Author: Ayesha Rehmani

وائرلیس آپریٹر ویئون (جاز) کا پاکستان میں اپنے ٹاورز فروخت کرنے کا منصوبہ
وائرلیس آپریٹر ویئون لمیٹڈ Veon (جاز) نے پاکستان میں اپنے ٹاور اثاثوں کو فروخت کرنے کا فیصلہ کیا ہے-
باغی ٹی وی : بلوم برگ کی رپورٹ کے مطابق ویئون کے چیف ایگزیکٹو آفیسر (سی ای او ) کان ترزیوگو کا کہنا ہے کہ کمپنی پاکستان میں موجود اپنے 10 سے 12 ہزار ٹاور فروخت کرنے جا رہی ہے اور فروخت کی بات چیت نتیجہ خیز مرحلے کے قریب ہے۔
شاعر مشرق علامہ محمد اقبال کا 145 واں یوم پیدائش آج منایا جا رہا ہے
کان ترزیوگو کا کہنا ہے کہ پاکستان میں موجود کمپنی کے ایک ٹاور کی قیمت سود کی شرح کے لحاظ سے 60,000 ڈالر سے 80,000 ڈالر کے درمیان ہے جبکہ تمام ٹاورز کی مالیت 600 سے 900 ملین ڈالرز بنتی ہے۔
ذرائع کے مطابق پاکستان کے ٹی پی ایل کارپوریشن اور سعودی عرب کی ٹیلی کام کمپنی، یو اے ای کی کمپنی ٹی اے ایس سی ٹاورز اور پاکستانی کمپنی اینگرو ویئون کے ٹاور اثاثوں کی خریداری کیلئے بولی لگانے والوں میں شامل ہیں۔
رپورٹ کے مطابق سعودی عرب کی ٹیلی کام کمپنی اور ویئون کی جانب سے ایسی خبروں کی تردید کی گئی ہے جبکہ ٹی پی ایل اور اینگرو نے اس معاملے پر کوئی تبصرہ نہیں کیا۔
بلاول بھٹو اور برطانوی وزیر خارجہ میں ملاقات، دوطرفہ تعلقات پر تبادلہ خیال
پاکستانی کمپنی ٹی پی ایل کی جانب سے ستمبر کے مہینے میں اعلان کیا گیا تھا کہ ایک نامعلوم ٹیلی کام ٹاور کمپنی سے خریداری کیلئے ان کی جانب سے ٹی اے ایس سی کے ساتھ بولی لگانے کیلئے اسٹریٹجک شراکت داری کا معاہدہ طے پایا ہے۔
1992 میں ومپیل کام (VimpelCom) کے نام سے ویئون کی بنیاد ماسکو میں رکھی گئی تھی، یہ روس کی پہلی سیلیولر پروائیڈر کمپنی تھی۔تاہم بعد ازاں یہ نیدرلینڈز کی سب سے بڑی ٹیلی کمیونیکیشن کمپنی بنی اور اب 217 ملین کسٹمرز کے ساتھ 9 ملکوں تک پھیل چکی ہے جبکہ اب بھی روس اس کے نصف ریونیو کا ذریعہ ہے۔
فرم نے کہا کہ اس ماہ اس نے اپنے روسی یونٹ کو فروخت کرنے کا عمل شروع کر دیا ہے تاکہ یوکرین میں جنگ سے ہونے والے نتائج کو محدود کیا جا سکے، جہاں یہ ملک کا سب سے بڑا موبائل آپریٹر ہے۔
ٹی20 ورلڈ کپ: پاکستان اور نیوزی لینڈ سیمی فائنل میں آج مدمقابل
کان ترزیوگو کا کہنا ہے کہ گزشتہ برس ویئون کی جانب سے روس میں 970 ملین ڈالرز کے عوض سروس ٹیلی کام ایل ایل سی کو 15 ہزار ٹاورز فروخت کیے گئے تھے جبکہ ابھی بھی 30 ہزار سے فروخت کرنے کا ارادہ ہے۔
رواں برس یوکرین پر حملے اور روس پر امریکا اور یورپی یونین کی جانب سے لگائی گئی پابندیوں کے نتیجے میں ویئون کے شیئرز کی قیمت میں دو تہائی کمی دیکھی گئی ہے۔
بلوم برگ کی جانب سے جمع کئے گئے اعدادو شمار کے مطابق روسی ارب پتی اور لیٹر ون انویسٹمنٹ ہولڈنگز (LetterOne Investment Holdings) کے بانی میخائل فرڈمین، ویئون کے 48 فیصد شیئرز کے مالک ہیں۔
رواں برس کے آغاز پر فرڈمین پر یورپین یونین اور برطانیہ کی جانب سے پابندیاں لگنے کے بعد انہوں نے ویئون اور لیٹر ون کے بورڈ سے استعفیٰ دے دیا تھا-
شیخوپورہ :کوآرڈینیٹر کی ہدایت پر بلدیہ کے عملہ نے نالوں کی صفائی کا کام شروع…
نومبر 9, 2022
سوئی گیس کی قیمتوں میں بڑے اضافے کا امکان
سوئی گیس کمپنیوں نے گیس قیمتوں میں 237 فیصد تک اضافہ مانگ لیا، سوئی ناردرن اور سوئی سدرن نے اضافے کی درخواستیں اوگرا میں جمع کرادیں۔
باغی ٹی وی : تفصیلات کے مطابق سوئی ناردرن نےگیس کی قیمت 237 فیصد اور سوئی سدرن نے 96.36 فیصد تک بڑھانے کی درخواست کردی، اوگرارواں ماہ کے آخر میں گیس کمپنیوں کی درخواست پر سماعت کرے گا۔
اوگرا سوئی ناردرن کی درخواست پر 14 نومبر کو سماعت کرے گا،جبکہ سوئی سدرن کی درخواست پر 21 نومبر کو سماعت کی جائے گی۔
شاعر مشرق علامہ محمد اقبال کا 145 واں یوم پیدائش آج منایا جا رہا ہے
اوگرا کا کہنا ہے کہ گیس قیمت میں اضافہ رواں مالی سال یکم جولائی سے مانگا گیا ہے۔سوئی ناردرن نے گیس کی اوسط قیمت میں 237 فیصد اضافہ مانگا ہے جس کے تحت قیمتوں میں 1294روپے فی ایم ایم بی ٹی یو اضافہ ہوگا۔
سوئی ناردرن نے گیس کی اوسط قیمت میں 1840روپے فی ایم ایم بی ٹی یو مقرر کرنے کی درخواست کی ہے۔
اوگرا کے مطابق سوئی سدرن نے گیس کی قیمت میں 96 فیصد اضافے کی درخواست کی ہے جس کے تحت قیمت میں 667 روپے 44 پیسے فی ایم ایم بی ٹی یو اضافہ ہوگا۔
ننکانہ صاحب بابا گرو نانک کے 553 جنم دن کی تقریبات کا آخری روز دنیا بھر سے آنے والے ہزاروں سکھ…
سوئی سدرن نے گیس کی اوسط قیمت 1360 روپے فی ایم ایم بی ٹی یو مقرر کرنے کی درخواست کی ہے۔
ستمبر 2022 کیلئے ڈسکوز کے ماہانہ فیول چارجز ایڈجسٹمنٹ، نیپرا نے رواں سال ستمبرکے ماہانہ فیول چارجز ایڈجسٹمنٹ کی مد میں 8 پیسے فی یونٹ اضافے کی منظوری دے دی ہے ، جس کا باقاعدہ نوٹیفکیشن جاری کردیا گیا ہے۔
ٹی20 ورلڈ کپ: پاکستان اور نیوزی لینڈ سیمی فائنل میں آج مدمقابل
نومبر 9, 2022
ٹی20 ورلڈ کپ: پاکستان اور نیوزی لینڈ سیمی فائنل میں آج مدمقابل
ٹی20 ورلڈ کپ 2022 میں پاکستان اور نیوزی لینڈ پہلے سیمی فائنل میں آج مدمقابل ہوں گے-
باغی ٹی وی: سڈنی کے میدان میں دونوں ٹیموں کے درمیان آئی سی سی مینز ٹی 20 ورلڈ کپ کا میچ پاکستانی وقت کے مطابق دوپہر ایک بجے شروع ہوگا۔
پاکستان اور نیوزی لینڈ کی ٹیمیں سڈنی کرکٹ گراؤنڈ پہنچ چکی ہیں اور آٹھویں ٹی20 ورلڈ کپ کے پہلے سیمی فائنل کے لیے تیاریوں کو حتمی شکل دے چکی ہیں۔
Four teams remain 🤩
It all begins at the SCG 🏟#T20WorldCup pic.twitter.com/MkSsYYE0pd
— T20 World Cup (@T20WorldCup) November 8, 2022

سپر12 کے گروپ ون سے نیوزی لینڈ اور انگلینڈ جبکہ گروپ ٹو سے روایتی حریف ٹیمیں پاکستان اور بھارت نے سیمی فائنل میں جگہ بنائی، پاکستان اور نیوزی لینڈ کے درمیان پہلا سیمی فائنل آج سڈنی میں کھیلا جائے گا جبکہ بھارت اور انگلینڈ کے درمیان 10 نومبر کو ایڈیلیڈ میں کھیلا جائے گا۔
ٹی20 ورلڈ کپ 2022 کے پہلے سیمی فائنل میں اپنی ٹیموں کی قیادت کرنے والے کین ولیمسن اور بابراعظم دونوں اپنی اپنی کامیابی کے لیے پرامید ہیں –
پاکستان کو ٹی20 مقابلوں نیوزی لینڈ سے واضح برتری حاصل ہے، دونوں ٹیموں کے درمیان اب تک 28 ٹی20 میچ کھیلے جاچکے ہیں، پاکستان نے 17 اور نیوزی لینڈ نے 11 فتوحات حاصل کیں اب تک کھیلے گئے ٹی20 ورلڈ کپ مقابلوں میں دونوں ٹیمیں 6 مرتبہ مدمقابل آئیں اور پاکستان کو 4 جبکہ نیوزی لینڈ کو 2 میچوں میں کامیابی نصیب ہوئی۔
آئی سی سی نے پاکستان کے معیاری وقت کے مطابق دوپہر ایک بجے شروع ہونے والے سیمی فائنل کے لیے میچ آفیشلز کا اعلان کردیا ہے، جس میں ماریسس ایراسمس اور رچرڈ ایلنگ ورتھ فیلڈ امپائرز، رچرڈ کیٹل برگ تھرڈ امپائر ہوں گے۔
بھارت اور انگلینڈ کی ٹیموں کے درمیان جمعرات کو دوسرا سیمی فائنل ہوگا جس میں سری لنکن کما دھرناسینا اور آسٹریلین پال رائفل فیلڈ امپائر اور کرس کیفنی تھرڈ امپائر ہوں گے۔
خیال رہے کہ سیمی فائنل مقابلوں میں بارش کی صورت میں مقابلہ دوبارہ ہوگا، جس کے لیے اضافی دن مختص ہے جبکہ ایونٹ کا فائنل 13 نومبر کو میلبرن کرکٹ گراؤنڈ میں ہوگا۔
نومبر 9, 2022
شاعر مشرق علامہ محمد اقبال کا 145 واں یوم پیدائش آج منایا جا رہا ہے
شاعر مشرق اور عظیم مفکر ڈاکٹر علامہ محمد اقبال کا 145 واں یوم پیدائش آج منایا جا رہا ہے، مزار اقبال پر گارڈز کی تبدیلی کی پروقار تقریب ہوئی-
باغی ٹی وی : پاکستان نیوی کے دستے نے مزار اقبال پر گارڈز کی اعزازی ذمہ داری سنبھال لی ،پاک بحریہ کے اسٹیشن کمانڈر لاہور کموڈور ساجد حسین تقریب کے مہمان خصوصی تھے-
علامہ محمد اقبال 9 نومبر 1877 کو سیالکوٹ میں پیدا ہوئے ابتدائی تعلیم اپنے آبائی شہر میں حاصل کی اور پھر لاہورآ گئے ان کے والد کا نام شیخ نور محمد تھا، 1899 میں ایم اے کرنے کے بعد اورینٹل کالج میں شعبہ درس و تدریس سے وابستہ ہوگئے اور اس دوران شاعری بھی جاری رکھی۔
علامہ اقبال نے 1905 میں برطانیہ چلے گئے جہاں پہلے انھوں نے کیمبرج یونیورسٹی ٹرنٹی کالج میں داخلہ لیا اور پھر معروف تعلیمی ادارے لنکنزاِن میں وکالت کی تعلیم لینا شروع کردی بعد ازاں بعد وہ جرمنی چلے گئے جہاں میونخ یونیورسٹی سے انھوں نے فلسفہ میں پی ایچ ڈی کی ڈگری حاصل کی-
ڈاکٹر محمد اقبال نے 1910 میں وطن واپسی کے بعد وکالت کے ساتھ سیاست میں بھی حصہ لینا شروع کیا اور اپنی شاعری کے ذریعے فکری اور سیاسی طور پر منتشر مسلمانوں کو خواب غفلت سے جگایا شاعرِ مشرق ڈاکٹر علامہ محمد اقبال 20ویں صدی کے معروف مفکر، شاعر، مصنف، قانون دان، سیاست دان، مسلم صوفی اور تحریک پاکستان کی اہم ترین شخصیات میں سے ایک تھے۔
شاعر مشرق نے اپنی زندگی کا ایک بڑا حصہ یورپ اور انگلستان میں گزارا لیکن انہوں نے انگریزوں کا طرز رہن سہن کبھی نہیں اپنایا، اپنی شاعری میں علامہ اقبال نے زیادہ تر نوجوانوں کو مخاطب کیا، علامہ اقبالؒ کو دورِ جدید کا صوفی بھی سمجھا جاتا ہے۔
علامہ اقبال نے برصغیر کے مسلمانوں کو غلامی کی زنجیروں سے نجات دلانے کے لیے جداگانہ قومیت کا احساس اُجاگر کیا اور اپنی شاعری سے مسلمانوں کو بیدار کیا اُن کے افکار اور سوچ نے اُمید کا وہ چراغ روشن کیا جس نے نا صرف منزل بلکہ راستے کی بھی نشاندہی کی۔
علامہ اقبال کا شہرہ آفاق کلام دُنیا کے ہر حصے میں پڑھا اور سمجھا جاتا ہے، انہوں نے ہمیشہ مسلمانوں کو آپس میں اتحاد اور اتفاق کی تلقین کی اور دعوت عمل دی۔
1934 کو مسلم لیگ کے مرکزی پارلیمانی بورڈ کے رکن بنے تاہم طبیعت نے ان کا ساتھ نہ دیا اور وہ قیام پاکستان سے 9 برس قبل 21 اپریل 1938 کو لاہور میں اپنے خالق حقیقی سے جاملے آپ کا مزار بادشاہی مسجد کے سائے میں مرجع خلائق ہے۔
حکومت پاکستان نے کئی سال کے بعد رواں برس مفکر پاکستان کے یوم پیدائش کے موقع پر ملک بھر میں عام تعطیل کا اعلان کیا ہے۔
نومبر 9, 2022
امریکہ کی وسطی ریاستوں میں پولنگ ختم،ووٹنگ کی گنتی شروع
امریکہ کی وسطی ریاستوں میں بھی پولنگ ختم ، مغربی ریاستوں میں ووٹنگ جاری ہے-
باغی ٹی وی : امریکا میں وسط مدتی انتخابات ہو رہے ہیں، مختلف ریاستوں میں پولنگ کا وقت ختم ہو گیا ہے اور ووٹوں کی گنتی شروع ہو چکی ہے۔
پاکستانی نژاد برطانوی گلوکار زین ملک کا وزیرِاعظم رشی سونک کو بچوں کے اہم مسئلے پرخصوصی خط
امریکی ریاست پینسلوینیا، اوہایو، نیو یارک، نیو جرسی، ٹیکساس، مشی گن، اور ریاست مین سمیت مختلف ریاستوں میں پولنگ کا وقت ختم اور ووٹوں کی گنتی کا عمل شروع ہو گیا ہے۔
جارجیا، ورجینیا، فلوریڈا، ساؤتھ کیرولائنا، اور ورماؤنٹ سمیت نیو ہیمپشائر کے کچھ علاقوں میں بھی پولنگ کا وقت ختم ہو نے کے بعد ووٹوں کی گنتی کا عمل شروع کر دیا گیا ہے۔
پروجیکشن کے مطابق ایوان نمائندگان میں ری پبلکن کو 78اور ڈیموکریٹس کو 34 نشستوں پر برتری حاصل ہے ،پروجیکشنسینیٹ میں ڈیموکریٹس کو 37 جبکہ ری پبلکن کو 36 نشستوں پر برتری ہے-
ایوان نمائندگان میں ری پبلکن کو 78اور ڈیموکریٹس کو 34 نشستوں پر برتری حاصل ہے ایوان نمائندگان میں ری پبلکن کو 86اور ڈیموکریٹس کو 35 نشستوں پر برتری حاصل ہے جبکہ سینیٹ میں ڈیموکریٹس کو 37 جبکہ ری پبلکن کو 36 نشستوں پر برتری ہے-
بھارت: دنیا کے امیر ترین مندرکے کتنی دولت؟ ٹرسٹ نے 100 سال بعد اثاثے ظاہر کر دیئے
سینیٹ میں ڈیموکریٹس کو 38 جبکہ ری پبلکن کو 38 نشستوں پر برتریہے ایوان نمائندگان میں ری پبلکن کو 112اور ڈیموکریٹس کو 65 نشستوں پر برتری حاصل ہوئی ایوان نمائندگان میں ری پبلکن کو 127اور ڈیموکریٹس کو 72 نشستوں پر برتری حاصل ہوئی-
واضح رہے کہ متحدہ ریاست ہائے امریکا میں وسط مدتی انتخابات میں ایوان نمائندگان کی تمام 435 سمیت سینیٹ کی 35 نشستوں، 36 ریاستوں کے گورنروں، ریاستی اسمبلیوں اور مقامی سطح پر عوامی نمائندوں کا انتخاب ہو رہا ہے کئی ریاستوں میں مسلم اور پاکستانی امیدوار بھی قسمت آزما رہے ہیں ڈیموکریٹس جیتے یا ریپبلکن اہم ترین امور پرقانون سازی بھی متاثرہوگی، امیگریشن، جرائم، اسقاط حمل، تعلیم، صحت ہر اشو بیلٹ پر آ گیا۔
کانگریس میں طاقت کا توازن ری پبلکنز کے پلڑے میں آیا تو ڈونلڈ ٹرمپ کی پوزیشن مضبوط ہو گی، صدربائیڈن بیک فُٹ پر چلے جائیں گے، ڈیموکریٹس کیلئے صدارتی الیکشن بھی مصیبت بننے کاخدشہ ہے امریکا کے وسط مدتی انتخابات کیلئے ووٹنگ میں ایوان نمائندگان میں ابھی ڈیموکریٹس کی 220 اور ری پبلکنز کی 212 نشستیں ہیں جبکہ 3 نشستیں خالی ہیں۔
نیوزی لینڈ:51 نمازیوں کوشہید کرنے والے مجرم کی سزا کیخلاف اپیل
دوسری جانب سینیٹ میں ری پبلکنز کے 50 اور ڈیموکریٹس کے 48 سینیٹرز ہیں، 2 آزاد سینیٹرز کی حمایت ڈیموکریٹس کو حاصل ہے، نیویارک، پنسلوانیا سمیت دس بڑی امریکی ریاستوں میں ری پبلکنز اور ڈیموکریٹس میں کانٹے کا مقابلہ متوقع ہے۔
واضح رہے کہ انتخابات کیلئے چار کروڑ امریکی شہری پہلے ہی ووٹ ڈال چکے ہیں، ابتدائی اندازوں کے مطابق ایوان نمائندگان میں ری پبلکنز کی برتری کا امکان زیادہ ہے۔
علاوہ ازیں امریکی سینیٹ میں پہلی بارمسلمان رکن منتخب کا امکان روشن ہو گیا ہے، پاکستانی امریکن ڈاکٹر آصف محمود کے ایوان نمائندگان کا رکن منتخب ہونے کا امکان پیدا ہو گئے ہیں۔
کھاریاں سے تعلق رکھنے والے ڈاکٹر آصف محمود کا کیلی فورنیا کے ڈسٹرکٹ فورٹی میں ری پبلکن رکن کانگریس یونگ کم سے کانٹے کا مقابلہ متوقع ہے کنیٹی کٹ میں پاکستانی امریکن ڈاکٹر سعود انور کے تیسری بار ریاستی سینیٹ کا رکن بننے کا امکان ہے۔
ٹوئٹر نے بھارت میں 90 فیصد سے زائد عملے کو نوکری سے فارغ کر دیا
ٹیکساس کی اسمبلی میں ڈاکٹر سلیمان لالانی، سلمان بھوجانی بھی الیکش لڑ رہے ہیں جبکہ ٹیکساس ہی سے سہراب گیلانی بھی ایوان کا رکن بننے کے امیدوار ہیں،کیلی فورنیا سے علی سجاد تاج تیسری بار مئیر بننے کی دوڑ میں شامل ہیں جبکہ صبینہ ظفر اور فرح خان ایک بارپھر کونسل کا رکن بننے کی امیدوارہیں۔
ترک امریکن ڈاکٹر مہمت عوز ریاست پنسلوینیا سے ری پبلکن پارٹی کے ٹکٹ پر الیکشن لڑ رہے ہیں جبکہ صومالیہ کی 26 برس کی منا عبدی ریاست مین (Maine) کے ڈسٹرکٹ 95 سے بلامقابلہ منتخب ہو چکی ہیں-
امریکا میں مسلمانوں کی تعداد 36 لاکھ ہے جو کہ مجموعی آبادی کا محض ایک اعشاریہ ایک فیصد بنتی ہے جبکہ امریکا میں مسلم ووٹروں کی تعداد صرف 12 لاکھ ہے۔
نومبر 9, 2022
سائنسدانوں نے زمین کے سب سے زیادہ قریب بلیک ہول دریافت کرلیا
سائنسدانوں نے زمین کے سب سے زیادہ قریب موجود بلیک ہول دریافت کرلیا ہے۔
باغی ٹی وی : جریدے نوٹسز آف دی رائل آسٹرونومیکل سوسائٹی میں شائع تحقیق میں بتایا گیا کہ یہ سورج سے 10 گنا زیادہ بڑے پیمانے پرایک خوابیدہ خول ہے، جو اپنے ستارے سے اتنا ہی دور گردش کر رہا ہے جتنا کہ زمین ہماری طرف سے ہے۔
محققین کے مطابق یہ بلیک ہول زمین سے 1600 نوری برسوں کے فاصلے پر واقع ہے اور سورج سے 10 گنا زیادہ بڑا ہےاس بلیک ہول کو Gaia BH1 کا نام دیا گیا ہے جس کی شناخت اس کے مدار میں گھومنے والے ستارے سے ہوئی۔
یہ ایک خوابیدہ بلیک ہول ہے جس کے باعث اس کو دریافت کرنا مشکل تھا مگر سائنسدان ایسا کرنے میں کامیاب رہے سائنسدانوں کے مطابق یہ ایک ستارہ تھا جو اربوں سال تک زندہ رہنے کے بعد بلیک ہول میں بدل گیا۔
زمین کی سطح کے نیچے گرم چٹانوں سے زیادہ موثر توانائی پیدا کی جا سکتی ہے،تحقیق
اس بلیک ہول کی شناخت یورپین اسپیس ایجنسی کے Gaia اسپیس کرافٹ سے ہوئی، جس کے بعد دنیا بھر میں 6 مختلف ٹیلی اسکوپس سے اس مقام کا مشاہدہ کیا گیا اس طرح سائنسدان یہ تصدیق کرنے کے قابل ہوگئے کہ یہ ایک خوابیدہ بلیک ہول ہے یہ پہلی بار ہے جب ہماری کہکشاں میں سورج جیسے ایک ستارے کو ایک بلیک ہول کے مدار میں گھومتے دریافت کیا گیا۔
ایک بلیک ہول کو خوابیدہ اس وقت تصور کیا جاتا ہے جب وہ زیادہ مقدار میں ایکسرے ریڈی ایشن کو خارج نہیں کررہا ہوتا، جن کے ذریعے ہی عموماً بلیک ہولز کو شناخت کیا جاتا ہےخوابیدہ بلیک ہولز کو دریافت کرنا مشکل ہوتا ہے کیونکہ وہ اپنے اردگرد سے رابطے میں نہیں ہوتے۔
برج اوفیچس میں اگلا قریب ترین معلوم بلیک ہول مونوکیروس برج میں تقریباً 3,000 نوری سال کے فاصلے پر ہے۔ اس نئے بلیک ہول کو جو چیز ہماری کہکشاں میں پہلے سے شناخت شدہ 20 یا اس سے زیادہ دوسرے لوگوں سے الگ کرتی ہے، اس کی قربت کے علاوہ، یہ ہے کہ یہ کچھ بھی نہیں کر رہا ہے کشش ثقل سے قریب کی ہر چیز کو استعمال نہیں کر رہا ہے۔ بلکہ، بلیک ہول غیر فعال ہے-
انٹارکٹیک میں برف کے نیچے بہنے والا طویل پُر اسرار دریا دریافت
بلیک ہولز اتنی گھنی چیزیں ہیں کہ آئن سٹائن کے عمومی اضافیت کے نظریہ کے مطابق روشنی بھی ان سے بچ نہیں سکتی۔ یہ انہیں فطرت میں سب سے زیادہ دلچسپ اور پرتشدد مظاہر بناتا ہے وہ کائنات کی سب سے زیادہ شاندار اشیاء بن سکتے ہیں، کیونکہ گیس، دھول اور یہاں تک کہ چھوٹے ستارے پھٹ جاتے ہیں-
زیادہ تر ہر کہکشاں میں سورج سے لاکھوں یا اربوں گنا زیادہ بڑا بلیک ہول ہوتا ہے۔ سائنسدانوں کو یقین نہیں ہے کہ وہ کہاں سے آتے ہیں. چھوٹے بلیک ہولز کے بارے میں سوچا جاتا ہے کہ وہ بڑے ستاروں سے بنتے ہیں جو اپنی تھرمونیوکلیئر زندگی کے اختتام تک پہنچ چکے ہیں اور منہدم ہو گئے ہیں کہکشاں میں شاید لاکھوں بلیک ہولز ہیں وہ عام طور پر اپنے آپ کو ایکس رے کے ذریعہ پہچانتے ہیں جب وہ اپنے ساتھیوں سے ڈبل اسٹار سسٹم میں گیس چھین لیتے ہیں۔
ہارورڈ سمتھسونین سنٹر فار ایسٹرو فزکس کے ماہر فلکیات کے ماہر کریم البدری چار سال سے ایسے چھپےہولز کی تلاش کر رہے ہیں۔ اس نے یہ بلیک ہول یورپی خلائی ایجنسی کے GAIA خلائی جہاز کے ڈیٹا کی چھان بین کرتے ہوئے پایا گیا، جو کہکشاں میں موجود لاکھوں ستاروں کی پوزیشنوں، حرکات اور دیگر خصوصیات کو انتہائی درستگی کے ساتھ ٹریک کر رہا ہے۔
11 ہزار سال قبل پھٹنے والے ستارے کی باقیات کی تصویر جاری
ڈاکٹر ال بدری اور ان کی ٹیم نے ایک ستارے کا پتہ لگایا، جو ہمارے سورج سے تقریباً مماثلت رکھتا ہے، جو عجیب طرح سے ہل رہا تھا، جیسے کسی غیر مرئی ساتھی کے کشش ثقل کے زیر اثر۔ مزید تحقیق کرنے کے لیے، محققین نے ہوائی میں مونا کییا کے اوپر جیمنی نارتھ دوربین کی کمانڈ کی، جو اس کے ڈوبنے کی رفتار اور مدت کی پیمائش کر سکتی ہے یہ تکنیک اس عمل سے مماثل ہے جس کے ذریعے ماہرین فلکیات ستاروں کے گھومنے کا تجزیہ کرتے ہیں تاکہ مدار میں گھومنے والے exoplanets کی موجودگی کا پتہ لگایا جا سکے-
نومبر 8, 2022
پاکستانی نژاد برطانوی گلوکار زین ملک کا وزیرِاعظم رشی سونک کو بچوں کے اہم مسئلے پرخصوصی خط
لندن: پاکستانی نژاد برطانوی گلوکار زین ملک نے برطانیہ کے نو منتخب وزیرِاعظم رشی سونک کو خصوصی خط لکھ دیا۔
باغی ٹی وی : گلوکار زین ملک نےفوٹو اینڈ ویڈیو شیئرنگ ایپ انسٹاگرام پرنو منتخب برطانوی وزیر اعظم کے نام لکھے ایک خط کی تصویر شیئر کی انہوں نے خط میں لکھا کہ اسکولوں میں غذائی قلت کا سامناکرنے والے بچوں کی مدد کریں۔
پاکستان کوقرضوں میں ریلیف اتنا نہیں ملاجتناملنا چاہیے تھا،انتونیو گوتریس
گلوکار نے لکھا کہ ستمبر 2022 میں 4 ملین سے زائد بچوں نے غذائی قلت کا سامنا کیا اور 8 لاکھ بچے اسکول میں ملنے والے ’مفت کھانے‘ سے بھی محروم رہے یہ بچے ضروری توجہ سے محروم ہیں جبکہ ان میں کچھ تو بھوک کی وجہ سے اسکول کینٹینز سے کھانا چوری کرنے پر مجبور ہیں کیونکہ ان کے پاس اتنے پیسے نہیں کہ کھانا خرید سکیں-
اُنہوں نے مزید لکھا کہ ایسا کرنے پر وہ شرمندگی بھی محسوس کرتے ہیں جس کی وجہ سے ان کی ذہنی اور جسمانی صحت متاثر ہوتی ہے میں نے اسے پہلے ہی دیکھا ہے، جیسا کہ بریڈ فورڈ میں بڑا ہوا میں نے اسکول کے مفت کھانے پر انحصار کیا۔ میں نے ذاتی طور پر کھانے کی عدم تحفظ کی ذہنی اذیت میں مبتلا رہ چکا ہوں-
انہوں نے کھا کہ میں نے اس امید سے یہ خط لکھا ہےکہ ہم سب مل کر اس بات کو یقینی بنائیں کہ کوئی بھی بچہ کبھی دوبارہ بھوک اورایسی بد ترین صورت حال کا تجربہ نہ کرنا پڑے یہ ایک ایسی جدوجہد ہے جس سے انگلینڈ میں بہت سے بچے اس وقت افسوس کے ساتھ گزر رہے ہیں۔
زین ملک وہ انگلینڈ کے فٹبالر مارکس راشفورڈ اور شیف جیمی اولیور کے ساتھ شامل ہوکر مفت اسکول کے کھانے تک وسیع تر رسائی کی حمایت کرنے والے تازہ ترین مشہور شخص ہیں۔
امریکا میں وسط مدتی انتخابات، ووٹنگ آج ہو گی،ایلون مسک کا ری پبلکنز کو ووٹ دینے کا مشورہ
فوڈ فاؤنڈیشن کے مطابق انگلینڈ میں تقریباً 800,000 بچے غربت کی زندگی گزار رہے ہیں لیکن فی الحال مفت اسکول کے کھانے کے اہل نہیں ہیں ملک کا کہنا ہے کہ بہت سے والدین پہلے سے ہی وہ سب کچھ کر رہے ہیں جو وہ کر سکتے ہیں اور حکومتی تعاون کی "شدت ضرورت” ہے۔
سنک کو مخاطب کرتے ہوئے، وہ مزید کہتے ہیں کہ بطور وزیر اعظم، آپ کے پاس اسے تبدیل کرنے کا اختیار ہے براہ کرم اچھے ضمیر سے کام لیں اور 17 نومبر کو اپنے بجٹ میں غربت میں رہنے والے تمام بچوں کو مفت اسکول کا کھانا دینے کا عہد کریں۔ بچوں کا بھوکا رہنا ناگزیر نہیں ہے اور اسے کسی سیاسی مسئلے یا نظریے پر نہیں آنا چاہیے۔
فوڈ فاؤنڈیشن کی ایگزیکٹو ڈائریکٹر اینا ٹیلر نے کہا کہ زین کی موسیقی نے لاکھوں لوگوں کی زندگیوں کو چھو لیا ہے۔ ہم مہم پر ایک ساتھ کام کرنے پر بہت خوش ہیں اور یہ کہ وہ سفیر بن رہے ہیں۔ بچپن میں ان کے اپنے تجربات آج برطانیہ میں بہت سے نوجوانوں کے ساتھ گونجیں گے جن کی آوازیں سنائی نہیں دیتیں۔
مہم کے ایک حصے کے طور پر،زین ملک لوگوں پر زور دے رہے ہیں کہ وہ اپنے ایم پیز کو اس مسئلے پر لکھیں بریڈفورڈ میں پیدا ہونے والی گلوکارہ نے 2015 میں ون ڈائریکشن چھوڑنے کے بعد سولو کیریئر کا آغاز کیا، بوائے بینڈ کے غیر معینہ وقفے سے ایک سال قبل۔
برطانیہ "ہیکنگ کا عالمی مرکز”،بھارتی ہیکرز نے پاکستانی سیاستدانوں اور…
فیڈ دی فیوچر ایک مہم ہے جس کی قیادت تنظیموں کے اتحاد نے کی ہے جس میں فوڈ فاؤنڈیشن، بائٹ بیک 2030 اور جیمی اولیور لمیٹڈ شامل ہیں۔
واضح رہے کہ 20 اکتوبر کو وزیر اعظم لِز ٹروس کے پارٹی قیادت سے مستعفی ہونے کے بعدبرطانیہ کی حزب اقتدار کنزرویٹو پارٹی کی قیادت جیت کر بھارتی نژاد رشی سونک ملک کے نئے وزیر اعظم منتخب ہوئے ہیں۔
42 سالہ رشی سونک ایک تاجر ہیں۔ وزیرِاعظم کے عُہدے تک پہنچنے کی دوڑ شروع ہونے سے قبل ہی واضح طور پر پتا چل رہا تھا کہ رشی سونک ہی یہ عُہدہ سنبھالیں گے۔ اُن کے پاس ایک سو کا میجک نمبر موجود تھا۔
برطانیہ کی تاریخ میں یہ پہلی مرتبہ ہوا ہے کہ کسی پارٹی نے صرف چھے سال میں چھے وزیرِاعظم بدلے ہوں۔ کنزرویٹو پارٹی، جس کی سربراہی اب رشی کریں گے، گزشتہ بارہ سال سے ملک پر حکومت کر رہی ہے۔
افریقا میں بدترین خشک سالی سے ہزاروں نایاب جانور ہلاک
نومبر 8, 2022
سینئر گلوکار ظفر رامے انتقال کرگئے
کراچی: اسٹیج، کیسٹ اور فلم انڈسٹری کے سینئر گلوکار ظفر رامے انتقال کرگئے۔
باغی ٹی وی : ظفر رامے کے انتقال کی تصدیق ان کے اہلخانہ کی جانب سے کی گئی ہے اور اہلخانہ کے مطابق مرحوم کی نماز جنازہ آج بعد نماز عصر ادا کی جائے گی اہلخانہ کے مطابق ظفر رامے کی نمازجنازہ سنی ہائیٹس راشد منہاس روڈ میں ادا کی جائے گی۔
گلوکار کراچی میں پیدا ہوئے ظفر رامے نے اپنی گلوکاری کا آغاز 1991ء میں پاکستانی لیجنڈ گلوکار احمد رشدی کے گانے (کبھی تو تم کو یاد آئے گی) سے کیا اور دوسرا گانا (لال لال جورا) بہت مقبول گانا ہے ظفر رامے نے 1994ء میں پاکستانی فلموں کے لیے پلے بیک گانا شروع کیا۔
پلے بیک سنگر کے طور پر ان کی پہلی فلم بیٹا ہے جس کی ہدایتکاری مشہور اداکارہ اور ڈائریکٹر میڈم شمیم آرا اور ظفر رامے نے کی ہے اور ان کی طرف سے پلے بیک سنگر کے طور پر متعارف کرایا گیا۔ ظفر کی پاکستانی فلموں کے نام ہیں بیٹا، پیار 95، دل تیرا عاشق، ہم تو چلے سوسور، بارسات کی ایک رات وغیرہ۔
ظفر رامے نے دیگر پلے بیک گلوکاروں جیسے حمیرا چنا، شبنم مجید، سائرہ نسیم، شازیہ منظور، ارشد محمود، تحسین جاوید کے ساتھ بہت سے گانے گائے دوسرے گلوکاروں کے مقابلے میں ایک مختلف آواز ہے۔ ان کی طاقتور اور پرکشش آواز انہیں موسیقی کے میدان میں بہت نمایاں کرتی ہے یہی نہیں ظفر رامے نے بہت سے مختلف ٹی وی شوز میں بھی پرفارم کیا۔
ظفر رامے نے بہت سے مختلف ٹی وی شوز میں بھی پرفارم کیا، کچھ نام یہ ہیں میلوڈی نائٹ، آواز آواز، گیت منظر، رنگ ترنگ، کافی ادب، غزل رنگ، لیٹ نائٹ ود مشی خان، ساحر لودھی شو، محفل مشاعرہ، پر۔ . اب ظفر رامے نجی محفلوں اور ٹی وی شوز میں بطور غزل گلوکار ون مین شو کر چکے ہیں،ستمبر 2016ء میں ظفر رامے کو امریکا میں بہترین گائیکی پر ایوارڈ سے نوازا گیا-
نومبر 8, 2022
بابر کو مشکلات کا سامنا کرنا پڑا ہے لیکن اسی طرح بڑا کھلاڑی بن کر ابھرے گا،میتھیو ہیڈن
سڈنی: قومی کرکٹ ٹیم کے مینٹور میتھیو ہیڈن کا کہنا ہے کہ یہ ایونٹ پاکستان کیلئے رولر کوسٹر کی طرح رہا ہے لیکن مجھے یقین ہے کہ ہم کیویز خلاف بہترین کھیل پیش کریں گے۔
باغی ٹی وی : سڈنی میں پریس کانفرنس کرتے ہوئے مینٹو میتھیو ہیڈن نے گفتگو کرتے ہوئے کہا کہ نیدر لینڈز نے جب جنوبی افریقہ کو ناقابلِ یقین انداز میں شکست دی تو یہ ہمارے لیے ایک اہم لمحہ تھا،ہمارے حوصلے اور بھی بلند ہوگئے، یہ ایونٹ پاکستان کیلئے رولر کوسٹر کی طرح رہا ہے لیکن مجھے یقین ہے کہ ہم کیویز خلاف بہترین کھیل پیش کریں گے پاکستان ٹیم ایسی ہے کچھ بھی کرسکتی ہے-
پاکستان کے لیجنڈ کرکٹر مرحوم عبدالقادر آئی سی سی ہال آف فیم میں شامل
انہوں نے کہا کہ شاہین انجری کے بعد آیا اب وہ مومینٹم میں آ گیا، چار فاسٹ بولرز کا ایک خطرناک کمبی نیشن ہےشاہین آفریدی کی قیادت میں قومی ٹیم کے پیس اٹیک میں بہتری آئی ہے البتہ بیٹنگ میں کچھ مشکلات درپیش ہیں، ٹاپ آرڈر نے کام نہیں کیا لیکن مڈل آرڈر نے اچھا کھیلا پاکستان کی خاص بات جو مجھے بھاتی ہے وہ ان کی بڑے میچوں میں شاندار واپسی ہوتی ہے۔
اوپننگ جوڑی کے بارے میں ان کا کہنا تھا کہ پاکستان کی اوپننگ جوڑی بہترین ہے، اوپننگ جوڑی کے توڑنے کے حق میں نہیں ہے، پاکستان اور بھارت دونوں کے لیے ٹورنامنٹ میں اتار چڑھاؤ آئے، بابر اعظم کو سمجھایا ہے کہ اچھا وقت جلد آئیگا، انٹرنیشنل کرکٹ میں بہت مشکل ہوتا ہے کہ مسلسل پرفارم کرتے رہنا۔
انہوں نے کہا کہ بابر اعظم ایک اسپیشل پلیئر ہے،گلکرسٹ کا بھی2007 ورلڈکپ برا گزر رہا تھا لیکن پھر اس نے فائنل میں ٹیم کو فاتح بنا دیا، اس لیے حیران نہ ہوں جب بابر بھی بڑے میچوں میں کچھ کر دے سیمی فائنل میں بابراعظم “کچھ خاص” کرسکتے ہیں، وہ 5 میچز میں محض 39 رنز بناسکے ہیں، اس میں کوئی سوال نہیں ہے کہ بابر کو مشکلات کا سامنا کرنا پڑا ہے لیکن اسی طرح بڑا کھلاڑی بن کر ابھرے گا۔
پاکستان9نومبرکوکس ملک کےساتھ سیمی فائنل کھیلےگا؟قیاس آرائیاں شروع
میتھیو ہیڈن نے کہا کہ آسٹریلیا میں اگر کوئی گراؤنڈ برصغیر کی ٹیموں کو سوٹ کرتا ہے تو وہ سڈنی ہے جبکہ نیوزی لینڈ نے بھی اس گراؤنڈ پر آسٹریلیا کو ہرایا ہے اس لحاظ سے وہ خطرناک ٹیم ہے، کیویز کا بولنگ اٹیک خطرناک اور تجربہ کار ہے، ساؤتھی میرے ساتھ کھیلا ہے اس سے ان کے تجربے کا اندازہ لگائیں۔
انہوں نے کہا کہ نیوزی لینڈ طویل عرصے سے وائٹ بال کرکٹ میں ایک طاقت رہا ہے لیکن عالمی ٹائٹلز جیتنے کے حصول میں ناکامی رہی ہے، ہم کیویز کی کمزوریوں سے فائدہ اٹھانے کی کوشش کریں گے ٹی ٹوئنٹی کرکٹ میں ایک ستارہ یا کھلاڑی میچ بدل دیتا ہے-
قبل ازیں سیمی فائنل سے قبل قومی ٹیم کے کپتان بابراعظم نے آرام کو ترجیع دینے کے بجائے اکیلے ہی پریکٹس سیشن کیا، اس دوران بیٹر نے گھنٹوں پریکٹس کی جبکہ میتھیو ہیڈن بھی ان کے ہمراہ موجود تھے پاکستانی ٹیم نے سیمی فائنل سے قبل گراؤنڈ میں کوئی کرکٹ سیشن نہیں کیا-
واضح رہے کہ کل پاکستان اور نیوزی لینڈ ٹی ٹوئنٹی ورلڈکپ کے پہلے سیمی فائنل میں مدمقابل ہوں گے۔
ارجنٹائن کو دھچکا، میسی ورلڈکپ سے قبل انجری کا شکار ہوگئے
نومبر 8, 2022
پاکستان کے لیجنڈ کرکٹر مرحوم عبدالقادر آئی سی سی ہال آف فیم میں شامل
پاکستان کے لیجنڈ کرکٹر مرحوم عبدالقادر کو انٹرنیشنل کرکٹ کونسل (آئی سی سی) ہال آف فیم میں شامل کرلیا گیا۔
باغی ٹی وی : آئی سی سی نے ہال آف فیم میں 3 نئے نام شامل کیے جن میں عبدالقادر کے علاوہ ویسٹ انڈیز کے شیونرائن چندرپال اور انگلینڈ کی شیرلوٹ ایڈورڈز کو بھی ہال آف فیم میں شامل کیا گیا ہے۔
دیکھاپھرقدرت کانظام:قومی ٹیم کےسیمی فائنل میں پہنچنےکےبعدرمیزراجہ نےقرآنی آیت شیئرکردی
A Pakistan legend, England trailblazer and West Indies great are the three latest additions to the ICC Hall Of Fame 🌟https://t.co/CXb6Z2qgVN
— ICC (@ICC) November 8, 2022

عبدالقادر کے بیٹے اور کرکٹر عثمان قادر نے والد کو ملنے والے اس اعزاز کے حوالے سے کہا ہے کہ اہلخانہ کی جانب سے اس اعزاز پر سب کا شکریہ ادا کرتا ہوں، ہال آف فیم میں والد کا شامل ہونا فیملی کے لیے اعزاز ہے۔
پاکستان9نومبرکوکس ملک کےساتھ سیمی فائنل کھیلےگا؟قیاس آرائیاں شروع
عبدالقادر آئی سی سی ہال آف فیم میں ساتویں پاکستانی ہیں، انہوں نے نے ٹیسٹ کرکٹ میں 236 اور ون ڈے میں 132 وکٹیں حاصل کیں انہوں نے اپنے 13 سالہ کیرئیر کے دوران دنیائے کرکٹ میں کئی ان مٹ نقوش چھوڑے۔
اس کے علاوہ ظہیر عباس، وقار یونس، عمران خان، حنیف محمد، جاوید میانداد اور وسیم اکرم بھی ہال آف فیم میں آچکے ہیں۔
خیال رہے کہ لیجنڈ عبدالقادر 2019 میں حرکت قلب بند ہونے کی وجہ سے انتقال کرگئے تھے۔
ارجنٹائن کو دھچکا، میسی ورلڈکپ سے قبل انجری کا شکار ہوگئے
نومبر 8, 2022