Baaghi TV

Author: Ayesha Rehmani

  • پاکستانی صارفین کا ملک میں نیٹ فلکس پر پابندی کے خدشے کا اظہار

    پاکستانی صارفین کا ملک میں نیٹ فلکس پر پابندی کے خدشے کا اظہار

    نیٹ فلکس کی جانب سے پاکستان کے شریف خاندان کی کرپشن سے متعلق سیریز”Behind Closed Doors” کا ٹریلر جاری کردیا گیا ہے-

    باغی ٹی وی : نیٹ فلکس کی جانب سے پاکستان کی سب سے بڑی سیاسی جماعت سے تعلق رکھنے والے شریف خاندان کی کرپشن سے متعلق سیریز”Behind Closed Doors” کا ٹریلر جاری کردیا گیا ہے جس کےبعد سے صارفین میں پاکستان میں نیٹ فلکس کے بند ہونے کا خدشہ ظاہر کیا جا رہا ہے-

    خدمت خلق بہت بڑی عبادت ہے جو ہر انسان کو کرنی چائیے

    کرپشن پر مبنی سیریز "Behind Closed Doors” کا ٹریلر جاری کردیا گیا ہے اس ڈاکومینٹری فلم میں شریف خاندان کی کرپشن اور بیرون ملک جمع کی گئی دولت سے متعلق تفصیلات شامل کی گئی ہیں۔
    https://twitter.com/Qursum12/status/1582031357194440704?s=20&t=IKI5fff9xyAkZDEd5WtZBA
    ذرائع کا کہنا ہے کہ یہ سیریز مشہور آن لائن سٹریمنگ پلیٹ فارم نیٹ فلکس پر ریلیز کی جائے گی ، تاہم سوشل میڈیا صارفین کی جانب سے پاکستان میں نیٹ فلکس بند کیےجانے کا خدشہ ظاہر کردیا گیا ہے جبکہ سوشل میڈیا سائٹ ٹوئٹر پر ٹرینڈنگ میں ہے-

    سانحہ کارساز؛ بینظیر بھٹو اور انکے جیالوں کی قربانیوں سے جمہوریت زندہ ہے. آصف…

    امبر جہانگر نامی ٹوئٹر صارف نے کہا کہ نیٹ فلکس پر پاکستان میں پابندی لگانے کا سما ہوا چاہتا ہے نیٹ فلکس نے شریف خاندان کی کرپشن اور منی لانڈرنگ اور لندن فلیٹ کے حوالے سے ایک ڈاکومینٹری مووی بنائی ہے جس میں اپنے ارشد شریف کا بھی رول ہے۔


    کچھ صارفین نے عمران خان ان کی اہلیہ بشری بی بی اور فرح گوگی کے کرپشن اسکینڈل پر بھی تنقید کی-


    محمد سلیمان نامی صارف نے لکھا کہ عمران خان ، فواد چودھری شہزاد اکبر کے خصوصی تعاون سےفلم تیار کی گئی ہے
    یہ بات بھی لکھ دیں کوئی حرج نہیں-

    بنی گالہ کے اردگرد مشکوک افراد کی موجودگی کی اطلاعات ہیں،اسلام آباد پولیس

  • محققین نے ذیابیطس، کینسر اور اموات کی وجہ بننے والی پروٹین دریافت کر لی

    محققین نے ذیابیطس، کینسر اور اموات کی وجہ بننے والی پروٹین دریافت کر لی

    سویڈن: ایک تحقیق سے ثابت ہوا ہے کہ جسم میں بعض اقسام کے پروٹین امراض اور جان لیوا کیفیات کی وجہ بھی بن سکتے ہیں-

    باغی ٹی وی : سویڈن کے سائنسدانوں نے 4000 افراد پر مسلسل 22 سال تک تحقیق کی ہے اور بتایا ہے کہ جن افراد میں پروسٹیسن پروٹین کی مقدار زائد ہوتی ہے ان میں ذیابیطس کی شرح 76 فیصد اور کینسر کی شرح یا اس سے مرنے کا رحجان 43 فیصد تک بڑھ جاتا ہے۔

    پاکستانی خواتین میں چھاتی کے سرطان میں اضافہ و شرح اموات لمحہ فکریہ

    اس سے قبل ماہرین نے ایک تحقیق میں بتایا تھا کہ پروسٹیسن جسمانی جلد کے ایپی تھیلیئل خلیات میں پائے جاتے ہیں اور یوں ان میں ذیابیطس کا خطرہ بڑھ جاتا ہے اب اگر ذیابیطس اور پروسٹیسن بڑھ جائے تو اس کے بعد کینسر سےمرنے کے خطرات بھی بڑھ جاتے ہیں تحقیق کے نتائج یورپی ایسوسی ایشن کے جریدے ای اے ایس ڈی میں شائع ہوئے۔

    تحقیقی نتائج سے پتہ چلتا ہے کہ پروسٹاسن نامی پروٹین کی بلند سطح رکھنے والے افراد میں سرطان کے باعث مر جانے کے امکانات بہت بڑھ جاتے ہیں۔ اس ضمن میں عمر، جنس، کمر کی چوڑائی، شراب نوشی اور تمباکو نوشی کے نمونوں، ایل ڈی ایل، سسٹولک بلڈ پریشر اور اینٹی ہائپر ٹینشن ادویات جیسے اہم عوامل کا بھی جائزہ لیا گیا اور اس کےبعد ہی کہا ہے کہ پروسٹیسن پروٹین کی زیادہ مقدار بہت نقصان دہ ہوسکتی ہے-

    رات دیر تک جاگنا ٹائپ 2 ذیا بیطس کے خطرات بڑھا دیتا ہے، تحقیق

    محققین کا کہنا ہے کہ تمام تر عوامل کا جائزہ لینے کے بعد بھی حیرت انگیز طور پر پروسٹیسن نامی پروٹین کے باعث کینسر سے موت کے خدشات یکساں رہے سویڈن میں یہ تحقیق سال 1993 میں شروع ہوئی تھی جسے لیونڈ یونیورسٹی کےماہرین نے انجام دیا تھا جسے اپنی نوعیت کا آج تک کا سب سے جامع تجزیہ قرار دیا جارہا ہے-

    اس طرح ذیابیطس اور کینسر کی ایک نئی وجہ سامنے آئی ہے ذیابیطس اور کئی اقسام کے سرطان مثلاً آنتوں کے کینسر اور بریسٹ کینسر کے درمیان بھی تعلق دیکھا گیا ہے۔ پھر ذیابیطس سے لبلبے اور جگر کے سرطان کا خطرہ بھی دوگنا ہوسکتا ہے اور اس تعلق پر مزید غورکرنا باقی ہے۔

    تحقیق میں شامل پروفیسر گنار اینگسٹروئم کہتے ہیں کہ تحقیق سے ہمیں پروٹین پرغور کرنے سے ہم کینسر اور ذیابیطس کو مزید سمجھنے اور علاج کے قابل ہوسکیں گے۔

    خواتین ڈاکٹروں کے پاس مشکل اور ایمرجنسی کیسز زیادہ ہوتے ہیں،تحقیق

  • روسی ایئرفورس کا جیٹ طیارہ رہائشی عمارت سے ٹکرا گیا

    روسی ایئرفورس کا جیٹ طیارہ رہائشی عمارت سے ٹکرا گیا

    روسی ایئرفورس کا جیٹ طیارہ رہائشی عمارت سے ٹکرا گیا، حادثے میں 13 افراد ہلاک ہو گئے-

    باغی ٹی وی : عالمی خبررساں ادارے کے مطابق حادثہ روس کے شہر یےسک میں پیش آیاطیارہ ٹکرانے کے بعد چار منزلہ رہائشی عمارت میں آگ لگ گئی۔

    جو بائیڈن ایران میں "افراتفری، دہشت گردی اور تباہی” کو ہوا دے رہے ہیں،ابراہیم رئیسی


    یوکرین کی سرحد کے قریب واقع جنوبی روس کے شہر ییسک میں ایک سپرسونک لڑاکا طیارہ ایک رہائشی عمارت سے ٹکرا کر تباہ ہونے کے بعد تین بچوں سمیت کم از کم 13 افراد ہلاک ہو گئے۔

    امدادی کارکنوں نے ملبے کی کھدائی مکمل کر لی ہے مجموعی طور پر، 13 افراد ہلاک ہوئے، جن میں تین بچے بھی شامل ہیں، جب کہ 19 افراد زخمی ہوئے،” ہنگامی حالات کی وزارت کے مطابق، روسی ایجنسیوں کے حوالے سے بتایا گیا۔

    وزارت دفاع کے مطابق، سکھوئی ایس یو 34 کا عملہ طیارہ گرنے سے پہلے ہی باہر نکلنے میں کامیاب ہوگیا۔

    روس کا کیف پر خودکش ڈرونز سے حملہ ،عمارتیں تباہ

    وزارت کے ایک بیان میں کہا گیا ہے کہ جنوبی ملٹری ڈسٹرکٹ کے فوجی ہوائی اڈے سے تربیتی پرواز کرنے کے لیے چڑھتے ہوئے، ایک Su-34 طیارہ گر کر تباہ ہو گیا طیارے کے حادثے کی وجہ ٹیک آف کے دوران ایک انجن میں آگ لگنا تھا۔

    روسی وزارت دفاع کا کہنا ہے کہ لڑاکا طیارے کے انجن میں آگ لگنے سے حادثہ پیش آیا۔ حادثے سے پہلے پائلٹ طیارے سے نکلنے میں کامیاب ہوگئے،طیارہ ٹکرانے کے بعد رہاشی عمارت سمیت آس پاس کی عمارتوں کو آگ لگ گئی۔

    ایس یو 34 سپرسونک بمبار طیارہ تربیتی مشن پر تھا، حادثے کی تحقیقات کا آغاز کر دیا گیا ہے۔

    میکسیکو کے بار میں فائرنگ سے 12 افراد ہلاک:پیرس میں 12 سالہ بچی بیدردی سے قتل

  • فیس بک کا 2015 میں متعارف کرایا جانے والا فیچر ختم کیا جارہا ہے

    فیس بک کا 2015 میں متعارف کرایا جانے والا فیچر ختم کیا جارہا ہے

    کیلیفورنیا: سوشل میڈیا پلیٹ فارم فیس بک 2015 متعارف کرائے جانے والے انسٹنٹ آرٹیکلز فیچر کوآئندہ برس ختم کرنے جارہا ہے۔

    باغی ٹی وی : میڈیا رپورٹس کے مطابق ٹیکنالوجی کمپنی میٹا، کی ذیلی کمپنی فیس بک کا کہنا تھا کہ یہ قدم اٹھائے جانے کی بنیادی وجہ اس کا ناکافی استعمال ہے۔

    اب بغیر اجازت کوئی بھی آپ کو ٹوئیٹر ٹیگ نہیں کرسکے گا

    فیس بک کے ایک نمائندے کے مطابق فی الوقت فیس بک پر تین فی صد سے کم پوسٹ نیوز آرٹیکلز کے لنکس سے پوسٹ کی جاتی ہیں۔ اور رواں برس کے شروع میں جس طرح کہا گیا کہ کاروبار کے اعتبار سے ایسی چیزوں میں سرمایہ کاری کرنا معقول نہیں لگا جو صارفین کی ترجیحات نہیں ہوں۔

    فیس بک انسٹنٹ آرٹیکل کے فیچر کو 2023 کے اپریل کے وسط میں ختم کرنے کا ارادہ کر رہا ہے۔ایسے تقریباً 37 ہزار پیجز ہیں جو یہ فیچر استعمال کر رہے ہیں۔

    ٹوئٹر اپنے صارفین کی ٹوئٹس کو اسکرین شاٹس کی شکل میں پوسٹ کرنے پر ناخوش

    میٹا کے سی ای او مارک زکربرگ نے حال ہی میں کہا تھا کہ فیس بک پر گزارے گئے تمام وقت کا 50 فیصد ویڈیو دیکھنےمیں آتا ہے، جبکہ ریلز فیس بک اور انسٹاگرام دونوں میں سب سے تیزی سے بڑھنے والا مواد کی شکل ہےزکربرگ نےیہ بھی کہا تھاکہ فیس بک کے صارفین ‘یہ نہیں چاہتے کہ سیاست اور لڑائی ہماری خدمات پر ان کے تجربے پر قبضہ کرے۔

    اس طرح، میٹا مزید تفریحی ویڈیو مواد کو صارف کی فیڈز میں آگے بڑھانے کے لیے کام کر رہا ہے، جو AI پر مبنی سفارشات کی بنیاد پر دکھائے جا رہے ہیں، نہ کہ آپ کس کی پیروی کرتے ہیں اور/یا آپ کس سے منسلک ہیں۔ زکربرگ اسے فیس بک کے مستقبل کے طور پر دیکھتے ہیں، اور یہ تبدیلی پہلے ہی صارف کے تجربے میں جھلک رہی ہے۔

    سائنسدان 2025 تک چاند پر پودے اُگانے کیلئے کوشاں

    واضح رہے یہ فیچر آئی فون یا اینڈرائیڈ ڈیوائسز میں استعمال کیے جانے والے ویب براؤزر سے 4.9 گُنا تیزی کے ساتھ آرٹیکلز کو لوڈ کرتے ہیں۔

  • حیدر آباد: بینک سے 13 کروڑ روپے سے زائد رقم لوٹنے والے چار ملزمان پولیس مقابلے میں ہلاک

    حیدر آباد: بینک سے 13 کروڑ روپے سے زائد رقم لوٹنے والے چار ملزمان پولیس مقابلے میں ہلاک

    حیدر آباد میں بینک کی کیش وین سے 13 کروڑ روپے سے زائد رقم لوٹنے والے چار ملزمان مبینہ طور پر ایک مقابلے میں ہلاک ہوگئے جبکہ ایک پولیس اہلکار زخمی ہوا۔

    باغی ٹی وی : سینیئرسپرنٹنڈنٹ پولیس حیدرآباد امجد شیخ کے مطابق حیدرآباد پولیس نے تھانہ ہٹڑی کے علاقے میں ملزمان کی موجودگی کی اطلاع پر کارروائی کی تو پولیس مقابلہ ہوگیا دو طرفہ فائرنگ کے تبادلے میں چار ملزمان ہلاک ہوگئےجبکہ ایک پولیس اہلکار زخمی ہوا۔

    ڈیرہ غازی خان۔ایکسائز آفس میں کرپشن ہی کرپشن، وزیر اعلیٰ پنجاب کا ویژن کرپشن سے پاک پنجاب ہوا میں…

    https://twitter.com/DMCSindhPolice/status/1582072325134225414?s=20&t=o_njgfEUfahlXmh02q-ZTQ
    امجد شیخ کے مطابق ہلاک ملزمان کے قبضے سے 5 کروڑ 40 لاکھ روپے کی رقم برآمد ہوئی ہے ایس ایس پی امجد شیخ کا کہنا ہے کہ مارے گئے ملزمان کے قبضے سے اسلحہ بھی برآمد ہوا ہے۔

    ایس پی امجد شیخ نے دعویٰ کیا ہے کہ ہلاک ہونے والے ملزمان حیدرآباد میں چند روز قبل بینک کی کیش وین سے 13 کروڑوں روپے لوٹنے کی واردات میں ملوث تھے۔

    ٹھٹھہ: پولیس کا جرائم پیشہ عناصر، منشیات فروشوں اور گٹکہ بیچنے والوں کے خلاف ایکشن

    ایس ایچ او حیدرآباد سٹی عمران رشید کے مطابق پولیس مقابلے کے دوران ان کے تھانے کا پولیس اہلکار کانسٹیبل اسد چنا زخمی ہوا۔ زخمی اہلکار کی ٹانگ میں گولی لگی ہے جسے کراچی کے نجی اسپتال منتقل کیا جارہا ہے۔

    قبل ازیں شہر قائد کراچی میں سی ٹی ڈی نے دہشت گردوں کے خلاف کاروائی کی تھی جس کے دوران سی ٹی ڈی سندھ نے نورس چورنگی کے قریب سے دو دہشت گرد گرفتار کئے سی ٹی ڈی ترجمان کے مطابق گرفتار ہونے والے دہشت گرد قتل اقدام قتل میں مطلوب تھے ملزمان کی شناخت انس زاہد اور دانیال علی کے طور پر ہوئی-

    ترجمان کے مطابق گرفتار ملزمان نے گزشتہ دنوں گلبہار کے علاقے میں بلڈر کاشف عرف للو کو فائرنگ کر کے قتل کیا تھاواردات کی سی سی ٹی وی فوٹیج سوشل میڈیا پر بھی چلتی رہی ملزمان کے خلاف قتل کا مقدمہ گلبہار تھانے میں درج ہے-

    بھلوال: صدر پولیس کے تشدد سے نوجوان جاں بحق،ایس ایچ او سمیت 6 ملازمین معطل

  • سندھ پولیس نےجرائم پر قابو پانے کیلئے ‘ تلاش ‘ ایپ متعارف کروادی

    سندھ پولیس نےجرائم پر قابو پانے کیلئے ‘ تلاش ‘ ایپ متعارف کروادی

    سندھ پولیس نے جرائم پر قابو پانے کیلئے ‘ تلاش ‘ ایپ متعارف کروادی-

    باغی ٹی وی : سندھ کے انسپکٹر جنرل آف پولیس (آئی جی پی) غلام نبی میمن نے پیر کو سینٹرل پولیس آفس میں جدید آلات کی مدد سے کراچی اسٹریٹ کرائمز کے خلاف لڑنے اور پولیسنگ کو بہتر بنانے کے لیے انفارمیشن ٹیکنالوجی ڈیوائس تلاش (سرچ) ایپ کا آغاز کیا۔

    سینٹرل پولیس آفس کراچی میں انفارمیشن ٹیکنالوجی ڈیپارٹمنٹ کے تحت "تلاش سپر ایپ” کی افتتاحی تقریب سےخطاب کرتے ہوئے آئی جی سندھ غلام نبی میمن کا کہنا تھاکہ اس ایپ کو بنانے اور متعارف کرانے پر انفارمیشن ٹیکنالوجی سی پی او کی پوری ٹیم مبارک باد کی مستحق ہے تلاش ایپ جرائم کے خلاف پولیس کا ایک مؤثر ہتھیار ثابت ہوگا۔

    آئی جی سندھ نےکہا کہ سندھ پولیس جرائم کی روک تھام کو ٹیکنالوجی کی مدد سے یقینی بنانے کے لیے استعداد میں اضافہ کررہی ہے، اس سافٹ ویئر کو بنانے کا مقصد تفتیش کو آسان بنانا، مجرمان کی مشکلات بڑھانا اور ان کے حوصلوں کو پست کرنا ہے ٹیکنالوجی کی مدد اور ماڈرن تکنیک کے استعمال سے پولیس تمام تر آپریشنل اور انویسٹی گیشن اقدامات کو بہتر سے بہتر بنانے میں کوشاں ہے۔

    ان کا کہنا تھا کہ دہشت گردی دنیا کے لیے ایک ناسور بن چکا ہے اور ہمیں اپنے عوام کی جان و مال عزت و آبرو کے تحفظ کی خاطر اس ناسور کو جڑ سے نکال باہر کرنے کے لیے تمام تر انفرادی اور اجتماعی کوششوں کو صدق دل سے یقینی بنانا ہوگا۔

    آئی جی سندھ کا کہنا تھا کہ عالمی معیار کی ٹیکنالوجی کے حصول کے لیے وزیراعلیٰ سندھ نے فنڈز کا اجراء کردیا ہے جس کا مقصد جدید ٹیکنالوجی کی مدد سے پولیس کے جملہ امور کو مذید بہترین اور مؤثر بنانا ہے۔

    زیراعظم کا یوسف رضا گیلانی کو ٹیلیفون، علی موسیٰ گیلانی کی جیت پر مبارکباد

    انہوں نے کہا کہ پہلے مرحلے میں اس ایپ کو کراچی متعارف کرایا جارہا ہے اور جلد ہی اس کے دائرے کو سندھ کے دیگر اضلاع تک وسعت دے دی جائےگی۔

    ڈی آئی جی آئی ٹی پرویز چانڈیو نے اپنے خطاب میں تلاش ایپ کی ذیل خصوصیات کا احاطہ کیا۔

    انہوں نے بتایا کہ تلاش ایپ بنانے کا مقصد اسٹریٹ کرائم سے نبردآزما ہونا ہے، ناکہ بندی کے وقت چیکنگ سے شناخت یقینی ہوسکےگی، یہ موو ایبل ڈیوائس ہے اور اسےکیری کرنا آسان ہے، بائیو میٹرک کے ذریعے اسے استعمال کیا جاسکےگا، نادرا سمیت دیگر ڈیٹا تک اس ڈیوائس سے مدد لی جاسکے گی۔

    ان کا کہنا تھا کہ کسی بھی ڈیوائس کی جی پی ایس سے ٹریک بھی کیا جاسکے گا، پورے سندھ کا ڈیٹا چل رہا ہوگا، پندرہ لاکھ جرائم پیشہ افراد کا ڈیٹا اس ایپ میں موجود ہوگا، اس میں موجود پولیس ملازمت کے ریکارڈ سے ممکنہ جعلی اہکار بھی گرفت میں آسکیں گے، لاش کی فنگر پرنٹس سے شناخت ہوسکے گی، مطلوب ملزمان کی تصدیق کی جاسکےگی، جعلی نمبر پلیٹس، جعلی لائسنس بھی بھی چیک کیے جاسکیں گے جب کہ ضمانت پر رہا ملزم کا بھی پتہ لگایا جاسکےگا۔

    عمران خان کا الیکشن کرانے کا مطالبہ حکومتی اتحاد نے مسترد کر دیا

  • پی آئی اے کا فلائٹ اسٹیورڈ ٹورنٹو ایئرپورٹ سے مبینہ طور پر غائب

    پی آئی اے کا فلائٹ اسٹیورڈ ٹورنٹو ایئرپورٹ سے مبینہ طور پر غائب

    اسلام آباد: پی آئی اے کا فلائٹ اسٹیورڈ ٹورنٹو ایئرپورٹ سے مبینہ طور پر غائب ہو گیا ہے۔

    باغی ٹی وی : انتظامیہ کے مطابق فضائی میزبان پی آئی اے کی پرواز پی کے 781 پر اسلام آباد سے کینیڈا پہنچا تھا، فضائی میز بان نے 16 اکتوبر کو پرواز پی کے 782 کے ذریعے واپس اسلام آباد آنا تھا۔

    ہاکی میچ کے دوران شرٹ اتار کرگرل فرینڈ کو شادی کی پیشکش کر دی،ویڈیو

    فضائی میزبان کے ڈیوٹی پر نہ پہنچنے پر کینیڈا کی بارڈر سیکیورٹی فورس کو اطلاع کردی گئی ہے، فضائی میزبان کے خلاف ضابطہ کی کارروائی بھی عمل میں لائی جائے گی۔

    واضح رہے کہ یہ پہلی مرتبہ نہیں کہ پی آئی اے کا کوئی فضائی میزبان اس طرح سے غائب ہوا ہے اسی نوعیت کا واقعہ گزشتہ برس فروری میں پیش آیا تھا پی آئی اے کا فضائی میزبان (فلائٹ اسٹیورڈ) ایئرلائن کی پرواز پی کے-798 کے کینیڈا کے شہر ٹورنٹو میں اترنے کے فوری بعد مبینہ طور پر لاپتا ہوگیا تھا۔

    مذکورہ معاملہ کینیڈا میں پی آئی اے کے اسٹیشن منیجر کے نوٹس میں لایا گیا تھا جنہوں نے ایئرپورٹ اتھارٹی کو فضائی میزبان کی اپنے سینئرز کو بتائے بغیر غائب ہوجانے سے متعلق آگاہ کیا تھا۔

    اگرکسی نےسعودی سلطنت کوچیلنج کیا توہم سبھی جہاد اور شہادت کیلئےتیار ہیں،سعودی شہزادے کی مغرب کو…

    علاوہ ازیں فضائی میزبان (فلائٹ اسٹیورڈ) کے لاپتا ہونے کے محض 24 گھنٹے کے دوران خاتون میزبان (ایئر ہوسٹس) بھی لاپتا ہوگئی تھیں ایئر ہوسٹس زاہدہ بلوچ ایئرلائن کی پرواز پی کے-797 کے پر سوار تھیں اور ان کے لاپتا ہونے کا علم 31 جنوری کو اس وقت ہوا جب پرواز وطن واپسی کی تیاری کررہی تھی۔

    اس سے قبل اس طرح کا ایک واقعہ جولائی 2020 میں کینیڈا میں ہی پیش آیا تھا جولائی 2020 میں اسلام آباد سے مسافروں کو لے کر کینیڈا کے شہر ٹورنٹو پہنچنے والی پی آئی اے کی پرواز پی کے 781 کے فضائی میزبان یاسر اس ہوٹل سے غائب ہوگئے تھے جہاں وہ ٹھہرے ہوئے تھے۔

    افغانستان:سنگسار کی سزا سے بچنے کیلئے لڑکی نے خودکشی کر لی

    ان کے لاپتا ہونے کی اطلاع اس وقت سامنے آئی تھی جب ایئرلائن کے سینئر اسٹاف نے ان سے رابطہ کرنے کی کوشش کی تھی، جہاں انہوں نے مبینہ طور پر یہ جواب دیا تھا کہ وہ کسی دوسرے شہر جارہے اور اس کے بعد ان کا موبائل فون مستقل بند ملا تھا۔

    بعدازاں پی آئی اے کی انتظامیہ نے معاملے کا نوٹس لیتے ہوئے تحقیقات شروع کردی تھیں۔

  • جو بائیڈن ایران میں "افراتفری، دہشت گردی اور تباہی” کو ہوا دے رہے ہیں،ابراہیم رئیسی

    جو بائیڈن ایران میں "افراتفری، دہشت گردی اور تباہی” کو ہوا دے رہے ہیں،ابراہیم رئیسی

    ایرانی صدر ابراہیم رئیسی نے الزام عائد کیا ہے کہ مریکی صدر جو بائیڈن ایران میں "افراتفری، دہشت گردی اور تباہی” کو ہوا دے رہے ہیں۔

    باغی ٹی وی : ایران کی سرکاری نیوز ایجنسی ’’ارنا‘‘ کے مطابق ایرانی ترجمان وزارت خارجہ نے کہا امریکا کے صدر نے کل بار بار مداخلت کرنے والے بیانات کے ذریعے ایران میں بدامنی کی حمایت کی ہے۔

    پاکستان کےعزم اوراپنے جوہری اثاثوں کومحفوظ بنانےکی صلاحیت پر یقین ہے،جوبائیڈن کے بیان پر امریکا کی وضاحت

    ایرانی ترجمان وزارت خارجہ نے کہا کہ چونکہ ان کے پاس قابل اعتماد مشیر نہیں ہیں اور ان کی یادداشت اچھی نہیں ہے۔ میں بائیڈن کو بتانا چاہتا ہوں کہ ایران اتنا مضبوط اور ثابت قدم ہے کہ وہ آپ کی سخت سزاؤں اور مضحکہ خیز دھمکیوں کے سامنے نہیں جھکا۔

    انہوں نے مزید کہا کہ آپ گندے پانیوں میں مچھلیاں پکڑنے کے عادی ہیں، لیکن یاد رکھیں، یہ ایران ہے، جو قابل فخر مردوں اور عورتوں کی سرزمین ہے۔

    اس سے قبل ایرانی وزارت خارجہ کے ترجمان ناصر کنانی نے بائیڈن کی جانب سے مظاہروں کی حمایت کے اعلان کو ’’ریاست کے معاملات میں مداخلت‘‘ قرار دیا تھا۔

    یہ بات قابل ذکر ہے کہ حجاب نہ کرنے پر مہسا امینی کی اخلاقی پولیس کے ہاتھوں گرفتاری اور پھر حراست میں موت کے بغد ایران میں کئی مسائل پر غصے کی آگ بھڑک اٹھی ہے۔ لوگوں کی بڑی تعداد شخصی آزادیوں پر پابندیاں اور خواتین کے لباس سے متعلق سخت قوانین کے خلاف سڑکوں پر نکل آئے ہیں۔

    مہیسا امینی کی موت کے بعد پیدا شدہ صورتحال،ایرانی سفارتخانے نے حقائق بیان کر دیئے

    محکمہ خارجہ کے ترجمان نیڈ پرائس نے اتوار کے روز ٹویٹ میں کہا کہ ایران ہمارے ناحق حراست میں لیے گئے شہریوں کی حفاظت کا مکمل ذمہ دار ہے ان قیدیوں کو فوری رہا کیا جانا چاہیے۔

    خیال رہے کہ ہفتے کے روز تہران کی ایون جیل میں آگ لگ گئی تھی تہران میں واقع اوین جیل میں آتش زدگی اور جھڑپوں کے نتیجے میں چار قیدی ہلاک اور 61 زخمی ہوئے تھے-

    ایران کی سرکاری خبررساں ایجنسی ارنا نے اتوار کو ان چاروں قیدیوں کی موت کی تصدیق کی تھی اور کہا تھا کہ دھویں میں سانس لینے میں دشواری اور دم گھٹنے کی وجہ سے ان کی موت واقع ہوئی ہے چاروں ہلاک شدگان چوری کے جُرم میں سزایافتہ تھے۔اوین جیل سیاسی کارکنان، صحافیوں، اوردُہری شہریت کے حامل ایرانیوں اور غیر ملکی شہریوں کی بڑی تعداد بھی قید ہے۔

    زخمی قیدیوں میں سے صرف 10 کواسپتال میں داخل کیا گیا ہے اور ان میں سے چارکی حالت تشویش ناک بتائی گئی-

    امریکہ،بھارتی وزیر خزانہ سمیت 11 اعلیٰ عہدیداروں پر پابندی کا مطالبہ

  • پاکستان کےعزم اوراپنے جوہری اثاثوں کومحفوظ بنانےکی صلاحیت پر یقین ہے،جوبائیڈن کے بیان پر امریکا کی وضاحت

    پاکستان کےعزم اوراپنے جوہری اثاثوں کومحفوظ بنانےکی صلاحیت پر یقین ہے،جوبائیڈن کے بیان پر امریکا کی وضاحت

    امریکا کا کہنا ہے کہ اسے پاکستان کی اپنے جوہری ہتھیاروں کو کنٹرول کرنے کی صلاحیت پر اعتماد ہے۔

    باغی ٹی وی : یہ بیان ایک ایسے وقت میں آیا ہے جب امریکی صدر جو بائیڈن کی جانب سے پاکستان کے جوہری ہتھیاروں کے حوالے سے بیان دیا تھا جس کے بعد اسلام آباد نے امریکی سفیر کو طلب کیا تھا۔

    جوبائیڈن کا بیان،امریکی سفیر وزارت خارجہ طلب،وزیرخارجہ کا ردعمل

    خبر ایجنسی اے ایف پی کے مطابق امریکی سٹیٹ ڈپارٹمنٹ کے ترجمان ویدانت پٹیل نے صحافیوں کو بتایا کہ امریکا کو پاکستان کے عزم اور اپنے جوہری اثاثوں کو محفوظ بنانے کی صلاحیت پر یقین ہے۔

    انہوں نے کہا کہ امریکہ نے ہمیشہ ایک محفوظ اور خوشحال پاکستان کو امریکی مفادات کے لیے اہم سمجھا ہے، زیادہ وسیع پیمانے پر امریکہ پاکستان کے ساتھ ہمارے دیرینہ تعاون کو قدر کی نگاہ سے دیکھتا ہے۔

    واضح رہے کہ جوبائیڈن نے جمعرات کو پاکستان کے جوہری پروگرام پر آف دی کف ریمارکس کیلیفورنیا میں ایک نجی ڈیموکریٹک پارٹی کے فنڈ ریزر کے دوران دیئے جہاں انہوں نے پاکستان کے قریبی اتحادی چین کے صدر شی جن پنگ کے حوالے سے بات چیت کی تھی۔ انہوں نے اپنے بیان میں کہا تھا کہ پاکستان دنیا کی خطرناک ترین قوموں میں سے ایک ہے جس کے جوہری ہتھیار غیر محفوظ ہیں۔

    امریکی سفیر کی دفتر خارجہ طلبی،جوہری اثاثوں سےمتعلق جوبائیڈن کے الزامات مسترد

    امریکی صدر جوبائیڈن نے الزام عائد کیا ہے کہ پاکستان کا ایٹمی پروگرام بے ترتیب ہے اس بات کا خدشہ ہے کہ اسے کوئی بھی استعمال کرسکتا ہے۔ میرا خیال ہے کہ پاکستان خطرناک ترین ممالک میں سے ایک ہے، امریکی صدر نے خطاب میں روس چین کا حوالہ دیتے ہوئے پاکستان کا بھی ذکر کیا-

    دوسری جانب امریکی صدر جو بائیڈن کے پاکستان سے متعلق ریمارکس پر پاکستان کے وزارت خارجہ کا ردعمل آیا ہے، وزارت خارجہ کے سینئر افسر کی جانب سے جاری بیان میں کہا گیا ہے یہ سمجھنا مشکل ہے کہ صدر بائیڈن نے غیرضروری ریمارکس کس تناظر میں دیئے متعدد امریکی صدور اور امریکی حکومت نے پاکستان کے ایٹمی پروگرام کی سکیورٹی اور کنٹرول کو ہمیشہ مؤثر اور معیاری قرار دیا-

    رانا ثناءاللہ کو عابد شیر علی کی انتخابی مہم چلانے پر آج ہی طلب کرلیا گیا

    امریکی صدر کے اس بیان کے بعد پاکستان جسے اسلامی دنیا کی واحد جوہری طاقت ہونے پر فخر ہے ، نے امریکی سفیر ڈونلڈ بلوم کو طلب کرکے احتجاج ریکارڈ کرایا تھا۔ وزیر اعظم شہباز شریف نے ٹویٹ کیا تھا کہ پاکستان ایک ذمہ دار جوہری ریاست ہے جو حفاظتی اقدامات انتہائی سنجیدگی کے ساتھ کرتی ہے۔

    پاکستان کا ایٹمی پروگرام بے ترتیب،خطرناک ترین ملک، جوبائیڈن کا الزام

  • مشعال ملک کو انسانی حقوق کے ایوارڈ سے نوازا گیا

    مشعال ملک کو انسانی حقوق کے ایوارڈ سے نوازا گیا

    کشمیری رہنما یاسین ملک کی اہلیہ مشعال حسین ملک کوکشمیر کے حق کیلئے آواز اٹھانے پر انسانی حقوق کے ایوارڈ سے نوازا گیا ہے-

    باغی ٹی وی : چیئرپرسن پیس اینڈ کلچر آرگنائزیشن مشعال حسین ملک کو لاہور آواری میں پاکستان ہیومن رائٹس سوسائٹی کی جانب سے ایس ایم ظفر نے مقبوضہ کشمیر میں انسانی حقوق کی سنگین خلاف ورزیوں کو اجاگر کرنے پر ایوارڈ دیا-

    مشعال ملک امن و ثقافت کی تنظیم کی چئیرپرسن ہیں۔ ، آرٹسٹ ، مصور ، آزادی کے لیے جدوجہد کرنے والی اور امن کی سفیر ہیں۔ وہ اپنے شوہر کے ہمراہ کشمیری عوام کے امن کے لئے جدوجہد کر رہی ہیں۔

    انہیں بچپن سے ہی پینٹنگ کا شوق تھا جس میں انھوں نے مہارت حاصل کی۔وہ اکثر اپنی پینٹنگز ڈسپلے کرنے کے لئے مختلف نمائشوں کا انعقاد کرتی ہیں۔ انہوں نے کشمیریوں کو خراج تحسین پیش کرنے کے لئے ایک نمائش کی میزبانی کی جس کا عنوان انھوں نے ‘پینٹنگز آف فریڈم ، پینٹنگز آف پیس’ رکھا تھا۔

    مشعال ملک اکثر عصمت دری کی شکار خواتین کے لیے آواز بلند کرتی ہیں۔ وہ ان مضبوط خواتین میں سے ایک ہیں جو کشمیری عوام کو درپیش مسائل پر ہمیشہ روشنی ڈالتی ہیں اور جو ہمیشہ امن اور محبت کی بات کرتی ہیں۔

    مشعال ملک جو مشعال حسین ملک کے نام سے بھی پہچانی جاتی ہیں،1988 میں امریکہ میں پیدا ہوئیں امریکی نژاد پاکستانی ہیں۔وہ ایک آرٹسٹ، پینٹر، جدوجہدِ آزادی کے لیے سرگرم خاتون اور امن کی سفیر ہیں۔ان کا تعلق ایک تعلیم یافتہ اور کامیاب خاندان سے ہے۔ اُن کے پاس بیک وقت پاکستان اور انڈیا کی قومیت ہے۔ویسے وہ چکوال، پاکستان کی رہنے والی ہیں۔

    یٰسین ملک کی گرفتاری تک وہ اپنے شوہر کے ساتھ سری نگر میں رہتی تھیں۔کشمیری مسلمانوں کے لیے جدوجہد کرنے والی ایک تنظیم "پیس اینڈ کلچر” کی چیرپرسن ہیں ان کے والد حسین ملک جو 2002 میں دل کا دورہ پڑنے سے انتقال کر گئے تھے پیشے کے اعتبار سے اکنامکس کے پروفیسر تھے اور وہ پہلے پاکستانی تھے جنھیں جرمنی میں نوبل انعام دیا گیا تھا۔

    ان کی والدہ ریحانہ حسین خواتین ونگ میں پاکستان مسلم لیگ کی سیکرٹری جنرل تھیں جبکہ ان کے بھائی واشنگٹن ڈی سی میں مقیم تھے جہاں انہوں نے غیر ملکی تجزیہ کار کی ملازمت سنبھالی پاکستان سے اپنی تعلیم اور کالج کی تعلیم مکمل کرنے کے بعد وہ لندن چلی گئیں جہاں انہوں نے لندن اسکول آف اکنامکس سے تعلیم حاصل کی اور اکنامکس میں بیچلر کی ڈگری حاصل کی۔

    ان کی شادی فروری 2009 میں یاسین ملک سے ہوگئی جو کشمیری علیحدگی پسند رہنما ہیں جو بھارت اور پاکستان دونوں سے کشمیر کی علیحدگی کی وکالت کرتے ہیں۔ اس جوڑے کی پاکستان میں ایک کانفرنس میں پہلی ملاقات ہوئی تھی۔ ان کی بیٹی نے 2012 میں جنم لیا۔ جس کا نام انہوں نے رضیہ سلطانہ رکھا تھا۔ شادی کے بعد ، وہ اپنے شوہر کے ساتھ ہندوستان شفٹ ہوگئیں۔ فی الحال ، ان کے شوہر جیل میں ہیں۔دس سالہ شادی شدہ زندگی میں وہ صرف دو ماہ ہی ساتھ رہے ہیں۔