Baaghi TV

Author: Ayesha Rehmani

  • اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب

    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب

    وفاقی وزیر اطلاعات مریم اورنگزیب نے پاکستانی اداکاراؤں کی کردار کشی کی مہم کی مذمت کرتے ہوئے وفاقی تحقیقاتی ادارے (ایف آئی اے) سے قانونی کارروائی کا مطالبہ کردیا۔

    باغی ٹی وی: وفاقی وزیرِ اطلاعات مریم اورنگزیب نے پاکستانی اداکاراؤں کی کردار کشی کے معاملے پر بات کرتے ہوئے کہا ہے کہ صرف اپنی ماؤں بہنوں کی عزت کی فکر اور باقی خواتین کی عزت نہ کرنے والے ذہنی بیمار ہیں۔

    وفاقی وزیر نے کہا کہ اختلاف رائے کرنے والوں کو گالیاں دینا، ماؤں بہنوں بیٹیوں کی عزت نہ کرنا، گھروں پر حملے کرنا "گھریلو تربیت” کی علامات ہوتی ہیں، فنکار ملک کا اثاثہ اور پاکستان کی پہچان ہیں، بیمار ذہن ہی ان پر حملے کرتے ہیں۔

    مریم اورنگزیب نے کہا کہ عورتوں کی محنت، جدوجہد اور صلاحیتوں کا اعتراف اور احترام کرنے کے بجائے گند اچھالنا شرم ناک ہے، ایسی بے ہودگی خواتین کی کامیابیوں کا سفر نہیں روک سکتی۔

    حال ہی میں میجر (ر) عادل راجا عادل راجا نے سوشل میڈیا پر جاری وی لاگ میں پاکستان کی ٹاپ ماڈلز اور اداکاراؤں پر سنگین الزامات عائد کیے تھےاور ذرائع کے حوالے سے دعویٰ کیا تھا کہ ایک ادارے کے پاس ان ماڈلز اور اداکاراؤں کی نازیبا ویڈیوز بھی موجود ہیں۔

    عادل راجا نے اپنے وی لاگ میں اداکاراؤں کا نام لینے کے بجائے ان کے ناموں کے ابتدائی حروف بتائے تھے جن میں M H. – M K. – A K- S A شامل تھے۔

    بعد ازاں پاکستانی اداکاراؤں کی جانب سے میجر (ر) عادل راجا کے الزامات پر شدید ردعمل کا اظہار دیکھنے میں آیا تھا-

  • صومالیہ : دو مختلف کاربم دھماکوں میں 35 افراد ہلاک، 40 سے زائد زخمی

    صومالیہ : دو مختلف کاربم دھماکوں میں 35 افراد ہلاک، 40 سے زائد زخمی

    صومالیہ کے شہر مہاس میں دو کار بم دھماکوں میں ایک ہی خاندان کے 8 افراد سمیت 35 افراد ہلاک جبکہ 40 سے زائد زخمی ہو گئے۔

    باغی‌ٹی وی: غیر ملکی میڈیا کے مطابق مہاس پولیس چیف کا کہنا ہے کہ بم دھماکوں میں ہلاک ہونے والوں میں اکثریت عام شہریوں کی ہے جبکہ ہلاک شدگان میں عورتیں اور بچے بھی شامل ہیں۔

    نو افراد پر مشتمل خاندان میں سے صرف ایک بچہ زندہ بچا۔ دیگر خاندانوں نے بھی اپنے آدھے افراد کو کھو دیا۔ دو خودکش کار بم دھماکوں نے بہت سے شہریوں کے گھروں کو جلا کر راکھ کر دیا۔

    پولیس چیف کے مطابق ایک کار بم دھماکہ ان کے گھر کے باہر انہیں نشانہ بنانے کیلئے کیا گیا تھا جبکہ دوسرا دھماکہ وفاقی قانون ساز اسمبلی کے رکن کے گھر کے باہر کیا گیا۔

    منہاس کے پولیس چیف کا کہنا تھا کہ مرکزی صومالیہ کے شہر مہاس میں ہونے والے دھماکے القائدہ سے منسلک دہشتگرد گروہ الشباب کی جانب سے کیے گئے ہیں۔

    الشباب کے میڈیا آفس نے ایک بیان میں ذمہ داری قبول کرتے ہوئے کہا کہ اس نے "مرتد ملیشیا اور فوجیوں” کو نشانہ بنایا اور مرنے والوں کی تعداد 87 بتائی۔

    الشباب اکثر مقامی حکام اور رہائشیوں سے زیادہ ہلاکتوں کے اعداد و شمار دیتا ہے۔

    الشباب 2007 سے صومالیہ کی حکومت کے خلاف بغاوت کر رہا ہے ، گزشتہ سال حکومتی فورسز اور مکاویسلی کے نام سے جانے جانے والی اتحادی قبائلی ملیشیاؤں نے اسے ہیران سے باہر دھکیل دیا گیا تھا، اس علاقے میں جہاں مہاس واقع ہے

    فوجیوں اور ملیشیاؤں کو ان کے حملے کے دوران ریاستہائے متحدہ اور افریقی یونین کے فوجیوں کی حمایت حاصل رہی ہے۔

    صدر حسن شیخ محمد کی حکومت کا کہنا ہے کہ کارروائیوں میں الشباب کے سینکڑوں جنگجو مارے گئے ہیں اور درجنوں بستیوں پر دوبارہ قبضہ کر لیا گیا ہے، حالانکہ میدان جنگ کے بہت سے دعووں کی آزادانہ طور پر تصدیق نہیں ہو سکتی۔

    جارحانہ کارروائیوں کے باوجود، الشباب نے حالیہ مہینوں میں متواتر حملے کیے ہیں، جن میں دارالحکومت موغادیشو میں کئی سرکاری تنصیبات اور ہوٹل بھی شامل ہیں۔

  • ناسا کے پہلے مشن اپالو7 کے آخری خلاباز انتقال کر گئے

    ناسا کے پہلے مشن اپالو7 کے آخری خلاباز انتقال کر گئے

    خلا سے براہ راست ٹی وی نشر کرنے والے ناسا کے پہلے مشن کے آخری زندہ بچ جانے والے امریکی خلاباز والٹر کننگھم 90 سال کی عمر میں انتقال کر گئے۔

    باغی ٹی وی: بی بی سی کے مطابق ناسا سے تعلق رکھنے والے امریکی خلا باز والٹر کننگھم اپالو پروگرام 7 کا حصہ تھے جنہوں نے 1968 میں خلا میں 11 دن کا کامیاب مشن کیا اور انہیں خلا سے ٹی وی پر براہ راست نشریات پر ایمی ایوارڈز سے بھی نوازا گیا۔

    والٹر کننگھم نے ایک سال سے بھی کم عرصے میں اپالو 11 کے چاند پر اترنے کی راہ ہموار کی، ناسا نے کننگھم کی موت کی تصدیق کی، اور کہا کہ والٹر نے ہمارے چاند پر اترنے کے کامیاب پروگرام میں اہم کردار ادا کیا ہے دنیا نے ایک اور حقیقی ہیرو کو کھو دیا ہے، اور ہم اسے بہت یاد کریں گے۔

    فیملی کی جانب سے کہا گیا ہے کہ وہ اسپتال میں طبعی موت مرے ہیں ہم اس زندگی پر اپنے بے پناہ فخر کا اظہار کرنا چاہیں گے جو اس نے گزاری، وہ ایک محب وطن، ایک ایکسپلورر، پائلٹ، خلاباز، شوہر، بھائی اور باپ تھا-

    کننگھم کرسٹن، آئیووا میں پیدا ہوئے تھے اور انہوں نے لاس اینجلس میں یونیورسٹی آف کیلیفورنیا سے طبیعیات میں ماسٹرز کی ڈگری حاصل کی۔ اس وقت ایک سویلین کے طور پر کام کرتے ہوئے، وہ اپالو پروگرام میں پہلی انسان بردار خلائی پرواز کے لیے چنے گئے تین خلابازوں میں سے ایک تھے۔

    اپالو 7 کے قمری ماڈیول پائلٹ کے طور پر، ان کے ساتھ بحریہ کے کیپٹن والٹر شررا اور فضائیہ کے میجر ڈون ایزیل تھے وہ اس سے قبل امریکی بحریہ اور میرینز میں خدمات انجام دے چکے ہیں اور کرنل کے عہدے پر ریٹائر ہو کر کوریا کے اوپر لڑاکا طیارے میں 54 مشن اڑ چکے ہیں۔

    1971 میں ناسا سے ریٹائر ہونے کے بعد، وہ پبلک اسپیکر اور ریڈیو ہوسٹ بن گئے۔ سائنس دانوں کے اس اتفاق کے باوجود کہ انسانوں نے زمین پر گرم اوسط درجہ حرارت میں حصہ ڈالا ہے، اس کے باوجود وہ انسانوں کی وجہ سے ہونے والی موسمیاتی تبدیلی کا واضح طور پر انکار کرتے تھے-

    1999 میں ناسا کے لیے ایک انٹرویو میں، انھوں نے ایک خلاباز کے طور پر اپنے دور کے دوران اپنی ذہنیت کو بیان کیا انہوں نے کہا کہ میں ان لوگوں میں سے ہوں جنہوں نے کبھی پیچھے مڑ کر نہیں دیکھا مجھے صرف اتنا یاد ہے کہ میں اپنی ناک کو گرائنڈ اسٹون پر رکھنا اور اپنی پوری کوشش کرنا چاہتا ہوں جیسا کہ میں کر سکتا تھا – مجھے اس وقت احساس نہیں تھا، لیکن اس کی وجہ یہ تھی کہ میں ہمیشہ اگلے مرحلے کے لیے بہتر طور پر تیار رہنا چاہتا تھا، میں ہمیشہ مستقبل کی طرف دیکھتا رہا ہوں۔ میں ماضی میں نہیں رہتا۔

    واضح رہے کہ اپالو 7 ناسا کے پروگرام میں پہلے انسانی عملے کی خلائی پرواز تھی، جس کی قیادت خلاباز والٹر ایم شررا نے کی جبکہ عملے میں کمانڈ ماڈیول کے پائلٹ ڈون ایف ایزیل اور قمری ماڈیول کے پائلٹ آر والٹر کننگھم شامل تھے۔

  • گنگا رام اسپتال کے ہاسٹل میں خاتون ڈاکٹر کے ساتھ مبینہ زیادتی کی کوشش

    گنگا رام اسپتال کے ہاسٹل میں خاتون ڈاکٹر کے ساتھ مبینہ زیادتی کی کوشش

    لاہور : پنجاب کے صوبائی دارالحکومت لاہور میں گنگا رام اسپتال کے ہاسٹل میں خاتون ڈاکٹر کے ساتھ مبینہ زیادتی کی کوشش کی گئی۔

    باغی ٹی وی : لاہور میں خواتین کے ساتھ زیادتی اور ہراساں کرنے کے واقعات میں کمی نہ آ سکی،گنگا رام اسپتال کے ہاسٹل میں خاتون ڈاکٹر کے ساتھ مبینہ زیادتی کی کوشش کی گئی-

    طالبہ کو ہراساں کرنے ، ویڈیو سوشل میڈیا پر اپلوڈ کرنیوالے 2 ملزمان گرفتار

    لاہور پولیس کے مطابق خاتون ڈاکٹر نے واقعےکا مقدمہ تھانہ سول لائنزمیں درج کرایا ہے مقدمےکی ایف آئی آر کے مطابق نامعلوم لڑکے نے دروازے پر دستک دی، دروازہ کھولا تو لڑکا کمرے میں گھس آیا اور زیادتی کی کوشش کی۔

    ایف آئی آر کے مطابق خاتون نے مؤقف اپنایا ہےکہ لڑکے کو دھکا دے کر بالکونی کے راستے دوسرے کمرے میں جاکر جان بچائی، نامعلوم لڑکے نے جان سے مارنے کی دھمکیاں بھی دیں۔

    ڈکیتی کی 400 سے زائد وارداتوں میں ملوث ملزم گرفتار

    دوسری جانب پولیس نے طالبہ کو ہراساں کرنے اور ویڈیو سوشل میڈیا پر اپلوڈ کرنیوالے 2 ملزمان گرفتار کر لئے، پولیس حکام کے مطابق سوشل میڈیا پر ویڈیو منظرعام آنے پر ملزمان کو فوری گرفتار کیا گیا، ملزمان نے گلی میں گزرتی ہوئی طالبہ کی ویڈیو بنا کر سوشل میڈیا پر اپلوڈ کی تھی تھانہ اچھرہ اور وحدت کالونی پولیس نے دونوں ملزمان کو گرفتار کیا ملزمان کے خلاف مقدمہ درج کر لیا گیا-

    لاہور: پولیس مقابلے میں ایک ڈاکو ہلاک

  • پی ایس ایل 8 کی افتتاحی تقریب کب ہو گی؟ تاریخ سامنے آ گئی

    پی ایس ایل 8 کی افتتاحی تقریب کب ہو گی؟ تاریخ سامنے آ گئی

    پاکستان سپر لیگ (پی ایس ایل) کے آٹھویں ایڈیشن کی افتتاحی تقریب کی تاریخ سامنے آگئی۔

    باغی ٹی وی : ذرائع کے مطابق پاکستان سپر لیگ (پی ایس ایل) کے آٹھویں ایڈیشن کی افتتاحی تقریب اور پہلا میچ 13 فروری کو ملتان میں کھیلا جائے گا میگا ایونٹ کے افتتاحی میچ میں ملتان سلطانز اور دفاعی چیمپیئن لاہور قلندرز کے درمیان کھیلا جائے گا۔

    رمیز راجہ کا پی سی بی دفتر میں رہ جانے والی ذاتی اشیا وصول کرنے سے انکار

    ٹورنامنٹ 13 فروری سے 19 مارچ تک منعقد ہوگا جبکہ میچز کی میزبانی کراچی، ملتان، لاہور اور راولپنڈی اسٹیڈیم کریں گے۔

    مجوزہ شیڈول درج ذیل ہے:

    پریکٹس سیشن۔ 9، 10، 11 اور 12 فروری کو ہوگا ، پہلا میچ: ملتان 13 فروری، دوسرا میچ: کراچی 14 فروری، تیسرا میچ: ملتان 15 فروری، چوتھا میچ: کراچی 16 فروری، پانچواں میچ: ملتان 17 فروری، چھٹا میچ: کراچی 18 فروری، ساتواں میچ: کراچی 19 فروری، آٹھواں میچ: ملتان 19 فروری، نواں میچ: کراچی 20 فروری، دسواں میچ: کراچی میں 21 فروری کو ہو گا-

    کراچی ٹیسٹ؛ 295 رنز کے خسارے کے ساتھ پاکستان کی اننگز جاری

    سیزن کا گیارہواں میچ: ملتان 22 فروری، 12 واں میچ: کراچی 23 فروری، 13 واں میچ: کراچی 24 فروری، 25 فروری وقفہ، 14 واں میچ: کراچی 26 فروری، 16 واں میچ: لاہور 26 فروری، 17 واں میچ: لاہور 27 فروری، 18 واں میچ: راولپنڈی 01 مارچ، 19 واں میچ: لاہور 01 مارچ اور 20 واں میچ: راولپنڈی میں 03 مارچ کو ہو گا-

    جبکہ 21 واں میچ: لاہور 04 مارچ، 22 واں میچ: راولپنڈی 05 مارچ، 23 واں میچ: راولپنڈی 06 مارچ، 24 واں میچ: راولپنڈی 07 مارچ، 25 واں میچ: راولپنڈی 07 مارچ، 26 واں میچ راولپنڈی 08 مارچ، 27 واں میچ: راولپنڈی 09 مارچ، 28 واں میچ: راولپنڈی 10 مارچ، 29 واں میچ: راولپنڈی 11 مارچ، 30 واں میچ: لاہور میں 12 مارچ کو ہو گا-

    سیزن کا پلے آف لاہور میں 15 مارچ اور فائنل لاہور میں 19 مارچ کو ہو گا-

    شان مسعود رواں ماہ رشتہ ازدواج میں منسلک ہو ں گے،ولیمہ کب اور کہاں ہوگا؟

  • پی ٹی آئی کےسابق رہنمانےعمران خان کےصادق و امین ہونےکا پول کھول دیا

    پی ٹی آئی کےسابق رہنمانےعمران خان کےصادق و امین ہونےکا پول کھول دیا

    پی ٹی آئی چئیرمین اور سابق وزیر اعظم عمران خان اور وزیراعلٰی خیبرپختونخوا کے سابق کوآرڈینیٹر جاوید بدر خان نے عمران خان کے صادق اور امین ہونے کا پول کھول دیا-

    باغی ٹی وی : سماجی رابطے کی ویب سائٹ ٹوئٹر پر جاری اپنے ویڈیو پیغام میں جاوید بدر خان نے کہا کہ شاہزایب خانزادہ کے ساتھ عون چوہدری کا انٹرویو دیکھا جس میں وہ بتا رہے تھے کہ جہانگیر ترین کو عمران خان کے کہنے پر نااہل کیا گیا یہ تو بچے بچے کو پتا ہے کہ یہ کس کے کہنے پر کیا گیا اور چیزیں کیسے ترتیب بی گئیں یہ ہمارے لئے یا کسی کے لئے بھی کوئی نئی چیز نہیں تھی-

    پی ٹی آئی رہنما جاوید بدر نے جہانگیر ترین کی حمایت کا اعلان کردیا

    انہوں نے کہا کہ وہ آج سب کو بریکنگ نیوز دیں گے وہ چیزیں جو کچھ لوگوں کو پتہ ہے لیکن ان لوگوں کے نام نہیں لیں گے جاوید بدر نے کہا کہ عمران کان کو جس عدالت نےصادق اور امین کا لقب دیا عمران خان کے ڈاکیو منٹس جمع کرائے گئے صادق اور امین کے لئے عدالت جو بھی ہو وہ بغیر کاغذات کے کسی کیلئے کوئی فیصلہ نہیں دے سکتی اس کئلئے کچھ نا کچھ تو چاہیئے ہوتا چاہے وہ دوطرفہ ہو عدالت کو کچھ نہ کچھ تو چاہیئے ہوتا فیصلہ دینے کیلئے-


    انہوں نے مزید کہا کہ جو عمران خان نے صادق اور امین ہونے کیلئے کاغذات جمع کرائے تھے جوان کے منی ٹرائل کرکٹ کے پیسے اور جو کاؤنٹی کا پیسا تھا سارا وہ مکمل طور پر سارا فیک ہے وہ تمام کاغذات جھوٹے ہیں آن ان کاغذات کو ویریفائی کریں –

    پی ٹی آئی رہنما جاوید بدر نے لگایا وزیراعظم پر سنگین الزام

    جاوید بدر نے کہا کہ میں پوری پاکستانی قوم ،عدالتوں اور ساری پارٹیز کو کہتا ہوں کہ اس کو چیلنج کریں دیکھیں وہ مکمل طور پر تمام کاغذات جن کا میں گواہ ہوں وہ جھوٹ ہیں ان کے کوئی ٹرائلز کوئی پیچھے ان کا ریکارڈ نہیں ہے پیسوں کی کوئی کسی قسم کی سچائی نہیں ہے آپ اس کو دیکھیں ان کا وہ سارا جھوٹ ان کا وہ ان کا ایک بنایا ہوا ڈرامہ وہ آپ کے سامنے آ جائے گا –

    انہوں نے کہا کہ اگر کسی بھی سپریم کورٹ کے کسی بھی وکیل کو میرے نام کے اوپر پٹیشن دائر کرنی ہے تو میں بالکل حاظر ہوں وہ کر سکتے ہیں میں اتھارٹی دیتا ہوں وہ میرے سے رابطہ کریں اور جتنے انہوں نے کاغذات جمع کرائے تھے ان کی ویریفکیشن کیلئے پٹیشن دائر کریں-

    قبل ایں جاوید بدر خان نھے عمران خان پر سنگین الزام لگاتے ہوئے کہا تھا کہ پی ٹی آئی حکومت کا احتسابی نعرہ کھوکھلا نکلا جاوید بدر کا کہنا تھا کہ ایف آئی اے حکام نے کرکٹ بورڈ کے خلاف کرپشن کیس میں انکوائری کرنے سے انکار کر دیا،مجھے پہلے ایک سال نیب میں لگا اور اب ایف آئی اے میں ایک سال ہوگیا ہے،119 ارب کرپشن کے ثبوت ایف آئی اے جمع کروا چُکا ہوں ،واجد ضیا تو حکومتی مُلازم ہیں ریاستی نہیں ،اُن کو وزیراعظم ہاؤس سے جو آرڈر آتا ہے وہ صرف اُس پر کام کرتے ہیں

    جاوید بدر کا مزید کہنا تھا کہ ایف آئی اے اہلکار نے انکشاف کیا ڈی جی کی طرف سے انکوائری نہ کرنے کا بولا گیا ہے ،میرا کیس تقریبا منطقی انجام تک پُہنچ چُکا تھا کہ انکوائری روک دی گئی ایف آئی اے ٹیم کرکٹ بورڈ کے دفتر چھاپے کے لئے تیار تھی لیکن حکومتی شہر سے حُکم آنے پر ڈی جی نے تفشیش رکوا دی

    دہشتگردی کے خلاف دفاع کرنا پاکستان کا حق ہے،افغان طالبان اپنے وعدوں کو پورا…

  • یورپی یونین کے لیے پہلی سعودی خاتون سفیر مقرر

    یورپی یونین کے لیے پہلی سعودی خاتون سفیر مقرر

    سعودی عرب میں حیفہ الجیدی کو پہلی خاتون سفیر برائے یورپی یونین تعینات کر دیا گیا ہے۔

    باغی ٹی وی : حیفہ الجیدی کو یورپی یونین کے لیے سعودی عرب کے سفیر کے ساتھ ایٹمی توانائی کی یورپین سوسائٹی میں سعودی سفارتی مشن کا سربراہ تعینات کیا گیا ہے، حیفہ الجیدی نے فرمانروا شاہ سلمان بن عبدالعزیز کے سامنے حلف اٹھایا۔

    ایران میں خواتین کیلئے گاڑیوں میں سر پر اسکارف لازمی پہننے کی وارننگ دوبارہ جاری

    حیفہ الجیدی نے کولمبیا یونیورسٹی سے مذاکرات اور تنازعات کے موضوع پر ماسٹرز کی ڈگری حاصل کر رکھی ہے، وہ بین الاقوامی تعلقات پر بھی ماسٹرز ڈگری رکھتی ہیں جبکہ سراکوس یونیورسٹی سے جرنلزم میں گریجویٹ بھی ہیں۔

    حیفہ الجیدی واشنگٹن میں سعودی سفارت خانے میں ہیڈ آف پبلک ڈپلومیسی کی حیثیت سے بھی فرائض نبھا چکی ہیں۔ انہوں نے نیویارک میں اقوام متحدہ میں کئی سال خدمات انجام دیں، جبکہ اس سے پہلے سعودی ریسرچ اینڈ میڈیا گروپ میں (ایس آر ایم جی تھنک) میں ڈائریکٹر جنرل کے عہدے پر کام کر رہی تھیں۔

    ایس آر ایم جی تھنک حال ہی میں قائم کیا گیا ایک میڈیا گروپ ہے تو تحقیق و تجزیے سے وابستہ امور کو دیکھتا ہے اس کا دائرہ کار بطور کاس مشرق وسطی اور شمالی افریقہ سے متعلق معاملات کو مختلف شعبوں کے حوالے سے دیکھنا اور ان کے بارے میں اپنے تجزیے سے آگاہ کرنا ہوتا ہے۔

    روس اور یوکرین کے درمیان جاری جنگ اور جرمنی کی معیشت

  • شان مسعود رواں ماہ رشتہ ازدواج میں منسلک ہو ں گے،ولیمہ کب اور کہاں ہوگا؟

    شان مسعود رواں ماہ رشتہ ازدواج میں منسلک ہو ں گے،ولیمہ کب اور کہاں ہوگا؟

    قومی کرکٹر اور پاکستان سُپر لیگ میں ملتان سلطانز کی نمائندگی کرنے والے شان مسعود رواں ماہ رشتہ ازدواج میں منسلک ہو جائیں گے۔

    باغی ٹی وی : 33 سالہ قومی کرکٹ ٹیم کے کھلاڑی نیوزی لینڈ سیریز کے بعد پشاور سے تعلق رکھنے والی میشے خان سے پشاور میں ہی 21 جنوری 2023 کو شادی کریں گے جبکہ ان کے ولیمے کی تقریب کراچی میں ہوگی۔

    کراچی ٹیسٹ؛ 295 رنز کے خسارے کے ساتھ پاکستان کی اننگز جاری

    کرکٹر کے ولیمے کا کارڈ بھی سامنے آچکا ہے جس کے مطابق ان کا ولیمہ 27 جنوری بروز جمعے کو ہوگا جس میں متعدد کرکٹرز سمیت معروف شخصیات کو مدعو کیا گیا ہے شان کے ولیمے کی تقریب رات 8 بجے شروع ہوگی۔

    واضح رہے کہ شان مسعود معروف بینکر منصور مسعود خان کے فرزند ہیں، شان مسعود 1989ء میں کویت میں پیدا ہوئے جہاں ان کے والد ایک بینک میں ملازمت کرتے تھےکویت پر عراقی یلغار اور خلیجی جنگ کے آغاز کے بعد ان کا خاندان اپنے آبائی ملک پاکستان واپس آ گیا۔

    رمیز راجہ کا پی سی بی دفتر میں رہ جانے والی ذاتی اشیا وصول کرنے سے انکار

    ان کے تایا وقار مسعود خان حکومت پاکستان میں سابق سیکریٹری فنانس رہ چکے ہیں، 3 بہن بھائیوں میں شان مسعود کا دوسرا نمبر ہے۔

  • لاہور: پولیس مقابلے میں ایک ڈاکو ہلاک

    لاہور: پولیس مقابلے میں ایک ڈاکو ہلاک

    لاہور: شفیق آباد کے علاقے میں پولیس مقابلے میں ایک ڈاکو ہلاک ہوگیا۔

    باغی ٹی وی : 2 ڈاکو آزادی فلائی اوور پر ڈکیتی کی واردات کر رہے تھے۔ اس دوران ان کا ڈولفن اور شفیق آباد پولیس سے آمنا سامنا ہو گیا۔ ڈاکوؤں نے پولیس کو دیکھتے ہی فائرنگ شروع کر دی ۔ جوابی فائرنگ میں ایک ڈاکو ہلاک جبکہ دوسرا فرار ہوگیا۔

    لاہور میں چوری اور ڈکیتی کی وارداتیں عروج پر پہنچ گئیں

    پولیس کی بھاری نفری جائے وقوعہ پہنچ گئی اور مینار پاکستان برج شہریوں کی آمد ورفت کے لئے بند کردیا گیا۔ داتا دربار سے شاہدرہ کی جانب جانے والے راستے کو بھی بند کردیا گیا
    ایس پی سٹی آپریشنز سرفراز ورک کے ہمراہ ایس پی ڈولفن توقیر نعیم بھی جائے وقوعہ پہنچ گئے۔

    ترجمان پولیس کے مطابق ہلاک ڈاکو کی شناخت سجاد علی کے نام سے ہوئی، جو ڈکیتی، چوری، غیر قانونی اسلحہ اور جھپٹا گینگ جیسے 23 مقدمات میں ریکارڈ یافتہ ہے۔

    اسلام آباد پولیس کی کامیاب کارروائی،اغوا برائے تاوان کے مجرم گرفتار،مغوی بھی بحفاظت رہا

    لاہور شہر میں چوریاں اور ڈکیتیاں عروج پر پہنچ گئیں ہیں قبل ازیں لاہور میں موبائل فون کی دکان توڑ کر 80 لاکھ روپے کے فون چرالیے گئے تھت، کورئیر ملازم کو لوٹ لیا گیا، 80 لاکھ روپے کی 29 بھینیس لے جانے والے چار ڈاکوؤں کو گرفتار کرلیا گیا تھا –

    دریں اثنا مسلم ٹاؤن انویسٹی گیشن پولیس نے چار ڈاکوؤں کو گرفتار کرلیا جن کے قبضے سے 80 لاکھ روپے مالیت کی 29 بھینسیں اور اسلحہ برآمد ہوا ہے۔پولیس کے مطابق گرفتار ملزمان میں عابد علی، کاشف، غلام مصطفی اور قاسم شامل ہیں، ملزمان نے پنجاب یونیورسٹی کی زرعی اراضی میں قائم ڈیرہ پر ڈکیتی کی واردات کی تھی۔

    عوام کی مدد سے پولیس نے کئے دو ڈکیت گرفتار

  • چائلڈ پورنوگرافی مواد شیئر کرنے میں ملوث ملزم گرفتار

    چائلڈ پورنوگرافی مواد شیئر کرنے میں ملوث ملزم گرفتار

    لاہور: ایف آئی اے سائبر کرائم سرکل لاہور نے کارروائی کرتے ہوئے چائلڈ پورنوگرافی مواد شیئر کرنے میں ملوث ملزم کو گرفتار کر لیا۔

    باغی ٹی وی : ترجمان ایف آئی اے کے مطابق ملزم قیصر عباس کو لاہور کے علاقے رانا ٹاون سے گرفتار کیا گیا اور اسکے موبائل فون سے چائلڈ پورنوگرافی مواد برآمد کیا گیا ملزم کے زیر استعمال موبائل فون کو قبضے میں لے کر فرانزک کے لیے بھیج دیا ہے۔

    اسلام آباد میں حالیہ خودکش دھماکے کے بمبار کی شناخت ہوگئی

    گرفتار ملزم کے خلاف پیکا ایکٹ کے تحت مقدمہ درج تھا۔ ملزم سوشل میڈیا کے ذریعے چائلڈ پورنوگرافی مواد شیئر کرنے میں ملوث تھا، مزید تفتیش جاری ہے۔

    قبل ازیں گوجرخان میں پولیس نے کارروائی کرتے ہوئے ذہنی معذور لڑکے سے زیادتی کرنے والے سفاک ملزم کو گرفتار کیا تھا مدعی مقدمہ کے مطابق ملزم محمد فاروق نے میرے بیٹے کو زیادتی کا نشانہ بنایا جبکہ متاثرہ لڑکے کے والد کی درخواست پر گوجرخان پولیس نے مقدمہ درج کرکےملزم کو گرفتار کیا ایس ایچ او کے مطابق متاثرہ لڑکے کا میڈیکل پراسیس کروایا گیا جس میں جرم ثابت ہوا-

    اسلام آباد، 24 گھنٹوں میں جرائم پیشہ افراد کیخلاف کاروائیوں میں آٹھ افراد گرفتار

    ایس پی صدر نے مزید بتایا کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائیگی جبکہ ایس پی صدر محمد نبیل کھوکھر نے کہا کہ زیادتی و استحصال نا قابل برداشت ہے، اس حوالے سے زیروٹالرنس پالیسی کو یقینی بنایا جارہا ہے اور کسی کو بھی اس قسم کے جرم کی اجازت نہیں ہے انہوں نے کہا کہ ایسے ملزمان کے ساتھ سختی سے نمٹا جائے گا-

    ذہنی معذور لڑکے سے زیادتی کرنے والا سفاک ملزم گرفتار