Author: Ayesha Rehmani

کینیڈا نے ایران پرانسانی حقوق کی خلاف ورزیوں کے الزام میں نئی پابندیاں عائد کردی ہیں۔

باغی ٹی وی : کینیڈا کی وزارت خارجہ نے پیر کو ایک بیان میں کہا ہے کہ تازہ ترین پابندیوں میں چارافراد اور دو اداروں کو نشانہ بنایا گیا ہے ان میں ایران کے سینیر حکام اور قانون نافذ کرنے والی فورسز شامل ہیں کینیڈا نے ان پرنہتے مظاہرین کو دبانے اور ان کی گرفتاری میں حصہ لینے کا الزام عائد کیا تھا۔

سوئزرلینڈ میں دو کلومیٹر لمبی دنیا کی طویل ترین ٹرین کے سفر کا آغاز

کینیڈا کی وزیرخارجہ میلانیا جولی نے ایک بیان میں کہا کہ ایرانی عوام بشمول خواتین اورنوجوان اپنی زندگیاں خطرے میں ڈال رہے ہیں۔انہوں نے طویل عرصے تک ایک ایسی حکومت کو برداشت کیا ہے جس نے جبرواستبداد کے ہتھکنڈوں کے ذریعے ان کی انسانیت کودبایا اوران کے انسانی حقوق کی خلاف ورزی کی ہے کینیڈا ایرانی عوام کی حمایت جاری رکھے گا کیونکہ وہ جرآت مندانہ انداز میں بہتر مستقبل کا مطالبہ کر رہے ہیں-

انجلینا جولی نے ایرانی خواتین سے اظہار یکجہتی کے لیے فارسی کی نظم شئیر کر دی

اس سے قبل یورپی یونین کی جانب سے ایران میں 22 سالہ مہسا امینی کی پولیس کی حراست میں ہلاکت پر احتجاج کرنے والوں کے خلاف سکیورٹی فورسز کے کریک ڈاؤن پر ایرانی پولیس اور وزیر مواصلات سمیت چار ایرانی اداروں اور 11شخصیات پر ویزا اور اثاثے منجمد کرنے کی پابندیاں لگائی تھیں۔

واضح رہے کہ کینیڈا انسانی حقوق کی مبیّنہ خلاف ورزیوں پرایران پرحال ہی میں متعدد پابندیاں عاید کرچکا ہے ان میں 22 سالہ ایرانی کرد خاتون مہساامینی کی ہلاکت کے ردعمل میں پابندیاں بھی شامل ہیں-

اسکارف پہننے کے قانون کی خلاف ورزی پر 13ستمبر کو ایران میں گرفتار ہونے والی 22سالہ مہسا امینی تین روز بعد پولیس کی حراست میں مبینہ طور پر دل کا دورہ پڑنے سے انتقال کر گئی تھی ان کی پُراسرارموت کے خلاف مظاہرے جاری ہیں اور ایرانی حکام اس احتجاجی تحریک کو دبانے کے لیے کریک ڈاؤن کررہے ہیں۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

ایران کے لیے امریکہ کے خصوصی ایلچی راب میلی نے ایرانی مظاہرین کے بارے میں ایک ٹویٹ کیا تھا جس پر انہوں نے معافی مانگ لی ہے-

باغی ٹی وی : راب میلی نے نے پیر کے روز ایرانی مظاہرین کے بارے میں ایک ٹویٹ کیا تھ ایران میں یہ مظاہرے ایک ماہ سے زیادہ عرصے سے جاری ہیں بعد ازاں اپنے ایک حالیہ ٹویٹ کو ایک غلطی قرار دیتے ہوئے کہا کہ میں اس اپنی غلطی کو تسلیم کرتا ہوں۔

امریکی اعلیٰ سفرات کار نے اسے اپنی غلطی مانتے ہوئے کہا ہے یہ وہ کام نہیں تھا جو مجھے کرنا چاہیے تھا، خصوصاً اس طرح کے اس سے مظاہرین کے مطالبات کم کر کے ییش کئے ۔

پیر کے روز میلی نے کہا کہ یہ ہم پر منحصر نہیں اور مجھ پر ہے کہ ایرانی کیا چاہتے ہیں۔ ایرانی مظاہرین اپنا کام بہت اچھا کر رہے ہیں۔ وہ اپنے ضمیر کی آواز درست بلند کر رہے ہیں۔

22 اکتوبر کو راب میلی نے اپنے ٹویٹ میں کہا تھا کہ ایرانی مظاہرین ایرانی رجیم سے اپنی عزت کے لیے احتجاج کر رہے ہیں۔’ ان کے اس ٹویٹ کے فوری بعد تنقید شروع ہو گئی کہا گیا کہ انہوں نے ایرانی مظاہرین کے مطالبات کو کم کر کے دیکھا ہے، بہت سے لوگوں نے مطالبہ کیا کہ انہیں اس ٹویٹ کے بعد سفارت سے مستعفی ہو جانا چاہیے۔

انجلینا جولی نے ایرانی خواتین سے اظہار یکجہتی کے لیے فارسی کی نظم شئیر کر دی

قبل ازیں واشنگٹن میں قائم ایک تھنک ٹینک کارنیگی اینڈومنٹ فار انٹرنیشنل پیس کے ساتھ ایک ویبینار کے دوران انہوں نے کہا تھا کہ اگرسفارت کاری ایران کے ساتھ 2015 کے جوہری معاہدے کو بحال کرنے میں ناکام رہتی ہے تو وقتِ ضرورت فوجی آپشن کا استعمال بدستورزیرِغورہے۔

انہوں نے کہا تھا کہ ہم ایران کو جوہری ہتھیار حاصل کرنے سے روکنے کے لیے ہرممکن کوشش کرنے پرمعذرت خواہ نہیں ایک بار پھرسفارت کاری کوترجیح دی جا سکتی ہےاگر یہ دباؤ کےحربےکےساتھ کام کرسکتی ہے توبالخصوص پابندیوں کےساتھ کام کرسکتی ہے، لیکن سفارت کاری کے ناکام ہونے کی صورت میں تمام اختیارات کوپیش نظر رکھا جائے گا۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

روسی صدر ولادیمیرپیوٹن کی قریبی ساتھی لتھوانیا فرار ہو گئی ہیں-

باغی ٹی وی : عالمی خبررساں ادارے کے مطابق لتھوانیا کے دارالحکومت ولنیئس میں انٹیلی جنس سروسز نے بتایا کہ معروف روسی صحافی اور ٹی وی میزبان کیسنیا سوبچک اور صدر ولادیمیر پیوٹن کی بپتسمہ یافتہ بیٹی ماسکو میں پولیس کے ان کے ایک گھر پر چھاپہ مارنے کے بعد لتھوانیا فرار ہو گئی ہیں۔

روس کی سرکاری خبر رساں ایجنسی’طاس‘ کے مطابق ملک کی سکیورٹی سروسز کے پاس کیسنیا سوبچک کے اسی مجرمانہ کیس میں ملزم کے طور پر اس کے میڈیا ڈائریکٹر کرل سکھانوف کے وارنٹ گرفتاری تھے۔

مفرور خاتون صحافی سینٹ پیٹرزبرگ کے سابق میئر اناتولی سوبچک کی بیٹی ہیں، جنہیں پوتین نے پہلے اپنا استاد قرار دیا تھا اور افواہیں ہیں کہ وہ پیوٹن کی پوتی ہیں اگرچہ یہ یقینی نہیں ہےلیکن روسی صدر کےساتھ ان کے طویل خاندانی تعلقات کے باوجود دونوں میں اختلافات بھی نمایاں رہے ہیں۔

دس سال سزا پانے والے للا دی سلوا دوبارہ برازیل کے صدر منتخب

کیسنیا روس کی ایک معروف میڈیا پرسن ہیں، جو صحافت میں کیریئر شروع کرنے سے پہلے ایک رئیلٹی شو کی میزبان کے طور پر شہرت حاصل کر چکی ہیں کیسنیا سنہ 2018ء میں روس کی صدارتی امیدوار بھی رہ چکی ہیں۔

روسی میڈیا کا کہنا ہے کہ سوبچک ماسکو سے دبئی کے راستے استنبول کے لیے ہوائی جہاز کے ٹکٹ خرید کر روسی حکام کو دھوکہ دے کر منگل کی شب بیلاروس کے راستے لتھوانیا کی سرحد کے پار پہنچ گئیں۔

ملک کی کاؤنٹر انٹیلی جنس سروس کے سربراہ ڈاریوس یونسکیس نے جمعرات کی صبح ایک مقامی ریڈیو سٹیشن کو بتایا کہ بغیر کسی شک کے وہ لتھوانیا میں ہے سوبچک نے اپنے اسرائیلی پاسپورٹ کے ساتھ سرحد پار کی اور لتھوانیا، لٹویا اور ایسٹونیا نے گزشتہ ماہ سیاحتی ویزا رکھنے والے روسی شہریوں پر داخلے پر پابندی عائد کر دی ایک اسرائیلی شہری کے طور پر ایک درست پاسپورٹ کے ساتھ اسے ویزا کی ضرورت نہیں ہے اور وہ لتھوانیا میں داخل ہو سکتی ہے اور یہاں 90 دن تک رہ سکتی ہے۔

انٹارکٹیک میں برف کے نیچے بہنے والا طویل پُر اسرار دریا دریافت

واشنگٹن: عالمی شہرت یافتہ ماہر تیر انداز لارز اینڈرسن نے 30 فٹ کی دوری سے یکے بعد دیگرے سات تیر دروازے میں چابی کے سوراخ سے گزارے جبکہ سوراخ کا دہانہ صرف 10 ملی میٹر تھا۔

باغی ٹی وی : میڈیا رپورٹس کے مطابق لارز اینڈرسن یکم جون 2022 کو اس کا مظاہرہ کیا تھا لیکن اب گنیز بک آف ورلڈ ریکارڈ نے اس کی تصدیق کی ہے۔ انہوں نے روایتی کمان سے سات تیر داغے جو حیرت انگیز طور پر دروازے پر چابی کے سوراخ سے آر پار ہوگئے اس نازک کام میں بہت مہارت کی ضرورت تھی ورنہ معمولی جنبش سے بھی تیر اپنے ہدف تک نہیں پہنچ سکتا تھا۔

عالمی درجہ حرارت میں اضافہ ہوا تو دنیا پر اس کے خطرناک اثرات مرتب ہوں گے. اقوام…

لارز نے اس کی ویڈیو بنائی تھی جو اب بھی مقبول ہے جس میں وہ تیزی سے تیر پھینکتے ہیں اور ایک منٹ میں اپنا کام مکمل کرتے دکھائی دیتے ہیں۔ یہی وجہ ہے کہ 50 کے دہائی کی عمر کے لارز اینڈرسن کو دنیا کا تیز رفتار تیر انداز بھی کہا گیا ہے۔

ایلون مسک نے ٹوئٹر بورڈ آف ڈائریکٹرز کو تحلیل کر دیا

اپنے مظاہرے میں انہوں نے کاربن کے تیر استعمال کیےجن میں سے کسی کے سرے پر کوئی پر لگا ہوا نہیں تھا تاہم انہوں نے اس مظاہرے میں ترکی سے بنا ہوا روایتی کمان استعمال کیا تھا اس سے قبل وہ ڈیڑھ سیکنڈ میں تین تیر پھینک چکے ہیں۔

لارز کہتے ہیں کہ انہیں اوائل عمری سے ہی تیراندازی کا جنون تھا اس سےقبل وہ آنکھوں پر پٹی باندھ کر تیراندازی کرچکے ہیں اپنی جانب آنے والے تیر ہاتھوں سے پکڑ چکے ہیں اور الٹی کمان سے بھی تیر اندازی کر چکے ہیں اس پر2015 میں ایک ویڈیو بنائی گئی تھی جو اب کروڑوں افراد دیکھ چکے ہیں۔

سوئزرلینڈ میں دو کلومیٹر لمبی دنیا کی طویل ترین ٹرین کے سفر کا آغاز

لارز کہتے ہیں کہ وہ قدیم تیر اندازی کے فن کو زندہ کرنا چاہتے ہیں اور یہی وجہ ہے کہ وہ اس پر تاریخی کتب کا مطالعہ بھی کرتے ہیں۔

بین الاقوامی فوجداری عدالت (آئی سی سی) کے ججوں نے پیر کے روز پراسیکیوٹر کریم خان کو افغانستان میں ہونے والے مظالم کی تحقیقات دوبارہ شروع کرنے کی اجازت دے دی ہے۔

باغی ٹی وی : افغانستان میں جنگی جرائم کی تحقیقات گذشتہ دوسال سے تعطل کا شکار ہے آئی سی سی کی جانب سے شائع کردہ فیصلے کے مطابق ججوں نے قرار دیا ہے کہ کابل فی الحال اپنے وعدے کے مطابق آئی سی سی کے دائرہ اختیار میں آنے والے مبیّنہ جرائم کی حقیقی تحقیقات نہیں کر رہا ہے لہٰذا تحقیقات کو آگے بڑھایا جانا چاہیے۔

گذشتہ سال اگست میں، طالبان کی حکمرانی کے آغاز کے وقت افغانستان میں جرائم کی تحقیقات کرنے والے پراسیکیوٹر کریم خان نے تحقیقات دوبارہ شروع کرانے کی استدعا کی تھی-

انہوں نے عالمی عدالت کے ججوں پر زور دیا تھا کہ وہ تحقیقات کو آگے بڑھانے کی اجازت دیں انہوں نے خبردار کیا تھا کہ افغانستان میں جنگی جرائم اور انسانیت مخالف جرائم کا سلسلہ جاری ہے۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

گذشتہ سال ستمبر میں کریم خان کا کہنا تھا کہ وہ طالبان اور داعش کے عسکریت پسندوں کے جرائم کی تحقیقات دوبارہ شروع کرنا چاہتے ہیں استغاثہ امریکی افواج اور افغان حکومت کے فوجیوں کی جانب سے مشتبہ جنگی جرائم کی تحقیقات کو’’عدم ترجیح‘‘ دے سکتا ہے۔

ایلون مسک نے سوشل میڈیا پلیٹ فارم پر اپنا کنٹرول مضبوط کرتے ہوئےٹوئٹر بورڈ آف ڈائریکٹرز کو تحلیل کردیا ہے-

باغی ٹی وی : برطانوی میڈیا کے مطابق ایلون مسک کے اس اقدام کی خبر امریکی سکیورٹیز اینڈ ایکسچینج کمیشن کے ذریعے ملی ہے، جس کے مطابق ٹوئٹر کی حوالگی کے معاہدے کی تکمیل کے تحت مسک ٹوئٹر کے واحد ڈائریکٹر بن گئے ہیں۔

اب ٹویٹر پر بلیو ٹک والے صارفین کو ماہانہ فیس ادا کرنی ہو گی

ارب پتی پچھلے ہفتے کمپنی کو خریدنے کے بعد اس کے چیف ایگزیکٹو ہوں گے وہ اس فرم پر تیزی سے کنٹرول حاصل کر رہے ہیں، جسے دنیا بھر کے سیاست دان اور صحافی استعمال کرتے ہیں ایلون جن اصلاحات پر غور کر رہے ہیں اس میں تبدیلیاں شامل ہیں کہ ٹویٹر ملازمتوں میں کمی اور اکاؤنٹس کی تصدیق کیسے کرتا ہے-

بورڈ آف ڈائریکٹرز سے نکالےگئے 9 افراد میں بورڈ کے سابق چیئرمین بریٹ ٹیلر اور سابق سی ای او پراگ اگروال شامل ہیں۔

خیال رہے کہ مسک نے ٹوئٹر کی ملکیت حاصل کرتے ہی چند بڑے عہدیداران بشمول سی ای او پراگ اگروال، چیف فنانس آفیسر نیڈ سیگال سمیت لیگل افیئرز اور پالیسی چیف وجے گاڈے کو برطرف کردیا تھا۔

تجزیہ کاروں کے مطابق ایلون مسک کچھ عرصے تک کمپنی کے سی ای او کا عہدہ اپنے پاس رکھنا چاہتے ہیں اور ٹوئٹر میں بنیادی تبدیلیاں لانا چاہتے ہیں۔

ٹویٹرکا کنٹرول سنبھالتےہی ایلون مسک نےپاکستان مخالف بھارتی نوازوجیا گڈے کوملازمت…

امریکی سیکیورٹیز اینڈ ایکسچینج کمیشن کے پاس فائلنگ کے مطابق ٹویٹر کے شریک بانی جیک ڈورسی نے اپنے 18 ملین پورے حصص، جس کی قیمت تقریباً 978 ملین ڈالر ہے، 54.20 ڈالر کی خریداری کی قیمت پر نئی نجی کمپنی میں ڈال دی ہے مسٹر ڈورسی، جنہوں نے مئی میں ٹویٹر کا بورڈ چھوڑ دیا، نے مسٹر مسک کی فرم کی خریداری کی حمایت کی۔

انہوں نے کمپنی کی سابقہ ​​انتظامی ٹیم کی طرف سے قبضے کی منظوری کے بعد ایک ٹویٹ میں کہا تھا کہ ایلون واحد حل ہے جس پر مجھے بھروسہ ہے۔ میں شعور کی روشنی کو بڑھانے کے لیے اس کے مشن پر بھروسہ کرتا ہوں-

قبل ازیں ایلون مسک نے یورپی کمیشن کو یقین دہانی کرائی تھی کہ ان کا ملکیتی سوشل میڈیا نیٹ ورک ٹویٹرغیرقانونی آن لائن مواد کی روک تھام کے ضمن میں سخت یورپی قوانین کی تعمیل جاری رکھے گا ۔

چین سے مقابلے کے لیے امریکا کا بھارت کو دفاعی اتحادی بنانے کا فیصلہ

گذشتہ ہفتے ایک غیررپورٹ تبادلہ خیال میں،مسک نے یورپی یونین کے صنعت کے سربراہ تھیری بریٹن کو بتایا تھا کہ وہ خطے کے ڈیجیٹل سروسز ایکٹ کی تعمیل کرنے کا ارادہ رکھتے ہیں۔اس ایکٹ کے تحت غیرقانونی موادکوکنٹرول نہ کرنے والی کمپنیوں پر بھاری جرمانے عاید کیے جاسکتے ہیں۔

یورپی یونین کے عہدے داروں نے روئٹرزکو بتایا تھا کہ خود ساختہ آزادیِ اظہار رائے کے مطلق العنان علمبردارایلون مسک نے آیندہ ہفتوں میں فرانس کے سابق وزیرخزانہ بریٹن کے ساتھ بالمشافہہ ملاقات پراتفاق کیا ہے۔

یہ تبادلہ خیال اس وقت ہوا ہے جب بریٹن نے ٹویٹرپر مسک کو جمعہ کے روز نئی یورپی قانون سازی کے بارے میں متنبہ کیا۔انھوں نے ایک ٹویٹ میں کہا تھا کہ یورپ میں یہ پرندہ (ٹویٹر) یورپی یونین کے قوانین کے مطابق ہی پرواز کرے گا۔

ایلون مسک کی جانب سے یورپی یونین کو یقین دہانیاں ان کےعملی رویہ کی نشان دہی کرتی ہیں حالانکہ انھوں نے اس سے قبل اس خواہش کا اظہار کیا تھا کہ ٹویٹر کے پاس پوسٹ کیے جانے والے مواد پرکم قدغنیں ہوں گی۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی