Author: Ayesha Rehmani

واٹس ایپ صارفین کو نئے خطرناک سائبر فراڈ ’’گوسٹ پیئرنگ‘‘ کے بارے میں خبردار کیا جا رہا ہے-

تفصیلات کے مطابق ہیکرز واٹس ایپ کی منسلک ڈیوائسز کی خصوصیت کا ناجائز فائدہ اٹھا کر صارف کے پیغامات، تصاویر اور ویڈیوز تک مکمل رسائی حا صل کر لیتے ہیں، جس سے اکاؤنٹ پر مکمل قبضہ ممکن ہو جاتا ہے ہیکرز عام طور پر صارف کو ایک جعلی لنک بھیجتے ہیں جو کسی معروف ویب سائٹ کی طرح نظر آتا ہے، اگر صارف اس لنک پر جا کر اپنے موبائل نمبر اور تصدیقی کوڈ درج کرتا ہے، تو دراصل وہ اپنا واٹس ایپ اکاؤنٹ ہیکر کے آلے سے جوڑ دیتا ہے، اور ہیکر اسے مکمل کنٹرول حاصل کر لیتا ہے اس دوران صارف کو عام طور پر کوئی واضح اطلاع نہیں ملتی۔

اکاؤنٹ ہیک ہونے کے بعد کے خطرات:

۔ صارف کے نجی پیغامات پڑھ سکتا ہے، تصاویر، ویڈیوز اور وائس نوٹس ڈاؤن لوڈ کر سکتا ہے،صارف کی شناخت سے پیغامات بھیج سکتا ہے، پیغام رسانی کے ذریعے اسکیم کو صارف کے رابطوں تک پھیلا سکتا ہے

واٹس ایپ اکاؤنٹ کو محفوظ رکھنے کے لیے احتیاطی تدابیر:

1۔ منسلک ڈیوائسز کی باقاعدہ جانچ: واٹس ایپ کی سیٹنگز میں جا کر منسلک ڈیوائسز کو چیک کریں اور غیر معروف ڈیوائس کو فوری طور پر ہٹا دیں۔

2۔ دو مرحلوں کی تصدیق فعال کریں: واٹس ایپ کی سیٹنگز میں جا کر چھ ہندسوں والا شناختی کوڈ فعال کریں تاکہ غیر مجاز رسائی مشکل ہو جائے۔

3۔ مشکوک لنکس اور ویب سائٹس سے احتیاط: کسی بھی نامعلوم لنک یا ویب سائٹ پر اپنا نمبر یا کوڈ درج نہ کریں، چاہے پیغام آپ کے جاننے والے کی جانب سے ہی کیوں نہ آیا ہو۔ تصدیق کے لیے کال یا رابطہ کریں۔

ماہرین کا کہنا ہے کہ صارفین کو ہمیشہ محتاط رہنا چاہیے، کسی بھی تصدیقی کوڈ یا کوڈ کیو آر اسکین کی درخواست پر محتاط رہیں، اور واٹس ایپ کی حفاظتی خصو صیا ت جیسے دو مرحلوں کی تصدیق اور منسلک ڈیوائسز کی نگرانی کو باقاعدہ استعمال کریں تاکہ ایسے سائبر حملوں اور فراڈ سے محفوظ رہا جا سکے۔

ایران میں بڑھتی ہوئی مہنگائی اور مسلسل احتجاجی مظاہروں کے تناظر میں حکومت نے عوام کو ریلیف دینے کے لیے ماہانہ الاؤنس فراہم کرنے کا اعلان کر دیا ہے۔

میڈیا رپورٹس کے مطابق ایرانی حکومت کا کہنا ہے کہ اس اقدام کا مقصد شہریوں پر بڑھتے ہوئے معاشی دباؤ کو کم کرنا اور روزمرہ ضروریات کی خریداری میں مدد فراہم کرنا ہے ایرانی حکومت کی ترجمان فاطمہ مہاجرانی نے سرکاری ٹیلی ویژن پر ایک بیان میں بتایا کہ ہر ایرانی شہری کو ماہانہ 10 لاکھ تومان دیے جائیں گے، جو تقریباً سات امریکی ڈالر کے برابر ہیں یہ رقم مسلسل چار ماہ تک شہریوں کے بینک اکاؤنٹس میں منتقل کی جائے گی الاؤنس کی فراہمی بلا تفریق تمام شہریوں کے لیے ہو گی تاکہ زیادہ سے زیادہ افراد اس سے فائدہ اٹھا سکیں۔

فاطمہ مہاجرانی نے مزید کہا کہ حکومت کو عوام کو درپیش مشکلات کا ادراک ہے اور موجودہ حالات میں فوری ریلیف دینا ناگزیر ہو چکا تھا۔ ان کا کہنا تھا کہ اس رقم کے ذریعے شہری اشیائے ضروریہ خرید سکیں گے اور مہنگائی کے اثرات کسی حد تک کم ہوں گے۔

امریکی نائب صدر کے گھر پر حملہ، سیکیورٹی سخت

واضح رہے کہ ایران اس وقت شدید معاشی بحران کا شکار ہے جوہری پروگرام کے باعث امریکا اور دیگر مغربی ممالک کی جانب سے عائد پابندیوں نے ایرانی معیشت کو بری طرح متاثر کیا ہے سرکاری اعداد و شمار کے مطابق دسمبر میں مہنگائی کی شرح 52 فیصد تک پہنچ گئی تھی، جس کے بعد عوامی بے چینی میں نمایاں اضافہ دیکھنے میں آیا۔

مہنگائی، بے روزگاری اور معاشی غیر یقینی صورتحال کے خلاف شروع ہونے والے احتجاجی مظاہرے اتوار کو آٹھویں روز میں داخل ہو گئے رپورٹس کے مطابق یہ مظاہرے ملک کے 40 مختلف شہروں تک پھیل چکے ہیں، جن میں زیادہ تر مغربی علاقوں میں درمیانے درجے کے احتجاج ریکارڈ کیے گئے۔

پی ایس ایل کی 2 نئی ٹیموں کیلئے سب سے پہلے بولی لگانے والےخریدار کون؟

امریکی نائب صدر جے ڈی وینس کے اوہائیو میں واقع نجی گھرپر نامعلوم شخص نے حملہ کر دیا۔

امریکی میڈیا کےمطابق اوہائیوو میں نائب امریکی صدر جے ڈی وینس کےگھر پر نامعلو م شخص نےتوڑ پھوڑ کی تاہم توڑ پھوڑ کرنیوالا شخص گھر کے اندر داخل ہونے میں ناکام رہا،واقعے کے بعد سیکیورٹی سروس نے ایک مشتبہ شخص کو حراست میں لے لیا ہے اور واقعے کی تحقیقات شروع کردی گئی ہیں، وا قعہ اس وقت پیش آیا جب جے ڈی وینس اوران کے اہل خانہ گھرپرموجود نہیں تھے، جس کے باعث کسی جانی نقصان کی اطلاع نہیں ملی،تاہم واقعے کی وائرل تصاویر میں رہائش گاہ کی ٹوٹی کھڑکیاں واضح نظر آرہی ہیں۔

ابتدائی اطلاعات کے مطابق نائب امریکی صدرکی رہائشگاہ کی کھڑکیوں کو نقصان پہنچا ہے جبکہ دیگرحصوں کا بھی جائزہ لیا جا رہا ہے،سیکیورٹ سروس کے حکام کا کہنا ہے کہ واقعے کی نوعیت جاننے کے لیے شواہد اکٹھے کیے جا رہے ہیں اور علاقے کی سیکیورٹی مزید سخت کر دی گئی ہے،جبکہ زیر حراست ملزم سے تفتیش کی جارہی ہے۔

پی ایس ایل کی 2 نئی ٹیموں کیلئے سب سے پہلے بولی لگانے والےخریدار کون؟

امریکی میڈیا کے مطابق حکام اس بات کا تعین کر رہے ہیں کہ یہ واقعہ انفرادی کارروائی تھا یا اس کے پیچھے کوئی منظم منصوبہ موجود تھا، تاہم مکمل تحقیقات کے بعد ہی کوئی نتیجہ اخذ کیا جا سکے گا۔

واضح رہے کہ نائب صدر جے ڈی وینس نے صدر ٹرمپ کے ہمراہ وینزویلا میں ہونے والی امریکی فوجی کارروائی کی براہ راست نگرانی کی اور اس کے بعد واپس آئے تھے۔

عدالت کا علی امین گنڈاپور کیخلاف کل اخبارات میں اشتہارات دینے کا حکم