Baaghi TV

Author: Ayesha Rehmani

  • رضوان اور بابراعظم فارم میں نہیں ہیں،ہماری ٹیم اسکا فائدہ اٹھائے گی،ڈیوڈ ملر

    رضوان اور بابراعظم فارم میں نہیں ہیں،ہماری ٹیم اسکا فائدہ اٹھائے گی،ڈیوڈ ملر

    جنوبی افریقہ کے جارح مزاج بلےباز ڈیوڈ ملر نے کہا کہ بابراعظم فارم میں نہیں ہیں اور بڑا اسکور کرنے میں ناکام ہورہے ہیں، ہماری ٹیم اس کا فائدہ اٹھائے گی۔

    باغی ٹی وی : سڈنی میں میچ سے قبل پریس کانفرنس کرتے ہوئے ڈیوڈ ملر نے کہا کہ پاکستان کے پاس اچھے میچ کھلاڑی موجود ہیں، وہ بہترین سائیڈ ہے تاہم کپتان بابراعظم اور رضوان مسلسل فارم کے لیے جدوجہد کررہے ہیں، کوشش ہوگی جلد وکٹ لےکر پاکستان کو پریشر میں لائیں ہمارا پیس اٹیک بہترین فارم ہے، گزشتہ کچھ عرصے میں ہمارے فاسٹ بولرز نے کئی اہم میچز جتوانے میں اہم کردار ادا کیا ہے۔

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    واضح رہے کہ پاکستان اور جنوبی افریقہ کا میچ سڈنی کرکٹ گراؤنڈ میں جمعرات کو پاکستانی وقت کے مطابق دوپہر 1 بجے کھیلا جائے گا-

    دوسری جانب ٹی20 ورلڈکپ میں مسلسل ناکامی کے بعد وکٹ کیپر بیٹر محمد رضوان سے پہلی پوزیشن چھین گئی آئی سی سی کی نئی مینز ٹی20 رینکنگ میں قومی ٹیم کے وکٹ کیپر بیٹر محمد رضوان کی پہلی پوزیشن پر بھارت کے سوریا کمار یادیو نے قبضہ جمالیا ہے جبکہ ویرات کوہلی بھی 10 نمبر پر آگئے ہیں۔

    امید ہے بھارت سیمی فائنل کھیلے گا،سارو گنگولی

    قومی ٹیم کے کپتان بابراعظم 780 پوائٹنس کے ہمراہ چوتھی پوزیشن پر موجود ہیں جبکہ محمد رضوان 7 ریٹنگ پوائٹنٹس میں کمی کے بعد 842 کے ہمراہ دوسرے نمبر پر آگئے ہیں۔

    آئی سی سی مینز ٹی20 رینکنگ میں سوریا کمار 863 پوائنٹس کے ہمراہ پہلے، محمد رضوان 842 کے ساتھ دوسرے، نیوزی لینڈ کے ڈیون کانوے 792 پوائنٹس کے ساتھ تیسری پوزیشن پر قابض ہیں، ویرات کوہلی 638 پوائنٹس کے ہمراہ 10 ویں پوزیشن پر پہچ گئے ہیں۔

    بولرز کی رینکنگ میں افغان اسپنر راشد خان پہلے، وینندو ہسرنگا دوسرے، تبریز شمسی تیسرے، جوش ہیزل ووڈ چوتھے، مجیب الرحمان پانچویں، سیم کرن چھٹے نمبر پر موجود ہیں جبکہ قومی ٹیم کا کوئی بالر ٹاپ 10 میں موجود نہیں البتہ 17 ویں نمبر پر حارث رؤف براجمان ہیں۔

    انجری کے باعث پاکستانی ٹیم کے اہم کھلاڑی جنوبی افریقا کیخلاف میچ سے باہر

  • مکہ کے صحرا میں سمندری پانی سے چاول کی کاشت کا دنیا کا منفرد اور کامیاب تجربہ

    مکہ کے صحرا میں سمندری پانی سے چاول کی کاشت کا دنیا کا منفرد اور کامیاب تجربہ

    سعودی عرب کے ایک زرعی انجینیئر نے مکہ کے صحرا میں چاول اگا کر سبھی کو حیران کردیا، یہ پوری دنیا میں اپنی نوعیت کا پہلا کامیاب تجربہ ہے۔

    باغی ٹی وی : عرب میڈیا کے مطابق سعودی عرب میں ایک ایگری کلچرانجینیرنے صحرائی زمین اور سمندر کے کھارے پانی سے بہترین اقسام کے چاول کی کاشت کا منفرد اور کامیاب تجربہ کیا ہے۔ سعودی شہری انجینیر یوسف البندقی کا یہ نہ صرف مملکت بلکہ پوری دنیا میں اپنی نوعیت کا پہلا تجربہ ہے۔

    عالمی شہرت یافتہ تیر اندازکا چابی کے سوراخ سے سات تیر گزارنے کا نیا ریکارڈ قائم


    "العربیہ: ڈاٹ نیٹ کے مطابق چاول کی کاشت اور جدید کاشتکاری کے ماہر انجینیئر یوسف عبدالرحمان بندقجی کا کہنا ہے کہ انہیں دو برس قبل جدہ میں کاشتکاری کا خیال آیا اور وزارت زراعت و پانی کی نگرانی میں بحیرہ احمر سے متصل زرعی فارم میں سمندر کے پانی سے آبپاشی کی-

    برِ اعظم افریقا میں الو کی نئی نسل دریافت

    یوسف عبدالرحمان کے مطابق سمندری پانی کھارا ہوتا جاتا ہے اس دوران مختلف پودوں اور آبپاشی میں استعمال ہونے والے پانی نیز گرم آب و ہوا اور موسم کا مطالعہ کرتا رہا۔ اسی تجربے کے تناظر میں مکہ کے صحرا میں چاول کی کاشت کا خیال ذہن میں آیا یہ کاشت جدید ماحول دوست نامیاتی مواد اور آبپاشی کے نظام کے ساتھ مہینے میں پانچ بار کی گئی۔ یہ تجربہ پانچ سال کیا گیا اور ہر سال فصل کی کٹائی کی گئی۔

    انہوں نے کہا کہ چاول کی کاشت کا خیال اس وقت آیا جب اس کی تجویز ریسرچ سینٹر کے کنسلٹنٹس نے کی، کیونکہ اس آئیڈیا کو عملی جامہ پہنانے کے لیے جدید مواد اور مہارت پر انحصار کرنا تھا میں چاول کے فارم میں اس کی کاشت اور آبپاشی کی پیروی کرنے اور کھیت اور لیبارٹری کے تجربات کے نتائج کا مشاہدہ کرنے کے لیے 12 گھنٹے کام کرتا رہا۔ اس کے فارم کا رقبہ 2 ہیکٹر ہے اور کچھ چھوٹے رقبے پر غور کیا جاسکتا ہے۔

    گوشت کا کم استعمال موسمیاتی بحران سے بچا سکتا ہے ،تحقیق

    انہوں نے مزید کہا کہ چاول شکل میں گندم سے ملتا جلتا ہے، لیکن خصوصیات اور نظام میں مختلف ہے ہم سال بھر اور تمام موسموں میں چاول اگاسکتے ہیں۔ میرے پاس فارم پر چاول کی تین اقسام ہیں، جو انڈونیشیائی سیاہ چاول کے علاوہ سعودی الرویا سفید چاول، الحساوی سرخ چاول شامل ہیں۔

    بندقجی کا یہ بھی کہنا تھا کہ وہ آئندہ چند ماہ کے دوران مکہ المکرمہ کے مضافات میں سیلانی چائے اگانے کے تجربے کو عملی جامہ پہنانے پر کام کر رہے ہیں۔

  • روسی ہیکرز کا امریکی وزارت خزانہ کے سسٹم پر سائبر حملہ

    روسی ہیکرز کا امریکی وزارت خزانہ کے سسٹم پر سائبر حملہ

    امریکی حکام کا کہنا ہے کہ روسی ہیکرز نے امریکی وزارت خزانہ کے سسٹم پر سائبر حملہ کیا ہے-

    باغی ٹی وی : امریکی وزارت خزانہ کے ایک اہلکار نے منگل کے روز انکشاف کیا ہے کہ ایک روس نواز ہیکر گروپ نے گذشتہ ماہ وزارت کے کمپیوٹر سسٹم کو نشانہ بنایا تھا، لیکن اس واقعے سے بہت کم خلل پڑا تھا کیونکہ مالیاتی نظام کے حوالے سے سائبر سکیورٹی کے لیے وزارت کا بہتر طریقہ کار اچھا کام کر رہا ہے۔

    ایران کی طرف سے سعودی عرب کو دی جانےوالی دھمکیوں پرتشویش ہے،امریکا

    ڈپٹی ٹریژری سکریٹری ولی اڈیمو کے سائبر سکیورٹی ایڈوائزر ٹوڈ کونکلن نے ’روئٹرز‘ کو بتایا کہ ڈپارٹمنٹ نے ڈسٹری بیوٹڈ ڈینیئل آف سروس (DDoS) حملوں کی ذمہ داری Killnet پر عائد کی ہےجوایک روسی ہیکر گروپ ہےجس نےگذشتہ اکتوبرمیں کئی امریکی ریاستوں اور ہوائی اڈوں کی ویب سائٹس کو خراب کرنے کی ذمہ داری قبول کی ہے۔

    قبل ازیں ایک سینیر امریکی اہلکار نے گذشتہ ماہ انکشاف کیا تھا کہ سائبر حملوں میں 10 اکتوبر کو امریکا کے کچھ بڑے ہوائی اڈوں کو نشانہ بنایا گیا تھا۔ ذرائع نے اے بی سی نیوز کو بتایا کہ یہ کارروائی روسی فیڈریشن کے اندر ایک حملہ آور نے کی۔

    خوش قسمتی سے ان ہوائی اڈوں کے لیے ٹارگٹ سسٹم ایئر ٹریفک کنٹرول، ایئر لائن کمیونیکیشن اور کوآرڈینیشن، یا ٹرانسپورٹیشن سکیورٹی سسٹم کو زیادہ نقصان نہیں پہنچا تاہم ان حملوں کی وجہ سے مسافروں کی ان ویب سائٹس تک "رسائی روک دی” جو انتظار کے اوقات اور ہوائی اڈے پر ہجوم کو ظاہر کرتی ہیں۔

    سلمان خان کی سکیورٹی میں مزید اضافہ

    ہوائی اڈوں نے سب سے پہلے صبح 3 بجے EDT کے قریب حملوں کی اطلاع دی جب سائبرسکیوریٹی اور انفراسٹرکچر سکیورٹی ایجنسی نے اطلاع دی کہ LaGuardia ہوائی اڈے کے نظام کو نشانہ بنایا گیا تھا، لیکن اسے بحال کر دیا گیا تھا لیکن ملک بھر کے دیگر ہوائی اڈے پہلے ہی متاثر ہو چکے ہیں۔

    ہوائی اڈے کی ویب سائٹ پر اطلاع دی گئی تھی کہ پروگرامرز اور انجینیر ان خامیوں کو بند کرنے کے لیے کام کر رہے ہیں جو ہیکرز کو ویب سائٹس ہیک کرنے کی اجازت دیتے ہیں یہ واقعہ ایک طرف ماسکو اور دوسری طرف واشنگٹن اور مغرب کے درمیان بڑھتی ہوئی کشیدگی کے دوران سامنے آیا۔

    روسی سائبر حملے: درجن سے زائد امریکی ایئر پورٹس کی ویب سائٹس متاثر

  • دکی: مٹی کا تودہ گرنے سے دو کان کن جاں بحق

    دکی: مٹی کا تودہ گرنے سے دو کان کن جاں بحق

    دکی: چمالنگ کے علاقے اکرام بورڈ میں مقامی کوئلہ کان میں مٹی کا تودہ گرنے سے دو کان کن مٹی تلے دب کر جاں بحق ہوگئے۔

    باغی ٹی وی : ایس ایچ او چمالنگ محمد شاہ کے مطابق جاں بحق کانکنوں کی شناخت اختر محمد ولد خیر محمد اور نقیب اللہ ولد نصیب اللہ بارک زئی سکنہ افغانستان کے نام سے ہوئی۔

    لانگ مارچ،خونی مارچ میں تبدیل ہونے لگا , دوسری ہلاکت ہوگئی،ٹرک سے گرکر 49 سالہ…

    لاشیں کان سے نکال کر ضروری کارروائی کے لیے اسپتال منتقل کی گئیں جس کے بعد لاشیں ورثاء کے حوالے کرکے آبائی علاقے روانہ کر دی گئیں۔

    دوسری جانب ٹھٹھہ میں گھارو کے قریب قومی شاہراہ پر المناک روڈ حادثہ پیش آنے کی وجہ سے ایک نوجوان موٹر سائیکل سوار جانبحق دوسرا شدید زخمی ہوگیا گھارو شہر کے سیاسی و سماجی گھرانے کا چشم و چراغ داد محمد شہزاد کے فرزند برازیل فٹبال کلب گھارو کے کیپٹن سہیل شہزاد کے چھوٹے بھائی بیس سالہ نوجوان جہانزیب جوکھیو اور بارہ سالہ شاکر جوکھیو گزشتہ رات دیر سے اپنے ہوٹل سے جو کہ شہر سے کچھ فاصلے پر واقع ہے-

    گھارو کے قریب قومی شاہراہ پر حادثہ ، ایک نوجوان موٹر سائیکل سوار جانبحق دوسرا شدید…

    موٹر سائیکل پر رات کو گھر کی طرف آرہے تھے کہ روڈ پر کھڑی ہوئی خراب گاڑی کے پیچھے جا ٹکرائے جسکے نتیجے میں دونوں نوجوان شدید زخمی ہو گئے جنہیں فوری طور پر پولیس موبائل کے ذریعے رورل ہیلتھ سینٹر گھارو پہنچایا گیا جہاں پر طبی امداد فراہم کرنے کے دوران شدید زخمی ہونے والے نوجوان جہانزیب جوکھیو زخموں کی تاب نہ لاتے ہوئے خالق حقیقی سے جا ملا جبکہ پولیس اور اسپتال کے عملہ نے ضروری قانونی کارروائی کرنے کے بعد جانبحق ہونے والے نوجوان کا جسدِ خاکی ورثاء کے حوالے کر دیا گیا اور دوسری جانب زخمی شاکر جوکھیو کو طبی امداد دی جا رہی ہے جسکی حالت خطرے سے باہر بتائی جاتی ہے-

    شاہ محمود قریشی بھی لانگ مارچ کے دوران زخمی ہوگئے

    مرحوم جہانزیب جوکھیو کی بارہ دنوں کے بعد 13 نومبر کو شادی ہونے والی تھی کہ یہ افسوسناک حادثہ پیش آگیا اور جیسے ہی نعش ان کے گھر پہنچی خوشیوں والے گھر میں کہرام مچ گیا ہر آنکھ اشک بار ہو گئی۔

  • ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن 76 برس کی عمر میں انتقال کر گئے۔

    باغی ٹی وی : دنیائے کرکٹ کی سب سے بڑی آسٹریلیا سے تعلق رکھنے والے ایلن تھامسن اپنے غیر معمولی بالنگ اسٹائل کی وجہ سے مشہور تھے، وہ 1970-71 میں 7 ٹیسٹ میچوں پر مشتمل ایشز سیریز کے 4 ٹیسٹ میچز میں بھی کینگروز ٹیم کا حصہ تھے۔

    انجری کے باعث پاکستانی ٹیم کے اہم کھلاڑی جنوبی افریقا کیخلاف میچ سے باہر

    فروگی کے نام سے مشہور ایلن تھامسن نے پہلے دو ٹیسٹ میچز میں اپنی ٹیم کی نمائندگی گی لیکن میلبرن میں شیڈول تیسرا ٹیسٹ بارش کے باعث ملتوی ہو گیا، اس سے پہلے کہ وہ پانچواں اور چھٹا ٹیسٹ میچ کھیلتے انہوں نے تاریخ رقم کر دی جب میلبرن ٹیسٹ بارش کے باعث متاثر ہوا تو دونوں ٹیموں کے درمیان 5 جنوری 1971 کو 40 اوورز پر مشتمل ایک روزہ میچ کھیلا گیا۔

    لاہور پولو کلب کے زیراہتمام دو میچز، لاٹینم ہومزاورماسٹر پینٹس بلیک کی ٹیمیں رہیں فاتح

    اس میچ میں ایلن تھامسن نے انگلینڈ کے سابق کپتان جیفری بائیکاٹ کو اسکوائر لیگ پر بل لاؤری کے ہاتھوں کیچ آؤٹ کرایا۔ ایلن تھامسن نے اس میچ میں 8 اوورز میں 22 رنز دیکر ایک وکٹ حاصل کی اور میچ آسٹریلیا 5 وکٹوں سے جیت گیا۔

    ایلن تھامسن نے 1969 میں اس وقت شہرت حاصل کی جب شیفلڈ شیلڈ ٹرافی میں وکٹوریا کی طرف سے کھیلتے ویسٹ انڈیز کے خلاف کھیلتے ہوئے شاندار پرمارمنس کا مظاہرہ کرتے ہوئے 11 وکٹیں حاصل کیں انہوں نے 4 ٹیسٹ میچز میں صرف 12 وکٹیں حاصل کی تاہم 44 فرسٹ کلاس میچز میں انہوں نے 184 وکٹیں حاصل کیں۔

    جسٹس نورمسکانزئی قتل کیس؛گرفتارملزم کا ایران میں تربیت لینےکاانکشاف

  • زمبابوے کی نیدر لینڈز سے شکست، دونوں ٹیمیں سیمی فائنل کی دوڑ سے باہر

    زمبابوے کی نیدر لینڈز سے شکست، دونوں ٹیمیں سیمی فائنل کی دوڑ سے باہر

    ٹی ٹوئنٹی ورلڈ کپ کے سپر 12 مرحلے کے 22 ویں میچ میں نیدرلینڈز نے زمبابوے کو 5 وکٹوں سے شکست دے دی جس کے بعد دونوں ٹیمیں ٹی ٹوئنٹی ورلڈ کپ سے باہر ہوگئیں۔

    باغی ٹی وی : زمبابوے اگر آج کے میچ میں فتح حاصل کرلیتا تو اس کے سیمی فائنل میں رہنے کے امکانات روشن تھے پوری ٹیم 19.2 اوورز میں 117 رنز بنا کر آل آؤٹ ہوگئی۔ سکندر رضا 40 رنز بناکر ٹاپ اسکورر رہے۔ اوپنر ویسلی مدھویرے 1، کپتان کریگ ارون 3، ریگیس چکابوا 5، شان ولیمز 28، ملٹن شمبا 2، ریان برل 2، لیوک جونگوے 6 اور رچرڈ نگروا 9 رنز بناکر نمایاں رہے۔

    کامران اکمل نےپشاورزلمی ٹیم کوخیرباد کہہ دیا

    نیدر لینڈز کی جانب سے پال وین میکرین نے 3، برینڈن گلوور، لوگن وین بیک اور بس ڈی لیڈز نے دو کھلاڑیوں کو پویلین کی راہ دیکھائی۔
    118 رنز کا ہدف نیدرلینڈز نے 5 وکٹوں کے نقصان پر 18 اوورز میں حاصل کر لیا۔

    اوپنر اسٹیفن مائیبرگ ابتدا میں 8 کے انفرادی اسکور پر جلد وکٹ گنوا بیٹھے تاہم میکس او ڈاؤڈ اور ٹام کوپر دوسری وکٹ پر 73 رنز کی شراکت داری بنائی، کوپر 32 رنز بناکر آؤٹ ہوئے۔

    انجری کے باعث پاکستانی ٹیم کے اہم کھلاڑی جنوبی افریقا کیخلاف میچ سے باہر

    دیگر کھلاڑیوں میں کولن ایکرمین 1، بس ڈی لیڈے 8 اور کپتان اسکاٹ ایڈورڈز 5 رنز بناکر نمایاں رہے، میکس او ڈاؤڈ نے ذمہ درانہ بیٹنگ کا مظاہرہ کرتے ہوئے 52 رنز کی اننگز کھیلی، نیدر لینڈز نے 18 ویں اوور میں 5 وکٹوں کے نقصان پر 118 رنز کا ہدف حاصل کرلیا۔

    ٹی ٹوئنٹی ورلڈکپ میں آج کا دوسرا میچ بنگلادیش اور بھارت کے درمیان دن ایک بجے شروع ہوگا، یہ میچ دونوں ٹیموں کے علاوہ پاکستان کے لیے بھی انتہائی اہمیت کا حامل ہے۔

    بنگلادیش اگر آج بھارت کو شکست دیتا ہے اور پاکستان اپنے بقیہ دونوں میچز جیت گیا تو قومی ٹیم کے سیمی فائنل میں پہنچنے کی اُمیدیں زندہ رہیں گی۔

    امید ہے بھارت سیمی فائنل کھیلے گا،سارو گنگولی

  • شمالی کوریا کا نیا تجربہ، میزائل جنوبی کوریا میں جاگرا

    شمالی کوریا کا نیا تجربہ، میزائل جنوبی کوریا میں جاگرا

    پیانگ یانگ: شمالی کوریا نے ایک بار پھر میزائل کا تجربہ کرلیا۔ تجربے کے لیے فائر کیا گیا میزائل جنوبی کوریا کی حدود میں گرا۔

    باغی ٹی وی : غیرملکی میڈیا کے مطابق شمالی کوریا نے نیا میزائل تجربہ کیا ہے۔ تجرباتی طور پر فائر کیا گیا میزائل شمالی کوریا اور جنوبی کوریا کا میری ٹائم بارڈر عبور کر کے جنوبی کوریا کے علاقے میں گرا۔

    برازیل : بولسونارو انتظامیہ نے الیکشن میں شکست تسلیم کرلی،اقتدارنومنتخب صدر لولا…

    شمالی کوریا نے بدھ کے روز اپنے مشرقی اور مغربی ساحلوں سے کم از کم 10 میزائل داغے، جو جنوبی کوریا میں گرا اور ایک آبادی والے جزیرے پر فضائی حملے کا الرٹ جاری کر دیا-

    رپورٹس کا کہنا ہے کہ دونوں ممالک کی 1945 میں تقسیم کے بعد یہ پہلا موقع ہے جب شمالی کوریا کی طرف سے فائر کیا گیا میزائل جنوبی کوریا میں گرا ہے شمالی کوریا کا نیا میزائل مختصر فاصلے تک مار کرنے والا میزائل جنوبی کوریا کی حدود کے 60 کلومیٹر اندرسوکچو شہر میں گرا جس کے باعث علاقے میں فضائی حملے کے الارم بجائے گئے۔

    جنوبی کوریا نے شمالی کوریا کے میزائل کے جواب میں 3 میزائل فائر کیے جنوبی کوریا کے صدر نے شمالی کوریا کے اس اقدام میں سرحدی خلاف ورزی قرار دیا ہے۔

    کینیڈا نے ایران پرانسانی حقوق کی خلاف ورزیوں کے الزام میں نئی پابندیاں عائد کردیں

    نیویارک ٹائم ز کے مطابق شمالی کوریا کا ایک میزائل جنوبی کوریا کے مشرقی ساحل سےشمال مغرب میں 103 میل کے فاصلے پر گرا، جس کی آبادی تقریباً 9, 000 ہے، فوج نے وہاں ہوائی حملے کا الرٹ جاری کیا جنوبی کوریا کی فوج کے چیف ڈائریکٹر آپریشنز لیفٹیننٹ جنرل کانگ شن چول نے اس لانچ کو "انتہائی غیر معمولی اور ناقابل برداشت حرکت” قرار دیا۔

    اولیونگ کے ایک مقامی اہلکار چنگ ینگ ہوان نے کہا کہ سائرن صبح 8:55 پر بجنا شروع ہوئے اور ہمیں اپنے سرکاری کمپیوٹر سسٹم سے ایک پیغام ملا کہ یہ ‘حقیقی زندگی کی صورت حال’ ہے،” کوئی موک ڈرل نہیں، "ہم نے دوبارہ باہر آنے سے پہلے تین یا چار منٹ کے لیے زیر زمین پناہ گاہ میں پناہ لی۔

    ایران میں امریکی سفارتکار راب میلی نے اپنے ٹوئٹ پر معافی مانگ لی

    مسٹر چنگ نے کہا کہ سائرن پورے جزیرے میں بجنے لگا لیکن رہائشیوں کو فوری طور پر اس کی وجہ نہیں بتائی گئی۔ انہوں نے کہا کہ جب ہم نے خبریں دیکھیں تو ہمیں معلوم ہوا کہ یہ شمالی کوریا کا میزائل ہے۔

    جنوبی کی فوج نے بعد میں کہا کہ اس کے F-15K اور KF-16 لڑاکا طیاروں نے ایک انتباہ کے طور پر، شمال کے اپنے علاقائی پانیوں سے زیادہ دور بین الاقوامی پانیوں میں فضا سے زمین پر مار کرنے والے تین میزائل فائر کیے تھے۔ جنوبی کوریا کی وزارت ٹرانسپورٹ نے اولیونگ کے آس پاس کے علاقے سے جمعرات کی صبح تک ہوائی ٹریفک کو روک دیا۔

    آئی سی سی نے افغانستان میں تحقیقات دوبارہ شروع کرنے کی اجازت دے دی

  • امید ہے بھارت سیمی فائنل کھیلے گا،سارو گنگولی

    امید ہے بھارت سیمی فائنل کھیلے گا،سارو گنگولی

    بی سی سی آئی کے سابق سربراہ سارو گنگولی نے بھارتی ٹیم ٹی ٹوئنٹی ورلڈکپ کے فائنل کھیلنے سے متعلق پیشگوئی کی ہے-

    باغی ٹی وی : بھارتی میڈیا کے مطابق بنگال کرکٹ ایسوسی ایشن کی میٹنگ کے دوران گنگولی نے کہا انہیں امید ہےکہ بھارت آرام سے ٹی ٹوئنٹی ورلڈکپ کے سیمی فائنل کے لیے کوالیفائی کرے گا-

    انجری کے باعث پاکستانی ٹیم کے اہم کھلاڑی جنوبی افریقا کیخلاف میچ سے باہر

    انہوں نے کہا کہ بھارت اس وقت گروپ 2 میں جنوبی افریقا کے پیچھے ہے، اس نے تین میں سے دو میچ جیت لیے ہیں اب اگلے میچز بنگلا دیش اور زمبابوے سے ہیں۔

    سابق بی سی سی آئی سربراہ نے کہا کہ بھارتی ٹیم نے کوالٹی کرکٹ کھیلی ہے مگر جنوبی افریقا سے شکست نے انہیں سیمی فائنل کی ایک پیچیدہ صورتحال میں ڈالا ہوا ہے لیکن بھارتی ٹیم کی پرفارمنس کو دیکھتے ہوئے امید ہےکہ ٹیم فائنل میں جائے گی۔

    سابق کپتان کا کہنا تھا کہ بھارت نے صرف ایک میچ ہارا ہے، ہر کھلاڑی اپنی بہترین کوشش کررہا ہے اس لیے مکمل پرامید ہےکہ بھارت فائنل کھیلے گا۔

    بی سی سی آئی نے پاک بھارت ٹیسٹ سیریز کا امکان مسترد کر دیا

    قبل ازیں ٹی ٹوئنٹی ورلڈکپ میں بھارت پر جان بوجھ کر ہارنے کا الزام عائد کیا گیا تھا ٹی ٹوئنٹی ورلڈکپ کے اہم میچ میں جنوبی افریقہ نے بھارت کو با آسانی 5 وکٹ سے شکست دی تھی،اس وجہ سے پاکستان کی سیمی فائنل تک رسائی کے امکانات نہ ہونے کے برابر رہ گئے، بھارتی کھلاڑیوں نے کیچز ڈراپ کیے اور رن آئوٹ کے مواقع بھی ضائع کیے تھے-

    قومی ٹیم کے سابق کپتان سلیم ملک نے پروٹیز کے ہاتھوں بھارت کی شکست پر شدید ردعمل کا اظہار کیا تھا انہوں نے دعویٰ کیاتھا کہ بھارت کبھی نہیں چاہے گا کہ پاکستان آگے جائے، بلو شرٹس نے بہت ہی خراب فیلڈنگ کی، اگر بھارتی کھلاڑی تھوڑی سی اچھی فیلڈنگ کر لیتے تو میچ نہ ہارتے، جو کیچ انھوں نے نہیں لیے وہ چھوٹنے والے نہیں ہوتے، بھارتی ٹیم نے میچ کی ابتدا میں تھوڑا جوش اور جذبہ دکھایا لیکن جیسی فیلڈنگ کی اس پر مجھے تھوڑا سا شبہ ہے، بھارت کبھی نہیں چاہے گا کہ پاکستان ٹیم آگے آئے۔

    لاہور پولو کلب کے زیراہتمام دو میچز، لاٹینم ہومزاورماسٹر پینٹس بلیک کی ٹیمیں رہیں فاتح

  • برِ اعظم افریقا میں الو کی نئی نسل دریافت

    برِ اعظم افریقا میں الو کی نئی نسل دریافت

    پرنسپی جزیرہ: برِ اعظم افریقا کے ساحل پر موجود ایک جزیرے میں الو کی نئی نسل دریافت کی گئی ہے پرِنسپی اسکوپس-آؤل نامی یہ الو برِ اعظم کے مغرب میں خلیجِ گنی کے ایک جزیرے میں پایا گیا ہے۔

    باغی ٹی وی : میڈیا رپورٹس کےمطابق اس الو کا لاطینی نام اوٹس بائیکیگِلا ہے اوٹس چھوٹے الوؤں کے ایک ایسے گروپ کو کہا جاتا ہے جو مشترکہ ماضی رکھتے ہیں جبکہ بائیکیگِلا کا انتخاب ایک ایسے شخص سے متاثر ہوکر کیا گیا ہے جو پرِنسپی میں طوطے پالا کرتا تھا۔ اس شخص کی عرفیت بائیکیگِلا تھی۔

    دنیا کے پرندوں کی تقریباً نصف اقسام کی آبادی کم ہو رہی ہے،رپورٹ

    یہ الو یوریشیا اور افریقا کے خطے میں پائے جاتے ہیں اور ان میں یوریشین اسکوپس-آؤل اور افریقی اسکوپس-آؤل کی وسیع نسل شامل ہیں۔

    محققین کا کہنا تھا کہ الو کی اس قسم کی دریافت کے لیے بائیکیگِلا کی جانب سے فراہم کی گئی مقامی معلومات اور اس گتھی کو سلجھانے کے لیے ان کی مستقل کوشش کے شکر گزار ہیں۔ اس کے بغیر یہ ممکن نہیں ہوتا۔

    محققین کے مطابق جنگل میں اس کو پہچاننے کا سب سے آسان طریقہ اس کی منفرد آواز ہے۔ بلکہ اس کی آواز وہ بنیادی اشارہ تھی جو اس کی دریافت کا سبب بنی۔

    الو کی ایک نئی نسل کو ابھی ابھی پرنسیپ جزیرے سے بیان کیا گیا ہےجو وسطی افریقہ میں ڈیموکریٹک ریپبلک آف ساؤ ٹومی اور پرنسپے کا حصہ ہے۔ سائنس دان سب سے پہلے 2016 میں اس کی موجودگی کی تصدیق کرنے میں کامیاب ہوئے تھے، حالانکہ اس کی موجودگی کے شبہات نے 1998 میں دوبارہ توجہ حاصل کر لی تھی، اور مقامی لوگوں کی طرف سے اس کی موجودگی کا مشورہ دیتے ہوئے 1928 تک اس کا پتہ لگایا جا سکتا ہے۔

    سائنسدان 2025 تک چاند پر پودے اُگانے کیلئے کوشاں

    نئی الو کی انواع کو کھلی رسائی کے جریدے Zoo Keys میں بیان کیا گیا تھا، ثبوت کی متعدد سطروں جیسے مورفولوجی، پلمیج کا رنگ اور پیٹرن، آواز اور جینیات کی بنیاد پر۔ مارٹیم میلو (CIBIO اور نیچرل ہسٹری اینڈ سائنس میوزیم آف پورٹو یونیورسٹی)، باربرا فریٹاس (CIBIO اور ہسپانوی نیشنل میوزیم آف نیچرل سائنسز) اور انجلیکا کروٹینی (CIBIO) کی سربراہی میں ایک بین الاقوامی ٹیم نے ڈیٹا اکٹھا کیا اور اس پر کارروائی کی۔

    جزیرہ پرنسیپ ایک بہت زیادہ کٹا ہوا آتش فشاں ہے جس کا رقبہ 55 مربع میل (142 مربع کلومیٹر) خلیج گنی میں افریقہ کے مغربی ساحل سے دور ہے۔ یہ جزیرہ، جو کہ سات دیگر مقامی پرندوں کی انواع کا گھر ہے، غیر معمولی طور پر پرندوں کی انتہا پسندی کی اعلیٰ سطح کا حامل ہے۔ دوسری انوکھی نسلیں ہیں پرنسیپ وائٹ آئی (جو ساؤ ٹومے پر بھی پائی جاتی ہے)، پرنسیپ سپیرپس، پرنسیپ سٹارلنگ، پرنسیپ تھرش، پرنسیپ سن برڈ، پرنسیپ گولڈن ویور، اور پرنسیپ سیڈیٹر ہیں۔ اس کے علاوہ، لیمن ڈو، ملاچائٹ کنگ فش،اور ویلویٹ مینٹلڈ ڈرونگو کی مقامی ذیلی نسلیں جزیرے پر پائی جاتی ہیں، جن میں مقامی گیکوز، مینڈکوں اور کچھوؤں کا ذکر نہیں ہے۔

    مریخ پر پانی کی موجودگی کے نئے شواہد

  • ایران کی طرف سے سعودی عرب کو دی جانےوالی دھمکیوں پرتشویش ہے،امریکا

    ایران کی طرف سے سعودی عرب کو دی جانےوالی دھمکیوں پرتشویش ہے،امریکا

    واشنگٹن: امریکا نے سعودی عرب کو ملنے والی ایرانی دھمکیوں پر تشویش کا اظہار کیا ہے-

    باغی ٹی وی : امریکا کی قومی سلامتی کونسل کے ترجمان نے منگل کو کہا کہ امریکا ایران کی دھمکیوں کا مقابلہ کرنے کے لیے سعودی عرب کے ساتھ مسلسل رابطے میں ہے ایران کی طرف سے سعودی عرب کو دی جانے والی دھمکیوں پر تشویش ہے اور اگر ضرورت پڑی تو وہ اس کا جواب دینے سے دریغ نہیں کرے گا۔

    امریکی اخبار وال اسٹریٹ جرنل کی رپورٹ کے مطابق سعودی عرب نے ایرانی دھمکیوں کی انٹیلیجنس امریکا سے شیئرکی ہے جس میں سعودی عرب میں اہداف پرممکنہ حملےکی وارننگ دی گئی ہے۔

    ڈونلڈ ٹرمپ کو سپریم کورٹ سے بڑا ریلیف مل گیا

    ترجمان نے کہا کہ ہمیں خطرات پر تشویش ہے اور ہم فوجی اور انٹیلی جنس چینلز کا مقابلہ کرنے کے لیے سعودی عرب کے ساتھ مسلسل رابطے میں ہیں۔ ہم خطے میں اپنے مفادات اور شراکت داروں کے دفاع کے لیے کام کرنے سے نہیں ہچکچائیں گے۔

    قبل ازیں پیرکو ایران کے لیے امریکی ایلچی رابرٹ میلی نے کہا تھا کہ واشنگٹن ایران میں پرامن مظاہروں کی حمایت کرتا ہے صدر جو بائیڈن نےمجھے اپنے عہدے پر مقرر کیا تو اس کا مقصد ایران کے بارے میں یورپی موقف کو یکجا کرنا اور تہران کو جوہری ہتھیار حاصل کرنے سے روکنا تھا ایران کے پاس جوہری ہتھیار ہونے سے دنیا خطرے سے دوچار ہوجائے گی۔

    انہوں نے کہا کہ بائیڈن ایران کے ساتھ "سفارت کاری کو ترجیح دیتے ہیں، لیکن اگر سفارت کاری ایران کو جوہری ہتھیار حاصل کرنے سے روکنے میں ناکام رہتی ہے تو وہ فوجی آپشن پر بات کریں گے۔

    برازیل : بولسونارو انتظامیہ نے الیکشن میں شکست تسلیم کرلی،اقتدارنومنتخب صدر لولا کو منتخب کرنے کا…