Baaghi TV

Author: Ayesha Rehmani

  • پشاور دھماکا:صوبے میں ایک روزہ سوگ ،قومی پرچم سرنگوں

    پشاور دھماکا:صوبے میں ایک روزہ سوگ ،قومی پرچم سرنگوں

    پشاور میں دھماکے کے پیش نظر صوبے میں آج یوم سوگ منایا جائے گا۔

    باغی ٹی وی: نگران وزیر اعلیٰ محمد اعظم خان نے صوبے میں ایک روزہ سوگ کا اعلان کیا ہے آج خیبرپختونخوا میں قومی پرچم سرنگوں رہے گا اعظم خان نے کہا کہ حکومت شہداء کے لواحقین کے غم میں برابر کی شریک ہے، صوبائی حکومت متاثرہ خاندانوں کو تنہا نہیں چھوڑے گی۔

    پشاور دھماکہ ، وزیراعظم، آرمی چیف لیڈی ریڈنگ ہسپتال پہنچ گئے

    ادھر عوامی نیشنل پارٹی خیبرپختونخوا نے بھی 3 روزہ سوگ کااعلان کرتے ہوئے کہا کہ پورے صوبے میں تین دن کیلئے پارٹی کی تمام پارٹی سرگرمیاں معطل رہیں گی پارٹی پرچم سرنگوں رہیں گے-

    خیال رہے کہ پولیس لائنز کی مسجد میں نماز ظہر کے دوران خودکش دھماکے میں امام مسجد اور پولیس اہلکاروں سمیت شہید ہونے والوں کی تعداد 59 ہوگئی جب کہ 140 سے زائد افراد زخمی ہوئے ہیں۔

    پشاورپولیس لائن دھماکہ، شہید افراد کے ناموں کی فہرست

    ذرائع کا کہنا ہے کہ مسجد میں لوگ نماز ظہر ادا کر رہے تھے کہ اچانک دھماکا ہوگیا، دھماکے کی شدت بہت زیادہ تھی دھماکے سے مسجد کی دومنزلہ عمارت کر گئی اور کھڑکیوں کے شیشے ٹوٹ گئے، دھماکے سے مسجد کا ایک حصہ بھی شہید ہوگیا ہے، سکیورٹی حکام کے مطابق مبینہ خودکش حملہ آور مسجد کی پہلی صف میں موجود تھامتعدد زخمیوں کی حالت تشویشناک ہے، مسجد کے ملبے تلے سے تین افراد کو نکال لیا گيا ،اب بھی متعدد افراد کے ملبے تلے دبے ہونے کا خدشہ ہے، بھاری مشینری سے ریسکیو آپریشن جاری ہے۔

    سعودی عرب اور اقوام متحدہ کی پشاور دھماکے کی شدید مذمت

    کالعدم تحریک طالبان پاکستان نے دھماکے کی ذمہ داری قبول کرلی ہے۔

  • نہ جانے کون سے عالم ميں اس کو ديکھا تھا،جدید اردو غزل کےمعروف شاعر شاذ تمکنت

    نہ جانے کون سے عالم ميں اس کو ديکھا تھا،جدید اردو غزل کےمعروف شاعر شاذ تمکنت

    شاذ تمکنت جدید اردو غزل کا ایک معتبر حوالہ ہیں آپ کا اصل نام ڈاکٹر سید مصلح الدین ہے آپ حیدر آباد ( آندھرا پردیش ) میں 31 جنوری 1933ء کو پیدا ہوئے آپ نے عثمانیہ یونیورسٹی حیدرآباد سے پی ایچ ڈی کیاجدید اردو شاعری میں شاذ تمكنت اپنے وقت کے مشہور شاعروں میں خود کو درج کرواچکے ہیں . دكن کے نامی گرامی شعرائے کرام میں شاذ کا شمار ہوتا ہے روایتی اور جدید شاعری کے درمیان جس پل کی تعمیر شاذ تمكنت نے کی وہ خود میں ایک دور کاآئینہ دار ہےان کی غزلوں اور نظموں میں جہاں ذاتی زندگی کے دکھ درد ظاہر ہیں، وہیں ان کا دکھ زمانہ کاعممومی طور پر تجربہ کرتا ہے آپ کا انتقال حیدر آباد ( آندھرا پردیش ) میں 18 اگست 1985ء کو ہوا –
    …..
    منتخب کلام
    …..
    نہ جانے کون سے عالم ميں اس کو ديکھا تھا
    تمام عمر وہ عالم رہا ہے آنکھوں ميں
    ۔۔۔۔۔۔۔۔۔۔۔۔۔
    کل اس کے ساتھ ہي سب راستے روانہ ہوئے
    ميں آج گھر سے نکلتا تو کس کے گھر جاتا
    ۔۔۔۔۔۔۔۔۔۔۔
    ہر صبح سب سے پوچھتے پھرتے ہيں ہم کہ آج
    بندے ہيں کون؟ کس کو خدا مانتے ہيں لوگ
    ۔۔۔۔۔۔۔۔۔۔۔۔
    ميں يہ کہتا ہو کہ مجھ سا نہيں تنہا کوئي
    آپ چاہيں تو ميري بات ميں ترميم کرليں
    ۔۔۔۔۔۔۔۔۔۔۔
    کوئي گلہ کوئی شکوہ ذرا رہے تم سے
    يہ آرزو ہے کہ اک سلسلہ رہے تم سے
    ۔۔۔۔۔۔۔۔۔۔۔
    کيا قيامت ہے مجھے حوصلہ ضبط ہے شاذ
    کيا غضب ہے کہ ترے درد کا اندازہ ہے
    ۔۔۔۔۔۔۔۔۔۔
    يہ جہاں ہے مجلس بے اماں کوئي سانس لے تو بھلا کہاں
    ترا حسن آگيا درمياں يہي زندگي کا جواز ہے
    ۔۔۔۔۔۔۔۔۔۔۔
    ميں جسے ديکھنا چاہوں وہ نظر نہ آسکے
    ہائے ان آنکھوں پہ کيوں تہمتِ بينائي ہے
    ۔۔۔۔۔۔۔۔۔۔۔
    اے ارض و سما تجھ ميں دل بن کے دھڑکتے ہيں
    کچھ يونہي نہيں ہم کو آداب ِغزل آئے
    ۔۔۔۔۔۔۔۔۔۔۔
    يوں بھي کچھ دن کيلئے دور رہا ہوں تجھ سے
    ليکن اس بار سفر کي يہ تھکن اور ہي ہے
    ۔۔۔۔۔۔۔۔۔۔۔
    کچھ دير رو بھي لے ، طبعيت بحال ہو
    کيا سوچنے سے فائدہ کيوں سوچتا ہے پھر
    ۔۔۔۔۔۔۔۔۔۔۔
    ذرا سي بات تھي بات آگئي جدائي تک
    ہنسي نے چھوڑ ديا لا کے جگ ہنسائي تک
    بھلے سے اب کوئي تيري بھلائي گنوائے
    کہ ميں نے چاہا تھا تجھ کو تری برائی تک
    ۔۔۔۔۔۔۔۔۔۔۔۔
    پھر کوئي آئے جسے ٹوٹ کے چاہا جائے
    ہميں ايک عمر ہوئي ہے کف افسوس ملے
    ۔۔۔۔۔۔۔۔۔۔۔۔
    خدا نہيں ہے تو کيا ہے ہمارے سينوں ميں
    وہ اک کھٹک سي جسے ہم ضمير کہتے ہيں

  • سعودی عرب اور اقوام متحدہ کی پشاور دھماکے کی شدید مذمت

    سعودی عرب اور اقوام متحدہ کی پشاور دھماکے کی شدید مذمت

    سعودی عرب نے پشاور مسجد دھماکے کی شدید الفاظ میں مذمت کی ہے۔

    باغی ٹی وی: ٹوئٹر پر جاری پیغام میں کہا گیا ہے کہ ’مملکت کی طرف سے سعودی وزارتِ خارجہ نے پاکستان میں پشاور کی ایک مسجد میں دہشت گردانہ حملے کی شدید مذمت کی ہے۔

    پشاور دھماکہ ، وزیراعظم، آرمی چیف لیڈی ریڈنگ ہسپتال پہنچ گئے


    سعودی وزارت خارجہ نے عبادت گاہوں کو نشانہ بنانے، پُر امن لوگوں کو دھمکانے اور بے گناہوں کا خون بہانے جیسی کارروائیوں کی مذمت کرتے ہوئے اس بات کی تاکید کی ہے کہ ہر قسم کے تشدد، انتہا پسندی اور دہشت گردی خواہ اس کے مقاصد ومحرکات کچھ بھی ہوں، ان کے خلاف سعودی عرب برادر ملک اسلامی جمہوریہ پاکستان کے ساتھ کھڑا ہے۔

    سعودی وزارت خارجہ کی جانب سے جاری کردہ بیان میں کہا گیا کہ وزارت متاثرین کے اہلِخانہ اور اسلامی جمہوریہ پاکستان کی حکومت اور عوام کے ساتھ تعزیت اور ہمدردی کا اظہار کرتی ہے اور زخمیوں کی جلد صحت یابی کے لیے دعا گو ہے۔

    پشاورپولیس لائن دھماکہ، شہید افراد کے ناموں کی فہرست


    سیکرٹری جنرل اقوام متحدہ انتونیو گوتریس نے پشاور مسجد میں حملے کو بزدلانہ اقدام قرار دیتے ہوئے ہولناک دہشتگرد حملے کی مذمت کی کہا کہ مذہب کی آزادی ایک بنیادی انسانی حق ہے-


    امریکی سیکرٹری خارجہ انٹونٹی بلنکن اور اسلام آباد میں امریکی سفارت خانے نے بھی پشاور خود کش حملے کی مذمت کی، امریکا نے واضح کیا کہ پاکستان میں دہشت گردی قبول نہیں کی جائے گی، امریکہ ہر قسم کی دہشت گردی کی مذمت میں پاکستان کے ساتھ کھڑا ہے۔


    انٹونی بلنکن نے کہا کہ پشاور کی ایک مسجد میں نمازیوں پر آج ایک خوفناک حملہ ہوا، جس میں متعدد افراد ہلاک اور زخمی ہوئے۔ کسی بھی جگہ پر کسی بھی وجہ سے دہشت گردی ناقابلِ دفاع ہے۔ میں متاثرین کے اہل خانہ اور عزیزوں کے تئیں اپنی گہری تعزیت کا اظہار کرتا ہوں۔

    27 شہداء پولیس کی نماز جنازہ پورے سرکاری اعزاز کے ساتھ ادا کردی گئی

    واضح رہے کہ گزشتہ روز پشاور میں پولیس لائنز کی مسجد میں نماز ظہر کے دوران خودکش دھماکے میں امام مسجد اور پولیس اہلکاروں سمیت شہید ہونے والوں کی تعداد 59 ہوگئی جب کہ 140 سے زائد افراد زخمی ہوئے ہیں۔

    مسجد میں لوگ نماز ظہر ادا کر رہے تھے کہ اچانک دھماکا ہوگیا، دھماکے کی شدت بہت زیادہ تھی جس سے مسجد کی چھت منہدم ہو گئی اور کھڑکیوں کے شیشے ٹوٹ گئے، دھماکے سے مسجد کا ایک حصہ بھی شہید ہوگیا ہے، سکیورٹی حکام کے مطابق مبینہ خودکش حملہ آور مسجد کی پہلی صف میں موجود تھا-

    کالعدم تحریک طالبان پاکستان نے دھماکے کی ذمہ داری قبول کرلی ہے۔

    پشاور دھماکہ، امریکہ، ایران کی بھی مذمت،پاکستان بار کونسل کا سوگ کا اعلان

  • ٹویوٹا گاڑیوں کی قیمتوں میں بڑا اضافہ

    ٹویوٹا گاڑیوں کی قیمتوں میں بڑا اضافہ

    کراچی: انڈس موٹرز کمپنی (آئی ایم سی) نے ٹویوٹا گاڑیوں کی قیمتوں میں 4 لاکھ روپے تک مزید اضافہ کردیا ہے۔

    باغی ٹی وی:ٹویوٹا گاڑیوں کی قیمتوں میں بڑااضافہ ڈالر کی بڑھتی ہوئی قیمت، معاشی غیر یقینی،خام مال پرمہنگائی کے اثرات اور پیداواری لاگت میں اضافے کے پیش نظر کیا گیا ہےنئی قیمتوں کا اطلاق 12 جنوری 2023 کےبعد بک ہونیوالی گاڑیوں پر ہوگا انڈس موٹرز کی طرف سے قیمتوں میں اضافے کا سبب زرمبادلہ میں عدم استحکام، یوٹیلیٹی نرخوں میں اضافہ اور دیگر اخراجات بتایا گیا ہے۔

    اسلام آباد سے کراچی جانے والی گرین لائن ایکسپریس نے اپنا ہی ریکارڈ توڑ دیا

    تفصیلات کے مطابق یارس 1.3، جی ایل آئی ایم ٹی کی قیمت 38 لاکھ 19 ہزار روپے سے بڑھا کر 40 لاکھ 79 ہزار کی گئی ہے جبکہ 1.3 جی ایل آئی سی وی ٹی کی قیمت 40 لاکھ 69 ہزار روپے سے بڑھا کر 43 لاکھ 39 ہزار روپے کردی گئی ہے۔

    یارس 1.3 اے ٹی آئی وی ایم ٹی کی نئی قیمت 43 لاکھ 9 ہزار، 1.3 اے ٹی آئی وی سی وی ٹی کی 45 لاکھ 29 ہزار، یارس 1.5 اے ٹی آئی وی ایکس ایم ٹی آئی کی 46 لاکھ 49 ہزار اور 1.5 اے ٹی وی آئی ایکس سی وی ٹی کی نئی قیمت 49 لاکھ 29 ہزار روپے کردی گئی ہے۔

    اسی طرح کرولا 1.6 اٹلس ایکس ایم ٹی کی نئی قیمت 52 لاکھ 69 ہزار روپے، کرولا 1.6 اٹلس ایکس سی وی ٹی آئی کی نئی قیمت 57 لاکھ 49 ہزار روپے،کرولا 1.6 اٹلس ایکس سی وی ٹی آئی ایس ای کی نئی قیمت 63 لاکھ 19 ہزار روپے، 1.8 ایکس سی وی ٹی گرینڈی کی نئی قیمت 66 لاکھ 49 ہزار روپے مقرر کی گئی ہے۔

    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان…

    علاوہ ازیں ریوو وی اے ٹی 2.8 کی قیمت ایک کروڑ 22 لاکھ 39 ہزار روپے جبکہ ریوو وی اے ٹی روکو کی قیمت ایک کروڑ 82 لاکھ99 ہزار روپے تک مقرر کی گئی ہے۔

    فارچونر2.7 جی پٹرول کی قیمت ایک کروڑ 34 لاکھ 19 روپے،فارچونر2.7 وی پٹرول کی قیمت ایک کروڑ 53 لاکھ39 ہزارروپے، فارچونر 2.8 سگما فورڈیژل کی قیمت ایک کروڑ 61 لاکھ 89 ہزارروپےجبکہ فارچونر 2.8 لیجنڈر ڈیژل کی قیمت ایک کروڑ 70 لاکھ 69 ہزار روپے مقرر کردی گئی ہے۔

    پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی

  • پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی

    پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی

    پاکستان سپر لیگ کی فرنچائز پشاور زلمی کے مالک جاوید آفریدی نے تصدیق کی ہے کہ زلمی کی ٹیم سعودی عرب کی قومی کرکٹ ٹیم سے میچ کھیلے گی۔

    باغی ٹی وی: عرب میڈیا کو دیئے گئے انٹرویو میں جاوید آفریدی نے بتایا کہ انہوں نےریاض میں سعودی کرکٹ فیڈریشن کے چیئرمین شہزادہ سعود بن مشعل سے ملاقات کی جس میں انہوں نے زلمی اورسعودی کرکٹ ٹیم کےدرمیان مقابلے کے امکان پر بات چیت کی جلد پشاور زلمی کی ٹیم سعودی عرب کا دورہ کرے گی اور ساتھ ہی قومی ٹیم کے ساتھ کھیلے گی-

    اس سال پی ایس ایل 8 میں نیا کیا ہوگا؟


    پشاور زلمی نے اس حوالے سے بیان بھی جاری کیا جس میں انہوں نے بتایا کہ جاوید آفریدی نے شہزادہ سعود بن مشعل کو سعودی عرب میں کرکٹ کے فروغ کے لیے پشاور زلمی کی جانب سے ہر ممکن تعاون کی یقین دہانی کرائی۔


    اس کے علاوہ جاوید آفریدی نے سعودی کرکٹ فیڈریشن کے چیئرمین کو پاکستان میں پی ایس ایل کے میچز دیکھنے کی بھی دعوت دی اور زلمی کی ٹی شرٹ بھی بطور تحفہ پیش کی-

    آئی سی سی نےامپائر آف دی ایئر2022 کا اعلان کردیا

    واضح ہے کہ پاکستان سپر لیگ کا آغاز 13 فروری کو لاہور قلندرز اور ملتان سلطانز کے مابین میچ سے ہو گا۔ 34 میچز پر مشتمل ایونٹ کے 11 میچز راولپنڈی میں کھیلے جائیں گے، پی ایس ایل سیزن 8 کے 9 میچز لاہور، 9 کراچی اور 5 ملتان میں کھیلے جائیں گے۔ پی ایس ایل 8 میں ٹوٹل 36 غیرملکی کھلاڑی شرکت کریں گے۔

    لاہور قلندرز، کراچی کنگز، ملتان سلطانز اور اسلام آباد یونائیٹڈ کی ٹیمیں ہوم گراؤنڈز پر5 ،5 میچز کھیلیں گی جبکہ ٹورنامنٹ کا فائنل 19 مارچ کو قذافی اسٹیڈیم لاہور میں کھیلا جائے گا، ٹورنامنٹ کے دوران ویمنز کرکٹ کے 3 نمائشی میچز بھی کھیلے جائیں گے،پی ایس ایل کی افتتاحی تقریب ملتان میں ہو گی جبکہ پی ایس ایل کا پہلا لیگ ملتان اور دوسرا کراچی میں ہو گا۔

    بابر اعظم آئی سی سی کرکٹر آف دی ائیر بن گئے

  • اسلام آباد سے کراچی جانے والی گرین لائن ایکسپریس نے اپنا ہی ریکارڈ توڑ دیا

    اسلام آباد سے کراچی جانے والی گرین لائن ایکسپریس نے اپنا ہی ریکارڈ توڑ دیا

    سکھر: گرین لائن ایکسپریس نے تیز رفتاری میں اپنا ہی ریکارڈ توڑ دیا۔

    باغی ٹی وی: اسلام آباد سے کراچی جانے والی گرین لائن ایکسپریس نے اپنے پہلے ہی دن نیا ریکارڈ بنا دیا 19 کوچز پر مشتمل مسافر ٹرین گرین لائن ایکسپریس مقررہ وقت سے 10 منٹ پہلے روہڑی اسٹیشن پہنچ گئی۔

    ریلوے حکام کے مطابق گرین لائن ٹرین کے افتتاح کے بعد پہلے ہی روز بکنگ بھی 70 فیصد رہی۔

    ملک کے بیشتر علاقوں میں بارش ،پہاڑوں پربرف برفباری کا امکان

    واضح رہے کہ وزیر اعظم شہباز شریف نے گزشتہ روز چائنیز کوچز پر مشتمل گرین لائن ایکسپریس کا افتتاح کیا تھا انہوں نے کہا تھا کہ ریلوے انتظامیہ نے انتہائی محنت سے گرین لائن کا احیاء کیا ہے-

    اس موقع پر سعد رفیق کا کہنا تھا کہ گرین لائن میں بہترین سفری سہولیات دی جائیں گی احسن اقبال نے کہا تھا کہ گرین لائن سروس کسی بھی جہاز کی بزنس کلاس سے کم نہیں ہے جبکہ وزیر خزانہ اسحاق ڈار نے گرین لائن کے دوبارہ آغاز پر دل کی گہرائیوں سے مبارکباد دی تھی-

    گرین لائن ٹرین گرین لائن کراچی سے رات دس بجے چلا کرے گی، اگلی دوپہر سوا دو بجے لاہور سٹاپ کرے گی اور رات سوا آٹھ مارگلہ پہنچے گی مارگلہ سے کراچی جاتے وقت سفر کا آغاز سہ پہر تین بجے ہو گا، رات آٹھ بجے ٹرین لاہور رکے گی جبکہ اگلے روز دوپہر دو بج کر بیس منٹ پر کراچی پہنچے گی۔

    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان…

  • ڈیڑھ سالہ بیٹی کو تشدد سے ہلاک کرنے والی خاتون گرفتار

    ڈیڑھ سالہ بیٹی کو تشدد سے ہلاک کرنے والی خاتون گرفتار

    قاہرہ: ڈیڑھ سالہ بیٹی کو تشدد سے ہلاک کرنے والی مصری خاتون کو گرفتار کر لیا گیا۔

    باغی ٹی وی : "العربیہ” کے مطابق مبینہ طور پر اپنی بیٹی کو خود ہی ماردینے والی خاتون کانام ‘دنیا’ بتایا گیا ہے اور اس کی عمر بیس سال ہے۔ اس نے اپنی بیٹی بسمالہ کو اپنی والدہ کے ساتھ مل کر بظاہر اس حال میں کوڑے دان میں پھینکنے کی کوشش کی تھی جب بچی بے ہوش تھی اور اس کا سانس چل رہا تھا لیکن ایک خاکروب نے انہیں دیکھ لیا اور اس مشکوک کارروائی کے بارے میں پولیس کو بلانے کی دھمکی دے دی-

    20 سال تک خواتین کو ریپ کا شکار بنانے والے سیریل ریپسٹ ڈیوڈ کیرک کی کہانی

    جس پر مجبوراً دنیا اور اس کی ماں بسمالہ کو ہسپتال لے گئیں ہسپتال میں ڈاکٹروں نے بچی کو مردہ قرار دے دیا اور پولیس کو بلا لیا وہیں سے دنیا کو اپنی بیٹی کے قتل کے الزام میں گرفتار کر لیا گیا۔

    ابتدائی تفتیش کے دوران ‘دنیا’ نے کہا کہ اس کی بچی کا رویہ اسے پسند نہیں تھا اس لیے وہ اسے مارتی رہتی تھی 20 سالہ ‘دنیا ‘ کے بارے میں معلوم ہوا ہے کہ وہ کئی ماہ سے اپنی والدہ کے ساتھ ایک چھوٹے سے اپارٹمنٹ میں رہ رہی تھی۔ جو بہت گدلا اور غلاظت سے اٹا ہوا تھا۔

    جرمنی میں ٹرین پرچاقوحملےمیں2افرادہلاک،متعدد زخمی

    بچی کے بارے میں پڑوسیوں کا کہنا ہے کہ اس کے ‘ڈائیپر بھی اس کی ماں کئی کئی دن تک تبدیل نہیں کرتی تھی وہ چھوٹی بچی اکیلی حتیٰ کہ بارش اور سخت سردی میں بھی باہر گلی میں نکل آتی تھی اور گلی کے لوگ اسے گھر واپس بھیج دیتے تھے-

    اہل محلہ کے مطابق انہوں نے اس دوران کبھی بسمالہ کے والد کو اس سے ملنے کے لیے آتے نہیں دیکھا نہ ہی وہ یہ جانتے ہیں کہ اس کا باپ کون ہے اور کہاں رہتا ہے پولیس نے ‘دنیا’ کے خلاف مقدمہ درج کر کے تفتیش شروع کر دی ہے۔

    بچوں کی مزید قبریں دریافت ہونے پرہرطرف خوف کی فضا

  • چونٹیاں کینسر کی تشخیص کر سکتی ہیں،تحقیق

    چونٹیاں کینسر کی تشخیص کر سکتی ہیں،تحقیق

    ایک نئی تحقیق میں سائنسدانوں نے انکشاف کیا ہے کہ چونٹیاں پیشاب کو سونگھ کر کینسر کی تشخیص کر سکتی ہیں۔

    باغی ٹی وی: پیرس یونیورسٹی کی تحقیق میں بتایا گیا کہ چیونٹیاں پیشاب میں کینسر کی بو کو شناخت کرسکتی ہیں ماضی کی تحقیقوں میں یہ بات سامنے آ چکی ہے کہ مختلف اقسام کے کینسر پیشاب کی بو کو بدل دیتے ہیں لیکن ماہرین کے سامنے یہ بات پہلی بار آئی ہے کہ چینٹیوں میں کینسر تشخیص کرنے کی یہ صلاحیت موجود ہے۔

    ذیا بیطس کے مریضوں میں کینسر کے واقعات اور اموات کا خطرہ زیادہ ہو سکتا ہے،تحقیق

    جرنل پروسیڈنگز آف دی رائل سوسائٹی بی: بائیولوجیکل سائنسز میں شائع ہونے والی تحقیق میں سائنسدانوں نے بتایا کہ چیٹیوں کو مریضوں میں کینسر کی تشخیص کے لیے سستے طریقے کے طور پر استعمال کیا جاسکتا ہے۔

    فرانس کی سوربان پیرس نورڈ یونیورسٹی کی پروفیسر اور تحقیق کی مصنفہ پیٹریزیا ڈیٹورے نے بتایا کہ چیونٹیوں کو صحت مند افراد اور کینسر کے مریضوں کے درمیان فرق کرنے کے لیے استعمال کیا جاسکتا ہے۔ ان کی تربیت کرنا آسان ہے، یہ تیزی سے سیکھتی ہیں، بہت کارآمد ہوتی ہیں اور ان کو رکھنا مہنگا نہیں ہوتا۔

    4 ہزار 300 سال پرانی ممی دریافت

    یہ تحقیق پروفیسر ڈیٹورے اور ان کے ساتھیوں کی گزشتہ تحقیق پر مبنی ہے جس میں دیکھا گیا تھا کہ چیونٹیاں لیب میں بنائے گئے کینسر کے خلیوں کو سونگھنےکی صلاحیت رکھتی ہیں۔

    حال میں کی جانے والی تحقیق میں محققین نے 70 چیونٹیوں کو کینسر کی رسولیوں اور بغیر کینسر والے چوہوں کا پیشاب سُنگھایا تین تجربوں کے بعد چیونٹیوں میں یہ صلاحیت پیدا ہوگئی کہ وہ صحت مند چوہوں اور کینسر زدہ چوہوں کے درمیان فرق کر سکیں۔

    محققین نے بتایا کہ چیونٹیوں کے سونگھنے کا نظام بہت حساس ہوتا ہے اور ہم نےانہیں کینسر کی بو سونگھنے کی تربیت دی تھی اب محققین کی جانب سے انسانوں پر یہ ٹرائل کرنے کی منصوبہ بندی کی جارہی ہے۔

    سابقہ تحقیقی رپورٹس میں یہ دریافت ہوا تھا کہ کتے بھی پیشاب کی بو سے کینسر کو شناخت کرسکتے ہیں، مگر اس نئی تحقیق میں بتایا گیا کہ چیونٹیوں میں یہ صلاحیت کتوں سے زیادہ بہتر ہوتی ہے۔

    نئی قسم کا ڈائنا سور برآمد:جرمنی ماہرین حیوانات کا دعویٰ

  • آسمان پر نیلے رنگ کی تیز روشنی کا خوبصورت نظارہ

    آسمان پر نیلے رنگ کی تیز روشنی کا خوبصورت نظارہ

    امریکا کی ریاست ہوائی کے آسمان پرماہرین فلکیات نے رات کے اندھیرے میں بھنور کی شکل والی نیلے رنگ کی تیز روشنی کا نظارہ کیا۔

    بغی ٹی وی: اسپیس ڈاٹ کام کے مطابق ماہرین فلکیات نے یہ نظارہ 18 جنوری کو ریاست ہوائی کے جزیرے مونوکی سے سبارو دور بین کی مدد سے کیا۔

    زمین کی اندرونی تہہ نے الٹی جانب گھومنا شروع کردیا ہے،تحقیق


    ماہرین کی جانب سے بتایا جا رہا ہے کہ اسپیس ایکس کی جانب سے 18 جنوری کے روز ایک نئی سیٹلائٹ لانچ کی گئی تھی اور اس نیلے رنگ کے بھنور کو سیٹلائٹ آربٹل ڈیویلپمنٹ آپریشن سے جوڑا جا رہا ہے۔


    اسپیس ڈاٹ کام کے مطابق جب بھی سیٹلائٹ لانچ کی جاتی ہے تو آسمان پر اس طرح کے بھنور کا نظارہ کیا جاتا ہے، یہ نظارہ ریاست ہوائی سے نیوزی لینڈ تک کیا گیا اور اسے فالکن 9 راکٹ کی سرگرمیوں سے بھی منسلک کیا جا رہا ہے۔

    نیا دریافت شدہ سیارچہ زمین کے قریب سے گزرے گا،ناسا

    شہری سائنسدان اور سیٹلائٹ ٹریکر سکاٹ ٹِلی، چِمنگ اِن نے کہا کہ بھنور کی پوزیشن اس کے لیے ایک قریبی میچ تھی جہاں دوسرے مرحلے کا فالکن 9 راکٹ لانچ ہونے کے چند منٹوں میں متوقع تھا۔ (پہلا مرحلہ سمندر میں ایک ڈرون جہاز پر زمین پر واپس آیا۔)

    اسپیس ویدر کی جانب سے بتایا گیا ہے کہ اس سے قبل 2022 میں بھی ایسا بھنور دیکھا جاچکا ہے جب فالکن 9 راکٹ کے اوپری اسٹیج نے بحر الکاہل میں گرنے سے پہلے بچا ہوا ایندھن نکالا تھا۔

    سبز دم دار ستارہ زمین کے قریب سے 50 ہزار سال بعد دوبارہ گزرے گا

  • برطانوی صحافی اور سیاسی شخصیات ایرانی اور روسی ہیکرز کے نشانے پر

    برطانوی صحافی اور سیاسی شخصیات ایرانی اور روسی ہیکرز کے نشانے پر

    برطانیہ کے نیشنل سائبر سکیورٹی سینٹر نے خبردار کیا ہے کہ ایرانی اور روسی ہیکرز حساس ڈیٹا حاصل کرنے کے لیے برطانوی صحافیوں اور سیاسی شخصیات کے کمپیوٹر ڈیٹا پر سائبر حملے کر رہے ہیں۔

    باغی ٹی وی: برطانوی خبر رساں ادارے’ بی بی سی‘ کے مطابق برطانوی انٹیلی جنس اینڈ سکیورٹی سروس سے منسلک نیشنل سینٹر فار سائبر سکیورٹی نے ایک بیان میں کچھ افراد اور اداروں کو نشانہ بنانے والی ہیکنگ کی کوششوں میں اضافے پر روشنی ڈالی۔

    دہشتگردوں کو مدد فراہم کرنے کے الزام میں برطانوی فوج کا اہلکار گرفتار

    این سی ایس سی نے کہا کہ ہیکرز عام طور پر ایران اور روس کے بارے میں تحقیق اور کام کرنے والوں کو نشانہ بناتے ہیں،اس نے ہیکنگ گروپوں کو اپنے اہداف کے تعاقب میں "بے رحم” قرار دیا۔

    این سی ایس سی جو کہ یو کے کی سائبر اور انٹیلیجنس ایجنسی GCHQ کا حصہ ہےاورسائبر سیکیورٹی کے مشورے دیتا ہےنے وضاحت کی کہ حملے عوام کو نہیں بلکہ مخصوص افراد اور گروہوں کو نشانہ بنا رہے تھے، جن میں سیاستدان، اہلکار، صحافی، کارکن اور تھنک ٹینکس شامل ہیں۔

    سینٹر کے سربراہ پال چیچسٹر نے کہا کہ یہ مہمات جو روس اور ایران میں مقیم لوگوں کی طرف سے چلائی جاتی ہیں، آن لائن ڈیٹا چوری کرنے اور ممکنہ طور پر حساس نظاموں سے نمٹنے کے لیے اپنے اہداف کو نشانہ بناتی ہیں۔

    صومالیہ: امریکی فورسز کے آپریشن میں سینیئر داعش کمانڈر 10 ساتھیوں سمیت ہلاک

    بیان میں خاص طور پر دو گروہوں کا حوالہ دیا گیا ہے۔ روس میں واقع "SEABORGIUM” اور ایران میں واقع "TE453” (TA453) سائبر گروپ سرگرم ہیں مگر دونوں دونوں کی مہمات الگ الگ ہیں، دونوں گروہ ایک جیسی تکنیک استعمال کرتے ہیں اور ایک جیسے مقاصد رکھتے ہیں۔

    اپنے بیان میں مرکز نے اشارہ کیا کہ سائبر حملے عام لوگوں کو نشانہ نہیں بناتے ہیں بلکہ مخصوص شعبوں، خاص طور پر تعلیم، دفاع، سرکاری تنظیموں، غیر سرکاری تنظیموں، تھنک ٹینکس، سیاست دانوں، صحافیوں اور سماجی کارکنوں کو نشانہ بناتے ہیں۔

    ہیکرز اعتماد پیدا کرنے کے لیے اکثر حقیقی رابطوں کا استعمال کرتے ہیں، اور نقصان دہ کوڈ پر مشتمل ایونٹس یا زوم میٹنگز میں جعلی دعوت نامے بھیجتے ہیں۔ اگر اس پر کلک کیا جاتا ہے، تو ان اکاؤنٹس سے ہیکر کو حساس معلومات تک رسائی حاصل ہو سکتی ہے۔

    پاکستان کی معیشت تباہی کے قریب پہنچ چکی ہے،امریکی اخبار