Baaghi TV

Author: Ayesha Rehmani

  • برطانیہ :مزید دو اراکین پارلیمنٹ رکنیت سے مستعفی

    برطانیہ :مزید دو اراکین پارلیمنٹ رکنیت سے مستعفی

    برطانیہ میں سابق وزیراعظم بورس جانسن کے بعد مزید دو اراکین پارلیمنٹ اپنی رکنیت سے مستعفی ہو گئے۔

    باغی ٹی وی: برطانوی میڈیا کے مطابق سابق وزیر ثقافت ناڈین ڈوریس اور نائجل ایڈمز کے استعفوں بعد حکمران جماعت کنزرویٹو پارٹی کو اب تین نشستوں پر ضمنی الیکشنز کا سامنا کرنا پڑے گا سابق وزیر اعظم کے دوستوں نے پیش گوئی کی کہ مزید استعفے آنے والے ہیں، کنز رویٹو وہپس اور بیک بینچ ایم پیز کے درمیان بھی قیاس آرائیاں جاری ہیں۔

    بورس جانسن پارلیمنٹ کی رکنیت سے مستعفی

    تاہم، جانسن کے حامیوں کی ایک بڑی تعداد نے فوری طور پر کسی بھی مربوط استعفیٰ کی سازش کو مسترد کردیا پریتی پٹیل، سابق ہوم سکریٹری، اگلا الیکشن لڑیں گی۔ جوناتھن گلس، برینڈن کلارک سمتھ اور ڈیہنا ڈیوسن سمیت ارکان پارلیمنٹ کو برطرف کر دیا گیا۔

    برطانوی میڈیا کے مطابق لیبر رکن پارلیمنٹ افضل خان نے کنزرویٹو پارٹی سے نئے انتخابات کا مطالبہ کردیا ہے دوسری جانب لیبر پارٹی کی ڈپٹی لیڈر انجیلا رینر نے سابق برطانوی وزیراعظم بورس جانسن کو ’بزدل‘ قرار دے دیا۔

    چیٹ جی پی ٹی کی طرف سے بوگس قانونی حوالے دیکر بہکانے پر امریکی عدالت …

    سابق کابینہ کے وزیر جیکب ریس موگ نے ​​کنزرویٹو کو خبردار کیا ہے کہ اگر بورس جانسن کسی اور پارلیمانی حلقے میں کھڑے ہونے کی کوشش کرتے ہیں تو انہیں روکنے کی کسی بھی کوشش کے خلاف نہیں مسٹر ریز موگ نے ​​اتوار کو میل کو بتایا کہ ایسا کرنے سے پارٹی "خانہ جنگی میں” ڈوب سکتی ہے۔

    جانسن نے پارٹی گیٹ کی تحقیقات پر جمعہ کو اکسبرج اور ساؤتھ روئسلپ کے ایم پی کی حیثیت سے استعفیٰ دے دیاجانسن نے رکن پارلیمنٹ کی حیثیت سے استعفیٰ دے دیا جب انہوں نے کامنز کی استحقاق کمیٹی کی ایک رپورٹ پہلے سے دیکھی جس کی تحقیقات کر رہے تھے کہ آیا انہوں نے ڈاؤننگ اسٹریٹ میں لاک ڈاؤن کی خلاف ورزیوں پر کامنز کو جان بوجھ کر گمراہ کیا۔

    سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

  • قازقستان کے جنگلات میں آگ، مرنے والوں کی تعداد 14 ہوگئی

    قازقستان کے جنگلات میں آگ، مرنے والوں کی تعداد 14 ہوگئی

    قازقستان کے جنگلات میں لگنے والی آگ سے مرنے والوں کی تعداد 14 ہوگئی۔

    باغی ٹی وی: غیر ملکی خبر رساں ادارے کے مطابق شمالی مشرقی قازقستان کے جنگلات میں آگ لگی جس نے دیکھتے ہی دیکھتے بڑے حصے کو اپنی لپیٹ میں لیا حکام کے مطابق آگ خشک اور گرم موسم کی وجہ سے لگی۔

    جوبائیڈن انتظامیہ شیطانی کھیل، کھیل رہی ہے،ڈونلڈ ٹرمپ کا اپنےخلاف فرد جرم پرردعمل


    آگ نے ایک لاکھ 48 ہزار ایکٹر رقبے پر تباہی مچائی جس کے بعد حکومت کی جانب سے ہنگامی حالت کا نفاذ کردیا گیا جبکہ قازقستان کے صدر نے آگ پر بروقت قابو نہ پانے اور کارکردگی دکھانے میں ناکامی پر ملک کے ہنگامی صورتحال کے وزیر کو برطرف بھی کیا۔

    جنگلات میں آگ سے متاثرہ علاقوں میں سرچ آپریشن کے دوران جنگل بچاؤ ٹیم کے تین ملازمین سمیت گیارہ افراد کی لاشیں ملیں، جس کے بعد جاں بحق افراد کی تعداد 14 تک پہنچ گئی ہے۔

    جو بائیڈن نے یو کرینی کمپنی سے بطور رشوت خطیر رقم وصول کی،امریکی میڈیا

    قازقستان کی ہنگامی وزارت نے بتایا کہ قازقستان کے مشرقی ابے ریجن میں جنگلات میں لگنے والی آگ کے نتیجے میں ریسکیو ٹیموں نے مزید گیارہ لاشیں نکال لی ہیں، اس طرح ہلاکتوں کی کل تعداد 14 ہو گئی ہے-

    بیان میں کہا گیا کہ ابے ریجن میں آگ بجھانے کی کوششوں کے لیے کام کرنے والی ٹاسک فورس کے مطابق،سرچ آپریشنز کے دوران گیارہ لاشیں ملی ہیں۔ ان کی شناخت کی جا رہی ہےیاد رہےکہ جنگلاتی ادارے کے تین لاپتہ ملازمین کی لاشیں ملی ہیں۔ اس طرح ہلاکتوں کی تعداد بڑھ گئی ہے۔

    حکام کے مطابق چھ سو سے زائد اہلکار اور چھ ہیلی کاپٹر آگ بجھانے کی کوششوں میں شامل رہے، آگ سے متاثرہ علاقوں سے سیکڑوں افراد کو محفوظ مقام پر منتقل کیا گیا۔

    ایمازون کے جنگلات میں طیارہ حادثہ،4 بچے معجزاتی طور پر 40 دنوں بعد زندہ مل …

  • گیارہویں جماعت کی طالبہ سے 3 ملزمان کی مبینہ زیادتی

    گیارہویں جماعت کی طالبہ سے 3 ملزمان کی مبینہ زیادتی

    حافظ آباد کے علاقے سوئیانوالہ میں گیارہویں جماعت کی طالبہ سے 3 ملزمان نے مبینہ زیادتی کی ہے ۔

    باغی ٹی وی: پولیس کے مطابق طالبہ کے والد کی مدعیت میں 2 خواتین سمیت 5 ملزمان کے خلاف مقدمہ درج کرلیا گیا ہے، پولیس نے کارروائی کرتے ہوئے مرکزی ملزم اور سہولت کار 2 خواتین کو گرفتار بھی کرلیا ہے،طالبہ اور گرفتار ملزم کا ڈین این اے کرالیا ہے جب کہ دیگر 2 ملزمان کی گرفتاری کے لیے اسپیشل ٹیم تشکیل دی ہے۔

    چائلڈ پورنوگرافی مواد شیئر کرنے میں ملوث ملزم کو گرفتار

    متاثرہ طالبہ کے والد نے پولیس کو بتایا کہ بیٹی ٹیوشن سےگھر واپس آرہی تھی، ملزمان نے 2 خواتین کی مدد سے اسے اغوا کیا-

    قبل ازیں چونیاں کے نواحی گاؤں میں 13 سالہ لڑکی سے اجتماعی زیادتی کاواقعہ پیش آیا پولیس کےمطابق گاؤں کوٹ وٹواں میں 3 نوجوانوں نے 13سالہ لڑکی سے اجتماعی زیادتی کی اور فرار ہو گئی فصلوں میں چھپے ملزمان نے لڑکی سے اجتماعی زیادتی کی، ملزمان کے خلاف مقدمہ درج کرلیا گیا ہے،تاثرہ لڑکی کو تشویش ناک حالت میں اسپتال منتقل کیا گیا میڈیکل رپورٹ میں زیادتی کی تصدیق ہوئی ہے۔

    لیاری گینگ کو دوبارہ متحرک کی کوشش کرنے والا ملزم گرفتار

    ڈسٹرکٹ پولیس آفیسر (ڈی پی او) قصور نے ملزمان کی گرفتاری کے لیے6 رکنی ٹیم بنادی۔

  • طوفان بائے پر جوائے،کراچی میں بل بورڈ اور سائن بورڈ ہٹانےکا حکم

    طوفان بائے پر جوائے،کراچی میں بل بورڈ اور سائن بورڈ ہٹانےکا حکم

    کراچی: بحیرہ عرب میں موجود طوفان بائے پر جوائے کے پیشِ نظر کراچی پورٹ پر الرٹ جاری کردیا گیا ہے۔

    باغی ٹی وی : محکمہ موسمیات کے مطابق طوفان کے باعث لہریں 8 سے 10 فٹ بلند ہوسکتی ہیں، ماہی گیر آج سے کھلے سمندر میں نہ جائیں جس کے بعد کراچی کے ساحل پر دفعہ 144 نافذ کردی گئی ہے-

    سمندری طوفان ’’بائے پرجوائے‘‘ کا کراچی سے فاصلہ 850 کلومیٹر رہ گیا

    چیف میٹرولوجسٹ سردار سرفراز کے مطابق طوفان بائے پر جوائے کراچی کے جنوب سے 770 کلومیٹر دور ہے، جب کہ ٹھٹہ کے جنوب سے 750 کلومیٹر دورہے، طوفان اورماڑہ کے جنوب مشرق سے 860 کلومیٹرکےفاصلے پرہے،بائے پر جوائے ایکسٹریملی سیویر سائیکلو نک اسٹارم بن چکا ہے، اس میں مزید شدت آگئی ہے

    سردار سرفراز کا کہنا ہے کہ طوفان کا یہ سسٹم شمال کی جانب بڑھتا رہے گا، پھر شمال مشرق کی طرف مڑتے ہوئے 15 جون کی سہ پہر کو کیٹی بندر (جنوب مشرقی سندھ) اور ہندوستانی گجرات کے ساحل کے درمیان سے گزرے گا سسٹم کے مرکز میں ہواؤں کی رفتار 140 سے 160 کلومیٹر فی گھنٹہ ہے، سسٹم کے مرکز اور اطراف میں لہریں 30 سے40 فٹ بلندہورہی ہیں پی ایم ڈی کا سائکلون وارننگ سینٹر، کراچی سسٹم کی مسلسل نگرانی کر رہا ہے-

    سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

    جبکہ طوفان کے خدشے کے پیش نظر کمشنرکراچی نے شہر بھر سے بل بورڈ، سائن بورڈ سمیت اشتہاری مواد ہٹانےکا حکم دے دیا ہے،کمشنرکراچی کا کہنا ہے کہ انسانی جانیں محفوظ بنانے کیلئے کمزور درختوں کی کٹائی چھٹائی کی جائے حکم نامے پرعمل درآمد کیلئے کے ایم سی، کنٹونمنٹ بورڈز اور میونسپل کمشنرز کو خط لکھ دیا ہے فیصلے پرعمل درآمد کیلئے تمام اضلاع کےڈپٹی کمشنر کو بھی پابند کیا گیا ہے۔

    دوسری جانب سمندری طوفان ”بائے پرجوائے“ کے پیش نظر سات ریاستوں میں الرٹ جاری کردیا گیامحکمہ موسمیات کا کہنا کہ طوفان کی وجہ سےبھارت کےجنوبی علاقوں میں خوب بادل برسیں گے، یہ سلسلہ چار روز تک جاری سکتا ہے، طوفان گووا شہر کے مغرب میں 690 کلومیٹر کے فاصلے پر موجود ہے اور مہاراشٹر کے علاوہ ممبئی کے قریبی اضلاع کے لیے انتباہ جاری کیا گیا ہے۔

    کیرالہ ریاست کے لیے ”ییلو“ الرٹ جاری کیا گیا ہے جس کا مطلب یہ ہے اس کے مختلف شہروں میں گرج چمک کے ساتھ بارش ہوگی جب کہ تیز ہوائیں بھی چلیں گی،امکان ہے کہ آج ہوائیں چلیں گی جبکہ اس کے بعد بارش کا سلسلہ شروع ہوجائے گا۔

    ترکیہ :راکٹ اور بارودی مواد بنانے والی فیکٹری میں دھماکہ،5 افراد ہلاک

    بھارتی ریاست گجرات میں بھی وارننگ جاری ہونے کے بعد گجرات کے مشہور سیاحتی مقام کی ٹیتھل بیچ کو 14 جون تک بند کردیا گیا ہے مچھیروں کو بھی ہدایات جاری کی ہیں کہ وہ سمندر میں جانے کی کوشش نہ کریں۔ محکمہ موسمیات نے کیرالہ، کرناٹک کے مچھیروں کو بھی سمندر میں جانے سے منع کر دیا گیا ہے۔

    سمندری طوفان کی وجہ سے ہواؤں کی رفتار45 سے 55 ناٹس تک پہنچنے کا امکان ہے تاہم بعض علاقوں میں یہ 65 تک بھی جا سکتا ہے اور یہ سلسلہ آج سے شروع ہو کر 12 جون تک جائے گا۔

    میران شاہ:سیکیورٹی فورسز اور دہشتگردوں کے درمیان فائرنگ،3 دہشتگرد ہلاک 4 زخمی،3 اہلکار شہید

  • اصل میں عمران خان کو تلاش کاندھےاوربیساکھی کےسہارےکی ہےجو اب میسر نہیں،مریم اورنگزیب

    اصل میں عمران خان کو تلاش کاندھےاوربیساکھی کےسہارےکی ہےجو اب میسر نہیں،مریم اورنگزیب

    اسلام آباد: وزیر اطلاعات مریم اورنگزیب نے چیئرمین پی ٹی آئی عمران خان کو شدید تنقید کا نشانہ بناتے ہوئے کہا ہے کہ یہ شخص جلسے میں امریکا پر الزام لگاتا ہے پھر معافی مانگ کر امریکا میں لابی کمپنیاں بناتا ہے۔

    باغی ٹی وی: اپنے ایک بیان میں وزیر اطلاعات کا کہنا تھا کہ 9 مئی کوفوجی تنصیبات،شہداکی یادگاروں پرحملہ بھی اس لیےکرایاکہ "وہ” مان نہیں رہے؟ سیاسی ابوالہول” (Sphinx) کا دماغ ہٹلر کا جبکہ جسم گرگٹ کا ہے جو حالات کے ساتھ ساتھ رنگ ہی نہیں، آنکھیں اور بیان بھی بدلتا رہتا ہے-

    موسمِ گرما میں آرکٹک برف کے بغیر ہوگا،ماہرین

    انہوں نے کہا کہ اس کے دماغ میں آئین کی گنجائش ہے نہ قانون کی، انسانیت نہ ہی اخلاقیات کی صرف تکبر، انا، ضد اور مکاری بھری ہے جو کمرے میں تاحیات ایکسٹنشن کی آفر کرتا اور باہر میرجعفر کے نعرے لگاتا ہے-

    مریم اورنگزیب نے کہا کہ جلسےمیں امریکاپر الزام لگاتا، پھر معافی مانگ کر امریکا میں لابی کمپنیاں بناتا ہے اصل میں تلاش "کاندھے” اور "بیساکھی” کے سہارے کی ہے، جو اب میسر نہیں سیاستدانوں سے بات سیاستدان اور جمہوری شخص کرتا ہے، آر ٹی ایس کی معاونت کی التجا ہے، فارن فنڈنگ، ٹیریان، 190 ملین پاؤنڈ، القادرٹرسٹ جیسے جرائم سے نجات کا این آر او درکار ہے، یہ طلسماتی سہولیات اب دستیاب نہیں لیکن پوچھنا یہ تھا کہ آدھا حملہ کیسے ہوتاہے؟-

    میران شاہ:سیکیورٹی فورسز اور دہشتگردوں کے درمیان فائرنگ،3 دہشتگرد ہلاک 4 زخمی،3 اہلکار شہید

  • امریکی پروفیسرنے 100 دن زیر آب گزار نیا ورلڈ ریکارڈ اپنے نام کر لیا

    امریکی پروفیسرنے 100 دن زیر آب گزار نیا ورلڈ ریکارڈ اپنے نام کر لیا

    یو ایس نیوی کے سابق غوطہ خور اور بایومیڈیکل انجینئرنگ کے ماہر امریکی پروفیسر جوزف ڈیٹوری نے 100 دن زیر آب گزار کر کسی بھی انسان کی جانب سے طویل عرصے تک زیر آب رہنے کا نیا ورلڈ ریکارڈ اپنے نام کر لیا۔

    باغی ٹی وی: گنیز بک آف ورلڈ ریکارڈز کی ویب سائٹ کے مطابق پروفیسر ڈیٹوری یکم مارچ کو زیر آب گئے اور 13 مئی 2023 کو پورے 100 دن بعد باہر نکلے تھے۔

    دبئی :کاروبار کے نام پر درجنوں افراد کو دھوکہ، عرب نژاد یورپی شہری گرفتار

    یونیورسٹی پروفیسر جوزف ڈیٹوری کسی بھی شخص کیجانب سے ڈی پریشرائزنگ کے بغیر زیر آب گزارے گئے وقت کا ورلڈ ریکارڈ اپنے 74 ویں دن ہی توڑ چکے تھے تاہم 100 دن مکمل ہونے تک انہوں نے زیر آب اپنا قیام جاری رکھا فلوریڈا کے’جولیس انڈر سی لاج‘ میں ڈی پریشرائزنگ کے بغیر30 فٹ گہرائی میں موجود شیشےاورلوہے سے بنے ’لارگو لگون‘ میں قیام پذیر رہے تھے۔

    پروفیسر ڈیٹوری کا کہنا تھا کہ ان کا مقصد کوئی ریکارڈ قائم کرنا نہیں تھابلکہ وہ میرین ریسورسز فاؤنڈیشن کےطویل مدتی ریسرچ منصوبے ’پراجیکٹ نیپچون 100‘ کے تحت میرین سائنس کے حوالے سے تحقیق کرنے کیلئے زیر آب گئے تھے۔

    نمک کا زیادہ استعمال ذہنی بیماریوں کا سبب بن سکتا ہے،تحقیق

    انہوں نے کہا کہ وہ ’پراجیکٹ نیپچون 100‘ کےتحت سب میرین کی طرح ٹیکنالوجی کی مدد سے اندر کے پریشر کو بحال کرنے کے بجائے زیر آب دباؤ کے تحت سخت ترین ماحول اور قید تنہائی کے انسانی ذہن اور جسم پر مرتب ہونے والے اثرات سے متعلق تحقیق کر رہے تھے۔

    امریکی پروفیسر نے بتایا کہ پریشر میں رہنے سے ہماری ذہنی صحت متاثر ہوتی ہے اور دماغ پر ایک تناؤ پڑتا ہے جبکہ پریشر کی وجہ سے جسم کے مختلف حصے دُکھنے لکتے ہیں اور سورج کی کمی کے باعث جسم میں وٹامن ڈی کی کمی ہوجاتی ہے جس کی وجہ سے ہڈیوں اور پٹھوں میں تکلیف ہوتی ہے اور اس کے ساتھ نیند جیسی نعمت میں بھی خلل آتا ہے۔

    موسمِ گرما میں آرکٹک برف کے بغیر ہوگا،ماہرین

  • موسمِ گرما میں آرکٹک برف کے بغیر ہوگا،ماہرین

    موسمِ گرما میں آرکٹک برف کے بغیر ہوگا،ماہرین

    سول: سائنس دانوں نے خبردار کیا ہے کہ آرکٹک پر موجود برف اندازہ لگائے گئے وقت سے 10 سال پہلے ہی مکمل طور پر پگھل سکتی ہے۔

    باغی ٹی وی: جرنل نیچر کمیونیکیشنز میں شائع ہونے والی تحقیق میں بتایا گیا ہے کہ آئندہ آنےوالی دہائیوں میں ستمبر کے مہینے سے شروع ہونے والے موسمِ گرما میں آرکٹک سمندر کی برف مکمل طور پرپگھل سکتی ہےاگر دنیا آج سے ہی زمین کو گرم کرنے والی آلودگی کو بڑے پیمانے پر کم کرنا شروع کر دے، تو یہ وقت 2050 کی دہائی تک جا سکتا ہے۔

    روس اور ایران کی فوجی شراکت داری گہری ہوتی جا رہی ہے،امریکا

    محققین نے 1979 سے 2019 تک اس خطے میں برف میں آنے والی تبدیلی کا جائزہ لیا اور مختلف سیٹلائیٹ ڈیٹا اور کلائیمٹ ماڈلز کا موازنہ کیاتاکہ آرکٹک سمندر کی برف میں آنےوالی تبدیلی کا معائنہ کیا جائزے میں ان کو معلوم ہوا کہ سمندری برف کےکم ہونےکی بڑی وجہ انسانی سرگرمیاں ہیں جبکہ ماضی کے ماڈلز نے برف کے پگھلنے کا درست اندازہ نہیں لگایا تھا۔

    ماہرین نے طویل عرصے سے 2050 تک آرکٹک کی برف کے تیرنے کے کم از کم ،کم سےکم سطح تک کم ہونےکاخدشہ ظاہر کیا ہے، جس کا خطرہ زیادہ ہے کیونکہ انسان زیادہ گرین ہاؤس گیسیں خارج کرتے ہیں۔ نئی تحقیق اگرچہ، یہ بتاتی ہے کہ کافی کم اخراج والے منظر نامے میں بھی جو کرہ ارض کی گرمی کو 2 ڈگری سیلسیس سے کم رکھتا ہے، 2050 کی دہائی میں موسم گرما میں آرکٹک سمندری برف کے بغیر باقاعدہ سال ہو سکتے ہیں۔

    ایمازون کے جنگلات میں طیارہ حادثہ،4 بچے معجزاتی طور پر 40 دنوں بعد زندہ مل …

    اخراج کی سطح بڑھنے کے ساتھ ہی یہ رجحان بدتر ہو جاتا ہے۔ اس تحقیق میں کہا گیا ہے کہ بدترین صورت حال میں، اس بات کا امکان ہے کہ آرکٹک میں 2030 کی دہائی کے ساتھ ہی ستمبر میں برف نہ ہو، پچھلی تحقیق سے ایک دہائی پہلے اشارہ کیا گیا تھا۔

    جنوبی کوریا کی پوہینگ یونیورسٹی کے پروفیسر اور تحقیق کے سربراہ مصنف سی انگ-کی مِن کے مطابق سائنس دان یہ جان کر حیران تھے کہ موسمِ گرما میں آرکٹک برف کے بغیر ہوگا باوجود اس کے کہ (کاربن) اخراج میں کمی کے لیے کتنی ہی کوشش کر لی جائے۔

    آرکٹک کی برف موسمِ سرما میں بڑھتی ہے اور پھر موسمِ گرما میں پگھل جاتی ہے اور یہ سائیکل دوبارہ شروع ہونے سے پہلے ستمبر میں اپنی کم ترین سطح پر پہنچ جاتی ہے۔

    پچاس کلو چاندی لوٹنے کے واقعہ میں پولیس ہی ملوث نکلی

    سی انگ-کی مِن کا کہنا تھا کہ ایک بار آرکٹک کی برف موسمِ گرما میں مکمل طور پر پگھل جائے، سمندری برف کا سردی کے موسم میں دوبارہ بڑھنا مزید سست ہوجائے گا۔ جتنی زیادہ گرمی بڑھے گی، یہ خطہ اتنا زیادہ موسمِ سرما میں بغیر برف کے رہے گا۔

  • ترکیہ :راکٹ اور بارودی مواد بنانے والی فیکٹری میں دھماکہ،5 افراد ہلاک

    ترکیہ :راکٹ اور بارودی مواد بنانے والی فیکٹری میں دھماکہ،5 افراد ہلاک

    ترکیہ میں راکٹ اور بارودی مواد بنانے والی فیکٹری میں دھماکے کے نتیجے میں 5 افراد ہلاک ہو گئے۔

    باغی ٹی وی: ترک میڈیا رپورٹس کے مطابق ترکیہ کے دارالخلافہ انقرہ سے 40 کلومیٹر کے مفاصلے پر قائم فیکٹری ’مکینیکل اینڈ کیمیکل انڈسٹری‘ (ایم کے ای) میں زوردار دھماکے سے کئی افراد زخمی جبکہ قریبی عمارتوں کے شیشے بھی ٹوٹ گئے-

    جوبائیڈن انتظامیہ شیطانی کھیل، کھیل رہی ہے،ڈونلڈ ٹرمپ کا اپنےخلاف فرد جرم پرردعمل

    ایک اہلکار کا کہنا ہے کہ ترکی میں راکٹ اور بارودی مواد کے پلانٹ میں ہونے والے دھماکے کے نتیجے میں ایک عمارت گر گئی، جس کے نتیجے میں اندر موجود پانچوں کارکن ہلاک ہو گئے،خیال کیا جاتا ہے کہ دھماکہ بارود کی تیاری کے دوران کیمیائی عمل کی وجہ سے ہوا۔

    ترک محکمہ دفاع کے مطابق دھماکہ فیکٹری کے ڈائنامائٹ ڈپارٹمنٹ میں پیش آنے والے ایک واقعے کے سبب ہوا ہے محکمہ دفاع کے حکام کی جانب سے فیکٹری کے اندر دھماکے کی سی سی ٹی وی فوٹیج کا جائزہ لیا گیا جس میں کوئی بھی غیرمعمولی بات نظر نہیں آئی۔

    جو بائیڈن نے یو کرینی کمپنی سے بطور رشوت خطیر رقم وصول کی،امریکی میڈیا

    انہوں نے کہا کہ فوٹیجز میں دیکھا جا سکتا ہے کہ فیکٹری میں ہمارے ورکرز نارمل انداز میں اپنا کام کر رہے ہیں کہ اچانک دھماکہ ہو جاتا ہےعدالتی اور انتظامی سطح پر واقعے کی تحقیقات شروع کر دی گئی ہے جبکہ صدر کو بھی واقعے سے متعلق آگاہی دے دی گئی ہے۔

    ترک میڈیا کے مطابق صدر رجب طیب اردوان کی جانب سے بھی واقعے پر اظہار افسوس کرتے ہوئے ہلاک ہونے والے افراد کے اہل خانہ کے ساتھ اظہار افسوس کیا گیا ہے۔

    سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری

  • میران شاہ:سیکیورٹی فورسز اور دہشتگردوں کے درمیان فائرنگ،3 دہشتگرد ہلاک 4 زخمی،3 اہلکار شہید

    میران شاہ:سیکیورٹی فورسز اور دہشتگردوں کے درمیان فائرنگ،3 دہشتگرد ہلاک 4 زخمی،3 اہلکار شہید

    شمالی وزیرستان کے علاقے میران شاہ میں سیکیورٹی فورسز اور دہشتگردوں کے درمیان ہونے والی جھڑپ کے دوران 3 دہشتگرد ہلاک اور 4 زخمی ہوئے ہیں جبکہ 3 سیکیورٹی اہلکار بھی شہید ہوئے ہیں-

    باغی ٹی وی: پاک فوج کے شعبہ تعلقات عامہ (آئی ایس پی آر) کے مطابق فائرنگ کے تبادلے میں تین سیکیورٹی اہلکار بھی شہید ہوئے ہیں شہدا میں 40 سالہ صوبیدار اصغر علی، 26 سالہ سپاہی نسیم اور 22 سالہ سپاہی محمد زمان شامل ہیں تینوں شہداء کا تعلق فرنٹئیر کور سے تھا۔

    جوبائیڈن انتظامیہ شیطانی کھیل، کھیل رہی ہے،ڈونلڈ ٹرمپ کا اپنےخلاف فرد جرم پرردعمل

    آئی ایس پی آر کے مطابق ہلاک دہشتگردوں سے اسلحہ اور گولہ بارود برآمد ہوا ہے دہشت گردوں کے خاتمے کیلئےعلاقے میں آپریشن جاری ہے، پاکستان کی مسلح افواج دہشت گردی کی لعنت کو ختم کرنے کے لیے پرعزم ہیں بہادر سپاہیوں کی قربانیاں ہمارے عزم کو مزید مضبوط کرتی ہیں۔

    کئی قومی اور بین الاقوامی پروازوں کے رخ تبدیل،متعدد تاخیر کا شکار

  • گرین لائن ایکسپریس کا انجن پٹری سے اتر گیا

    گرین لائن ایکسپریس کا انجن پٹری سے اتر گیا

    سندھ : گھوٹکی ریلوے اسٹیشن پر گرین لائن ایکسپریس کا انجن پٹری سے اتر گیا،انجن ٹریک سے اترنے کے باعث پنجاب جانے والی مسافر ٹرینوں کو روک دیا گیا۔

    باغی ٹی وی: ریلوے حکام کے مطابق گرین لائن ایکسپریس اور فرید ایکسپریس حادثے سے محفوظ رہیں گرین لائن ایکسپریس کا انجن لوپ لائن پر کھڑی فرید ایکسپریس کو کراس کرتے ہوئے پٹری سے اترا۔

    پرویزالٰہی اسپتال سے ڈسچارج ہونے کے بعد واپس جیل منتقل

    ریلوے حکام کے مطابق گرین لائن ایکسپریس کراچی سے راولپنڈی جا رہی تھی واقعے کے بعد کراچی سے راولپنڈی جانے والی خیبر میل کو پنو عاقل ریلوے اسٹیشن پر روک لیا گیا ہے سکھر سے ریلیف ٹرین طلب کر لی گئی ہے اور اپ ٹریک کو جلد بحال کر دیا جائے گا-

    جوبائیڈن انتظامیہ شیطانی کھیل، کھیل رہی ہے،ڈونلڈ ٹرمپ کا اپنےخلاف فرد جرم پرردعمل

    ریلوے حکام کا کہنا ہے کہ گرین لائن ایکسپریس ٹرین کا انجن پٹری سے اترنے کے باعث اپ ٹریک پر ٹرینوں کی آمد و رفت معطل ہے۔