Author: Ayesha Rehmani

ایرانی انٹیلی جنس کے ادارے نے نو غیر ملکیوں کو گرفتار کر لیا ہے ان گرفتار کیے گئے غیر ملکیوں میں جرمنی، پولینڈ، فرانس، ہالینڈ اور سویڈن کے شہری شامل ہیں۔

باغی ٹی وی :ایران نے جمعہ کو کہا کہ کرد خاتون مہسا امینی کی ہلاکت کے بعد سڑکوں پر ہونے والے مظاہروں کے دوران نو غیر ملکیوں کو گرفتار کیا گیا، جب کہ گولیوں کی فائرنگ کے درمیان ملک بھر میں مظاہرے تیسرے ہفتے میں داخل ہو گئے۔

مظاہرین کی حمایت کیوں کی؟ سابق ایرانی صدر کی صاحبزادی کوگرفتار کرلیا گیا

ایران کی انٹیلی جنس وزارت نے کہا کہ جرمنی، پولینڈ، اٹلی، فرانس، نیدرلینڈز، سویڈن وغیرہ کے نو غیر ملکی شہریوں کو فسادات کے موقع پر یا اس کے اردگر سے گرفتار کیا گیا ان کے ساتھ 256 کالعدم اپوزیشن گروپوں کے ارکان بھی شامل ہیں۔

ایرانی انٹیلی جنس کے مطابق یہ غیر ملکی ایران میں بد امنی پھیلانے کے حالیہ واقعات میں ملوث پائے گئے ہیں اس وجہ سے انہیں گرفتار کیا گیا ہے۔

ایرنی حکام کا کہناہے کہ ایک ایرانی خاتون کی پولیس حراست کے دوران موت واقع ہونے کے بعد یہ لوگ یہ غیر ملکی افراد بد امنی کی سازش کرتے ہوئے پائے گئے۔ حالیہ ہنگاموں کے پیچھے ان کا کردار پایا گیا۔

اس لیے انہیں حراست میں لیا گیا ہے۔ تاہم فوری طور پر ان افراد کے نام ظاہر نہیں کیے گئے ہیں۔ یہ بھی نہیں بتایا گیا کہ ان غیر ملکی شہریوں کی گرفتاریاں کہاں سے کی گئی ہیں۔

ے حجاب خواتین جسم فروش اور فسادی ہیں:ایرانی رکن پارلیمان

ان مظاہروں کے خلاف کریک ڈاؤن میں درجنوں افراد مارے گئے جو اس وقت شروع ہوئے جب 22 سالہ امینی کی تہران میں اخلاقیات پولیس کی جانب سے خواتین کے لیے اسلامی جمہوریہ کے سخت لباس کوڈ کی مبینہ طور پر خلاف ورزی کے الزام میں گرفتاری کے تین دن بعد حراست میں موت ہو گئی۔

اس کے اہل خانہ نے کہا ہے کہ انہیں اطلاع ملی ہے کہ اسے حراست میں مارا پیٹا گیا تھا۔ پولیس کا کہنا ہے کہ امینی کی موت دل کا دورہ پڑنے سے ہوئی اور وہ اس کے ساتھ بدسلوکی کی تردید کرتے ہیں اور ایرانی حکام کا کہنا ہے کہ اس کی موت کی تحقیقات جاری ہیں ایران نے دعویٰ کیا ہے کہ گزشتہ دو ہفتوں سے ملک میں روزانہ ہونے والے مظاہروں کو غیر ملکیوں نے اکسایا تھا۔

ایران میں احتجاج :700سے زائد مظاہرین گرفتار، فیصلہ کن طریقےسےنمٹیں گے،ایرانی صدر…

افغان طالبان کا کہنا ہے کہ افغانستان کی سرزمین کوپاکستان سمیت کسی ملک کے خلاف استعمال نہیں کرنے دیں گےہماری سرزمین کسی بھی ملک کےخلاف استعمال ہوئی تو ذمہ دار کوگرفتارکرکےغداری کا مقدمہ چلائیں گے کیونکہ کالعدم ٹی ٹی پی گروپ کی جانب سے پوری دنیا کو انسداد دہشت گردی کی یقین دہانیوں پر شکوک و شبہات بڑھتے جا رہے ہیں۔

باغی ٹی وی : طالبان کے ترجمان ذبیح اللہ مجاہد نے اپنے کابل کے دفتر میں وائس آف امریکا کے ساتھ ایک انٹرویو میں یہ انتباہ جاری کیا، سرحد پار دہشت گردانہ حملوں میں حالیہ اضافے میں درجنوں پاکستانی سکیورٹی اہلکار شہید ہو چکے ہیں تازہ ترین حملہ جمعہ کو اس وقت ہوا جب “افغانستان کےاندر سے دہشت گردوں” نے پاکستانی فوجیوں پر فائرنگ کی، جس میں ایک فوجی شھید ہوا۔

کابل، سکول میں دھماکہ،19 افراد کی موت،27 زخمی

طالبان ترجمان ذبیح اللہ مجاہد نے کہا کہ کالعدم ٹی ٹی پی کو ایسی سرگرمیاں کرنے کی اجازت نہیں دیں گے، ٹی ٹی پی نے ہمیں یقین دلایا ہے کہ وہ کسی دوسرے ملک کو دھمکی نہیں دیں گے، افغانستان اور پاکستان سرحد پہاڑوں اور مُشکل علاقوں سے گزرتی ہے۔

ذبیح اللہ ،جاہد نےکہا کہ امریکہ اور اتحادی افواج کےانخلاء کے بعد طالبان کی واپسی نے دو دہائیوں سےجاری جنگ کا خاتمہ اور افغانستان کے بیشتر حصے میں امن قائم کر دیا ہے۔تاہم انہوں نے تسلیم کیا کہ سرحدی حفاظت طالبان فورسز کے لیےبدستور ایک چیلنج بنی ہوئی ہے۔

ایران کا عراقی کردستان پرڈرون حملہ، 13افراد ہلاک متعدد زخمی

انہوں نے کہا کہ افغانستان اور پاکستان کے درمیان پہاڑوں اور دشوار گزار علاقوں سے گزرنے والی ایک طویل (باؤنڈری) لائن ہے ۔ یہاں تک کہ ایسےحصے بھی ہیں جہاں ہماری افواج نےابھی تک قدم نہیں جمائے ہیں اورنہ ہی انہیں محفوظ بنانےکےلیےفضائی مدد کی ضرورت پڑی ہے۔

طالبان ترجمان نے مزید کہا کہ یہ ممکن ہے کہ کچھ لوگ ایسی صورتحال کا فائدہ اٹھا رہے ہوں، اور اگر ایسا ہے تو، یہ لوگ سب سےپہلے افغانستان کے خلاف بغاوت کے مرتکب ہو رہے ہیں کسی ملک کے خلاف افغانستا ن کی سرزمین استعمال کرنے پرایسے عناصر کو گرفتار کر کے سزا ملنی چاہیے-

مریخ پر پانی کی موجودگی کے نئے شواہد

انہوں نے کہا کہ ہماری طرف سے معاملہ سنجیدگی سے زیرغور ہے، پاکستان کو یقین دلاتے ہیں کہ ہماری سرزمین ان کے خلاف استعمال نہیں ہوگی، پاکستان کو بھی یقینی بنانا چاہیے کہ ان کی سرزمین ہمارے خلاف استعمال نہ ہو۔

امریکہ نے یوکرین کے چار مقبوضہ علاقوں سے الحاق کے خلاف روس پر سخت پابندیاں عائد کر دیں-

باغی ٹی وی : امریکی پابندیوں کے تحت روس کے سیکڑوں افراد اور کمپنیوں کو نشانہ بنایا گیا ہے۔ روسی ملٹری انڈسٹریل کمپلیکس اور قانون سازی کرنے والے ارکان بھی امریکی پابندیوں کی زد میں آگئے۔

روس کا یوکرین کے 4 خطوں کے ساتھ الحاق کا اعلان:یوکرین اورمغربی ممالک نے مسترد کردیا

امریکی وزیر خزانہ جنیٹ ییلن نے اعلان کیا ہے کہ روس کی طرف سے یوکرین کے چار علاقوں کو دھوکہ دہی کے ذریعے اپنا حصہ بنانے کے لیے کرائے گئے ریفرنڈم کو ہم نہیں مانتے اور اس روسی اقدام کے باعث روس کے خلاف مزید پابندیاں عائد کر دی گئی ہیں یہ پابندیاں روس سے باہر بھی ہر اس شخص پر بھی ہوں گی جو روس کو اس سلسلے میں تعاون فراہم کرے گا اور سیاسی یا معاشی مدد دے گا۔

We will not stand by as Putin fraudulently attempts to annex parts of Ukraine. The U.S. is taking sweeping action today to further weaken Russia’s already degraded military industrial complex and undermine its ability to wage its illegal war. https://t.co/m5MYw7uhqq

— Secretary Janet Yellen (Archived) (@SecYellen) September 30, 2022

وزیر خزانہ نے کہا کہ ان پابندیوں کا اطلاق روسی فوجی صنعتی کے 14 افراد، ان کے اہل خاندان اور سینئیر روسی حکام پر ہوگا، روسی قانون ساز ادارے کے 278 ارکان اور روسی مالیاتی شعبے کی تین اہم شخصیات پر یہ پابندیاں عائد ہوں گی-

پیوٹن اپنے کیے کا خیمازہ بھگتیں گے،جوبائیڈن کی روسی صدر کو وارننگ

امریکی وزیر خزانہ نے کہا ہے کہ ہم دھوکہ بازی کے ساتھ یوکرینی علاقوں کو روس میں شامل کرنے والے پیوٹن کے ساتھ کھڑے نہیں ہوں گےجس نے یوکرین کے علاقوں کو اپنے ساتھ ملانے کی کوشش کی ہے اس لیے ہم روسی فوجی صنعت کو مزید کمزور کرنے کے لیے یہ اعلان کر رہے ہیں۔

امریکی وزارت خزانہ کے ذیلی شعبے جو غیر ملکی اثاثوں کے کنٹرول کا ذمہ دار ہے روسی پارلیمنٹ کے دونوں ایوانوں کے 278 ارکان پر بھی پابندیوں کا اعلان کیا ہے ان میں ڈوما کے 109 ارکان جبکہ فیڈرل کونسل کے 169 ارکان بھی شامل ہیں اسی روسی سنٹرل بنک کے گورنر پر بھی پابندیاں عائد کی گئی ہیں۔

امریکی پابندیوں میں چینی کمپنی بھی آئی ہے امریکی حکام کا کہنا ہے کہ چینی کمپنی روس کی دفاعی صنعت کی مدد کر رہی تھی، حالانکہ امریکہ نے اس پر پابندیاں کر رکھی ہیں روسی نائب وزیر اعظم اور ان کے خاندان کے علاوہ روسی قومی سلامتی کونسل کے حکام پر بھی پابندیاں لگائی ہیں۔

ایرانی پاسدارانِ انقلاب کے سینیئر کمانڈر فائرنگ کے واقعے میں ہلاک

امریکا نے اعلان کیا ہے کہ وہ 910 روسی حکام اور افراد پر امریکی ویزوں کے حصول کے لیے پابندی لگا رہے ہیں۔ ان میں روسی فوجی حکام کے ، بیلا روس کے فوجی حکام اور تمام روسی پراکسیز کے ارکان بھی شامل ہیں۔

امریکی وزیر خارجہ انٹونی بلنکن نے کہا ہے کہ دھوکہ دہی سے یوکرین کی بین الاقوامی طور پر تسلیم شدہ سرحدوں کو تبدیل کرنے کی کوشش کو مسترد کرتے ہیں۔

دوسری جانب روس نے سلامتی کونسل میں پیش کی گئی یوکرینی علاقوں کے الحاق کے خلاف امریکہ کی قرارداد ویٹو کردی ہے۔

واضح رہے کہ روس کے صدر ولادیمیر پیوٹن نے یوکرین کے 4 علاقوں کو اپنے ملک کا حصہ بنانے کا اعلان کیا تھا۔یہ اعلان یوکرین کے ان خطوں میں ایک ریفرنڈم کے بعد کیا گیا جس کے نتائج میں دعویٰ کیا گیا تھا کہ 99 فیصد عوام روس کا حصہ بننے کے خواہشمند ہیں۔

روسی صدر نے اپنے خطاب میں کہا تھا کہ ڈونیٹسک،لوہانسک، خیرسون اور زاپورزیا علاقوں کے عوام اب ہمارے ہم وطن بن گئے ہیں۔

روس کے خلاف پابندیاں یورپی عوام کی غربت کا باعث بنی ہیں:ہنگری

جاپان کے عالمی شہرت یافتہ ریسلر اینو کی انتقال کر گئے، ریسلر اینو کی کچھ عرصے سے صحت خرابی کے باعث اسپتال میں داخل تھے۔

باغی ٹی وی : جاپانی میڈیا کے مطابق ریسلر اینوکی کچھ عرصے سے خرابی صحت کے سبب اسپتال میں داخل تھے جہاں وہ جانبر نہ ہوسکے اینوکی جاپانی عوام میں انتہائی مقبول تھے اور ان کی وفات پر حکومت اور عوام افسردہ ہیں۔

ایرانی پاسدارانِ انقلاب کے سینیئر کمانڈر فائرنگ کے واقعے میں ہلاک

انیو 20 فروری 1943 میں پیدا ہوئے، انہوں نے 1972 میں نیو جاپان پرو ریسلنگ کی بنیاد رکھی اور محمد علی کا مقابلہ کیا، 79 سالہ اینو عالمی شہرت یافتہ ریسلر محمد علی کے ساتھ اپنی فائٹ سے مشہور تھے۔

ریسلنگ کے بعد انہوں نے سیاست میں قدم رکھا اور 1989 میں جاپانی ہاؤس آف کونسلرز کے لیے منتخب ہوئے اینوکی اپنی وفات تک جاپانی رکن پارلیمنٹ تھے اور چار دفعہ رکن پارلیمنٹ رہے-

رپورٹس کے مطابق اینو نے عراق امریکا جنگ کے دوران صدام حسین سے ذاتی تعلقات کی بنا پر درجنوں جاپانی شہریوں کو رہائی بھی دلوائی تھی انہوں نے صدام حسین کی دعوت پر ہی اسلام قبول کیا جس کے بعد ان کا اسلامی نام محمد حسین اینوکی رکھا گیا تھا۔

اینوکی پاکستان اور پاکستانی عوام سے بہت محبت اور انسیت رکھتے تھے، 1979 میں پاکستانی جھارا پہلوان سےشکست کے بعد وہ پاکستان میں مقبول ہوئے تھے، اینوکی نےجھارا پہلوان کی وفات کےبعد ان کےبھتیجے کو جاپان میں اپنی نگرانی میں تربیت دی، اینوکی پاک بھارت امن کے فروغ کے لیے واہگہ بارڈر پر امن واک کرنا چاہتے تھے۔

اینوکی جاپان میں ریسلنگ کے سفیر بھی رہے اور اپنے دور میں انہوں نے روس اور چین جیسے مقامات پر بڑے ایونٹس کروائے، 1998 میں ان کا ریٹائرمنٹ میچ ٹوکیو ڈوم میں منعقد ہوا جہاں 70 ہزار سے زیادہ شائقین موجود تھے۔ انہیں 2010 میں WWE ہال آف فیم میں شامل کیا گیا۔

کراچی: منشیات کی سپلائی اور فروخت میں ملوث ملزمان کےخلاف کریک ڈاؤن:6 ملزمان گرفتار