Author: Ayesha Rehmani

انڈونیشیا نے جنسی نوعیت کی اے آئی سے تیار کردہ تصاویر کے خدشات کے باعث ایلون مسک کے گروک چیٹ بوٹ تک رسائی عارضی طور پر بند کر دی ہے، جس کے بعد وہ اس ٹول پر پابندی لگانے والا دنیا کا پہلا ملک بن گیا ہے۔

روئٹرز کے مطابق یہ فیصلہ ایسے وقت میں کیا گیا ہے جب یورپ سے ایشیا تک مختلف حکومتیں اور ریگولیٹری ادارے گروک پر موجود جنسی نوعیت کے مواد کی مذمت کر چکے ہیں اور بعض نے اس حوالے سے تحقیقات بھی شروع کر دی ہیں۔

گروک بنانے والی کمپنی xAI نے جمعرات کو کہا تھا کہ وہ تصویر بنانے اور ایڈیٹنگ کی سہولت کو صرف ادائیگی کرنے والے صارفین تک محدود کر رہی ہے، تاکہ ان حفاظتی خامیوں کو دور کیا جا سکے جن کے باعث کم لباس بچوں سمیت جنسی نوعیت کا مواد سامنے آیا۔

روسی صدر کی یوکرین میں جدید ہتھیاروں کے استعمال کی تصدیق، مغربی ممالک کو سخت پیغام

انڈونیشیا کی وزیر برائے مواصلات و ڈیجیٹل امور میوتیا حافظ نے ایک بیان میں کہا کہ حکومت غیر رضامندی سے بنائے گئے جنسی ڈیپ فیک مواد کو انسانی حقوق، انسانی وقار اور ڈیجیٹل ماحول میں شہریوں کے تحفظ کی سنگین خلاف ورزی سمجھتی ہے،وزارت نے اس معاملے پر وضاحت کے لیے ایکس کے حکام کو طلب بھی کر لیا ہے ایلون مسک نے ایکس پر کہا کہ گروک کے ذریعے غیر قانونی مواد بنانے والے افراد کو وہی نتائج بھگتنا ہوں گے جو ایسے مواد کو اپ لوڈ کرنے پر ہوتے ہیں۔

تاہم روئٹرز کی جانب سے تبصرے کی درخواست پر xAI کی جانب سے ایک خودکار جواب موصول ہوا جس میں کہا گیا کہ ’’روایتی میڈیا جھوٹ بولتا ہے‘‘، جبکہ ایکس نے فوری طور پر کوئی ردعمل نہیں دیا۔

جنوبی وزیرستان میں خارجی دہشتگرد حملہ، جے یو آئی کے مولانا حافظ سلطان محمد شہید

واضح رہے کہ دنیا کی سب سے بڑی مسلم آبادی رکھنے والا انڈونیشیا آن لائن فحش یا غیر اخلاقی مواد کے خلاف سخت قوانین رکھتا ہے۔

آسٹریلیا کی جنوب مشرقی ریاستوں میں شدید جنگلاتی آگ نے بڑے پیمانے پر تباہی مچا دی ہے، جس کے نتیجے میں درجنوں گھروں کو نقصان پہنچا، ہزاروں افراد بجلی سے محروم ہو گئے اور لاکھوں ایکڑ رقبہ جل کر راکھ ہو گیا۔

خبر رساں ادارے روئٹرز کے مطابق وکٹوریا ریاست میں ہفتے کے روز ہزاروں فائر فائٹرز آگ پر قابو پانے کی کوششوں میں مصروف رہے، جہاں بدھ کے بعد سے شدید گرمی کی لہر کے دوران 3 لاکھ ہیکٹر سے زائد جنگلات جل چکے ہیں ہ ریاست بھر میں اب بھی 10 جگہیں بڑے پیمانے کی آگ کی لپیٹ میں ہیں۔

وکٹوریا سے ملحقہ نیو ساؤتھ ویلز میں بھی صورت حال تشویشناک ہے، جہاں سرحدی علاقوں کے قریب کئی مقامات پر آگ کو ہنگامی سطح قرار دیا گیا ہے فائر سروس کے مطابق درجہ حرارت 45 ڈگری سینٹی گریڈ تک پہنچ گیا، جس سے آگ کے پھیلاؤ کا خطرہ مزید بڑھ گیا۔

آسٹریلیا کی اپنے شہریوں کو ایران چھوڑنے کی ہدایت

حکام کے مطابق وکٹوریا میں اب تک 130 سے زائد عمارتیں، جن میں رہائشی مکانات بھی شامل ہیں، مکمل طور پر تباہ ہو چکی ہیں، جبکہ تقریباً 38 ہزار گھر اور کاروبار بجلی سے محروم ہیں یہ آگ 2019 اور 2020 کے بدنام زمانہ بلیک سمر بش فائرز کے بعد ریاست میں سب سے شدید آفت قرار دی جا رہی ہے، جن میں 33 افراد جان سے گئے تھے۔

وکٹوریا کی وزیر اعلیٰ جیسنٹا ایلن نے کہا کہ جہاں ممکن ہوا آگ پر قابو پایا جائے گا اور ہزاروں فائر فائٹرز میدان میں موجود ہیں، دوسری جانب وزیر اعظم انتھونی البانیز نے خبردار کیا کہ ملک کو انتہائی خطرناک فائر ویڈر کا سامنا ہے، خاص طور پر وکٹوریا میں جہاں کئی علاقے ڈیزاسٹر زون قرار دیے جا چکے ہیں۔

کراچی میں پہلے ڈیجیٹل ہیلتھ سینٹر کا افتتاح

میلبورن سے شمال کی جانب لانگ ووڈ کے قریب لگنے والی ایک بڑی آگ نے 1 لاکھ 30 ہزار ہیکٹر رقبہ جلا دیا ہے، جس سے 30 عمارتیں، انگور کے باغات اور زرعی زمین کو شدید نقصان پہنچا درجنوں دیہات خالی کرا لیے گئے ہیں اور متعدد قومی پارکس اور کیمپ گراؤنڈز بند کر دیے گئے ہیں۔

محکمہ موسمیات کے مطابق وکٹوریا کے بڑے حصوں میں ہیٹ ویو وارننگ جبکہ نیو ساؤتھ ویلز سمیت ملک کے کئی علاقوں میں فائر ویڈر الرٹ جاری ہےسڈنی میں درجہ حرارت 42.2 ڈگری سینٹی گریڈ ریکارڈ کیا گیا، جو جنوری کے اوسط درجہ حرارت سے 17 ڈگری زیادہ ہےتاہم پیش گوئی کی گئی ہے کہ ہفتے کے آخر میں موسم نسبتاً بہتر ہو سکتا ہے۔

سربراہ پاک فضائیہ کی عراقی ایئر چیف سے ملاقات

سڈنی: آسٹریلیا کی حکومت نے اپنے شہریوں کو ہدایت کی ہے کہ وہ ایران میں جاری پرتشدد مظاہروں اور غیر مستحکم سکیورٹی صورتحال کے باعث ایران چھوڑ دیں۔

بین لاقوامی خبر رساں ادارے کی رپورٹ کے مطابق حکومت کی جانب سے جاری کردہ تازہ ٹریول ایڈوائزری میں کہا گیا ہے کہ اگر کوئی آسٹریلوی شہری اس وقت ایران میں موجود ہے تو اسے فوراً واپسی کے انتظامات کرنے کی ضرورت ہےبیان میں خبردار کیا گیا کہ ایران میں جاری پرتشدد مظاہرے بغیر کسی پیشگی اطلاع کے مزید شدت اختیار کر سکتے ہیں اور مجموعی سکیورٹی صورتحال نہایت غیر یقینی ہے۔

واضح رہے کہ تہران میں آسٹریلوی سفارت خانے نے گزشتہ سال ایران اور اسرائیل کے درمیان کشیدگی کے دوران اپنی سرگرمیاں معطل کرنے کا اعلان کیا تھا۔

آسٹریلوی حکومت کے مطابق ایران میں آسٹریلوی شہریوں کو قونصلر مدد فراہم کرنے کی صلاحیت اس وقت انتہائی محدود ہےجاری کی گئی ایڈوائزری میں خبردار کیا گیا ہے کہ آسٹریلوی شہریوں، بالخصوص دوہری شہریت رکھنے والوں کو گرفتار کیا جا سکتا ہے۔

یہ احتجاج 28 دسمبر کو تہران میں تاجروں کی ہڑتال اور روزمرہ اشیائے ضروریہ کی بڑھتی قیمتوں کے خلاف غصے کے نتیجے میں شروع ہوا تھا، جو دیکھتے ہی دیکھتے ملک کے دیگر حصوں تک پھیل گیا۔ خاص طور پر مغربی علاقوں میں، جہاں کرد اور لور آبادی کی بڑی تعداد رہتی ہے، احتجاج زیادہ شدت کے ساتھ سامنے آیا ہے۔

یوکرین میں مقیم دو میڈیا اداروں نے دعویٰ کیا ہے کہ روس اسرائیل سے اپنے سفارتی عملے اور ان کے خاندان کے افراد کو "فوری بنیادوں پر” نکال رہا ہے۔

رپورٹ میں کہا گیا ہے کہ گزشتہ 24 گھنٹوں میں اس مقصد کے لیے تین پروازیں چلائی گئی ہیں، جس نے نئے سرے سے بحث چھیڑ دی ہےیوکرین کے مشہور میڈیا اداروں کیو پوسٹ اور یوکرین نیشنل نیوز (یو این این) نے اطلاع دی ہے کہ روس انخلاء کے اس عمل کو تیزی سے آگے بڑھا رہا ہے، انہوں نے دعوی کیا کہ اس طرح کی سرگرمی سے پتہ چلتا ہے کہ ماسکو کے پاس کچھ "اہم یا حساس معلومات” ہوسکتی ہیں۔

ڈیلی ایران نیوز کا حوالہ دیتے ہوئے، Kyiv پوسٹ اور UNN نے جمعرات (8 جنوری) کو اطلاع دی کہ اسرائیل میں روسی سفارت خانے کے عملے اور ان کے خاندان کے افراد کو فوری طور پر روس سے نکالا جا رہا ہے۔

یو این این نے رپورٹ کیا کہ گزشتہ 24 گھنٹوں میں یہ تیسری پرواز تھی جس کے ذریعے روس اپنے سفارتی عملے کو نکال رہا ہے۔ رپورٹ میں یہ بھی بتایا گیا ہے کہ پوری کارروائی کو منظم اور تیز رفتاری سے انجام دیا جا رہا ہے تاہم ان دعوؤں کی آزادانہ طور پر تصدیق نہیں ہو سکی ہے۔ روس اور اسرائیل نے اس معاملے پر سرکاری طور پر کوئی تبصرہ نہیں کیا ہے۔

امریکا کی ایران کیخلاف حملوں کی تیاری؟ جدید اور بھاری ہتھیاروں سے لیس امریکی فوجی طیارےمشرق وسطیٰ کی طرف روانہ

کیو پوسٹ نے اطلاع دی ہے کہ خیال کیا جاتا ہے کہ روسی سفارت خانے کے عملے اور ان کے اہل خانہ کا اسرائیل سے انخلاء منگل (6 جنوری) کو شروع ہو گیا ہے۔ اگرچہ رپورٹ میں یہ بھی تسلیم کیا گیا ہے کہ اس دعوے کی حمایت کے لیے ٹھوس شواہد بہت کم ہیں، یہ معلومات فلائٹ ٹریکنگ ڈیٹا پر مبنی تھیں تاہم اشاعت کے وقت روسی وزارت خارجہ یا کسی دوسرے سرکاری ذریعے سے اس معاملے کی تصدیق نہیں ہو سکی۔

پاکستان سپر لیگ کے 11ویں ایڈیشن کے ڈرافٹ کے حوالے سے اہم پیش رفت

واضح رہے کہ مشرق وسطیٰ کی صورتحال پر نظر رکھنے والے سوشل میڈیا ایکس کے چینل ڈیلی ایران نیوز نے بدھ کو سب سے پہلے یہ دعویٰ کیا تھا۔ انہوں نے فلائٹ ٹریکنگ سائٹ ‘ADS-B ایکسچینج’ کا اسکرین شاٹ شائع کیا اور کہا کہ گزشتہ 24 گھنٹوں میں اسرائیل میں روسی سفارتخانے کو خالی کرنے والی یہ تیسری پرواز تھی،تاہم اسرائیل میں روسی سفارت خانے یا روسی وزارت خارجہ کے کسی سرکاری چینل نے ایسا کوئی اعلان نہیں کیا ہے اسی طرح روس یا بڑے بین الاقوامی میڈیا اداروں کی طرف سے ابھی تک کسی بھی معلومات کی تصدیق نہیں کی گئی ہے۔

‎پاکستان اور انڈونیشیا میں تجارتی تعلقات کے فروغ پر اتفاق، مشترکہ تجارتی کمیٹی قائم کرنے کا فیصلہ

امریکہ کے جدید اور بھاری ہتھیاروں سے لیس فوجی طیاروں کی بڑی تعدادمشرق وسطیٰ کی طرف روانہ ہوچکی ہے جس کے بعد عالمی سطح پر کشیدگی میں اضافے کے خدشات ظاہر کیے جا رہے ہیں۔

رپورٹس کے مطابق چند گھنٹوں کے دوران امریکی فضائیہ کے درجنوں فضائی ایندھن بھرنے والے ٹینکر اور C-5 اور C-17 قسم کے بھاری ملٹری ٹرانسپورٹ طیارے امریکہ سے اور برطانیہ کے ایک امریکی ایئربیس سے مشرق وسطیٰ کی طرف روانہ ہو چکے ہیں مختلف ذرائع کے مطابق امریکہ ایران کے خلاف حملوں کی تیاری کر رہا ہے اور خطے میں افواج کی منتقلی کی جاری تحریک کو آگے بڑھا رہا ہے۔

دوسری جانب واشنگٹن میں صحافیوں سے گفتگو کرتے ہوئے صدر ٹرمپ نے خبردار کیا کہ اگر ایرانی حکام نے مظاہرین کے خلاف مہلک طاقت استعمال کی تو امریکا مدا خلت کر سکتا ہے، تاہم اس مداخلت میں زمینی فوج اتارنا شامل نہیں ہوگا، ایرانی حکومت نے برسوں اپنے عوام کے ساتھ برا سلوک کیا اور اب عوامی ردِ عمل کی صورت میں اس کی قیمت چکائی جا رہی ہے انہوں نے دعویٰ کیا کہ بعض ایرانی شہروں میں عوام نے کنٹرول حاصل کر لیا ہے، جو چند ہفتے قبل نا قابلِ تصور تھا، اگر ضرورت پڑی تو امریکا ایسے اقدامات کرے گا جو ایران کو وہاں ضرب لگائیں گے جہاں سب سے زیادہ اثر ہو، اور اس تمام صورتحال کو دنیا بہت قریب سے دیکھ رہی ہے۔

قبل ازیں برطانوی میڈیا کے مطابق امریکہ کے جدید اور بھاری ہتھیاروں سے لیس فوجی طیاروں کی بڑی تعداد حالیہ دنوں میں برطانیہ پہنچ گئی ہے، جس کے بعد عالمی سطح پر کشیدگی میں اضافے کے خدشات ظاہر کیے جا رہے ہیں۔

رپورٹس کے مطابق کم از کم دس C-17 گلوب ماسٹر فوجی ٹرانسپورٹ طیارے اور دو AC-130J گھوسٹ رائیڈر گن شپ طیارے رائل ایئر فورس کے مختلف اڈوں پر تعینات کیے گئے ہیں یہ طیارے بھاری اسلحہ، فوجی ساز وسامان اور دستوں کی منتقلی کی صلاحیت رکھتے ہیں۔

یہ پیش رفت مبینہ طور پر وینزویلا میں امریکی اسپیشل فورسز کی کارروائی کے بعد سامنے آئی ہے، جس کے بعد امریکہ نے برطانیہ میں اپنی فوجی فضائی موجودگی میں اضافہ کیا ہے۔ برطانوی میڈیا کا کہنا ہے کہ یہ اقدامات ممکنہ آئندہ فوجی کارروائیوں کی تیاری کے طور پر دیکھے جا رہے ہیں گلوسیسٹرشائر میں رائل ایئر فورس فیئر فورڈ اور سفوک میں آر اے ایف ملڈن ہال پر سیکیورٹی کے سخت انتظامات کیے گئے ہیں۔ یہ دونوں ہوائی اڈے رائل ایئر فورس اور امریکی افواج مشترکہ طور پر استعمال کرتی ہیں۔

دفاعی تجزیہ کاروں کا کہنا ہے کہ برطانیہ میں امریکی فوجی طیاروں کی بڑھتی ہوئی موجودگی کو مشرقِ وسطیٰ یا دیگر حساس خطوں میں ممکنہ آپریشنز سے جوڑا جا رہا ہے، تاہم اس حوالے سے کوئی باضابطہ تصدیق سامنے نہیں آئی۔

دوسری جانب برطانوی وزارتِ دفاع نے امریکی فوجی سرگرمیوں پر تبصرہ کرنے سے انکار کرتے ہوئے کہا ہے کہ وہ غیر ملکی افواج کی نقل و حرکت پر عمومی طور پر کوئی بیان جاری نہیں کرتی۔

ماہرین کے مطابق عالمی حالات کے تناظر میں یہ پیش رفت بین الاقوامی سیاست میں ایک اہم اشارہ سمجھی جا رہی ہے، تاہم صورتحال کی مکمل نوعیت آئندہ دنوں میں مزید واضح ہونے کا امکان ہے۔