نے رواں سال کی پہلی سہ ماہی کے مالی نتائج جاری …

  • پی آئی اے نے رواں سال کی پہلی سہ ماہی کے مالی نتائج جاری کردیئے

    پی آئی اے نے رواں سال کی پہلی سہ ماہی کے مالی نتائج جاری کردیئے

    کراچی : پی آئی اے نے مارچ 2023 کو ختم ہونے والی پہلی سہ ماہی کے مالی نتائج جاری کردیئے ہیں۔

    باغی ٹی وی: پی آئی اے کے بورڈ آف ڈائریکٹرزکی جانب سے رواں مالی سال کی پہلی سہ ماہی کے حسابات کی منظوری کے بعد جاری کردہ مالیاتی رپورٹ کے مطابق جنوری تا مارچ 2023 پی آئی اے کی آمدنی 59 ارب روپے رہی۔

    بھارت میں مسلمانوں کو برا اورغلط سمجھنا فیشن بن چکا ہے،نصیر الدین شاہ

    جاری مالیاتی رپورٹ کے مطابق جنوری تا مارچ 2023 پی آئی اے کی آمدنی 59 ارب روپے رہی گزشتہ سال 2022 کی پہلی سہ ماہی میں ہونے والی آمدنی کی نسبت پی آئی اے کو رواں سال کی پہلی سہ ماہی میں ہوئی آمدنی میں 24 ارب روپے کا اضافہ ہوا ہے۔

    اس طرح گزشتہ سال کے مقابلہ میں پی آئی اے کو اس سال کے پہلے 3 ماہ میں قبل از ٹیکس 5 ارب کا گراس پرافٹ ہوا لیکن آمدنی کے مقابلے میں بےقابو اخراجات کی وجہ سے پی آئی اے کو رواں مالی سال کے پہلے 3 ماہ میں 36 ارب 77 کروڑ روپے کا خالص نقصان ہوا ہے۔

    جاری مالیاتی رپورٹ کے مطابق اسٹاک مارکیٹ میں پی آئی اے کا فی حصص نقصان 2 روپے 60 پیسے سے بڑھ کر 7 روپے 2 پیسے تک پہنچ گیا ہے مارچ 2023 کی سہ ماہی میں پی آئی اے نے طیاروں کیلئے 25 ارب 60 کروڑ روپے کا ایندھن خریدا، نقصان میں بڑا حصہ دگنا ہوجانے والے ایندھن کے اخراجات کا ہے۔

    مئی میں ترسیلات زر میں 12.9 فیصد کمی واقع ہوئی،وزارت خزانہ کی ماہانہ آؤٹ لک …

    پی آئی اے نے تنخواہوں اورجاری اخراجات کی مد میں 28 ارب 55 کروڑ روپےخرچ کیےجبکہ گزشتہ سہ ماہی میں پی آئی اےنے تنخواہوں اور جاری اخراجات کی مد میں 21 ارب روپے خرچ کیے تھے ایندھن اور ڈالر مہنگا ہونے، شرح سود میں اضافہ اور اخراجات پر قابو نہ پانے سے پی آئی اے کا نقصان بڑھا گزشتہ سال 2022 کے اسی عرصے کے مقابلے پی آئی اے کا نقصان 171 فیصد زائد ہے-

    رپورٹ کے مطابق پی آئی اے کو روپے کے مقابلے میں امریکی ڈالر کی قیمت بڑھنے سے 21 ارب روپے کا نقصان ہوا ہےپی آئی اے کو 2022 کے پہلے تین ماہ کے مقابلے میں رواں مالی سال 2023ء کے خسارے میں 171 فیصد اضافہ ریکارڈ ہوا۔

    رواں سال کے پہلے تین ماہ کے دوران پی آئی اے صرف 61 ارب روپے کی آمدنی کرسکا پی آئی اے کے آپریٹنگ اخراجات 15 ارب روپے اضافہ کے بعد بڑھ کر 43 ارب روہے ہوگئے ہیں۔

    گورنرہاﺅس سندھ میں ایک لاکھ نوجوانوں کومفت آئی ٹی کورسزکرانےکا اعلان

  • بھارت میں مسلمانوں کو برا اورغلط سمجھنا فیشن بن چکا ہے،نصیر الدین شاہ

    بھارت میں مسلمانوں کو برا اورغلط سمجھنا فیشن بن چکا ہے،نصیر الدین شاہ

    ممبئی: بالی ووڈ کے ممتاز اداکار نصیر الدین شاہ نے انکشاف کیا ہے کہ بھارت میں مسلمانوں کو برا اورغلط سمجھنا فیشن بن چکا ہے اور اسلام سے نفرت انتہا کو پہنچ چکی ہے۔

    باغی ٹی وی: اداکار نصیر الدین شاہ نے انڈین ایکسپریس کو دیئے گئے ایک انٹرویو میں کہا آج کل بھارت میں پڑھے لکھے اور سیکیولر افراد کی جانب سے مسلمانوں سے نفرت کرنا اور انہیں غلط سمجھنا حیران کن ہے، اداکار نے بھارت میں مسلم کمیونٹی کے خلاف بڑھتی ہوئی نفرت پر تشویش کا اظہار کرتے ہوئے کہا کہ چاہے فلمیں ہوں یا حقیقت مسلمانوں سے نفرت آج کل فیشن بن چکا ہے۔

    برے وقت کو اپنی کمزوری نہ بنائیں ثناء نواز

    بالی ووڈ لے لیجنڈ اداکار نے کہا کہ بھارت کی حکمران جماعت (بی جے پی) باقاعدہ منصوبہ بندی کے تحت مذہب کارڈ استعمال کرتے ہوئے اسلام اور مسلمانوں کے خلاف نفرت پھیلا رہی ہے، ابھی تک حکومت کی سازش کامیاب دکھائی دیتی ہے البتہ یہ دیکھنا باقی ہے کہ سازش کب تک اور کہاں تک کامیاب ہوتی ہے۔

    تاہم انہوں نے کہا کہ وہ پرامید ہیں کہ مستقبل میں بھارت اپنا پرانا سیکیولرتشخص بحال کرنے کی کوشش ضرور کرے گا بھارت کے الیکشن کمیشن کاملک کے سیکیولر ازم والےتشخص میں مرکزی کردارہے اور وہ ریڑھ کی ہڈی کی حیثیت رکھتاہےلیکن اس وقت وہ بھی وزیراعظم سمیت بی جے پی کے دیگر اراکین کو کچھ نہیں کہہ رہا ہے۔

    فوج کےخلاف کوئی بیان نہیں دیا نہ سوچ سکتا ہوں بہروز سبزواری

    نصیرالدین شاہ نےکہا وزیراعظم نریندر مودی بدستورشکست سے دوچار ہیں حالانکہ تسلسل کےساتھ مذہب کوسیاست اور سماج میں استعمال کر رہے ہیں، ان کی پروپگنڈہ مشینری بھی پورے طریقے سے متحرک ہے جس کا نتیجہ ہے کہ بھارت میں اسلام سے نفرت اور دشمنی اپنی انتہا کو پہنچ چکی ہے۔

    نصیر الدین شاہ نے استفسار کیا کہ جس طرح نریندر مودی اور دیگر ہندو سیاستدان مذہب کا استعمال کر رہے ہیں، بالکل اسی طرح اگر کوئی مسلمان سیاست دان اللہ اکبر کا نعرہ بلند کرے تو کیا ہو گا؟ اگر بھارت سیکولر ملک ہے یہاں جمہوری نظام ہے تو یہ لوگ ہر چیز میں مذہب کو کیوں داخل کر دیتے ہیں؟ افسوسناک امر ہے کہ بھارت میں پڑھے لکھے اور سیکیولر ذہنیت کے مالک لوگ بھی حکومتی پروپگنڈے کا شکار ہو کر مسلمانوں سے بطور فیشن نفرت کرتے ہیں اور ان کو اسی نگاہ سے دیکھتے ہیں۔

    کبری خان نے کونسی ہالی وڈ فلم کی ؟‌ اداکارہ نے بتا دیا

    واضح رہے کہ نصیر الدین شاہ ماضی میں بھی متعدد مرتبہ بھارتی مسلمانوں کے ساتھ روا رکھے جانے والے حکومتی رویے پر سخت تنقید کرتے آئے ہیں جس کی وجہ سے انہیں بھارتیہ جنتا پارٹی کی جانب سے شدید ردعمل کا بھی سامنا کرنا پڑا ہے۔

  • روس کی "جاسوس وہیل” سویڈن کے ساحلوں پر پہنچ گئی

    روس کی "جاسوس وہیل” سویڈن کے ساحلوں پر پہنچ گئی

    ناروے نے دعویٰ کیا ہے کہ سویڈن کے ساحلوں کے قریب روسی نیوی کی تربیت یافتہ جاسوس وہیل’وہیلدیمیر‘ کی موجودگی کے شواہد ملے ہیں، جو کہ اپنی فطرت کے برخلاف انسانوں سے دور جانے کے بجائے ان کی عادی ہے۔

    باغی ٹی وی: غیر ملکی میڈیا کے مطابق حکام نے دعویٰ کیا کہ اس سے قبل 2019 میں بلیوگا وہیل مچھلی کو ناروے کے ساحلی حدود میں دیکھا گیا تھا، اس وقت خدشہ ظاہر کیا گیا تھا کہ روسی نیوی کی جانب سے وہیل مچھلی کو جاسوسی کیلئے استعمال کیا جاتا ہےاب اسی وھیل کو سویڈن میں دیکھا گیا ہے جس پر کبھی برقی آلات نصب تھے ۔

    پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت …

    حکام کاکہناتھاکہ پہلی مرتبہ جب یہ وہیل مچھلی دیکھی گئی تھی تب اس پرایک کیمرا لگا ہواتھاجس پر ایک پلاسٹک کےٹکڑے پر ’ایکوئپمنٹ سینٹ پیٹرزبرگ‘ لکھا ہوا تھا ناروے کے لوگوں نے بلیوگا وہیل مچھلی کو ’وہیلدیمیر‘ (Hvaldimir) کا نام دے دیا، جو کہ نارویجین زبان میں وہیل کیلئے استعمال ہونے والے نام سے ’Hval‘ اور روسی زبان کے ’dimir‘ کو ملا کر بنایا گیا ہے۔

    ون وہیل آرگنائیزیشن کا کہنا ہے کہ وہیلدیمیر گزشتہ تین سالوں کے دوران ناروے کے نصف ساحلی علاقے کا چکر مکمل کر چکی تھی تاہم حال ہی میں بہت تیزی سے باقی نصف کا چکر لگانا شروع کرتے ہوئے سوئیڈن کی جانب بڑھنے لگی ہے۔

    پھر 2019 کے بعد اس نے اپنی رفتار بڑھائی اور سویڈن کی راہ لی اس ضمن میں ون وھیل نامی تنظیم میں بحری حیاتیات کےماہر، سباسٹیان اسٹرینڈ نے کہا ہے کہ ہمیں نہیں معلوم کہ اس وہیل نے اپنی رفتار اچانک کیوں بڑھا دی اورکیوں وہ اپنےفطری ماحول سےدور جا رہی ہے؟-

    چین میں قدیم مسجد منہدم کرنے پرجھڑپیں،سینکڑوں پولیس اہلکارتعینات

    ان کا کہنا تھا کہ ممکن ہے کہ یہ ہارمونز کا چکر ہو جو اسے اپنے ساتھیوں کی تلاش کیلئے مجبور کر رہا ہو یا پھر اس کا اکیلا پن بھی ہو سکتا ہے کیونکہ اس کی عمر 13 سے 14 سال کے درمیان ہے، یہ وہ عمر ہے جب اس کے ہارمونز بہت مضبوط ہوتے ہیں، یا اس وجہ سے کہ وہ خود کو تنہا محسوس کرتی ہے بیلوگا وہیلز نہایت ہی سوشل ہوتی ہیں، اس لیے یہ بھی ہو سکتا ہے کہ وہ اپنے جیسی دوسری وہیلز کو تلاش کر رہی ہو۔

    واضح رہے کہ 2019 میں وھیل جب ناروے پہنچی تھی تو تو ناروے مرکز برائے فشریز کے ماہرین نے اس پر لگا برقی آلہ ہٹادیا تھا۔ اس وھیل پر ایک جدید کیمرہ لگا تھا جس کی پشت پر روسی شہر ’سینٹ پیٹرزبرگ‘ کا نام لکھا تھا۔ اسی بنا پرجاسوس وھیل کا خدشہ ظاہرکیا گیا ہے۔

    ناروے کی جانب سے وہیل کے روس کیلئے جاسوسی کے الزامات پر روس کی جانب سے آج تک کوئی ردعمل نہیں دیا گیا تاہم جن پانیوں میں وھیل دکھائی دی ہے وہ مغربی اور روسی آبدوزوں کی آمدورفت کا اہم مقام بھی ہے بیرینٹ سی تزویراتی اور جیوپولیٹیکل اہمیت کا حامل ہیں جہاں مغرب اور روسی بحری نقل و حرکت پر نظر رکھی جاتی ہے جبکہ اسے اٹلانٹک اورپیسیفک کےدرمیان مختصر فاصلے کے طور پر ایک گیٹ وے بھی سمجھا جاتا ہے۔

    اٹلی کی مشہور نہر کا پانی سبز ہو گیا

  • جس طرح مجھے گرفتار کیا گیا ،ردِعمل فوجی نشان والی عمارتوں کےسامنےنہ آتا تو اور کہاں آتا؟،عمران خان

    جس طرح مجھے گرفتار کیا گیا ،ردِعمل فوجی نشان والی عمارتوں کےسامنےنہ آتا تو اور کہاں آتا؟،عمران خان

    چیئرمین پاکستان تحریک انصاف (پی ٹی آئی) عمران خان نے ایک بار پھر فوجی تنصیبات پر پارٹی کارکنوں کے حملے کا دفاع کرتے ہوئے کہا ہے کہ جس طرح فوج نے مجھے کمانڈو ایکشن کر کے گرفتار کیا، اس پر ردِعمل اگر فوجی نشان والی عمارتوں کے سامنے نہ آتا تو اور کہاں آتا؟-

    باغی ٹی وی : کارکنوں سے ویڈیو خطاب میں عمران خان نے ایک بار پھر پارٹی ورکرز کو تیار رہنے کی ہدایت کی اور کہا کہ مشکل وقت ہے، حقیقی آزادی کے لیے قربانی دینا پڑتی ہے، جیلوں میں جانے سے نہ ڈریں پارٹی چھوڑ کر جانے والے کچھ لوگ نئی پارٹی کے لیے لابنگ کر رہے ہیں، پوری کوشش کی نظریاتی لوگوں کو ٹکٹس دوں حالانکہ پارٹی چھوڑ کر جانے والے اکثر لوگوں کو تو انہوں نے ٹکٹ دینے ہی نہیں تھے۔

    پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت …


    ان کا مزید کہنا تھا کہ تحریک انصاف کو توڑنے کیلئے ملک کے اداروں کو تباہ کیا جا رہا ہے ، جن اداروں کو جرائم روکنے تھے ان کو پی ٹی آئی ختم کرنے پر لگادیا، مجھے سمجھائیں تو صحیح کوئی روڈ میپ تو ہوگا جانا کہاں ہے؟ مجھے جو سمجھ آیا ہے کہ ایک کنگز پارٹی بنائی جارہی ہے، جولوگ نکلےہیں انہیں اس کنگز پارٹی میں ڈال دیں، ن لیگ کا تو انہیں علم ہے یہ گھوڑا بیٹھنے والا ہے، جلسوں میں عوام نہیں آتے، ن لیگ اس سارے ظلم کے ساتھ جڑی ہوئی ہے ، کیا اس طرح کی کولیشن پارٹی ملک کو مسائل سے نکال سکتی ہے؟

    عمران خان نے کہا کہ مضبوط حکومت وہ ہوتی ہے جس کے پیچھے عوام ہوں، اسٹیبلشمنٹ نہیں، اس خوش فہمی میں نہ رہیں کہ لوگوں کو اکٹھا کرکے پیچھے اسٹیبلشمنٹ کھڑی ہوجائے اور مسائل سے نکل جائیں گے، وہ حکومت بڑے فیصلے کرے گی جو عوامی مینڈیٹ سے حکومت میں آئےاگر ہم نے قانون کی بالادستی قائم نہ کی تو ملک نہیں بچے گا، لوگ ملک چھوڑ کر جارہے ہیں، ہمارے اسپتال کے10 فیصد کنسلٹنٹ چھوڑ کر جارہے ہیں۔

    چین میں قدیم مسجد منہدم کرنے پرجھڑپیں،سینکڑوں پولیس اہلکارتعینات

    عمران خان نے کہا ہے کہ چیف سیکورٹی افسر غائب ہوگیا، جان کا خطرہ ہے لیکن پیچھے نہیں ہٹوں گا میری پارٹی نہ چھوڑنے والوں پر تشدد کیا جارہا ہےہمارے لوگ جیل میں ہیں یا چھپے ہوئے ہیں، اب یہ ٹکٹ ہولڈرز کے پیچھے پڑے ہیں، جو ہاتھ کھڑا کرکے کہتا ہے 9 مئی کی مذمت کرتے ہیں اس کا سب کچھ معاف ہوجاتا ہے پی ٹی آئی کو نہ چھوڑنے والوں پرتشدد کیا جارہا ہے، اعجاز چوہدری، یاسمین راشد، شہریارآفریدی، عمر چیمہ، محمود الرشید کی ویڈیوز دیکھیں، اعجاز چوہدری اور محمود الرشید پر تشدد کیا گیا۔

    ان کا کہنا تھا کہ یہ اب تیسری بار بھی مجھ پر حملہ کریں گے، میرے سیکورٹی افسر کرنل عاصم کو بھی اٹھا لیا گیا ہے اور چار روز سے لاپتہ ہیں، عوام گھبرائیں نہیں کیونکہ آپ سے زیادہ خطرہ مجھے ہے مگر میں پیچھے نہیں ہٹوں گا اور غلامی سے بہتر موت کو قبول کروں گا اور آزادی کے لیے جان تک قربان کردوں گا۔

    گورنرہاﺅس سندھ میں ایک لاکھ نوجوانوں کومفت آئی ٹی کورسزکرانےکا اعلان

    عمران خان نے کہا کہ ہمارے لوگوں نے دیکھا کہ مجھے غیرقانونی طریقے سے اغواء کرکے لیکر جارہی ہے رینجرز جو پاکستانی فوج ہے اور لوگوں کو ڈنڈے مارے مجھے مارا۔ جس طرح مجھے لے کر جارہے تھے کیا ان کا حق نہیں تھا کہ وہ پُرامن احتجاج کریں تو انھوں نے کہاں احتجاج کرنا تھا جی ایچ کیو کے سامنے یا جہاں آرمی ہوگی وہاں ہی احتجاج کرنا تھا کنٹونمنٹ بورڈ پر کرنا تھا اور کہاں جا کر احتجاج کرتے پرُامن احتجاج کرنا ان کا حق تھا۔ جنھوں نے جلایا توڑ پھوڑ کی ان کے خلاف سخت ایکشن لینا چاہیے-

    عمران خان نے الزام عائد کرتے ہوئے کہا کہ ججز کو فون کر کے دھمکیاں دی جارہی ہیں کہ تمہاری فائلیں ہمارے پاس پڑی ہیں اگر حکم نہ مانا تو کھول دی جائے گی مگر مجھے عدلیہ سے امید ہے کہ وہ ملک میں قانون کی بالادستی قائم کرے گی۔ ایف آئی اے سمیت تمام اداروں کو اپنے مذموم مقاصد کے لیے استعمال کیا جارہا ہے اور وہ سب کچھ بھول کر اب پی ٹی آئی کے خلاف مقدمات دیکھ رہے ہیں۔

    انھوں نے یہ انکشاف بھی کیا کہ مجھے فون آتا ہے کہ بہت پریشر ہے بچیوں تک کو دھمکیاں مل رہی ہیں، میں جواب دیتا ہوں کہ پھر پارٹی چھوڑ دو، اتنے زیادہ دباؤ کے باوجود چند لوگ پارٹی چھوڑ کر گئے، لوگوں کو احساس ہے کہ جس نے بھی پارٹی چھوڑی اس کی سیاست ختم ہوجائے گی۔

    پاکستان اور بیلا روس کا مختلف شعبوں میں تعاون کو فروغ دینے پراتفاق

    سابق وزیراعظم کا کہنا تھا کہ میں بات چیت کرنے کو تیار ہوں مگر مجھے سمجھا دیں کہ میرے بعد کیا ہوگا؟ یہ پارٹی بنا کر ووٹر کو تقسیم کریں گے اور اُس میں پی ٹی آئی چھوڑنے والوں کو شامل کریں گے، مخلوط حکومت قائم کریں گے اور مسلم لیگ ن کو تو عوام ووٹ ہی نہیں دیں گے۔ مخلوط حکومت ملکی مسائل کا حل نہیں، اسٹیبلشمنٹ کے بغیر عوام کی حمایت سے بننے والی حکومت ہی ملک کو مسائل سے نکال سکتی ہے کیونکہ پاکستان کو بڑے فیصلوں سے بچایا جاسکتا ہے۔

    چیئرمین تحریک انصاف نے کہا کہ حکام زیر حراست خواتین کو رہا کرنے سے خوفزدہ ہیں، وہ جانتے ہیں کہ جلاؤ گھیراؤ میں کوئی خاتون ملوث نہیں ہے۔ شاید ہی 100 سے 150 لوگ فساد میں ملوث ہوں گے، باقی زیر حراست لوگ پرامن احتجاج کر رہے تھے کارکن جہاں چھپے ہیں ان کے گھروں پر حملہ کیا جا رہا ہے، ان کے گھروں کو مسمار کیا جا رہا ہے۔

    مئی میں ترسیلات زر میں 12.9 فیصد کمی واقع ہوئی،وزارت خزانہ کی ماہانہ آؤٹ لک …

  • پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت کرنا پڑا

    پاکستان میں غلطی سے میزائل فائرنگ کے واقعہ،حکومت کو 24 کروڑبھارتی روپے کا نقصان برداشت کرنا پڑا

    بھارتی حکومت کاکہنا ہے کہ گزشتہ برس پاکستانی حدود میں براہموس میزائل فائر کرنے کے واقعے پر عالمی سطح پر بھارت اور بھارتی فضائیہ کی ساکھ پر بھی سوال اٹھ گئےتھے-

    باغی ٹی وی : واقعے کے بعد برطرف کیے گئےبھارتی فضائیہ کےافسران کی جانب سے دہلی ہائیکورٹ میں برطرفیوں کےخلاف درخواست میں بھارتی حکومت نے عدالت میں جواب جمع کرواتے ہوئے اعتراف کیا کہ براہموس میزائل گرنے کے واقعے سے پڑوسی ممالک سے تعلقات بھی متاثر ہوئے۔

    اٹلی کی مشہور نہر کا پانی سبز ہو گیا

    بھارتی میڈیا رپورٹس کے مطابق بھارتی سرکار نے دہلی ہائی کورٹ میں ونگ کمانڈر ابھینو شرما کی جانب سے ملازمت سے برطرفی کی درخواست کے خلاف جواب جمع کرایا جس میں ونگ کمانڈر سمیت تین بھارتی فضائیہ (IAF) افسران کی برطرفی کا جواز پیش کیا گیا۔

    حکومت نے کہا کہ ان افسران کی سنگین غفلت کی وجہ سے حکومت کو 24 کروڑ روپے کا نقصان برداشت کرنا پڑا ہے اس غلطی کی وجہ سے ریاست کی سلامتی پر وسیع پیمانےپرمنفی اثرات مرتب ہوئے ہیں بھارتی حکومت نے اعتراف کیا کہ پاکستانی حدود میں میزائل گرنے سے عالمی سطح پر بھارت اور بھارتی فضائیہ کی ساکھ پر بھی سوال اٹھ گئےتھے-

    کم ازکم 119 اڑن طشتریاں زمین پر گرکر تباہ ہوچکیں ہیں

    حکومت کی جانب سے جمع کرائے گئے جواب میں کہا گیا کہ بین الاقوامی برادری نے بھی واقعے کی تفصیلات جاننے کیلئے حکومت پر دباؤ بڑھایا تھا۔علاوہ ازیں معاملے کی حساس نوعیت کو مدنظر رکھتے ہوئے درخواست گزار کی سروس کو ختم کرنے کا ایک شعوری اور سوچ سمجھ کر فیصلہ کیا گیا ہے۔

    حکومت نے کہا کہ بھارتی فضائیہ میں ایسا فیصلہ 23 ​​سال بعد کیا گیا ہے کیونکہ کیس کے حقائق اور حالات ایسی سخت کارروائی کا تقاضہ کرتے ہیں شواہد کی حساس نوعیت کے پیش نظر فضائیہ افسران کی برطرفیوں کے خلاف درخواست بلاجواز ہے۔

    واضح رہے کہ بھارت کا براہموس میزائل حادثاتی طور پر پاکستان میں فائر کرنے کا واقعہ گزشتہ برس 9 مارچ کو پیش آیا تھا میزائل واقعے کے خلاف سنگین غفلت کے الزام میں بھارتی فضائیہ کے 4 افسران کو برطرف کیا گیا تھا، بھارتی فضائیہ کے ونگ کمانڈر سمیت 3 افسروں نے برطرفیوں پر دہلی ہائی کورٹ میں درخواست دائر کی ہے۔

    پاکستان اور بیلا روس کا مختلف شعبوں میں تعاون کو فروغ دینے پراتفاق

  • چین میں قدیم مسجد منہدم کرنے پرجھڑپیں،سینکڑوں پولیس اہلکارتعینات

    چین میں قدیم مسجد منہدم کرنے پرجھڑپیں،سینکڑوں پولیس اہلکارتعینات

    چین میں منصوبہ بندی کے تحت منہدم کی گئی قدیم مسجد پر ہفتے کے آخر میں ہونے والی جھڑپوں کے بعد حکام نے مسلمانوں کی کثیر تعداد والے قصبے ناگو میں سینکڑوں پولیس اہلکاروں کو تعینات کیا اور گرفتاریاں بھی کیں۔

    باغی ٹی وی :چین کے جنوب مغربی صوبہ یونان کے قصبے ناگو کے ایک رہائشی نے اپنا نام ظاہر نہ کرنے کی شرط پر اے ایف پی کو بتایا کہ حکام نے حال ہی میں 13ویں صدی کی ناجیائینگ مسجد کے چار میناروں اور گنبد کی چھت کو گرایا ہے حالیہ برسوں میں مسجد کے میناروں اور گنبد کی چھت کو توسیع دی گئی تھی، اور ایک مقامی عدالت نے ان اضافوں کو غیر قانونی قرار دیا تھا۔

    ترکیہ اور مصر کا دہائی سے معطل سفارتی تعلقات بحال کرنے پر اتفاق

    ٕ
    چینی صدر شی جن پنگ نے کمیونسٹ پارٹی کو ہدایت کی ہے کہ وہ ملک کی نسلی اور مذہبی اقلیتوں کوچینی اطوار اختیار کرا ئے ہم انہیں کرنے نہیں دیں گےہفتے کو لاٹھیاں اور ڈھالیں اٹھائے درجنوں اہلکاروں نے مسجد کے باہر موجود ایک ہجوم کو پیچھے ہٹایا اس دوران ہجوم نے ان پر مختلف اشیاء پھینکیں۔

    ایک مقامی خاتون نے شناخت ظاہر نہ کرنے کی شرط پر اے ایف پی کو بتایا کہ ”وہ زبردستی مسماری کرنا چاہتے تھے، اسی لئے یہاں کے لوگ انہیں روکنے کے لیے گئے مسجد ہم جیسے مسلمانوں کا گھر ہے اگر وہ اسے گرانے کی کوشش کرتے ہیں تو ہم یقینی طور پر انہیں نہیں کرنےدیں گےعمارتیں صرف عمارتیں ہیں، ان سے لوگوں یا معاشرے کو کوئی نقصان نہیں ہوتا۔ انہیں تباہ کرنے کی کیا ضرورت ہے؟

    طالب علم نے اسکول کی فروخت کیلئے اشتہار دے دیا

    دو عینی شاہدین کا کہنا تھا کہ پولیس نے اس واقعے پر ایک غیر متعین تعداد میں گرفتاریاں کی ہیں اور پیر تک کئی سو اہلکار قصبے میں موجود رہے۔


    ٹونگائی حکومت جو ناگو کا انتظام سنبھالتی ہے، اس کی طرف سے اتوار کو جاری کردہ نوٹس میں کہا گیا کہ اس نے ”ایک ایسے معاملے کی تحقیقات شروع کی جس نے سماجی نظم و نسق کو بری طرح متاثر کیا ہےجو لوگ رضاکارانہ طور پر (6 جون تک) ہتھیار ڈالتے ہیں اور سچائی سے خلاف ورزیوں اور جرائم کے حقائق کا اعتراف کرتے ہیں، انہیں قانون کے مطابق ہلکی اور کم سزا دی جا سکتی ہے۔


    واضح رہے کہ چین نے ایک دہائی قبل صدر شی کے اقتدار میں آنے کے بعد سے مذہب کو سختی سے کنٹرول کرنے کی کوشش کی ہے، اور مسلمانوں کے خلاف کریک ڈاؤن کے دفاع میں بیجنگ کا دعویٰ ہے کہ وہ ”دہشت گردی اور انتہا پسندانہ سوچ“ کا مقابلہ کرنے کے لیے کام کر رہا ہےایک اندازے کے مطابق 2017 سے مغربی سنکیانگ کے علاقے میں ایک ملین ایغور، ہوئی اور دیگر مسلم اقلیتوں کو ”دوبارہ تعلیم“ کی حکومتی مہم کے تحت حراست میں لیا گیا ہے۔

    اٹلی کی مشہور نہر کا پانی سبز ہو گیا

  • گورنرہاﺅس سندھ میں ایک لاکھ نوجوانوں کومفت آئی ٹی کورسزکرانےکا اعلان

    گورنرہاﺅس سندھ میں ایک لاکھ نوجوانوں کومفت آئی ٹی کورسزکرانےکا اعلان

    کراچی: گورنرسندھ کامران خان ٹیسوری نے کہا ہے کہ گورنرہاﺅس میں انفارمیشن ٹیکنالوجی کے کورسز میں ایک لاکھ نوجوانوں کو مفت تربیت دی جائے گی-

    باغی ٹی وی: گورنرہاﺅس میں پریس کانفرنس سے خطاب کرتے ہوئےگورنرسندھ نے کہا کہ ان کورسز میں آرٹیفیشل انٹیلیجنس ، میٹا ورس اور ویب تھری شامل ہیں ،کورسز مکمل کرنے کے بعد نوجوان تین سے پانچ لاکھ روپے ماہانہ کما سکیں گےابتدا میں پانچ لاکھ نوجوانوں کا گورنر ہاﺅس میں ٹیسٹ لیا جائے گا جس میں ، پہلے بیج کے لیے 50 ہزارنوجوانوں کا انتخاب کیا جائے گا، اسی طرح دوسرے بیج کے لیے بھی مزید 50 ہزار نوجوانوں کو منتخب کیا جائے گا۔

    مئی میں ترسیلات زر میں 12.9 فیصد کمی واقع ہوئی،وزارت خزانہ کی ماہانہ آؤٹ لک …

    گورنر سندھ نے مزید کہا کہ یہ عملی اور آن لائن کلاسز ہوں گی جن کا دورانیہ 6 گھنٹے کا ہوگا ، عملی کلاس میں نوجوان گورنرہاﺅس میں لگائے جانے والی مارکی میں بیٹھ کر تربیت حاصل کریں گے اور ان کے لیے ظہرانہ کا بھی اہتمام کیا جائے گاآئی ٹی کورسز کی تشہیر کے لیے جلد شہر بھر میں جے ڈی سی اور سیلانی ویلفیئر ٹرسٹ بڑے بڑے بینرز اور ہورڈنگز نصب کریں گے جس پر آئی ٹی کورسز میں داخلہ اور اس سے متعلق دیگر معلومات درج ہوں گی تاکہ سب تک ان کورسز کا پیغام پہنچ سکے۔

    گورنرسندھ نے کہا کہ ماضی میں گورنرہاﺅس کھولنے اور اسے یونیورسٹی بنانے کا وعدہ کسی اور کا تھا لیکن اسے عملی جامعہ میں نے پہنایا ہے،آج گورنرہاﺅس میں تعلیم کی سرگرمیاں بھی شروع کی جارہی ہیں آئی ٹی منصوبے میں حکومت سندھ یا گورنرہاﺅس کے فنڈز شامل نہیں بلکہ اس میں جے ڈی سی ، سیلانی اور مخیر حضرات سمیت میرا بھی تعاون شامل ہے

    پاکستان اور بیلا روس کا مختلف شعبوں میں تعاون کو فروغ دینے پراتفاق

    گورنر کامران خان ٹیسور ی نے کہا کہ اس منصوبے کو شروع کرنےسےقبل جب سر ضیا اور ان کی ٹیم نے بلا معاوضہ اپنی خدمات پیش کرنے کو کہا تو اس وقت میری حیرت انتہا کو تھی،یہ انتہائی خوش آئندبات ہے کہ ہماری قوم میں جذبہ بہت زیادہ ہے ضرورت اس جذبہ کو بروئے کار لانے کی ہے ۔

    اس موقع پر سر ضیا خان نے کہا کہ گورنرسندھ نے ایک اچھا قدم اٹھایا ہے جو قابل تعریف ہے ، آئی ٹی کورسز گورنرسندھ کی ہدایت کے مطابق ہوں گے جن کے لیے نوجوانوں کا انتخاب میرٹ پر ہوگا، اور ان کی کارکردگی کو مدنظر رکھتے ہوئے ان کی بھرپور حوصلہ افزائی بھی کی جائے گی۔

    ترکیہ اور مصر کا دہائی سے معطل سفارتی تعلقات بحال کرنے پر اتفاق

  • طالب علم نے اسکول کی فروخت کیلئے اشتہار دے دیا

    امریکا میں میری لینڈ میں ایک طالب علم نے اسکول کی فروخت کے لیے اشتہار دے دیا۔

    باغی ٹی وی: امریکی ریاست میری لینڈ میں قائم مِیڈ ہائی اسکول کو طالب علم نے فروخت کی تفصیلات میں نصف قید خانہ قرار دیا کہا کہ اسکول کے تمام 15 باتھ روم میں نکاسی کے مسائل ہیں جبکہ عمارت میں باسکٹ بال کورٹ کے ساتھ ایک بڑا اور اچھا کچن اور ڈائننگ روم بھی موجود ہے۔

    ترکمانستان کی پاکستان کو سستی گیس فراہم کرنے کی پیشکش

    تفصیلات میں یہ بھی لکھا گیاکہ پراپرٹی کچرے کی بدبو سے آلودہ ہوا اورپانی کےمسائل جیسی اضافی خصوصیات کےساتھ ملے گی،اسکول میں خطرناک نامکمل حصے بھی آتے ہیں جو آپ کی جان لے سکتے ہیں طالبعلم نے اسکول کو 42 ہزار 69 ڈالر کی عوض فروخت کرنے کی پیشکش کی۔


    این ایرونڈیل کاؤنٹی پبلک اسکولز کے ترجمان بوب موزیئر نے اس اشتہار کو ناقابل یقین حد تک تخلیقی قرار دیتے ہوئے کہا کہ بہت سی سہولیات کی حامل اتنی قیمتی جگہ کو اتنے سستے داموں فروخت کے لیے پیش کیے جانے پر حیرانی ہوئی اسکول انتظامیہ کا ماننا ہے کہ یہ سینئرز کی جانب سے کی گئی ایک شرارت ہے جس کو قطعی طور پر سنجیدگی سے نہیں لیا گیا ہے۔

    پاکستان اور بیلا روس کا مختلف شعبوں میں تعاون کو فروغ دینے پراتفاق

    یہ اسکول 1977 میں کھولا گیا تھا اور اس کے اسکول ڈسٹرکٹ، این ارنڈیل کاؤنٹی پبلک اسکولز سے 2022 کے ماسٹر پلان دستاویز کے مطابق، 384,824 مربع فٹ پر اشتہارات سے بہت بڑا ہے-

    میڈ کے طلباء پہلےنہیں ہیں جنہوں نے اپنےسینئرمذاق کے لیے اپنے اسکول کو فروخت کےلیے درج کیا ہے 2018 میں، راک فورڈ، الینوائے کے اوبرن ہائی اسکول کے بزرگوں نے اپنے اسکول کو $2,018 میں کریگ لسٹ میں ڈالا۔

    ترکیہ اور مصر کا دہائی سے معطل سفارتی تعلقات بحال کرنے پر اتفاق