کراچی: صوبائی وزیر شرجیل میمن کا کہنا ہے کہ پی ٹی آئی چیئرمین عمران خان نے عالمی سطح پر پاکستان کی عزت کومجروح کیا-
باغی ٹی وی : کراچی میں پریس کانفرنس کرتے ہوئے سندھ کے صوبائی وزیر اور پیپلزپارٹی کے رہنما شرجیل میمن کا کہنا تھا کہ بلاول بھٹو آج 3 دن کے دورے پر کشمیرجا رہے ہیں، ان کا ہر بیرونی ملک دورہ کامیاب رہا، انہوں ہر فورم پر کشمیر کا مقدمہ لڑا، ہم کشمیر کے معاملے پر کوئی سمجھوتا نہیں کریں گے کشمیر کی حیثیت عمران خان کے دور میں تبدیل کی گئی-
انٹرنیٹ سروس چیٹ بوٹ نے نئی ایپ متعارف کر ادی
شرجیل میمن نے کہا کہ پی ٹی آئی چیئرمین نے کشمیر پر بہت کوتاہیاں کیں، اور اس کم عقل نے مودی کی کامیابی کی دعا کی، نے پاکستان کاز کو بھی نقصان پہنچایا، اس نے عالمی سطح پر پاکستان کی عزت کومجروح کیا، اور ملکی اداروں پر تنقید کی، آج تک کسی بھی حکمران نے اس طرح اپنے اداروں پر تنقید نہیں کی۔
صوبائی وزیر نے کہا کہ عوام سے کہتا ہوں کہ خدا کے واسطے اپنی آنکھیں کھولیں، لیڈر کامطلب ہے کہ وہ قوم کو صحیح اور غلط کا بتائے اور قوم کو درست سمت میں لے کر جائے، عمران خان صرف اپنے اقتدار کیلئے قوم سے جھوٹ بولتے ہیں، عمران خان نے سائفر کا ڈرامہ رچایا –
مصراور سعودی عرب نے بھی جی20 کانفرنس کا بائیکاٹ کردیا
انہوں نے کہا کہ ہم سیاسی لوگ ہیں کسی کوجیل میں دیکھ کرخوشی نہیں ہوتی، سیاست میں اختلاف رائے ہوتا ہے، دشمنی نہیں ہوتی، ایک ملک میں بسنے والےسب ایک قوم ہیں، لیکن عمران خان نے قوم اور اداروں کو لڑانے کی کوشش کی، اور ذہنوں میں نفرت کی آگ بھڑکائی، اور تمام تر ریڈ لائنز کراس کر دیں عمران خان کو القادر ٹرسٹ کیس میں کوئی بھی نہیں بچاسکتا-
شرجیل میمن کا کہنا تھا کہ ملک اس وقت معاشی دباؤمیں ہے، عمران خان نے ملک کو اس نہج پر پہنچایا، ہمارا یہ سال بھی افراتفری میں گزرگیا، پاکستان پیپلز پارٹی آڈیو اور ویڈیو لیکس کے خلاف ہے، سیاستدان جیل سے نہیں ڈرتا، ہم نے باہر سے آکر گرفتاری دی۔
