Author: Ayesha Rehmani

نئی دہلی: بھارتی ٹی ٹوئنٹی کرکٹ ٹیم کے کپتان سوریا کمار یادیو نے بالی ووڈ اداکارہ خوشی مکھرجی کے خلاف ہتک عزت کا مقدمہ دائر کر دیا،جس میں انہوں نے 100 کروڑ روپے ہرجانے کا مطالبہ کیا ہے۔

انڈین میڈیا کے مطابق بھارتی کپتان سوریا کمار یادیو کی جانب سے قانونی کارروائی سوشل میڈیا پر وائرل ہونے والے ایک متنازع بیان کے بعد عمل میں لائی گئی جس میں خوشی مکھرجی نے دعویٰ کیا تھا کہ سوریا کمار یادیو انہیں ذاتی نوعیت کے پیغامات بھیجا کرتے تھے۔

سوریا کمار یادیو کی قانونی ٹیم نے ان الزامات کو مکمل طور پر جھوٹا، بے بنیاد اور بدنیتی پر مبنی قرار دے دیا انہوں نے کہا کہ ان دعوؤں کا مقصد کرکٹر کی ذاتی اور پیشہ ورانہ ساکھ کو نقصان پہنچانا ہے وکلا کے مطابق خوشی مکھرجی کے دعوؤں کے حق میں کوئی ٹھوس ثبوت موجود نہیں ہے۔

غزہ بورڈ آف پیس میں کون کونسے اراکین شامل ؟نام سامنے آگئے

قانونی ٹیم نے کہا کہ غیر مصدقہ اور من گھڑت الزامات کسی بھی عوامی شخصیت کی نجی زندگی اور کیریئر پر منفی اثرات مرتب کر سکتے ہیں اس لیے اس معاملے میں قانونی کارروائی ناگزیر ہو چکی ہےمشہور شخصیات کو نشانہ بنا کر بغیر شواہد الزامات لگانا نہ صرف غیر ذمہ دارانہ عمل ہے بلکہ اس سے عوام میں گمراہ کن تاثر بھی پھیلتا ہے جس کا سدباب ضروری ہے۔

دوسری جانب بالی ووڈ اداکارہ خوشی مکھر جی کی جانب سے تاحال مقدمے پر کوئی باضابطہ ردعمل سامنے نہیں آیا۔

کرکٹ کی تاریخ کا 253 سال پرانا ریکارڈ ٹوٹ گیا

وائٹ ہاؤس نے ٹرمپ کے منصوبے کے تحت غزہ بورڈ آف پیس کے ارکان کے ناموں کا اعلان کر دیا۔

وائٹ ہاؤس کے مطابق میجر جنرل جیسپر جیفرز کو عالمی استحکام فورس کا کمانڈر مقرر کیا گیا ہے ، وزیرخارجہ مارکو روبیو، ٹرمپ کے نمائندہ خصوصی اسٹیو وٹکوف اور امریکی صدر کے داماد جیرڈ کشنر بھی بورڈ آف پیس میں شامل ہیں۔

آریے لائٹ اسٹون اور جوش گرون بام بورڈ کے سینئر مشیر مقرر جبکہ نکولے ملادینوف کو بورڈ آف پیس کا ایگزیکٹو رکن مقرر کیا گیا ہے جو غزہ کے لیے نمائندہ اعلیٰ کے طور پر خدمات انجام دیں گےاس کے علاوہ برطانیہ کے سابق وزیراعظم ٹونی بلیئر کے ساتھ ساتھ مارک روون، اجے بنگا اور رابرٹ گیبریل بھی بورڈ آف پیس کا حصہ ہیں۔

کرکٹ کی تاریخ کا 253 سال پرانا ریکارڈ ٹوٹ گیا

غزہ میں ‘بورڈ آف پیس’ کا قیام ٹرمپ کے امن منصوبے کا حصہ ہے یہ بورڈ سکیورٹی، انسانی امداد اور تعمیر نو کے منصوبوں میں ہم آہنگی کو یقینی بنانے کے ساتھ فلسطینی اتھارٹی اور نظم و حکومت میں اصلاحات کی راہ بھی ہموار کرے گا۔

انڈر19 ورلڈکپ :بھارتی کپتان نے بنگلادیشی کپتان سے ہاتھ نہ ملایا

انڈر19 ورلڈ کپ میں بھی بھارتی کپتان نے ٹاس کے وقت بنگلا دیشی کپتان نے ہاتھ نہیں ملایا۔

آئی سی سی انڈر نائنٹین کرکٹ ورلڈ کپ کے میچ میں ٹاس کے موقع پر دونوں کپتانوں نے ہینڈ شیک نہیں کیا اور آئی سی سی کے ایونٹ میں پہلی بار یہ واقعہ ہوا ہےبنگلا دیش اور بھارت کے درمیان جاری کشیدگی اور پے در پے پیش آنے والے واقعات کا یہ تسلسل تھا –

بنگلا دیشی کھلاڑی مستفیض الرحمان کو آئی پی ایل فرنچائز کولکتہ نائٹ رائیڈرز سےباہر کرنے کا مطالبہ بھارت میں زور پکڑا تو کولکتہ نائٹ رائیڈرز نے مستفیض الرحمان کو ٹیم سے ریلیز کردیا،جواب میں بنگلا دیش کرکٹ بورڈ نے اپنی ٹیم بھارت بھیجنے سے انکار کردیا اور آئی سی سی سے نیوٹرل وینیو کا مطالبہ کردیا،آئی سی سی نے اس معاملے پر بات چیت کیلئے دو رکنی وفد بنگلا دیش بھیجنے کی تیاری کی تو بنگلا دیش کی حکومت نے پہلے تو وفد میں شامل بھارتی گورو سکسینا کو ویزہ جاری کرنے سے انکار کردیا پھر آمادگی ظاہر کردی۔

اوکاڑہ: پنجاب پولیس شہداء کے بچوں کی تعلیمی معاونت، لیپ ٹاپ تقسیم

پچھلے سال ایشیا کپ ٹی ٹوئنٹی میں پاکستان اور بھارت کے درمیان ہونے والے میچ کے موقع پر بھارتی کپتان سوریا کمار یادیو نے پاکستانی کپتان سلمان علی آغا سے ہاتھ نہیں ملایاپھر میچ کے بعد بھی یہی ہوا، کھلاڑیوں نے ہاتھ نہیں ملایا اس ایونٹ میں تین مرتبہ پاکستان اور بھارت آمنے سامنے آئے اور تینوں مرتبہ کپتانوں اور کھلاڑیوں نےا یک دوسرے سے ہاتھ نہیں ملایا رائزنگ اسٹار کے ایونٹ اور انڈر 19 ایشیا کپ کرکٹ میں بھی پاکستان اور بھارت کے کھلاڑیوں نے ہینڈ شیک نہیں کیا تھا جبکہ اس دوران دیگر کھیلوں میں پاکستان اور بھارتی کھلاڑی ایک دوسرے سے ہاتھ ملاتے رہے۔

ٹرمپ کا ترک صدر کو اہم خط