Baaghi TV

Author: Ayesha Rehmani

  • بھارت میں تیز ترفتار فائیو جی انٹرنیٹ سروس کا آغاز ہو گیا

    بھارت میں تیز ترفتار فائیو جی انٹرنیٹ سروس کا آغاز ہو گیا

    نئی دہلی: بھارتی وزیر اعظم نریندر مودی نے ملک میں تیز ترفتار فائیو جی انٹرنیٹ سروس کا افتتاح کر دیا۔

    باغی ٹی وی : بھارتی میڈیا کے مطابق بھارتی وزیر اعظم نے فائیو جی انٹرنیٹ سروس کا افتتاح نئی دہلی میں منعقد ہونے والے چھٹے انڈیا موبائل کانگریس 2022 کے موقع پر کیا اور آئندہ چند سالوں میں فائیو جی انٹرنیٹ سروس بھارت بھر میں فراہم کر دی جائے گی۔

    ٹیسلا کا تیار کردہ انسان نما روبوٹ متعارف

    وزیر اعظم نریندر مودی نے 5جی ٹیلی فونی خدمات کا آغاز اور انڈیا موبائل کانگریس کا افتتاح کرتے ہوئے کہا کہ اگرچہ سربراہی اجلاس عالمی تھا، لیکن اس کے پیچھے سوچنے کا عمل اور آواز یقینی طور پر مقامی تھی۔

    تقریب میں اپنے خطاب کے دوران،مودی نے کہا کہ جی 3 جی اور 4جی کے ساتھ، ہندوستان دیگر ممالک پر منحصر تھا۔ تاہم، 5جی کے ساتھ، ہندوستان نے ٹیلی کام ٹیکنالوجی میں عالمی معیار قائم کیا ہے۔

    بھارتی وزیر اعظم نے کہا کہ فائیو جی انٹرنیٹ معاشی مواقع اور معاشرے کو بہت سے فوائد کی فراہمی کا سبب بنے گا اور بھارتی معاشرے کے لیے تبدیلی کی قوت ثابت ہو گا۔

    انہوں نے کہا کہ یہ ملک کو ترقی کے راستے میں حائل روایتی رکاوٹوں کو عبور کرنے، کاروباری کمپنیوں، اسٹارٹ اپس میں جدت اور ڈیجیٹل انڈیا کے ویژن کے فروغ کا سبب بنے گا۔

    زیادہ تر ٹیلی کمیونیکیشن سروسز کے رول آؤٹ کی طرح، چند مہینوں میں مرحلہ وار رول آؤٹ دیکھیں گے، جس میں بہت سے نئے شہروں اور قصبوں کو 5جی سروسز تک رسائی حاصل ہوتی نظر آئے گی۔

    امریکا نے بھارتی کمپنی پر پابندی عائد کر دی

    بھارتی انٹرنیٹ کمپنی کے مطابق انٹرنیٹ فائیو جی سروس ملک کے13 شہروں میں فوری طور پر فراہم کر دی جائے گی جن شہروں میں 5 جی نیٹ ورک پہلے آئیں گے ان میں احمد آباد، بنگلورو، چندی گڑھ، چنئی، دہلی، گاندھی نگر، گروگرام، حیدرآباد، جام نگر، کولکتہ، لکھنؤ، ممبئی اور پونے شامل ہیں-

    ریلائنس انڈسٹریز کے چیئرمین اور ایشیا کے امیر ترین شخص مکیش امبانی کا کہنا ہے کہ جیو دسمبر 2023 تک دیہی علاقوں سمیت پورے ملک میں جی5 لائے گا یہ خوش کن ہے کیونکہ 5جی اگلی نسل کی کنیکٹیویٹی ٹیکنالوجی سے کہیں زیادہ ہے۔ یہ ایک بنیادی ٹیکنالوجی ہے

    موبائل کمپنیوں کے عالمی ادارے کی ایک رپورٹ کے مطابق 2023 سے 2040 کے دوران فائیو جی انٹرنیٹ سے بھارتی معیشت کو 455 ارب ڈالر کا فائدہ ہو گا۔

    موبائل کمیونیکیشن نیٹ ورکس کی اگلی نسل ہے 5 جی ، جس کے بارے میں سمجھا جاتا ہے کہ وہ 4 جی کے مقابلے میں بہت تیز رفتار اور وسیع استعمال کے معاملات پیش کرتا ہے۔

    اینٹی ڈپریسنٹ کا دیر پا استعمال قلبی امراض کے خطرات میں اضافہ کر سکتا ہے،تحقیق

  • ویمن ایشیا کپ میں پاکستانی ٹیم نے ملائیشیا کوہرادیا

    ویمن ایشیا کپ میں پاکستانی ٹیم نے ملائیشیا کوہرادیا

    سلہٹ: ویمن ایشیا کپ میں پاکستانی ٹیم نے ملائیشیا کوہرادیا-

    باغی ٹی وی : ملائیشیا ویمن ٹیم نے پاکستان کو 57 رنز کا ٹارگٹ دیا تھا لیکن پاکستان نے ایک وکٹ کے نقصان اور نویں اوور میں ہدف پورا کر لیاقومی ویمن کرکٹ ٹیم بسمہ معروف کی قیادت میں میدان میں اتری پاکستانی ٹیم نےٹاس جیت کر فیلڈنگ کا فیصلہ کیا پاکستان کی عمائمہ سہیل نے 3 وکٹیں حاصل کیں-

    پاکستان اور انگلینڈ کے درمیان ٹی ٹوئنٹ سیریز کا فیصلہ کن میچ آج کھیلا جائے گا

    ویمنز ایشیا کپ 23-2022 کے دلچسپ مقابلوں کا سلسلہ بنگلہ دیش میں جاری ہے جس میں میزبان ٹیم کے علاوہ پاکستان، بھارت، ملائیشیا، تھائی لینڈ، سری لنکا اور متحدہ عرب امارت کی ٹیمیں شریک ہیں۔

    انڈونیشیا:فٹبال میچ کے دوران ہنگامہ آرائی،129 افراد ہلاک ،سینکروں زخمی

    قومی ٹیم اپنا دوسرا میچ 3 اکتوبر کو بنگلہ دیش، تیسرا میچ 6 اکتوبر کو تھائی لینڈ، چوتھا میچ 7 اکتوبر کو روایتی حریف بھارت، پانچواں میچ 9 اکتوبر کو متحدہ عرب امارات جبکہ چھٹا اور آخری میچ 11 اکتوبر کو سری لنکا کے خلاف کھیلے گی 4 ٹاپ ٹیموں کے مابین سیمی فائنل مقابلے 13 اکتوبر جبکہ فائنل 15 اکتوبر کو کھیلا جائے گا۔

    فرسٹ کلاس کرکٹر دل کا دورہ پڑنے کے باعث وفات پاگئے

  • پنجاب حکومت نے 2 موبائل ہیلتھ یونٹ سندھ کے سیلاب متاثرہ علاقوں میں بھیج دیئے

    پنجاب حکومت نے 2 موبائل ہیلتھ یونٹ سندھ کے سیلاب متاثرہ علاقوں میں بھیج دیئے

    وزیراعلیٰ پنجاب چودھری پرویز الہٰی کا بین الصوبائی ہم آہنگی کے فروغ کیلئے اقدام،پنجاب حکومت نے 2موبائل ہیلتھ یونٹ سندھ کے سیلاب متاثرہ علاقوں میں بھیج دئیے-

    باغی ٹی وی: چودھری پرویز الہٰی نے کہا کہ محکمہ صحت پنجاب نے2 موبائل ہیلتھ یونٹ، میڈیکل ٹیمز اور ادویات روانہ کیا،پنجاب حکومت سیلاب متاثرین کے ساتھ کھڑی ہے،پہلے بھی 296 ڈاکٹرز، نرسز، ڈسپنسرز اور ادویات کے 9 ٹرک سندھ اور بلوچستان بھیجے-

    سانحہ ماڈل ٹاؤن،عدالتی احکامات کی روشنی میں جے آئی ٹی بنانے کا فیصلہ

    پرویز الہی نے کہا کہ پنجاب حکومت کے میڈیکل مشن نے متاثرہ علاقوں میں میڈیکل کیمپس لگائے،پنجاب بڑے بھائی کا کرداراحسن طریقے سے نبھا رہاہے،ہم مصیبت زدہ بھائیوں کی ضروریات کو پورا کرنےکےلیے حاضر ہیں ،سیاست سے بالا تر ہو کر دیگر صوبوں کے سیلاب متاثرین کی خدمت کر رہے ہیں-

    واضح رہے کہ سندھ کے کئی علاقوں سے سیلاب اور بارشوں کا پانی اب تک نہیں نکالا جا سکا جس کے باعث پیدا ہونے والی وبائی بیماریوں سے اموات کی تعداد میں مسلسل اضافہ ہو رہا ہے۔

    سیلاب اور بارشوں کے پانی کی وجہ سے پیدا ہونے والے وبائی امراض کا شکار ہوکر ضلع دادو میں مزید 3 سیلاب متاثرین انتقال کرگئے، ضلعے میں ایک ماہ کے دوران اموات کی تعداد 46 ہوگئی دادو میں وبائی امراض نےٹیکنیکل کالج دادو، میہڑ کے گاؤں دوست چانڈیو میں فلڈ پروٹیکٹیو بند اورگاؤں احمد چانڈیو میں مزید 3 افراد مخلتف بیماریوں سے انتقال کرگئے۔

    سندھ سے اغوا ہونیوالی لڑکی پنجاب سے بازیاب،ملزم گرفتار

    سانگھڑ اور مٹیاری میں جاں بحق افراد کی تعداد 26 جبکہ ضلع جام شورو میں اموات کی تعداد 44 تک پہنچ گئی ہے ، قمبر شہداد کوٹ میں 22 اور ٹنڈو الہیار میں 15 افراد جان کی بازی ہار چکے ہیں،سانگھڑ میں 4 ہزار 6 سو 72 متاثرین وبائی امراض میں مبتلا ہوئے ، اب تک 26 افراد انتقال کرچکے ہیں جبکہ مٹیاری میں 5 ہزار متاثرین وبائی امراض میں مبتلا ہیں، گیسٹرو اور ملیریا کے باعث 26 متاثرین انتقال کرگئے ہیں، قمبر میں حالیہ بارش اور سیلاب سے 6 خواتین سمیت 22 افراد جاں بحق ہوئے۔

    جامشورو ضلع کے محکمہ صحت کی جانب سے جاری کردہ سیلاب متاثرین کی اموات اور بیمارافراد کے اعداد و شمار کے مطابق ضلع میں سیلاب، بارش اور بیماریوں سے ہلاکتوں کی تعداد 44 جبکہ جولائی سے 28 ستمبرتک مختلف امراض میں مبتلا سیلاب متاثرین کی تعداد 98 ہزار 859 تک پہنچ گئی ہے۔

    ٹنڈوالہیار کی 26 یونین کونسلوں میں بارشوں کے باعث مختلف حادثات میں 15 افراد جاں بحق ہوئے۔ ضلعی انتظامیہ کے مطابق ضلع میں 26 ہزار 2 سو 37 گھروں کو جزوی نقصان پہنچا، 5 ہزار 2 سو 15 گھر مکمل تباہ ہوئے۔

    حکومت نے سیلاب کی تباہ کاریوں کے باعث اقوام متحدہ سے مزید 60 کروڑ ڈالر امداد کی…

    سندھ ہاری کمیٹی کی جانب سے میہڑ میں احتجاجی مظاہرہ کیا گیا، مظاہرین نے جوہی برانچ میں کالی موری پر لگائے گئے کٹ کو بند کرنے کا مطالبہ کرتے ہوئے کہا کہ ربیع کی سیزن ہے، زمینوں سے پانی نہیں نکلا تو گندم کی کاشت نہ ہو سکے گی۔

  • منظوروسان کی ملکی سیاسی صورتحال کےحوالےسےنئی پیشگوئیاں،کونسے مہینے زیادہ خطرناک؟

    منظوروسان کی ملکی سیاسی صورتحال کےحوالےسےنئی پیشگوئیاں،کونسے مہینے زیادہ خطرناک؟

    پاکستان پیپلز پارٹی کے رہنما منظور وسان نے ملکی سیاسی صورتحال کے حوالے سے نئی پیش گوئیاں کی ہیں۔

    باغی ٹی وی :پیپلز پارٹی کے رہنما منظور وساں جو اپنے خواب دیکھنے کے حوالے سے مشہور ہیں،انہوں نے دعویٰ کیا ہے کہ رواں سال اکتوبر اور نومبر کے مہینے بڑے خطرناک ہیں۔

    آڈیو لیکس، تحریک انصاف سپریم کورٹ پہنچ گئی

    پیپلز پارٹی رہنما منظور وسان نے کہا کہ ملک میں نئے انتخابات 2023 میں ہوں گے اور یہ بھی ہوسکتا ہے کہ انتخابات ایک سال کے لیے بڑھا دیئے جائیں، ملک میں جب بھی الیکشن ہوں فری اینڈ فیئر ہوں اور حکومت کی مدت بھی پوری ہو۔

    آڈیو لیک،عمران خان کیخلاف سخت کاروائی کی قرارداد اسمبلی میں جمع

    ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

    انہوں نے کہا کہ پرانے چہرے تھوڑا آرام کریں گے اور نئے چہرے جیلوں میں جائیں گے،کچھ خیرپور جیل میں بھی آئیں گے، ان کی خدمت میں کروں گا حکومت اور اسٹیبلشمنٹ دونوں متحرک ہوں گی، ملک میں اب بہت سارے راز بھی فاش ہوں گے-

    منظور وسان نے کہا کہ رواں سال اکتوبر، نومبر کے مہینے بڑے خطرناک ہیں،منظور وسان کا کہنا تھا پہلے ہی کہا تھا بہت سی آڈیوز اور ویڈیوز لیک ہوں گی جو سب دیکھ رہے ہیں۔

     مریم نواز نے عمران خان پر کڑی تنقید 

     اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

  • جج دھمکی کیس:عمران خان کی حفاظتی ضمانت کا تحریری حکم نامہ جاری

    جج دھمکی کیس:عمران خان کی حفاظتی ضمانت کا تحریری حکم نامہ جاری

    اسلام آباد :جج دھمکی کیس،اسام آباد ہائیکورٹ نے عمران خان کی حفاظتی ضمانت کا تحریری حکم نامہ جاری کر دیا-

    باغی ٹی وی: اسلام آباد ہائیکورٹ کے جسٹس محسن اختر کیانی نے حکم نامہ تحریر کیا،جس میں کہا گیا کہ 7اکتوبر تک عمران خان کی حفاظتی ضمانت منظور کی جاتی ہے،عمران خان7 اکتوبر تک متعلقہ عدالت میں پیش ہوں-

    اسلام آباد ہائیکورٹ کی جانب سے جاری کئے گئے تحریری حکمنامے کے مطابق 7اکتوبر کو اس عدالت کا فیصلہ غیر موثر ہو جائے گا، کی جاتی ہے-

    تحریری حکمنامے میں عدالت نے کہا کہ وکیل کےمطابق مجسٹریٹ نے بغیر نوٹس وارنٹ جاری کیے،وکیل کے مطابق عمران خان کیس کی پیروی کیلیے تیار ہیں،وکیل کے مطابق اس کیس میں لگی تمام دفعات قابل ضمانت ہیں-

    واضح رہے کہ اسلام آباد ہائیکورٹ نے جج دھمکی کیس میں پاکستان تحریک انصاف کے چئیرمین عمران خان کی عبوری ضمانت منظور کر لی ہے-

    اسلام آباد ہائی کورٹ نے پولیس کو عمران خان کی گرفتاری سے روک دیا اسلام آباد ہائیکورٹ کے جسٹس محسن اختر کیانی نے عبوری ضمانت منظور کی،عدالت نے عمران خان کی 10 ہزار روپے کے مچلکوں کے عوض ضمانت منظور کر تے ہوئے عمران خان کو جمعہ تک متعلقہ عدالت سے رجوع کا حکم دیا-

    عمران خان کی ضمانت قبل از گرفتاری کیلئے درخواست دائر،چھٹی کے روز عدالت کھل گئی

    چیئرمین تحریک انصاف عمران خان کی جانب سے وارنٹ گرفتاری کی منسوخی کے لیے درخواست دائر کردی گئی،عمران خان نے ڈاکٹر بابر اعوان کے ذریعے اسلام آباد ہائی کورٹ میں درخواست دائر کی ہے عمران خان کی جانب سے بائیو میٹرک سے استثنی کی درخواست بھی دائر کی گئی۔

    درخواست میں استدعا کی گئی تھی کہ عمران خان کے خلاف ابتدائی طور پر دہشت گردی کا مقدمہ بنایا گیا،ہائی کورٹ نے دہشت گردی کی دفعات ختم کیں تو کیس منتقل ہو گیا،انسداد دہشتگردی عدالت سے کیس منتقل ہونے پر ضمانت بھی مسترد ہو گئی،سیاسی مخالف حکومت نے بدنیتی کے تحت جھوٹا مقدمہ بنایا-

    محکمہ ریلوے نے ٹرینوں کی تمام کلاسوں کے کرایوں میں اضافہ کردیا

    درخواست میں موقف اختیار کیا گیا کہ مقدمے کا مقصد عمران خان کو گرفتار کر کے پرامن سیاسی تحریک کو روکنا ہے-

    عمران خان کے وکیل بابر اعوان نے کہا کہ لگتا ہے انہیں کسی نے اقتدار کی کرسی نہیں گرم توے پر بٹھا دیا ہے، مریم کے سرپرست تڑپ رہے ہیں، کوئی ایک ایسا جرم نہیں جہاں ان لوگوں نے کوئی پرچہ نہ کٹوایا ہو،ایک مسڈ کال جاتی ہے تو پورا پاکستان کھڑا ہوجاتا ہے، کل بھی یہی ہوا-

    بابر اعوان نے کہا کہ یہ وہ کیس ہے جس میں ہم نے پہلے ہی ضمانت لی ہوئی تھی،عمران خان کی گرفتاری کیلئے کل شام سے بہت سی کوشش کی گئی، یہ حکومت ملک میں خانہ جنگی کروانا چاہتی ہے-

    حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

    واضح رہے کہ گزشتہ روزاسلام آباد کی مقامی عدالت نے عمران خان کے خلاف خاتون جج کو دھمکی دینے کےکیس میں وارنٹ گرفتاری جاری کیے تھے۔

  • حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

    حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

    حکومت اور کسانوں کے درمیان مذاکرات میں ڈیڈ لاک برقرار،اسلام آباد میں کسانوں کا احتجاج پانچویں روز میں داخل ہو گیا-

    باغی ٹی وی : کسان اتحاد کا کہنا ہے کہ مطالبات کی منظوری تک احتجاج جاری رہے گا،کسان مہنگی بجلی، کھاد اور مہنگائی کے خلاف احتجاج کررہے ہیں کسان اتحاد نے وزیر داخلہ رانا ثنا اللہ پر بات چیت خراب کرنے کا الزام عائد کیا ہے-

    کسان اتحاد دھرنا؛ کسی گروہ کو بھی ریڈ زون میں احتجاج یا دھرنے کی اجازت نہیں. رانا…

    کسان اتحاد کے چیئرمین خالد باٹھ نے کہا کہ رانا ثنا اللہ کا رویہ پہلے جیسا نہیں تھا، رانا ثنا نے کہا کہ جو تیاری ہم نے عمران خان کے لیے کی ہے آپ پر نہ ہو جائے،وزیر اعظم نے پیر کو مسئلہ حل کرنے کی یقین دہانی کرائی ہے، پیر کو نوٹیفکیشن لے کر ہی جائیں گے۔

    وزیر داخلہ رانا ثنا نے کہا کہ ریڈ زون ریڈ لائن ہے، ریڈ زون کی طرف مارچ کرنے والوں کے خلاف قانون حرکت میں آئے گا،احتجاج اور دھرنا بلا جواز ہے کیونکہ ہم کسانوں کے جائز مطالبات مان رہے ہیں اور ٹیوب ویلز کے بلوں کی ادائیگی موخر کرنے کا مطالبہ تسلیم کیا جا چکا ہے-

    انہوں نے کہا تھا کہ زرعی ٹیوب ویل کے بجلی بلوں میں کمی کیلئے کابینہ کی قائم کمیٹی کام کر رہی ہے جبکہ حکومت کسانوں کے جائز مطالبات کو سنجیدہ لے رہی ہے. ان کا مزید کہنا تھا کہ؛ سوموار کو کمیٹی دوبارہ بیٹھے گی اور تمام تجاویز پر غور کرے گی-

    عمران خان کی ضمانت قبل از گرفتاری کیلئے درخواست دائر،چھٹی کے روز عدالت کھل گئی

    اسلام آباد پولیس نے الزام عائد کیا کہ مظاہرین درختوں سے شاخیں توڑ کرلاٹھیاں بنارہے ہیں اور پتھر بھی اکٹھے کرلئے ہیں اور ان مظاہرین کی قیادت چیئرمین خالد باٹھ اور جنرل سیکرٹری عمر امین کررہے ہیں۔ پولیس کا کہنا ہے کہ اگر مظاہرین نے پیش قدمی کی کوشش کی تو انہیں منتشر کرنے کے اقدامات کئے جائیں گے لہذا عورتوں اور بچوں سے گزارش ہے کہ اس طرف رخ نہ کریں۔

    کسان اتحاد کے رہنماء نے کہا تھا کہ رانا ثناء اللہ ہم آپ کی دھنکیوں سے ڈرنے والے نہیں‌ ہیں یاد رہے کہ اس سے قبل رانا ثناءاللہ نے دھمکی دی تھی کہ عمران خان کیلئے کی گئی تیاری کہیں‌ کسانوں پر نہ آزما دیں تاہم اس حوالے سے رہنماء کسان اتحاد کا کہنا تھا کہ رانا ثناء سے ملاقات ہوئی انہوں نے مزید وقت مانگ اور ان کا روایہ صحیح نہیں تھا.

    اس سے قبل تحریک انصاف کی خواتین رہنما دھرنے میں پہنچیں تو کسانوں نے احتجاج کو سیاسی نہ بنانے کی درخواست کی-

    محکمہ ریلوے نے ٹرینوں کی تمام کلاسوں کے کرایوں میں اضافہ کردیا

    واضح رہے کہ کسانوں نے زرعی زمینوں پر ہاؤسنگ اسکیمیں بنانے پر پابندی لگانے، سیلاب زدہ علاقوں میں کھاد، بیج اور ڈیزل مفت فراہم کرنے سمیت گندم کی قیمت چار ہزار روپے اور گنے کی چار سو روپے فی من مقرر کرنے کا مطالبہ کی خاطر اسلام آباد میں آج چوتھے روز بھی اپنا دھرنا جاری رکھا ہوا ہے. رہنما کسان اتحادنے مطالبہ کیا تھا کہ ہمارا احتجاج پرامن ہے، ہمیں کوئی جلدی نہیں، اپنا حق لے کر یہاں سے جائیں گے-

  • عمران خان کی ضمانت قبل از گرفتاری کیلئے درخواست دائر،چھٹی کے روز عدالت کھل گئی

    عمران خان کی ضمانت قبل از گرفتاری کیلئے درخواست دائر،چھٹی کے روز عدالت کھل گئی

    جج دھمکی کیس، عمران خان نے ضمانت قبل از گرفتاری کیلئےاسلام آباد ہائیکورٹ میں درخواست دائر کر دی-

    باغی ٹی وی : چیئرمین تحریک انصاف عمران خان کی جانب سے وارنٹ گرفتاری کی منسوخی کے لیے درخواست دائر کردی گئی،عمران خان نے ڈاکٹر بابر اعوان کے ذریعے اسلام آباد ہائی کورٹ میں درخواست دائر کی ہے عمران خان کی جانب سے بائیو میٹرک سے استثنی کی درخواست بھی دائر کی گئی۔


    جج دھمکی کیس میں عمران خان کے وارنٹ منسوخی کی درخواست بھی تیار کی گئی ہے۔ آج ہی جمع کروائے جانے کا امکان ہے۔

    گزشتہ روز خاتون جج کو دھمکی سے متعلق کیس میں عمران خان کے وارنٹ گرفتاری ہوئے تھے جس کے فوری بعد ملک کے مختلف شہروں میں پی ٹی آئی کارکنوں کی جانب سے احتجاج کیا گیا جبکہ پارٹی رہنماؤں نے عمران خان کو ریڈ لائن قرار دیتے ہوئے حکومت کو ان کی گرفتاری سے باز رہنے کا مشورہ دیا۔


    تاہم اب اطلاعات ہیں کہ اسلام آباد ہائیکورٹ آج چھٹی کے روزبھی کھل گئی ہے اور ہائیکورٹ ڈائری برانچ کا عملہ عدالت پہنچ گیا ہے ڈائری برانچ کے اسسٹنٹ رجسٹرار اسد خان ہائیکورٹ پہنچ گئے ہیں اور ذرائع کا بتانا ہے کہ عمران خان نے قبل از گرفتاری ضمانت کی درخواست دائر کردی ہے۔


    جسٹس محسن اختر کیانی اسلام آباد ہائیکورٹ پہنچ گئے ہیں،جسٹس محسن اختر کیانی کی جانب سے درخواست ضمانت پر سماعت کیے جانے کا امکان ہے-

  • محکمہ ریلوے نے ٹرینوں کی تمام کلاسوں کے کرایوں میں اضافہ کردیا

    محکمہ ریلوے نے ٹرینوں کی تمام کلاسوں کے کرایوں میں اضافہ کردیا

    لاہور: ریلوے حکام نے ٹرین آپریشن کی بحالی کے ساتھ ہی ٹرینوں کی تمام کلاسوں کے کرایوں میں اضافہ کردیا۔

    باغی ٹی وی : ریلوے انتظامیہ کی جانب سے جاری ہونے والے نوٹیفکیشن کے مطابق کراچی اور پشاور کے درمیان براستہ لاہور چلنے والی خیبر میل ٹرین کی اے سی سلیپر کلاس کا کرایہ 11000 اے سی بزنس کلاس کا کرایہ بڑھا کر8000 روپے اے سی سٹینڈرڈ کلاس کا کرایہ بڑھا کر7000 روپے اور اکانومی کلاس کا کرایہ بڑھا کر 3000 روپے کردیا گیا ہے۔

    لاہور سے براستہ فیصل آباد کراچی کے درمیان چلنے والی قراقرم ایکسپریس ٹرین کی اے سی بزنس کلاس کا کرایہ بڑھا کر7000 روپے کردیا گیا ہے اور قراقرم ٹرین کی اکانومی کلاس کا کرایہ 3000 روپے کیا گیا ہے۔

    کراچی ایکسپریس ٹرین کا لاہور اور کراچی کے درمیان اے سی سلیپر کلاس کا کرایہ بڑھا کر9000 روپے ا اے سی بزنس کلاس کا کرایہ بڑھا کر7000 روپےاے سی سٹینڈرڈ کلاس کا کرایہ بڑھا کر 5000 روپے اور اکانومی کلاس کا کرایہ بھی بڑھا کر 3000 روپے کردیا گیا ہے۔

    پشاورسےبراستہ راولپنڈی فیصل آباد کراچی کےدرمیان چلنےوالی رحمان بابا ایکسپریس ٹرین کی اےسی بزنس کلاس کا کرایہ بڑھا کر7000 روپے اے سی سٹینڈرڈ کلاس کا کرایہ بڑھا کر 5000 روپے اور اکانومی کلاس کا کرایہ بڑھا کر 3000 روپے کردیا گیا ہے۔

    لاہور اور کراچی کے درمیان براستہ ساہیوال چلنے والی پاک بزنس ایکسپریس ٹرین کی اے سی بزنس کلاس کا کرایہ بھی بڑھا کر7000 روپے اے سی سٹینڈرڈ کلاس کا کرایہ بڑھا کر 5000روپے اور اکانومی کلاس کا کرایہ بھی بڑھا کر 3000 روپے ہو گیا ہے۔

    تمام ٹرینوں کے تمام کلاسوں میں اضافہ کا اطلاق آج 2 اکتوبر سے ہو گیا ہے اس حوالے سے ملک بھر کے تمام ڈویژنل سپرنٹنڈنٹس اور ڈویژنل کمرشل آفیسر کو نوٹیفکیشن جاری کردیا گیا ہے تاکہ ان لائن اور ریلوے ریزرویشن دفاتر سے جن ٹرینوں کے کرایوں میں اضافہ کیا گیا ہے اسی مناسبت سے کرانے وصول کیے جائیں گے۔

  • انڈونیشیا:فٹبال میچ کے دوران ہنگامہ آرائی،129 افراد ہلاک ،سینکروں زخمی

    انڈونیشیا:فٹبال میچ کے دوران ہنگامہ آرائی،129 افراد ہلاک ،سینکروں زخمی

    انڈونیشیا میں فٹبال میچ کے دوران ہنگامہ آرائی میں کم از کم 129 افراد ہلاک اور سینکڑوں افراد زخمی ہو گئے۔

    باغی ٹی وی : میڈیا رپورٹ کے مطابق انڈونیشیا کے جزیرے جاوا کے شہر مالانگ میں دو مقامی ٹیموں کے درمیان فٹبال میچ جاری تھا ۔ میچ کے اختتام پر ہارنے والی ٹیم کے حامیوں کی ایک بڑی تعداد فٹبال گراونڈ میں داخل ہوگئی ۔

    پولیس نے مشتعل افراد کو روکنے کے لئے اسٹیڈیم کے اندر آنسو گیس کا استعمال کیا۔ جس کے بعد بھگدڑ مچ گئی اور متعدد افراد بے ہوش ہو گئے۔

    انڈونیشیا میں زلزلے کے شدید جھٹکے، 2 افراد ہلاک، 15 زخمی،درجنوں گھر تباہ

    ہلاک ہونے والوں میں بچے اور دو پولیس افسران بھی شامل ہیں۔ہنگامہ آرائی میں180 سے زائد افراد زخمی بھی ہوئے ہیں ۔ ہلاکتوں میں اضافے کا خدشہ ظاہر کیا جا رہا ہے۔

    انڈونیشیا کی وزارت صحت کے حکام کا کہنا ہے کہ زیادہ تر افراد کی موت سانس گھٹنے اور بھگدڑ مچنے کی وجہ سے ہوئی افسوسناک واقعے کے بعد انڈونیشین فٹبال لیگ میں ایک ہفتے کے لیے تمام میچز معطل کردیئے گئے ہیں۔

    فلوریڈا میں طوفان آئی این سے ہلاکتوں کی تعداد 77 ہو گئی

    گزشتہ روز انڈونیشیا کے جزیرے سماترا میں زلزلے کے شدید زلزلے کے باعث 2 افراد ہلاک، 15 زخمی اور درجن سے زائد گھر تباہ ہوگئے تھے ریکٹر اسکیل پر زلزلے کی شدت 5.9 ریکارڈ کی گئی امریکی جیولوجیکل سروے کے مطابق زلزلے کا مرکز جزیرے سماترا سے 43 کلومیٹر دور شمال مشرقی علاقے سائیبولگا میں 13 کلومیٹر کی گہرائی میں تھا۔

    برطانیہ میں کئی دہائیوں کی سب سے بڑی ریل ہڑتال،مسافروں کو شدید پریشانی کا سامنا

    امدادی کاموں کے دوران دو آفٹر شاکس زلزلے کے جھٹکے محسوس ہوئے جن کی شدت 5.0 تھی۔زلزلے میں 15 افراد زخمی ہوئے جن میں سے دو نے اسپتال پہنچ کر دم توڑ دیا جب کہ دیگر زخمیوں میں سے 4 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ 20 گھر بھی مکمل طور پر تباہ ہوگئے-

  • پاکستان اور انگلینڈ کے درمیان ٹی ٹوئنٹ سیریز کا فیصلہ کن میچ آج کھیلا جائے گا

    پاکستان اور انگلینڈ کے درمیان ٹی ٹوئنٹ سیریز کا فیصلہ کن میچ آج کھیلا جائے گا

    پاکستان انگلینڈ انٹرنیشنل ٹی ٹونٹی کرکٹ سیریز کا فائنل آج لاہور میں کھیلا جائے گا-

    باغی ٹی وی : پاکستان اور انگلینڈ کے درمیان ٹی ٹوئنٹی سیریز کا آخری اور فیصلہ کن میچ آج شام ساڑھے 7 بجے قذافی اسٹیڈیم لاہور میں کھیلاجائے گا۔

    پانچواں ٹی20:برطانوی بلے بازپاکستانی باولروں کے سامنے نہ ٹھہرسکے:پاکستان نے…

    7 میچوں پر مشتمل سیریز ابھی تک 3 ،3 سے برابرہے دونوں ٹیمیں آج سیریز کے فائنل معرکے میں جیت کے لیے پر عزم ہیں،ذرائع کے مطابق انگلینڈ کے خلاف سیریز کے اہم میچ میں پاکستانی ٹیم میں دنیا کے نمبر ایک بیٹر محمد رضوان، فاسٹ بولر محمد حسنین اور حارث رؤف کی واپسی ہوگی۔

    دوسری جانب انگلش ٹیم میں فاسٹ بولر کرس ووکس اور مارک ووڈ کی واپسی کا امکان ہے۔

    ابوظبی ٹی 10: محمد عامر بنگلہ ٹائیگرز کا حصہ بن گئے

    اس سے قبل کراچی میں کھیلے گئے ابتدائی 4 ٹی ٹوئنٹی میچوں میں سے پاکستان اور انگلینڈ کی ٹیموں نے دو دو میں کامیابی سمیٹی جبکہ لاہور میں کھیلے گئے 2 ٹی ٹوئنٹی میچوں میں دونوں ٹیموں نے ایک ایک میچ میں فتح حاصل کی۔

    دوسری جانب کھلاڑیوں کی حفاظت کے پیش نظر آخری میچ کیلئے سکیورٹی بڑھا دی گئی ہےایس پیز،ایس ڈی پی اوز، سمیت 11 ہزار سے زائدپولیس افسران اورجوان تعینات ہوں گے۔

    لاہور: لیسکوکا پاک انگلینڈ میچ کے دوران شہر میں بجلی کی بلا تعطل فراہمی کا اعلان