Author: Ayesha Rehmani

حکومت نے کسانوں کو 1800ارب روپے کے قرضے دینے کا اعلان کیا ہے-

باغی ٹی وی : وزیراعظم شہبازشریف نے پریس کانفرنس میں کہا کہ یہ رقم پچھلے سال کے مقابلے میں 400ارب روپے زیادہ ہے، کسانوں کوملنےوالے قرض پرحکومت سبسڈی فراہم کرے گی،زرعی ترقی کےلیےکسانوں کے مسائل کاحل ضروری ہے،زرعی ترقی کیلئے کسانوں کے مسائل حل کریں گے-

ٹک ٹاک اور زندگی ٹرسٹ کے زیر اہتمام سرکاری اسکولوں میں ڈیجیٹل سیفٹی ورکشاپس کا انعقاد

وزیراعظم نے کہا کہ پاکستان کی معاشی ترقی کا انحصار زرعی ترقی پر ہے،سیلاب میں پورے پاکستان میں تباہی مچائی،سیلاب سے 40لاکھ ایکڑ پر کھڑی فصلیں تباہ ہوگئیں،زرعی زراعت ہماری معیشت کو آگے بڑھا سکتی ہے،88ارب روپے سیلاب متاثرین میں نقد اور اشیا کی شکل میں امداد تقسیم کی ہے-

شہباز شریف نے کہا کہ کسانوں کی بہتری کیلئے حکومت جو بھی قدم اٹھائے گی وہ پاکستان کے مفاد میں ہوگا، حکومت ان قرضوں پر6ارب40کروڑ رروپے کی سبسڈی فراہم کرے گی، حکومت نے ڈی اے پی کھاد کی بوری کی قیمت 11ہزار 250روپے مقرر کردی-

انہوں نے کہا کہ ڈی اے پی کی پیداوار کیلئے کھاد بنانے والوں کو سستی گیس فراہم کریں گے،ڈی اے پی کی فی بوری میں 2500 روپے کمی کروائی گئی ہے،ڈی اے پی پر58ارب روپے کی سبسڈی دی جائے گی-

ٹھٹھہ : ڈپٹی کمشنر آفس میں آگ لگ گئی،کمپیوٹر روم کے اندر کمپیوٹرز،دیگر آلات جل کر خاکستر

وزیراعظم شہباز شریف نے کہا کہ سیلاب سے متاثرہ علاقوں کے کسانوں کو بلا سود قرض فراہم کیے جائیں گے، سیلاب زدہ علاقوں میں گندم کے بیج کے 12 لاکھ تھیلے فراہم کیے جائیں گے، سیلاب زدہ علاقوں میں بے زمین ہاریوں کو بلاسود5ارب کے قرضے دیئے جائیں گے-

انہوں نے پریس کانفرنس میں خطاب کرتے ہوئے کہا کہ سمال میڈیم انٹر پرائز معیشت کیلئے ریڑھ کی ہڈی کی حیثیت رکھتے ہیں،وفاق اور صوبے ملکر بیج کیلئے 13ارب20کروڑ روپے دیں گے،ٹریکٹر کی قیمت عام کسانوں کی پہنچ سے دور ہو چکی ہے،ٹریکٹر کی قیمت کم کرنے کیلئے ہم نے پوری کوشش کی-

انہوں نے کہا کہ 5سال تک استعمال شدہ ٹریکٹرزکی درآمدکی اجازت دے رہے ہیں استعمال شدہ ٹریکٹرز کی درآمد کیلئے ڈیوٹی چھوٹ دی جائے گی،حکومت 5لاکھ ٹن یوریا درآمد کرے گی، حکومت یوریا پر بھی 30ارب روپے کی سبسڈی دےگی،گزشتہ حکومت گندم اور چینی پہلے برآمد پھر درآمد کرتی رہی،ہم نے مشاورت کے ساتھ فیصلہ کیا ہے کہ ہم 16لاکھ ٹن گندم اور امپورٹ کرینگے اب ٹوٹل 26لاکھ ٹن گندم امپورٹ ہوگی،10لاکھ ٹن آچکی ہے،جب بھی صوبے چاہیں گے ان کو گند م فراہم کریں گے،اجتماعی کوشش سے ہم ایک ایک ڈالر بچا رہے ہیں-

فارن فنڈڈ فتنے نےانقلاب نہیں خونی مارچ کااعتراف کرلیا ،مریم اورنگزیب

پاکستان تحریک انصاف کے لانگ مارچ میں خاتون صحافی کی موت پر ساتھی صحافی کے انکشافات کے بعد وزیر داخلہ رانا ثناءاللہ نے بڑا اعلان کر دیا ہے-

باغی ٹی وی : پاکستان مسلم لیگ ن سے تعلق رکھنے والے وفاقی وزیر داخلہ راناثناءاللہ نے کہا ہے کہ موقع پر موجود صحافیوں کے انکشافات کے بعد معاملہ مشکوک ہوگیا ہے-

صدف کنٹینر پر تعینات گارڈز کے دھکا دینے سے جاں بحق ہوئیں، ساتھی رپورٹر کا دعویٰ

انہوں نے کہا کہ پنجاب حکومت کی قانونی ذمہ داری ہے کہ ایک بے گناہ خاتون رپورٹر کی دردناک موت کی تحقیق کرائے۔ پنجاب حکومت نے اپنی قانونی اور انسانی ذمہ داری پوری نہ کی تو وفاقی حکومت اپنا قانونی فرض ادا کرے گی۔

وزیراعظم کا خاتون صحافی صدف کے اہلخانہ کیلئے 50 لاکھ روپے امدادکا اعلان

رانا ثناءاللہ نے کہا کہ جاں بحق خاتون رپورٹر کے ساتھی صحافیوں کا بیان ہے کہ صدف کو دھکا دیا گیا، دھکا دینے والے شخص کو گرفتار کیا جائے، قانون کے تقاضے پورے کئے جائیں؛ اس شہادتی بیان کے بعد ضروری ہے کہ واقعے کی تحقیقات ہوں۔

واضح رہے کہ نجی خبررساں ادارے چینل 5 کی صدف نعیم کے ساتھی صحافی افضل سیال عینی شاہد کا بیان ہے کہ صدف نعیم کو عمران خان کے کنٹینر پر تعینات گارڈ نے دھکا دے کر نیچے گرایا پھر کنٹینر نے کچلا ہے-

اہلیہ کی موت حادثاتی تھی،کوئی کاروائی نہیں کرنا چاہتے،شوہر صدف نعیم

خیال رہے کہ پاکستان تحریک انصاف کے لانگ مارچ کے کامونکی جاتے ہوئے راستے میں عمران خان کے کنٹینر کے نیچے آکرنجی ٹی وی کی خاتون رپورٹر جاں بحق ہوگئیں حادثے کے فوری بعد سابق وزیراعظم عمران خان نے آج کا مارچ منسوخ کردیا۔

انہوں نے خطاب میں کہا کہ بدقسمتی سے ایک حادثہ ہوا ہے، آج ہم نے کامونکی جانا تھا لیکن حادثے کی وجہ سے کینسل کردیا ہے آج ہم اپنے مارچ کو ختم کر رہے ہیں اور کل کامونکی سے اپنا مارچ شروع کریں گے، ایک حادثے کی وجہ سے ہمیں آج کا مارچ منسوخ کرنا پڑا، خاتون رپورٹر کی فیملی سے اظہار ہمدردی کرتے ہیں۔

کوئٹہ: جوائنٹ روڈ بروری کراس پر پولیس چوکی پر دستی بم حملہ،14 افراد زخمی ایک ہلاک